spot_img
Home Blog Page 5593

ପୋଲିସ ହାତରେ କୋଟିଏ ଟଙ୍କାର ଗଞ୍ଜେଇ, ତିନି ଅଭିଯୁକ୍ତ

ରାୟଗଡା: ଚୋର ଘର ସବୁଦିନ ଅନ୍ଧାର ରୁହେନି  । ବେଧଡ଼କ ଗଞ୍ଜେଇ ଚୋରାଚାଲାଣର ପର୍ଦ୍ଦାଫାସ  । କୋଟିଏରୁ ଉର୍ଦ୍ଧ ଟଙ୍କାର ଗଞେଇ ଜବତ ହୋଇଛି  । ଏହା  ୩ ଜଣଙ୍କୁ  ଗିରଫ କରିଛି ପୋଲିସ । ରାୟଗଡ଼ା ଜିଲ୍ଲା ଚନ୍ଦ୍ରପୁର ଥାନା ରବିଗୁଡା ଛକ ନିକଟରେ ଗଞେଇ ଚୋରା ଚାଲାଣ ପାଇଁ ପ୍ରସ୍ତୁତ ବେଳେ ମାଡି ବସିଲା ପୋଲିସ । ଏହି ଚଢାଉ ବେଳେ ୧୧ କ୍ବିଣ୍ଟାଲ ୮୦ କେଜି ଗଞେଇ ଜବତ କରାଯିବା ସହ ୩ଜଣଙ୍କୁ ଗିରଫ କରାଯାଇଛି ।

ପୋଲିସର ସୂଚନା ମୁତବକ ଜବତ ଗଞେଇର ଆନୁମାନିକ ମୁଲ୍ୟ ୧ କୋଟିରୁ ଉର୍ଦ୍ଧ ହେବ । ମୁନିଗୁଡା ଏସଡ଼ିପିଓ ଆକାଶ ଚନ୍ଦ୍ର ସାହୁଙ୍କ ନେତୃତ୍ୱରେ ଏହି ଚଢାଉ କରାଯାଇଥିଲା । ଗିରଫ ବ୍ୟକ୍ତିମାନେ ହେଲେ ରାମନାଥ ଝିଣ୍ଡ୍ରିଗୁଡିକା, ପ୍ରଜା ଶ୍ରାମୂତିକା ଓ ଇଶା ଦୁର୍ବାକା । ଏହି କଳା ବ୍ୟାପାରରେ ଆଉ କେଉଁମାନେ ସାମିଲ ଅଛନ୍ତି ସେନେଇ ତଦନ୍ତ ଚଳାଇଛି ପୋଲିସ ।

ଜାତୀୟ ରାଜନୀତିରେ ପାଦ ଥାପିବ TMC, ମମତା ଏବଂ କିଶୋରଙ୍କ ମଧ୍ୟରେ ୩ ଘଣ୍ଟାଧରି ବୈଠକ

ନୂଆଦିଲ୍ଲୀ: ପଶ୍ଚିମବଙ୍ଗ ଦଖଲ ପରେ ଏବେ ରାଷ୍ଟ୍ରୀୟ ରାଜନୀତି ଉପରେ ମମତାଙ୍କ ନଜର। ଏନେଇ ଜୋର ସୋରସେ ପସ୍ତୁତି ମଧ୍ୟ ଆରମ୍ଭ କରିଦେଇଛନ୍ତି ମମତା ବାନାର୍ଜୀ। ଏନେଇ ରାଜନୈତିକ ବିଶେଷଜ୍ଞ ପ୍ରଶାନ୍ତ କିଶୋର ଏବଂ ମମତାଙ୍କ ମଧ୍ୟରେ ଗତକାଲି ତିନି ଘଣ୍ଟା ଧରି ଆଲୋଚନା ମଧ୍ୟ ହୋଇସାରିଛି। ମମତାଙ୍କ ବାସ ଭବନରେ ଏହି ମିଟିଂ ହୋଇଥିବା ସୂଚନା ରହିଛି। ଏଥିରେ ରାଷ୍ଟ୍ରୀୟ ରାଜନୀତିରେ ପାଦ ଥାପିବା ପାଇଁ ମମତାଙ୍କ ପାଇଁ ରଣନୀତି ପ୍ରସ୍ତୁତ ହୋଇଛି। ଏନେଇ ଆସନ୍ତା ସପ୍ତାହରେ ଟିଏମସିର ଜିଲ୍ଲା ସ୍ତରର ସଂଗଠନରେ ଅଧିକ ପରିବର୍ତ୍ତନ ଆଣିବାକୁ ସ୍ତିର କରାଯାଇଛି। ଜିଲ୍ଲା ସ୍ତରର ନେତାଙ୍କ ପାଖରେ ଗୋଟିଏ ହିଁ ପଦ ଦେବାକୁ ସ୍ଥିର କରିଛନ୍ତି ମମତା ସରକାର। ଦୁଇଟି ପଦ ଥିବା ନେତାଙ୍କ ଠାରୁ ଗୋଟିଏ ପଦ ରଖି ଅନ୍ୟ ପଦଟି ଅନ୍ୟ ନେତାକୁ ହସ୍ତାନ୍ତର କରାଯିବ। ତେବେ ସମସ୍ତ ଦିଗକୁ ନେଇ ମମତାଙ୍କ ଟିମ୍ ପକ୍ଷରୁ ବ୍ଲ୍ୟୁ ପ୍ରିଣ୍ଟ ପ୍ରସ୍ତୁତ କରାଯାଇଛି। ଏହି ବ୍ଲ୍ୟୁ ପ୍ରିଷ୍ଟର ରୋଡମ୍ୟାପ୍ ଚଳିତ ମାସ ଶେଷ ସୁଦ୍ଧା ସାର୍ବଜନିନ କରାଯିବ।

