spot_img
Home Blog Page 5336

ପିପିଲି ଉପ ନିର୍ବାଚନ: ପ୍ରଚାର କରିବାକୁ ନବୀନଙ୍କୁ ଅନୁରୋଧ କରିବେ ନେତା ଓ କର୍ମୀ

ଭୁବନେଶ୍ୱର: ଆସନ୍ତାକାଲିଠାରୁ ପିପିଲି ଉପନିର୍ବାଚନ ପାଇଁ ବିଧିବଦ୍ଧ ଭାବେ ପ୍ରଚାର ଆରମ୍ଭ ହେବ । କଟକଣା ମଧ୍ୟରେ ପ୍ରଚାର ନେଇ ସବୁ ରାଜେନୖତିକ ଦଳ କସରତ କରୁଛନ୍ତି । ବିଜେଡିର ଏକ ନମ୍ବର ଷ୍ଟାର ପ୍ରଚାରକ ନବୀନ ପଟ୍ଟନାୟକ ମଇଦାନକୁ ଓହ୍ଲାଇବା ନେଇ ଦଳ ବେଶ୍‌ ଆଶାବାଦୀ ଅଛି। ସେପଟେ କେନ୍ଦ୍ର ମନ୍ତ୍ରୀମାନଙ୍କୁ ପ୍ରଚାରରେ ସାମିଲ କରିବାର ରୋଡ୍‌ମ୍ୟାପ ପ୍ରସ୍ତୁତ କରିଛି ବିଜେପି । ରେସ୍‌ରେ ସାମାନ୍ୟ ପଛରେ ଥିବା କଂଗ୍ରେସ ଏକ୍‌ ହୋଇ ପ୍ରଚାର କରିବାକୁ ସମନ୍ୱୟ ବୈଠକ କରିଛି ।

ଉପନିର୍ବାଚନ ସ୍ଥଗିତ ରହିବା ପୂର୍ବରୁ ପିପିଲିବାସୀଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭର୍ଚୁଆଲରେ ସମ୍ବୋଧନ କରିଥିଲେ । ଯାହା ଭୋଟରଙ୍କୁ ବେଶ୍ ପ୍ରଭାବିତ କରିଥିବାର ଆତ୍ମବିଶ୍ୱାସ ଦେଖାଇଛି ବିଜେଡି । ଏଥର ବି ଭର୍ଚୁଆଲରେ ପ୍ରଚାର କରିବା ପାଇଁ ନବୀନଙ୍କୁ ନେତା ଓ କର୍ମୀ ଅନୁରୋଧ କରିବେ  । ନେତାମାନେ ପ୍ରଚାରକୁ ଯିବା ପୂର୍ବରୁ ଗୁରୁତ୍ୱପୂର୍ଣ୍ଣ ବୈଠକ କରିବେ।  ବିଜେଡିର ଘରେ ଘରେ ଶଙ୍ଖ କାର୍ଯ୍ୟକ୍ରମ ସରିଛି । ୱାର୍ଡସ୍ତରରେ ତିନି-ଚାରି ଜଣଙ୍କୁ ନେଇ ଦଳ ପ୍ରଚାର କରିବ । କରୋନା କଟକଣା ମାନି ଛୋଟ ଛୋଟ ସଭା କରିବାକୁ ନବୀନ ପଟ୍ଟନାୟକ ନିର୍ଦ୍ଦେଶ ଦେଇଛନ୍ତି ।

ବିଜେପି ଡିଜିଟାଲ ମୋଡ୍‌ରେ ପ୍ରଚାର ସହ ଘର ଘର ବୁଲିବ। କେନ୍ଦ୍ର ମନ୍ତ୍ରୀମାନଙ୍କ ସମେତ ସମସ୍ତ ଷ୍ଟାର ପ୍ରଚାରକ ପିପିଲିରେ ପ୍ରଚାର କରିବେ ।  ସେପଟେ ଏକଜୁଟ ହୋଇ ପ୍ରଚାର କରି ଭଲ ଲଢ଼େଇର ଆକଳନ କରିଛି କଂଗ୍ରେସ। ଦଳର ବାର୍ତ୍ତା ପିପିଲିର ଘରେ ଘରେ ପହଞ୍ଚାଇବାକୁ ସମନ୍ବୟ କମିଟି ବୈଠକରେ ଆଲୋଚନା ହୋଇଛି । ପିସିସି ପ୍ରଭାରୀଙ୍କ ସମେତ ସବୁ ଷ୍ଟାର କ୍ୟାମ୍ପେନର ମଇଦାନକୁ ଓହ୍ଲାଇବେ । କର୍ମୀମାନେ ପାଣ୍ଠି ଦେଇ ପ୍ରାର୍ଥୀଙ୍କୁ ସହଯୋଗ କରିବେ ବୋଲି କଂଗ୍ରେସ କହିଛି ।

ପିପିଲି ଉପନିର୍ବାଚନ ସବୁ ଦଳ ପାଇଁ ସମ୍ମାନର ପ୍ରଶ୍ନ। କାରଣ ଆଗକୁ ପଞ୍ଚାୟତ ଓ ପୌର ନିର୍ବାଚନ ପାଇଁ ଏହା ପ୍ରାକ ପ୍ରସ୍ତୁତି ସଦୃଶ । ଫଳାଫଳରୁ ଜଣାପଡ଼ିବ, କେଉଁ ଦଳ ପ୍ରତି ଭୋଟର ଆକର୍ଷିତ ହେଉଛନ୍ତି।

