spot_img
Home Blog Page 5546

ସ୍ପାଇଓ୍ୱେୟାର ପେଗାସସ୍ ସ୍କାନ୍‌ରରେ ଥିଲେ ପୂର୍ବତନ ସିବିଆଇ ମୁଖ୍ୟ ଆଲୋକ ବର୍ମା

ନୂଆଦିଲ୍ଲୀ: ଇସ୍ରାଏଲ ସ୍ପାଇଓ୍ୱେୟାର ପେଗାସସକୁ ନେଇ କିଛି ଚାଞ୍ଚଲ୍ୟକର ତଥ୍ୟ ଏବେ ସାମ୍ନାକୁ ଆସିବାରେ ଲାଗିଛି । ଏହା ସହାୟତାରେ ବିଶ୍ୱର ଅନେକ ବିଶିଷ୍ଟ ବ୍ୟକ୍ତି ବିଶେଷଙ୍କ ଫୋନ୍ ଟ୍ୟାପିଂ କରାଯାଉଥିବା ବେଳେ ଭାରତର ମଧ୍ୟ ପ୍ରାୟ ୩ଶହ ବ୍ୟକ୍ତିଙ୍କ ଫୋନ୍ ନମ୍ୱର ହ୍ୟାକ୍ କରାଯାଇଛି । ଯେଉଁମାନଙ୍କ ମଧ୍ୟରେ ରହିଛନ୍ତି ପୂର୍ବତନ ସିବିଆଇ ମୁଖ୍ୟ ଆଲୋକ ବର୍ମା । ଏଥିସହିତ ଦେଶର ଏହି ବିଶ୍ୱସନୀୟ ସଂସ୍ଥାର ସ୍ୱତନ୍ତ୍ର ଡାଇରେକ୍ଟର ରାକେଶ ଆସ୍ଥାନା ଓ ଅତିରିକ୍ତ ନିର୍ଦ୍ଦେଶକ ଏ.କେ ଶର୍ମାଙ୍କୁ ମଧ୍ୟ ଟାର୍ଗେଟ କରାଯାଇଥିବା ଜାତୀୟ ଗଣମାଧ୍ୟମରେ ପ୍ରକାଶ । ଏଥି ସହିତ ଆଲୋକ ବର୍ମାଙ୍କ ପରିବାର ସଦସ୍ୟଙ୍କ ଫୋନ୍ ମଧ୍ୟ ହ୍ୟାକ କରାଯାଇଥିବା କୁହାଯାଉଛି । ସେମାନଙ୍କ ପରିବାରର ମୋଟ ୧୦ ଟି ନମ୍ୱର ଥିବା ବେଳେ ସେଥିମଧ୍ୟରୁ ୮ଟି ନମ୍ୱରକୁ ହ୍ୟାକ କରାଯାଇଥିବା ବେଳେ ଆଲୋକ ବର୍ମା ବ୍ୟବହାର କରୁଥିବା ୩ଟି ଫୋନ୍ ନମ୍ୱରକୁ ବିଶେଷ ଭାବେ ଟାର୍ଗେଟ କରାଯାଇଥିଲା ।

ଏଥିସହିତ ଶିଳ୍ପପତି ଅନୀଲ ଅମ୍ୱାନୀଙ୍କ ଉପରେ ମଧ୍ୟ ଏହି ସ୍ପାଇଓ୍ୱେୟାର ମଧ୍ୟରେ ସର୍ଭିଲାନ୍ସ ରଖାଯାଇଥିବା ରିପୋର୍ଟରେ ପ୍ରକାଶ । ତାଙ୍କ କର୍ମଚାରୀଙ୍କ ଉପରେ ମଧ୍ୟ ଏହା ଦ୍ୱାରା ସର୍ଭିଲାନ୍ସ କରାଯାଉଛି । ସୁପ୍ରିମକୋର୍ଟରେ ଭାରତ ସରକାର ଏବଂ ଡାସଲ୍ଟ ରାଫେଲ୍ କିଣା ନେଇ ମାମଲା ଦାୟର ହୋଇଥିଲା । ଏହା ପରଠାରୁ ଦାସଲ୍ଟ ଆଭିଏସନ୍ ରିପ୍ରିଜେନଟିଭ୍ ଭେଙ୍କଟ ରାଓ, ପୂର୍ବତନ ସମ୍ ଇଣ୍ଡିଆ ମୁଖ୍ୟ ଇନ୍ଦ୍ରଜିତ ସିଆଲ ଏବଂ ବୋଇଂ ଇଣ୍ଡିଆ ବସ୍ ପ୍ରତ୍ୟୁଷ କୁମାରଙ୍କ ଉପରେ ସର୍ଭିଲାନ୍ସ ରଖାଯାଇଥିବା ଜଣାପଡ଼ିଛି ।

