ଭୁବନେଶ୍ୱର: ରାଜ୍ୟରେ ଆଉ ୧ହଜାର ୯୨୭ ସଂକ୍ରମିତ ଚିହ୍ନଟ ହୋଇଛନ୍ତି । ୬୯ ଆକ୍ରାନ୍ତଙ୍କ ଜୀବନ ନେଇଛି କିଲର ଭାଇରସ୍ । ରାଜ୍ୟରେ ଏଯାଏଁ ମୋଟ୍ ୫ହଜାର ୨୪୧ ସଂକ୍ରମିତଙ୍କ ଜୀବନ ନେଲାଣି କରୋନା । ୨୪ ଘଣ୍ଟାରେ ୨୩ଶହ୪୧ ଆକ୍ରାନ୍ତ ସୁସ୍ଥ ହୋଇଛନ୍ତି । କ୍ୱାରେଣ୍ଟାଇନ୍ରୁ ହଜାରେ ୧୧୫ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଲୋକାଲ କେସ୍ ୮୧୨ ଚିହ୍ନଟ ହୋଇଛି । ଖୋର୍ଦ୍ଧାରୁ ସର୍ବାଧିକ ୪୯୮ ସଂକ୍ରମିତ ଚିହ୍ନଟ ହୋଇଥିବା ବେଳେ କଟକରୁ ୨୪୮, ଯାଜପୁରରୁ ୧୨୩, ବାଲେଶ୍ବରରୁ ୧୧୧, ପୁରୀରୁ ୧୦୩, ଷ୍ଟେଟପୁଲରୁ ଶହେ ସଂକ୍ରମିତ ଚିହ୍ନଟ ହୋଇଛନ୍ତି । ଜଗତସିଂହପୁରରୁ ୯୧, ମୟୂରଭଞ୍ଜରୁ ୯୦, ଢେଙ୍କାନାଳରୁ ୭୫, କେନ୍ଦ୍ରାପଡାରୁ ୭୩, ନୟାଗଡ଼ରୁ ୬୪, ଅନୁଗୁଳରୁ ୫୫, ସୁନ୍ଦରଗଡ଼ରୁ ୩୮, ସମ୍ବଲପୁରରୁ ୩୩, କେନ୍ଦୁଝରରରୁ ୩୨, ବରଗଡ଼ରୁ ୨୭, ରାୟଗଡ଼ାରୁ ୨୨, ଭଦ୍ରକରୁ ୧୯, କନ୍ଧମାଳ ଓ ମାଲକାନଗିରିରୁ ୧୮ଜଣ ଲେଖାଏଁ, ନବରଙ୍ଗପୁରରୁ ୧୫, ବଲାଙ୍ଗୀରରୁ ୧୧, ଗଞ୍ଜାମରୁ ୧୦, ଝାରସୁଗୁଡା, କୋରାପୁଟ ଓ ସୋନପୁରରୁ ୮ଜଣ ଲେଖାଏଁ, ବୌଦ୍ଧ ଓ କଳାହାଣ୍ଡିରୁ ୭ଜଣ ଲେଖାଏଁ, ଦେବଗଡ଼ରୁ ୬, ନୂଆପଡାରୁ ୫, ଗଜପତିରୁ ୪ ଆକ୍ରାନ୍ତ ଚିହ୍ନଟ ହୋଇଛନ୍ତି । ରାଜ୍ୟରେ ମୋଟ୍ ସଂକ୍ରମିତଙ୍କ ସଂଖ୍ୟା ୯ଲକ୍ଷ ୫୯ହଜାର ୯୮୬ ଥିବା ବେଳେ ମୋଟ୍ ସୁସ୍ଥ ହେଲେଣି ୯ଲକ୍ଷ୩୫ହଜାର ୭, ଆକ୍ଟିଭ କେସ୍ ରହିଛି ୧୯ହଜାର ୬୮୫ ରହିଛି ।
