spot_img
Home Blog Page 5612

ଟ୍ୱିଟର ଇଣ୍ଡିଆ ମୁଖ୍ୟ ମନିଶ ମାହେଶ୍ୱରୀଙ୍କ ବିରୋଧରେ ହିନ୍ଦୁ ଧର୍ମର ଅପମାନ ମାମଲା

ନୂଆଦିଲ୍ଲୀ : ଟ୍ୱିଟର ଇଣ୍ଡିଆର ଏମଡି ମନୀଶ ମାହେଶ୍ୱରୀ ପୁଣି ଏକ ନୁଆ ବିବାଦରେ ଫସିଛନ୍ତି । ଦିଲ୍ଲୀର ଜଣେ ଓକିଲ ତାଙ୍କ ବିରୋଧରେ ହିନ୍ଦୁ ଦେବାଦେବୀଙ୍କ ଅପମାନ ମାମଲା ଆଣିଛନ୍ତି । ଦିଲ୍ଲୀ ପୋଲିସର ସାଇବର ସେଲରେ ସେ ଏନେଇ ଅଭିଯୋଗ କରିଛନ୍ତି । । ମାହେଶ୍ୱରୀଙ୍କ ସହିତ ଏନେଇ ଏକ ଅଣ ଲାଭକାରୀ ସଂସ୍ଥା ବିରୋଧରେ ମଧ୍ୟ ଅଭିଯୋଗ ହୋଇଛି।

ସୂଚନାଯୋଗ୍ୟ ଯେ, ନୂଆ ଆଇଟି ନିୟମକୁ ନେଇ ଟ୍ୱିଟର ଓ ଭାରତ ସରକାରଙ୍କ ମଧ୍ୟରେ ବିବାଦ ଜାରି ରହିଛି । ଭାରତ ସରକାରଙ୍କ ଦ୍ୱାରା ପ୍ରଣୟନ ହୋଇଥିବା ନୂଆ ଆଇନକୁ ଟ୍ୱିଟର ମାନିବାକୁ ରାଜି ନାହିଁ । ଏହାକୁ ନେଇ ଦୁଇ ପକ୍ଷ ମଧ୍ୟରେ ଟଣା ଓଟରା ଚାଲିଛି । ଏହାରି ଭିତରେ ମାହେଶ୍ୱରୀଙ୍କ ବିରୋଧରେ ନୂଆ ମାମଲା ରୁଜ୍ଜ ହୋଇଛି ।

ସୂଚନା ଅନୁସାରେ ଆଦିତ୍ୟ ସିଂହ ନାମକ ଓକିଲ ସାଇବର ସେଲରେ ଅଭିଯୋଗ କରିଛନ୍ତି । ଏଥିରେ ସେ ମାହେଶ୍ୱରୀଙ୍କ ସହିତ ରିପବ୍ଲିକ୍ ଏଥିଷ୍ଟ ନାମକ ଏକ ଅଣ ଲାଭକାରୀ ସଂସ୍ଥା ବିରୋଧରେ ଏଫଆଇଆର ଦାୟର କରାଯାଉ ବୋଲି କହିଛନ୍ତି । ଟ୍ୱିଟରରେ ରିପବ୍ଲିକ୍ ଏଥିଷ୍ଟ୍ ମା’ କାଳିଙ୍କ ବିରୋଧରେ ଆପତିଜନକ ପୋଷ୍ଟ କରିଛି ବୋଲି ଆଦିତ୍ୟ ଅଭିଯୋଗ କରିଛନ୍ତି।

ରିପବ୍ଲିକ୍ ଏଥିଷ୍ଟ ଦ୍ୱାରା ପୋଷ୍ଟ କରାଯାଇଥିବା ମା’ କାଳୀଙ୍କ ଫଟୋ ଦ୍ୱାରା ସାମାଜିକ ବିଦ୍ୱେଶଭାବ ସୃଷ୍ଟି ହେବ ବୋଲି ଆଦିତ୍ୟ ଅଭିଯୋଗ କରିଛନ୍ତି । କୁହାଯାଉଛି ଯେ, ଏହି ପୋଷ୍ଟକୁ ନେଇ ଟ୍ୱିଟର ବିରୋଧରେ ଏଫଆଇଆର ଦାୟର ହେବାର ଯଥେଷ୍ଟ ସମ୍ଭାବନା ରହିଛି ।
ଏହାପୂର୍ବରୁ ଗାଜିଆବାଦର ଏକ ଭିଡିଓକୁ ନେଇ ଟ୍ୱିଟର ଇଣ୍ଡିଆ ଓ ଏହାର ଏମଡି ମାହେଶ୍ୱରୀଙ୍କ ବିରୋଧରେ ମାମଲା ରୁଜ୍ଜ ହୋଇଛି । ଏହି ମାମଲାରେ କର୍ଣ୍ଣାଟକ ହାଇକୋର୍ଟ ଦ୍ୱାରା ମାହେଶ୍ୱରୀଙ୍କୁ ଅନ୍ତରୀଣ ଜାମିନ ମିଳିବା ପରେ ମାମଲା ଏବେ ସୁପ୍ରିମକୋର୍ଟରେ ପହଂଚିଛି ।