ଏଥିସହିତ ପଢ଼ନ୍ତୁ: ଆହ୍ୱାନପୂର୍ଣ୍ଣ ପରିସ୍ଥିତି ମଧ୍ୟରେ ଆଜିଠାରୁ ଆରମ୍ଭ ହେବ ଅଲିମ୍ପିକ୍ସ ୨୦୨୦: ଭାରତରୁ ୧୨୭ ଖେଳାଳି ଭାଗନେଇଛନ୍ତି

ଓଡ଼ିଶା ହାଇକୋର୍ଟଙ୍କ ପକ୍ଷରୁ ବିଭିନ୍ନ ନିଯୁକ୍ତି

ଭୁବନେଶ୍ୱର: ମାନ୍ୟବର ଓଡ଼ିଶା ହାଇକୋର୍ଟଙ୍କ ପକ୍ଷରୁ ବିଭିନ୍ନ ଅଧିକାରୀଙ୍କ ବଦଳି ଏବଂ ନୂଆ ନିଯୁକ୍ତି ଦିଆଯାଇଛି । ରାଜ୍ୟ ଭିଜିଲାନ୍ସ ବିଭାଗ ଲିଗାଲ ଆଡଭାଇଜର ଭାବେ ଶ୍ୟାମ ସୁନ୍ଦର ଦାସଙ୍କୁ ନିଯୁକ୍ତି ଦିଆଯାଇଛି । ସେହିଭଳି ରାମ ଶଙ୍କର ହୋତାଙ୍କୁ ଖୋର୍ଦ୍ଧା ଜିଲ୍ଲା ଓ ସେସନ୍ ଜଜ୍ , ମଳୟ ରଞ୍ଜନ ଦାସଙ୍କୁ ରାଉରକେଲା ଶିଳ୍ପ ଟ୍ରିବ୍ୟୁନାଲର ପ୍ରିଜାଇଡିଂ ଅଫିସର, ବିକ୍ରମ କେଶରୀ ପଟ୍ଟନାୟକଙ୍କୁ ରାୟଗଡ଼ା ଜିଲ୍ଲା ଓ ସେସନ୍ କୋର୍ଟ, ଡ. ପବିତ୍ର ମୋହନ ସାମଲଙ୍କୁ ଜୟପୁର ଫ୍ୟାମିଲି କୋର୍ଟ ଜଜ୍, ଲଳିତ କୁମାର ଦାସଙ୍କୁ ଭବାନୀପାଟଣା ଫ୍ୟାମିଲି କୋର୍ଟ ଜଜ୍, ରଶ୍ମୀ ମୋହନ ଆଚାର୍ଯ୍ୟଙ୍କୁ ଏଡିଜେ କମ୍ ସ୍ପେଶାଲ ଜଜ୍ ଢେଙ୍କାନାଳ ଓ ହିଂମାଶୁ ଶେଖର ମଲ୍ଲିକଙ୍କୁ ଅତିରିକ୍ତ ଜିଲ୍ଲା ଜଜ୍ କଣ୍ଟାବାଞ୍ଜି ଭାବେ ନିଯୁକ୍ତି ଦିଆଯାଇଛି ।

ଏଥିସହିତ ପଢ଼ନ୍ତୁ: ନନ୍ଦିଘୋଷ ଟିଭି ହାତରେ ଏସିଏଫ୍‌ ସୌମ୍ୟଙ୍କ ହାତ ଲେଖା ଡାଏରୀ: ଲେଖିଛନ୍ତି ‘ତୁମେ ଯାହା ଚାହିଁବ, ତାହା କରିବାକୁ ପ୍ରସ୍ତୁତ’

ନନ୍ଦିଘୋଷ ଟିଭି ହାତରେ ଏସିଏଫ୍‌ ସୌମ୍ୟଙ୍କ ହାତ ଲେଖା ଡାଏରୀ: ଲେଖିଛନ୍ତି ‘ତୁମେ ଯାହା ଚାହିଁବ, ତାହା କରିବାକୁ ପ୍ରସ୍ତୁତ’

କଟକ: ACF ସୌମ୍ୟରଞ୍ଜନଙ୍କ ମୃତ୍ୟୁ ମାମଲାରେ ନନ୍ଦିଘୋଷ ଟିଭି ହାତରେ ଲାଗିଛି ସୌମ୍ୟଙ୍କ ହାତ ଲେଖା ଡାଏରୀ । ଗତ ଫେବ୍ରୁଆରୀରେ ଏହି ଡାଏରୀ ଲେଖିଛନ୍ତି ସୌମ୍ୟ । ସୌମ୍ୟଙ୍କ ହାତ ଲେଖା ଏହି ଡାଏରିରେ ପତ୍ନୀ ବିଦ୍ୟାଭାରତୀଙ୍କ ପାଇଁ ଭରି ରହିଛି ପ୍ରେମ । ବିଦ୍ୟାଭାରତୀଙ୍କ ପାଇଁ ସବୁକିଛି ଛାଡିବାକୁ ପ୍ରସ୍ତୁତ ଥିଲେ ସ୍ୱାମୀ ସୌମ୍ୟ ତୁମେ ଯାହାବି ଚାହିଁବ ମୁଁ ତାହା କରିବାକୁ ପ୍ରସ୍ତୁତ, ମୁଁ ତୁମକୁ ଜଣେ ଭଲ ପତ୍ନୀ ଓ ବନ୍ଧୁ ଭାବେ ଦେଖିବାକୁ ଚାହେଁ । ମୁଁ ମୋର ଚାକିରି ଛାଡି, ତୁମ ପାଇଁ ଦାସ ହେଇ ସାରାଦିନ ରହିବି । ବାସ୍ ମୋ ପାଇଁ ତୁମ ହୃଦୟରେ ଗୋଟିଏ ଛୋଟିଆ ଜାଗାଟିଏ ଦରକାର ।