ଚେନ୍ନାଇକୁ ପ୍ରାରମ୍ଭିକ ଝଟକା: ଭାରି ପଡ଼ିପାରେ ବ୍ୟାଟିଂ ନିଷ୍ପତ୍ତି

0

ୟୁଏଇ: ଆରମ୍ଭ ହେଲା ଫଟାଫଟ କ୍ରିକେଟର ଫିଭର । ଆଇପିଏଲ୍‌-୧୪ ଦ୍ୱିତୀୟ ଭାଗ ଆଜି ଡିଫେଣ୍ଡିଂ ଚାମ୍ପିଅନ୍‌ ମୁମ୍ବାଇ ଇଣ୍ଡିଆନ୍ସ ଓ ଚେନ୍ନାଇ ସୁପରକିଙ୍ଗ୍‌ସ ମଧ୍ୟରେ ଖେଳାଯାଉଛି। ଚେନ୍ନାଇ ସୁପରକିଙ୍ଗସ୍‌ ପ୍ରଥମେ ଟସ୍‌ ଜିତି ବ୍ୟାଟିଂ କରିବାର ନିଷ୍ପତ୍ତି ନେଇଛି। ତେବେ ଚେନ୍ନାଇକୁ ପ୍ରାରମ୍ଭିକ ଝଟକା ଲାଗିଛି  । ଓପନିଂ ବ୍ୟାଟିଂ କରିବାକୁ ଆସିଥିବା ଫାଫ୍ ଡୁପ୍ଳେସିସ୍ ବିନା କୌଣସି ରନ୍ କରି ଫେଭିଲିୟନ୍ ଫେରିଯାଇଥିବା ବେଳେ ୩ ନମ୍ୱରରେ ବ୍ୟାଟିଂ କରିବାକୁ ଆସିଥିବା ମୋଇନ ଅଲ୍ଲୀ ମଧ୍ୟ ବିନା କୌଣସି ରନ୍ କରି ଆଉଟ ହୋଇଛି । ତାଙ୍କ ପଛକୁ ବ୍ୟାଟିଂ କରିବାକୁ ଆସିଥିବା ଅମ୍ୱାତି ରାଇଡୁ ଆହତ ହୋଇ ଫେଭିଲିୟନ୍ ଫେରିଛନ୍ତି । ତାଙ୍କ ପଛକୁ ବ୍ୟାଟିଂ କରିବାକୁ ଆସିଥିବା ସୁରେଶ ରାଇନା ମଧ୍ୟ ନିରାଶ କରିଛନ୍ତି । ମାତ୍ର ୪ରନର ବ୍ୟକ୍ତିଗତ ସ୍କୋରରେ ଟ୍ରେଣ୍ଟ ବୋଲ୍ଟଙ୍କ ଶିକାର ହୋଇଛନ୍ତି ଚେନ୍ନାଇ ଷ୍ଟାର ବ୍ୟାଟ୍ସ ମ୍ୟାଚ୍ ରାଇନ୍ ।

ମୁମ୍ୱାଇ ଇଣ୍ଡିଆନ୍ସର ଚୂଡ଼ାନ୍ତ ଏକାଦଶରେ ସ୍ଥାନ ପାଇଛନ୍ତି କିରନ୍‌ ପୋର୍ଲାଡ(ଅଧିନାୟକ), କ୍ୱିଣ୍ଟନ ଡି କକ୍‌, ସୂର୍ଯ୍ୟକୁମାର ଯାଦବ, ଇଶାନ କିଷନ, ଅନମୋଲପ୍ରୀତ ସିଂହ, ସୌରଭ ତିଓ୍ୱାରୀ, କୃଣାଳ ପାଣ୍ଡ୍ୟା, ଆଡାମ ମିଲନେ, ରାହୁଲ ଚହର, ଟ୍ରେଣ୍ଟ ବୋଲ୍ଡ, ଜଶପ୍ରୀତ ବୁମରା । ସେହିଭଳି ଚେନ୍ନାଇ ସୁପର କିଙ୍ଗସର ଚୂଡ଼ାନ୍ତ ଏକାଦଶରେ ସ୍ଥାନ ପାଇଁ ଋତୁରାଜ ଗାଏକୱାଡ, ଫାଫ୍‌ ଡୁ ପ୍ଲେସିସ୍, ମୋଇନ ଅଲି, ସୁରେଶ ରାଇନା, ଅମ୍ବାତି ରାୟୁଡୁ, ରବିନ୍ଦ୍ର ଜାଡେଜା, ଡ୍ୱେନ ବ୍ରାଭୋ, ଏମ୍‌ ଏସ୍‌ ଧୋନି(ଅଧିନାୟକ), ଶର୍ଦୁଲ ଠାକୁର, ଦୀପକ ଚହର, ଜୋସ ହାଜେଲଉଡ୍‌  ।

ଅମ୍ବିକା ସୋନି କାହିଁକି ମୁଖ୍ୟମନ୍ତ୍ରୀ ପଦ ଅଫରକୁ ପ୍ରତ୍ୟାଖାନ କଲେ ?

