spot_img
Home Blog Page 5314

ଆଫଗାନିସ୍ତାନରେ କାର୍ଯ୍ୟକ୍ଷମ ହେବ ମୃତ୍ୟୁଦଣ୍ଡ, ଅଭିଯୁକ୍ତଙ୍କ ହାତ ଗୋଡ଼ କାଟିଦେବା ପ୍ରକ୍ରିୟା ଆରମ୍ଭ

କାବୁଲ: ୧୯୯୦ ଦଶକରେ ଚାଲିଆସିଥିବା ସମସ୍ତ ବର୍ବର ନିୟମ ପୁଣି ଆଫଗାନିସ୍ତାନରେ କାର୍ଯ୍ୟକ୍ଷମ ହେବ । ଇସଲାମିକ ଆଇନ ଅନୁସାରେ ମୃତ୍ୟୁଦଣ୍ଡ, ଅଭିଯୁକ୍ତମାନଙ୍କ ହାତ ଗୋଡ଼ କାଟିଦେବା ଆଦି ପ୍ରକ୍ରିୟା ଆଦି ପୁଣି ଚାଲୁହେବ ବୋଲି କହିଛି ଚାଲିବାନ । ତାଲିବାନର ଜେଲ୍ ବିଭାଗ ମନ୍ତ୍ରୀ ତଥା ପୂର୍ବତନ ଧାର୍ମିକ ପୋଲିସ ମୁଖ୍ୟ ମୁଲ୍ଲା ନୁରଉଦ୍ଦିନ ତୁରାବି କହିଛନ୍ତି ଦେଶରେ କଠୋର ଦଣ୍ଡ ବ୍ୟବସ୍ଥାକୁ ତାଲିବାନ ଆପଣାଇବ । ନିରାପତ୍ତା ଲାଗି ହସ୍ତ ଛେଦନ କରିବା ଜରୁରୀ । ଆଫଗାନିସ୍ତାନର ଆଭ୍ୟନ୍ତରୀଣ ବ୍ୟାପାରରେ କେହି ହସ୍ତକ୍ଷେପ କରିବା ଦରକାର ନାହିଁ ବୋଲି ସେ କହିଛନ୍ତି । ଷ୍ଟାଡିଅମରେ ସର୍ବସମ୍ମୁଖରେ ମୃତ୍ୟୁଦଣ୍ଡ ଦେବା, ହାତ କାଟିଦେବା ଆଦି ପ୍ରକ୍ରିୟାକୁ ଅନେକେ ସମାଲୋଚନା କରୁଛନ୍ତି । ମାତ୍ର ଏହା ଆଫଗାନିସ୍ତାନର ରାଷ୍ଟ୍ରୀୟ ନିୟମ ଏବଂ ଦେଶର ନିୟମ କିପରି ପରିଚାଳିତ ହେବ ସେନେଇ କେହି କିଛି କହିବାର ଆବଶ୍ୟକତା ନାହିଁ ।

କୋରାନ ଅନୁସାରେ ଦେଶରେ ଆଇନ ପ୍ରକ୍ରିୟା ଜାରି ରହିବ ଏବଂ ଇସଲାମ ଧର୍ମର ନିୟମଗୁଡିକୁ କାର୍ଯ୍ୟକାରୀ କରାଯିବ ବୋଲି ସେ କହିଛନ୍ତି । ଗତ ଅଗଷ୍ଟରେ ଆଫଗାନିସ୍ତାନକୁ କବଳ କରିଥିବା ତାଲିବାନୀ ନେତାମାନେ ଆଧୁନିକ ଜୀବନଶୈଳୀ କଟାଉଥିବା ସତ୍ତ୍ବେ ମଧ୍ୟଯୁଗୀୟ ବର୍ବରତାକୁ ଆପଣାଇବା ପ୍ରଶ୍ନ ସୃଷ୍ଟି କରୁଛି । ୧୯୯୦ ଦଶକରେ କାବୁଲର ବିଭିନ୍ନ ସ୍ପୋର୍ଟସ ଷ୍ଟାଡିଅମ ଓ ମସଜିଦ ପଡିଆରେ ଶହ ଶହ ଲୋକଙ୍କ ଉପସ୍ଥିତିରେ ଏହି ଲୋମହର୍ଷକ ଦଣ୍ଡ ଦିଆଯାଉଥିଲା । ତଥାକଥିତ ବିଚାରପତି, ମୁଲ୍ଲାଙ୍କ ନିର୍ଦ୍ଦେଶରେ ଦୋଷୀଙ୍କୁ ଏହି ଦଣ୍ଡ ଦିଆଯାଉଥିଲା । ଏପରିକି ଜଣେ ଅଭିଯୁକ୍ତଙ୍କୁ ବଞ୍ଚାଇବାକୁ ଯାଇ ଯଦି ଜଣେ ସମ୍ପର୍କୀୟ ନିଜେ ମରିବାକୁ ଚାହୁଁଥିଲା ତେବେ ସେପରି ବି କରାଯାଉଥିଲା । ଅପରାଧୀଙ୍କ ସମ୍ପର୍କରେ ବିଚାର ଓ ତାଙ୍କୁ ଦୋଷୀ ସାବ୍ୟସ୍ତ କରିବା ମୁଲ୍ଲା ତଥା ବିଚାରପତିଙ୍କ ଇଚ୍ଛାଧୀନ ଥିଲା । ବର୍ତ୍ତମାନ ଦେଶର ବିଭିନ୍ନ ସ୍ଥାନରେ ଛୋଟମୋଟ ଅପରାଧ, ଚୋରି ଘଟାଉଥିବା ଲୋକମାନଙ୍କ ହସ୍ତଛେଦନ ପ୍ରକ୍ରିୟା ଚାଲୁ ରହିଛି ।