୨ରୁ ଅଧିକ ସନ୍ତାନ ଥିଲେ ମିଳିବନି ସରକାରୀ ଚାକିରି

ନୂଆଦିଲ୍ଲୀ: ୨ରୁ ଅଧିକ ସନ୍ତାନ ଥିଲେ ମିଳିବନି ସରକାରୀ ଚାକିରି। ସରକାରୀ ଚାରିରିଆଙ୍କର ଦୁଇରୁ ଊର୍ଦ୍ଧ୍ୱ ସନ୍ତାନ ରହିଥିଲେ ପଦୋନ୍ନତି ମିଳିବନି କି ନିର୍ବାଚନ ଲଢ଼ିବାକୁ ସୁଯୋଜ ଦିଆଯିବନି। ଜନସଂଖ୍ୟା ନିୟନ୍ତ୍ରଣ ପାଇଁ ଜନସଂଖ୍ୟା ବିଧେୟକ-୨୦୨୧ ଡ୍ରାଫ୍ଟ ପସ୍ତୁତ କରିଛନ୍ତି ଉତ୍ତରପ୍ରଦେଶ ସରକାର। ୨ରୁ ଅଧିକ ସନ୍ତାନ ଥିବା ପରିବାର ଅନେକ ସରକାରୀ ସୁବିଧାରୁ ବଞ୍ଚିତ ରହିବେ। ସରକାରୀ ଯୋଜନାର ମଧ୍ୟ ଲାଭ ମିଳିବ ନାହିଁ। ଆୟୋଗ ଡ୍ରାଫ୍ଟକୁ ସରକାରୀ ୱେବସାଇଟରେ ଅପଲୋଡ କରାଯାଇ ଆସନ୍ତା ୧୯ ତାରିଖ ମଧ୍ୟରେ ରାଜ୍ୟବାସୀ ଏହା ଉପରେ ମତ ରଖିବାକୁ କୁହାଯାଇଛି।

ଯୋଗୀ ସରକାର ଆସନ୍ତା ୧୧ ତାରିଖରେ ନୂଆ ଜନସଂଖ୍ୟା ନୀତି ଜାରି କରିବାକୁ ଯାଉଛନ୍ତି। ଚିଠା ପ୍ରସ୍ତାବ ଗ୍ରହଣ କରିଥିବା ରାଜ୍ୟ ବିଧି ଆୟୋଗ ପକ୍ଷରୁ କୁହାଯାଇଛି ଯେ, ଜନସଂଖ୍ୟା ବିଧେୟକ-୨୦୨୧ ଡ୍ରାଫ୍ଟ ପାଇଁ ରାଜ୍ୟ ସରକାରଙ୍କ ପକ୍ଷରୁ କୌଣସି ନିର୍ଦ୍ଦେଶ ଜାରି କରାଯାଇନାହିଁ। ଆୟୋଗ ନିଜ ପ୍ରୟାସରେ ଏହି ବିଧେୟକ ପ୍ରସ୍ତୁତ କରିଛନ୍ତି। ୨ ସନ୍ତାନ ଥିବା ସରକାରୀ କର୍ମଚାରୀଙ୍କୁ ଆଡିସନାଲ ଇନକ୍ରିମେଣ୍ଟ ଦିଆଯିବା ସହ ଘର ବା ଜାଗା କିଣାରେ ରିହାତି ମିଳିବ।

