spot_img
Home Blog Page 5614

ସିଡ଼ିଏସ୍ ଏବଂ ବାୟୁସେନା ମୁଖ୍ୟଙ୍କ ଭିତରେ ମତପ୍ରାର୍ଥକ୍ୟ, ଏମିତି କହିଲେ ଭଦୌରିଆ

ନୂଆଦିଲ୍ଲୀ: ଇଣ୍ଟିଗ୍ରେଟେଡ ଥିଏଟର କମାଣ୍ଡସକୁ ନେଇ ବିବାଦ । ଚିଫ ଅଫ ଡିଫେନ୍ସ ଷ୍ଟାଫ ଓ ବାୟୁସେନା ମଧ୍ୟରେ ମତପାର୍ଥକ୍ୟ । ସିଡିଏସ ଜେନରାଲ ବିପିନ ରାଓ୍ବତଙ୍କ ମନ୍ତବ୍ୟରେ ନାରାଜ ବାୟୁସେନା ମୁଖ୍ୟ ଏୟାର ଚିଫ୍ ମାର୍ଶାଲ ଆର.କେ. ଏସ. ଭଦୌରିଆ । ବାୟୁସେନା ଏକ ସହାୟକ ବାହିନୀ ବା ସପୋର୍ଟ ଆର୍ମ ବୋଲି ଜେନେରାଲ ରାଓ୍ବତ କହିବା ପରେ ଏହାକୁ ଗ୍ରହଣ କରିବାକୁ ନାରାଜ ଭଦୌରିଆ । କହିଛନ୍ତି ବାୟୁସେନା ଏକ ସହାୟକ ସଂଗଠନ ନୁହେଁ । ଏହାର ଭୂମିକା ବିଶାଳ । ଗ୍ଲୋବାଲ କାଉଣ୍ଟର ଟେରରିଜିମ୍ କାଉନସିଲର ଏକ ସମ୍ମିଳନୀରେ ଜେନରାଲ ରାଓ୍ବତ କହିଥିଲେ, ସ୍ଥଳସେନାକୁ ବାୟୁସେନା ସହାୟତା କରିଥାଏ ଏବଂ ସୈନ୍ୟବାହିନୀ ଲାଗି ବାୟୁସେନା ଏକ ସହାୟକ ବାହିନୀ ଭାବେ କାର୍ଯ୍ୟ କରିଥାଏ ।

ବାୟୁସେନାର ଏୟାର ଡିଫେନ୍ସ ସିଷ୍ଟମ ସ୍ଥଳ ସେନା ଲାଗି ସହାୟକ ହୋଇଥାଏ । ସେପଟେ ସେହି ସମ୍ମିଳନୀରେ ଯୋଗ ଦେଇଥିବା ମାର୍ଶାଲ ଭଦୌରିଆ ଏହି ବିବୃତିକୁ ସମାଲୋଚନା କରିଛନ୍ତି । ସମନ୍ବିତ ଯୁଦ୍ଧ କ୍ଷେତ୍ରରେ ବାୟୁସେନା ପ୍ରମୁଖ ଭୂମିକା ଗ୍ରହଣ କରେ ବୋଲି କହିଛନ୍ତି ବାୟୁସେନା ମୁଖ୍ୟ । ବିଭିନ୍ନ ସାମରିକ ସଂଘାତର ପ୍ରକୃତି ଓ ପ୍ରକ୍ରିୟା ବଦଳୁଥିବାରୁ ପ୍ରତିରକ୍ଷା ବ୍ୟବସ୍ଥାର ମଧ୍ୟ ପରିବର୍ତ୍ତନ ଉପରେ ଗୁରୁତ୍ବ ଦେଇଛନ୍ତା ଜେନରାଲ ରାଓ୍ବତ । ଇଣ୍ଟିଗ୍ରେଟେଡ ଥିଏଟର କମାଣ୍ଡସ ପ୍ରସ୍ତାବ ଅନୁସାରେ ଏକ ମାରିଟାଇମ ଥିଏଟର କମାଣ୍ଡସ, ଏକ ଏୟାର ଡିଫେନ୍ସ କମାଣ୍ଡ ଓ ପଶ୍ଚିମାଞ୍ଚଳ ସୀମାନ୍ତ ସକାଶେ ତିନିଟି କମାଣ୍ଡ ଓ ଜାମ୍ମୁ କାଶ୍ମୀର ଲାଗି ଏକ କମାଣ୍ଡ ଗଠନ ହେବ ।

ଏ ସମସ୍ତ କମାଣ୍ଡ ସିଡିଏସଙ୍କ ନିକଟରେ ଉତ୍ତରଦାୟୀ ରହିବେ । ଏହା ସହ ଦେଶର ଏୟାରସ୍ପେସ ବ୍ୟବସ୍ଥାକୁ ଏହି କମାଣ୍ଡ ପରିଚାଳନା କରିବ । ବାୟୁସେନାଙ୍କୁ ଯଦି ବିଭକ୍ତ କରିଦିଆଯାଏ ତେବେ ଏହାର ସମସ୍ତ ଆସେଟ ବି ବିଭକ୍ତ ହେବ । ଥିଏଟର କମାଣ୍ଡସ ପ୍ରସ୍ତାବ ଅନୁସାରେ ସେନା, ନୌସେନା ଓ ବାୟୁସେନାର ଭିନ୍ନ ଭିନ୍ନ ୟୁନିଟ ରହିବ ଯାହାକି ନିର୍ଦ୍ଦିଷ୍ଟ ଭୌଗଳିକ ସମୀନ୍ତରେ କାର୍ଯ୍ୟକ୍ଷମ ହେବ । ବର୍ତ୍ତମାନ ତିନି ବାହିନୀର ୧୭ଟି କମାଣ୍ଡ ରହିଛି । ସେନାର ୭ଟି, ବାୟୁସେନାର ୭ଟି ଓ ନୌସେନାର ୩ଟି କମାଣ୍ଡ ରହିଛି । ତିନି ବାହିନୀ ମଧ୍ୟରେ ସମନ୍ବୟ ଆଣିବା ଲାଗି ଗତ ବର୍ଷ ପ୍ରତିରକ୍ଷା ବାହିନୀ ମୁଖ୍ୟ ଭାବେ ଦାୟିତ୍ବ ନେଇଥିଲେ ଜେନରାଲ ରାଓ୍ବତ ।

