ନୂଆଦିଲ୍ଲୀ: ଆଫଗାନିସ୍ତାକୁ ପୁଣି ଲେଉଟିଛି କୋଡ଼ିଏ ବର୍ଷ ପୂର୍ବର ଭୟଙ୍କର ଶାସନ। ଆତଙ୍କର ଇତିହାକୁ ପୁନର୍ବାର ଲେଉଟାଇଛି ଆଫଗାନିସ୍ତାନ। ଯେଉଁ ଇତିହାସର ଫର୍ଦରେ ଲିବଦ୍ଧ ତାଲିବାନୀଙ୍କ ଅତ୍ୟାଚାରରେ ଲୋକଙ୍କର ଚିତ୍କାର, ପଥର ମାଡ଼ରେ ମାରିଦେବାର ଭୟ ଆଉ ତେଲ ଡାଳି ନିଆଁ ଲଗାଇ ଦେବାର ନର୍କ ଯନ୍ତ୍ରଣା। ରାତିକ ସ୍ୱପ୍ନଟେ ଭଳି ସରିଯାଇଛି ଆଫଗାନିସ୍ତାନ ଲୋକଙ୍କ ହସ ଖୁସିର ସମୟ। ଆଉ ଜୀବନର ଏରୁଣ୍ଡି ବନ୍ଧରେ ଆସି ଛିଡ଼ା ହୋଇଛି ତାଲିବାନର ଆତଙ୍କ। ଆଗାମି ଭବିଷ୍ୟତର ଆତଙ୍କରେ ଥରୁଛି ମନ ଝରୁଛି ଲୁହ। ସାଧାରଣରେ ପ୍ରଶ୍ନ ଉଠୁଛି ଏ ଲୁହ ପାଇଁ ଦାୟୀ କିଏ ?

ଘଡ଼ିକେ ଘୋଡ଼ା ଛୁଟିଲା ଭଳି ବଦଳୁଛି ଆଫଗାନିସ୍ତାନର ଭାଗ୍ୟ। ଜୀବନର ଦୋ ଛକିରେ ଏବେ ଆଫଗାନିସ୍ତାନବାସୀ। ଏମିତି ସମୟ ଆସିଛି ଯେଉଁଥିପାଇଁ ଲୋକେ ଘର ଛାଡ଼ିବା ପାଇଁ ବାଧ୍ୟ ହେଉଛନ୍ତି। ନିଜ ଘରଦ୍ୱାର ଜମୀ ଦେଶ ଛାଡି ପଳାଉଛନ୍ତି ଲୋକେ। ଆଗତ ଭବିଷ୍ୟତକୁ ଉଜ୍ୱଳ କରିବା ପାଇଁ ଜଣେ ଦେଶକୁ ଛାଡ଼ିଥାଏ। କିନ୍ତୁ ଏବେ ଦେଶ ଛାଡ଼ିବାର କାରଣଟା ସମ୍ପୂର୍ଣ୍ଣ ଅଲଗା। କାରଣଟା ହେଉଛି ଆଫଗାନିସ୍ତନାରେ ତାଲିବାନୀ ଶାସନର ଲୋମ ଟାଙ୍କୁରା ଭୟ। ତାଲିବାନୀଙ୍କ ଶାସନ କାରଣରୁ ଲକ୍ଷ ଲକ୍ଷ ଲୋକ ଆଫଗାନିସ୍ତାନରେ ରହିବାକୁ ଚାହୁଁ ନାହାଁନ୍ତି। ମରଣ ମୁହଁରୁ ନିଜକୁ ବଞ୍ଚାଇବା ପାଇଁ ଦେଶ ଛାଡ଼ି ପଳାଉଛନ୍ତି ଲୋକେ। ଏହା ଆମେ କହୁନୁ। କିଛି ଦିନ ହେବ ଆଫଗାନିସ୍ତାରେ ଦେଖାଯାଉଥିବା ପରିସ୍ଥିତି ବଖାଣୁଛି ଆତଙ୍କର କଳଙ୍କିତ ଚିତ୍ର।