ଏହାସହ ଇପିଏଫ୍ ୩ପ୍ରତିଶତ ବୃଦ୍ଧି କରାଯିବ। ଏହାଛଡ଼ା ଗୋଟିଏ ସନ୍ତାନ କରୁଥିବା ଦମ୍ପତିଙ୍କୁ ସ୍ବତନ୍ତ୍ର ସୁବିଧା ଦେବାକୁ ଯୋଗୀ ସରକାର ନିଷ୍ପତ୍ତି ନେଇଛନ୍ତି। ମାଗଣା ଚିକିତ୍ସା ସୁବିଧା ସହ ୨୦ବର୍ଷ ପର୍ଯ୍ୟନ୍ତ ବୀମା, ସିଙ୍ଗଲ ଚାଇଲ୍ଡଙ୍କୁ ସ୍କୁଲରେ ଆଡମିସନ ପାଇଁ ପ୍ରାଥମିକତା ଦିଆଯିବ।

ସୁରକ୍ଷାକର୍ମୀ ଓ ନକ୍ସଲ ଗୁଳିବିନିମୟ: ଆହତ ଯବାନଙ୍କୁ ହେଲିକପ୍ଟରରେ ଆଣିଲେ ଅଭୟ

ଭୁବନେଶ୍ୱର: ମୁଖିଆ ହେବ ତ ଏମିତି  । ସାହାସ ଏବଂ ସହାନୁଭୂତିକୁ ନେଇ ଏବେ ଚର୍ଚ୍ଚା  । ନିଜ ସିପାହୀଙ୍କ ସୁରକ୍ଷା ପାଇଁ ଅନ୍ୟ ସମସ୍ତ କାର୍ଯ୍ୟକ୍ରମକୁ ବାତିଲ କରିଦେଲେ  । ଏବଂ ହଠାତ ଘଟଣାସ୍ଥଳରେ ପହଁଚିଯାଇଥିଲେ  ।  ଆଜି ବୌଦ୍ଧ-କନ୍ଧମାଳ ସୀମାରେ ସୁରକ୍ଷାକର୍ମୀ ଓ ନକ୍ସଲ ମୁହାଁ ମୁହିଁ ହୋଇଛନ୍ତି । ୮ ଘଣ୍ଟାରୁ ଅଧିକ ସମୟ ହେଲାଣି ଗୁଳିବିନିମୟ ଚାଲିଥିବାବେଳେ ଖବର ପାଇଲେ ପୋଲିସ ଡିଜିପି ଅଭୟ  । ଭିନ୍ନ କାର୍ଯ୍ୟକ୍ରମ ଥିବା ସ୍ୱତେ ମଧ୍ୟ ସମସ୍ତ ଗସ୍ତକୁ ବାତିଲ କରିଥିଲେ  । ଏବଂ ଅବିଳମ୍ବେ ଆହତ ଯବାନଙ୍କୁ ନିଜ ହେଲିକପ୍ଟରରେ ଉଦ୍ଧାର କରି ଭୁନେଶ୍ୱର ନେଇ ଆଣିଥିଲେ  ।

ସୂଚନା ମୁତାବକ ଉମା ଜଙ୍ଗଲରେ ସୁରକ୍ଷାକର୍ମୀ ଓ ନକ୍ସଲ ଉଭୟ ପକ୍ଷ ମଧ୍ୟରେ ଗୁଳି ବିନିମୟ ଚାଲିଛି। ଏହି ଗୁଳିବିନିମୟ ବେଳେ ୨ ଜଣ ଏସ୍‌ଓଜି ଯବାନ ଗୁରୁତର ଆହତ ହୋଇଛନ୍ତି। ଚିକିତ୍ସା ପାଇଁ ସେମାନଙ୍କୁ ହେଲିକପ୍ଟର ଯୋଗେ ଭୁବନେଶ୍ୱର ସ୍ଥାନାନ୍ତର କରାଯାଇଛି। ଏନେଇ ଭୁବନେଶ୍ୱର ବିମାନବନ୍ଦରରେ ସ୍ୱତନ୍ତ୍ର ଆମ୍ବୁଲାନ୍ସକୁ ପ୍ରସ୍ତୁତ କରାଯାଇଛି। ସୁରକ୍ଷା ବ୍ୟବସ୍ଥାକୁ ମଧ୍ୟ କଡ଼ାକଡ଼ି କରାଯାଇଛି। ସେପଟେ ହେଲିକପଟର ଲ୍ୟାଣ୍ଡ କଲାପରେ ଯବାନଙ୍କୁ AIIMS କୁ ନିଆଯାଇଛି। ପୋଲିସ ଡିଜି ମାଲକାନଗିରି ଗସ୍ତ କରୁଥିଲେ । କିନ୍ତୁ ଯବାନଙ୍କ ଆହତ ଖବର ଶୁଣି ମାଲକାନଗିରି ଗସ୍ତ ବାତିଲ କରି ଦୁଇ ଆହତ ଯବାନଙ୍କୁ ହେଲିକପ୍ଟର ଯୋଗେ ଆଣି ଭୁବନେଶ୍ବର ଆସିଥିଲେ ।

