spot_img
Home Blog Page 5286

IPL ଅପଡେଟ୍: ୪ ୱିକେଟରେ ଦିଲ୍ଲୀ ବିଜୟୀ, ମଉଳିଲା ମୁମ୍ବାଇର ପ୍ଲେ ଅଫ ଆଶା

ନନ୍ଦିଘୋଷ ବ୍ୟୁରୋ: ମୁମ୍ବାଇକୁ ମାତ ଦେଲା ଦିଲ୍ଲୀ ଟିମ । ଏହି ମ୍ୟାଚରେ ଡିପେଣ୍ଡିଂ ଚାମ୍ପିୟନ ମୁମ୍ବାଇକୁ ୪ ୱିକେଟରେ ହରାଇଛି ଦିଲ୍ଲୀ କ୍ୟାପିଟାଲ୍ସ । ଏହି ବିଜୟ ସହ ଦିଲ୍ଲୀ କ୍ୟାପିଟାଲ୍ସ ଫ୍ଲେ ଅଫରେ ନିଜ ସ୍ଥାନ ପକ୍କା କରିଛି । ଆଇପିଏଲର ୪୬ ତମ ମ୍ୟାଚରେ ଟସ୍ ଜିତି ପ୍ରଥମେ ବୋଲିଂ କରିବାର ନିଷ୍ପତ୍ତି ନେଇଥିଲା ଦିଲ୍ଲୀ । ମୁମ୍ବାଇ ପ୍ରଥମେ ବ୍ଯାଟିଂ କରିବା ସହ ନିର୍ଦ୍ଧାରିତ ଓଭରରେ ୮ ୱିକେଟ ହରାଇ ୧୨୯ ରନ ସଂଗ୍ରହ କରିଥିଲା  ।

ସେହିପରି ଦ୍ୱିତୀୟ ଇଂନିସରେ ଦିଲ୍ଲୀ ବ୍ୟାଟିଂ କରିବା ସହ ୬ ୱିକେଟ ହରାଇ ୧୩୨ ରନ ସଂଗ୍ରହ କରିବାରେ ସକ୍ଷମ ହୋଇଥିଲା  । ଏଥି ସହିତ ମ୍ୟାଚକୁ ନିଜ ଆଡ଼କୁ ନେବାରେ ସକ୍ଷମ ହୋଇଥିଲା ଦିଲ୍ଲୀ  । ଅଭେସ ଖାନ ଦମଦାର ବୋଲିଂ ପ୍ରଦର୍ଶନ କରି ୪ ଓଭରରେ ମାତ୍ର ୧୫ ରନ୍ ଦେଇ ୩ଟି ମୂଲ୍ୟବାନ୍ ୱିକେଟ୍ ଅକ୍ତିଆର କରିଛନ୍ତି । ସେପଟେ ପ୍ରଥମେ ବ୍ୟାଟିଂ କରିଥିବା ମୁମ୍ବାଇର ବ୍ୟାଟିଂ ପକ୍ରିୟା ଆଜି ବିପର୍ଯ୍ୟସ୍ଥ ହୋଇପଡିଥିବା ଦେଖିବାକୁ ମିଲିଥିଲା  ।

ଓଡ଼ିଶା ସ୍ବାସ୍ଥ୍ୟ ସେବାକୁ ନୀତି ଆୟୋଗର ପ୍ରଶଂସା, ରାଜ୍ୟରେ ମିଳୁଛି ଉନ୍ନତମାନର ଚିକିତ୍ସା ସୁବିଧା

ଭୁବନେଶ୍ୱର: ଓଡ଼ିଶାରେ ମିଳୁଛି ଉନ୍ନତମାନର ଚିକିତ୍ସା ସୁବିଧା । ଡାକ୍ତରଖାନାରେ ରୋଗୀ ଓ ସମ୍ପର୍କୀୟଙ୍କୁ ଚିକିତ୍ସା ସାଙ୍ଗକୁ ଭଲ ବ୍ୟବହାର ମଧ୍ୟ କରାଯାଉଛି । ଏଥିପାଇଁ ରାଜ୍ୟର ସ୍ବାସ୍ଥ୍ୟ ସେବାକୁ ପ୍ରଶଂସା କରିଛି ନୀତି ଆୟୋଗ । ମଧ୍ୟମ ଧରଣର ମେଡିକାଲ ଭାବେ ବଲାଙ୍ଗୀର ଭୀମ ଭୋଇ ମେଡିକାଲ କଲେଜ ଓ ହସ୍ପିଟାଲକୁ ଦେଶର ଏକ ନମ୍ବର ହସ୍ପିଟାଲର ମାନ୍ୟତା ମିଳିଛି । ଏଠାରେ ରୋଗୀ ସଂଖ୍ୟା ହିସାବରେ ଡାକ୍ତର, ନର୍ସିଂ ଷ୍ଟାଫ, ହେଲଥ ଷ୍ଟାଫ ରହିଛନ୍ତି ।

ଏହା ସହିତ ଉନ୍ନତ ମାନର ଚିକିତ୍ସା ସାଙ୍ଗକୁ ରୋଗୀଙ୍କର ଉଚିତ୍ ଯତ୍ନ ନିଆଯାଉଛି । ରୋଗୀ ସେମାନଙ୍କ ସମ୍ପର୍କୀୟଙ୍କୁ ଡାକ୍ତରଖାନା ତରଫରୁ ଭୟ ବ୍ୟବହାର ମଧ୍ୟ କରାଯାଉଛି । ବିଭିନ୍ନ ମାନଦଣ୍ଡ ଅନୁସାରେ ଭୀମ ଭୋଇ ମେଡିକାଲ କଲେଜ ଦେଶରେ ଅନ୍ୟ ଡାକ୍ତରଖାନା ଠାରୁ ଭଲ ସ୍ଥିତିରେ ରହିଛି । ରାଜ୍ୟରେ ସ୍ବାସ୍ଥ୍ୟ କ୍ଷେତ୍ରକୁ ଉନ୍ନତ କରିବାକୁ ରାଜ୍ୟ ସରକାରଙ୍କ ଅହରହ ପ୍ରଚେଷ୍ଟା କରୁଛନ୍ତି ।