କେବଳ ସେବାୟତ ଛୁଇଁବେ ରଥ ଓ ରଥ ଡଉଡ଼ି, ଦକ୍ଷିଣ ମୋଡବେଳେ ନିୟୋଜିତ ହେବେ ପୋଲିସ

ପୁରୀ: ଚଳିତବର୍ଷର ରଥଯାତ୍ରାକୁ ନେଇ ଶ୍ରୀମନ୍ଦିର ପ୍ରଶାସକ କ୍ରିଷନ କୁମାର ଦେଲେ ବିସ୍ତୃତ ସୂଚନା  । ଛତିଶା ନିଯୋଗ ବୈଠକରେ ହୋଇଥିବା ଗୁରୁତ୍ୱପୂର୍ଣ୍ଣ ନିଷ୍ପତ୍ତିକୁ ନେଇ ସାମ୍ବାଦିକ ସମ୍ମିଳନୀରେ ଦେଲେ ସୂଚନା  । ଶ୍ରୀମନ୍ଦିର ପ୍ରଶାସକଙ୍କ ସୂଚନା ଅନୁଯାୟୀ ଗତବର୍ଷ ଭଳି ଏବର୍ଷ ମଧ୍ୟ ସେବାୟତ ଟାଣିବେ ରଥ  । ଦକ୍ଷିଣ ମୋଡ ପାଇଁ ନିୟୋଜିତ ହେବେ ପୋଲିସ ବାହିନୀ  । ରଥଯାତ୍ରା ପୂର୍ବରୁ ପ୍ରଶାସନିକ କର୍ମଚାରୀ ଓ ସେବାୟତଙ୍କ କୋଭିଡ ଟେଷ୍ଟ କରାଯିବ  । ଏବଂ ରଥଯାତ୍ରା ସମୟରେ ପ୍ରଶାସନ ପକ୍ଷରୁ ସାନିଟାଇଜର ଓ ଗାମୁଛା ବ୍ୟବସ୍ଥା କରାଯିବ ବୋଲି କହିଛନ୍ତି ଶ୍ରୀମନ୍ଦିର ପ୍ରଶାସକ କ୍ରିଷନ କୁମାର  ।

ସେହିପରି ଚଳିତ ବର୍ଷ ରଥଯାତ୍ରାରେ ସେବାୟତଙ୍କ ବ୍ୟତୀତ ଅନ୍ୟ କେହି ରଥ କିମ୍ବା ରଥ ଡଉଡ଼ି ଛୁଇଁ ପାରିବେ ନାହିଁ  ।  ବଡଦାଣ୍ଡ ଓ ସିଂହଦ୍ବାରରେ ସେବାୟତଙ୍କ ପାଇଁ ବିଶ୍ରାମ ବ୍ୟବସ୍ଥା କରାଯିବ  । ଏବଂ ରଥରେ ନିୟୋଜିତ ସେବାୟତଙ୍କ ପ୍ରଶାସନ ପକ୍ଷରୁ ସ୍ୱତନ୍ତ୍ର ସ୍ୱାସ୍ଥ୍ୟ ବ୍ୟବସ୍ଥା କରାଯି  । ଏବଂ ରଥ ଉପରେ କମ୍‌ ସଂଖ୍ୟକ ସେବାୟତଙ୍କୁ ନିୟୋଜିତ କରାଯିବା ନେଇ ସୂଚନା ଦେଇଛନ୍ତି  ଶ୍ରୀମନ୍ଦିର ପ୍ରଶାସକ କ୍ରିଷନ କୁମାର  ।

ଅମୀର-କିରଣ ବିଛେଦ: ସୋସିଆଲ ମିଡିଆରେ #Fatima, କ’ଣ କହିଲେ ୟୁଜର ?

ମୁମ୍ବାଇ: ଷ୍ଟାର ଦମ୍ପତ୍ତିଙ୍କ କଳହ କିଛି ନୂଆ କଥା ନୁହେଁ  । ଇଣ୍ଡଷ୍ଟ୍ରୀରେ ଏମିତି ଅନେକ ଷ୍ଟାର ଅଛନ୍ତି ଯେଉଁମାନେ ଜଣଙ୍କୁ ପ୍ରେମ ପୁଣି ଜଣଙ୍କୁ ବିବାହ କରିଛନ୍ତି  । କିନ୍ତୁ ଅମିର ଏବଂ କିରଣ  ପ୍ରେମ କାହାଣୀ କିଛି ନୂଆ ଥିଲା   । ଯେଉଁଥିପାଇଁ ଆଜି ଯେତେବେଳେ ବିଛେଦ କଥା ଉଠୁଛି  । ସେତେବେଳେ ସାଧାରଣ ଦର୍ଶକ କିମ୍ବା ଲୋକଙ୍କ ପ୍ରଶ୍ନ ଉଠିବା ସ୍ୱଭାବିକ  । ଆଉ ଏଭଳି ସମୟରେ ସୋସିଆଲ ମିଡିଆରେ ଲୋକେ କିଛି ଭିନ୍ନ ସନ୍ଦେଶ ଦେଇ ଟୁପୁରୁ ଟାପୁରୁ ହେବା ଆରମ୍ଭ କଲେଣି  ।