ଆଇଜି ଅପରେସନ ଅମିତାଭ ଠାକୁରଙ୍କ ନେତୃତ୍ବରେ ଚାଲିଛି କମ୍ବିଂ ଅପରେସନ । ବୌଦ୍ଧ ଉମା ପଞ୍ଚାୟତ ସମାଦାଙ୍ଗି-ନଦେନ ଜଙ୍ଗଲରେ ଚାଲିଛି ସର୍ଚ୍ଚ ଅପରେସନ । ମିଳିଥିବା ସୂଚନା ଅନୁସାରେ, ସ୍ଥାନୀୟ ଅଞ୍ଚଳରେ ପାଖାପାଖି ୧୦୦ରୁ ଅଧିକ ମାଓବାଦୀ ଡେରା ପକାଇଥିଲେ । ଖବର ପାଇ ଯବାନମାନେ କମ୍ବିଂ ଅପରେସନ ଆରମ୍ଭ କରିଥଲେ । ଏହି ସମୟରେ ଯବାନ ଓ ମାଓବାଦୀଙ୍କ ମଧ୍ୟରେ ଗୁଳି ବିନିୟମ ହୋଇଥିଲା । ଦୀର୍ଘ ୮ଘଣ୍ଟା ଧରି ଚାଲିଛି ପୋଲିସର କୁମ୍ବିଂ ଅପରେସନ୍ । ଏବେ ବି ସ୍ଥାନୀୟ ଅଞ୍ଚଳରେ ସର୍ଚ୍ଚ ଅପରେସନ ଜାରି ରହିଛି । ଏଠାରେ କେକେବିଏନ ମାଓ ସଙ୍ଗଠନ ସକ୍ରିୟ ରହିଛି ।

ସେପଟେ ଭୁବନେଶ୍ୱରରେ ପହଁଚିବା ପରେ ଡିଜିପି ଅଭୟ ସାମ୍ବାଦିକଙ୍କ ସାମ୍ନାରେ ପ୍ରତିକ୍ରିୟା ରଖି ହେଲିକ୍ପଟର ପାଇଲଟଙ୍କୁ ଧନ୍ୟବାଦ ଜଣାଇଥିଲେ  । ଯେଉଁ ସ୍ଥାନରେ ହେଲିକ୍ପଟର ଲ୍ୟାଣ୍ଡ କରିବା ଅସମ୍ଭବ ତାହାକୁ ସମ୍ଭବ କରି ଦେଖାଇଥିଲେ ପାଇଲଟ ପଣ୍ଡିତ  । ପାଇଲଟଙ୍କ ପାଇଁ ନକ୍ସଲଙ୍କ ଆକ୍ରମଣରେ ଆହତ ହୋଇଥିବା ଦୁଇ ଯବାନଙ୍କୁ ଯଥା ଶୀଘ୍ର ଭୁବନେଶ୍ୱର ଅଣା ଯାଇପାରିଲା ବୋଲି ସୂଚନା ଦେଇଥିଲେ ଅଭଯ  । ସବୁଠୁ ବଡ଼ କଥା ହେଉଛି ଏହି ଆହତ ଯବାନଙ୍କ ସାଥିରେ ନିଜେ ଡିଜିପି ଅଭୟ ରହିଥିଲେ  । ତାଙ୍କୁ ଭୁବନେଶ୍ୱର ଏମସରେ ଚିକିତ୍ସା କରାଇବା ପର୍ଯ୍ୟନ୍ତ ମଧ୍ୟ ସେ ପ୍ରୟାସରତ ରହିଥିଲେ  । ଯେଉଁଥିପାଇଁ ଏବେ ଶୁଣିବାକୁ ମିଳୁଛି, ମୁଖିଆ ହେବ ତ ଏମିତି…

 

 