ଜଳିଗଲା ସେନା ବିମାନ, ୧୭ ମୃତ ୪୦ ଗୁରୁତର

ଫିଲିଫାଇନ୍ସରେ ରବିବାର ଘଟିଛି ଏକ ବଡ଼ ଧରଣର ବିମାନ ଦୁର୍ଘଟଣା । ସୂଚନା ମୁତାବକ ଏକ ସାମରିକ ବିମାନ ଅବତରଣ କରିବା ସମୟରେ ଦୁର୍ଘଟଣାଗ୍ରସ୍ତ ହୋଇ ଜଳିଯାଇଥିବା ଜଣାପଡ଼ିଛି । ଦୁର୍ଘଟଣା ସମୟରେ ବିମାନରେ ପାଖାପାଖି  ୮୫ ଜଣ ଯାତ୍ରୀ ଥିବା କୁହାଯାଉଛି। ସେମାନଙ୍କ ମଧ୍ୟରୁ ଏବେ ସୁଦ୍ଧା ୪୦ ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିବାବେଳେ ୧୭ ଜଣଙ୍କର ମୃତ୍ୟୁ ହୋଇଛି।

ସୂଚନା ମୁତାବକ ଫିଲିପାଇନ୍ସ ବାୟୁସେନାର c-130 ବିମାନଟି ରବିବାର ଦିନ ସକାଳେ ପାଟିକୁଲ ନିକଟରେ ଦୁର୍ଘଟଣାରେ ଶିକାର ହୋଇଛି । ବିମାନଟି ଯେତେବେଳେ ସୁଲୁ ପ୍ରାନ୍ତ ଜିଲ୍ଲା ଦ୍ୱୀପ ନିକଟରେ ଅବତରଣ କରିବାକୁ ଚେଷ୍ଟା କରୁଥିଲା ସେହି ସମୟରେ ବିମାନରେ ନିଆଁ ଲାଗିଯାଇଥିଲା । ଏହି ଦୁର୍ଘଟଣାଟି ଦକ୍ଷୀଣ ଫିଲିପାଇନ୍ସରେ ଘଟିଥିବା ଫିଲପାଇନ୍ସ ସେନା ପ୍ରମୁଖ ସିରିଲିଟେ ସୋବେଜନା କହିଛନ୍ତି।

https://twitter.com/AlertsPea/status/1411556461365194754?s=20

ବିମାନର ଧ୍ୱଂସାବଶେଷରୁ ଉଦ୍ଧାର ସୈନିକଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି । ଏବେବି ଉଦ୍ଧାର କାର୍ଯ୍ୟ ଜାରି ରହିଛି। ତେବେ ଏହି ଦୁର୍ଘଟଣା ମୃତ୍ୟୁ ସଂଖ୍ୟା ବଢ଼ିପାରେ ବୋଲି ଫିଲିପାଇନ୍ ସେନା ପକ୍ଷରୁ କୁହାଯାଇଛି ।

ଗୁଣିଗାରେଡ଼ି ସନ୍ଦେହରେ ବିଭତ୍ସ ହତ୍ୟା, ମୁଣ୍ଡ ବିହୀନ ଶବ ଉଦ୍ଧାର

ମୟୁରଭଞ୍ଜ: ମୟୁଭଞ୍ଜ କରଞ୍ଜିଆ ଥାନା ଅନ୍ତର୍ଗତ ବାଲିଭୋଳ ଗ୍ରାମରେ ଘଟିଯାଇଛି ଏକ ବିଭସ୍ୟ ହତ୍ୟାକାଣ୍ଡ। ବାଲିଭୋଳ ଗାଁରେ ଗୁଣିଗାରେଡ଼ି ସନ୍ଦେହରେ ଜଣେ ମହିଳାଙ୍କୁ ହତ୍ୟା କରାଯାଇଛି।