ଚଣ୍ଡିଗଡ଼: ରବିବାର ଦିନ ପଞ୍ଜାବର ମୁଖ୍ୟମନ୍ତ୍ରୀ ହେବା ପାଇଁ ସୋନିଆ ଗାନ୍ଧିଙ୍କ ଅଫରୁ ପ୍ରତ୍ୟାଖାନ କରିଦେଇଛନ୍ତି । ଅଫରକୁ ପ୍ରତ୍ୟାଖାନ କରି ସେ କହିଥିଲେ ଯେ, ପଞ୍ଜାବର ମୁଖ୍ୟମନ୍ତ୍ରୀ ଜଣେ ଶିଖ ହୁଅନ୍ତୁ । ଏଇଠି ପ୍ରଶ୍ନ ଉଠିପାରେ ଅମ୍ବିକା ସୋନି ହିଁ କାହିଁକି ? କ’ଣ ପାଇଁ କଂଗ୍ରେସ ହାଇକମାଣ୍ଡ୍ ସୋନିଙ୍କ ଉପରେ ଭରସା କରିଥିଲେ ? ଆଉ କ’ଣ ପାଇଁ ସୋନି ମୁଖ୍ୟମନ୍ତ୍ରୀ ହେବାକୁ ମନା କରିଦେଇଥିଲେ ? ଏହାର ଉତ୍ତର ଖୋଜିବାକୁ ଇତିହାସର ଫର୍ଦ୍ଦ ଓଲଟାଇବାକୁ ପଡ଼ିବ । ଯିବାକୁ ପଡିବ ପାଖାପାଖି ୫୦ ବର୍ଷ ତଳକୁ ।
ଅମ୍ବିକା ସୋନି ଓ ଗାନ୍ଧି ପରିବାରର ସମ୍ପର୍କ ଏବେର ନୁହେଁ । ଏହି ସମ୍ପର୍କ ଭାରତ-ପାକିସ୍ତାନ ବିଭାଜନ ସମୟରେ ସ୍ଥାପିତ ହୋଇଥିଲା । ଅମ୍ବିକାଙ୍କ ପିତା ପ୍ରଶାସନିକ ଅଧିକାରୀ ଥିଲେ । ପଞ୍ଜାବରୁ ଆସୁଥିବାରୁ ଅମ୍ବିକାଙ୍କ ପିତାଙ୍କ ସମ୍ପର୍କ ପ୍ରଧାନମନ୍ତ୍ରୀ ଜବହାରଲାଲ ନେହେରୁଙ୍କ ସହିତ ଦୃଢ ହୋଇଥିଲା । ଫଳରେ ଅମ୍ବିକାଙ୍କ ଯିବା ଆସିବା ପ୍ରଧାନମନ୍ତ୍ରୀଙ୍କ ବାସଭବନକୁ ଥିଲା । ଆଉ ଏହି ମାଧ୍ୟମରେ ଇନ୍ଦିରାଙ୍କ ସହିତ ତାଙ୍କ ସମ୍ପର୍କ ସ୍ଥାପିତ ହୋଇଥିଲା । ଏହି ସମ୍ପର୍କ ଜରୁରୀକାଳିନ ପରିସ୍ଥିତି କାଳରେ ଅଧିକ ଦୃଢ ହୋଇଥିଲା । ଅମ୍ବିକା ସୋନି, ସଞ୍ଜୟ ଗାନ୍ଧିଙ୍କ ଦୃଢ ସମର୍ଥକ ଥିଲେ । ଜୁନ୍ ୧୨,୧୯୭୫ରେ ଆହ୍ଲାବାଦ ହାଇକୋର୍ଟ ଇନ୍ଦିରାଙ୍କ ଲୋକସଭା ସଦସ୍ୟତାକୁ ରଦ୍ଦ କରିଥିଲେ । ସେହିଦିନ ହିଁ ଇନ୍ଦିରାଙ୍କ ପ୍ରତି ସମର୍ଥନ ଜ୍ଞାପନ ପାଇଁ ଦିଲ୍ଲୀରେ ଏକ ରାଲି କରିବାର ନିଷ୍ପତି ହୁଏ । ଏହି ରାଲିକୁ ସଫଳ କରିବା ଦାୟିତ୍ୱ ଅମ୍ବିକାଙ୍କ ଉପରେ ପଡିଥିଲା । କାରଣ ଅମ୍ବିକା ଥିଲେ ସେତେବଳେ ଯୁବ କଂଗ୍ରେସର ସଭାପତି । ୩୩ ବର୍ଷୀୟ ଅମ୍ବିକା ଏହି ରାଲିକୁ ସଫଳ କରିବା ପାଇଁ ନିଜ ପୁରା ଦମ୍ ଲଗାଇ ଦେଇଥିଲେ । ଦିଲ୍ଲୀ ରୋଡ୍ ୱେ’ର ବସ ସହିତ ଟ୍ରକରେ ଆଖପାଖ ଗାଁରୁ ଲୋକଙ୍କୁ ବୁହାଯାଇ ରାଲିକୁ ସଫଳ କରାଯାଇଥିଲା ।

Picture of a young Sanjay Gandhi and Ambika Soni (Masala bhai today revealed that Sanjay Gandhi got Ambika Soni impregnated. Soni raised his son in secret in Pakistan): indianews
ଗାନ୍ଧି ପରିବାର ପ୍ରତି ସୋନିଙ୍କ ସମର୍ପଣ ଭାବର ଏହା ଗୋଟିଏ ଉଦାହରଣ ନୁହେଁ । ୧୯୬୯ ମସିହାରେ ବ୍ୟାଙ୍କ ଜାତୀୟକରଣକୁ ବିରୋଧ କରି କଂଗ୍ରେସରେ ମେଳି ହୋଇଥିଲା । ପରେ କଂଗ୍ରେସ ସିଣ୍ଡିକେଟ୍ ଇନ୍ଦିରାଙ୍କୁ ଦଳରୁ ବହିଷ୍କାର କରିଥିଲେ । ଇନ୍ଦିରା କଂଗ୍ରେସରୁ ଅଲଗା ହୋଇ କଂଗ୍ରେସ- ଆର ଗଠନ କରିଥିଲେ । ଇନ୍ଦିରା ସୋନିଙ୍କୁ କଂଗ୍ରେସ ଆରରେ ସ୍ଥାନ ଦେଇଥିଲେ । ରାଷ୍ଟ୍ରପତି ପ୍ରାର୍ଥୀଙ୍କୁ ନେଇ କଂଗ୍ରେସ ବିଭାଜିତ ହେବା ପରେ ଇନ୍ଦିରାଙ୍କ ବାସଭବନରେ ଗୋଟିଏ ସଭା ହୋଇଥିଲା । ଏହି ସଭାରେ କିଛି ଯୁବକ ଅଚାନକ ଚିଲାଇବା ଆରମ୍ଭ କରିଦେଇଥିଲେ । ସେହି ସମୟରେ ୬ ଫୁଟ ଉଚ୍ଚତାର ସୋନି ତୁରନ୍ତ ମଂଚରୁ ଓହ୍ଲାଇ ହୁଟିଂ କରୁଥିବା ଯୁବକମାନଙ୍କୁ ଚାପୁଡା ମାରିବା ଆରମ୍ଭ କରିଦେଇଥିଲେ । ଏହି ଘଟଣାରୁ ଜଣା ପଡେ ସୋନି ଗାନ୍ଧି ପରିବାରର କେତେ ବିଶ୍ୱସ୍ତ ଥିଲେ ।