ବର୍ଷକର ହିସାବ ଦେଲେ ବିଜେଡି ସାଂସଦ ଅମର ପଟ୍ଟନାୟକ

ଭୁବନେଶ୍ୱର: ବର୍ଷକର ହିସାବ ଦେଲେ ସାଂସଦ। ବିଜେଡି ସାଂସଦ ଅମର ପଟ୍ଟନାୟକ ସାମ୍ବାଦିକ ସମ୍ମିଳନୀରେ ବର୍ଷକର ରିପୋର୍ଟ କାର୍ଡ ବଖାଣିଛନ୍ତି। ୨୦୧୯ ଜୁଲାଇ ୪ରୁ ବିଜେଡି ସାଂସଦ ଭାବେ ଶପଥ ଗ୍ରହଣ କରିବା ପରଠୁ ଆଜି ପର୍ଯ୍ୟନ୍ତ ସେ ତାଙ୍କର ଅନୁଭୂତି ଓ କାର୍ଯ୍ୟ ବିଷୟରେ ସୂଚନା ଦେଇଛନ୍ତି। ଗତବର୍ଷ କୋରନା ମହାମାରୀରେ ପ୍ରବାସୀ ଶ୍ରମିକ ମାନଙ୍କ ଉଦ୍ଧାର ଓ ରିଲିଫ କାର୍ଯ୍ୟରେ ଯୋଗଦାନ କରିଥିଲେ ବୋଲି କହିଛନ୍ତି ଅମର। ୨୦୨୧ ଜୁଲାଇ ୩ ତାରିଖରେ ସାଂସଦଙ୍କ ଦୁଇ ବର୍ଷ ପୂର୍ତ୍ତି ଥିଲା। ଚଳିତ ବର୍ଷର ଏପ୍ରିଲ ୧୫ ରୁ ଜୁନ ୧୫ ଭିତରେ କୋଭିଡ ରୋଗୀଙ୍କ ସେବା ଓ ଚିକିତ୍ସା ନେଇ କରିଥିବା ଉଦ୍ୟମକୁ ରିପୋର୍ଟ କାର୍ଡ ଜରିଆରେ ସେ ଜଣାଇଛନ୍ତି।

ସାଂସଦ ଏହି ଅବସରରେ ଗୋଟିଏ ପୁସ୍ତିକା ପ୍ରକାଶ କରି କହିଛନ୍ତି ସଂସଦରେ ଓଡ଼ିଶାର ସ୍ୱାର୍ଥ ପାଇଁ ସେ ଅନେକ ଦାବି ଇଉଠାଇଛନ୍ତି। ଉଚ୍ଚଶିକ୍ଷା କ୍ଷେତ୍ରରେ ଅନୁଦାନ, ୨୦୧୮-୧୯ ବର୍ଷର ୪୫୬ କୋଟି ଟଙ୍କାର ଜିଏସଟି ବକେୟା ତାଙ୍କ ଉଦ୍ୟମ ଯୋଗୁ କେନ୍ଦ୍ର ସରକାର ଦେଇଥିବା ନେଇ ସେ ଉଲ୍ଲେଖ କରିଛନ୍ତି। ସେହିପରି ଧାନ କିଣା ବାବଦ ଅର୍ଥ ଦେବାରେ କେନ୍ଦ୍ର ସରକାର ବିଳମ୍ବ କରିଥିଲେ। ତାଙ୍କ ଉଦ୍ୟମରେ ୨୮୫ କୋଟି ଟଙ୍କା କେନ୍ଦ୍ର ସରକାର ରାଜ୍ୟକୁ ଦେଇଛନ୍ତି। ଏହି ବର୍ଷକ ଭିତରେ ୨୬୫ ଟି ବିତର୍କରେ ସେ ଭାଗ ନେଇଛନ୍ତି।

ରାଜ୍ୟ ସ୍ୱାର୍ଥ ସମ୍ବଳିତ ଦାବି ଓ ମୁଖ୍ୟମନ୍ତ୍ରୀଙ୍କ ନିର୍ଦେଶ ଅନୁଯାୟୀ ସେ ଦାବି ଉପସ୍ଥାପନ କରିଛନ୍ତି। ତିନିଟି କୃଷି ବିଲକୁ ସିଲେକ୍ଟ କମିଟିକୁ ପଠାଇବା ପାଇଁ ସେ ଦୃଢ଼ ଦାବି ରଖିଥିଲେ। ବୟନ ଶିଳ୍ପ କ୍ଷେତ୍ରରେ ବୁଣାକାର ମାନଙ୍କ ସମସ୍ୟା ନେଇ ସେ ସଂସଦରେ ଦାବି ଉପସ୍ଥାପନ କରିଥିଲେ ବୋଲି କହିଛନ୍ତି। ରାଜ୍ୟର ଉପଲବ୍ଧି ସମ୍ପର୍କରେ ଜାତୀୟ ଗଣମାଧ୍ୟମରେ ୧୫୦ଟି ଆର୍ଟିକିଲ ଲେଖିଥିଲେ। ଆସନ୍ତା ଦିନରେ ଏହାକୁ ନେଇ ଏକ ସଙ୍କଳନ ପ୍ରକାଶ ପାଇବ। ଓଡ଼ିଶାକୁ ବିଶ୍ଵ ଦରବାରରେ ଭାରତ ମାନଚିତ୍ରରେ କିପରି ଏକ ସ୍ୱତନ୍ତ୍ର ପରିଚୟ ପାଇବ ସେ ନେଇ ସେ ଉଦ୍ୟମ କରିବେ ବୋଲି କହିଛନ୍ତି।

