spot_img
Home Blog Page 5279

ଦୁର୍ଦ୍ଦାନ୍ତ ଗ୍ୟାଙ୍ଗଷ୍ଟର ହାଇଦର ପୁଅ ସେକ୍ କାଦିରକୁ ଆଜୀବନ ଜେଲ୍

କେନ୍ଦ୍ରାପଡ଼ା: ଦୁର୍ଦ୍ଦାନ୍ତ ଗ୍ୟାଙ୍ଗଷ୍ଟର ହାଇଦର ପୁଅ ସେକ୍‌ କାଦିର ଓରଫ ମୁନ୍ନାକୁ ଆଜୀବନ ଜେଲ ଦଣ୍ଡାଦେଶ ଶୁଣାଇଛନ୍ତି କେନ୍ଦ୍ରାପଡା ଜିଲ୍ଲା ଦୌରା ଜଜ୍ । ୨୦୧୩ ମସିହାରେ କେନ୍ଦ୍ରାପଡ଼ା ଜିଲ୍ଲା ଆଳି ଅଞ୍ଚଳର ସାର ବ୍ୟବସାୟୀ ସାହା ନବାଜ ଖାଁ ହତ୍ୟାମାମଲାରେ କାଦିର ଦୋଷୀ ସାବ୍ୟସ୍ତ ହୋଇଛି। ବ୍ୟବସାୟୀ ସାହା ନବାଜଙ୍କୁ ଦାଦାବଟି ମାଗି ବିଫଳ ହେଲା ପରେ ସେକ୍‌ କାଦିର ତାଙ୍କ ଦୋକାନରେ ପଶି ଗୁଳିକରି ହତ୍ୟା କରିଥିବା ଅଭିଯୋଗ ହୋଇଥିଲା। ତେବେ ଏହି ମାମଲାରେ ଅନ୍ୟ ୮ ଜଣ ଅଭିଯୁକ୍ତ ପ୍ରମାଣ ଅଭାବରୁ ନିର୍ଦ୍ଦୋଷରେ ଖଲାସ କରାଯାଇଇଛି ।

ଦୁର୍ଦ୍ଦାନ୍ତ ଅପରାଧୀ ତଥା ବିଗତ ଦିନର ଗ୍ୟାଙ୍ଗଷ୍ଟାର ହାଇଦରର ବଡ଼ ପୁଅ ହେଉଛି ସେକ୍‌ କାଦିର। କାଦିର ନାଁରେ ବିଭିନ୍ନ ଥାନାରେ ପ୍ରାୟ ୩୦ରୁ ଅଧିକ ମାମଲା ରହିଛି। ଧମକ ଚମକ ଦେବା, ଦାଦାବଟି ଆଦାୟ, ହତ୍ୟା ଧମକ, ଟେଣ୍ଡର ଫିକ୍ସିଂ, ବୋମାମାଡ଼, ଲୁଟ, ହତ୍ୟା ପ୍ରଭୃତି ମାମଲାରେ ସେକ କାଦିରର ସମ୍ପୃକ୍ତି ରହିଛି। ନିକଟରେ ହାଇଦରର ମୃତ୍ୟୁ ପରେ ନିଜ ବାପାର ଅନ୍ତ୍ୟୋଷ୍ଟି କ୍ରିୟାରେ ଯୋଗଦେବା ପାଇଁ ସେକ କାଦିର ଜାମିନ ପାଇଁ କୋର୍ଟଙ୍କ ନିକଟରେ ପ୍ରାର୍ଥନା କରିଥିଲେ ।

ସୂଚନା ଯୋଗ୍ୟ ଯେ, ଗତ ଜୁଲାଇ ୨୫ ତାରିଖରେ ଦୁର୍ଦ୍ଦାନ୍ତ ଅପରାଧୀ ହାଇଦର ପୋଲିସ ଏନକାଉଣ୍ଟର ଶିକାର ହୋଇଥିଲା । ବାଲେଶ୍ୱର ଚିକିତ୍ସାଳୟରେ ପୋଷ୍ଟମର୍ଟମ କରାଯାଇଥିଲା । ଏବଂ ହାଇଦର ଶରୀରରୁ ମୋଟ ୪ଟି ଗୁଳି ବାହାରିଥିଲା । ସେଥିମଧ୍ୟରୁ ୩ଟି ଗୁଳି ନୂଆ, ଗୋଟିଏ ପୁରୁଣା ଥିଲା । ଜଙ୍ଘରୁ  ୨ଟି ଗୁଳି ବାହାରିଥିଲା ବେଳେ, ଗୋଟିଏ ନୂଆ, ଅନ୍ୟଟି ପୁରୁଣା ବୋଲି ସୂଚନା ଦେଇଛନ୍ତି ଡାକ୍ତର । ଛାତିରୁ ଗୋଟିଏ ଓ ପେଟରୁ ଗୋଟିଏ ଗୁଳି ମଧ୍ୟ ବାହାରିଥିବା କହିଥିଲେ ଡାକ୍ତର ।