ଗତ ସପ୍ତାହରେ କିଛି ବ୍ୟକ୍ତିଙ୍କ ହାତବାନ୍ଧି ଟ୍ରକ ପଛରେ ବାନ୍ଧି ଦିଆଯାଇଥିବାବେଳେ କିଛି ଲୋକଙ୍କ ମୁହଁରେ କଳା ବୋଳି ପରେଡ କରାଯାଇଥିଲା । ୧୯୮୦ ଦଶକରେ ସୋଭିଏତ ବାହିନୀ ଦ୍ୱାରା ନିଜର ଏକ ଗୋଡ ଓ ଏକ ଆଖି ହରାଇଥିବା ତୁରାବି ଏବେ ଅତି ଶକ୍ତିଶାଳୀ ଧାର୍ମିକ ଗୁରୁ ହୋଇଥିବା କୁହାଯାଇଛି । କିଛି ଦିନ ତଳେ ଜଣେ ତାଲିବାନନ ବିଚାରପତି ହାଜି ବାଦ୍ରୁଦ୍ଦିନ କହିଥିଲେ- ସାରିଆ ଅନୁସାରେ ଅବିବାହିତ ଯୁବକ ବା ଯୁବତୀ ଯଦି ଯୌନକ୍ରିୟାରେ ଲିପ୍ତ ରହିବେ ତେବେ ସେମାନଙ୍କୁ ସର୍ବସମ୍ମୁଖରେ ୧୦୦ ପାହାର ଦିଆଯିବ । ଯଦି ବିବାହିତମାନେ ପାପ ପ୍ରଣୟରେ ଲିପ୍ତ ରହିବେ ତେବେ ସେମାନଙ୍କୁ ପଥର ମାଡ କରି ହତ୍ୟା କରାଯିବ । ଯେଉଁମାନେ ଚୋରି କରିବେ ସେମାନଙ୍କ ହାତ କାଟିଦିଆଯିବ ।

Sneha Dubey: କିଏ ସେହି ଭାରତର ୟଙ୍ଗ୍‌ ଅଫିସର, ଯିଏ ଇମ୍ରାନ୍‌ ଖାନଙ୍କୁ ଦେଖାଇଲେ ଆଇନା ?

ନୂଆଦିଲ୍ଲୀ: କାଶ୍ମୀରକୁ ନେଇ ପାକିସ୍ତାନ କେବେ ମଧ୍ୟ ଲୋଭ ଛାଡ଼ିବନି । ପାକିସ୍ତାନର ପ୍ରଧାନମନ୍ତ୍ରୀ ଇମ୍ରାନ୍‌ ଖାନଙ୍କୁ UNGAରେ କାଶ୍ମୀର ପ୍ରୀତି ଦେଖାଇଛନ୍ତି । କିନ୍ତୁ ପ୍ରତିଥର ଭଳି ଏଥର ମଧ୍ୟ ଭାରତ ପକ୍ଷରୁ ତାଙ୍କୁ କଡ଼ା ଜବାବ ମିଳିଛି । ମିଳିତ ଜାତିସଂଘ ମହାସଭାରେ ଭାରତର ପ୍ରଥମ ସଚିବ ସ୍ନେହା ଦୁବେ କହିଛନ୍ତିଯେ, ଆତଙ୍କବାଦୀଙ୍କୁ ଖୁଲମଖୁଲା ସମର୍ଥନ କରିବାର ଗୁଣ କେବଳ ପାକିସ୍ତାନ ନିକଟରେ ରହିଛି । ଆଉ ଏହା ପାକିସ୍ତାନର ବହୁ ପୁରୁଣା ଇତିହାସ । ତେବେ ରାଇଟ ଟୁ ରିପ୍ଲାଇ ବ୍ୟବହାର କରି ସ୍ନେହା ଦୁବେ ପାକିସ୍ତାନକୁ ଏଭଳି କଡ଼ା ଜବାବ ଦେଇଛନ୍ତି । ସ୍ନେହା ଏହା ମଧ୍ୟ କହିଛନ୍ତିଯେ, ଏହା ପ୍ରଥମ ଥର ନୁହେଁ ଯେତେବେଳେ ପାକିସ୍ତାନ ନେତା ୟୁଏନ ପ୍ଲାଟଫର୍ମ ବ୍ୟବହାର କରି ମୋ ଦେଶ ବିରୁଦ୍ଧରେ ମିଥ୍ୟା ଏବଂ ଦୁର୍ଭାବନାପୂର୍ଣ୍ଣ ପ୍ରଚାର କରିଛନ୍ତି । ପାକିସ୍ତାନୀ ନେତା ଏହାଦ୍ୱାରା ନିଜ ଦେଶର ଶୋଚନୀୟ ସ୍ଥିତି ଉପରୁ ସମସ୍ତଙ୍କ ଧ୍ୟାନ ହଟାଇବାକୁ ଚେଷ୍ଟା କରୁଛନ୍ତି । କିନ୍ତୁ ମୁଖ୍ୟ କଥା ହେଉଛି ପାକିସ୍ତାନରେ ଖୁଲମଖୁଲା ବୁଲୁଛନ୍ତି ଆତଙ୍କବାଦୀ । ଅନ୍ୟପଟେ ସାଧାରଣ ଲୋକଙ୍କୁ ନିର୍ଯାତନା ଦିଆଯାଉଛି ।