ପେଗାସସ୍ ମାମଲା: ଅଭିଯୋଗକୁ ଖଣ୍ଡନ କଲା ଇସ୍ରାଏଲୀ ଟେକ୍ନୋଲୋଜି ଫାର୍ମ ଏନଏସଓ ଗ୍ରୁପ
ନୂଆଦିଲ୍ଲୀ: ପେଗାସସ ଝଡ ଜାରି ରହିଥିବା ବେଳେ ଇସ୍ରାଏଲୀ ଟେକ୍ନୋଲେଜି ଫାର୍ମ ଏନଏସଓ ଗ୍ରୁପ ଏସବୁକୁ ଅସ୍ୱୀକାର କରିଛି । ଏନଏସଓ ଗ୍ରୁପ ଅନୁସାରେ ଯେଉଁ ସଫ୍ୱଓ୍ୱେରରେ କିଛି ଭାରତୀୟ ନେତା, ସାମ୍ବାଦିକ, ମନ୍ତ୍ରୀ, ବିଚାରପତିଙ୍କ ଫୋନ ନମ୍ବରକୁ ଟାର୍ଗେଟ କରାଯାଇଛି ବୋଲି ଅଭିଯୋଗ ଆସୁଛି, ସେହି ସଫ୍ୱଓ୍ୱେର ଆମର ନୁହେଁ ।

ଆମ ସଫ୍ୱଓ୍ୱେର ଦ୍ୱାରା ପୂର୍ବରୁ ବି କେବେ କାହାକୁ ଟାର୍ଗେଟ କରାଯାଇ ନଥିଲା । କମ୍ପାନୀର ମୁଖପାତ୍ର କହିଛନ୍ତିଯେ, ପ୍ୟାରିସ ସ୍ଥିତ ସଂଗଠନ ଫରବିଡେନ ଷ୍ଟୋରିଜ ପକ୍ଷରୁ ପ୍ରକାଶିତ ନାମ ତାଲିକା ସହ କମ୍ପାନୀ ସ୍ପାଇ ଓ୍ୱେୟାରର କୌଣସି ସମ୍ପର୍କ ନାହିଁ । ଆମେନଷ୍ଟି ଇଣ୍ଟରନ୍ୟାସନାଲ ସହ କାର୍ଯ୍ୟ କରୁଥିବା ଏହି ସଂସ୍ଥା 50 ହଜାର ଫୋନର ଯେଉଁ ଡାଟାବେସ ପ୍ରସ୍ତୁତ ବୋଲି କୁହାଯାଉଛି ତାହା ସହ ସ୍ପାଇଓ୍ୱେୟାରର କୌଣସି ସମ୍ପର୍କ ନାହିଁ ।

ଏହି ଫୋନ ନମ୍ବର ଗୁଡିକ ସହ ଏନଏସଓ ଗ୍ରୁପର ସମ୍ପର୍କ ନାହିଁ ବା କେବେ ଟାର୍ଗେଟରେ ନଥିଲା । କୌଣସି ନମ୍ବରର ଗୋପନୀୟତାକୁ ଟାର୍ଗେଟ କରିବାକୁ କେବେ ବି କମ୍ପାନୀ ଚେଷ୍ଟା ବି କରିନାହିଁ । ଯଦି ଏହାର ପ୍ରଯୁକ୍ତିକୁ ଅପବ୍ୟବହାର କରାଯାଇଥାଏ ଏବଂ ସ୍ପଷ୍ଟ ପ୍ରମାଣ ମିଳେ ତେବେ ଏହାର ସବିଶେଷ ତଦନ୍ତ କରିବେ କମ୍ପାନୀ କର୍ତ୍ତୃପକ୍ଷ ।