ଏଥିସହିତ ପଢ଼ନ୍ତୁ: ପୋଷ୍ଟମୋର୍ଟମରେ ହାଇଦର ଦେହରୁ ବାହାରିଲା ୪ ଗୁଳି

ନାବାଳିକା ଦୁଷ୍କର୍ମ ମାମଲାରେ ଦୁଇ ଅଭିଯୁକ୍ତଙ୍କୁ ୨୫ ବର୍ଷ କାରାଦଣ୍ଡ ରାୟ ଶୁଣାଇଲେ ସୁନ୍ଦରଗଡ଼ ପୋକ୍ସୋ କୋର୍ଟ

ସୁନ୍ଦରଗଡ଼: ନାବାଳିକା ଦୁଷ୍କର୍ମ ମାମଲାରେ ସୁନ୍ଦରଗଡ ପୋକ୍‌ସୋ କୋର୍ଟଙ୍କ ଐତିହାସିକ ରାୟ । ଦୁଇ ଅଭିଯୁକ୍ତଙ୍କୁ ୨୫ ବର୍ଷ ସଶ୍ରମ କାରାଦଣ୍ଡାଦେଶ ସହ ୧୦ ହଜାର ଟଙ୍କା ଜରିମାନା । ପୀଡିତାଙ୍କୁ ୭ ଲକ୍ଷ ଟଙ୍କା କ୍ଷତିପୂରଣ ଦେବାକୁ ତାଲୁକ ଆଇନ୍ ସେବା ସଂସ୍ଥାକୁ ସୁପାରିଶ । ୨୦୧୪ ରେ ବଣାଇଁ ଅଞ୍ଚଳରେ ଘଟିଥିବା ନାବାଳିକା ଦୁଷ୍କର୍ମ ଘଟଣାର ବିଚାର କରି ସୁନ୍ଦରଗଡ଼ ପୋକସୋ କୋର୍ଟ ବିଚାରପତି ଆଜି ଏକ ଐତିହାସିକ ରାୟ ଶୁଣାଇଛନ୍ତି ।

ବଣାଇଁ ଥାନା ଅନ୍ତର୍ଗତ ବାରତେଙ୍ଗଡ଼ା ଅଞ୍ଚଳରେ ସଂଘଟିତ ଏହି ଘଟଣାରେ ସାକ୍ଷ୍ୟ ପ୍ରମାଣକୁ ଆଧାର କରି ମାନ୍ୟବର ଅଦାଲତ ଆଜି ଅଭିଯୁକ୍ତ ଟୁନୁ ଓରଫ ହରେ କିଷାନ ଓ ପ୍ରହଲ୍ଲାଦ କିଷାନ ଦୁଇଜଣଙ୍କୁ ୨୫ ବର୍ଷ ସଶ୍ରମ କାରାଦଣ୍ଡାଦେଶ ଦେଇଛନ୍ତି । ଏହାସହ ୧୦ ହଜାର ଟଙ୍କା ଜୋରିମାନା ଆଦେଶ ଦେଇଛନ୍ତି କୋର୍ଟ । ଅପରପକ୍ଷେ ପୀଡିତାଙ୍କୁ ସୁନ୍ଦରଗଡ଼ ଜିଲ୍ଲା ତାଲୁକ ଆଇନ୍ ସେବା ସଂସ୍ଥା ପକ୍ଷରୁ ୭ ଲକ୍ଷ ଟଙ୍କା କ୍ଷତିପୂରଣ ଦେବାକୁ ସୁପାରିଶ କରିଥିବା ଜଣାପଡ଼ିଛି ।