ଜିଲ୍ଲା ପ୍ରଶାସନ, ସ୍ବାସ୍ଥ୍ୟ ବିଭାଗ ଏବଂ ଡାକ୍ତର ଓ ସ୍ବାସ୍ଥ୍ୟ କର୍ମୀଙ୍କ ଉଦ୍ୟମରେ ଭୀମ ଭୋଇ ମେଡିକାଲ କଲେଜକୁ ସଫଳତା ମିଳିଛି ବୋଲି ଜିଲ୍ଲାପାଳ କହିଛନ୍ତି । ବଲାଙ୍ଗୀର ପଛକୁ ମୟୁରଭଞ୍ଜ ମେଡିକାଲକୁ ମଧ୍ୟ ନୀତି ଆୟୋଗ ତରଫରୁ ପ୍ରଶଂସା କରାଯାଇଛି । ଦେଶରେ ରୋଗୀଙ୍କୁ ଭଲ ବ୍ୟବହାର କରୁଥିବା ଆଧାରରେ ୭ଶହରୁ ୮ଶହ ହସ୍ପିଟାଲକୁ ନେଇ ଗ୍ରେଡେସନ କରାଯାଇଥିଲା ।ଏଥିରେ ବଲାଙ୍ଗୀର ଜିଲ୍ଲା ଏକ ନମ୍ବର ସ୍ଥାନରେ ରହି ସଫଳତା ହାସଲ କରିଛି ।

ଓଡ଼ିଆ ବାୟୁସେନା ଅଧିକାରୀଙ୍କୁ ବଡ଼ ଦାୟିତ୍ୱ, କମ୍ପାଣ୍ଡିଂ ଇନ୍‌ ଚିଫ୍‌ ହେଲେ ଦିଲ୍ଲୀପ କୁମାର

ନୂଆଦିଲ୍ଲୀ: ଓଡ଼ିଆ ବାୟୁସେନା ଅଧିକାରୀ ଦିଲ୍ଲୀପ କୁମାର ପଟ୍ଟନାୟକଙ୍କୁ ମିଳିଲା ବଡ଼ ଦାୟିତ୍ବ । ଇଷ୍ଟର୍ଣ୍ଣ ଏୟାର କମାଣ୍ଡରେ ଏୟାର ଅଫିସର କମ୍ପାଣ୍ଡିଂ ଇନ୍‌ ଚିଫ୍‌ ଭାବେ ମିଳିଲା ନିଯୁକ୍ତି । ପ୍ରଥମ ଓଡ଼ିଆ ଭାବେ ଏୟାର ମାର୍ଶାଲ ଦିଲ୍ଲୀପଙ୍କୁ ଏହି ଦାୟିତ୍ବ ମିଳିଛି । କାରଗିଲ୍‌ ଯୁଦ୍ଧରେ ଅପୂର୍ବ ସାହାସିକତା ଦେଖାଇଥିବାରୁ ତାଙ୍କୁ ବାୟୁସେନା ମେଡାଲ ମିଳିଥିଲା ।

ଦିଲ୍ଲୀପଙ୍କୁ ଏହି ଦାୟିତ୍ବ ମିଳିବା ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହାର ଓଡ଼ିଶାର ଯୁବଗୋଷ୍ଠୀଙ୍କୁ ପ୍ରେରଣା ଯୋଗାଇବ । ଦେଶସେବା ପାଇଁ ସେନାରେ ଯୋଗ ଦେବାକୁ ସେମାନଙ୍କୁ ପ୍ରୋତ୍ସାହନ ଯୋଗାଇବ ବୋଲି ମୁଖ୍ୟମନ୍ତ୍ରୀ କହିଛନ୍ତି । ଓଡ଼ିଆ ପୁଅର ଏଭଳି କୃତିତ୍ୱ ପାଇଁ ଶୁଭେଛାର ବାର୍ତ୍ତା ଛୁଟିଛି  ।

ଜଗତସିଂହପୁରରେ ବିଜେଡିରେ ମିଶିଲେ ୩୦ରୁ ଅଧିକ ବିଜେପି କର୍ମୀ

ଜଗତସିଂହପୁର: ଉପକୂଳରେ ଶସକ୍ତ ହେଉଛି ବିଜେଡି । ମୁଖ୍ୟମନ୍ତ୍ରୀଙ୍କ ଲୋକାଭିମୁଖୀ କାର୍ଯ୍ୟରେ ଅନୁ ପ୍ରାଣୀତ ହୋଇ ବିଜୁ ଜନତା ଦଳରେ ସାମିଲ ହେଉଛନ୍ତି ଅନ୍ୟ ଦଳର କର୍ମୀ । ଜଗତସିଂହପୁର ବ୍ଲକ ପାଟେଣୀ ଗାଁ ପଞ୍ଚାୟତ ଧୁଳେଶ୍ବର ମହାଦେବ ମନ୍ଦିର ପ୍ରାଙ୍ଗଣରେ ବିଜେଡିର ଏକ ବନ୍ଧୁ ମିଳନ ସହ ମିଶ୍ରଣ ପର୍ଵ ଅନୁଷ୍ଠିତ ହୋଇଯାଇଛି।