ସ୍ନେହା ଦୁବେ କିଏ ?
ପୂରା ଦୁନିଆ ସାମ୍ନାରେ ଇମ୍ରାନ ଖାନଙ୍କୁ ଆଇନା ଦେଖାଇଥିବା ସ୍ନେହା ଦୁବେ ପ୍ରଥମ ପ୍ରୟାସରେ ସଫଳତା ହାସଲ କରିଛନ୍ତି । ସୂଚନା ମୁତାବକ, ସ୍ନେହା ହେଉଛନ୍ତି ୨୦୧୨ ବ୍ୟାଚର ମହିଳା ଅଧିକାରୀ । ଆଇଏଫଏସ ହେବାପରେ ତାଙ୍କୁ ବିଦେଶ ମନ୍ତ୍ରଣାଳୟରେ ନିଯୁକ୍ତି ମିଳିଛି । ତାଙ୍କୁ ୨୦୧୪ରେ ଭାରତୀୟ ଦୂତାବାସ ମ୍ୟାଡ୍ରିଡ ପଠାଯାଇଥିଲା ।

ଏବେ UNGAରେ ଭାରତର ପ୍ରଥମ ସଚିବ । ଅନ୍ତଃରାଷ୍ଟ୍ରୀୟ ମାମଲାରେ ରୁଚି ଥିବାରୁ ସ୍ନେହା ଦୁବେ ଭାରତୀୟ ବିଦେଶ ସେବାରେ ସାମିଲ ହେବାକୁ ନିଷ୍ପତ୍ତି ନେଲେ । ସ୍ନେହା ହେଉଛନ୍ତି ଜେ.ଏନ.ୟୁର ଛାତ୍ରୀ । ଯେଉଁଠାରେ ସେ ଏମ୍.ଏ ଏବଂ ଏମିଫିଲ କରିଛନ୍ତି । କିନ୍ତୁ ସ୍ନେହାଙ୍କ ପ୍ରାରମ୍ଭ ଶିକ୍ଷା ଗୋଆରେ ହୋଇଥିଲା । ଏହାପରେ ସେ ପୁଣେର ଫର୍ଗ୍ୟୁସନ କଲେଜରେ ସ୍ନାତକ କରିଥିଲେ । ତାଙ୍କ ବାପା ଏକ ମଲ୍ଟି ନ୍ୟାସନାଲ କମ୍ପାନୀରେ କାମ କରନ୍ତି ଏବଂ ତାଙ୍କ ମା’ ଜଣେ ଶିକ୍ଷୟତ୍ରୀ ।

ସଭାରେ ସ୍ନେହା କହିଛନ୍ତିଯେ, ଆତଙ୍କବାଦୀଙ୍କୁ ସମର୍ଥନ କରିବା ହେଉଛି ପାକିସ୍ତାନର ନୀତି । ଏହା ଏଭଳି ଏକ ଦେଶ, ଯାହାକୁ ବିଶ୍ୱରେ ଆତଙ୍କବାଦୀଙ୍କୁ ସମର୍ଥନ କରିବା, ଅସ୍ତ୍ର ଯୋଗାଇବା ଏବଂ ଆର୍ଥିକ ସହାୟତା ଯୋଗାଉଥିବା ସମସ୍ତେ ଜାଣନ୍ତି ।

ସ୍ନେହା ପାକିସ୍ତାନକୁ କଡ଼ା ଜବାବ ଦେଇ କହିଛନ୍ତିଯେ, ଜମ୍ମୁ କାଶ୍ମୀର ଏବଂ ଲଦାଖର ସମ୍ପୂର୍ଣ୍ଣ ଅଂଶ ଭାରତର ଅଭିନ୍ନ ଏବଂ ଅବିଭାଜ୍ୟ ଅଙ୍ଗ । ଯାହା ଆମର ଥିଲା ଆଉ ରହିବ । ଏହା ସହିତ ଅବୈଧ କବଜା କରିଥିବା ପାକିସ୍ତାନ ଖୁବଶୀଘ୍ର ଆମ କ୍ଷେତ୍ର ଛାଡ଼ୁବୋଲି ମଧ୍ୟ ସେ ଦାବି କରିଛନ୍ତି ।

ବାତ୍ୟାରେ ପ୍ରଭାବିତ ହୋଇପାରେ ୭ ଜିଲ୍ଲା: ନିୟୋଜିତ ହେବେ ୪୨ ଓଡ୍ରାଫ, ୨୪ ଏନଡିଆରଏଫ ଟିମ

ଭୁବନେଶ୍ୱର: ବାତ୍ୟା ଗୁଲାବକୁ ନେଇ ଏସଆରସିଙ୍କ ଜରୁରୀ ପ୍ରେସମିଟ  । ସମ୍ଭାବ୍ୟ ବାତ୍ୟା ଆନ୍ଧ୍ର ଉପକୂଳରେ ସ୍ଥଳଭାଗ ଛୁଇଁବାକୁ ଥିବାବେଳେ ଏସଆରସି ପ୍ରଦୀପ ଜେନା ଏନେଇ ସତର୍କ ସୂଚନା ଜାରି କରିଛନ୍ତି  । ଓଡ଼ିଶାରେ ସମ୍ଭାବ୍ୟ ବାତ୍ୟାର ସାମାନ୍ୟ ପ୍ରଭାବ ପଡିପାରେ  ।  ଏନେଇ ସରକାର ସଜାଗ ଏବଂ ସଚେତନ ରହିଛନ୍ତି  । ବାତ୍ୟା ପ୍ରଭାବରେ ପାହାଡ଼ିଆ ଅଞ୍ଚଳରେ ଭୁସ୍ଖଳନ ହୋଇପାରେ, ତଳିଆ ଅଞ୍ଚଳରେ ପାଣି ଜମିପାରେ  ବୋଲି ପ୍ରେସମିଟରେ କହିଛନ୍ତି ଏସଆରସି ପ୍ରଦୀପ ଜେନା  ।

