spot_img
Home Blog Page 5138

ଜିଲ୍ଲାପରିଷଦ ଅଧ୍ୟକ୍ଷ ଆସନରେ ମହିଳାଙ୍କ ପାଇଁ ୫୦ ପ୍ରତିଶତ ସଂରକ୍ଷଣ, ପଛୁଆ ବର୍ଗରେ ୪ ଆସନ

ଭୁୁବନେଶ୍ୱର: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ପଞ୍ଚାୟତରାଜ ବିଭାଗ ତରପରୁ ପ୍ରକାଶ ପାଇଛି ଚୂଡ଼ାନ୍ତ ସଂରକ୍ଷଣ ତାଲିକା  । ଜିଲ୍ଲାପରିଷଦ ଆସନ ପାଇଁ ଶୁକ୍ରବାର ସଂରକ୍ଷଣ ତାଲିକା ପ୍ରକାଶ ପାଇଛି  । ଓଡ଼ିଶା ଜିଲ୍ଲା ପରିଷଦ ଅଧିନିୟମ ୧୯୯୧ ର ଧାରା ୮ ଅନୁଯାୟୀ ରାଜ୍ୟର ଜିଲ୍ଲାପରିଷଦ ଆସନ ଗୁଡ଼ିକ ସଂରକ୍ଷଣ ଚିଠା ପ୍ରସ୍ତୁତ କରାଯାଇଛି  । ସମୁଦାୟ ୩୦ଟି ଜିଲ୍ଲା ପରିଷଦ ଅଧ୍ୟକ୍ଷ ପଦୀବରୁ ୧୫ଟିରେ ମହିଳାଙ୍କ ସଂରକ୍ଷିତ ରହିଛି  ।

ଏହି ତାଲିକାରେ ସମସ୍ତ ଜାତି ବର୍ଗକୁ ଆଧାର କରି ଆସନ ପ୍ରଦାନ କରାଯାଇଛି  । ଯଥା ପଛୁଆବର୍ଗ ମହିଳା, ଅନୁସୂଚିତ ଜାତି, ଅନୁସୂଚିତ ଜନଜାତି ଏବଂ ସାଧାରଣ ବର୍ଗର ମହିଳାମନଙ୍କ ପାଇଁ ମଧ୍ୟ ଆସନ ସଂରକ୍ଷିତ ରଖାଯାଇଛି  ।  ଅନ୍ୟପଟେ ଅନ୍ୟ ୧୫ଟି ଆସନକୁ ଅଣସଂରକ୍ଷିତ ରଖାଯାଇଛି  । ପଞ୍ଚାୟତରାଜ ବିଭାଗ ପକ୍ଷରୁ ସଦ୍ୟ ପ୍ରକାଶିତ ତାଲିକାରେ ଅନୁଗୁଳ, ଖୋର୍ଦ୍ଧା, ନୟାଗଡ଼ ଏବଂ ସୋନପୁର ଜିଲ୍ଲାପରିଷଦ ଆସନ ପଛୁଆବର୍ଗର ମହିଳାଙ୍କ ପାଇଁ ସଂରକ୍ଷଣ ରଖାଯାଇଛି  ।

ସେହିପରି ମହିଳାଙ୍କ ପାଇଁ ସଂରକ୍ଷିତ ପଦବୀ ମଧ୍ୟରୁ ଓବିସିକୁ ୨, ଏସସି-୨, ଏସଟି ୫ ଓ କେବଳ ମହିଳାଙ୍କ ୬ଟି ଆସନ ସଂରକ୍ଷିତ ରହିଛି । ସେହିପରି ମୋଟ ପଦବୀ ମଧ୍ୟରୁ ଏସଟି ପାଇଁ ୧୦, ଏସସି ପାଇଁ ୪, ଓବିସିର ୪ ଓ ଅଣସଂରକ୍ଷିତ ବର୍ଗରେ ୬ ପଦବୀ ରହିଛି ।