ଓଡିଶା ରାଜ୍ୟ କାଜୁ ନିଗମର ଅଧକ୍ଷ ଅମରେନ୍ଦ୍ର ଦାଶଙ୍କ ସହ ଶତାଧିକ ବିଜୁ ଜନତାଦଳର କର୍ମୀଙ୍କ ଉପସ୍ଥିରେ 23 ରୁ 30 ଜଣ ବିଜେପି ଓ କଂଗ୍ରେସ କର୍ମୀ ବିଜେଡିରେ ଆନୁଷ୍ଠାନିକ ଭାବେ ଯୋଗ ଦାନ କରିଛନ୍ତି। ଦୀର୍ଘ ଦିନ ଧରି ନିରବ ପରେ ଆଜି ବିଜେଡି ଦଳରେ ସାମିଲ ହେବାକୁ ନିଷ୍ପତି ନେଇଥିଲେ କର୍ମୀ ।

ବାହାଘରର ୪ ବର୍ଷ ପରେ ଅଲଗା ହେଲେ ସାଉଥର ଏହି ସୁପରହିଟ୍ ଯୋଡି..

ମୁମ୍ବାଇ:ଦକ୍ଷିଣ ଭାରତୀୟ ଚଳଚ୍ଚିତ୍ର ଅଭିନେତ୍ରୀ  ସାମନ୍ଥା ପ୍ରଭୁ ଓ ଅଭିନେତା ନାଗା ଚୈତନ୍ୟ  ଅଲଗା ହେଲେ । ସେମାନଙ୍କ ଅଲଗା ହେବାର ନିଶ୍ଚିତ ସୂଚନା ଦେଇଛନ୍ତି ଏହି ଯୋଡି । ସୋସିଆଲ ମିଡିଆ ମାଧ୍ୟମରେ ନିଜ ଅଲଗା ହେବାର ଖବର ଦୁନିଆକୁ ଜଣାଇଲେ ଦୁହେଁ ।  ସାମନ୍ତା ଇନଷ୍ଟାଗ୍ରାମରେ ପୋଷ୍ଟ କରିଛନ୍ତି ଯେ ସେ ଏବଂ ନାଗା ସ୍ୱାମୀ-ସ୍ତ୍ରୀ ଭାବରେ ଅଲଗା ହେବାକୁ ନିଷ୍ପତ୍ତି ନେଇଛନ୍ତି। କିଛି ସମୟ ପାଇଁ ଉଭୟଙ୍କ ମଧ୍ୟରେ ମତଭେଦ ଏବଂ ଛାଡପତ୍ର ହେବାର ଖବର ଆସିଥିଲା। ବର୍ତ୍ତମାନ ସେ ନିଜେ କହିଛନ୍ତି ଯେ ଉଭୟ ଅଲଗା ଅଛନ୍ତି। ସାମନ୍ତ ଏବଂ ନାଗା ଚେତନ୍ୟ ୨୦୧୭ ରେ ବିବାହ କରିଥିଲେ |

କିଛି ସମୟ ପାଇଁ ପରସ୍ପରକୁ ଡେଟ କରିବା ପରେ ସାମନ୍ଥା ପ୍ରଭୁ ଏବଂ ନାଗା ପରସ୍ପରର ନିକଟତର ହୋଇଥିଲେ । ପ୍ରେମରୁ ବିବାହର ରାସ୍ତା ଖୁବ ସୁନ୍ଦର ଥିଲା ଏହି ହିଟ୍ ଯୋଡିଙ୍କର.. ଉଭୟଙ୍କୁ ଦକ୍ଷିଣ ଭାରତୀୟ ସିନେମାର ପ୍ରିୟ ଦମ୍ପତି ଭାବରେ ବେଶ୍ ଜଣାଯାଏ । ତେବେ ସେମାନଙ୍କ ବିବାହ ମାତ୍ର ଚାରି ବର୍ଷ ପର୍ଯ୍ୟନ୍ତ ହିଁ ତିଷ୍ଠି ପାରିଲା । ଦୀର୍ଘ ସମୟ ଧରି, ସେମାନଙ୍କ ସମ୍ପର୍କର ଦୂରତା ଖବର ବାହାରକୁ ଆସୁଥିଲା, କିନ୍ତୁ ଏହି ଖବରକୁ ସହଜରେ ଗ୍ରହଣ କରିପାରିନଥିଲେ ସେମାନଙ୍କର ଫ୍ୟାନ୍ସ । କିଏ ଏହାକୁ ମିଛ ଅପ୍ରଚାର କହୁଥିଲା ତ ପୁଣି କିଏ ସେମାନଙ୍କ ଆଗାମୀ ଫିଲ୍ମର କାହାଣୀ କହୁଥିଲା,କିନ୍ତୁ ସବୁ କଳ୍ପନା ଜଳ୍ପନାର ଅନ୍ତ ଘଟାଇ ମିଛ ଖବରକୁ ସତ କରିଦେଇଛନ୍ତି ସାମନ୍ଥା ପ୍ରଭୁ ଓ ନାଗା ଚେତନ୍ୟ..  ଏବେ ଦୁହେଁ ବାଛିନେଲେ ଦୁହିଁଙ୍କ ପାଇଁ ଭିନ୍ନ ଭିନ୍ନ ରାସ୍ତା ।