ସଂଜୟ ଗାନ୍ଧିଙ୍କ ବିମାନ ଦୁର୍ଘଟଣାରେ ମୃତ୍ୟୁ, ଇନ୍ଦିରାଙ୍କ ହତ୍ୟା ଓ ରାଜୀବଙ୍କ ହତ୍ୟା ପରେ ମଧ୍ୟ ସୋନି ଗାନ୍ଧି ପରିବାର ସହିତ ଥିଲେ । ୧୯୭୬ ମସିହାରେ, ଜରୁରୀକାଳୀନ ପରିସ୍ଥିତି ଲାଗୁ ହେବାର ଠିକ୍ ୧ ବର୍ଷ ପରେ ଇନ୍ଦିରା ଅମ୍ବିକା ସୋନିଙ୍କୁ ରାଜ୍ୟସଭାର ସଦସ୍ୟ ଭାବେ ଚୟନ କଲେ । ସଂଜୟ ଗାନ୍ଧୀଙ୍କ ମୃତ୍ୟୁ ଏବଂ ଇନ୍ଦିରାଙ୍କ ହତ୍ୟା ପରେ ମଧ୍ୟ ଗାନ୍ଧୀ ପରିବାରର ହାତ ଛାଡିନଥିଲେ ଅମ୍ବିକା । ସେ ଏବେ ମଧ୍ୟ ପଞ୍ଜାବର ରାଜ୍ୟସଭାର ସଦସ୍ୟ ଅଛନ୍ତି। ବୋଧହୁଏ ସେଇଥିପାଇଁ ଯେତେବେଳେ ସୋନିଆ ଗାନ୍ଧୀ ଏବଂ ରାହୁଲ ଗାନ୍ଧୀ କ୍ୟାପଟେନ ଅମରିନ୍ଦର ସିଂଙ୍କୁ ଇସ୍ତଫା ଦେବାକୁ ବାଧ୍ୟ କରିଥିଲେ, ସେତେବେଳେ ଅମ୍ବିକା ସୋନି ସମ୍ଭବତଃ ଏହି ପଦବୀ ପାଇଁ ସେମାନଙ୍କ ନଜରରେ ଏକଦମ ଫିଟ୍ ଥିଲେ । କିନ୍ତୁ ରବିବାର ସକାଳେ ଅମ୍ବିକା ସୋନି ଗାନ୍ଧୀ ପରିବାରର ଏହି ଅଫରକୁ ମୁହଁରେ ହିଁ ପ୍ରତ୍ୟାଖ୍ୟାନ କରିଦେଲେ..ଯାହା ପୂର୍ବରୁ କେବେ ହୋଇନଥିଲା,ସଂଜୟ ଗାନ୍ଧୀଙ୍କ ଖାସ୍ ଓ ଇନ୍ଦିରାଗାନ୍ଧୀଙ୍କ ଉପରେ ଜୀବନ ଲୁଟୁଥିବା ଅମ୍ବିକା ରାହୁଲ ଓ ସୋନିଆଙ୍କ କଥା ରଖିଲେନାହିଁ କାହିଁକି ?

ଆଶା ଅନୁସାରେ ଏହା ପଛରେ ଦୁଇଟି କାରଣ ଥାଇପାରେ | ପ୍ରଥମେ ଦଳର ସୁଦୃଢତା ପାଇଁ ଅମ୍ବିକା ଜଣେ ଶିଖଙ୍କୁ ହିଁ ମୁଖ୍ୟମନ୍ତ୍ରୀ କରିବା ସପକ୍ଷରେ ଅଛନ୍ତି। ଦ୍ୱିତୀୟରେ, ଅମ୍ବିକା ସୋନି ୭୯ ବର୍ଷ ବୟସରେ ଗାନ୍ଧୀ ପରିବାରର ମୁଖା ହେବାକୁ ଚାହାଁନ୍ତି ନାହିଁ। ତାହା ପୁଣି ୬ ମାସ ପାଇଁ..କାହିଁକି ନା ଆଗାମୀ ନିର୍ବାଚନରେ କଂଗ୍ରେସର ବିଜୟର ସମ୍ଭାବନା ଖୋଦ୍ ଦଳର ନେତାମାନଙ୍କୁ ବି ଦେଖାଯାଉନାହିଁ ।

ସୁଦୃଢ଼ ହେଉଛି ମହିଳାଙ୍କ ଆର୍ଥିକ ସ୍ଥିତି, ମାଧ୍ୟମ ସାଜିଛି ‘ମିଶନ ଶକ୍ତି’