ସେପଟେ ବାତ୍ୟା ଗୁଲାବକୁ ଆଖି ଆଗରେ ରଖି ୭ଟି ଜିଲ୍ଲାର ଜିଲ୍ଲାପାଳଙ୍କ ସହ ଭିଡିଓ କନଫରେନ୍ସ ମାଧ୍ୟମରେ ବୈଠକ କରିଛନ୍ତି ଏସଆରସି  । ପ୍ରଭାବିତ ହେବାକୁ ଥିବା ଜିଲ୍ଲାମାନଙ୍କ ମଧ୍ୟରେ ରହିଛି ଗଞ୍ଜାମ, ଗଜପତି, ରାୟଗଡ଼ା, କୋରାପୁଟ, କନ୍ଧମାଳ ଓ ନୟାଗଡ଼  । ଏହି ସମସ୍ତ ଜିଲ୍ଲାରେ ଆଗୁଆ ସତର୍କତା କରାଯାଇଛି  । ଜିଲ୍ଲାପାଳମାନଙ୍କୁ ମଧ୍ୟ ସଜାଗ ରହିବା ପାଇଁ କୁହାଯାଇଛି  । ଏହି ସମସ୍ତ ଜିଲ୍ଲାକୁ  ୪୨ ଓଡ୍ରାଫ, ୨୪ ଏନଡିଆରଏଫ ଟିମ ପଠାଯିବା ପାଇଁ ବ୍ୟବସ୍ଥା ହୋଇଥିବା ସୂଚନା ପ୍ରଦାନ କରିଛନ୍ତି ଏସଆରସି  । ସେପଟେ ଗଞ୍ଜାମ, ଗଜପତି, ରାୟଗଡ଼ା, କୋରାପୁଟ, କନ୍ଧମାଳ ଓ ମାଲକାନଗିରିରେ ପ୍ରବଳରୁ ଅତି ପ୍ରବଳ ବର୍ଷା ହେବା ନେଇ ମଧ୍ୟ କହିଛନ୍ତି ପ୍ରଦୀପ ଜେନା  ।

ବର୍ତ୍ତମାନ ସ୍ଥଳଭାଗ ମୁହାଁ ବାତ୍ୟା ଗୁଲାବ । ଉତ୍ତର-ପୂର୍ବ ଏବଂ ପୂର୍ବ- କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟ ଅବପାତ ଗଭୀର ଅବପାତର ରୂପ ନେଇଛି । ବର୍ତ୍ତମାନ ଏହା ପଶ୍ଚିମ- ଉତ୍ତର- ପଶ୍ଚିମ ଦିଗରେ ଗତି କରୁଛି । ଗତ ୬ ଘଣ୍ଟା ମଧ୍ୟରେ ଘଣ୍ଟାପ୍ରତି ୧୨ କିଲୋମିଟର ବେଗରେ ଗତିକରୁଛି ବାତ୍ୟା ଗୁଲାବ । ଗୋପାଳପୁର ଠାରୁ ୫୧୦ କିଲୋମିଟର ଦକ୍ଷିଣ- ପୂର୍ବରେ ରହିଛି । କଳିଙ୍ଗପାଟନମ୍ ଠାରୁ ୫୯୦ କିଲୋମିଟର ପୂର୍ବରେ ରହିଛି । ଆନ୍ଧ୍ର ଉପକୂଳ ଏବଂ ଦକ୍ଷିଣ ଓଡ଼ିଶା ଉପକୂଳରେ ସ୍ଥଳଭାଗ ଛୁଇଁବା ସମ୍ଭାବନା ରହିଛି ।  ୭ଜିଲ୍ଲାକୁ ୟେଲୋ ଆଲର୍ଟ ଜାରି ହୋଇଛି । ସେପଟେ ବାତ୍ୟା ପ୍ରଭାବରେ କାଲିଠୁ ବଢିବ ବର୍ଷାର ପରିମାଣ ।

ତେଣୁ  ଆସନ୍ତାକାଲି ଅର୍ଥାତ ରବିବାର ପାଇଁ ୭ଜିଲ୍ଲାକୁ ରେଡ୍ ଆଲର୍ଟ ଜାରି ହୋଇଛି  । ଏସଆରସି ପ୍ରଦୀପ ଜେନା ଭିସି ଯୋଗେ ମଧ୍ୟ ବୈଠକ କରିଛନ୍ତି  । ସେପଟେ ମୁଖ୍ୟତଃ ତିନୋଟି ଦିଗକୁ ନେଇ ଜିଲ୍ଲାବାସୀ ସତର୍କ ରହିବାର ଅଛି  । ଭୁସ୍କଳନ, ତଳିଆ ଅଞ୍ଚଳରେ ପାଣି ଜମିବା ଏବଂ ପବନ ପ୍ରତି ଆଗୁଆ ସଜାଗ ରହିବାର ଆବଶ୍ୟକତା ରହିଛି  । ଏହି ସମସ୍ତ ଜିଲ୍ଲାର ପ୍ରଭାବିତ ହେବାକୁ ଥିବା ଲୋକଙ୍କୁ ସ୍ଥାନାନ୍ତର କରାଯିବ  । ସେପଟେ ପ୍ରଭାବିତ ହେବାକୁ ଥିବା ସମ୍ଭାବ୍ୟ ଜିଲ୍ଲାକୁ ଏନଡିଆରଏଫ ଏବଂ ଓଡ୍ରାଫ ଟିମ ବଣ୍ଟନ କରାଯାଇଛି  । ଏହି କ୍ରମରେ ଗଞ୍ଜାମ ଜିଲ୍ଲାକୁ ୧୫ଟି ଓଡ୍ରାଫ ଟିମ, ୬ଟି  ଏନଡିଆରଏଫ ଟିମ ପ୍ରଦାନ କରାଯାଇଛି  । ସେହିପରି ଗଜପତିକୁ ୬ଟି ଓଡ୍ରାଫ, ୪ଟି ଏନଡିଆରଏଫ ଟିମ, ରାୟଗଡ଼ାକୁ ୬ଟି ଓଡ୍ରାଫ ୪ଟି ଏନଡିଆରଏଫ ଟିମ୍, କୋରାପୁଟକୁ ୩ଟି ଓଡ୍ରାଫ ୪ଟି ଏନଡିଆରଏଫ, ମାଲକାନଗିରିକୁ ୬ଟି ଓଡ୍ରାଫ, ୨ଟି ଏନଡିଆରଏଫ, ନବରଙ୍ଗପୁରକୁ ୩ଟି ଓଡ୍ରାଫ, କନ୍ଧମାଳକୁ ୩ଟି ଓଡ୍ରାଫ ଟିମ ଏବଂ ନୟାଗଡ଼କୁ ୪ଟି ଏନଡିଆରଏଫ ଟିମ ପଠାଯିବ ବୋଲି ସୂଚନା ଦେଇଛନ୍ତି ଏସଆରସି ପ୍ରଦୀପ ଜେନା  ।