ତେଲୁଗୁ ସିନେମାର ଏହି ପ୍ରସିଦ୍ଧ ଯୋଡିକୁ ଲୋକମାନେ ବହୁତ ପସନ୍ଦ କରିଛନ୍ତି | ଦୁହେଁ ଅନେକ ଚଳଚ୍ଚିତ୍ରରେ ଏକାଠି କାମ ମଧ୍ୟ କରିଛନ୍ତି, ସେଥିମଧ୍ୟରୁ ସବୁଠାରୁ ହିଟ୍ ଥିଲା ୨୦୧୦ର ଚଳଚ୍ଚିତ୍ର ‘ୟେ ମାୟା ଚେସାଭ୍’ | ୨୦୧୯ ମସିହାରେ ଦୁହେଁ ଏକାଠି ମାଜିଲି ଫିଲ୍ମରେ ନଜର ଆସିଥିଲେ। ସମ୍ପ୍ରତି, ମନୋଜ ବାଜପେୟୀଙ୍କ ୱେବ୍ ସିରିଜ୍ ଦି ଫ୍ୟାମିଲି ମ୍ୟାନ୍ ୨ ରେ ସାମନ୍ତା ତାଙ୍କର ଚମତ୍କାର ପ୍ରଦର୍ଶନ ଦ୍ୱାରା ସମସ୍ତଙ୍କୁ ପ୍ରଭାବିତ ମଧ୍ୟ କରିଥିଲେ |

ଉତ୍ତର ଭାରତରେ ତାଙ୍କର ବହୁତ ପ୍ରଶଂସକ ମଧ୍ୟ ଅଛନ୍ତି | ନିକଟରେ ସାମନ୍ଥା ପ୍ରଭୁ ଏବଂ ନାଗା ଚୈତନ୍ୟ ନିଜ ଭବିଷ୍ୟତ ଉତ୍ତରାଧିକାରୀ ପାଇଁ ଯୋଜନା କରୁଥିବାର ମଧ୍ୟ ଖବର ଆସିଥିଲା। ହେଲେ ଅଚାନକ ଏହି ଦୁଇ ପ୍ରେମୀଜୁଗଳଙ୍କ ଛାଡପତ୍ର କଥା କାହାକୁ ବିଶ୍ବାସ ହେଉନାହିଁ..କାରଣ ଅନେକ ସୁପରହିଟ୍ ଲଭଷ୍ଟୋରୀର କଥା ଉଠିଲେ ନାଗା  ଚୈତନ୍ୟ ଓ ସାମନ୍ଥା ପ୍ରଭୁଙ୍କର ନାଁ ଆସେ..

ଆକାଶରେ ଧ୍ବଂସ ହେଲା ଏୟାର ଆମ୍ବୁଲାନ୍ସ ,ଚାଲିଗଲା ୪ ଜୀବନ

ୟୁଏଇ: ସଂଯୁକ୍ତ ଆରବ ଏମିରେଟ୍ସ (ୟୁଏଇ) ପୋଲିସ ଦ୍ୱାରା ଉଡାଯାଇଥିବା ଆବୁଧାବି ଏୟାର ଆମ୍ବୁଲାନ୍ସ ଶନିବାର ଦୁର୍ଘଟଣାଗ୍ରସ୍ତ ହୋଇଛି। ଏହି ଦୁର୍ଘଟଣାରେ ୪ ଜଣଙ୍କର ମୃତ୍ୟୁ ହୋଇଛି। ଏଥି ସହିତ ଆବୁଧାବି ପୋଲିସ ଏହି ଦୁର୍ଘଟଣା କେଉଁଠାରେ ଘଟିଛି ଏବଂ ଏହି ଦୁର୍ଘଟଣାର ପ୍ରକୃତ କାରଣ କଣ ସେ ସମ୍ପର୍କରେ କିଛି ସୂଚନା ଦେଇ ନାହିଁ। ତେବେ ଏହି ଦୁର୍ଘଟଣାରେ ଦୁଇ ପାଇଲଟ, ନାଗରିକ ଡାକ୍ତର ଏବଂ ଜଣେ ନର୍ସଙ୍କ ମୃତ୍ୟୁ ହୋଇଥିବା ପୋଲିସ ନିଶ୍ଚିତ ଭାବେ ସୂଚନା ଦେଇଛନ୍ତି। ଆବୁଧାବି ହେଉଛି ସଂଯୁକ୍ତ ଆରବ ଏମିରେଟ୍ସର ରାଜଧାନୀ |

ଶନିବାର ଏୟାର ଆମ୍ବୁଲାନ୍ସ ଦୁର୍ଘଟଣାରେ ୪ ଜଣଙ୍କର ମୃତ୍ୟୁ ହୋଇଥିବା ଆବୁଧାବି ପୋଲିସ କହିଛି। ଏକ ଟୁଇଟ ଜରିଆରେ ଅଧିକାରୀମାନେ କହିଛନ୍ତି ଯେ ମୃତକଙ୍କ ମଧ୍ୟରେ ଦୁଇଜଣ ପାଇଲଟ ଅଛନ୍ତି। ମୃତକଙ୍କ ମଧ୍ୟରେ କାମିସ୍ ସଇଦ ଅଲ-ହୋଲି, ମହମ୍ମଦ ଅଲ-ରସିଡି, ସହିଦ ଫାରୁକ୍ ଗୋଲାମ ଏବଂ ଜୋଏଲ କ୍ୟୁଇ ସାକାରା ମିନଟୋ ଅଛନ୍ତି। ଘଟଣା ସମ୍ପର୍କରେ କର୍ତ୍ତୃପକ୍ଷ ସ୍ପଷ୍ଟ ସୂଚନା ଏଯାଏଁ ପ୍ରଦାନ କରିନାହାଁନ୍ତି। କିନ୍ତୁ ଏକ ଟୁଇଟରେ କୁହାଯାଇଛି ଯେ ଦୁର୍ଘଟଣା ସମୟରେ ଏହି ସମସ୍ତ ଲୋକ ଡ୍ୟୁଟିରେ ରହିଥିଲେ। ଘଟଣାର କିଛି ସମୟ ପରେ ଆବୁଧାବି ପୋଲିସ ଘନ କୁହୁଡ଼ି ହେତୁ ସଂଯୁକ୍ତ ଆରବ ଏମିରେଟ୍ସରେ ଗତି ଉପରେ ପ୍ରତିବନ୍ଧକ ଲଗାଇଥିଲା।