ଚେକିଂ ବେଳେ କଳ୍ପନା ଛକରେ ହାବିଲଦାରଙ୍କ ମୁଣ୍ଡ ଉପରେ ଅଟୋ ଚଢ଼ାଇ ଦେଲା ମଦ୍ୟପ ଚାଳକ

ଭୁବନେଶ୍ୱର: ସଟ୍‌ଡାଉନରେ କାରୋନା ଚେକିଂ ବେଳେ ଅଘଟଣ। ହାବିଲଦାରଙ୍କ ମୁଣ୍ଡ ଉପରେ ଅଟୋ ଚଢାଇ ଦେଲା ମଦ୍ୟପ ଚାଳକ। କଳ୍ପନା ଛକରେ ଚେକିଂ ବେଳେ ଅଟୋ ମାଡ଼ିଯିବାରୁ ହାବିଲଦାର ରଞ୍ଜନ ପ୍ରଧାନଙ୍କ ଅବସ୍ଥା ସଙ୍କଟାପନ୍ନ ରହିଛି। ଦୁର୍ଘଟଣା ପରେ ପ୍ରଥମେ କ୍ୟାପିଟାଲ ହସ୍ପିଟାଲ, ପରେ ଏମ୍ସରେ ଭର୍ତ୍ତି ହୋଇଛନ୍ତି ଆହତ ହାବିଲଦାର।

ତେବେ ରାଜଧାନୀରେ ଏକେ ଟ୍ରାଫିକ୍‌ ଚେକିଂ ବ୍ୟବସ୍ଥାକୁ କଡ଼ାକଡ଼ି କରାଯାଉଛି। କରୋନା କଟକଣା ମଧ୍ୟରେ ଅଟୋ ନ ଚଳାଇଲେ ଫାଇନ୍‌ ମଧ୍ୟ କଟାଯାଉଛି। ମଦ୍ୟପ ଚାଳକ ଚେକିଂ ସମୟରେ କଟକଣା ଭାଙ୍ଗିବାରୁ ତାଙ୍କୁ ହାବିଲଦାର ଜଣକ ଅଟକାଇବାକୁ ଚେଷ୍ଟା କରିଥିଲେ। କିନ୍ତୁ ଚାଳକ ଜଣକ ବିକଳରେ ଯିବାକୁ ଚେଷ୍ଟା କରୁଥିବା ବେଳେ ହାବିଲଦାରଙ୍କ ଉପରେ ଅଟୋକୁ ଚଢ଼ାଇଦେଇଥିଲେ।

