ଭୁବନେଶ୍ୱର: 2022ରେ ଏକା ସଙ୍ଗେ ହେବ ବାଘ ଓ ହାତୀ ଗଣନା । କେନ୍ଦ୍ର ସରକାର ଏହି ନୂଆ ପ୍ରସ୍ତାବ ଦେଇଛନ୍ତି । ହେଲେ କେଉଁ ପଦ୍ଧତିରେ ହେବ, ତାକୁ ଅପେକ୍ଷା କରାଯାଇଛି । ପୂର୍ବରୁ ବାଘ ଓ ହାତୀ ଗଣନା ଅଲଗା ଅଲଗା ହେଉଥିଲା । 2017 ଗଣନା ଅନୁସାରେ, ରାଜ୍ୟରେ 1976 ହାତୀ ଥିଲେ । ତେବେ ହାତୀମାନଙ୍କର ତିନୋଟି କାରଣରୁ ମୃତ୍ୟୁ ଘଟୁଥିବା ଉଲ୍ଲେଖ କରାଯାଇଛି ।
ଗୋଟିଏ କାରଣ ହେଉଛି ସ୍ୱାଭାବିକ ମୃତ୍ୟୁ । ଦ୍ଵିତୀୟଟି ହେଲା, ରୋଗ ଦ୍ୱାରା ମୃତ୍ୟୁ ଘଟୁଛି । ଯେପରି ଗତ ଫେବ୍ରୁଆରୀରେ କଳାହାଣ୍ଡିର କଲରାପାଟରେ ଅଜଣା ରୋଗରେ ସଂକ୍ରମିତ ହୋଇ ହାତୀଙ୍କର ମୃତ୍ୟ ହେବା । ସେହିପରି ତୃତୀୟରେ ବର୍ଷକୁ 15ରୁ 20 ହାତୀ ଅସ୍ଵାଭାବିକତା କାରଣରୁ ମୃତ୍ୟୁ ଘଟେ । ଯେପରି ଟ୍ରେନ ଧକ୍କା, ବିଦ୍ୟୁତ ଆଘାତ, ଶିକାର ବି କାରଣ ବୋଲି ପିସିସିଏଫ ଶଶୀ ପଲ କହିଛନ୍ତି ।