ଏହି କିଛି ଦିନ ଭିତରେ କାବୁଲ ଦେଖିଛି ଅନେକ ଲୋକଙ୍କର ମୃତ୍ୟୁ। ହସ ଖୁସିରେ ବିତୁଥିବା ଜୀବନ ଆଜି ଲାଲ ରକ୍ତରେ ଲଟପଟ ହେଉଛି। ଭୋକ ବିକଳରେ ଅହରହ ଘାଣ୍ଟି ହେଉଛନ୍ତି ଆଫଗାନିସ୍ତାନବାସୀ। ଆଖିରୁ ଲୁହ ସୁଖିବାକୁ ମଙ୍ଗୁନାହିଁ। କୋମଳ ଆଖିରୁ ଝଡ଼ିପଡ଼ୁଛି ଟୋପା ଟୋପା ଲୁହ। ଗୁରୁବାର ୨୬ ତାରିଖ ଦିନ ଆଫଗାନିସ୍ତାନ ଏୟାରପୋର୍ଟ ବାହାରେ ଦେଶ ଛାଡିବାକୁ ଅପେକ୍ଷା କରିଥିଲେ ହଜାର ହଜାର ଲୋକ।

ଆଉ ସେହି ସମୟରେ ହୋଇଥିଲା ଆତ୍ମଘାତି ବିସ୍ଫୋରଣ। ଯେଉଁଥିରେ ୧୩ ଜଣ ଆମେରିକୀୟ ସେନାଙ୍କ ସହ ଶହେରୁ ଅଧିକ ଲୋକଙ୍କର ମୃତ୍ୟୁ ହୋଇଛି। ପୁରା ସ୍ଥାନ ରକ୍ତରେ ଜୁଡ଼ୁବୁଡ଼ୁ ହୋଇଥିଲା। ହେଲେ ଏଠି ମନକୁ ଗୋଟିଏ ପ୍ରଶ୍ନ ଆସୁଛି। ଆଫଗାନିସ୍ତାନର ଲୁହ ପାଇଁ ଦୟୀ କିଏ ? ଏଥିପାଇଁ ଜର୍ଜ ବୁଶ ଦାୟୀ ନା ବାରାକ ଓବାମା। ଡୋନାଲ୍ଡ ଟ୍ରମ୍ପ, ଜୋ ବିଡେନ ଦାୟୀ ନା ତାଲିବାନ। ବୋଧ ହୁଏ ଏମିତି ପ୍ରଶ୍ନର ଉତ୍ତର ଆପଣ ମାନଙ୍କ ପାଖରେ ନଥିବ।

ଗତ ଦୁଇ ସପ୍ତାହ ଧରି କାବୁଲ ବିମାନବନ୍ଦର ଏକ ଯୁଦ୍ଧକ୍ଷେତ୍ର ପାଳଟିଛି। ଦିନ ରାତି ୨୪ ଘଣ୍ଟା, ଏୟାରପୋର୍ଟ ବାହାରେ ଆଫଗାନୀ ଲୋକଙ୍କର ଭିଡ଼। ପାଣି ଲିଟର ୩ ଶହ ଏବଂ ଭାତ ୭ ହଜାର ଉପରେ ହୋଇଥିବାରୁ ଲୋକେ ଭୋକ ଉପାସରେ ରହିଛନ୍ତି। ଅଧିକାଂଶ ଲୋକ ଜାଣିନାହାଁନ୍ତି ଦେଶ ଛାଡ଼ି କେମିତି ଯିବେ। ଅନେକ ଲୋକଙ୍କ ପାଖରେ ପାସପୋର୍ଟ ମଧ୍ୟ ନାହିଁ। ତଥାପି କୌଣସି ନା କୌଣସି ଉପାରେ ସେମାନେ ଦେଶ ଛାଡ଼ି ବାହାରକୁ ଯିବାକୁ ଚାହୁଁଛନ୍ତି। କାରଣ ଏବେବି ଆଫଗାନିସ୍ତାନ ଲୋକଙ୍କ ମନରେ ୨୦ ବର୍ଷ ପୂର୍ବର ତାଲିବାନୀ ଶାସନର ନିଆଁ ହୁତ ହୁତ ହୋଇ ଜଳୁଛି। ଆଉ ସେମାନେ ଚାହୁଁ ନାହାଁନ୍ତି ତାଙ୍କ ପିଲା ମାନେ ମଧ୍ୟ ତାଲିବାନୀ ଅତ୍ୟାଚାରର ଶୀକାର ହୁଅନ୍ତୁ ବୋଲି।