https://twitter.com/rrrssstttuuu/status/1411222913764655109?ref_src=twsrc%5Etfw%7Ctwcamp%5Etweetembed%7Ctwterm%5E1411222913764655109%7Ctwgr%5E%7Ctwcon%5Es1_&ref_url=https%3A%2F%2Fnavbharattimes.indiatimes.com%2Fmovie-masti%2Fnews-from-bollywood%2Fwhy-is-fatima-sana-shaikh-trending-on-aamir-khan-and-kiran-rao-divorce%2Farticleshow%2F84090217.cms

ଫିଲ୍ମ ଲଗାନ ସେଟରୁ ପ୍ରେମ ଆରମ୍ଭ ହୋଇଥିବାବେଳେ ୨୦୦୫ ମସିହାରେ ଏହା ବାସ୍ତବରେ ପରିଣତ ହୋଇଥିଲା  । ଏହାରି ଭିତରେ ଉଭୟଙ୍କ ବୈବାହିକ ସମ୍ପର୍କକୁ ୨୦ ବର୍ଷ ବିତି ସାରିଛି  । କିନ୍ତୁ ହଠାତ ୨୦ ବର୍ଷ ପରେ ସମ୍ପର୍କରେ ବୋହୁଥିବା ଝଡ଼କୁ ନେଇ ବେସ ଚର୍ଚ୍ଚା ସୃଷ୍ଟି ହୋଇଛି  । କାହିଁକି ଏବଂ କଣ ପାଇଁ ଏହି ଶ୍ଟାର ଦମ୍ପତ୍ତି ଏବେ ଅଲଗା ହୋଇଯିବାକୁ ଇଛା ପ୍ରକାଶ କରିଛନ୍ତି, ତାହା ସମସ୍ତଙ୍କୁ ଆନ୍ଦୋଳିତ କରିଛି  ।

https://twitter.com/AnshuBiswas3/status/1411214968737865728?ref_src=twsrc%5Etfw%7Ctwcamp%5Etweetembed%7Ctwterm%5E1411214968737865728%7Ctwgr%5E%7Ctwcon%5Es1_&ref_url=https%3A%2F%2Fnavbharattimes.indiatimes.com%2Fmovie-masti%2Fnews-from-bollywood%2Fwhy-is-fatima-sana-shaikh-trending-on-aamir-khan-and-kiran-rao-divorce%2Farticleshow%2F84090217.cms

ଅମୀର ଖାନ୍ ଏବଂ କିରଣ ରାଓଙ୍କ ମଧ୍ୟରେ ବିବାହ ବିଛେଦ ଖବର  ଜଣାପଡ଼ିବା ପରେ ସୋସିଆଲମ ମିଡ଼ିଆ ଉଠୁଛି ପଡ଼ୁଛି  । କିଛି ସୋସିଆଲ ମିଡିଆ ୟୁଜର୍ସ ଏହାକୁ ନେଇ ମିମ୍ସ ମଧ୍ୟ ତିଆରି କରିବା ଆରମ୍ଭ କରିସାରିଲାଣି  । ବିଶେଯ କରି ଟ୍ୱିଟରରେ ଟ୍ରେଣ୍ଡ କରୁଥିବା ହ୍ୟାଜଟ୍ୟାଗ ଏବେ ସର୍ବାଧିକ ଚର୍ଚ୍ଚା ସୃଷ୍ଟି କରିଛି  । ଅର୍ଥାତ କହିବାକୁ ଗଲେ ବର୍ତ୍ତମାନ ସୋସିଆଲ ମିଡି଼ଆରେ #Fatima ଟ୍ରେଣ୍ଡ କରୁଛି  । କିନ୍ତୁ ସାଧାରଣ ଦର୍ଶକ ମଧ୍ୟରେ ଉତ୍ସୁକତା ବଢୁଛି ଯେ, କିଏ ଏହି ଫତିମା, ଏବଂ କାହିଁକି ଅମୀର ଖାନଙ୍କ ବିଛେଦରେ ଏହି ନାମଟି ଟ୍ରେଣ୍ଡ କରୁଛି  ।

https://twitter.com/MaeStro_Khiladi/status/1411221759169241092?ref_src=twsrc%5Etfw%7Ctwcamp%5Etweetembed%7Ctwterm%5E1411221759169241092%7Ctwgr%5E%7Ctwcon%5Es1_&ref_url=https%3A%2F%2Fnavbharattimes.indiatimes.com%2Fmovie-masti%2Fnews-from-bollywood%2Fwhy-is-fatima-sana-shaikh-trending-on-aamir-khan-and-kiran-rao-divorce%2Farticleshow%2F84090217.cms