 

 

ବର୍ଷା ଓ ଘଡଘଡି ନେଇ ୭ ଜିଲ୍ଲାକୁ ସତର୍କ ସୂଚନା

ଭୁବନେଶ୍ୱର: ଗଭୀର ଅବପାତରେ ପରିଣତ ହେଲା ଲଘୁଚାପ । ଯାହା ଆଗାମୀ ୧୨ ଘଣ୍ଟା ମଧ୍ୟରେ ବାତ୍ୟାର ରୂପ ନେବ ବୋଲି ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି ।

ଏହାର ପ୍ରଭାବରେ ଆଗାମୀ ୩ ଘଣ୍ଟା ମଧ୍ୟରେ ୭ଟି ଜିଲ୍ଲାରେ ବର୍ଷା ଓ ଘଡଘଡି ନେଇ ସତର୍କ ସୂଚନା ଜାରି କରିଛି ପାଣିପାଗ ବିଭାଗ । କେନ୍ଦୁଝର, ମୟୂରଭଞ୍ଜ, କନ୍ଧମାଳ, ରାୟଗଡ଼ା, ନୂଆପଡା, ନବରଙ୍ଗପୁର ଓ କଳାହାଣ୍ଡି ଆଦି ଜିଲ୍ଲା ରହିଛି । ଏହିସବୁ ଜିଲ୍ଲାରେ ବିଜୁଳି ଘଡ଼ଘଡ଼ି ସହ ବର୍ଷା ଆଶଙ୍କା ରହିଛି। ପାଣିପାଗକୁ ଦେଖି ସମସ୍ତେ ସୁରକ୍ଷିତ ସ୍ଥାନରେ ରହିବାକୁ ପରାମର୍ଶ ଦେଇଛି ଭୁବନେଶ୍ୱର ସ୍ଥିତ ଆଞ୍ଚଳିକ ପାଣିପାଗ ବିଭାଗ ।

ସୂଚନାଯୋଗ୍ୟ, ଉତ୍ତର-ପୂର୍ବ ଏବଂ ପୂର୍ବ- କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟ ଅବପାତ ଗଭୀର ଅବପାତର ରୂପ ନେଇଛି । ବର୍ତ୍ତମାନ ଏହା ପଶ୍ଚିମ- ଉତ୍ତର- ପଶ୍ଚିମ ଦିଗରେ ଗତି କରୁଛି । ଗତ ୬ ଘଣ୍ଟା ମଧ୍ୟରେ ଘଣ୍ଟାପ୍ରତି ୧୨ କିଲୋମିଟର ବେଗରେ ଗତିକରୁଛି ବାତ୍ୟା ଗୁଲାବ। ଗୋପାଳପୁର ଠାରୁ ୫୧୦ କିଲୋମିଟର ଦକ୍ଷିଣ- ପୂର୍ବରେ ରହିଛି । କଳିଙ୍ଗପାଟନମ୍ ଠାରୁ ୫୯୦ କିଲୋମିଟର ପୂର୍ବରେ ରହିଛି । ଆନ୍ଧ୍ର ଉପକୂଳ ଏବଂ ଦକ୍ଷିଣ ଓଡ଼ିଶା ଉପକୂଳରେ ସ୍ଥଳଭାଗ ଛୁଇଁବା ସମ୍ଭାବନା ରହିଛି ।

୫୬ଟି C-295 ସାମରିକ ପରିବହନ ବିମାନ କିଣିବାକୁ ଚୁକ୍ତି କଲା ଭାରତୀୟ ବାୟୁସେନା

ନୂଆଦିଲ୍ଲୀ: ଭାରତ ୫୬ ଟି ସି-୨୯୫ ସାମରିକ ପରିବହନ ବିମାନ କିଣିବ । ସେଥିଲାଗି ଶୁକ୍ରବାର ପ୍ରତିରକ୍ଷା ମନ୍ତ୍ରଣାଳୟ ଓ ସ୍ପେନର ଏୟାର ବସ୍‌ ଡିଫେନ୍ସ ଆଣ୍ଡ ସ୍ପେସ୍‌ ମଧ୍ୟରେ ୨୧ ହଜାର କୋଟିରୁ ଅଧିକ ଟଙ୍କାର ଚୁକ୍ତି ହୋଇଛି । ୬୦ ଦଶକରୁ ବାୟୁସେନାରେ ବ୍ୟବହୃତ ଆଭ୍ରୋ-୭୪୮ ସ୍ଥାନରେ ଏହି ନୂଆ ପରିବହନ ବିମାନ ବ୍ୟବହାର କରାଯିବ ।