କମିଶନରେଟ୍ ପୋଲିସ ହାତରେ କୁଖ୍ୟାତ ଚୋର: ୧୯୮୬ ମସିହାରୁ କରିଆସୁଥିଲା ଚୋରି

ଭୁବନେଶ୍ୱର: କମିଶନରେଟ ପୋଲିସ ହାତରେ କୁଖ୍ୟାତ ଚୋର କ୍ରୋ-ବାର୍-ମ୍ୟାନ୍ । ୧୯୮୬ ମସିହାରୁ ରାଜ୍ୟ ଓ ରାଜ୍ୟ ବାହାରେ କରୁଥିଲା ଚୋରି । ଏ ପର୍ଯ୍ୟନ୍ତ ୫୦୦ ଚୋରି କରିଥିବାବେଳେ ପ୍ରାୟ ୫ କୋଟି ଟଙ୍କାର ଚୁନ ଲଗାଇଛି ଏହି ଚୋର । ଏହି କୁଖ୍ୟାତ ଚୋରର ନାଁ ହେଉଛି ହେମନ୍ତ ଦାସ । ସେ ଭୁବନେଶ୍ୱରବାସିନ୍ଦା । ଚୋରି ପଇସାରେ ବିଭିନ୍ନ ଜାଗା ବୁଲୁଥିଲେ ହେମନ୍ତ । ଭୁବନେଶ୍ୱରରେ କେବଳ ହେମନ୍ତଙ୍କ ନାଁରେ ରହିଛି ୧୦୨ଟି ମାମଲା । ଚୋରି ପଇସାରେ ଗ୍ୟାଙ୍ଗଟକ , ଚେନ୍ନାଇ , ବମ୍ବେରେ ଷ୍ଟାର ହୋଟେଲରେ ରହିବା ସହ କଲ ଗାର୍ଲଙ୍କ ପଛରେ ଟଙ୍କା ଉଡ଼ାଉଥିଲା । ବିଜେବି କଲେଜରେ ପାଠ ପଢା ବେଳେ ଗଣ୍ଡଗୋଳ କରି ଜେଲ ଯାଇଥିଲେ ହେମନ୍ତ । ଜେଲରେ ଏକ ଚୋର ସହ ଏକ ସମ୍ପର୍କ ସ୍ଥାପନ ହୋଇଥିଲା । ଏହା ପରେ ଜେଲରୁ ବାହାରି ଚୋରି ଆରମ୍ଭ କରିଥିଲେ ହେମନ୍ତ ଦାସ । ଅନ୍ୟ ରାଜ୍ୟରେ ଚୋରି କରି ଜେଲ ଯାଇଥିଲେ ହେମନ୍ତ ପୂର୍ବରୁ ୨୦୧୮ରେ ତାଙ୍କୁ ଗିରଫ କରିଥିଲା କମିଶନରେଟ ପୋଲିସ । ୨୦୨୦ରେ ମଧ୍ୟ ପୁରୀ ପୋଲିସ ଗିରଫ କରିଥିଲା ।

ଏଥିସହିତ ପଢ଼ନ୍ତୁ: ବିଏମ୍‌ସିର ନୂଆ ଗାଇଡଲାଇନ୍: ୫୦ ଜଣଙ୍କ ମଧ୍ୟରେ ହେବ ବାହାଘର, ବ୍ରତଘର ଓ ଶୁଦ୍ଧିକ୍ରିୟା

ମେଡିସିନ୍ ପାଇଁ ୨ ଆମେରିକୀୟ ବୈଜ୍ଞାନିକଙ୍କୁ ନୋବେଲ ପୁରସ୍କାର

ନୂଆଦିଲ୍ଲୀ: ମେଡିସିନ୍ ପାଇଁ ଘୋଷଣା ହେଲା ନୋବେଲ୍ ପୁରସ୍କାର । ୨୦୨୧ ବର୍ଷ ପାଇଁ ମେଡିସିନରେ ନୋବେଲ ପୁରସ୍କାର ଘୋଷଣା କରାଯାଇଛି । ୨ଜଣଙ୍କୁ ଯୁଗ୍ମ ଭାବେ ମିଳିବ ନୋବେଲ୍ ପୁରସ୍କାର । ନୋବେଲ୍ ପାଇବେ ଡେଭିଜ୍ ଜୁଲିଅସ୍ ଓ ଆରଡେମ୍ ପଟାପୋଟିଆନ୍ । ଶରୀର ତାପମାତ୍ରା ଓ ସ୍ପର୍ଶ ପାଇଁ ଉଦ୍ଧିଷ୍ଟ ରିସେପ୍ଟର ଉଦ୍ଭାବନ ପାଇଁ ମିଳିବ ପୁରସ୍କାର ।

ଏହି ଦୁଇ ଆମେରିକୀୟ ଭେଷଜ ବିଜ୍ଞାନୀଙ୍କୁ ପୁରସ୍କାର ବାବଦରେ ଗୋଟିଏ ସ୍ୱର୍ଣ୍ଣ ପଦକ ସହ ଏବଂ ୧୦ ନିୟୁତ ସ୍ୱିଡେନ କ୍ରୋନୋର ଅର୍ଥାତ ଭାରତୀ ମୁଦ୍ରାରେ 8,47,28,562 ଟଙ୍କାର ଆର୍ଥିକ ରାଶି ମିଳିବ । ଯକୃତ ସମ୍ପର୍କିତ ହେପାଟାଇଟିସ୍ ସି ଭାଇରସ ଆବିଷ୍କାର କରିଥିବାରୁ ଗତ ବର୍ଷ ୩ ଜଣ ବୈଜ୍ଞାନିକଙ୍କୁ  ନୋବେଲ ପୁରସ୍କାର ମିଳିଥିଲା।  ଯାହା ଲିଭରୁ  ମାରାତ୍ମକ ରୋଗରୁ  ଉପଶମ ଦେଇପାରିବ।