ଫେବ୍ରୁଆରୀ ୨୨ ଓ ୨୩ ତାରିଖରେ ସୌମ୍ୟ ଏଭଳି ଲେଖିଛନ୍ତି । ସେ ଆହୁରି ମଧ୍ୟ ଲେଖିଛନ୍ତି, ଯଦି ପରବର୍ତ୍ତୀ ସମୟରେ କିଛି ଘଟେ ଏଥିପାଇଁ ମୁଁ ପ୍ରସ୍ତୁତ ରହିଛି । ତେବେ ଯଦି କୌଣସି ସମସ୍ୟା ହୁଏ ସେ ମୋ ବିରୋଧରେ ଘରୋଇ ହିଂସା ମାମଲା ରୁଜୁ କରିଦେବେ । ସୌମ୍ୟରଂଜନଙ୍କ ହାତଲେଖା ଏହି ଡାଏରି ମିଳିବାପରେ ତାଙ୍କର ବିଦ୍ୟାଭାରତୀଙ୍କ ପ୍ରତି କେତେ ଭଲ ପାଇବା ରହିଛି ତାହା ସ୍ପଷ୍ଟ ହେଉଛି । ଏହା ପୂର୍ବରୁ ବିଦ୍ୟାଭାରତୀଙ୍କ ଯେଉଁ ଚିଠି ସାମ୍ନାକୁ ଆସିଥିଲା, ସେଥିରେ ସୌମ୍ୟଙ୍କ ପାଇଁ କେବଳ ଭରି ରହିଥିଲା ଘୃଣା ଆଉ ଘୃଣା । ହେଲେ ଆଜି ଏହି ଡାଏରି ହିଁ ବୟାନ କରୁଛି ବିଦ୍ୟାଭାରତୀଙ୍କୁ କେତେ ଭଲ ପାଉଥିଲେ ସ୍ୱାମୀ ସୌମ୍ୟରଞ୍ଜନ ମହାପାତ୍ର ।

ଏଥିସହିତ ପଢ଼ନ୍ତୁ: କିଏ ଏହି ଟୁକ ? କଟକ କେସର ଇନଫୋସିଟି କନେକ୍ସନ କିଛି ଅଛି କି ?

 

 

ରାଜ୍ୟରେ ଆଉ ୧ହଜାର ୯୧୭ଜଣ କରୋନା ସଂକ୍ରମିତ ଚିହ୍ନଟ: ୬୯ ଜଣଙ୍କ ମୃତ୍ୟୁ

ଭୁବନେଶ୍ୱର: ରାଜ୍ୟରେ ଆଉ ୧ହଜାର ୯୧୭ ଜଣ କରୋନା ସଂକ୍ରମିତ ଚିହ୍ନଟ । କ୍ୱାରେଣ୍ଟାଇନ୍‌ରୁ ୧୧୦୯ ଓ ସ୍ଥାନୀୟ ଅଞ୍ଚଳରୁ ୮୦୮ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଖୋର୍ଦ୍ଧାରୁ ସର୍ବାଧିକ ୫୧୮, ଅନୁଗୁଳ ୯୧, ବାଲେଶ୍ୱର ୮୪, ବରଗଡ଼ ୧୯, ଭଦ୍ରକ୫୫,ବଲାଙ୍ଗୀର୧୦,ବୌଦ୍ଧ ୭, କଟକ ୨୫୬,  ଦେବଗଡ଼ ୧, ଢେଙ୍କାନାଳ ୩୭,  ଗଜପତି ୧୬, ଗଞ୍ଜାମ ୭, ଜଗତସିଂହପୁର ୯୨, ଯାଜପୁର ୮୭, ଝାରସୁଗୁଡ଼ା ୯, କଳାହାଣ୍ଡି ୬, କନ୍ଧମାଳ ୨୫, କେନ୍ଦ୍ରାପଡ଼ା ୭୩, କେନ୍ଦୁଝର ୩୩,  କୋରାପୁଟ ୧୦, ମାଲକାନଗିରି ୧୨, ମୟୂରଭଞ୍ଜ ୬୯, ନବରଙ୍ଗପୁର ୧୦, ନୟାଗଡ଼ ୭୬, ନୂଆପଡ଼ା ୫, ପୁରୀ ୧୧୮, ରାୟଗଡ଼ା ୧୧, ସମ୍ୱଲପୁର ୧୫, ସୋନପୁର ୬, ସୁନ୍ଦରଗଡ଼ ୫୦ ଓ ଷ୍ଟେଟ୍ ପୁଲରୁ ୧୦୯ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ତେବେ ଗତ ୨୪ ଘଣ୍ଟା ମଧ୍ୟରେ ୨୨୧୦ କରୋନା ସଂକ୍ରମିତ ସୁସ୍ଥ ହୋଇଛନ୍ତି । ଅପରପକ୍ଷରେ ଏବେ ବି ୧୯ ହଜାର ୨୬୧ କରୋନା ମାମଲା ସକ୍ରିୟ ରହିଛି । ଏଥସହିତ ଗତ ୨୪ ଘଣ୍ଟା ମଧ୍ୟରେ ୬୯ଜଣଙ୍କ ଜୀବନ ନେଇଛି କିଲର କରୋନା ।