ସତ ହେଉଛି ଫତିମା ମଧ୍ୟ ଜଣେ ବଲିଉଡ଼ ଅଭିନେତ୍ରୀ  । ଏବଂ ଅମୀର ଖାନଙ୍କ ଅଭିନୀତ ଫିଲ୍ମ ଦଙ୍ଗଲରେ ହିଁ ସେ ଡେବ୍ୟୁ କରିଥିଲେ  । ଫିଲ୍ମରେ ଅମୀର ଖାନଙ୍କ ଝିଅ ଭାବେ ଅଭିନୟ କରିଥିବା ଫତିମା ସାନା ସୈଖଙ୍କ ନାମ ଅମୀର ଖାନଙ୍କ ସହ ଯୋଡା ଯାଉଛି । ଏମିତି କିଛି ୟୁଜର ମଧ୍ୟ ଫତିମା ଏବଂ ଅମୀରଙ୍କ ଫଟୋକୁ ନେଇ କଳ୍ପନା କରିବା ଆରମ୍ଭ କରିଦେଲଣି  । କିଛି ୟୁଜର କହିଛନ୍ତି ଆଗାମୀ ଦିନରେ ଏକାଠି ହେବାକୁ ଯାଉଛନ୍ତି ଫତିମା ଏବଂ ଅମୀର  । କେହି କେହି ମଧ୍ୟ ଅମୀରଙ୍କ ଗୋଟେ ଆଖିରେ ଅନାଇଥିବା ଫଟୋ ପୋଷ୍ଟ କରି ଫତିମାଙ୍କୁ ଇସାରା କରିଛନ୍ତି  । ତେବେ ପଢନ୍ତୁ ଅନ୍ୟ ୟୁଜର ମାନେ ମଧ୍ୟ କଣ ପୋଷ୍ଟ କରିଛନ୍ତି  ।

 

ପଞ୍ଜାବରେ ଆପର ଦିଲ୍ଲୀ ଫର୍ମୁଲା, ବର୍ଦ୍ଧିତ ବିଜୁଳି ଦର ପ୍ରସଙ୍ଗରେ ଆନ୍ଦୋଳନ

ଚଣ୍ଡିଗଡ଼: ବିଧାନସଭା ନିର୍ବାଚନ ପୂର୍ବରୁ ପଞ୍ଜାବରେ ଆମ ଆଦମୀ ପାର୍ଟିର ରାଜନୀତି । ବର୍ଦ୍ଧିତ ବିଜୁଳି ଦର ଓ ବିଜୁଳି କାଟ୍ ପ୍ରସଙ୍ଗରେ ରାସ୍ତାକୁ ଓହ୍ଲାଇଛନ୍ତି ଆପ୍ ନେତା ଓ କର୍ମୀ । ମୋହାଲିରେ ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂଙ୍କ ଫାର୍ମ ହାଉସ୍ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି ଆମ ଆଦମୀ ଦଳର କାର୍ଯ୍ୟକର୍ତ୍ତା । ପଞ୍ଜାବରେ ବାରମ୍ବାର ବିଜୁଳି କାଟ୍ ହେଉଥିବାରୁ ଲୋକେ ନାନା ସମସ୍ୟାରେ ପଡୁଛନ୍ତି । ଯାହାକୁ ନେଇ ଆନ୍ଦୋଳନକୁ ଓହ୍ଲାଇଛି ଆପ୍ ।

ସେପଟେ ବିକ୍ଷୋଭ ସମୟରେ ଆପ୍ କର୍ମୀ ଓ ପୋଲିସ ମଧ୍ୟରେ ଧସ୍ତାଧସ୍ତି ହୋଇଥିଲା । ଏଭଳିକି ବିକ୍ଷୋଭକାରୀଙ୍କ ଉପରକୁ ପାଣି ମାଡ କରିଥିଲା ପୋଲିସ । ଆସନ୍ତାବର୍ଷା ପଞ୍ଜାବରେ ହେବାକୁ ଅଛି ବିଧାନସଭା ନିର୍ବାଚନ । ଏହା ପୂର୍ବରୁ ଦିଲ୍ଲୀ ଫର୍ମୁଲା ଆପଣେଇଛି ଆପ୍ । ବର୍ଦ୍ଧିତ ବିଜୁଳି ଦର ଓ ବିଜୁଳି କାଟ୍ ବିରୋଧରେ ମୋର୍ଚ୍ଚା ଖୋଲିଛି ଆମ ଆଦମି ପାର୍ଟି । ଯଦି ପଞ୍ଜାବରେ ଆପ୍ ସରକାର ଆସେ ତେବେ ୩୦୦ ୟୁନିଟ୍ ପର୍ଯ୍ୟନ୍ତ ମାଗଣାରେ ବିଜୁଳି ସେବା ଯୋଗାଇ ଦିଆଯିବ ବୋଲି ପୂର୍ବରୁ ଘୋଷଣା କରି ସାରିଛନ୍ତି ପାର୍ଟି ମୁଖ୍ୟ ଅରବିନ୍ଦ କେଜ୍ରିଓ୍ବାଲ ।

ରଥଯାତ୍ରା ପ୍ରସ୍ତୁତିର ସମୀକ୍ଷା କରିବେ ମୁଖ୍ୟମନ୍ତ୍ରୀ, ୮ ତାରିଖରେ ଉଚ୍ଚସ୍ତରୀୟ ବୈଠକ

ପୁରୀ: ରଥଯାତ୍ରା ପ୍ରସ୍ତୁତିର ସମୀକ୍ଷା କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ୮ ତାରିଖରେ ଉଚ୍ଚସ୍ତରୀୟ ବୈଠକରେ ସମୀକ୍ଷା କରିବେ ମୁଖ୍ୟମନ୍ତ୍ରୀ । ଏଥିରେ ଶ୍ରୀମନ୍ଦିର ପ୍ରଶାସନ, ସେବାୟତ, ଆଇନ ବିଭାଗ ଅଧିକାରୀମାନେ ସାମିଲ ହେବେ । ଜିଲ୍ଲା ପ୍ରଶାସନ ସହ ବରିଷ୍ଠ ପୋଲିସ ଅଧିକାରୀ ମଧ୍ୟ ସାମିଲ ହେବେ । କୋଭିଡ କଟକଣାରେ ରଥଯାତ୍ରା ଆୟୋଜନ ନେଇ ହେବ ଆଲୋଚନା  ।