0

ପୁରୁଷୋତ୍ତମପୁର/ଜଗତସିଂହପୁର: ରାଜ୍ୟରେ ସଶକ୍ତ ହେଉଛନ୍ତି ମହିଳା । ମିଶନ ଶକ୍ତି ମାଧ୍ୟମରେ ମହିଳାଙ୍କ ଆର୍ଥିକ ଉନ୍ନତି ହେଉଛି । ରାଜ୍ୟ ସରାକରଙ୍କ ଉଦ୍ୟମରେ ଗାଁ ଗାଁରେ ଏସଏଚଜି ଗଠନ କରି ସେମାନଙ୍କୁ ସମସ୍ତ ପ୍ରକାର ସହାୟତା ଯୋଗାଇ ଦିଆଯାଉଛି । ଗଞ୍ଜାମ ଜିଲ୍ଲା ପୁରୁଷୋତ୍ତମପୁରରେ ‘ମୋ ଖତ’ ପ୍ରସ୍ତୁତ କରି ମହିଳା ସ୍ୱାବଲମ୍ୱୀ ହୋଇଛନ୍ତି । ଜଗତସିଂହପୁରରେ ମୋ ଉପକାରୀ ବଗିଚା ମହିଳାଙ୍କୁ ରୋଜଗାର ଦେଇଛି ।

ମହିଳାଙ୍କୁ ସ୍ୱାବଲମ୍ୱୀ କରିଛି `ମୋ ଖତ’ । ଗଞ୍ଜାମ ଜିଲ୍ଲା ପୁରୁଷୋତ୍ତମପୁରରେ ବର୍ଜ୍ୟବସ୍ତୁରୁ ଜୈବିକ ଖତ ପ୍ରସ୍ତୁତ କରି ଆତ୍ମନିର୍ଭରଶୀଳ ହୋଇଛନ୍ତି ଏସଏଚଜି ମହିଳା । ବ୍ୟାଟେରୀ ଚାଳିତ ଗାଡ଼ିରେ ଓ୍ୱାର୍ଡରୁ ଓ୍ୱାର୍ଡକୁ ବୁଲି ଅଳିଆ ସଂଗ୍ରହ ପରେ ପ୍ରକ୍ରିୟାକରଣ ଦ୍ୱାରା ଜୈବିକ ଖତ ପ୍ରସ୍ତୁତ କରୁଛନ୍ତି । ଏହି କାର୍ଯ୍ୟରେ ୧୦ଜଣ ମହିଳା ନିୟୋଜିତ ହୋଇଥିବାବେଳେ ବାର୍ଷିକ ୨ ଦଶମିକ ୫ମେଟ୍ରିକ୍ ଟନ ଖତ ପ୍ରସ୍ତୁତ ହେଉଛି । ଖତକୁ କେଜି ପ୍ରତି ୨୦ଟଙ୍କାରେ ବିକି ଲାଭବାନ ହେଉଛନ୍ତି ।

ସେପଟେ ଜଗତସିଂହପୁରରେ ବଡ଼ି ପ୍ରସ୍ତୁତି, ମହିଳାଙ୍କ ରୋଜଗାରର ନୂଆ ମାଧ୍ୟମ ସାଜିଛି । ବିରିଡି ବ୍ଲକ୍ ବମ୍ବିଲୋ ଗାଁର ମହିଳାମାନେ ବଡ଼ି ସହିତ ବିଭିନ୍ନ ଖାଦ୍ୟ ସାମଗ୍ରୀ ପ୍ରସ୍ତୁତ କରି ବିକୁଛନ୍ତି । ଏହା ସହିତ ମୋ ଉପକାରୀ ବଗିଚା ମଧ୍ୟ ରୋଜଗାର ଦେଉଛି । ସେହିପରି ଅନେକ ମହିଳା ଗୋ-ପାଳନ କରି ଅର୍ଥ ଉପାର୍ଜନ କରୁଛନ୍ତି ।

ମହିଳାଙ୍କୁ ସଶକ୍ତ କରିଛି ମିଶନ ଶକ୍ତି । ଋଣ ଯୋଗାଇ ଦେବା ସହ ସାମାଜିକ ଓ ଆର୍ଥିକ ସ୍ତରରେ ଉନ୍ନତି ପାଇଁ ସହଯୋଗ କରୁଛି । ଯାହାଦ୍ୱାରା ଗାଁ ଗାଁରେ ମହିଳାମାନେ ଆତ୍ମନିର୍ଭର ହୋଇପାରିଛନ୍ତି ।

 

ଚରଣଜିତ୍‌ ସିଂହ ଚନ୍ନି ହେବେ ପଞ୍ଜାବର ନୂତନ ମୁଖ୍ୟମନ୍ତ୍ରୀ

0

ଚଣ୍ଡିଗଡ଼: ପଞ୍ଜାବର ନୂଆ ମୁଖ୍ୟମନ୍ତ୍ରୀ ହେବେ ଚରଣଜିତ ସିଂହ ଚନ୍ନୀ । ଏ ନେଇ ବିଧାୟକ ଦଳ ବୈଠକରେ ନିଷ୍ପତ୍ତି ହୋଇଛି । ଚରଣଜିତ ମୁଖ୍ୟମନ୍ତ୍ରୀ ହେବା ନେଇ ଟ୍ବିଟ କରି ସୂଚନା ଦେଇଛନ୍ତି କଂଗ୍ରେସ ପ୍ରଭାରୀ ହରିଶ ରାଓ୍ବତ । ଆଉ କିଛି ସମୟ ପରେ ରାଜ୍ୟପାଳଙ୍କୁ ଭେଟିବେ ଚରଣଜିତ ସିଂହ ଚନ୍ନୀ । ମୁଖ୍ୟମନ୍ତ୍ରୀ ହେବା ନେଇ ଦାବି କରିବେ ଚରଣଜିତ । ୨୦୧୫ରୁ ୨୦୧୬ ମଧ୍ୟରେ ବିରୋଧୀ ଦଳର ନେତା ଥିଲେ ଚରଣଜିତ୍ । ୨୦୦୭ରେ ବିଧାନସଭାର ସଦସ୍ୟ ଥିଲେ ଚରଣଜିତ । ଚମକୌର ସାହିବ ଆସନରୁ ଏବେ ବିଧାୟକ ଅଛନ୍ତି ଚରଣଜିତ ।

