ଧବଳେଶ୍ୱର ନିକଟରୁ ମିଳିଥିବା ମୃତଦେହ ସୀତାରାମ ମୁର୍ମୁଙ୍କର ନୁହେଁ: ପ୍ରଦୀପ ଜେନା

1 min read

ଭୁବନେଶ୍ୱର: ନିଖୋଜ ଓଡ୍ରାଫ ଯବାନ ସୀତାରାମ ମୁର୍ମୁଙ୍କର ଏଯାବତ୍ ମିଳିନି ପତ୍ତା। ପୂର୍ବରୁ ଧବଳେଶ୍ବର ନିକଟରୁ ମିଳିଥିବା ମୃତଦେହ ସୀତାରାମ ମୁର୍ମୁଙ୍କର ବୋଲି ଏସଆରସି ପ୍ରକାଶ କରିଥିଲେ । କିନ୍ତୁ ତାହା ସୀତାରାମଙ୍କ ମୃତଦେହ ନୁହେଁ ବୋଲି ପୁଣି ଥରେ ଟ୍ବିଟ୍ କରି ସୂଚନା ଦେଇଛନ୍ତି ଏସଆରସି ପ୍ରଦୀପ ଜେନା।

ଏସଆର୍‌ସି ଟ୍ବିଟରେ ଉଲ୍ଲେଖ କରିଛନ୍ତି ଯେ, ତାଙ୍କ ପାଖରେ ଭୁଲ୍ ତଥ୍ୟ ପହଞ୍ଚିଥିଲା । ପ୍ରକୃତରେ ଏଯାଏ ମୁର୍ମୁଙ୍କ ମୃତଦେହ ଠାବ ହୋଇନି। ଭୁଲ ତଥ୍ୟ ପାଇଁ ମୁଁ ଦୁଃଖିତ ବୋଲି ପ୍ରକାଶ କରିଛନ୍ତି।

ଉଲ୍ଲେଖଯୋଗ୍ୟ, ଗତକାଲି ହାତୀ ଉଦ୍ଧାର ବେଳେ ଓଡ୍ରାଫ୍ ବୋଟ୍ ଓଲଟି ଯାଇଥିଲା। ବୋଟ୍ ଓଲଟିବା ପରେ ସୀତାରାମ ଭାସି ଯାଇଥିଲେ । ବୋଟ୍ ଓଲଟିବା ପରେ ଓଡ୍ରାଫ୍ ଟିମ୍ ସହ ଘରୋଇ ଟିଭି ଚ୍ୟାନେଲର ପ୍ରତିନିଧି ଓ କ୍ୟାମେରାମ୍ୟାନ ଭାସି ଯାଇଥିଲେ । ଭାସିଯିବାର କିଛି ସମୟ ପରେ ଖୋଜାଖୋଜି ଆରମ୍ଭ ହୋଇଥିଲା। ଦେଶୀ ଡଙ୍ଗାରେ ଗଣମାଧ୍ୟମ ପ୍ରତିନିଧି ଅରିନ୍ଦମ ଦାସଙ୍କୁ ମୁର୍ମୁଷୁ ଅବସ୍ଥାରେ ଉଦ୍ଧାର କରାଯାଇଥିଲା । କିନ୍ତୁ ପରେ ତାଙ୍କର ଅକାଳ ବିୟୋଗ ହୋଇଥିଲା।

Opn Commnet Area

Leave a Reply

Your email address will not be published. Required fields are marked *