ଗତବର୍ଷ ରଥଯାତ୍ରା କୋଭିଡ କଟକଣା ଭିତରେ ସମାପନ୍ନ ହୋଇଥିବାବେଳେ ଚଳିତବର୍ଷ ମଧ୍ୟ ଏହି କଟକଣା ଭିତରେ ସାରିବାକୁ ଲକ୍ଷ୍ୟ ରଖିଛନ୍ତି ରାଜ୍ୟ ସରକାର  । ସେପଟେ ଦ୍ୱିତୀୟ ଲହର ପ୍ରଥମ ଲହର ଠାରୁ ଅଧିକ ଭୟ ବଢାଇଥିବାବେଳେ ସୀମିତ ସେବାୟତ ଓ ପୋଲିସ କର୍ମଚାରୀଙ୍କୁ ନେଇ ସମାପନ କରିବେ ରାଜ୍ୟ ସରକାର  । ସେପଟେ ରହଡଥଯାତ୍ରା ପୂର୍ବରୁ ସ୍ନାନ ଯାତ୍ରା ମଧ୍ୟ ସୁରୁଖୁରରେ ଶେଷ ହୋଇଛି  । ତିନି ରଥରେ ମଧ୍ୟ ବର୍ତ୍ତମାନ ଶେଷ ସ୍ପର୍ଶ ଦିଆହେଉଛି  । ତେଣୁ ଜୁଲାଇ ୧୨ ତାରିଖରେ ରଥଯାତ୍ରା ଥିବାରୁ ମୁଖ୍ୟମନ୍ତ୍ରୀ ସମୀକ୍ଷା କରିବା ନେଅ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଜଣାଯାଇଛି  ।

ଦେବଭୂମୀର ମୁଖ୍ୟମନ୍ତ୍ରୀ ହେବେ ପୁଷ୍କର ସିଂ ଧାମି, ସନ୍ଧ୍ୟାରେ ଶପଥ

ଡ଼େରାଡୁନ: ଉତ୍ତରାଖଣ୍ଡରେ ଚାଲିଥିବା ରାଜନୈତିକ ବାଦିପାଲା ବନ୍ଦ ହେବାକୁ ଯାଉଛି  । କାରଣ ଗତ କାଲି ମୁଖ୍ୟମନ୍ତ୍ରୀ ପଦରୁ ତୀରଥ ସିଂ ରାୱତ ଇସ୍ତଫା ଦେବାପରେ ସଙ୍କଟ ଦେଖାଦେଇଥିଲା  । ଏବେ ଏହି ସଙ୍କଟ ଏକ ପ୍ରକାର ଟଳିବାକୁ ବସିଛି  । ଦେବଭୂମିର ନୂଆ ମୁଖ୍ୟମନ୍ତ୍ରୀ ହେବାକୁ ଯାଉଛନ୍ତି ପୁଷ୍କର ସିଂ ଧାମି  । ବିଜେପି ବିଧାୟକ ଦଳ ବୈଠକରେ ପୁସ୍କର ସିଂ ଧାମୀଙ୍କ ନାଁ ଘୋଷଣା କରାଯାଇଛି  । ପୁସ୍କରଙ୍କ ନାଁ ପ୍ରସ୍ତାବ ରଖିଥିଲେ ବିଦାୟୀ ମୁଖ୍ୟମନ୍ତ୍ରୀ ତୀରଥ ସିଂ ରାଓ୍ବତ । ସର୍ବସମ୍ମତି କ୍ରମେ ପୁସ୍କରଙ୍କ ନାଁରେ ମୋହର ମରାଯାଇଛି  ।

ସୂଚନା ମୁତାବକ ଆଜି ସନ୍ଧ୍ୟାରେ ମୁଖ୍ୟମନ୍ତ୍ରୀ ଭାବେ ଶପଥ ନେବେ ପୁଷ୍କର । ଉତ୍ତରାଖଣ୍ଡର ଖଟୀମା ଆସନରୁ ଏବେ ବିଧାୟକ ଅଛନ୍ତି ପୁଷ୍କର । ପୂର୍ବରୁ ବିଜେପି ଯୁବମୋର୍ଚ୍ଚାର ଅଧ୍ୟକ୍ଷ ଥିଲେ ପୁଷ୍କର ସିଂ ଧାମି । ଗତକାଲି ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ ତୀରଥ ସିଂ ରାଓ୍ବତ  । ସାମ୍ବିଧାନିକ କାରଣ ପାଇଁ ସେ ଇସ୍ତଫା ଦେଇଥିବା ଇସ୍ତଫାପତ୍ରରେ ଦର୍ଶାଇଥିଲେ  । ମୁଖ୍ୟମନ୍ତ୍ରୀ ହେବା ପରେ ୬ ମାସ ମଧ୍ୟରେ ବିଧାନସଭାକୁ ନିର୍ବାଚିତ ହେବାର ନିୟମ ରହିଛି । ତେବେ ଧାରା ୧୫୧ ଅନୁସାରେ ଯଦି କୌଣସି ରାଜ୍ୟରେ ବିଧାନସଭା ନିର୍ବାଚନ ପାଇଁ ଏକ ବର୍ଷରୁ କମ ସମୟ ଥାଏ ସେହି ରାଜ୍ୟରେ ଆଉ ଉପନିର୍ବାଚନ ହୋଇପାରିବ ନାହିଁ । ଏଣୁ ତୀରଥ ଇସ୍ତଫା ଦେଇଥିବା କହିଛନ୍ତି  ।