ଗଞ୍ଜାମରେ ଆଗେଇ ଚାଲିଛି ଦ୍ୱିତୀୟ ପର୍ଯ୍ୟାୟ 5T ସ୍କୁଲ, ସମୀକ୍ଷା କଲେ ପାଣ୍ଡିୟାନ

ଭୁବନେଶ୍ୱର:  5-ଟି  ଅଧିନରେ ଜାରି ରହିଛି ବିଦ୍ୟାଳୟ ରୂପାନ୍ତରିତ କାର୍ଯ୍ୟ  । 5t ସଂସ୍କାରରେ ଆଗେଇ ଚାଲିଛି ହାଇସ୍କୁଲ ରୂପାନ୍ତର କାର୍ଯ୍ୟକ୍ରମ । ପ୍ରଥମ ପର୍ଯ୍ୟାୟ ପରେ ଏବେ ଦ୍ବିତୀୟ ପର୍ଯ୍ୟାୟ ରୂପାନ୍ତର ପାଇଁ କାମ ଆରମ୍ଭ ହୋଇଛି । ଗଂଜାମ ଜିଲ୍ଲାରେ ଦ୍ୱିତୀୟ ପର୍ଯ୍ୟାୟ 5T  ସ୍କୁଲ କାର୍ଯ୍ୟ କାର୍ଯ୍ୟକ୍ଷମ ଜାରି ରହିଛି  । ଶୁକ୍ରବାର 5t ସଚିବ ଭି କେ ପାଣ୍ଡିଆନ ବିଭିନ୍ନ ସ୍କୁଲ କାର୍ଯ୍ୟର ସମୀକ୍ଷା ଆରମ୍ଭ କରିଛନ୍ତି  ।

ବିଦ୍ୟାଳୟ ରୂପାନ୍ତର କାର୍ଯ୍ୟକ୍ରମ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଏକ ଡ୍ରିମ ପ୍ରୋଜେକ୍ଟ । ରୂପାନ୍ତର ପ୍ରକ୍ରିୟାରେ ହାଇସ୍କୁଲରେ ଅତ୍ୟାଧୁନିକ ଶିକ୍ଷାଦାନ ବ୍ୟବସ୍ଥା ସହ ଇ-ଲାଇବ୍ରେରୀ ବ୍ୟବସ୍ଥା, ବିଜ୍ଞାନାଗାର, ସ୍ମାର୍ଟ କ୍ଲାସରୁମର ବ୍ୟବସ୍ଥା କରାଯାଉଛି । ଯାହାକୁ ଛାତ୍ରଛାତ୍ରୀ ଓ ଅଭିଭାବକ ବେଶ ପ୍ରଶଂସା କରୁଛନ୍ତି । ଶିକ୍ଷା ସମାଜ ପରିବର୍ତ୍ତନର ମୁଖ୍ୟ ମାପଦଣ୍ଡ  । ତେଣୁ ଓଡ଼ିଶା ମୁଖ୍ୟମନ୍ତ୍ରୀ ଶିକ୍ଷାକୁ ପ୍ରାଧାନ୍ୟ ଦେବା ସହ ଏହା ଦ୍ବାରା କିପରି ଛାତ୍ରଛାତ୍ରୀ ଶିକ୍ଷା ଗ୍ରହଣ କ୍ଷେତ୍ରରେ ପରିପ୍ୱଜକ ହୋଇପାରିବେ, ସେନେଇ କାର୍ଯ୍ୟକ୍ରମମାନ ଜାରି ରଖିଛନ୍ତି  ।