୪ ଦଶମିକ ୫ ଇଞ୍ଚ ଉଚ୍ଚତାର ରଥରେ ବିରାଜମାନ ବଡ଼ ଠାକୁର, ମନ ମୋହୁଛି ସୁନ୍ଦର କାରୁକାର୍ଯ୍ୟ

ଖୋର୍ଦ୍ଧା: କୁନି ରଥରେ ଜଗନ୍ନାଥ। ସୂକ୍ଷ୍ମ ଶିଳ୍ପୀଙ୍କ ହାତରେ ମାତ୍ର ୪ ଦଶମିକ ୫ ଇଞ୍ଚ ଉଚ୍ଚତାର ରଥ ନିର୍ମାଣ କରାଯାଇଥିବା ବେଳେ ରଥରେ ଏକ ଇଞ୍ଚର ଠାକୁର ବିରାଜମାନ କରିଥିବା ଦେଖିବାକୁ ମିଳିଛି।  ଜଟଣୀର ଈଶ୍ୱର ରାଓ ନିଜର ସୂକ୍ଷ୍ମ କାରୁକାର୍ଯ୍ୟରେ ନିର୍ମାଣ କରିଛନ୍ତି ଏହି କୁନିରଥ। ୪୩୫ ଖଣ୍ଡ ଦିଆସିଲି କାଠିରେ ନିର୍ମାଣ ହୋଇଛି ରଥ। କାଠିକୁ କାଠି ଯୋଡି ରଥ ନିର୍ମାଣ ହୋଇଛି। ରଥରେ ନାଲି, ହଳଦିଆ, ସବୁଜ ରଙ୍ଗ ଦେଇ ତାକୁ ଆକର୍ଷିତ କରିଛନ୍ତି ଈଶ୍ୱର। ନିଜର ସୂକ୍ଷ୍ମ କାରିଗରୀରେ ଏକ ଇଞ୍ଚ ଉଚ୍ଚତାର ତିନି ଠାକୁର ମହାପ୍ରଭୁ ଜଗନ୍ନାଥ, ବଳଭଦ୍ର, ମା ସୁଭଦ୍ରାଙ୍କ ମୂର୍ତ୍ତି ତିଆରି କରିଛନ୍ତି। ତିନି ଠାକୁରଙ୍କ ମୂର୍ତ୍ତି ନିମ୍ବ କାଠରେ ନିର୍ମାଣ ହୋଇଛି। ଈଶ୍ୱରଙ୍କ ଏହି କଳାକୃତିକୁ ସୋସିଆଲ ମିଡିଆରେ ଭୁରି ଭରି ପ୍ରଂଶସା କରାଯାଉଥିବା ଦେଖିବାକୁ ମିଳିଛି। ଚଳିତ ବର୍ଷ ସମସ୍ତେ ଘରେ ରହି ମହାପ୍ରଭୁଙ୍କ ଘୋଷଯାତ୍ରା ଦେଖୀବାକୁ ମନ ସ୍ଥିର କରିଥିବା ବେଳେ ଈଶ୍ୱରଙ୍କ ଏହି କୁନି ରଥରେ ମହାପ୍ରଭୁ ପୂଜା ପାଇବେ।

ଦୀର୍ଘ ୮ ଘଣ୍ଟା ଧରି ଚାଲିଛି ମାଓ-ପୋଲିସ ମଧ୍ୟରେ ଗୁଳି ବିନିମୟ

ବୌଦ୍ଧ: ବୌଦ୍ଧ ଜିଲ୍ଲା କଣ୍ଟାମାଳରେ ମାଓ-ପୋଲିସ ମୁହାଁମୁହିଁ। ସୁରକ୍ଷାବାହିନୀ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଛି। ଦୀର୍ଘ ୮ଘଣ୍ଟା ଧରି ଚାଲିଛି ପୋଲିସର କୁମ୍ବି ଅପରେସନ୍। ମାଓବାଦୀ ଲୁଚିଥିବା ସୂଚନା ପାଇ ପୂରା ଅଞ୍ଚଳକୁ ସିଲ୍ କରିଥିଲା ପୋଲିସ। ଏବେବି ସ୍ଥାନୀୟ ଅଞ୍ଚଳରେ ଜାରି ରହିଛି ଗୁଳି ବିନିମୟ। ଏଠାରେ କେକେବିଏନ ମାଓ ସଙ୍ଗଠନ ସକ୍ରିୟ ରହିଛି। ବୌଦ୍ଧ ଓ କନ୍ଧମାଳ ସୀମାନ୍ତରେ ଥିବା ନାରାୟଣପ୍ରସାଦ ଓ ଉମା ପଞ୍ଚାୟତ ନିକଟ ଜଙ୍ଗଲରେ ଅପରେସନ ଚାଲିଥିବା କୁହାଯାଉଛି। ମାଓ ବିରୋଧୀ ଅପରେସନରେ ଗୋଟିଏ ହେଲିକପ୍ଟର ସାମିଲ ଥିବା କୁହାଯାଉଛି। ସୋନପୁର ଘଣ୍ଟାପଡ଼ା ହାଇସ୍କୁଲ ପଡ଼ିଆରେ ଏହି ହେଲିକପ୍ଟର ପ୍ରସ୍ତୁତ ଅଛି। ଗୁଳି ବିନିମୟରେ ୨ ଜଣ ସୁରକ୍ଷାକର୍ମୀ ଆହତ ହୋଇଥିବା ସୂଚନା ମିଳିଛି। ମିଳିଥିବା ସୂଚନା ଅନୁସାରେ, ସ୍ଥାନୀୟ ଅଞ୍ଚଳରେ ପାଖାପାଖି ୧୦୦ରୁ ଅଧିକ ମାଓବାଦୀ ଡେରା ପକାଇଥିଲେ। ଖବର ପାଇ ଯବାନମାନେ କମ୍ବିଂ ଅପରେସନ ଆରମ୍ଭ କରିଛନ୍ତି।