ଆଫଗାନିସ୍ତାନର ସ୍ଥିତି ଏବେ ମାନବିକତାକୁ ଧିକାରୁଛି। କୁନି କୁନି ପିଲାଙ୍କର କାନ୍ଦ ଚିତ୍କାର କରି କହୁଛି ଧିକ ତୁମ ମାନବିକତାକୁ। ମାଆ ବାପା ନିଜ ସନ୍ତାନକୁ ବଞ୍ଚାଇବାର ସଂଘର୍ଷର ଚିତ୍ର କିଛି ଦିନ ତରେ ସମସ୍ତଙ୍କୁ ମର୍ମାହତ କରିଥିଲା। ଯେଉଁଥିରେ ଜଳ ଜଳ ହୋଇ ଦେଖାଯାଉଥିଲା ମାଆ ବାପାଙ୍କର ଅସହାୟତା। ନିଜ ସନ୍ତାନକୁ ଏୟାରପୋର୍ଟର ପାଚେରୀ ସେପଟକୁ କଣ୍ଟା ତାରର ଉପରେ ଛାଡ଼ିବା ସମୟରେ କଣା ମାଆକୁ କଷ୍ଟ ହୋଇନଥବ। ହେଲେ ସେ କଷ୍ଟର ଦୁହାଇ କାହା ଆଗରେ ରଖିବ ନିରୀହ ମା। ସେହି ମାନେ କେବଳ ସେହି ଯନ୍ତ୍ରଣାକୁ ଅନୁଭବ କରି ପାରିବେ ଯେଉଁ ମାନେ ଅଙ୍ଗ ନିଭେଇଥିଲେ।

ଖାଲି ସେତିକି ନୁହେଁ କିଛି ଦିନ ପୂର୍ବରୁ କାବୁଲରୁ ଆସିଥିବା ଭିଡିଓକୁ ଆପଣ ନିଶ୍ଚୟ ଦେଖିଥିବେ, ଯେଉଁଥିରେ ବିମାନରୁ ଦୁଇଜଣ ଲୋକ ଖସିପଡ଼ୁଛନ୍ତି। ଏହାକୁ ନେଇ ଅନେକ ଉପହାସର କରାଗଲା। ହେଲେ ଏମିତି କରିବା ପାଇଁ ତାଙ୍କ ବାଧ୍ୟ କରିଥିଲା ଆଫଗାନିସ୍ତାନର ପରିସ୍ଥିତି। ସେମାନଙ୍କୁ ଏହାର ପରିଣାମ ଜଣାଥିଲା ହେଲେ ତଥାପି ଏଭଳି ମରଣର ରାସ୍ତାକୁ ବାଛିଥିଲେ ସେମାନେ। ତାଲିବାନରେ ରହି ନର୍କ ଯନ୍ତ୍ରଣା ପାଇଁବା ଅପେକ୍ଷା ମରିଯିବାକୁ ସେମାନେ ଠିକ୍‌ ଭାବିଥିଲେ।