ଏଥିସହିତ ପଢ଼ନ୍ତୁ: ଆସନ୍ତା ୨୪ ଘଣ୍ଟା ମଧ୍ୟରେ ରାଜ୍ୟରେ ପ୍ରବଳ ବର୍ଷା ଆଶଙ୍କା: ୧୯ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ ଜାରି କଲା ପାଣିପାଗ ବିଭାଗ

ଆସନ୍ତା ୨୪ ଘଣ୍ଟା ମଧ୍ୟରେ ରାଜ୍ୟରେ ପ୍ରବଳ ବର୍ଷା ଆଶଙ୍କା: ୧୯ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ ଜାରି କଲା ପାଣିପାଗ ବିଭାଗ

ଭୁବନେଶ୍ୱର: ଉତ୍ତର ପଶ୍ଚିମ ବଙ୍ଗୋପସାଗରରେ ସୃଷ୍ଟିହେଲା ଲଘୁଚାପ କ୍ଷେତ୍ର । ଏହାର ପ୍ରଭାବରେ ଆସନ୍ତା ୨୪ଘଣ୍ଟା ପର୍ଯ୍ୟନ୍ତ ରାଜ୍ୟରେ ପ୍ରବଳ ବର୍ଷା ହେବା ନେଇ ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଏଥିପାଇଁ ୧୯ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ ଜାରି କରିଛି ପାଣିପାଗ କେନ୍ଦ୍ର । ଏହା ସହିତ କେତେକ ଜିଲ୍ଲାରେ ପ୍ରବଳରୁ ଅତିପ୍ରବଳ ବର୍ଷା ନେଇ ସତର୍କତା ଜାରି କରାଯାଇଛି । ବରଗଡ, ଝାରସୁଗୁଡା, ସୁନ୍ଦରଗଡ, ସମ୍ବଲପୁର, ନୂଆପଡା , ବଲାଙ୍ଗୀର ଓ ଦେବଗଡ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି । ଏହାଛଡା କେନ୍ଦୁଝର , ମୟୁରଭଞ୍ଜ, ନବରଙ୍ଗପୁର, କଲାହାଣ୍ଡି, ସୋନପୁର, ବୌଦ୍ଧ, ଅନୁଗୁଳ, କଟକ, ଢେଙ୍କାନାଳ, ଯାଜପୁର, ଭଦ୍ରକ ଓ ବାଲେଶ୍ବରକୁ ୟେଲୋ ଆଲର୍ଟ ଜାରିକରାଯାଇଛି । କଟକ ଓ ଭୁବନେଶ୍ୱରରେ ପ୍ରବଳ ବର୍ଷା ହେବାର ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଟ୍ୱିନ୍‌ସିଟିରେ ଆକାଶ ମେଘାଚ୍ଛନ ରହିବା ସହିତ ବଜ୍ରପାତର ସମ୍ବାବନା ରହିଛି । ଏଥିପାଇଁ କଟକ ଓ ଭୁବନେଶ୍ବରକୁ ମଧ୍ୟ ୟେଲୋ ଆଲର୍ଟ ଜାରି କରାଯାଇଛି । ରାଜ୍ୟରେ ଏପର୍ଯ୍ୟନ୍ତ ୨୪ପ୍ରତିଶତ କମ୍ ବର୍ଷା ହୋଇଛି । ୧୧ଜିଲ୍ଲାରେ ସ୍ୱାଭାବିକ ବର୍ଷା ହୋଇଛି । ଲଘୁଚାପ ପ୍ରଭାବରେ ଆଗାମୀ ଆଗାମୀ ୫ଦିନ ଯାଏଁ ଅନେକ ସ୍ଥାନରେ ବର୍ଷା ଜାରି ରହିବ ବୋଲି ପାଣିପାଗ କେନ୍ଦ୍ର କହିଛି ।