ଚରଣଜିତ୍‌ ସିଂହ ଚନ୍ନି ପଞ୍ଜାବର ନୂଆ ମୁଖ୍ୟମନ୍ତ୍ରୀ ହେବାନେଇ ଘୋଷଣା କରିଛନ୍ତି ବରିଷ୍ଠ କଂଗ୍ରେସ ନେତା ତଥା ପଞ୍ଜାବ କଂଗ୍ରେସ ପ୍ରଭାରୀ ହରିଶ୍‌ ରାୱତ ।

କୁକୁର ପାଇଁ ବିଛାଯାଇଥିବା ବିଦ୍ୟୁତ ତାର ସଂସ୍ପର୍ଶରେ ଆସି ଯୁବକଙ୍କ ମୃତ୍ୟୁ

ନୟାଗଡ: କୁକୁରଙ୍କ କବଳରୁ କୁକୁଡ଼ାଙ୍କୁ ରକ୍ଷା କରିବା ପାଇଁ କୁକୁଡ଼ା ଫାର୍ମା ପାର୍ଶ୍ୱରେ ବିଛାଯାଇଥିବା ବିଦ୍ୟୁତ ତାର । ହେଲେ ଏହି ବିଦ୍ୟୁତ ତାର ସଂସ୍ପର୍ଶରେ ଆସିଗଲେ ଖେତକୁ ଯାଇଥିବା ଜଣେ ବ୍ୟକ୍ତି । କରେଣ୍ଟ ସଂସ୍ପର୍ଶରେ ଆସି ଚାଲିଗଲା ଜୀବନ । ଏଭଳି ଅଭାବନୀୟ ଘଟଣା ସାମ୍ନାକୁ ଆସିଛି ନୟାଗଡ଼ ଜିଲ୍ଲା ଇଟାମାଟି ଥାନା ବାଲିକୁଦିଆ ଗାଁରୁ । ଏହି ଗାଁର ଚାଷ ଜମି ମଝିରେ ଥିବା ଏକ କୁକୁଡ଼ା ଫାର୍ମର ମାଲିକ କୁକୁରଙ୍କୁ ମାରିବାକୁ ଫାର୍ମ ବାଡ଼ରେ ବିଦ୍ୟୁତ ତାର ସଂଯୋଗ କରି ରଖିଥିଲେ । ତେବେ ଖେତରେ କାମ କରିବାକୁ ଯାଉଥିବା ଏହି ଗାଁର ୩୩ବର୍ଷୀୟ ସୋମନାଥ ମୁଦୁଲି ଏହି ବିଦ୍ୟୁତ ତାର ସଂସ୍ପର୍ଶରେ ଆସିଥିଲେ । ଫଳରେ ଘଟଣା ସ୍ଥଳରେ ଉଡ଼ିଗଲା ପ୍ରାଣବାୟୁ । ତେବେ ଏନେଇ ଥାନାରେ କୌଣସି ଅଭିଯୋଗ ହୋଇ ନ ଥିବା ବେଳେ ମୃତଦେହ ଖେତରେ ପଡ଼ି ରହିଛି ।

ଏଥିସହିତ ପଢ଼ନ୍ତୁ: ମାଛଧରା ବୋଟ୍ ବୁଡ଼ି ଦୁଇ ଜଣ ମତ୍ସ୍ୟଜୀବୀ ନିଖୋଜ

ମାଆର ମମତା ଆଗରେ ଜମ ବି ହେଲା ନିରୂପାୟ, ମୃତ୍ୟୁ ପରେ ପୁଣି ବଞ୍ଚିଉଠିଲା ପୁଅ

0

ହରିୟାଣା: ମାଆର ପ୍ରେମ ହେଉଛି ଏକ ନିଆରା ଏବଂ ଚମତ୍କାର ଅନୁଭୂତି, ଯାହାକି ଜଣେ ମାଆ ନିଜ ସନ୍ତାନକୁ ବିନା ସର୍ତ୍ତରେ ଦେଇଥାଏ । ମାଆର ଅନେକ ରୂପ ଅଛି, ବେଳେବେଳେ ସେ ଜଣେ ରକ୍ଷକ ଭାବରେ ଯତ୍ନ ନିଏ ତ, ବେଳେବେଳେ ଶୃଙ୍ଖଳିତ ହୋଇ ସଠିକ୍ ରାସ୍ତା ଦେଖାଏ । ମା ହେବା ଜଣେ ମହିଳାଙ୍କ ପାଇଁ ଭାଗ୍ୟର ବିଷୟ, ଯାହାକୁ ପ୍ରତ୍ୟେକ ମହିଳା ଉତ୍ସାହର ସହିତ ଅପେକ୍ଷା କରନ୍ତି, କିନ୍ତୁ ଯେତେବେଳେ ସମାନ ପିଲା ଉପରେ କୌଣସି ବିପଦ ଆସେ, ସେତେବେଳେ ସେ ବିବ୍ରତ ହୋଇଉଠେ । ସନ୍ତାନମାନଙ୍କ ଜୀବନ ଉପରେ କୌଣସି ବିପଦ ଆସେ ସେତେବେଳେ ମାଆ ସମସ୍ତଙ୍କ ସହ ଲଢ଼ିଥାଏ, ଏମିତିକି ଜମ ସହ ମଧ୍ୟ । ଆମେ ଏପରି ଜଣେ ମାଆଙ୍କ ବିଷୟରେ କହିବାକୁ ଯାଉଛୁ, ଯିଏ ଯମରାଜଙ୍କ ସହ ଲଢ଼ି ନିଜ ସନ୍ତାନକୁ ମୃତ୍ୟୁ ମୁଖରୁ ବଞ୍ଚାଇଥିଲେ ।