ଆଫଗାନିସ୍ତାନର ସ୍ଥିତି ପାଇଁ ଦୋଷ କାହାର। ଯେଉଁମାନେ ବନ୍ଧୁକ ଧରି ଜାଣି ନାହାଁନ୍ତି ରାଜନୀତି କରି ଶିକ୍ଷିନାହାନ୍ତି ସେମାନେ କାହା ପାଇଁ ବଳି ପଡ଼ୁଛନ୍ତି। ଏମାନଙ୍କର ଦୁଃଖ ପାଇଁ ଦାୟୀ କିଏ ? ଆଜି ଏଠାରେ କୋମର ଶିଶୁ ଆଗରେ ମାନବିକତାର ହାର ହୋଇଛି ନାଁ ଆତଙ୍କର ବିଜୟ ହୋଇଛି ଉତ୍ତର ଆପଣଙ୍କର।

ନୂଆଦିଲ୍ଲୀ: ତାଲିବାନର ଆତଙ୍କ ଭିତରେ ମୁଣ୍ଡ ଟେକିଛି ଆଉ ଏକ ଆତଙ୍କବାଦୀ ସଂଗଠନ। ଆଫଗାନିସ୍ତନା ଏବଂ ତାଲିବାନ ବିବାଦ ଭିତରେ ଧସେଇ ପଶିଛି ଏହି ସଂଗଠନ। ସଂଗଠନର ନାଁ ହେଉଛି ଇସଲାମିକ୍ ଷ୍ଟେଟ୍ ଖୁରାସାନ୍ (isis-K)। ଖୁରାସନ ସଂଗଠନ ନିଜକୁ କାବୁଲ ବିମାନବନ୍ଦରରେ ହୋଇଥିବା ଆକ୍ରମଣ ପାଇଁ ଦାୟୀ ବୋଲି କହିଛି। ଏହି ଆକ୍ରମଣରେ ୧୩ ଜଣ  ଆମେରିକୀୟ ସୈନିକଙ୍କ ସମେତ ଶହେରୁ ଅଧିକ ଲୋକଙ୍କର ମୃତ୍ୟୁ ଘଟିଛି। ଆକ୍ରମଣର ଟାର୍ଗେଟରେ ଥିଲେ ଆମେରିକୀୟ ସେନା ବୋଲି ଏକ ରିପୋର୍ଟରୁ ଜଣା ପଡ଼ିଛି। ରିପୋର୍ଟରେ ଦର୍ଶାଯାଇଛି ଯେ ଆଫଗାନିସ୍ତାନ ଏବଂ ପାକିସ୍ତାନରେ କାର୍ଯ୍ୟ କରୁଥିବା ଇସଲାମିକ୍ ଷ୍ଟେଟର ଏକ ଆଞ୍ଚଳିକ ଗୋଷ୍ଠୀ ଖୁରାସାନ ଦୀର୍ଘ ଦିନ ଧରି ଆମେରିକାର ସେନା ଉପରେ ଆକ୍ରମଣ ଯୋଜନା କରିଆସୁଥିଲା।

ଖାଲି ସେତିକି ନୁହେଁ ଖୁରାସାନ୍ ଆତଙ୍କବାଦୀ ସଂଗଠନ କାବୁଲ ସମେତ ଅନ୍ୟାନ୍ୟ ସହରରେ ଅନେକ ଥର ଆତ୍ମଘାତୀ ଆକ୍ରମଣ କରିଛି। ଉଭୟ ସରକାର ଏବଂ ବିଦେଶୀ ସୈନିକଙ୍କ ବିରୋଧରେ ଏହି ଆକ୍ରମଣ କରାଯାଇଛି। ବିଶେଷଜ୍ଞମାନେ କହିଛନ୍ତି ଯେ ନିଜକୁ ଅଧିକ ହିଂସାତ୍ମକ ଆତଙ୍କବାଦୀ ସଂଗଠନ ଭାବରେ ଉପସ୍ଥାପନ କରିବାକୁ ସଂଗଠନ ଏହି ସବୁ ଆକ୍ରମଣ କରିଥିଲା।