ସେପଟେ ତୀରଥଙ୍କୁ ନେଇ ଦଳୀୟ କନ୍ଦଳ ମଧ୍ୟ ଲାଗି ରହିଥିଲା , ଏଭଳିସ୍ଥିତିରେ ଆସନ୍ତାବର୍ଷ ଆରମ୍ଭରୁ ବିଧାନସଭା ନିର୍ବାଚନ ହେଉଥିବାରୁ ବିଜେପି ହାଇକମାଣ୍ଡ ତୀରଥଙ୍କୁ ନେଇ କୌଣସି ରିସ୍କ ନେବାକୁ ଚାହୁଁନଥିବା ଚର୍ଚ୍ଚା ହେଉଛି  । ଗତ ଏପ୍ରିଲ୍ ମାସରେ ତ୍ରିବେନ୍ଦ୍ର ସିଂ ରାଓ୍ବତଙ୍କ ସ୍ଥାନରେ ମୁଖ୍ୟମନ୍ତ୍ରୀ ହୋଇଥିଲେ ତୀରଥ ସିଂ ରାଓ୍ବତ  । ୧୧୫ ଦିନ ଧରି ମୁଖ୍ୟମନ୍ତ୍ରୀ ହୋଇଥିବା ତୀରଥ ଅନେକ ପ୍ରସଙ୍ଗରେ ବିବାଦୀୟ ବୟାନ ଦେଇ ବେସ ଚର୍ଚ୍ଚାରେ ଥିଲେ  । ଗତକାଲି ବିଜେପି ରାଷ୍ଚ୍ରୀୟ ଅଧ୍ୟକ୍ଷ ଜେପି ନଡ୍ଡା ଏବଂ ବିଜେପିର କେନ୍ଦ୍ରୀୟ ନେତାଙ୍କ ସହ ଆଲୋଚନା କରିବା ପରେ ଇସ୍ତଫା ପତ୍ର ରାଜ୍ୟପାଳଙ୍କୁ ପଠାଇଥିଲେ  ।

ରେଳ ବିଭାଗ ପକ୍ଷରୁ ଭୁବନେଶ୍ୱର-ନୂଆଦିଲ୍ଲୀ ୪ଟି ଟ୍ରେନ ବାତିଲ

ଭୁବନେଶ୍ୱର: ପୂର୍ବତଟ ରେଳ ବିଭାଗ ପକ୍ଷରୁ ବାତିଲ କରାଗଲା ଟ୍ରେନ  । ଭୁବନେଶ୍ୱରରୁ ଦିଲ୍ଲୀ ଚାଲିବାକୁ ଥିବା ଦୁଇ ଯୋଡ଼ା ଟ୍ରେନ ଅଥବା ୪ଟି ସ୍ପେସାଲ ଟ୍ରେନ ବାତିଲ କରିଛି ପୂର୍ବତଟ ରେଳ ବିଭାଗ  । ପୂର୍ବତଟ ରେଳ ଅଧିନରେ ଥିବା ପୂର୍ବ ମଧ୍ୟ ରେଳ ବିଭାଗର  ବିଭିନ୍ନ ଷ୍ଟେସନରୁ ଭୁବନେଶ୍ବରୁ ଦିଲ୍ଲୀ ଯିବାକୁ ଥିବା ସମୁଦାୟ ୨ ଯୋଡ଼ା ଟ୍ରେନର ଯାତ୍ରାକୁ ରଦ୍ଧ କରାଯାଇଛି  । ବାତିଲ ହୋଇଥିବା ଏହି ଟ୍ରେନ ଗୁଡ଼ିକ ପ୍ରଥମ ରହିଛି ଟ୍ରେନ ନମ୍ବର ୦୨୮୨୩  ।  ଭୁବନେଶ୍ୱର-ଦିଲ୍ଲୀ ସ୍ପେସାଲ ଟ୍ରେନ ଜୁଲାଇ ୫, ୯ ଏବଂ ୧୨ ତାରିଖରେ ଚାଲିବାକୁ ଥିବାବେଳେ ଏହାକୁ ବାତିଲ କରାଯାଇଛି  ।

ସେହିପରି ଟ୍ରେନ ନମ୍ବର ୦୨୮୨୪ ନୂଆଦିଲ୍ଲୀ- ଭୁବନେଶ୍ୱର ସ୍ପେସାଲ ଟ୍ରେନ ୩, ୬, ୧୦ ଏବଂ ୧୩ ଜୁଲାଇରେ ଯାତ୍ରା କରିବାକୁ ଥିବାବେଳେ ଏହାକୁ ଋଦ୍ଧ କରାଯାଇଛି  । ଏନ୍ୟପଟେ ଗାଡ଼ି ନମ୍ବର ୦୨୮୫୫ ଭୁବନେଶ୍ୱରରୁ ନୂଆଦିଲ୍ଲୀ ସ୍ପେସାଲ ଟ୍ରେନ ଜୁଲାଇ ୩ ଏବଂ ୧୦ ତାରିଖ ଯାତ୍ରାକୁ ସ୍ଥଗିତ ରଖାଯାଇଛି  । ଗାଡ଼ି ନମ୍ବର ୦୨୮୫୬ ନୂଆଦିଲ୍ଲୀ- ଭୁବନେଶ୍ୱର ସ୍ପେସାଲ ଟ୍ରେନ ଜୁଲାଇ ୪ ତାରିଖ ଏବଂ ୧୧ ତାରିଖରେ ଭୁବନେଶ୍ୱରରୁ ଦିଲ୍ଲୀ ଯିବାକୁ ଥିବେବେଳେ ଏହାକୁ ପୂର୍ବତଟ ରେଳ ତରଫରୁ ଯାତ୍ରାକୁ ସ୍ଥଗିତ ଅଥବା ବାତିଲ କରାଯାଇଛି  ।