ଆଲଫ୍ରେଡ ନୋବେଲଙ୍କ ନାମରେ ପ୍ରଦାନ କରାଯାଉଥିବା ଏହି ପୁରସ୍କାର ପାଇଁ ଚୟନ ନେଇ କେତେକ ନିର୍ଦ୍ଧିଷ୍ଟ ମାନଦଣ୍ଡ ରଖିଛନ୍ତି। ସେହିଅନୁଯାୟୀ,  ଫିଜିଓଲୋଜି କିମ୍ବା  ମେଡିସିନରେ  ଉତ୍କର୍ଷତା ଲାଭ କରୁଥିବା ବୈଜ୍ଞାନିକଙ୍କୁ ଏହି ପୁରସ୍କାର ପ୍ରଦାନ କରାଯାଉଛି। ଆଲଫ୍ରେଡ କହିଥିଲେ ଯେ, ମୁଁ ଏମିତି ଏକ ଆବିଷ୍କାର ସନ୍ଧାନରେ ରୁହେ ଯାହା ମାନବ ସମାଜ ପାଇଁ କଲ୍ୟାଣକାରୀ ହେବ। ତେଣୁ  ନିର୍ଦ୍ଧାରିତ  ମାନଦଣ୍ଡ ପୂରଣ କରୁଥିବା ବ୍ୟକ୍ତିବିଶେଷ ହିଁ ଏହି ପୁରସ୍କାର ପାଇବା ପାଇଁ ଯୋଗ୍ୟ ହୋଇଥାନ୍ତି।  ୧୮୯୫ ଆଲଫ୍ରେଡ୍‌ ମୃତ୍ୟୁ ପରଠାରୁ ତାଙ୍କ ନାମରେ ଏହି ପୁରସ୍କାର ପ୍ରଦାନ କରାଯାଉଛି ।

 

ପାଣ୍ଡୋରା ପେପର୍ସ ଲିକ୍‌ ତାଲିକାରେ ମାଷ୍ଟରବ୍ଲାଷ୍ଟର ସଚିନ ତେନ୍ଦୁଲକର ଓ ଅନେକ ହାଇ ପ୍ରୋଫାଇଲ ନାଁ

ନୂଆଦିଲ୍ଲୀ: ଏବେ ସାରା ଦେଶରେ ହଇଚଇ ସୃଷ୍ଟି କରିଛି ପାଣ୍ଡୋରା ପେପର୍ସ ତଥ୍ୟ । ବିଶ୍ୱର ହାଇପ୍ରୋଫାଇଲ ବ୍ୟକ୍ତିମାନେ ମୂଲ୍ୟବାନ ସମ୍ପତି ହାତେଇବା ପାଇଁ ବିପୁଳ ଟିକସ ଫାଙ୍କିଛନ୍ତି । ୧୯୯୬ରୁ ୨୦୨୦ ମଧ୍ୟରେ ଟ୍ୟାକ୍ସ ଠକେଇ ପାଇଁ ବେଆଇନ୍ ଅର୍ଥ କାରବାର ହୋଇଛି । ଏମାନଙ୍କ ମଧ୍ୟରେ ୩୩୦ ରାଜନେତା ଓ ୧୩୦ ଫୋବର୍ସ ବିଲିଓନାୟାର ଅଛନ୍ତି ।

ଅନ୍ତଜାତୀୟ ସଂସ୍ଥା ବିବିସି, ଦ ଗାର୍ଡିଆନ, ଭାରତର ଇଣ୍ଡିଆନ ଏକ୍ସପ୍ରେସ ସମେତ ବିଶ୍ୱର ୧୫୦ଟି ମିଡିଆ ସଂସ୍ଥା ଏହି ତଦନ୍ତ କରି ଏହି ରିପୋର୍ଟ ଜାରି କରିଛନ୍ତି । ଏହି ରିପୋର୍ଟ ବେଳେ ପାଖାପାଖି ୧୧.୩୩ ମିଲିୟନ ଅତି ଗୋପନୀୟ ଦସ୍ତାବିଜକୁ ନୀରିକ୍ଷଣ କରିଥିଲେ । ଏହି ରିପୋର୍ଟରେ ଦର୍ଶାଯାଇଛି ଯେ ‘ଗୁପ୍ତ ଡକ୍ୟୁମେଣ୍ଟ ତାଲିକାରେ ଭାରତୀୟ କ୍ରିକେଟର ମାଷ୍ଟର ବ୍ଲାଷ୍ଟର ସଚିନ୍ ତେନ୍ଦୁଲକର, ପପ୍ ମ୍ୟୁଜିକ୍ ତାରକା ଶାକିରା, ସୁପରମୋଡେଲ୍ କ୍ଲାଉଡିଆ ଶିଫର୍ ଏବଂ ଇଟାଲୀୟ ମାଓବାଦୀ ‘ଲେନ୍ ଦି ଫ୍ୟାଟ୍ ୱାନ୍’ ଭାବରେ ଜଣାଶୁଣା ।