ଆଧୁନିକ ବିଜ୍ଞାନ ଠାରୁ ବି ବଡ଼ ଏ ଚମତ୍କାର

ଏ କାହାଣୀ ହେଉଛି ହରିୟାଣାର ବାହାଦୂରଗଡ ଜିଲ୍ଲାର ଏକ ପରିବାରର । ହିତେଶ ଏବଂ ଜାନଭୀ ସେମାନଙ୍କର ସମସ୍ତ ଆଶା ଛାଡିଦେଇଥିଲେ ଯେତେବେଳେ ଡାକ୍ତର ତାଙ୍କ ପୁଅକୁ ମୃତ ଘୋଷଣା କରିଥିଲେ । ନିଶ୍ୱାସ ବନ୍ଦ ହୋଇଯାଇଥିଲା । ଡାକ୍ତର ମୃତ ଘୋଷଣା କରିସାରିଥିଲେ । କିନ୍ତୁ ବୁଝି ନଥିଲା ମାଆର ମନ । ସନ୍ତାନକୁ ହରାଇବାର ବ୍ୟାକୁଳତାରେ ବାହୁନି ଉଠୁଥିଲା ମାଆ । ଶେଷରେ ମୃତ୍ୟୁର ଶେଯରେ ଶୋଇଥିବା ସନ୍ତାନ ଜିଇଁ ଉଠିଥିଲା । ଶେଷରେ ଏମିତି କିଛି ଘଟିଥିଲା ଯାହା ଆଧୁନିକ ବିଜ୍ଞାନଠାରୁ ମଧ୍ୟ ଚମତ୍କାର ଥିଲା । କିଛି ସମୟ ପରେ ପିଲାଟି  ଶରୀରରେ ଗତିବିଧି ଦେଖିବାକୁ ମିଳିଲା, ଏବଂ ବର୍ତ୍ତମାନ ସେହି ଶିଶୁଟି ସୁସ୍ଥ ଅଛି ।

ଏହି ଘଟଣା ଶିଶୁର ଟାଇଫଏଡ୍ ରୋଗରୁ ଆରମ୍ଭ ହୋଇଥିଲା । ଏହି ରୋଗ ଶିଶୁର ଜୀବନକୁ ବିପଦରେ ପକାଇଲା, ଯେତେବେଳେ ସମସ୍ତ ଡାକ୍ତର ଆଶା ଛାଡ଼ିଦେଇଥିଲେ ଏବଂ ପରିବାର ମଧ୍ୟ କୌଣସି ଉପାୟ ଦେଖିପାରିଲେ ନାହିଁ । ତାପରେ ଜଣେ ମାଆର ପ୍ରାର୍ଥନା ଏବଂ ଯନ୍ତ୍ରଣା ଦେଖି ଯମରାଜଙ୍କୁ ନିଜ ନିଷ୍ପତ୍ତି ବଦଳାଇବାକୁ ପଡିଲାଏବଂ ଶେଷରେ ଜଣେ ମା ନିଜ ପିଲାକୁ ମୃତ୍ୟୁର କବଳରୁ ବଞ୍ଚାଇଲା ।

ନଦୀରେ ଗାଧୋଉଥିବା ବେଳେ ଭାସିଗଲେ ଯୁବକ

0

ବ୍ରହ୍ମପୁର: ଗଞ୍ଜାମ ଜିଲ୍ଲା ହିଞ୍ଜିଳିକାଟୁ ପୁଟିଆ ପଦରରେ ନନ୍ଦିକ ଗାଁରେ ଅଘଟଣ । ଋଷିକୂଲ୍ୟା ନଦୀରେ ଭାସିଯାଇ ଯୁବକ ନିଖୋଜ । ଯୁବକଜଣକ ହେଲେ ନନ୍ଦିକ ଗ୍ରାମର ମିଟୁ ଦାସ । । ସେ ପୂର୍ବାହ୍ନରେ ଋଷିକୂଲ୍ୟା ନଦୀକୁ ଗାଧୋଇବାକୁ ଯାଇଥିବାବେଳେ ପ୍ରବଳ ସ୍ରୋତରେ ଗୋଡ ଖସିଯିବାରୁ ଭାସିଯାଇଛନ୍ତି । ଖବରପାଇ ଅଗ୍ନୀଶମ ବାହିନୀ ଘଟଣା ସ୍ଥଳର ପହଞ୍ଚି ବୋଟ ମାଧ୍ୟମରେ ଖୋଜାଖୋଜି କରୁଛି । ତେବେ ବର୍ତମାନସୁଦ୍ଧା ତାଙ୍କୁ ଉଦ୍ଧାର କରାଯାଇପାରି ନଥିବା ଜଣାପଡ଼ିଛି ।

ଏଥିସହିତ ପଢ଼ନ୍ତୁ: ମାଛଧରା ବୋଟ୍ ବୁଡ଼ି ଦୁଇ ଜଣ ମତ୍ସ୍ୟଜୀବୀ ନିଖୋଜ

 