ଏଥିସହିତ ପଢ଼ନ୍ତୁ: ଘୋଷଯାତ୍ରାର ଅନ୍ତିମ ପର୍ଯ୍ୟାୟ ଆଜି: ନୀଳକନ୍ଦରକୁ ବିଜେ କରିବେ ନୀଳାଦ୍ରିନାଥ

ଘୋଷଯାତ୍ରାର ଅନ୍ତିମ ପର୍ଯ୍ୟାୟ ଆଜି: ନୀଳକନ୍ଦରକୁ ବିଜେ କରିବେ ନୀଳାଦ୍ରିନାଥ

ପୁରୀ: ଘୋଷଯାତ୍ରାର ଅନ୍ତିମ ପର୍ଯ୍ୟାୟ ଆଜି । ନୀଳକନ୍ଦରକୁ ବିଜେ କରିବେ ନୀଳାଦ୍ରିନାଥ । ଅପରାହ୍ନ ତିନିଟାରେ ପହଣ୍ଡି ହେବା ନେଇ ବ୍ୟବସ୍ଥା ରହିଛି  । ଶ୍ରୀମନ୍ଦିର ମୁଖ୍ୟ ପ୍ରଶାସକ ଏନେଇ ଦଇତାପତିମାନଙ୍କ ସହ ଆଲୋଚନା କରିଛନ୍ତି  । ଗୋଟି ପହଣ୍ଡିରେ ଚତୁର୍ଦ୍ଧାମୂର୍ତ୍ତି ଶ୍ରୀମନ୍ଦିର ରତ୍ନ ସିଂହାସନକୁ ବିଜେ କରିବେ । ମଦନମୋହନ, ରାମକୃଷ୍ଣ, ସୁଦର୍ଶନ, ବଡ଼ଭାଇ ବଳଭଦ୍ର, ଦେବୀ ସୁଭଦ୍ରା ଶ୍ରୀମନ୍ଦିର ବିଜେ କରିବା ପରେ ଗୋଟି ପହଣ୍ଡିରେ ଯିବେ ଜଗତ ଠାକୁର । ରସଗୋଲା ଦେଇ ମାତା ଲକ୍ଷ୍ମୀଙ୍କ ମାନଭଞ୍ଜନ କରିବେ ମହାବାହୁ । ଭଉଣୀ ଓ ଭାଇଙ୍କୁ ସାଙ୍ଗରେ ନେଇ ନବଦିନାତ୍ମକ ଯାତ୍ରାରେ ଯାଇଥିଲେ ଶ୍ରୀଜଗନ୍ନାଥ । ତେବେ ମହାପ୍ରଭୁଙ୍କ ଆସିବାରେ ବିଳମ୍ବ ହେବାରୁ ହେରା ପଞ୍ଚମୀ ଦିନ ଲକ୍ଷ୍ମୀ ଠାକୁରାଣୀ ଶ୍ରୀଗୁଣ୍ଡିଚା ଅଭିମୂଖେ ଯାଇଥିଲେ । ପ୍ରଭୁଙ୍କ ଦର୍ଶନ ନପାଇ ରାଗରେ ନନ୍ଦିଘୋଷ ଭାଙ୍ଗି ଫେରିଥିଲେ ଠାକୁରାଣୀ । ତେଣୁ ଅଭିମାନିନୀ ମାଆ ଲକ୍ଷ୍ମୀଙ୍କ ମାନ ଭାଙ୍ଗିବାକୁ ଶ୍ରୀଜଗନ୍ନାଥ ରସଗୋଲା ସାଥିରେ ଆଣିଛନ୍ତି । ପତି-ପତ୍ନୀଙ୍କ ଏହି ମଧୂର ସମ୍ପର୍କକୁ ଶେଷ ଦିନରେ ପ୍ରତିପାଦନ କରିବେ ମହାପ୍ରଭୁ । ଲକ୍ଷ୍ମୀଙ୍କ ମାନ ଭଞ୍ଜନ ପରେ ରତ୍ନ ସିଂହାସନକୁ ଫେରିବେ ନୀଳାଦ୍ରିନାଥ ।

ଏଥିସହିତ ପଢ଼ନ୍ତୁ: ଶେଷ ହୋଇଛି ମହାପ୍ରଭୁଙ୍କ ଅଧରପଣା ନୀତି

 

ଆହ୍ୱାନପୂର୍ଣ୍ଣ ପରିସ୍ଥିତି ମଧ୍ୟରେ ଆଜିଠାରୁ ଆରମ୍ଭ ହେବ ଅଲିମ୍ପିକ୍ସ ୨୦୨୦: ଭାରତରୁ ୧୨୭ ଖେଳାଳି ଭାଗନେଇଛନ୍ତି