ସାବଧାନ୍… ଦୂର୍ଗାପୂଜା ବଟି ମାଗିଲେ ବାନ୍ଧିବ ପୋଲିସ

ଭୁବନେଶ୍ୱର: ମା ଆସୁଛନ୍ତି  । ଦଶହରାରେ ଦର୍ଶନ ଦେବେ ମା ଦୂର୍ଗା  । ଏହା ପୂର୍ବରୁ ଶାନ୍ତି ଶୃଙ୍ଖଳାକୁ ନେଇ ସଜାଗ ହୋଇଛି କମିସନରେଟ ପୋଲିସ  ।   ଦ୍ବୈତନଗରୀରେ ଦାଦାବଟିକୁ ନା । ଏଥର ଚାନ୍ଦା ମାଗିଲେ ବନ୍ଧା ହେବେ ଅଭିଯୁକ୍ତ । ଦୁର୍ଗାପୂଜା ପାଇଁ ଟୁଇନସିଟିର ଅଫିସରଙ୍କୁ ଏନେଇ କଡା ନିର୍ଦ୍ଦେଶ ଦେଇଛନ୍ତି ପୁଲିସ କମିସନର । ଚାନ୍ଦା ମାଗୁଥିବା ବ୍ୟକ୍ତିଙ୍କ ସମ୍ପର୍କରେ ପୋଲିସକୁ ଖବର ଦେବାକୁ କହିଛି ଦୈତ ନଗର ପୋଲିସ  ।

ଏଥର ଦୂର୍ଗା ପୂଜାରେ ଯଦି କୈଣସି ବ୍ୟକ୍ତି ଚାନ୍ଦା ମାଗନ୍ତି ତେବେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବ ପୋଲିସ  । ଏନେଇ ଜନସାଧାରଣ ମାନେ ସିଧାସଳଖ ପୁଲିସକୁ ଖବର ଦେବେ, ସେମାନଙ୍କ ନାଁ ଗୋପନ ରଖାଯିବ । ଯିଏ ଜବରଦସ୍ତି ଚାନ୍ଦା ମାଗିବାକୁ ଉଦ୍ୟମ କରିବ କିମ୍ବା ଚାନ୍ଦା ମାଗିବ, ତାଙ୍କୁ ଛଡା ଯିବ ନାହିଁ ବୋଲି ପୁଲିସ କମିଶନରଙ୍କ ସୂଚନା ଦେଇଛନ୍ତି ।

ସେପଟେ ଗତକାଲି ଭୁବନେଶ୍ୱରରେ ବାର କର୍ମଚାରୀଙ୍କୁ ଦାଦାବଟି ମାଗିବା ସହ ୨ ଜଣଙ୍କୁ ମରଣାନ୍ତକ ଆକ୍ରମଣ କରିଥିବା ନେଇ ଅଭିଯୋଗ ହୋଇଥିଲା । ଏନେଇ ପୋଲିସ ତଦନ୍ତ ଆରମ୍ଭ କରିଥିଲା  । ଆଜି ଉକ୍ତ ମାମଲାରେ ଲକ୍ଷ୍ମୀସାଗର ଥାନା ପୋଲିସ ୨ ଜଣଙ୍କୁ ଅଟକ ରଖିଛି ।

ଦେଶରେ ବଢୁଛି ଶିଶୁ ନିର୍ଯାତନା,କୋଭିଡ ସଙ୍କଟ କାଳରେ ବାଦ୍ ପଡିନାହାନ୍ତି ଶିଶୁ

 ଦିନକୁ ଦିନ ଦେଶରେ ଶିଶୁଙ୍କ ପ୍ରତି ନିର୍ଯାତନା ବଢିବାକୁ ଲାଗୁଛି। ଏମିତିକି କୋଭିଡ ସଙ୍କଟ କାଳରେ ବି ବାଦ୍ ପଡିନାହାନ୍ତି ଶିଶୁ । ଗତବର୍ଷ ଶିଶୁଙ୍କ ବିରୋଧରେ ଦୈନିକ ୩୫୦ ଟି ଅପରାଧ ଘଟଣା ଘଟିଥିଲା । ଏହି ସମୟକାଳ ମଧ୍ୟରେ ମୋଟ ୧ ଲକ୍ଷ, ୨୮ହଜାର ୫୩୧ ଟି ଅପରାଧ ପଞ୍ଜିକୃତ ହୋଇଥିଲା । ଜାତୀୟ ଅପରାଧ ରେକର୍ଡ ବ୍ୟୁରୋ ବା ଏନସିଆରବିର ତଥ୍ୟ ଆଧାରରେ ଏକ ବେସରକାରୀ ସଂଗଠନ ପକ୍ଷରୁ ଏହି ରିପୋର୍ଟ ପ୍ରକାଶ ପାଇଛି । ଚାଇଲଡ ରାଇଟ୍ସ ଆଣ୍ଡ ୟୁ ବା କ୍ରାଏ ସଂସ୍ଥା ପକ୍ଷରୁ କୁହାଯାଇଛି ୨୦୧୯ ରେ ଦେଶରେ ଶିଶୁଙ୍କ ବିରୋଧରେ ଅପରାଧ ସଂଖ୍ୟା ହୋଇଥିଲା ୧ ଲକ୍ଷ ୪୮ ହଜାର ୧୮୫। ଏହା ଅର୍ଥ ପ୍ରତିଦିନ ୪୦୦ଟି ଅପରାଧ ଶିଶୁଙ୍କ ବିରୋଧରେ ସଂଗଠିତ ହୋଇଥିଲା । ବାଲ୍ୟ ବିବାହ ସଂଖ୍ୟା ୫୦ ପ୍ରତିଶତ ବଢିଥିବାବେଳେ ଅନଲାଇନରେ ସେମାନଙ୍କ ବିରୋଧରେ ଅପରାଧ ଘଟଣା ୪୦୦ ପ୍ରତିଶତ ବଢିଥିଲା ।