ଗତ ରାତିରେ ଘଟିଛି ଏଭଳି ବୀଭତ୍ସ ହତ୍ୟାକାଣ୍ଡ । ହତ୍ୟାକାରୀ, ମହିଳାଙ୍କ ଶରୀରରୁ ମୁଣ୍ଡ ଅଲଗା କରିଦେଇଛନ୍ତି । ଗାଁ ପାଖ ପଡ଼ିଆ ନିକଟରେ ମୃତଦେହ ପଡ଼ିଥିବା ବେଳେ, ଏପର୍ଯ୍ୟନ୍ତ ମୁଣ୍ଡ ଠାବ ହୋଇପାରିନି। ତେବେ ହତ୍ୟା ପଛରେ କେଉଁମାନଙ୍କର ସଂପୃକ୍ତି ରହିଛି, ସେନେଇ କରଞ୍ଜିଆ ପୋଲିସ ତଦନ୍ତ କରୁଛି।

ଷ୍ଟର୍ଲିଂ ବାୟୋଟେକ ଋଣ ଜାଲିଆତି ମାମଲା: ଅଭିନେତା ଡିନୋ ମୋରିଆଙ୍କ ସମ୍ପତ୍ତି ଜବତ

ମୁମ୍ବାଇ: ବହୁଚର୍ଚ୍ଚିତ ଷ୍ଟର୍ଲିଂ ବାୟୋଟେକ ଋଣ ଜାଲିଆତି ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ ବଲିଉଡ୍ ଅଭିନେତା ଡିନୋ ମୋରିଆ, ସଞ୍ଜୟ ଖାନ୍‌ ଓ ଆକ୍ବିଲ ଅବଦୁଲ ଖଲିଲ ବାଚୋଲିଙ୍କ ୮ କୋଟି ଟଙ୍କାର ସମ୍ପତ୍ତି ବ୍ୟାଜାପ୍ତ କରିଛି । ୧୬ ହଜାର କୋଟି ଟଙ୍କାର ଷ୍ଟର୍ଲିଂ ବାୟୋଟେକ ଦୁର୍ନୀତି ମାମଲାର ତଦନ୍ତ ପରିପ୍ରେକ୍ଷୀରେ ଇଡି ଏହି ପଦକ୍ଷେପ ନେଇଛି।

ସୂଚନା ମୁତାବକ ୮ଟି ଅଚଳ ସମ୍ପତ୍ତି, ୩ଟି ଗାଡ଼ି, ବହୁ ବ୍ୟାଙ୍କ ଆକାଉଣ୍ଟ, ସେୟାର, ମ୍ୟୁଚୁଆଲ ଫଣ୍ଡ ଆଦି ଜବତ ହୋଇଛି । ଯାହାର ବର୍ତ୍ତମାନର ମୂଲ୍ୟ ପ୍ରାୟ  ୮ କୋଟି ୭୯ ଲକ୍ଷ ଟଙ୍କା ହେବ। ସଞ୍ଜୟ ଖାନ୍‌ଙ୍କ ୩ କୋଟି ଟଙ୍କାର ସମ୍ପତ୍ତି, ଦିନୋ ମୋରିଆଙ୍କ ୧ କୋଟି ୪୦ ଲକ୍ଷ ଟଙ୍କାର ସମ୍ପତ୍ତି, ଡିଜେ ଆକ୍ବିଲଙ୍କ ୧ କୋଟି ୯୮ ଲକ୍ଷ ଟଙ୍କାର ସମ୍ପତ୍ତି, ଇରଫାନ ଅହମ୍ମଦ ସିଦ୍ଦିକଙ୍କ ୨ କୋଟି ୪୧ ଲକ୍ଷ ଟଙ୍କାର ସମ୍ପତ୍ତି ଜବତ କରିଛି ଇଡି ।

ସୂଚନାଯୋଗ୍ୟ, ପଳାତକ ଭ୍ରାତା ନୀତିନ ଓ ଚେତନ ସଣ୍ଡେସାରାଙ୍କ ମାଲିକାନାରେ ଥିବା ଷ୍ଟର୍ଲିଂ ବାୟୋଟେକ ବିଭିନ୍ନ ବ୍ୟାଙ୍କରୁ ଋଣ ନେବା ସହ ଜାଲିଆତି ମାମଲା କ୍ରମେ ସିବିଆଇ ପକ୍ଷରୁ ମାମଲା ରଜୁ ହୋଇଥିଲା । ପରେ ଏହାର ତଦନ୍ତ ଭାର ଇଡି ହାତକୁ ଯାଇଥିଲା। ତେବେ ଏହି ମାମଲାର ତଦନ୍ତ କରି ଇଡି ଆଜି ଏହି ତିନିଜଣଙ୍କ ସମ୍ପତ୍ତି ବ୍ୟାଜାପ୍ତ କରିଛି।