ଏହି ଅନୁଯାୟୀ, ‘ସଚିନ ତେନ୍ଦୁଲକରଙ୍କ ପରାମର୍ଶଦାତା ଦର୍ଶାଇଛନ୍ତି ଯେ ତାଙ୍କର ପୁଞ୍ଜି ବିନିଯୋଗ ବୈଧ ହୋଇଛି । ଟିକସ କର୍ତ୍ତୃପକ୍ଷଙ୍କୁ ଏହା ଜଣାଇ ଦିଆଯାଇଛି । ଶାକିରାଙ୍କ ଓକିଲ କହିଛନ୍ତି ଯେ ତାଙ୍କ କମ୍ପାନୀଗୁଡିକ କହିବାକୁ ଗଲେ ସେମାନଙ୍କର କମ୍ପାନୀଗୁଡିକ କୌଣସି ଟ୍ୟାକ୍ସ ସୁବିଧା ପାଇନାହାଁନ୍ତି । ଏଥି ସହିତ ଶିଫରଙ୍କ ଓକିଲ କହିଛନ୍ତି ଯେ ସେ ବ୍ରିଟେନରେ ଟିକସ ଜମା କରିଛନ୍ତି । ସେମାନଙ୍କ ସମ୍ପତ୍ତି ସହ ଜଡିତ ତଥ୍ୟ ଲୁଚାଉଥିବା ରାଜନେତାଙ୍କ ସଂଖ୍ୟାରେ ପାକିସ୍ତାନ ସପ୍ତମ ଏବଂ ଭାରତ ଷଷ୍ଠ ସ୍ଥାନରେ ରହିଛି ।

ପାଣ୍ଡୋରା ପୂର୍ବରୁ ୫ ବର୍ଷ ତଳେ ଅର୍ଥାତ ୨୦୧୬ରେ ପ୍ରଥମ ଥର ପାଇଁ ପାନାମା ପେପର୍ସ ଲିିକ୍ ହୋଇଥିଲା । ବଡ ବଡ ଲୋକ ଏବଂ କମ୍ପାନୀଙ୍କର ଟିକସ ଚୋରି ଏହି ପେପର୍ସ ଜରିଆରେ ସାମ୍ନାକୁ ଆସିଥିଲା । ସେଲ କମ୍ପାନୀ ବା ବେନାମୀ କମ୍ପାନୀ ଜରିଆରେ ଏହି ବେଆଇନ ନେଣ ଦେଣ କରି ଟିକସ ଚୋରୀ ହୁଏ । ପାନାମାର କମ୍ପାନୀ ମୋସାକ ଫୋନସେକା ଏହି ବେଆଇନ କାରବାରକୁ ସହଯୋଗ କରୁଥିଲା । ଏହି ପାନାମା ପେପର ଲିକ ପାଇଁ ପାନାମା ଦେଶ ମଧ୍ୟ ବଦନାମ ହୋଇଛି ।

ବିଏମ୍‌ସିର ନୂଆ ଗାଇଡଲାଇନ୍: ୫୦ ଜଣଙ୍କ ମଧ୍ୟରେ ହେବ ବାହାଘର, ବ୍ରତଘର ଓ ଶୁଦ୍ଧିକ୍ରିୟା

ଭୁବନେଶ୍ୱର: ବାହାଘର, ବ୍ରତଘର ଓ ଶୁଦ୍ଧିକ୍ରିୟା ପାଇଁ ଭୁବନେଶ୍ୱର ମହାନଗର ନିଗମର ନୂଆ ଗାଇଡଲାଇନ୍ । ଆଗାମୀ ଶୀତ ଋତୁକୁ ନଜରରେ ରଖି ବିଏମସିର ନୂଆ ଗାଇଡଲାଇନ୍ । ସର୍ବାଧିକ ୫୦ଜଣରେ ହେବ ବାହାଘର, ବ୍ରତଘର ଓ ଶୁଦ୍ଧିକ୍ରିୟା । ଆୟୋଜନ ପୂର୍ବରୁ ବିଏମସିର ଅନୁମତି ନେବା ବାଧ୍ୟତାମୂଳକ । ଥଣ୍ଡା, ଜ୍ୱର, କାଶ ଥିଲେ ସମାରୋହଠାରୁ ଦୂରେଇ ରହିବେ । ବୟସ୍କ, ଗର୍ଭବତୀ ଓ ୧୦ବର୍ଷରୁ କମ ଶିଶୁଙ୍କୁ ସାମିଲ କରାଯିବାକୁ ନେଇ କଟକଣା । ସମାରୋହରେ ପ୍ରବେଶ ପୂର୍ବରୁ ଥର୍ମାଲ ସ୍କ୍ରିନିଂ କରାଇବେ ଆୟୋଜକ । ସମାରୋହରେ ୬ଫୁଟର ସାମାଜିକ ଦୂରତା ନିୟମ ମାନିବେ । ଖାଇବା ସମୟ ଛଡ଼ା ଅନ୍ୟ ସବୁବେଳେ ମାସ୍କ ପିନ୍ଧିବେ । ପାନ/ଗୁଟଖା ଖାଇବା ଓ ଛେପ ପକାଇବା ସମ୍ପୂର୍ଣ୍ଣ ମନା ।