୨୦୧୪ ରେ ପୂର୍ବ ଆଫଗାନିସ୍ତାନରେ ପ୍ରଥମେ ସକ୍ରିୟ ହୋଇଥିଲା ଏହି ସଂଗଠନ। ଯେଉଁଠାରୁ ସେ ତାର ଘୃଣ୍ୟ ଏବଂ ନିଷ୍ଠୁରତାର ଚିହ୍ନ ଛାଡିଥିଲା। ଖୁରାସନ ସଂଗଠନ ସହ ପାକିସ୍ତାନର ଶତାଧିକ ତାଲିବାନୀ ଜଡିତ ହେବାପରେ ଆରମ୍ଭ ହୋଇଥିଲା ଅତ୍ୟାଚାର। ସେନା ସହାୟତାରେ ସେମାନଙ୍କୁ ବାହାର କରାଯିବା ପରେ ଏହି ସଂଗଠନ ଆଫଗାନିସ୍ତାନର ସୀମାରେ ଆସି ବର୍ବରତାର କାହାଣୀ ରଚିବା ଆରମ୍ଭ କରିଥିଲା।

ଏହି ସଂଗଠନର ଶକ୍ତି ଏଥିପାଇଁ ବୃଦ୍ଧି ପାଇଲା କାରଣ ତାଲିବାନ ପଶ୍ଚିମ ଦେଶ ଏବଂ ଚିନ୍ତାଧାରା ପ୍ରତି ନରମ ହୋଇଗଲା। ଏଭଳି ପରିସ୍ଥିତିରେ ଅସନ୍ତୁଷ୍ଟ ତାଲିବାନୀ ଖୁରାସନକୁ ଯିବା ଆରମ୍ଭ କରିଥିଲା।ଖୁରାସନରେ ସିରିଆ ଏବଂ ଅନ୍ୟ ବିଦେଶୀ ଉଗ୍ରବାଦୀ ସଂଗଠନ ମଧ୍ୟ ଅଛନ୍ତି। ଆମେରିକା କହିଛି ଏହି ଦଳର ୧୦ ରୁ ୧୫ ପ୍ରମୁଖ ଆତଙ୍କବାଦୀଙ୍କୁ ଚିହ୍ନଟ କରାଯାଇଛି।

ଯଦି ଦେଖିବା ଖୁରାସାନ ଏବଂ ତାଲିବାନ ଉଭୟ କଟର ସୁନ୍ନି ଇସଲାମ ଆତଙ୍କବାଦୀ । ତଥାପି ଉଭୟ ପରସ୍ପରକୁ ବିରୋଧ କରନ୍ତି। ଅନେକ ପ୍ରସଙ୍ଗରେ ଖୁରସାନ ଏବଂ ତାଲିବାନ ମଧ୍ୟରେ ମତଭେଦ ରହିଛି। ଖୁରସାନ ତାଲିବାନ ଉପରେ ଅଭିଯୋଗ କରିଛି ଯେ ତାଲିବାନ ଯୁଦ୍ଧକ୍ଷେତ୍ର ଏବଂ ଜିହାଦ୍ ଛାଡି ଦୋହା ଏବଂ କତାରର ବଡ ହୋଟେଲରେ ବସି ଶାନ୍ତି ଚୁକ୍ତି କରୁଛି। ସେପଟେ ଷ୍ଟାନଫୋର୍ଡ ୟୁନିଭରସିଟିର ଆନ୍ତର୍ଜାତୀୟ ସୁରକ୍ଷା ଏବଂ ସହଯୋଗ କେନ୍ଦ୍ର ଅନୁଯାୟୀ, ଦୁଇ ସଂଗଠନ ମଧ୍ୟରେ ଆଦର୍ଶର ପାର୍ଥକ୍ୟ ରହିଛି। ଏହା ସହିତ, ସମ୍ବଳ ବିବାଦ ମଧ୍ୟ ଉଭୟଙ୍କ ମଧ୍ୟରେ ଲଢ଼େର ଏକ ବଡ଼ କାରଣ।