ପୁରୀରେ ସ୍ୱର୍ଣ୍ଣିମ ବିଜୟ ମଶାଲ, ବ୍ଲୁ ଫାଗ ବିଚରେ ସ୍ୱାଗତ କଲା ଜିଲ୍ଲା ପ୍ରଶାସନ

ପୁରୀ: ସ୍ୱର୍ଣ୍ଣିମ ବିଜୟ ବର୍ଷ ଉପଲକ୍ଷେ ସ୍ବର୍ଣ୍ଣିମ ବିଜୟ ମଶାଲ ଆଜି ପୁରୀରେ ପହଁଚିଛି । ବ୍ଲୁ ଫ୍ଲାଗ ବିଚରେ ଏହାକୁ ଜିଲ୍ଲା ପ୍ରଶାସନ ପକ୍ଷରୁ ସ୍ବାଗତ କରଯାଇଥିଲା । ଏହି ଅବସରରେ ବାଲୁକା କଳା ସହ ସମ୍ବର୍ଦ୍ଧନା ଓ ସାଂସ୍କୃତିକ କାର୍ଯ୍ୟକ୍ରମ ମଧ୍ୟ କରାଯାଇଥିଲା । ପରେ ବିଜୟ ମଶାଲକୁ ସାମନ୍ତ ଚନ୍ଦ୍ରଶେଖର ସ୍ବୟଂଶାସିତ ମହାବିଦ୍ୟାଳୟ ଅଭିମୁଖେ ନିଯାଇଥିବା ବେଳେ ସେଠାରେ ମଧ୍ୟ ଭବ୍ୟ ସ୍ୱାଗତ କରାଯାଇଥିଲା ।

୧୯୭୧ରେ ପାକିସ୍ତାନ ବିରୁଦ୍ଧ ଯୁଦ୍ଧରେ ଭାରତର ବିଜୟର ପଚାଶ ବର୍ଷ ପୂର୍ତ୍ତି ପାଳନ ଅବସରରେ ଏହି ଉତ୍ସବର ଆୟୋଜନ କରାଯଇଥିଲା । ଏଥିରେ ବହୁ ସଂଖ୍ୟାରେ ଭାରତୀୟ ସେନା କାର୍ଯ୍ୟରତ କର୍ମଚାରୀ ଓ ଅବସର ପ୍ରାପ୍ତ ସେନା କର୍ମଚାରୀ ଯୋଗ ଦେଇଥିଲେ । ଭାରତୀୟ ସେନାରେ ଅଧିକରୁ ଅଧିକ ସାମିଲ ହୋଇ ଦେଶର ସୁରକ୍ଷାରେ ଯୋଗଦେବାକୁ ଆହ୍ୱାନ  ଦେଇଥିଲେ ।

 

ଆର୍ୟ୍ୟନ ମାମଲାର ତଦନ୍ତ ଦାୟିତ୍ୱରୁ ଏନସିବି ଅଧିକାରୀ ସମୀର ୱାଙ୍ଖଡେଙ୍କୁ ଅବ୍ୟାହତି

ମୁମ୍ବାଇ: ଅଭିନେତା ଶାହରୁଖ ଖାନଙ୍କ ପୁଅ ଆର୍ୟନ ଖାନ ସହ ଜଡ଼ିତ ଡ୍ରଗ୍ସ ମାମଲାରେ ଏନସିବିର ଆଞ୍ଚଳିକ ନିର୍ଦ୍ଦେଶକ ସମୀର ୱାଙ୍ଖଡେଙ୍କୁ ଝଟକା ଲାଗିଛି । ଆର୍ୟନଙ୍କ ମାମଲାରୁ ସମୀର ୱାଙ୍ଖଡେଙ୍କୁ ଅବ୍ୟାହତି ଦିଆଯାଇଛି । ଆର୍ୟନ ଖାନ, ଅରବାଜ ମର୍ଚ୍ଚାଣ୍ଟ ଓ ମୁନମୁନ ଧମେଚା ସମେତ ଅନ୍ୟ ୮ ଜଣଙ୍କୁ ମୁମ୍ବାଇ ସମୁଦ୍ର ଉପକୂଳରେ କ୍ରୁଜରେ ଚଢ଼ାଉ କରି ଏନସିବି ଗିରଫ କରିଥିଲା ।