ଏଥିସହିତ ପଢ଼ନ୍ତୁ: ଆଜି ଅରିନ୍ଦମଙ୍କ ଏକାଦଶାହ, ଶ୍ରଦ୍ଧାଞ୍ଜଳି ଜଣାଇଲେ ସାଥି ସାମ୍ବାଦିକ

ପିପିଲି ବାର୍ତ୍ତା ଦେଇଛି ନବୀନ ନମ୍ବର ୧, ପଞ୍ଚାୟତ ନିର୍ବାଚନରେ ବିଜେଡ଼ି ହାସଲ କରିବ ବିପୁଳ ଭୋଟ୍

ଭୁବନେଶ୍ୱର: ପିପିଲି ବାର୍ତ୍ତା ଦେଇଛି ଯେ ନବୀନ ୧ ନମ୍ବର ଥିଲେ, ରହିଛନ୍ତି  । ପିପିଲି ଫଳାଫଳ ଆଗାମୀ ପଞ୍ଚାୟତ ନିର୍ବାଚନରେ କର୍ମୀଙ୍କ ମନୋବଳ ବଢାଇବ ବୋଲି ବିଜେଡି ଉପସଭାପତି ଦେବୀ ମିଶ୍ର କହିଛନ୍ତି । ବିକାଶ ସହ ଲୋକ ରହିଲ,  ନବୀନ ହେଉଛନ୍ତି ଜନନେତା  । ତାଙ୍କ ନେତୃତ୍ବ ଉପରେ ଲୋକଙ୍କ ଆସ୍ଥା ଓ ବିଶ୍ବାସ ରହିଛି  । ସବୁ ଉପନିର୍ବାଚନରେ ବିଜେଡି ଜିତିଛି ,ପଞ୍ଚାୟତ ନିର୍ବାଚନରେ ବିଜେଡି ବିପୁଳ ବିଜୟ କରିବ ବୋଲି ଦେବୀ ମିଶ୍ର କହିଛନ୍ତି ।

ବିଜେଡି ବିଧାୟକ ପ୍ରଶାନ୍ତ ମୁଦୁଲି ମଧ୍ୟ ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି । ବିଜେପିକୁ ଲୋକ ପ୍ରତ୍ୟାଖାନ କରିବା ସହିତ ନବୀନ ପଟ୍ଟନାୟକଙ୍କ ବିକାଶ ଧାରା ସହିତ ରହିଛନ୍ତି ବୋଲି ପ୍ରଶାନ୍ତ ମଦୁଲି କହିଛନ୍ତି । ରବିବାର ପିପିଲି ଉପନିର୍ବାଚନ ଫଳ ଘୋଷଣା ହୋଇଥିବାବେଳେ ୨୦ ହଜାରରରୁ ଅଧିକ ଭୋଟରେ ବିଜୟ ହାସଲ କରିଛନ୍ତି ବିଜେଡ଼ି ପ୍ରାର୍ଥୀ  । ଦଳୀୟ ମହଲରେ ସଭିଏଁ ଉତ୍ସାହିତ ରହିତିବାବେଳେ ନବୀନଙ୍କ ଉପରେ ଜନତାଙ୍କ ଆସ୍ଥା ରହିଥିବା କହିଛନ୍ତି ନେତା  ।

ଚାକିରି ଦେବାକୁ କହି ଠକିନେଲେ, ୫ଜଣଙ୍କୁ ଅଟକ ରଖିଲା ପୋଲିସ

କଳାହାଣ୍ଡି: ଭବାନୀପାଟଣାରେ ଚାକିରି ଦେବା ନାଁରେ ଠକେଇ ଅଭିଯୋଗ । ଭବାନୀପାଟଣାର ଏକ ଭଡା ଘରେ ବେନାମୀ ସଂସ୍ଥା ଖୋଲି ଯୁବକଙ୍କୁ ଚାକିରି ଦେବାକୁ କହି ଟଙ୍କା ନେଉଥିବା ଅଭିଯୋଗ ହୋଇଛି । ଅଭିଯୋଗ ଅନୁସାରେ ୫ ଜଣଙ୍କୁ ଅଟକ ରଖିଛି ଟାଉନ ଥାନା ପୋଲିସ ।