ଗତ ଦଶନ୍ଧି ତଥା ୨୦୧୦ରୁ ୨୦୨୦ ବର୍ଷରେ ଶିଶୁଙ୍କ ବିରୋଧରେ ଅପରାଧ ସଂଖ୍ୟା ୩୮୧ ପ୍ରତିଶତ ବଢିଥିଲା ଯାହାକି ଅତ୍ୟନ୍ତ ଚିନ୍ତାଜନକ । କେବଳ ମଧ୍ୟପ୍ରଦେଶ, ଉତ୍ତରପ୍ରଦେଶ, ମହାରାଷ୍ଟ୍ର, ପଶ୍ଚିମବଙ୍ଗ ଓ ବିହାରରେ ଯେତେ ସଂଖ୍ୟକ ଅପରାଧ ଘଟିଥିଲା ତାହା ଜାତୀୟ ହାରର ୫୦ ପ୍ରତିଶତ । ଦେଶରେ ଶିଶୁଙ୍କ ଅଧିକାର ସୁରକ୍ଷା କ୍ଷେତ୍ରରେ ଏହା ଏକ ବିଫଳ ପ୍ରକ୍ରିୟା ବୋଲି କହିଛନ୍ତି କ୍ରାଏର ନୀତି ଗବେଷଣା ନିର୍ଦ୍ଦେଶିକା ପ୍ରୀତି ମହାରା । କୋଭିଡ କାଳରେ ସ୍କୁଲ ବନ୍ଦ, ପାରିବାରିକ ଆର୍ଥିକ ଦୁରବସ୍ଥା, ଖାଦ୍ୟ ନିରାପତ୍ତା ସଂକଟ ଆଦି କାରଣରୁ ଶିଶୁଙ୍କ ବିରୋଧରେ ଅପରାଧ ବଢିଥିଲା । ଏହା ସହ ଶିଶୁଶ୍ରମିକ ସଂଖ୍ୟା, ବାଲ୍ୟ ବିବାହ ଓ ଲିଙ୍ଗଭିତ୍ତିକ ଅପରାଧ ସଂଖ୍ୟା ବଢିଥିଲା ବୋଲି ସେ କହିଛନ୍ତି । ଆଇନ ଉଲ୍ଲଂଘନ କରି ୨୦୧୯ରେ ଦେଶରେ ୫୨୫ଟି ବାଲ୍ୟ ବିବାହ ଘଟଣା ଘଟିଥିବାବେଳେ ୨୦୨୦ରେ ୭୮୫ଟି ବାଲ୍ୟ ବିବାହ ଘଟଣା ଘଟିଥିଲା । ବିଶେଷ କରି ଦୁର୍ବଳ ବର୍ଗର ପିଲାମାନେ ଏହି ଅପରାଧର ଅଧିକ ଶିକାର ହୋଇଥିଲେ ।

ମିଛ ଡ଼ାଇରେକ୍ଟର, ସତ ଠକେଇ: ମଡ଼େଲିଂ କରିବାକୁ କହି ନେଇଗଲେ ଲକ୍ଷାଧିକ ଟଙ୍କା

ଭୁବନେଶ୍ୱର: ମଡେଲିଂ କରିବାକୁ ଡାକିଲେ  । ବଡ଼ ଡାଇରେକ୍ଟର ବୋଲି ମଧ୍ୟ ପରିଚୟ ଦେଲେ  । ଏମିତିକି ବଲିଉଡରେ ସେ କାମ କରିଥିବା ପ୍ରଲୋଭନ ଦେଖାଇଲେ  । ବଡ଼ ପୋଷ୍ଟରରେ ନିଜ ଫଟୋ ଛାପିବାର ମୋହରେ ପଡିଗଲେ ଯୁବତୀ  । ଆଉ ଏହାପରେ ଲକ୍ଷାଧିକ ଟଙ୍କା ଠକିନେଇ ଫେରାର ହୋଇଗଲେ ଜଣେ ଯୁବକ  । ଏମିତି କିଛି ଘଟଣା ଘଟିଛି ରାଜଧାନୀ ଭୁବନେଶ୍ୱରରେ  ।

ଜଣେ ଯୁବକ ନିଜକୁ ବଲିଉଡର ଡାଇରେକ୍ଟର ପରିଚୟ ଦେଇ ଠକିନେଲେ ଲକ୍ଷାଧିକ ଟଙ୍କା  । ଯୁବତୀଙ୍କୁ ମଡ଼େଲିଂ କରିବାର ପ୍ରଲୋଭନ ଦେଖାଇ ଚୂନ ଲଗାଇଛନ୍ତି  । ନିଜର ଗୋଟିଏ ୱେବ ଚ୍ୟାନେଲ ଥିବା ସହ ସେ ଅନେକ ଫିଲ୍ମରେ ଡାଇରେକ୍ଟର ଥିବାର ପରିଚୟ ଦେଇଥିଲେ  । ଆଡ଼ ସୁଟ କରିବାର ଆଶା ଦେଖାଇ ୧୦ ଜଣ ଯୁବତୀ ଓ ୮ ଜଣ ଯୁବକଙ୍କ ଠାରୁ ୮୦ ହଜାରରୁ ଲକ୍ଷେ ଟଙ୍କା ପର୍ଯ୍ୟନ୍ତ ଠକି ନେଇଥିବା ଅଭିଯୋଗ ହୋଇଛି  ।