ଟୋକିଓ: ମହାମାରୀର ଭୟ ମଧ୍ୟରେ ଆଜିଠାରୁ ଆରମ୍ଭ ହେବାକୁ ଯାଉଛି କ୍ରୀଡ଼ା ମହାକୁମ୍ଭ ଅଲିମ୍ପିକ୍ସ । ଦେଶବାସୀଙ୍କ ବିରୋଧ ଓ ବିକ୍ଷୋଭ ସତ୍ତ୍ୱେ ବିନା ଦର୍ଶକରେ ଆରମ୍ଭ ହେବାକୁ ଯାଉଛି ବିଶ୍ୱର ଏହି ପୁରାତନ ଓ ସର୍ବଶ୍ରେଷ୍ଠ ପ୍ରତିଷ୍ପର୍ଦ୍ଧା । ଚଳିତ ଥରର ଅଲିମ୍ପିକ୍ସରେ ୨୦୦ରୁ ଅଧିକ ଦେଶର ପାଖାପଖି ୧୧୪୦୦ ପ୍ରତିଯୋଗୀ ନିଜ ଅପୂର୍ବ କ୍ରୀଡ଼ା ଦକ୍ଷତାର ବଳିଷ୍ଠ ନିଦର୍ଶନ ଦେବେ । ୩୩ କ୍ରୀଡ଼ାର ୫୦ ଶୃଙ୍ଖଳା ଓ ୩୩୯ ଇଭେଣ୍ଟରେ ଜାପାନ ରାଜଧାନୀ ଟୋକିଓରେ ଶୁକ୍ରବାରଠାରୁ ଅଗଷ୍ଟ ୮ ତାରିଖ ପର୍ଯ୍ୟନ୍ତ ଚାଲିବ ଏହି କ୍ରୀନା ମହାସମର । କରୋନା କାରଣରୁ ଅଲିମ୍ପିକ୍ସ ୨୦୨୦ରେ ହେବାକୁ ଥିବା ବେଳେ ଏହାକୁ ଘୁଞ୍ଚାଇ ଚଳିତ ବର୍ଷ କରାଯାଉଛି । ତେବେ ଚଳିତ ବର୍ଷର ଅଲିମ୍ପିକ୍ସ ଅନେକ ଦୃଷ୍ଟିରୁ ଅସାଧାରଣ, ଅସ୍ୱାଭାବିକ ଓ ଆହ୍ୱାନପୂର୍ଣ୍ଣ ରହିବ । ଏଥିସହିତ କରମର୍ଦ୍ଦନ, ପଦକ ପ୍ରଦାନ, ଆଲିଙ୍କନ ଭଳି ଅନେକ ପ୍ରକ୍ରିୟା ଉପରେ କଟକଣା ଲାଗୁ କରାଯାଇଛି । ଅପରପକ୍ଷରେ ଏସବୁ ସତ୍ତ୍ୱେ ଆବେଗ ଭିତରେ ଏକତା’ର ବାର୍ତ୍ତା ବହନ କରୁଥିବା ଟୋକିଓ ଅଲିମ୍ପିକ୍ସ ସଫଳତାର ସହ ଶେଷ ହେବ ବୋଲି ଅନ୍ତର୍ଜାତୀୟ ଅଲିମ୍ପିକ୍ସ କମିଟି ଆଶା ରଖିଛି । ତେବେ ପ୍ରଥମ ଥର ପାଇଁ ୧୨୭ ଜଣ ଖେଳାଳିଙ୍କୁ ଭାରତ ଟୋକିଓ ପଠାଇଥିବା ବେଳେ ନିଜ ପଦକ ସଂଖ୍ୟାକୁ ୨ ଅଙ୍କରେ ପହଞ୍ଚାଇବ ବୋଲି ଆଶା ରଖିଛି । ଯଦି ଓଡ଼ିଶା କଥା ଦେଖିବା ଦୌଡ଼ରାଣୀ ଦୂତି ଚାନ୍ଦ ଏବଂ ହକି ତାରକା ବୀରେନ୍ଦ୍ର ଲାକ୍ରା, ଅମିତ ରାହିଦାସ, ଦୀପଗ୍ରେସ ଏକ୍କା, ନମିତା ଟୋପ୍ପୋ ଏଥର ଅଲିମ୍ପିକ୍ସରେ ନିଜ ଯାଦୁ ଦେଖାଇବେ ।

ଏଥିସହିତ ପଢ଼ନ୍ତୁ: ଟୋକିଓ ଅଲମ୍ପିକ୍ସ: ନଖରେ ଖେଳାଳି ଆଙ୍କିଲେ ତ୍ରୀରଙ୍ଗା ଓ ଅଲମ୍ପିକ ରିଙ୍ଗ୍ସ