ସୂଚନା ଅନୁସାରେ ବେକାର ଯୁବକଙ୍କୁ ଚାକିରି ଦେବାକୁ କହି ୨୨ହଜାର ଜମା କରିବାକୁ ଯୁବକଙ୍କୁ କୁହାଯାଉଥିଲା । ଚାକିରି ଆଶାୟୀ ଯୁବକ ମାନଙ୍କୁ ଗୃହଗନ୍ଦି ଭାବେ ରଖାଯାଉଛି । ତେବେ ଚାକିରି ଦେବା ନାଁରେ ଠକାଯାଉଥିବା ଜାଣିପାରି ପୁରୀ କାକଟପୁରର ସୌମ୍ୟ ରଞ୍ଜନ ନିଜ ସାଙ୍ଗକୁ କହିବା ପରେ ତାଙ୍କୁ ସେଠାରୁ ଉଦ୍ଧାର କରାଯାଇଛି ।

ପିପିଲିରେ ପରାଜୟ: କାରଣ କହିଲେ ବିଜେପି ନେତା ଖାରବେଳ ସ୍ୱାଇଁ

ଭୁବନେଶ୍ୱର: ପିପିଲି ପରାଜୟ ପରେ ବିଜେପି ନେତା ଖାରବେଳ ସ୍ୱାଇଁଙ୍କ ପ୍ରତିକ୍ରିୟା । ବିଜେଡିକୁ ହରାଇବାକୁ ବିଜେପି ପାଖରେ ବିକଳ୍ପ ବ୍ୟବସ୍ଥା ନାହିଁ । ତେଣୁ ଓଡ଼ିଶାରେ ବିଜେପି ବାରମ୍ବାର ବିଫଳ ହେଉଛି । ଏହାର କାରଣ ଖୋଜିବାର ଆବଶ୍ୟକତା ରହିଥିବା କହିଛନ୍ତି ବରିଷ୍ଠ ବିଜେପି ନେତା ଖାରବେଳ ସ୍ୱାଇଁ  ।

ବିଜେପି ୭୬ ହଜାର ଭୋଟ ପାଇଥିବାବେଳେ ଗତ ନିର୍ବାଚନ ଠାରୁ ମଧ୍ୟ ଅଧିକ ଭୋଟ ପାଇଛି  । ତଥାପି ଦଳର ସମନ୍ୱୟ ଅଭାବ ହିଁ ବିଜେପିକୁ ପରାଜୟ ମୁହଁକୁ ଠେଲି ଦେଇଥିବା କହିଛନ୍ତି ଖାରବେଳ  । ସେପଟେ ଓଡ଼ିଶାରେ ବିଜେପି କାହିଁକି ହାରୁଛି, କେନ୍ଦ୍ରୀୟ ନେତା ସମୀକ୍ଷା କରନ୍ତୁ ବୋଲି ବିଜେପି ନେତା ଖାରବେଳ ସ୍ବାଇଁ କହିଛନ୍ତି ।

ସୁପ୍ରିମକୋର୍ଟଙ୍କ ବଡ଼ ଫୈସଲା, ମୃତ୍ୟୁ ପ୍ରମାଣପତ୍ରରେ କୋଭିଡ୍ ଜନିତ ମୃତ୍ୟୁ ଲେଖା ନଥିଲେ ବି ମିଳିବ କ୍ଷତିପୂରଣ

ନୂଆଦିଲ୍ଲୀ: କରୋନା ଜନିତ ମୃତ୍ୟୁ ହେଲେ କ୍ଷତିପୂରଣ ହିସାବରେ ୫୦ ହଜାର ଟଙ୍କା ଦେବାକୁ କେନ୍ଦ୍ରର ନିର୍ଦ୍ଦେଶକୁ ସୁପ୍ରିମକୋର୍ଟ ଅନୁମୋଦନ ଦେଇଛନ୍ତି । କୋର୍ଟ କହିଛନ୍ତି ଯେ ମୃତକଙ୍କ ପରିବାରକୁ ଦିଆଯାଇଥିବା ଏହି କ୍ଷତିପୂରଣ ଅନ୍ୟ କଲ୍ୟାଣକାରୀ ଯୋଜନାଠାରୁ ଭିନ୍ନ ହେବ । ଦାବିର ୩୦ ଦିନ ମଧ୍ୟରେ ଏହି ଦେୟ ପ୍ରଦାନ କରାଯିବ । ଉକ୍ତ ଅନୁକମ୍ପାମୂଳକ ଅର୍ଥରାଶି ‘ରାଜ୍ୟ ବିପର୍ଯ୍ୟୟ ରିଲିଫ୍‌ ଫଣ୍ଡ୍‌’ରୁ ଦିଆଯିବ। ମୃତ୍ୟୁର କାରଣ କୋଭିଡ୍‌-୧୯ ବୋଲି ସାର୍ଟିଫିକେଟ୍‌ରେ ଉଲ୍ଲେଖ ଥାଇ ଦରଖାସ୍ତ ଦାଖଲ ହେବାର ୩୦ ଦିନ ମଧ୍ୟରେ କ୍ଷତିପୂରଣ ରାଶି ପ୍ରଦାନ କରିବାକୁ ସୁପ୍ରିମ୍‌ କୋର୍ଟ କହିଛନ୍ତି।