ରୋଗୀ ଓ ସମ୍ପର୍କୀୟଙ୍କଠୁ ଜବରଦସ୍ତି ବେଆଇନ ଭାବେ ଅର୍ଥ ଆଦାୟ

ବୁର୍ଲା: ବୁର୍ଲା ଭିମସାରରେ ଅସାଧୁ କର୍ମଚାରୀଙ୍କ ଦୌରାତ୍ମ୍ୟ। ରୋଗୀ ଓ ସମ୍ପର୍କୀୟଙ୍କଠୁ ଜବରଦସ୍ତି ବେଆଇନ ଭାବେ ଅର୍ଥ ଆଦାୟ କରାଯାଉଥିବା ନେଇ ସଙ୍ଗୀନ ଅଭିଯୋଗ ଆସିଛି। ଜରୁରୀକାଳୀନ ବିଭାଗକୁ ଚିକିତ୍ସା ପାଇଁ ଆସୁଥିବା ରୋଗୀ ଓ ତାଙ୍କ ପରିବାର ଲୋକଙ୍କ ଠାରୁ ୧୦୦ ରୁ ୨୦୦ ଟଙ୍କା ଲେଖାଏଁ ଆଦାୟ କରାଯାଉଛି। ତାହା ପୁଣି ଡାକ୍ତରଙ୍କ ନାମରେ। ଏଭଳି କିଛି ଅଭିଯୋଗ ଓ ରସିଦ୍‌ର ଫୋଟୋ ଓ ଭିଡ଼ିଓ ଭାଇରାଲ ହେବାରେ ଲାଗିଛି।

ଏହି ଭିଡ଼ିଓରେ ଭିମସାରର ଜରୁରୀକାଳୀନ ବିଭାଗର କିଛି କର୍ମଚାରୀ ରୋଗୀ ପରିଜନଙ୍କୁ ଟଙ୍କା ମାଗୁଥିବା ଦେକିବାକୁ ମିଳିଛି । ସେମାନେ ରୋଗୀଙ୍କ ପରିଜନଙ୍କୁ  ଭିମସାରର ସିଲ୍ ଲାଗିଥିବା ଓ ରୋଗୀଙ୍କ ନାମ ଲେଖାଥିବା ଏକ ରସିଦ ଦେଇ ତାଙ୍କଠାରୁ ଅର୍ଥ ଆଦାୟ କରୁଥିବା ଜଣାପଡୁଛି । ତେବେ  କାହା ନିର୍ଦେଶରେ ଏହି ଅର୍ଥ ଆଦାୟ ହେଉଛି ଏବଂ ଏହି ଅର୍ଥ କେଉଁଠିକୁ ଯାଉଛି ତାହା ବର୍ତମାନ ତଦନ୍ତ ସାପେକ୍ଷ।

ଦେଶରେ ବଢୁଛି ଟିକାକରଣ କମୁଛି ସଂକ୍ରମଣ, ଦିନକରେ ୪୩ ହଜାର ୭୧ ସଂକ୍ରମିତ ଚିହ୍ନଟ

ନୂଆଦିଲ୍ଲୀ: ଦେଶରେ ଦିନକରେ ୪୩ହଜାର ୭୧ ସଂକ୍ରମିତ ଚିହ୍ନଟ ହୋଇଥିବା ବେଳେ ୯୫୫ ଜଣଙ୍କ ଜୀବନ ନେଇଛି ଭାଇରସ୍। ସେପଟେ ୨୪ ଘଣ୍ଟାରେ ୫୨ହଜାର ୨୯୯ ସଂକ୍ରମିତ ସୁସ୍ଥ ହୋଇ ଘରକୁ ଫେରିଛନ୍ତି। ଦେଶର ମୋଟ କେରାନା ଆକ୍ରାନ୍ତଙ୍କ ସଂକ୍ୟା ୩କୋଟି ୫ଲକ୍ଷ ୪୫ହଜାର ୪୩୩ରେ ପହଞ୍ଚିଥିବା ବେଳେ ମୋଟ୍ ସୁସ୍ଥ ହେଲେଣି ୨କୋଟି ୯୬ଲକ୍ଷ ୫୮ହଜାର ୭୮। ବର୍ତ୍ତମାନ ସୁଦ୍ଧା ଦେଶରେ କରୋନା ଆକ୍ଟିଭ କେସ୍ ୪ଲକ୍ଷ ୮୫ହଜାର ଥିବା ବେଳେ ମୋଟ୍ ମୃତ୍ୟୁସଂଖ୍ୟା ୪ଲକ୍ଷ ୨ହଜାର ୫କୁ ବୃଦ୍ଧି ହୋଇଛି।