ପଞ୍ଜାବ କଂଗ୍ରେସ ଦେଖିବ ନୂଆ ନେତା, ଦାୟିତ୍ୱ ନେବେ ସିଦ୍ଧୁ

ଚଣ୍ଡିଗଡ: ଆସନ୍ତାକାଲି ପଞ୍ଜାବ କଂଗ୍ରେସ ଦେଖିବ ନୂଆ ନେତା । ବିଧିବଦ୍ଧ ଭାବେ ପଞ୍ଜାବ କଂଗ୍ରେସର ଅଧ୍ୟକ୍ଷ ଭାବେ ଦାୟିତ୍ୱ ନେବେ ନବଜୋତ ସିଂ ସିଦ୍ଧୁ । ଏହା ପୂର୍ବରୁ ସେ ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂଙ୍କୁ ନିମନ୍ତ୍ରଣ ପଠାଇଛନ୍ତି । ନିମନ୍ତ୍ରଣ ସ୍ୱୀକାର କରିବା ସହ ଦାୟିତ୍ୱ ଗ୍ରହଣ ସମାରୋହରେ ସାମିଲ ହେବେ ବୋଲି କହିଛନ୍ତି ଅମରିନ୍ଦର ସିଂ।

ବହୁ ବାଦବିବାଦ ପରେ ସିଦ୍ଧୁଙ୍କୁ ପଞ୍ଜାବ କଂଗ୍ରେସର ଦାୟିତ୍ୱ ମିଳିଛି । ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂ ଖୋଲାଖୋଲି ସିଦ୍ଧୁଙ୍କୁ ବିରୋଧ କରୁଥିଲେ । ହେଲେ କଂଗ୍ରେସ ହାଇକମାଣ୍ଡଙ୍କ ନିର୍ଦ୍ଦେଶକ୍ରମେ ସିଦ୍ଧୁ ଅଧ୍ୟକ୍ଷ ହେବା ସହ ଚାରି ନୂଆ କାର୍ଯ୍ୟକାରୀ ଅଧ୍ୟକ୍ଷ ନିଯୁକ୍ତି ହୋଇଛନ୍ତି । କାଲି ପଞ୍ଜାବ କଂଗ୍ରେସ ଏକଜୁଟ ହୋଇ ନୂଆ ଅଧ୍ୟକ୍ଷଙ୍କୁ ସ୍ୱାଗତ କରିବେ।

ତେବେ ଏଥିରେ ସମସ୍ତ ବିଧାୟକ, ମନ୍ତ୍ରୀ ଓ ସାଂସଦ ସାମିଲ ହେବେ ବୋଲି କହିଛନ୍ତି ପଞ୍ଜାବ କଂଗ୍ରେସ ପ୍ରଭାରୀ ହରିଶ ରାୱତ। ଆସନ୍ତା ବର୍ଷ ରହିଛି ପଞ୍ଜାବରେ ବିଧାନସଭା ନିର୍ବାଚନ ଏହା ପୂର୍ବରୁ ସିଦ୍ଧୁଙ୍କୁ ଦାୟିତ୍ୱ ଦେଇ କଂଗ୍ରେସ ପୁଣି ଥରେ ସରକାରକୁ ଫେରିବାକୁ ରଣନୀତି କରିଛି।

ବାଲିଯାତ୍ରା ପଡିଆ ନିକଟରୁ ମୃତଦେହ ଉଦ୍ଧାର; ସମ୍ପୂର୍ଣ୍ଣ ବିବରଣୀ ଦେଲା ପୋଲିସ

ଭୁବନେଶ୍ୱର: ଭୁବନେଶ୍ୱର କୁଆଖାଇ ବାଲିଯାତ୍ରା ପଡିଆ ନିକଟରୁ ଉଦ୍ଧାର ମୃତଦେହର ସମ୍ପୂର୍ଣ୍ଣ ବିବରଣୀ ପ୍ରଦାନ କରିଛି ପୋଲିସ୍ । ମୃତ ଯୁବକଙ୍କ ବୟସ ୧୮ରୁ ୨୫ ମଧ୍ୟରେ ହୋଇଥିବାବେଳେ ତାଙ୍କ ଉଚ୍ଚତା ୫ ଫୁଟ ୮ ଇଞ୍ଚ ଓ ଓଜନ ୪୬ କିଲୋଗ୍ରାମ।

ପୋଲିସର ସୂଚନା ଅନୁଯାୟୀ, ରଙ୍ଗ କଳା ଓ ସେ ଏକ କଳା ରଙ୍ଗର ଟ୍ରାକ୍ ସୁଟ୍ ଓ ଧଳା ରଙ୍ଗର ପ୍ରିଣ୍ଟେଡ୍ ଫୁଲ ସାର୍ଟ ପିନ୍ଧିଛନ୍ତି । ସେ ନିଜ ଡାହାଣ ପଟ କାନରେ ଏକ କୁଣ୍ଡଳ ପିନ୍ଧିଛନ୍ତି । ମୃତଦେହ ନିକଟରୁ ଗୋଟିଏ ନାଲି ଓ ନେଳିଆ ରଙ୍ଗର ଗୋଟିଏ ସ୍ଲିପର ଚପଲ ଉଦ୍ଧାର ହୋଇଛି । ତାଙ୍କ ବିଷୟରେ କାହାରି ନିକଟରେ ସୂଚନା ଥିଲେ ମଞ୍ଚେଶ୍ୱର ଥାନାକୁ ଫୋନ ନମ୍ବର 8280338321 କିମ୍ବା ପୋଲିସ୍ କମିଶନରଙ୍କ ଅଫିସ ଲ୍ୟାଣ୍ଡ ଲାଇନ ନମ୍ବର 0674-254055କୁ ଜଣାଇବାକୁ କୁହାଯାଇଛି ।