କ୍ଷତିପୂରଣ ପାଇଁ ‘କୋଭିଡ କାରଣରୁ ମୃତ୍ୟୁ’ ପ୍ରମାଣପତ୍ର ଆବଶ୍ୟକ ନୁହେଁ

ଏକ ଗୁରୁତ୍ୱପୂର୍ଣ୍ଣ ରାୟରେ ସୁପ୍ରିମକୋର୍ଟ କହିଛନ୍ତି ଯେ, ମୃତ୍ୟୁ ପ୍ରମାଣପତ୍ରରେ କୋଭିଡକୁ ମୃତ୍ୟୁର କାରଣ ଭାବରେ ଉଲ୍ଲେଖ କରାଯାଇନଥିବାରୁ କୌଣସି ସରକାର କ୍ଷତିପୂରଣ ଦେବା ପାଇଁ ମନା କରିପାରିବେ ନାହିଁ । ଯଦି ସାର୍ଟିଫିକେଟ୍ ପୂର୍ବରୁ ପ୍ରଦାନ କରାଯାଇଛି ଏବଂ ପରିବାର କୌଣସି ସଦସ୍ୟଙ୍କର ଆପତ୍ତି ଅଛି, ତେବେ ସେମାନେ ସମ୍ପୃକ୍ତ କର୍ତ୍ତୃପକ୍ଷଙ୍କ ନିକଟରେ ଆବେଦନ କରିପାରିବେ । ପ୍ରାଧିକରଣକୁ RT-PCR ପରି ଆବଶ୍ୟକୀୟ ଦଲିଲ ଦେଖାଇବା ପରେ ମୃତ୍ୟୁ ପ୍ରମାଣପତ୍ରରେ ପରିବର୍ତ୍ତନ କରିବାକୁ ପଡିବ । ଏହା ପରେ ମଧ୍ୟ ଯଦି ପରିବାରର କିଛି ଆପତ୍ତି ଥାଏ, ତେବେ ଏହା ଅଭିଯୋଗ ସମାଧାନ କମିଟି ଆଗରେ ଯାଇପାରେ ।

କେନ୍ଦ୍ର ପକ୍ଷରୁ ଶେଷ ଶୁଣାଣିରେ ସୁପ୍ରିମକୋର୍ଟଙ୍କୁ କୁହାଯାଇଥିଲା ଯେ, କ୍ଷତିପୂରଣ ରାଶି ପାଇଁ କୋଭିଡ ମୃତ୍ୟୁ ପ୍ରମାଣପତ୍ର ଦେଖାଇବାକୁ କରିବାକୁ ପଡିବ। ରାଜ୍ୟ ସରକାର SDRF ରୁ ଏହି ଟଙ୍କା ଦେବେ ଏବଂ ଜିଲ୍ଲା ବିପର୍ଯ୍ୟୟ ପରିଚାଳନା ପ୍ରାଧିକରଣ ଏହି ଟଙ୍କା ବଣ୍ଟନ କରିବେ । ଏଥିପାଇଁ ଦାବିଦାର ସଂପୃକ୍ତ କର୍ତ୍ତୃପକ୍ଷଙ୍କ ସମ୍ମୁଖରେ ଆବଶ୍ୟକୀୟ ଦଲିଲ ଏବଂ ମୃତ୍ୟୁ ପ୍ରମାଣପତ୍ର ଉପସ୍ଥାପନ କରିବେ ଏବଂ ଏହାର ଯାଞ୍ଚ ହେବାପରେ ୩୦ ଦିନ ମଧ୍ୟରେ ତାଙ୍କୁ କ୍ଷତିପୂରଣ ଦିଆଯିବ । ଏହି ଟଙ୍କା ଆଧାର ଲିଙ୍କ୍ ହେବ ଏବଂ ମୃତକଙ୍କ ସମ୍ପର୍କୀୟମାନେ ନିର୍ଦ୍ଦେଶକ ବେନିଫିଟ୍ ଟ୍ରାନ୍ସଫର ପ୍ରକ୍ରିୟା ମାଧ୍ୟମରେ ଏହି ରାଶି ପାଇବେ ।