ଅନ୍ୟପଟେ ଦେଶରେ ଟିକାକରଣ ବି ଜୋରଦାର ଚାଲିଛି। ଗତ ୨୪ ଘଣ୍ଟାର ରିପୋର୍ଟ ଅନୁଯାଇ ଦେଶରେ ୩୪ କୋଟିରୁ ଅଧିକ ଲୋକ ଟିକା ନେଇସାରିଛନ୍ତି। କେବଳ ଗତକାଲି ୫୭ ଲକ୍ଷରୁ ଅଧିକ ଟିକାକରଣ ହୋଇଥିବା ସୂଚନା ଦିଆଯାଇଛି।

ସେପଟେ କରୋନା କବଜାରୁ ମୁକୁଳୁଛି ଉତ୍ତରପ୍ରଦେଶ । ପୂର୍ବର୍ରୁ ଏଠି ପ୍ରତିଦିନ ୩୮ ହଜାରରୁ ଅଧିକ କରୋନା ରୋଗୀ ଚିହ୍ନଟ ହେଉଥିବା ବେଳେ ଏବେ ଏହି ସଂଖ୍ୟା ମାତ୍ର ୧୧୨ରେ ପହଞ୍ଚିଛି । କର୍ଣ୍ଣାଟକରେ ବି କମୁଛି କରୋନା ସଂକଟ । ଏନେଇ ସେଠାକାର ସରକାର ମନ୍ଦିର ଖୋଲିବାକୁ ନିଷ୍ପତ୍ତି ନେଇଛନ୍ତି । ପ୍ରାଥମିକ ପର୍ଯ୍ୟାୟରେ ଜୁଲାଇ ୬ ତାରିଖରୁ ୧୫ ଦିନ ପର୍ଯ୍ୟନ୍ତ କଟକଣା କୋହଳ କରିବାକୁ ନିଷ୍ପତ୍ତି ନେଇଛନ୍ତି ୟେଦୁରପ୍ପା ସରକାର। ବିବାହ, ସଂସ୍କାର କାର୍ଯ୍ୟକୁ ବି ଅନୁମତି ଦିଆଯିବାକୁ ନିଷ୍ପତ୍ତି ନିଆଯାଇଛି । ହେଲେ ଏଥିରେ କେବଳ ୧୦୦ ଜଣ ହିଁ ଉପସ୍ଥିତ ରହିବାକୁ କଟକଣା ଜାରି କରିଛନ୍ତି ସରକାର । ସେପଟେ ଦିଲ୍ଲୀରେ କରୋନା ସଂକ୍ରମଣ କମୁଥିଲେ ବି ଏତେ ଜଲଦି ସଂକ୍ରମଣ ଶୁନ୍ ହେବ ନାହିଁ ବୋଲି ବିଶେଷଜ୍ଞ ଆକଳନ କରିଛନ୍ତି । ଯାହା ଏକ ଚିନ୍ତାର ବିଷୟ ପାଲଟିଛି।

ପାଣି ମାହାରାକୁ ନେଇ ୨ ପରିବାର ମୁହାଁମୁହିଁ

କଟକ: ପାଣି ମାହାରାକୁ ନେଇ ୨ ପରିବାର ମଧ୍ୟରେ ସଂଘର୍ଷ। କଟକ ଜିଲ୍ଲା କାନପୁର ଥାନା ଆତଣ୍ଡାରେ ପାଣି ମାହାରାକୁ ନେଇ ଦୁଇ ପରିବାର ମଧ୍ୟରେ ମାରପିଟ୍ ଓ ପଥର ମାଡ଼ ହୋଇଥିବା ଦେଖିବାକୁ ମିଳିଛି। ଏହି ଗଟଣାରେ ଉଭୟ ପରିବାରର ପାଞ୍ଚ ଜଣ ଆହତ ହୋଇଥିବା ସୂଚନା ମିଳିଛି। ଗୁରୁତରଙ୍କୁ ପ୍ରଥମେ କାନପୁର ଡାକ୍ତରଖାନା ଓ ପରେ ୨ଗୁରୁତରଙ୍କୁ କଟକ ବଡ଼ ଡାକ୍ତରଖାନାକୁ ପଠାଇ ଦେଇଛନ୍ତି।