ତୀରଥ ସିଂ ରାଓ୍ୱତ ଇସ୍ତଫା ଦେବା ପରେ ଏବେ ପଶ୍ଚିମବଙ୍ଗରେ ସରଗରମ ରାଜନୀତି

ନୂଆଦିଲ୍ଲୀ: ସାମ୍ବିଧାନିକ କାରଣ ପାଇଁ ଉତ୍ତରାଖଣ୍ଡରେ ମୁଖ୍ୟମନ୍ତ୍ରୀ ପଦରୁ ତୀରଥ ସିଂ ରାଓ୍ୱତ ଇସ୍ତଫା ଦେବା ପରେ ଏବେ ପଶ୍ଚିମବଙ୍ଗରେ ସରଗରମ ହୋଇଛି ରାଜନୀତି। ପଶ୍ଚିମବଙ୍ଗରେ ହେବାକୁ ଥିବା ଉପନିର୍ବାଚନ ଖୁବ ଶୀଘ୍ର କରିବା ପାଇଁ ନିର୍ବାଚନ ଆୟୋଗଙ୍କୁ ଚିଠି ଲେଖିଛନ୍ତି ପଶ୍ଚିମବଙ୍ଗ ସରକାର। ସମସ୍ତ କୋଭିଡ୍ ନିୟମ ମାନି ନିର୍ବାଚନ ହେବ ବୋଲି କହିଛନ୍ତି ମମତା ସରକାର। ପଶ୍ଚିମବଙ୍ଗର ୮ଟି ବିଧାନସଭା ଆସନରେ ହେବ ଉପନିର୍ବାଚନ। ଏଥିରେ ରହିଛି ଭବାନିପରୁର ଆସନ। ଯେଉଁଠି ନିର୍ବାଚନ ଲଢିବେ ମୁଖ୍ୟମନ୍ତ୍ରୀ ମମତା ବାନାର୍ଜୀ। ଏଣୁ ଖୁବଶୀଘ୍ର ଉପନିର୍ବାଚନ ହେବା ନେଇ ନିର୍ବାଚନ ଆୟୋଗଙ୍କୁ ଚିଠି ଲେଖାଯାଇଛି। ମୁଖ୍ୟମନ୍ତ୍ରୀ ହେବାର ୬ ମାସ ମଧ୍ୟରେ ବିଧାୟକ ଭାବେ ନିର୍ବାଚିତ ହେବାକୁ ପଡିବ। ଏଭଳି ସ୍ଥିତିରେ ନଭେମ୍ବର ୫ ପୂର୍ବରୁ ମମତା ବାନାର୍ଜୀଙ୍କୁ ନିର୍ବାଚନ ଜିତିବାକୁ ହେବ। ନ ହେଲେ ଆଗାମି ଦିନରେ ଟିଏମସି ପାଇଁ ଅଡୁଆ ପରିସ୍ଥିତି ସୃଷ୍ଟି ହୋଇପାରେ। ଏଣୁ ଆଗୁଆ ନିର୍ବାଚନ ନେଇ ନିର୍ବାଚନ ଆୟୋଗଙ୍କୁ ଚିଠି ଲେଖିଛନ୍ତି ପଶ୍ଚିମବଙ୍ଗ ସରକାର। ସେପଟେ ତୀରଥ ସିଂ ରାଓ୍ୱାତଙ୍କ ଇସ୍ତଫାକୁ ଭିନ୍ନ ଦୃଷ୍ଟିରେ ଦେଖୁଛନ୍ତି ରାଜନୈତିକ ବିଶେଷଜ୍ଞ। ଉତ୍ତରାଖଣ୍ଡ ଭଳି ପଶ୍ଚିମବଙ୍ଗରେ ସ୍ଥିତି ହେବା ନେଇ ଆଶଙ୍କା ପ୍ରକାଶ ପାଇଛି।