ଏନେଇ ଭୁବନେଶ୍ୱର ନୟାପଲ୍ଲୀ ଥାନାରେ ଅଭିଯୋଗ କରିଛନ୍ତି ଏହି ଯୁବକ, ଯୁବତୀ  । ଉକ୍ତ ଠାକ ଡାଇରେକ୍ଟରକୁ ଧରିବା ସହ ଠକି ନେଇଥିବା ଟଙ୍କା ଫେରି ପାଇବା ନେଇ ଥାନାର ଦ୍ୱାରସ୍ଥ ହୋଇଛନ୍ତି  । ତେବେ ପୋଲିସ ଏହି ଘଟଣାରେ କଣ ପଦକ୍ଷେପ ନେଉଛି  । ଏହି ଘଟଣାକୁ କେତେଦୂର ଗୁରୁତ୍ୱର ସହ ଗ୍ରହଣ କରି କାର୍ଯ୍ୟାନୁଷ୍ଠାନ ନେଉଛି, ତାହା  ପରବର୍ତ୍ତୀ ସମୟରେ ଜଣା ପଡ଼ିବ  ।

କରୋନାକୁ ମାତ୍ ଦେବା ପାଇଁ ମାର୍କେଟକୁ ଆସୁଛି ୨୦ରୁ ଅଧିକ ଔଷଧ,କେବଳ ମଞ୍ଜୁରୀ ପାଇଁ ଅପେକ୍ଷା..

ପ୍ରାୟ ଦୁଇ ବର୍ଷ ପୂର୍ବେ ଚାଇନାରେ କୋରାନା ଜୀବାଣୁ (କୋଭିଡ -୧୯) ଚିହ୍ନଟ ହୋଇଥିଲା, କିନ୍ତୁ ସେବେଠାରୁ ଏହି ବିପଦଜନକ ଜୀବାଣୁକୁ ମାରିବା ପାଇଁ କୈାଣସୀ ପ୍ରଭାବଶାଳୀ ଔଷଧ ପ୍ରକାଶ କରାଯାଇ ନାହିଁ। କେଉଁ ଔଷଧରେ ଭଲ ହେବେ କରୋନା ରୋଗୀ,ତାର ଚାଲିଛି ଗବେଷଣା..କରୋନା ସଂକ୍ରମିତ ରୋଗୀଙ୍କୁ ଏହି ଭୟଙ୍କର ଜୀବାଣୁ ସହ ଲଢିବା ପାଇଁ ବର୍ତ୍ତମାନ ଟୀକା ନେବା ଜରୁରୀ ହୋଇପଡିଛି | ତେବେ,ବର୍ତ୍ତମାନ ଏକ ଖୁସି ଖବର ମଧ୍ୟ ସାମ୍ନାକୁ ଆସିଛି.. କରୋନା ସହିତ ଲଢିବା ପାଇଁ  ଆସୁଛି ଔଷଧ | ବର୍ତ୍ତମାନ ଭାରତରେ ପ୍ରାୟ ୨୦ଟି କରୋନା ମେଡିସିନ ଉପରେ ଚାଲିଛି ପରୀକ୍ଷା । ଏଥିମଧ୍ୟରୁ କିଛି ଶୀଘ୍ର ଗ୍ରୀନ ସିଗନାଲ୍ ପାଇପାରନ୍ତି ବୋଲି ଆଶା କରାଯାଉଛି |

ବର୍ତ୍ତମାନ ସଂକ୍ରମଣ ହ୍ରାସ ପାଉଥିବାରୁ ବୋଧହୁଏ କରୋନା ଔଷଧର ଚାହିଦା ବର୍ତ୍ତମାନ ଟିକେ କମ୍ ହେବ, କିନ୍ତୁ ବିଶେଷଜ୍ଞମାନେ ମାନ୍ୟତା ଅନୁସାରେ ଆଗାମୀ ଦିନରେ ଏହି ଔଷଧ କରୋନାକୁ ମୂଳରୁ ହିଁ ଶେଷ କରିବ. ତାସହ ଏହିଭଳି ଲୋକଙ୍କ ପାଇଁ ଏହା ରାମବାଣ ସଦୃଶ କାମ ଦେବ ଯେଉଁମାନଙ୍କ ଭିତରେ ଖୁବ୍ କମ୍ ଇମ୍ୟୁନିଟି ରହିଛି| ସ୍ୱାସ୍ଥ୍ୟ ବିଶେଷଜ୍ଞ କହିବାନୁସାରେ, ଭାରତରେ କରୋନା ଭାଇରସ ବିରୋଧରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ଏହିସବୁ ଔଷଧ | ସେମାନଙ୍କ ଅନୁସାରେ କରୋନା ଟିକା କେବଳ ଲୋକଙ୍କୁ ପ୍ରତିରୋଧକ ଶକ୍ତି ଦେବ, କିନ୍ତୁ ଏହି ଜୀବାଣୁକୁ ସଂମ୍ପୂର୍ଣ୍ଣ ହଟାଇପାରିବ ନାହିଁ। ଏପରି ପରିସ୍ଥିତିରେ କରୋନା ଔଷଧ ବହୁତ ହିଁ ଲାଭଦାୟକ ହେବ |

ଟିକା ଥାଉ ଥାଉ ଔଷଧର ଆବଶ୍ୟକ କାହିଁକି ?-

ବିଶେଷଜ୍ଞମାନେ କହୁଛନ୍ତି ଯେ ଟିକା ନେବା ପରେ ବି କିଛି ଲୋକଙ୍କ ଭିତରେ ଇମ୍ୟୁନିଟି ପ୍ରତିକ୍ରିୟା ସୃଷ୍ଟି ହେଉନାହିଁ । ୧୦୦% ଜନସଂଖ୍ୟାକୁ ଟୀକା ଦେବା ଏବେ ବି ଅସମ୍ଭବ ଲାଗୁଛି ଏବଂ ଏପରି ପରିସ୍ଥିତିରେ କରୋନା ଭୂତାଣୁ ପାଇଁ ଔଷଧ ଖୋଜିବା ହିଁ ବୁଦ୍ଧିମାନର କାମ |