ନୂଆ ରୂପ ନେବ ଭୁବନେଶ୍ୱର କଳିଙ୍ଗ ଷ୍ଟାଡିୟମ, ନିର୍ମାଣ ହେବ ଇଣ୍ଡୋର ଆଥଲେଟିକ୍ ଷ୍ଟାଡିୟମ

ଭୁବନେଶ୍ୱର: ନୂଆ ରୂପ ନେବ ଭୁବନେଶ୍ୱର କଳିଙ୍ଗ ଷ୍ଟାଡିୟମ। ଭୁବନେଶ୍ୱର କଳିଙ୍ଗ ଷ୍ଟାଡିୟମ ପରିସରରେ ଏକ ଇଣ୍ଡୋର ଆଥଲେଟିକ୍ ଷ୍ଟାଡିୟମ ନିର୍ମାଣ ହେବ। ୪୦୦ ମିଟରର ଟ୍ରାକ ଥିବା ଏକ ଇଣ୍ଡୋର ଆଥଲେଟିକ୍ ଷ୍ଟାଡିୟମ ନିର୍ମାଣ ହେବାକୁ ଯାଉଛି। ଏହାସହ କଳିଙ୍ଗ ଷ୍ଟାଡିୟମ ପରିସରରେ ଏକ ବିଶ୍ୱସ୍ତରୀୟ ଟେନିସ କୋର୍ଟ ନିର୍ମାଣ ହେବ। ଯେଉଁଠି ଡେଭିସ କପ ଭଳି ଷ୍ଟାଣ୍ଡାର୍ଡର ପ୍ରତିଯୋଗିତା ଖେଳାଯାଇପାରିବ। ହାଇ ପରଫରମାନ୍ସ ସେଣ୍ଟର ପାଇଁ ଆଉ ଏକ ବିଶ୍ୱସ୍ତରୀୟ ସୁଇମିଂ ପୁଲ୍‌ ନିର୍ମାଣ ହେବ। କେବଳ ଏତିକି ନୁହେଁ ଅନ୍ତର୍ଜାତୀୟ ଇଭେଣ୍ଟ ହେଲେ ଆସୁଥିବା ଅତିଥିମାନଙ୍କ ପାଇଁ ଏକ ଗେଷ୍ଟ ହାଉସ ନିର୍ମାଣ ହେବ। ଏହାସହ ହାଇ ପରଫର୍ମାନ୍ସ ସେଣ୍ଟର ପାଇଁ ଏକ ସ୍ପୋର୍ଟ ହଷ୍ଟେଲ ମଧ୍ୟ କଳିଙ୍ଗ ଷ୍ଟାଡିୟମ ପରିସରରେ ନିର୍ମାଣ ହେବ।

ଡାକ୍ତରଖାନାର ତୃତୀୟ ମହଲା ଉପରୁ ଡେଇଁ ଆତ୍ମହତ୍ୟା କଲେ ମହିଳା ରୋଗୀ

ରାୟଗଡ଼ା: ରାୟଗଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଅଭାବନୀୟ ଘଟଣା। ମେଡିକାଲ ତୃତୀୟ ମହଲାରୁ ଡେଇଁ ଜଣେ ମହିଳା ରୋଗୀ ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ଆତ୍ମହତ୍ୟା କରିଥିବା ମହିଳା ଜଣକ ହେଲେ ୨୮ ବର୍ଷୀୟ ରଜନୀ ମେଲେକା। କୌଣସି ଏକ ରୋଗରେ ଆକ୍ରାନ୍ତ ହୋଇ ରଜନୀ ଚିକିତ୍ସାଳୟରେ ଭର୍ତ୍ତି ହୋଇଥିଲେ।

ତେବେ ଆଜି ଭୋରରୁ ସେ ଚିକିତ୍ସାଳୟ ତୃତୀୟ ମହଲାର ବାଥରୁମ ଯାଇ ସେଠାରୁ ତଳକୁ ଡେଇଁ ପଡିଥିଲେ। ଡେଇଁ ପଡିବା ପରେ ତଳେ ପଡି ତାଙ୍କର ମୃତ୍ୟୁ ହୋଇଥିଲା। ତେବେ ସେ କାହିଁକି ଡେଇଁ ଆତ୍ମହତ୍ୟା କରିଛନ୍ତି ତାହା ଜଣାପଡିନାହିଁ। ଖବର ପାଇ ପୋଲିସ ପହଞ୍ଚି ତଦନ୍ତ କରିବା ସହ ଶବ ବ୍ୟବଛେଦ କରିଛି।