ଏବେ ମୁମ୍ବାଇ ଏନସିବି ଉକ୍ତ କ୍ରୁଜ୍ ମାମଲା ସହ ଅନ୍ୟ ୫ଟି ମାମଲାର ଯାଞ୍ଚ କରିବ ନାହିଁ । ଏସବୁ ମାମଲାର ତଦନ୍ତ କରିବ ଦିଲ୍ଲୀ ଏନସିବି । ଏନେଇ ପ୍ରଶାସନିକ ନିଷ୍ପତ୍ତି ହୋଇଥିବା ଏନସିବିର ଦକ୍ଷିଣ-ପଶ୍ଚିମାଞ୍ଚଳ ଡେପୁଟି ଡିଜି ମୁଥା ଅଶୋକ ଜୈନ ସୂଚନା ଦେଇଛନ୍ତି । ସମୀର ୱାଙ୍ଖଡେଙ୍କୁ ଆର୍ୟନ ମାମଲାରୁ ହଟାଇ ଦିଆଯାଇଥିବା ବେଳେ ସେ ମୁମ୍ବାଇ ଏନସିବିର ସେ ନିର୍ଦ୍ଦେଶକ ରହିବେ ।

 Sameer Wankhede Removed Drugs On Cruise Aryan Khan Case

ସମୀରଙ୍କ ବଦଳରେ ମାମଲାର ତଦନ୍ତ ଏନସିବି ଅଧିକାରୀ ସଞ୍ଜୟ ସିଂହଙ୍କ ଅଧ୍ୟକ୍ଷତାରେ ଗଠିତ ଟିମ୍ କରିବ । ଆର୍ୟ୍ୟନଙ୍କ ମାମଲା ପରେ ୱାଙ୍ଖଡେଙ୍କ ବିରୋଧରେ ଅନେକ ଅଭିଯୋଗ ଆସିଥିଲା । ଏହାପରେ ସମୀର ୱାଙ୍ଖଡେଙ୍କୁ ଆର୍ୟନ ମାମଲାର ତଦନ୍ତରୁ ଦୂରେଇ ଦିଆଯାଇ ସଞ୍ଜୟ ସିଂହଙ୍କୁ ଦାୟିତ୍ୱ ଦିଆଯାଇଛି । ସୂଚନାଯୋଗ୍ୟ ଅକ୍ଟୋବର ୩ରେ କ୍ରୁଜ୍ ଡ୍ରଗ୍ସ ମାମଲାରେ ଆର୍ୟନଙ୍କ ଅନ୍ୟ ମାନଙ୍କୁ ଏନସିବି ଗିରଫ କରିଥିଲା ।

ଆଜି ମଧ୍ୟରାତ୍ରିରୁ ଆହୁରି ୩ଟଙ୍କା କମିବ ପେଟ୍ରୋଲ ଓ ଡ଼ିଜେଲ ଦାମ୍

ଭୁବନେଶ୍ୱର: ଓଡ଼ିଶାରେ ଗାଡ଼ି ଚାଳକଙ୍କୁ ଆଜି ଠାରୁ ଆହୁରି ଆଶ୍ୱସ୍ତି  । କାରଣ ପୁଣି ତିନି ଟଙ୍କା କମିବାକୁ ଯାଉଛି ପେଟ୍ରୋଲ ଏବଂ ଡ଼ିଜେଲ ଦର  । ଅର୍ଥାତ ଆଜି ମଧ୍ୟ ରାତ୍ରିରୁ ପେଟ୍ରୋଲ ଓ ଡିଜେଲ ଲିଟର ପିଛା ୩ ଟଙ୍କା ଲେଖାଏଁ ହ୍ରାସ ଘଟିବ  । ଓଡ଼ିଶା ସରକାର ହ୍ରାସ ଘଟାଇଥିବା VAT ମଧ୍ୟରାତ୍ରିରୁ ଲାଗୁ ହେବାକୁ ଯାଉଛି  । ଫଳରେ ଲିଟର ପିଛା ଏବେ ଓଡ଼ିଶାରେ ୮ ଟଙ୍କା ପେଟ୍ରୋଲ ଏବଂ ୧୩ ଟଙ୍କା ଡିଜେଲ ଦାମ କମିବାକୁ ଯାଉଛି  ।