ସୂଚନା ଅନୁସାରେ, ଗାଁର ପଛ ପାଖ ଦେଇ ଯାଇଥିବା ଏକ ପାଣି ନାଳ ଉପରେ ଗୋଟିଏ ପରିବାର ଲୋକ ମାଟି ପକାଇବାରୁ ଅନ୍ୟ ପରିବାର ଲୋକ ଏ ବାବଦରେ ଗ୍ରାମର ସଭାପତିଙ୍କୁ ଜଣାଇଥିଲେ। ଗ୍ରାମ ସଭାପତି ପାଣି ମାହାର ପାଖକୁ ଯାଇ କ’ଣ ହୋଇଛି ତାହା ଦେଖୁଥିବା ସମୟରେ ସେଠାରେ ଉପସ୍ଥିତ ଥିବା ଉଭୟ ପରିବାର ଲୋକଙ୍କ ମଧ୍ୟରେ ବଚସା ହୋଇଥିଲା। ବଚସା ପରେ ଉଗ୍ରରୂପ ଧାରଣ କରିଥିବା ବେଳେ ଉଭୟ ପରିବାର ପରସ୍ପରକୁ ପଥର ମାଡ଼ କରିବା ସହିତ ଠେଙ୍ଗାରେ ପିଟାପିଟି ହୋଇଥିଲେ। କାନପୁର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଛି।

ରାଜ୍ୟରେ ତଳମୁହାଁ କରୋନା, ୨୦ ଜିଲ୍ଲାରେ ଦୈନିକ ସଂକ୍ରମଣ ଶହେ ତଳେ

ଭୁବନେଶ୍ୱର: ରାଜ୍ୟରେ କମିଲା କରୋନା ସଂକ୍ରମଣ। ଦୈନିକ ପଜିଟିଭ ହାର ୪.୩ ପ୍ରତିଶତକୁ ଖସିଥିବା ବେଳେ ପଜିଟିଭିଟିରେ ରେଡ୍ ଜୋନରୁ ମୁକୁଳିଲା ଓଡିଶା । ଦିନକରେ ୨ହଜାର ୮୭୦ ସଂକ୍ରମିତ ଚିହ୍ନଟ ହୋଇଥିବା ବେଳେ ୪୨ଜଣଙ୍କ ଜୀବନ ନେଇଛି କିଲର ଭାଇରସ୍। ସେପଟେ ୨୪ ଘଣ୍ଟାରେ ସୁସ୍ଥ ହୋଇଛନ୍ତି ୩ହଜାର ୧୫୮ ଆକ୍ରାନ୍ତ ।

ସୂଚନା ମୁତାବକ ୨୦ ଜିଲ୍ଲାରେ ଦୈନିକ ସଂକ୍ରମଣ ଶହେ ତଳେ ରହିଛି। ସେହିପରି ଆଜି ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ କ୍ବାରେଣ୍ଟାଇନରୁ ୧ ହଜାର ୬୫୨, ଲୋକାଲ କେସ୍ ରହିଛି ୧ ହଜାର ୨୧୮ । କଟକରୁ ସର୍ବାଧିକ ୪୪୦, ଖୋର୍ଦ୍ଧାରୁ ୩୮୪, ବାଲେଶ୍ବରରୁ ୨୪୦, ଯାଜପୁରରୁ ୧୯୧, ପୁରୀରୁ ୧୬୫, ମୟୂରଭଞ୍ଜରୁ ୧୬୪, କେନ୍ଦ୍ରାପଡାରୁ ୧୫୭, ଭଦ୍ରକରୁ ୧୨୮, ଜଗତସିଂହପୁରରୁ ୧୧୨, ନୟାଗଡ଼ରୁ ୧୦୫ ସଂକ୍ରମିତ ଚିହ୍ନଟ ହୋଇଛନ୍ତି । ଅନୁଗୁଳରୁ ୯୯, ସୁନ୍ଦରଗଡ଼ରୁ ୮୭, ଢେଙ୍କାନାଳରୁ ୮୫, କେନ୍ଦୁଝରରୁ ୬୬, କୋରାପୁଟ ଓ ଷ୍ଟେଟପୁଲରୁ ୬୦ ଜଣ ଲେଖାଏଁ , ମାଲକାନଗିରିରୁ ୫୭, ରାୟଗଡ଼ାରୁ ୫୦, କଳାହାଣ୍ଡିରୁ ୩୬, ନବରଙ୍ଗପୁରରୁ ୩୫, ବଲାଙ୍ଗୀରରୁ ୨୯, କନ୍ଧମାଳରୁ ୨୫, ସମ୍ବଲପୁରରୁ ୨୩, ବରଗଡ଼ରୁ ୧୪, ବୌଦ୍ଧରୁ ୧୩, ଗଞ୍ଜାମରୁ ୧୧, ସୋନପୁରରୁ ୧୦, ଗଜପତି ଓ ନୂଆପଡାରୁ ୭ଜଣ ଲେଖାଏଁ, ଦେବଗଡ଼ ଓ ଝାରସୁଗୁଡାରୁ ୫ଜଣ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି।