ପ୍ରତି ବିମାନରେ ୫-୧୦ ଟନ ମାଲ ପରିବହନ କରିହେବ । ପ୍ରାୟ ୧୦ ବର୍ଷ ହେଲା ଏହି ପ୍ରସ୍ତାବ ପଡିରହିଥିଲା । ତେବେ ଦୁଇ ସପ୍ତାହ ତଳେ ସୁରକ୍ଷା ବ୍ୟାପାର ସଂକ୍ରାନ୍ତ କେନ୍ଦ୍ର କ୍ୟାବିନେଟ ବୈଠକରେ ଏହି ପ୍ରସ୍ତାବକୁ ଅନୁମୋଦନ କରିଥିଲା । ଚୁକ୍ତି ସ୍ୱାକ୍ଷର ହେବାର ୨ ବର୍ଷ ଭିତରେ କମ୍ପାନି ୧୬ଟି ବିମାନ ଯୋଗାଇ ଦେବ । ତେବେ ଅନ୍ୟ ୪୦ଟି ବିମାନ ଆଗାମୀ ୧୦ ବର୍ଷ ଭିତରେ ଭାରତରେ ନିର୍ମାଣ କରାଯିବ ।

ଏଥିପାଇଁ ଏୟାର ବସ୍‌ ଡିଫେନ୍ସ ଆଣ୍ଡ ସ୍ପେସ୍‌ ପକ୍ଷରୁ ଟାଟା ଆଡଭାନ୍ସଡ ସିଷ୍ଟମ୍ସ ଲିମିଟେଡ ସହ ବୁଝାମଣା କରାଯାଇଛି । ସ୍ପେନ୍‌ କମ୍ପାନି ଏହି ବିମାନ ନିର୍ମାଣ ଲାଗି ସମସ୍ତ ବୈଷୟିକ କୌଶଳ ଯୋଗାଇଦେବ । ପ୍ରଥମଥର ପାଇଁ ଭାରତର ଏକ ଘରୋଇ କମ୍ପାନି ସାମରିକ ବିମାନ ନିର୍ମାଣ କରିବାକୁ ଯାଉଛି । ଟାଟା ଟ୍ରଷ୍ଟର ଅଧ୍ୟକ୍ଷ ରତନ ଟାଟା ଏହି ଚୁକ୍ତିକୁ ସ୍ୱାଗତ କରିବା ସହ ଐତିହାସିକ ବୋଲି ବର୍ଣ୍ଣନା କରିଛନ୍ତି ।

ପୋଲିସ ମାଡ଼ରେ ଗୋବିନ୍ଦଙ୍କର ମୃତ୍ୟୁ ଅଭିଯୋଗ

ବରଗଡ଼: ବରଗଡ଼ ଜିଲ୍ଲା ତୋରା ଗାଁର ଗୋବିନ୍ଦ କୁମ୍ଭାରଙ୍କ ମୃତ୍ୟୁକୁ ନେଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ପ୍ରବଳ ଉତ୍ତେଜନା। ଅପ୍ରିତିକର ସ୍ଥିତିକୁ ଏଡାଇବାକୁ ଯାଇ ଘଟଣାସ୍ଥଳରେ ବ୍ୟାପକ ପୋଲିସ ମୁତୟନ କରାଯାଇଛି।

ସୂଚନା ଅନୁଯାୟୀ, ଗତକାଲି ରାତିରେ କୌଣସି ଏକ ଘଟଣାକୁ ନେଇ ତୋରା ଗାଁର ଗୋବିନ୍ଦଙ୍କୁ ପୋଲିସ ପଚରାଉଚରା ପାଇଁ ଟାଉନ ଥାନାକୁ ନେଇଥିଲା । ପରେ ତାଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଥିବା ବେଳେ  ମେଡିକାଲରେ ତାଙ୍କର ମୃତ୍ୟୁ ହୋଇଥିଲା । ଯାହାକୁ ନେଇ ମେଡିକାଲ୍ ପରିସରରେ ଉତ୍ତେଜନା ଦେଖାଦେଇଥିଲା ।

ତେବେ ପୋଲିସ ମାଡ଼ରେ ଗୋବିନ୍ଦଙ୍କର ମୃତ୍ୟୁ ହୋଇଥିବା ନେଇ ପରିବାର ଲୋକ ଅଭିଯୋଗ କରିଛନ୍ତି।

ତ୍ରିସ୍ତରୀୟ ପଞ୍ଚାୟତ ନିର୍ବାଚନ; ଅକ୍ଟୋବର ପ୍ରଥମ ସପ୍ତାହରୁ ଆରମ୍ଭ ହେବ ସ୍ଥାନ ସଂରକ୍ଷଣ ପ୍ରକ୍ରିୟା

ଭୁବନେଶ୍ୱର: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ଅକ୍ଟୋବର ପ୍ରଥମ ସପ୍ତାହରୁ ସ୍ଥାନ ସଂରକ୍ଷଣ ପ୍ରକ୍ରିୟା ଆରମ୍ଭ ହେବ। ଏନେଇ ଆଇନ ବିଭାଗ ପକ୍ଷରୁ ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇଛି । ସଂଶୋଧିତ ବିଲକୁ ରାଜ୍ୟପାଳ ଅନୁମୋଦନ କରିବା ପରେ ରାଜ୍ୟ ସରକାର ପରବର୍ତ୍ତୀ ପଦକ୍ଷେପ ନେବା ଆରମ୍ଭ କରିଛନ୍ତି।