କେଉଁ କେଉଁ ଔଷଧର ପରୀକ୍ଷା ଚାଲିଛି?-

-ମଲୁନୁପିରବିର: ଆମେରିକାର ଜଣେ ଦିଗ୍ଗଜ ଫାର୍ମାଷିଷ୍ଟ ରିଜବ୍ୟାକ୍ ବାୟୋଥେରାପିଟିକ୍ସର ଓରାଲ୍ ଆଣ୍ଟିଭାଇରାଲ୍ ଔଷଧ ମଲୁନୁପିରବିର ବର୍ତ୍ତମାନ ପର୍ଯ୍ୟନ୍ତ କରୋନା ବିପକ୍ଷରେ ଭଲ ପ୍ରଦର୍ଶନ ଦେଖାଉଛି । ଏହି ଔଷଧ ସେବନ କରୁଥିବା ୫୦% ଲୋକ ଡାକ୍ତରଖାନାରେ ଭର୍ତ୍ତି ହେବାର ଆବଶ୍ୟକତା ହିଁ  ପଡୁନାହିଁ। ଏହା ସହିତ ଏହି ଔଷଧର ବ୍ୟବହାର ଯୋଗୁଁ ମୃତ୍ୟୁ ହାରରେ ୫୦% ପର୍ଯ୍ୟନ୍ତ ହ୍ରାସ ମଧ୍ୟ ଦେଖିବାକୁ ମିଳିଛି | ଭାରତରେ ଏହି ଔଷଧର ଟ୍ରାଏଲ ସିପ୍ଲା, ଡକ୍ଟରରେଡ୍ଡୀ ଲାବୋରେଟୋରୀ, ସନ୍ ଫାର୍ମାସ୍ୟୁଟିକାଲ୍ ଇଣ୍ଡଷ୍ଟ୍ରିଜ୍ ଏବଂ ଟୋରେଣ୍ଟ ଫାର୍ମାସ୍ୟୁଟିକାଲ୍ସ ମାଧ୍ୟମରେ ଏହି ଔଷଧ ଭାରତରେ ଟ୍ରାଇଲିଂ କରାଯାଉଛି।

-ଜାଇଡସ୍ କ୍ୟାଡିଲା: ଅହମ୍ମଦାବାଦ ସ୍ଥିତ ଜାଇଡସ୍ କ୍ୟାଡିଲା ହେଉଛି ଏକମାତ୍ର ଭାରତୀୟ କମ୍ପାନୀ ଯିଏ ମୋନୋକ୍ଲୋନାଲ ଆଣ୍ଟିବଡିକୁ ଅକାମୀ କରୁଥିବା ଏକ କକଟେଲ ଔଷଧ ବିକଶିତ କରିଥିବା ଦାବି କରିଛି। ସ୍ୱିଜରଲ୍ୟାଣ୍ଡର ଔଷଧ ନିର୍ମାତା ରୋଶ ଦ୍ୱାରା ନିର୍ମିତ ଏହି ଔଷଧ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଦିଆଯାଇଥିଲା। ଏହି ଔଷଧର ଦ୍ୱିତୀୟ ଏବଂ ତୃତୀୟ ପର୍ଯ୍ୟାୟ ପରୀକ୍ଷା ଭାରତରେ ଚାଲିଛି।

-ଗ୍ଲେନମାର୍କ ନେଜାଲ୍ ସ୍ପ୍ରେ: ମୁମ୍ବାଇ ସ୍ଥିତ ଗ୍ଲେନମାର୍କ ଦ୍ୱାରା କୋଭିଡ -୧୯ ପାଇଁ ନାଇଟ୍ରିକ୍ ଅକ୍ସାଇଡ୍ ନାଜାଲ୍ ସ୍ପ୍ରେକୁ ଭାରତରେ ବ୍ୟାପକ ପରୀକ୍ଷଣ ପାଇଁ ଅନୁମୋଦନ କରାଯାଇଛି। ବ୍ରିଟେନରେ ଥିବା ସ୍ପ୍ରେ ଉପରେ ହୋଇଥିବା ଅଧ୍ୟୟନରୁ ଜଣାପଡିଛି ଯେ ଏହା କୋଭିଡ -୧୯ ରୋଗୀଙ୍କଠାରେ ଭାଇରାଲର ମାତ୍ରାକୁ ହ୍ରାସ କରିବାରେ ଏବଂ ଏହାର  ବିସ୍ତାରକୁ ରୋକିବାରେ ପ୍ରଭାବଶାଳୀ ପ୍ରମାଣିତ ହୋଇଛି। ଏହିଭଳି ଆହୁରୀ ଅନେକ ଔଷଧ ରହିଛି..ଯାହା କେବଳ ସରକାରଙ୍କ ମଞ୍ଜୁରୀକୁ ଅପେକ୍ଷା କରିଛନ୍ତି..

ଏବେ ଏହି ଔଷଧକୁ ସରକାରଙ୍କ ସହଯୋଗ ଆବଶ୍ୟକ-

ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, କୋଭିଡ -୧୯ ର ପରୀକ୍ଷାକୁ ସରକାର ସକ୍ରିୟ ଭାବରେ ସମର୍ଥନ କରିବା ଉଚିତ। ସ୍ୱାସ୍ଥ୍ୟ ଗବେଷକ କହିଛନ୍ତି, ବାସ୍ତବରେ ସରକାର ଟୀକାକରଣରେ ଯେପରି ସହଯୋଗ କରିଥିଲେ, ସେହିଭଳି ଏହିସବୁ ଔଷଧ ପାଇଁ ମଧ୍ୟ ସହଯୋଗ କରିବା ଉଚିତ୍ |