ପଞ୍ଜାବ କଂଗ୍ରେସ ଦେଖିବ ନୂଆ ନେତା, ଦାୟିତ୍ୱ ନେବେ ସିଦ୍ଧୁ

1 min read

ଚଣ୍ଡିଗଡ: ଆସନ୍ତାକାଲି ପଞ୍ଜାବ କଂଗ୍ରେସ ଦେଖିବ ନୂଆ ନେତା । ବିଧିବଦ୍ଧ ଭାବେ ପଞ୍ଜାବ କଂଗ୍ରେସର ଅଧ୍ୟକ୍ଷ ଭାବେ ଦାୟିତ୍ୱ ନେବେ ନବଜୋତ ସିଂ ସିଦ୍ଧୁ । ଏହା ପୂର୍ବରୁ ସେ ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂଙ୍କୁ ନିମନ୍ତ୍ରଣ ପଠାଇଛନ୍ତି । ନିମନ୍ତ୍ରଣ ସ୍ୱୀକାର କରିବା ସହ ଦାୟିତ୍ୱ ଗ୍ରହଣ ସମାରୋହରେ ସାମିଲ ହେବେ ବୋଲି କହିଛନ୍ତି ଅମରିନ୍ଦର ସିଂ।

ବହୁ ବାଦବିବାଦ ପରେ ସିଦ୍ଧୁଙ୍କୁ ପଞ୍ଜାବ କଂଗ୍ରେସର ଦାୟିତ୍ୱ ମିଳିଛି । ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂ ଖୋଲାଖୋଲି ସିଦ୍ଧୁଙ୍କୁ ବିରୋଧ କରୁଥିଲେ । ହେଲେ କଂଗ୍ରେସ ହାଇକମାଣ୍ଡଙ୍କ ନିର୍ଦ୍ଦେଶକ୍ରମେ ସିଦ୍ଧୁ ଅଧ୍ୟକ୍ଷ ହେବା ସହ ଚାରି ନୂଆ କାର୍ଯ୍ୟକାରୀ ଅଧ୍ୟକ୍ଷ ନିଯୁକ୍ତି ହୋଇଛନ୍ତି । କାଲି ପଞ୍ଜାବ କଂଗ୍ରେସ ଏକଜୁଟ ହୋଇ ନୂଆ ଅଧ୍ୟକ୍ଷଙ୍କୁ ସ୍ୱାଗତ କରିବେ।

ତେବେ ଏଥିରେ ସମସ୍ତ ବିଧାୟକ, ମନ୍ତ୍ରୀ ଓ ସାଂସଦ ସାମିଲ ହେବେ ବୋଲି କହିଛନ୍ତି ପଞ୍ଜାବ କଂଗ୍ରେସ ପ୍ରଭାରୀ ହରିଶ ରାୱତ। ଆସନ୍ତା ବର୍ଷ ରହିଛି ପଞ୍ଜାବରେ ବିଧାନସଭା ନିର୍ବାଚନ ଏହା ପୂର୍ବରୁ ସିଦ୍ଧୁଙ୍କୁ ଦାୟିତ୍ୱ ଦେଇ କଂଗ୍ରେସ ପୁଣି ଥରେ ସରକାରକୁ ଫେରିବାକୁ ରଣନୀତି କରିଛି।

Opn Commnet Area

Leave a Reply

Your email address will not be published. Required fields are marked *

Close Bitnami banner