ବିଗତ କିଛିଦିନ ମଧ୍ୟରେ ଦେଶରେ ଅହେତୁକ ବୃଦ୍ଧି ଘଟିବାରେ ଲାଗିଛି ପେଟ୍ରୋଲ ଏବଂ ଡ଼ିଜେଲ ଦର  । ସାଧାରଣ ଖାଉଟି ଠାରୁ ଆରମ୍ଭ ଜକରି ଗାଡ଼ି ଚଢୁଥିବା ସମସ୍ତ ଚାଳକଙ୍କ ପକେଟ଼ ଖାଲି କରିଥିଲା ଏହି ଦର ବୃଦ୍ଧି  । ସେପଟେ କେନ୍ଦ୍ର ସରକାର ୩ ତାରିଖରେ ପେଟ୍ରୋଲ ଓ ଡିଜେଲ ଉପରୁ ଏକ୍ସାଇଜ୍ ଡ୍ୟୁଟି ହ୍ରାସ କରିବାକୁ ଘୋଷଣା କରିଥିଲେ । ଯଥା ପେଟ୍ରୋଲ ଏବଂ ଡିଜେଲ ଉପରୁ ୫ ଟଙ୍କା, ୧୦ ଟଙ୍କା ହ୍ରାସ ଘଟାଇଥିଲେ  । ପରେ ରାଜ୍ୟ ସରକାର  ୪ ତାରିଖରେ ଭ୍ୟାଟ କମାଇବା ନେଇ ଘୋଷଣା କରିଥିଲେ  ।

ତେବେ ୩ଟଙ୍କାର ଏହି ଛାଡ ପାଇଁ ରାଜ୍ୟ ରାଜକୋଷ ଉପରେ ଅତିରିକ୍ତ ୧୪ଶହ କୋଟିର ଭାର ପଡିବ । କେବଳ ୩ ଟଙ୍କା ଭାଟ୍ ହ୍ରାସ ଦ୍ୱାରା ଏହି କ୍ଷତି ରାଜ୍ୟ ସରକାରଙ୍କୁ ବହନ କରିବାକୁ ପଡିବ । ଅନ୍ୟପକ୍ଷରେ କେନ୍ଦ୍ର ସରକାରଙ୍କ ଏକ୍ସସାଇଜ୍ ଡ୍ୟୁଟି ହ୍ରାସ ଯୋଗୁ ରାଜ୍ୟ ସରକାରଙ୍କୁ ଅତିରିକ୍ତ ୭ଶହ କୋଟି ଟଙ୍କା ହରାଇବାକୁ ପଡିବ । ତେଣୁ ରାଜ୍ୟ ସରକାରଙ୍କୁ ମୋଟ ପ୍ରାୟ ୨ ହଜାର କୋଟି ଟଙ୍କାର ରାଜସ୍ୱ ହରାଇବାକୁ ପଡିବ । ତେବେ ୩ ଟଙ୍କା ଭାଟ୍ ହ୍ରାସ ରାଜ୍ୟବାସୀଙ୍କ ପାଇଁ ଏକ ବଡ ଆଶ୍ୱସ୍ତୀକର ଖବର ।