ସୂଚନାଯୋଗ୍ୟ ଗତ ସୋମବାର 300ରୁ ଅଧିକ ଭାରତୀୟ ନେତା, ମନ୍ତ୍ରୀ, ସାମ୍ବାଦିକ, ବିଚାରପତି ଆଦିଙ୍କ ଫୋନ ହ୍ୟାକ କରାଯ଼ାଇଛି ବୋଲି ଖବର ପ୍ରକାଶ ପାଇବା ପରେ ଦେଶବ୍ୟାପୀ ଝଡ ସୃଷ୍ଟି ହୋଇଥିଲା ।
ରାଜ୍ୟର ୪ ଜିଲ୍ଲାରେ ବନ୍ଦ ରହିଛି ଟିକାକରଣ
ଭୁବନେଶ୍ୱର: ଆଜି ଚାରି ଜିଲ୍ଲାରେ ବନ୍ଦ ରହିବ ଟିକାକରଣ । ବାଲେଶ୍ୱର, ପୁରୀ, ସୋନପୁର ଓ କୋରାପୁଟରେ ବନ୍ଦ ରହିବ ଟିକାକରଣ । ରାଜ୍ୟର ୭୫୮ କେନ୍ଦ୍ରରେ ଟିକାକରଣ ଜାରି ରହିବ । ସେପଟେ ରାଜ୍ୟ ଜାରି ରହିଛି ଗର୍ଭବତୀଙ୍କୁ ଟିକାକରଣ । ମଙ୍ଗଳବାର ୨ ହଜାର ୫୬୬ ଜଣ ଗର୍ଭବତୀ ଟିକାକରଣରେ ସାମିଲ ହୋଇଛନ୍ତି । ଏପର୍ଯ୍ୟନ୍ତ ମୋଟ୍ ୭ ହଜାର ୩୮୨ ଜଣ ଟିକା ନେଇଛନ୍ତି । ତେବେ ରାଜ୍ୟରେ ୭ ଲକ୍ଷ ୬୮ ହଜାର ୭୨୦ଟି କୋଭିସିଲ୍ଡ ଓ ୧ ଲକ୍ଷ ୧୮ ହଜାର ୫୨୦ଟି କୋଭାକ୍ସିନ୍ ଟିକା ମହଜୁଦ୍ ରହିଛି । ମଙ୍ଗଳବାର ତିନି ଲକ୍ଷ କୋଭିସିଲ୍ଡ ଟିକା ଆସିଛି ।
ଏଥିସହିତ ପଢ଼ନ୍ତୁ: ଦେଶର ଦୁଇ ତୃତୀୟାଂଶ ଜନସଂଖ୍ୟାରେ ବୃଦ୍ଧି ହୋଇଛି ଆଣ୍ଟିବଡି
ମହଣ ମହଣ ସୁନାରେ ସଜେଇ ହେବେ ଶ୍ରୀଜିଉ
ପୁରୀ: ଆଜି ମହାପ୍ରଭୁଙ୍କ ପବିତ୍ର ସୁନାବେଶ । ମହଣ ମହଣ ସୁନାରେ ସଜେଇ ହେବେ ଶ୍ରୀଜିଉ । ଚଳିତବର୍ଷ କୋଭିଡ୍ କଟକଣା ପାଇଁ ମହାପ୍ରଭୁଙ୍କ ସୁନାବେଶ ଦର୍ଶନରୁ ବଞ୍ଚିତ ହେବେ ଶ୍ରଦ୍ଧାଳୁ । ମଙ୍ଗଳ ଆଳତି ମଇଲମ, ତଡ଼ପ ଲାଗି, ଅବକାଶ, ବେଶ ଶେଷ, ଗୋପାଳ ବଲ୍ଳଭ, ସକାଳ ଧୂପ, ମଇଲମ, ମହାସ୍ନାନ ଓ ସର୍ବାଙ୍ଗ, ବେଶ ଶେଷ ପରେ ଅନ୍ୟାନ୍ୟ ନୀତି ବଢ଼ି ମେକାପ ସର୍ବାଙ୍ଗ ପରେ ଶ୍ରୀ ଜୀଉଙ୍କ ସୁନାବେଶ ନୀତି