ଅଧିକ ପଢନ୍ତୁ- ମଞ୍ଚେଶ୍ୱରରେ ଚାଞ୍ଚଲ୍ୟ, ବାଲିରେ ଅଧାପୋତା ମୃତଦେହ

ମଞ୍ଚେଶ୍ୱର ଥାନା ବରିମୁଣ୍ଡ ବାଲିଯାତ୍ରା ପଡ଼ିଆରେ ପୋତା ମୃତଦେହକୁ ସାଇଂଟିଫିକ୍ ଟିମ୍ ଉପସ୍ଥିତିରେ ଆଜି ଉଦ୍ଧାର କରିଥିଲା ପୋଲିସ୍ । ପରେ ଏମ୍ସରେ ମୃଦେହର ବ୍ୟବଚ୍ଛେଦ କରାଯାଇଛି । କ୍ରାଇମପ୍ଲଟର କରାଯାଇଛି ଥ୍ରୀ-ଡି ସ୍କାନ୍ । ପରବର୍ତ୍ତୀ ସମୟରେ ସ୍ପଟ ନଷ୍ଟ ହୋଇଗଲେ ମଧ୍ୟ ଏହି ସ୍କାନର ଆଧାରରେ ତଦନ୍ତକୁ ଆଗେଇ ନିଆଯାଇପାରିବ । ସେପଟେ ଆଖପାଖ ଥାନାରେ ହୋଇଥିବା ମିସିଂ ରିପୋର୍ଟ ଅନୁସାରେ ତଦନ୍ତ କରାଯିବ ବୋଲି ସୂଚନା ଦେଇଛନ୍ତି ଭୁବନେଶ୍ୱର ଡିସିପି ।

 

ସେଫ୍ଟିକ୍ ଟ୍ୟାଙ୍କରେ ଶ୍ୱାସରୁଦ୍ଧ ହୋଇ ୩ ମୃତ

ଗୋପାଳପୁର: ସେଫ୍ଟିକ୍ ଟ୍ୟାଙ୍କର ସେଣ୍ଟ୍ରି କାମ ବେଳେ ବେଳେ ତିନି ଶ୍ରମିକଙ୍କ ମୃତ୍ୟୁ । ଗୋପାଳପୁର ଥାନା ଅନ୍ତର୍ଗତ ବିକ୍ରମପୁରରେ ଘଟିଛି ଅଭାବନୀୟ ଘଟଣା । ମୃତକ ମାନେ ଏମ୍.ସଦନନ୍ଦମ୍ପି , କ୍ରିଷ୍ଣା ରେଡ୍ଡୀ ଓ ପି.ତରେନେୟା ବୋଲି ଜଣାପଡିଛି।

ସୂଚନା ଅନୁଯାୟୀ, ଗାଁର ଟି. ସିଧେଶୁଙ୍କ ନୂତନ ଭାବେ ତିଆରି ହୋଇଥିବା ଲେଟିନ ଟ୍ୟାଙ୍କିର ସେଣ୍ଟ୍ରିଂଙ୍ଗ ଖୋଲିବା ପାଇଁ ପ୍ରଥମେ ମିସ୍ତ୍ରୀ ଏମ୍. ସଦାନନ୍ଦମ ଭିତରକୁ ଯାଇଥିଲେ । କିଛି ସମୟ ପରେ ନ ଆସିବାରୁ ପରେ କ୍ରିଷ୍ଣା ଭିତରକୁ ଯାଇଥିଲେ । କିଛି ସମୟ ପରେ ସେ ମଧ୍ୟ ନ ଫେରିବାରୁ ପି. ତାରେନେୟା ଭିତରକୁ ଯାଇଥିଲେ । ହେଲେ ତିନି ଜଣଙ୍କ ଟ୍ୟାଙ୍କ ଭିତରେ ଶ୍ବାସ ରୁଦ୍ଧ ହୋଇ ଚେତାସୁନ୍ୟ ହୋଇ ପଡିଥିଲେ ।

ତେବେ ସେମାନଙ୍କୁ ଗ୍ରାମବସୀ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ବ୍ରହ୍ମପୁର ବଡ଼ ମେଡିକାଲ୍ ପଠାଇଥିଲେ । ସେଠାରେ ଡାକ୍ତର ସେମାନଙ୍କୁ ମୃତ୍ୟୁ ଘୋଷଣା କରିଥିଲେ। ଗୋପାଳପୁର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିଥିବା ବେଳେ ଆସନ୍ତା କାଲି ଶବ ବ୍ୟବଚ୍ଛେଦ କରାଯିବ ବୋଲି ପୋଲିସ ସୁତ୍ରରୁ ପ୍ରକାଶ ।