ମାଛଧରା ବୋଟ୍ ବୁଡ଼ି ଦୁଇ ଜଣ ମତ୍ସ୍ୟଜୀବୀ ନିଖୋଜ

0

ପାରାଦ୍ଵୀପ: ନେହେରୁ ବଙ୍ଗଳା ମହାନଦୀ ମୁହାଁଣରେ ଅଘଟଣ । ମାଛଧରା ବୋଟ୍ ବୁଡି ଦୁଇଜଣ ମତ୍ସ୍ୟଜୀବୀ ନିଖୋଜ । ମାଛଧରା ବୋଟ୍ ଓ କୋଷ୍ଟଗାର୍ଡ ଜାହାଜ ସାହାଯ୍ୟରେ ନିଖଜ ମତ୍ସ୍ୟଜୀବୀଙ୍କୁ ଖୋଜା ଚାଲିଛି । ନିଖୋଜ ମତ୍ସ୍ୟଜୀବୀ ହେଲେ ଷଣ୍ଢକୁଦ ବସ୍ତିର ଦାମଲ କାମରାଜୁ ଓ ସି ଏଚ୍ ଦେଉଡୁ । ସୂଚନା ଅନୁସାରେ ମା ରାମଚଣ୍ଡୀ-୯୮ ନାମକ ବୋଟରେ ୭ ଜଣ ମତ୍ସ୍ୟଜୀବୀ ମାଛ ମାରି ଫେରୁଥିବା ବେଳେ ବୋଟଟି ଓଲଟି ପଡ଼ିଥିଲା । ଏଥିରୁ ୫ ଜଣଙ୍କୁ ଅନ୍ୟ ଏକ ବୋଟରେ ଉଦ୍ଧାର କରାଯାଇଥିବା ବେଳେ ଏବେ ଦୁଇ ଜଣ ନିଖୋଜ ଅଛନ୍ତି ।

 

ଏଥିସହିତ ପଢ଼ନ୍ତୁ: ରାଜଧାନୀରେ ଡ୍ରେନପାଣିରେ ଭାସିଗଲେ ନାବାଳକ

ରାଜଧାନୀରେ ଡ୍ରେନପାଣିରେ ଭାସିଗଲେ ନାବାଳକ

ଭୁବନେଶ୍ୱର: ରାଜଧାନୀରେ ଅଘଟଣ । ଶତାବ୍ଦୀନଗରରେ ଡ୍ରେନ ପାଣିରେ ଭାସିଗଲେ ନାବାଳକ ଛାତ୍ର । ଟ୍ୟୁସନ୍ ଯାଉଥିବା ବେଳେ ଡ୍ରେନ୍ ପାଣିରେ ଭାସିଗଲେ ଦଶମ ଶ୍ରେଣୀ ଛାତ୍ର ଜ୍ୟୋତି ପ୍ରକାଶ ବେହେରା । ଶତାବ୍ଦୀ ନଗର ମୁଖ୍ୟ ଡ୍ରେନରେ ସେ ଭାସିଯାଇଛନ୍ତି । ଆଜି ଦିନ ପ୍ରାୟ ଦୁଇଟା ବେଳେ ବରମୁଣ୍ଡା ପାଲାମଣ୍ଡପ ଅଞ୍ଚଳ ନିଜ ଘରୁ ଶତାବ୍ବୀ ନଗରକୁ ଟ୍ୟୁସନ୍ ଯାଉଥିଲେ ଜ୍ୟୋତି । ତେବେ ଶତାବ୍ଦୀନଗରରେ ବର୍ଷା ପାଣି ଯୋଗୁ ପ୍ରଖର ସ୍ରୋତ ଥିବାରୁ ଛାତ୍ର ଜଣକ ସାଇକେଲ ସହ ଖସି ଯାଇଥିଲେ । ଦୁଇ ଜଣ ଯୁବକ ଉଦ୍ଧାର କରିବାକୁ ଚେଷ୍ଟା କରିଥିଲେ ମଧ୍ୟ ସମ୍ଭବ ହୋଇନଥିଲା ।

ଖୋଜାଖୋଜି କରୁଛନ୍ତି ଅଗ୍ନିଶମ ବାହିନୀ, ପୋଲିସ ଓ ସ୍ଥାନୀୟ ଲୋକ । ହେଲେ ସଂଧ୍ୟା ଯୋଗୁ ତାଙ୍କୁ ଠାବ କରିବା ସମ୍ଭବ ହୋଇନାହିଁ । ସେପଟେ ପୁଅ ନିଖୋଜକୁ ନେଇ ପରିବାରରେ ଖେଳିଯାଇଛି ଦୁଃଖ । ପୁଅକୁ ଆଣି ଦେବାକୁ ମା’ ସମସ୍ତଙ୍କୁ ନେହୁରା ହେଉଛନ୍ତି । ଏହି ସମୟରେ ନିଖୋଜ ଜ୍ୟୋତିଙ୍କ କୁନି ଭଉଣୀ ମା’ଙ୍କ ଲୁହ ପୋଛି ଦେଉଥିବା ଦୃଶ୍ୟ ସମସ୍ତଙ୍କ ହୃଦୟକୁ ଆନ୍ଦୋଳିତ କରିଛି । ସମସ୍ତେ ଜ୍ୟାତିଙ୍କୁ ପାଇବା ପାଇଁ ଠାକୁରଙ୍କ ନିକଟରେ ପ୍ରାର୍ଥନା କରୁଛନ୍ତି । ମୁକୁଳା ଡ୍ରେନ୍‌ ଯୋଗୁ ୨୦୧୯ରେ ନୂଆପଲ୍ଲୀ ଅଞ୍ଚଳରେ ଏଭଳି ଅଘଟଣ ଘଟିଥିଲା ।