ରାଜ୍ୟରେ ମୋଟ୍ କରୋନା ସଂକ୍ରମିତଙ୍କ ସଂଖ୍ୟା ୯ଲକ୍ଷ ୨୧ହଜାର ୮୯୬ରେ ପହଞ୍ଚିଥିବା ବେଳେ, ମୋଟ୍ ସୁସ୍ଥ ହୋଇଛନ୍ତି ୮ଲକ୍ଷ ୮୭ହଜାର ୪୨୦ । ଆକ୍ଟିଭ କେସ୍ ୩୦ହଜାର ୨୨୭ ରହିଛି ।

ନୂଆ ମୁଖ୍ୟମନ୍ତ୍ରୀ ଭାବେ ଆଜି ଶପଥ ନେବେ ପୁଷ୍କର ସିଂହ

ଡେରାଡୁନ୍: ଆଜି ଉତ୍ତରାଖଣ୍ଡରେ ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେବେ ପୁଷ୍କର ସିଂହ ଧାମି। ଖୁବଶୀଘ୍ର କ୍ୟାବିନେଟ ସମ୍ପ୍ରସାରଣ ହେବ ବୋଲି ଚର୍ଚ୍ଚା ହେଉଛି । ୫୭ ଜଣ ବିଧାୟକ ପୁଷ୍କରଙ୍କ ସମର୍ଥନରେ ଭୋଟ ଦେଇଥିଲେ । ଖଟିମା ଆସନରୁ ଦୁଇ ଦୁଇ ଥର ବିଧାୟକ ରହିବା ସହ କେନ୍ଦ୍ରମନ୍ତ୍ରୀ ରାଜନାଥ ସିଂହଙ୍କ ଅତି ଘନିଷ୍ଠ ରହିଛନ୍ତି ପୁଷ୍କର  ଖାସ୍ ଏଇଥିପାଇଁ ତାଙ୍କୁ ମୁଖ୍ୟମନ୍ତ୍ରୀ ପଦ ପାଇଁ ସିଲେକସନ୍ କରାଯାଇଥିବା ଚର୍ଚ୍ଚା।

ତେବେ ମୁଖ୍ୟମନ୍ତ୍ରୀ ଭାବେ ପୁଷ୍କର ପାଇଁ ବିଭିନ୍ନ ଚ୍ୟାଲେଞ୍ଜ ରହିବ। ଦେବଭୂମି ଉତ୍ତରାଖଣ୍ଡରେ ବିଜେପିର ପ୍ରତିଛବି ସଜାଡିବା ରହିବ ମୁଖ୍ୟ କାମ । ଏମିତିରେ ତୀରଥଙ୍କ ପାଇଁ ରାଜ୍ୟ ସରକାର ସାମ୍ନା କରିଥିବା ନିନ୍ଦାକୁ ପ୍ରଶଂସାରେ ପରିଣତ କରିବା ପାଇଁ ହାଇକମାଣ୍ଡ ପୁଷ୍କରଙ୍କୁ ଦାୟିତ୍ବ ଦେଇଛନ୍ତି । ରାଜ୍ୟ ରାଜନୀତିରେ ଅସ୍ଥିରତା ପାଇଁ ବିରୋଧୀ କଂଗ୍ରେସ ବାରମ୍ବାର ଟାର୍ଗେଟ କରୁଥିବା ବେଳେ ବିଜେପି ପାଇଁ ଚିନ୍ତା ପାଲଟିଛି । ଏହି ବର୍ଷେ ଭିତରେ ଯେମିତି ହେଉ ରାଜ୍ୟବାସୀଙ୍କୁ ନିଜ ଆଡକୁ ଢଳେଇବା ପାଇଁ ପୁଷ୍କର ପ୍ଲାନ କରିବେ।