ସୂଚନା ଅନୁଯାୟୀ, ୱାର୍ଡ ମେମ୍ବର, ସରପଞ୍ଚ, ସମିତି ସଭ୍ୟ ପଦ ପାଇଁ ସଂରକ୍ଷଣ ବ୍ୟବସ୍ଥା ଜିଲ୍ଲାପାଳ କରିବେ। ଜିଲ୍ଲା ପରିଷଦରେ ସଂରକ୍ଷଣ ବ୍ୟବସ୍ଥା ପଞ୍ଚାୟତିରାଜ ବିଭାଗ କରିବାକୁ ନିଷ୍ପତ୍ତି ନିଆଯାଇଛି। ପଞ୍ଚାୟତ ନିର୍ବାଚନରେ ପଛୁଆ ବର୍ଗଙ୍କ ପାଇଁ ୨୭ ପ୍ରତିଶତରୁ ଅଧିକ ସ୍ଥାନ ସଂରକ୍ଷଣ କରାଯାଇପାରିବ ନାହିଁ । ସମୁଦାୟ ଆସନର ୫୦ପ୍ରତିଶତ ପର୍ଯ୍ୟନ୍ତ ସଂରକ୍ଷିତ ରହିବ । ଅନୁସୂଚିତ ଜାତି ଓ ଜନଜାତିଙ୍କ ସହ ପଛୁଆ ବର୍ଗଙ୍କୁ ମିଶାଇ ମୋଟ୍ ୫୦ ପ୍ରତିଶତ ସଂରକ୍ଷଣ ବ୍ୟବସ୍ଥା ହୋଇଛି ।

ଅପରପକ୍ଷେ ଓଡ଼ିଶା ଗ୍ରାମ ପଞ୍ଚାୟତ ସମିତି ଅଧିନିୟମ ୧୯୫୯ ଏବଂ ଓଡ଼ିଶା ଜିଲ୍ଲା ପରିଷଦ ଅଧିନିୟମ ୧୯୯୧ ଅନୁସାରେ ପଛୁଆ ବର୍ଗଙ୍କ ପାଇଁ ଅତିବେଶିରେ ୨୭ ପ୍ରତିଶତ ସ୍ଥାନ ସଂରକ୍ଷିତ ରହିବ ବୋଲି ସୂଚନା ମିଳିଛି।

ବରମୁଣ୍ଡା ବସଷ୍ଟାଣ୍ଡରୁ ୨ଶିଶୁ ଉଦ୍ଧାର

ଭୁବନେଶ୍ବର: ଭୁବନେଶ୍ବରର ବରମୁଣ୍ଡା ବସଷ୍ଟାଣ୍ଡରୁ ୨ ଶିଶୁଙ୍କୁ ଉଦ୍ଧାର କରାଯାଇଛି। ଗତକାଲି ରାତିରେ ଏହି ଦୁଇ ଶିଶୁ ବସଷ୍ଟାଣ୍ଡରେ ଏକୁଟିଆ ବସି କାନ୍ଦୁଥିଲେ। ଏହା ଦେଖି ଶିଶୁଦ୍ବୟଙ୍କୁ ଉଦ୍ଧାର କରାଯାଇ CWCକୁ ହସ୍ତାନ୍ତର କରିଛି ପୋଲିସ।

ସୂଚନା ଅନୁଯାୟୀ, ଦୁଇ ଶିଶୁଙ୍କ ଘର ଗଞ୍ଜାମ ଜିଲ୍ଲାର କୋଦଳା ଅଞ୍ଚଳରେ। ସେମାନଙ୍କ ମଧ୍ୟରୁ ଝିଅର ବୟସ ୮ ବର୍ଷ ହୋଇଥିବା ବେଳେ ସାନ ପୁଅର ବୟସ ୫ ବର୍ଷ ବୋଲି ଜଣାପଡିଛି। ଶିଶୁ ଦ୍ବୟଙ୍କ ମା’ ୪ ବର୍ଷ ହେବ ନିଖୋଜ ଅଛନ୍ତି। ବଡ଼ ମାଙ୍କୁ ଭେଟିବାକୁ କହି ଭୁବନେଶ୍ୱର ଆଣିଥିଲେ ବାପା। ତେବେ ବରମୁଣ୍ଡା ବସଷ୍ଟାଣ୍ଡରେ ପିଲା ଦୁଇଙ୍କୁ ଛାଡ଼ି ବାପା ପଳାଇଥିବା ସନ୍ଦେହ କରାଯାଉଛି।

ଧବଳେଶ୍ୱର ନିକଟରୁ ମିଳିଥିବା ମୃତଦେହ ସୀତାରାମ ମୁର୍ମୁଙ୍କର ନୁହେଁ: ପ୍ରଦୀପ ଜେନା

ଭୁବନେଶ୍ୱର: ନିଖୋଜ ଓଡ୍ରାଫ ଯବାନ ସୀତାରାମ ମୁର୍ମୁଙ୍କର ଏଯାବତ୍ ମିଳିନି ପତ୍ତା। ପୂର୍ବରୁ ଧବଳେଶ୍ବର ନିକଟରୁ ମିଳିଥିବା ମୃତଦେହ ସୀତାରାମ ମୁର୍ମୁଙ୍କର ବୋଲି ଏସଆରସି ପ୍ରକାଶ କରିଥିଲେ । କିନ୍ତୁ ତାହା ସୀତାରାମଙ୍କ ମୃତଦେହ ନୁହେଁ ବୋଲି ପୁଣି ଥରେ ଟ୍ବିଟ୍ କରି ସୂଚନା ଦେଇଛନ୍ତି ଏସଆରସି ପ୍ରଦୀପ ଜେନା।

ଏସଆର୍‌ସି ଟ୍ବିଟରେ ଉଲ୍ଲେଖ କରିଛନ୍ତି ଯେ, ତାଙ୍କ ପାଖରେ ଭୁଲ୍ ତଥ୍ୟ ପହଞ୍ଚିଥିଲା । ପ୍ରକୃତରେ ଏଯାଏ ମୁର୍ମୁଙ୍କ ମୃତଦେହ ଠାବ ହୋଇନି। ଭୁଲ ତଥ୍ୟ ପାଇଁ ମୁଁ ଦୁଃଖିତ ବୋଲି ପ୍ରକାଶ କରିଛନ୍ତି।