ଅନୁଷ୍ଠିତ ହେବ । ଏ ନେଇ ସୁରକ୍ଷା ବ୍ୟବସ୍ଥା କଡାକଡି କରାଯାଇଥିବା ବେଳେ ସହରରେ ଲଗାଯାଇଥିବା କର୍ଫ୍ୟୁ କୋହଳ କରାଯାଇଛି । କେବଳ ଶ୍ରୀ ମନ୍ଦିର ଚତୁର୍ପାଶ୍ୱରେ କର୍ଫ୍ୟୁ ବଳବତ୍ତର ରହିବ । ଗତକାଲି ଶୃଙ୍ଖଳିତ ଭାବେ ବାହୁଡା ନୀତି ସମ୍ପନ୍ନ ହୋଇଥିବା ବେଳେ ଏବେ ରଥାରୂଢ ଶ୍ରୀବିଗ୍ରହଙ୍କ ଚାଲିଛି ନୀତିକାନ୍ତି ।
ଏଥିସହିତ ପଢ଼ନ୍ତୁ: ଶ୍ରୀମନ୍ଦିରରେ ତିନି ରଥ: ସାରିଲେ ଲୀଳାଖେଳା, ବାହୁଡ଼ିଗଲେ ବାହୁଡ଼ାବ୍ରହ୍ମ
ଭିଜିଲାନ୍ସ ଜାଲରେ ଭବାନୀପାଟଣା ସରକାରୀ ପଲିଟେକନିକ୍ କଲେଜ ଅଧ୍ୟକ୍ଷ
କଳାହାଣ୍ଡି: ଭିଜିଲାନ୍ସ ଜାଲରେ ଭବାନୀପାଟଣା ସରକାରୀ ପଲିଟେକନିକ୍ କଲେଜ ଅଧ୍ୟକ୍ଷ । ଆୟ ବର୍ହିଭୁତ ସଂପତ୍ତି ଠୁଳ ଅଭିଯୋଗରେ ୭ଟି ସ୍ଥାନରେ ଏକକାଳୀନ ଚଢାଉ କରିଛି ଭିଜିଲାନ୍ସ । ସୁର୍ଯ୍ୟନାରାୟଣଙ୍କ ସରକାରୀ କାର୍ଯ୍ୟାଳୟ ସହିତ ନିଜସ୍ବ ଓ ସରକାରୀ ବାସଭବନରେ ରେଡ୍ ହୋଇଛି । ଭୁବନେଶ୍ବର, ଝାରସୁଗୁଡା, ସୁନ୍ଦରଗଡ଼, କେନ୍ଦ୍ରାପଡା, ଓ ଭବାନିପାଟଣାରେ ଚଢାଉ କରିଛି ଭିଜିଲାନ୍ସ ।
୫ଜଣ ଡିଏସପିଙ୍କ ସମେତ ୩ଜଣ ଇନିସପେକ୍ଟରଙ୍କ ତତ୍ତ୍ବାବଧାନରେ ରେଡ ହେଉଛି । ରାଉରକେଲାର ୩ ଜଣିଆ ଭିଜିଲାନ୍ସ ଟିମ୍ ତଦନ୍ତ ଜାରିରଖିଛି । ଅନ୍ୟପଟେ ତାଙ୍କ ପତ୍ନୀ କାମ କରୁଥିବା ଅଫିସ, କେନ୍ଦ୍ରାପଡ଼ା ବାସଭବନ, ଭବାନୀପାଟଣାରେ ଥିବା ସରକାରୀ ବାସଭବନ ଓ ଭୁବନେଶ୍ଵରର ଏକ ଘରେ ମଧ୍ୟ ରେଡ୍ କରାଯାଇଛି । ୨ କୋଟି ଟଙ୍କାର ୪୫ ଲକ୍ଷ ଟଙ୍କାର ସମ୍ପତ୍ତି ଜବତ କରାଯାଇଛି ।