ସୂଚନାଯୋଗ୍ୟ, ଉତ୍ତରାଖଣ୍ଡର ଖଟୀମା ଆସନରୁ ଏବେ ବିଧାୟକ ଅଛନ୍ତି ପୁଷ୍କର । ପୂର୍ବରୁ ବିଜେପି ଯୁବମୋର୍ଚ୍ଚାର ଅଧ୍ୟକ୍ଷ ଥିଲେ ପୁଷ୍କର ସିଂ ଧାମି। ଗତକାଲି ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ ତୀରଥ ସିଂ ରାଓ୍ବତ। ସାମ୍ବିଧାନିକ କାରଣ ପାଇଁ ସେ ଇସ୍ତଫା ଦେଇଥିବା ଇସ୍ତଫାପତ୍ରରେ ଦର୍ଶାଇଥିଲେ। ମୁଖ୍ୟମନ୍ତ୍ରୀ ହେବା ପରେ ୬ ମାସ ମଧ୍ୟରେ ବିଧାନସଭାକୁ ନିର୍ବାଚିତ ହେବାର ନିୟମ ରହିଛି । ତେବେ ଧାରା ୧୫୧ ଅନୁସାରେ ଯଦି କୌଣସି ରାଜ୍ୟରେ ବିଧାନସଭା ନିର୍ବାଚନ ପାଇଁ ଏକ ବର୍ଷରୁ କମ ସମୟ ଥାଏ ସେହି ରାଜ୍ୟରେ ଆଉ ଉପନିର୍ବାଚନ ହୋଇପାରିବ ନାହିଁ । ଏଣୁ ତୀରଥ ଇସ୍ତଫା ଦେଇଥିବା କହିଛନ୍ତି।

ଆଜି ଶ୍ରୀଜିଉଙ୍କ ହେବ ଚକା ବିଜେ ନୀତି

ପୁରୀ: ଶ୍ରୀମନ୍ଦିରରେ ଚାଲିଛି ଶ୍ରୀଜିଉ ମାନଙ୍କ ଅଣସର ସେବା ପୂଜା। ଆଜି ଦଶମୀ ତିଥିରେ ଶ୍ରୀଜିଉଙ୍କ ଚକା ବିଜେ ନୀତି କରାଯିବ। ଦଶମୀ ତିଥିରେ ଶ୍ରୀ ବୈଦ୍ୟଙ୍କ ଦ୍ୱାରା ପ୍ରସ୍ତୁତ ଦଶମୂଳ ଔଷଧ ମହାପ୍ରଭୁଙ୍କ ଉଦ୍ଦେଶ୍ୟରେ ଶ୍ରୀମନ୍ଦିରକୁ ଯୋଗାଇ ଦିଆଯିବ।

ସ୍ନାନ ପୂର୍ଣ୍ଣମୀ ଠାରୁ ମହାପ୍ରଭୁଙ୍କ ଏହି ଗୁପ୍ତ ପୂଜା ଦଇତାପତି ସେବାୟତମାନେ କରୁଛନ୍ତି । ଅନବସରର ପଞ୍ଚମୀ ତିଥିରେ ଶ୍ରୀଜିଉଙ୍କ ଶ୍ରୀ ଅଙ୍ଗରେ ଫୁଲୁରୀ ଲାଗି କରାଯାଇଥିଲା | ପରେ ଶ୍ରୀ ବିଗ୍ରହ ମାନଙ୍କୁ ଓଷୁଅ ଲାଗି କରାଯାଇଛି ।

ଗତ ବର୍ଷପରି ଚଳିତ ବର୍ଷ ମଧ୍ଯ କରୋନା କଟକଣା ଭିତରେ ପାଳନ ହେବ ରଥଯାତ୍ରା। ଏଥର ସେବାୟତଙ୍କ ବ୍ୟତୀତ ଅନ୍ୟ କେହି ରଥ କିମ୍ବା ରଥ ଡଉଡ଼ି ଛୁଇଁ ପାରିବେ ନାହିଁ ।  ବଡଦାଣ୍ଡ ଓ ସିଂହଦ୍ବାରରେ ସେବାୟତଙ୍କ ପାଇଁ ବିଶ୍ରାମ ବ୍ୟବସ୍ଥା କରାଯିବ। ଏବଂ ରଥରେ ନିୟୋଜିତ ସେବାୟତଙ୍କ ପ୍ରଶାସନ ପକ୍ଷରୁ ସ୍ୱତନ୍ତ୍ର ସ୍ୱାସ୍ଥ୍ୟ ବ୍ୟବସ୍ଥା କରାଯିବ। ଏବଂ ରଥ ଉପରେ କମ୍‌ ସଂଖ୍ୟକ ସେବାୟତଙ୍କୁ ନିୟୋଜିତ କରାଯିବା ନେଇ ସୂଚନା ଦେଇଛନ୍ତି  ଶ୍ରୀମନ୍ଦିର ପ୍ରଶାସକ କ୍ରିଷନ କୁମାର  ।