ଉଲ୍ଲେଖଯୋଗ୍ୟ, ଗତକାଲି ହାତୀ ଉଦ୍ଧାର ବେଳେ ଓଡ୍ରାଫ୍ ବୋଟ୍ ଓଲଟି ଯାଇଥିଲା। ବୋଟ୍ ଓଲଟିବା ପରେ ସୀତାରାମ ଭାସି ଯାଇଥିଲେ । ବୋଟ୍ ଓଲଟିବା ପରେ ଓଡ୍ରାଫ୍ ଟିମ୍ ସହ ଘରୋଇ ଟିଭି ଚ୍ୟାନେଲର ପ୍ରତିନିଧି ଓ କ୍ୟାମେରାମ୍ୟାନ ଭାସି ଯାଇଥିଲେ । ଭାସିଯିବାର କିଛି ସମୟ ପରେ ଖୋଜାଖୋଜି ଆରମ୍ଭ ହୋଇଥିଲା। ଦେଶୀ ଡଙ୍ଗାରେ ଗଣମାଧ୍ୟମ ପ୍ରତିନିଧି ଅରିନ୍ଦମ ଦାସଙ୍କୁ ମୁର୍ମୁଷୁ ଅବସ୍ଥାରେ ଉଦ୍ଧାର କରାଯାଇଥିଲା । କିନ୍ତୁ ପରେ ତାଙ୍କର ଅକାଳ ବିୟୋଗ ହୋଇଥିଲା।

https://youtu.be/0qN20xUi1Tc

ସମ୍ଭାବ୍ୟ ବାତ୍ୟା ଗୁଲାବ; ଗଞ୍ଜାମ ଜିଲ୍ଲାପାଳଙ୍କ ଗୁରୁତ୍ୱପୂର୍ଣ୍ଣ ବୈଠକ

ବ୍ରହ୍ମପୁର: ସମ୍ଭାବ୍ୟ ବାତ୍ୟା ଗୁଲାବ ପାଇଁ ସଜାଗ ଗଞ୍ଜାମ ପ୍ରଶାସନ। ଗଞ୍ଜାମ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଛି ଜରୁରୀ କାଳୀନ ବୈଠକ । ବିଭିନ୍ନ ବିଭାଗର ଅଧିକାରୀ ମାନେ ବୖଠକରେ ଉପସ୍ଥିତ ରହିଛନ୍ତି ।

ସୂଚନା ଅନୁଯାୟୀ, ଜିଲ୍ଲା ପ୍ରଶାସନ ପକ୍ଷରୁ ଜିରୋ କାଜୁଆଲଟି ଉପରେ ଗୁରୁତ୍ୱ ଦିଆଯାଇଛି । ବିଶେଷକରି ସମୁଦ୍ର ଓ ନଦୀ କୂଳିଆ ଅଞ୍ଚଳ ପ୍ରତି ସ୍ୱତନ୍ତ୍ର ଧ୍ୟାନ ଦେବାକୁ ତହସିଲଦାର ମାନଙ୍କୁ କୁହାଯାଇଛି | ଆବଶ୍ୟକ ପଡିଲେ ଲୋକଙ୍କୁ ସ୍ଥାନନ୍ତରିତ କରାଯିବ । ସ୍କୁଲ, ବାତ୍ୟା ଆଶ୍ରୟସ୍ଥଳି ପ୍ରସ୍ତୁତ କରିବାକୁ କୁହାଯାଇଛି।

ସେହିପରି ରବିବାର ଓ ସୋମବାର ସମୁଦ୍ର କୂଳକୁ କାହାକୁ ଛଡାନଯିବାକୁ ପରାମର୍ଶ ଦିଆଯାଇଛି। ଗର୍ଭବତୀ ମହିଳା ମାନଙ୍କୁ ଚିହ୍ନଟ କରାଯିବା ସହ ଆବଶ୍ୟକ ହେଲେ ମେଡିକାଲକୁ ସ୍ଥାନନ୍ତରିତ କରାଯିବାକୁ ଅଧିକାରୀ ମାନଙ୍କୁ ନିର୍ଦ୍ଦେଶ ଦେଇଛନ୍ତି ଜିଲ୍ଲାପାଳ। ବାତ୍ୟା ତିତିଲି ସମୟରେ ଯେଉଁ ସବୁ ଅଞ୍ଚଳ କ୍ଷତି ହୋଇଥିଲା ସେଥିପ୍ରତି ଧ୍ୟ୍ୟନ ଦେବାକୁ ଜିଲ୍ଲାପାଳ କହିଛନ୍ତି |

ଅପରପକ୍ଷେ ସମ୍ଭାବ୍ୟ ବାତ୍ୟାକୁ ନଜରରେ ରଖି ଗଜପତି ଜିଲ୍ଲାରେ ଶନିବାର ଓ ରବିବାର ସରକାରୀ ଛୁଟିକୁ ବାତିଲ କରାଯାଇଛି । ଏଥିସହ ଯେକୌଣସି ଜରୁରୀକାଳୀନ ସ୍ଥିତିକୁ ମୁକାବିଲା କରିବା ପାଇଁ ପ୍ରସ୍ତୁତ ରହିବାକୁ ଏବଂ ସମସ୍ତ ବିଭାଗୀୟ ଅଧିକାରୀଙ୍କୁ ସଦରମହକୁମା ନ ଛାଡ଼ିବାକୁ ନିର୍ଦ୍ଦେଶ ଜାରି କରିଛନ୍ତି ଜିଲ୍ଲାପାଳ।