ଛତିଶଗଡ଼- ମହାରାଷ୍ଟ୍ର ସୀମାନ୍ତରେ ମାଓବାଦୀ ଓ ସୁରକ୍ଷାକର୍ମୀଙ୍କ ମଧ୍ୟରେ ଗୁଳିବିନିମୟ

ଛତିଶଗଡ଼- ମହାରାଷ୍ଟ୍ର ସୀମାନ୍ତରେ ମାଓବାଦୀ ଓ ସୁରକ୍ଷାକର୍ମୀଙ୍କ ମଧ୍ୟରେ ଗୁଳିବିନିମୟ। ଲୁହାପଥର ଖଣି ଉପରେ ମାଓବାଦୀ ଆକ୍ରମଣ କରିଥିଲେ। ପ୍ରୋକ୍ଲିନ ମେସିନ ସମେତ ୬ଟି ଗାଡ଼ି ଜାଳି ଦେଇଛନ୍ତି ମାଓବାଦୀ। ପୋଲିସ ପହଞ୍ଚିବା ପରେ ଉଭୟ ପକ୍ଷ ମଧ୍ୟରେ ଗୁଳିବିନିମୟ ଜାରି ରହିଛି। ଗୁଳିବିନିମୟରେ ୨ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ତେବେ ପୋଲିସ କି ମାଓବାଦୀଙ୍କ ମୃତ୍ୟୁ ହୋଇଛି, ତାହା ସ୍ପଷ୍ଟ ହୋଇନାହିଁ। ଖଣି ସୁପରଭାଇଜର ସମେତ କିଛି ଶ୍ରମିକଙ୍କୁ ମାଓବାଦୀମାନେ ବନ୍ଧକ ରଖିଥିବା ସୂଚନା ମିଳିଛି। ନାରାୟଣପୁର ଜିଲ୍ଲା ଛୋଟେଡ଼ଙ୍ଗର ଥାନା ଅଞ୍ଚଳରେ ଘଟିଛି ଏହି ଘଟଣା। ଏବେ ବି ଉଭୟ ପକ୍ଷ ମଧ୍ୟରେ ଜାରି ରହିଛି ଗୁଳିବିନିମୟ।

ରାଫେଲ ଦୁର୍ନୀତି ପ୍ରସଙ୍ଗ: ଫ୍ରାନ୍ସରେ ହେବ ତଦନ୍ତ

ନୂଆଦିଲ୍ଲୀ: ଲଢୁଆ ବିମାନ ରାଫେଲ ବିକ୍ରିରେ ହୋଇଥିବା ଦୁର୍ନୀତି ମାମଲାର ତଦନ୍ତ ପାଇଁ ଫ୍ରାନ୍ସରେ ଜଣିକିଆ କମିଟି ଗଠନ ହୋଇଛି। ଫ୍ରାନ୍ସର ପବ୍ଲିକ ପ୍ରସ୍ୟୁକେସନ୍ ସର୍ଭିସେସର ଫାଇନାନ୍ସ କ୍ରାଇମ୍ ବ୍ରାଂଚ ପକ୍ଷରୁ ଏହି ଘୋଷଣା କରାଯାଇଛି। ମାମଲାର ତଦନ୍ତ ଜଣେ ବିଚାରପତି କରିବେ। ଫ୍ରାନ୍ସର ଏକ ସ୍ୱେଛାସେବୀ ସଂଗଠନ ସେରପା ପକ୍ଷରୁ ପ୍ରଥମେ ୨୦୧୮ରେ ରାଫେଲ ଚୁକ୍ତିରେ ଅନିୟମିତତା ନେଇ ଅଭିଯୋଗ ହୋଇଥିଲା। ତେବେ ସେ ସମୟରେ ଫାଇନାନ୍ସ କ୍ରାଇମବ୍ରାଂଚ୍ କୌଣସି ତଦନ୍ତ କରିବାକୁ ମନା କରିଦେଇଥିଲା। ସୂଚନାଯୋଗ୍ୟ ଯେ, ୯.୩ ବିଲିୟନ ଡଲାରର ଚୁକ୍ତି ଅନୁଯାୟୀ ଭାରତକୁ ଫ୍ରାନ୍ସ ୩୬ଟି ରାଫେଲ ବିମାନ ଦେଇଛି। ଏହି ଚୁକ୍ତି ଭାରତ ସରକାର ଓ ଫ୍ରାନ୍ସର ଡସାଲଟ୍ କମ୍ପାନୀ ମଧ୍ୟରେ ହୋଇଥିଲା।

ଏହି ଚୁକ୍ତି ଦ୍ୱାରା ଅନିଲ ଅମ୍ବାନୀଙ୍କ କମ୍ପାନୀଙ୍କୁ ଅନୁଗ୍ରହିତ କରାଯାଇଛି ବୋଲି ଅନେକ ଦିନ ଧରି ଅଭିଯୋଗ ହୋଇ ଆସୁଛି। ତେବେ ଭାରତରେ ସୁପ୍ରିମକୋର୍ଟ ଅଭିଯୋଗରେ କୌଣସି ଦମ ନଥିବା ଅନୁଭବ କରି ମାମଲାକୁ ଖାରଜ କରିଦେଇଥିଲେ। ଫ୍ରାନସର ଏକ ୱେବସାଇଟ୍ ମିଡିଆପାର୍ଟ ନ୍ୟାସନାଲ ଫାଇନାନସିଆଲ ପ୍ରୋସିକ୍ୟଟର୍ସଙ୍କ ବିରୋଧରେ ମାମଲାକୁ ଚାପୁଥିବା ଅଭିଯୋଗ କରିଥିଲା। ଏହାପୂର୍ବରୁ ମିଡିଆପାର୍ଟ ଦାବି କରିଥିଲା ଯେ, ରାଫେଲ ଡିଲରେ ଅନେକ ପ୍ରଭାବଶାଳୀ ବ୍ୟକ୍ତିଙ୍କୁ କୋଟିକୋଟି ଟଙ୍କା ଦିଆଯାଇଛି।

କମିଶନ ଭାବେ କିଛି ଭାରତୀୟ ଅଧିକାରୀଙ୍କୁ କୋଟି କୋଟି ଟଙ୍କା ଦିଆଯାଇଛି ବୋଲି ମିଡିଆପାର୍ଟ ଅଭିଯୋଗ କରୁଛି। ଏଣେ ଭାରତରେ ମଧ୍ୟ ବିରୋଧୀ ଦଳ ରାଫେଲ ଚୁକ୍ତିକୁ ନେଇ କେନ୍ଦ୍ର ସରକାର ବିରୋଧରେ ଦୁର୍ନୀତି ଅଭିଯୋଗ ଆଣୁଛନ୍ତି।