ବାଣ ବିସ୍ଫୋରଣରେ ବାପ-ପୁଅ ମୃତ

ବାଣ ବିସ୍ଫୋରଣରେ ବାପ-ପୁଅ ମୃତ  । ସୋସିଆଲ ମିଡିଆରେ ଭାଇରାଲ ହେଉଛି ସିସିଟିଭି ଭିଡିଓ  । ବାଣ ବିସ୍ଫୋରଣରେ ଉଭୟ ବାପ ପୁଅଙ୍କ ମୃତ୍ୟୁ ଘଟିଛି  । କଲୈନେଶନ ନାମକ ଜଣେ ବ୍ୟକ୍ତି ନିଜ ପୁଅ ସହ ବାଇକରେ ଯାଉଥିଲେ । ହଠାତ୍ ଏକ ବିସ୍ଫୋରଣ ହୋଇ ସେଠାରେ ଉଭୟଙ୍କ ମୃତ୍ୟୁ ଘଟିଥିଲା  । ପୁଡ଼ୁଚେରୀର ବିଲ୍ଲୁପୁରମ୍ ଜିଲ୍ଲାରେ ଏଭଳି ଏକ ଅଭାବନୀୟ ଘଟଣା ଘଟିଛି  । ଏ ଛାତି ଧରା ଦୃଶ୍ୟ ଦେଖି ଗ୍ରାମବାସୀ ସ୍ତବ୍ଧ ହୋଇଯାଇଥିଲେ ।

 

ବାପ, ପୁଅ ଉଭୟେ ବାଣ ନେଇ ଗାଡ଼ିରେ ଫେରୁଥିବା ସମୟରେ ହଠାତ୍ ରାସ୍ତାରେ ଏକ ବିସ୍ଫୋରଣ ଘଟିଥିଲା  । ବିସ୍ଫୋରଣରେ ଉଭୟ ବାପ, ପୁଅଙ୍କ ମୃତ୍ୟୁ ହୋଇଥିବା ବେଳେ ୩ ଜଣ ଆହତ ହୋଇଥିଲେ  । ଏହି ବିସ୍ଫୋରଣର ଶବ୍ଦ ଗୋଟେ କିଲୋମିଟର ଯାଏ ଶୁଣାଯାଉଥିଲା ବେଳେ ବିସ୍ଫୋରଣର ଶବ୍ଦ ଶୁଣି ଲୋକଙ୍କ ଭିଡ଼ ଦେଖାଦେଇଥିଲା  ।

ପଣ୍ଡିଚେରୀ କକନଥପୁର ବାସିନ୍ଦା କଲୈନେଶନ ନିଜ ପୁଅ ପ୍ରଦୀପ ସହ ବାଇକ ଯୋଗେ ବାଣ ନେଇ ଯାଉଥିଲେ  । ଏହି ସମୟରେ ଜୋରରେ ବିସ୍ଫୋରଣ ହୋଇଥିଲା ଯେଉଁଥିରେ ଉଭୟଙ୍କ ମୃତ୍ୟୁ ହୋଇଥିଲା  । ଏହି ଘଟଣାଟି ବିଲ୍ଲୁପୁରମ ଜିଲ୍ଲା କୁନିମେଦୁ ଗ୍ରାମର  । ଘଟଣାଟିର ସିସିଟିଭି ଫୁଟେଜ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି  ।

ବିଲ୍ଲୁପୁରମ୍ ଜିଲ୍ଲାର ଡିଆଇଜି ପାଣ୍ଡିଆନ ଘଟଣାସ୍ଥଳରେ ପହଁଚି ଘଟଣାର ଯାଞ୍ଚ କରିବା ସହ ମାମଲାର ତଦନ୍ତ ଆରମ୍ଭ କରି ଆଗକୁ ଯାଞ୍ଚ କରାଯିବ ବୋଲି କହିଥିଲେ  । ବିସ୍ଫୋରଣରେ ଆହତ ଥିବା ତିନି ବ୍ୟକ୍ତିଙ୍କୁ ନିକଟସ୍ଥ ଡାକ୍ତରଖାନା ପଠାଯାଇଛି  ।

 

 

 

 

 

 

T20 ବିଶ୍ୱକପ୍: ଟସ୍ ଜିତି ସ୍କଟଲାଣ୍ଡ ବିରୋଧରେ ଭାରତର ବୋଲିଂ ନିଷ୍ପତ୍ତି

ଦୁବାଇ: ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ ଆଇସିସି ଟି-ଟ୍ୱେଣ୍ଟି ବିଶ୍ୱକପର ୩୭ ତମ ମ୍ୟାଚ୍ ଭାରତ-ସ୍କଟଲାଣ୍ଡ ମଧ୍ୟରେ ଖେଳା ଯାଉଛି । ଭାରତ ପ୍ରଥମେ ଟସ୍ ଜିତି ଫିଲ୍ଡିଂ ନିଷ୍ପତ୍ତି ନେଇଛି । ଭାରତୀୟ ଦଳରେ ଶାର୍ଦ୍ଦୁଲ ଠାକୁରଙ୍କ ସ୍ଥାନରେ ବରୁଣ ଚକ୍ରବର୍ତ୍ତୀ ସ୍ଥାନ ପାଇଛନ୍ତି । ଅନ୍ୟପଟେ ସ୍କଟଲାଣ୍ଡ ଦଳରେ କୌଣସି ପରିବର୍ତ୍ତନ ହୋଇ ନାହିଁ ।

ଭାରତ

ଚୂଡ଼ାନ୍ତ ଏକାଦଶରେ କେଏଲ୍ ରାହୁଲ, ରୋହିତ ଶର୍ମା, ବିରାଟ କୋହଲି (ଅଧିନାୟକ), ସୂର୍ଯ୍ୟକୁମାର ଯାଦବ, ଋଷଭ ପନ୍ତ (ୱିକେଟ୍ କିପର), ହାର୍ଦ୍ଦିକ ପାଣ୍ଡ୍ୟା, ରବୀନ୍ଦ୍ର ଜାଡେଜା, ରବିଚନ୍ଦ୍ରନ ଅଶ୍ୱିନ, ମହମ୍ମଦ ସାମି, ବରୁଣ ଚକ୍ରବର୍ତ୍ତୀ ଓ ଯଶପ୍ରୀତ ବୁମରା ସ୍ଥାନ ପାଇଛନ୍ତି ।

ସ୍କଟଲାଣ୍ଡ

ଗର୍ଜ ମୁନସି, କ୍ଲେ କୋଏଜର (ଅଧିନାୟକ), ମାଥ୍ୟୁ କ୍ରସ୍ (ୱିକେଟ୍ କିପର), ରିଚି ବେରିଂଟନ୍, କାଲମ ମାକଲଡ, ମାଇକେଲ୍ ଲିସ୍କ, କ୍ରିସ୍ ଗ୍ରେଭ୍ସ, ମାର୍କ ୱାଟ, ସଫ୍ୟାନ ସରିଫ, ଅଲ୍ସଦିର ଇଭାନ୍ସ, ବ୍ରେଡଲି ହ୍ୱେଲ୍ ଅଛନ୍ତି।

ମାଟିରୁ ସମୁଦ୍ରରେ ପହଞ୍ଚିଲେ ମସ୍ତିଷ୍କ ଖିଆ ଫଙ୍ଗସ୍: ବିପଦରେ ଡଲଫିନ୍ ବଂଶ

କାଲିଫର୍ଣ୍ଣିଆ: ମାଟିରୁ ସମୁଦ୍ରକୁ ଯାଇଛି ମସ୍ତିଷ୍କ ଖିଆ ଫଙ୍ଗସ୍ କ୍ରିପ୍ଟୋକୋକସ ଗଟ୍ଟି । ବିପଦରେ ସାମଦ୍ରିକ ଜୀବ । ବିଶେଷ କରି ଡଲଫିନ ଓ ପର୍ପୋଜ ଭଳି ମାଛ । ୪୦ରୁ ଅଧିକ ଡଲଫିନ୍ ଓ ଏକାଧିକ ପର୍ପୋଜଙ୍କ ଜୀବନ ଗଲାଣି । ଏବେ ଏମାନଙ୍କ ଅସ୍ତିତ୍ବକୁ ନେଉଠିବାରେ ଲାଗିଛି ପ୍ରଶ୍ନ । ପ୍ରଶାନ୍ତ ମହାସାଗରର ଉତ୍ତର-ପଶ୍ଚିମାଞ୍ଚଳରେ ଦ୍ରୁତଗତିରେ ମାଡ଼ିବାରେ ଲାଗିଛି ଏହି ଫଙ୍ଗସ୍ । ୧୯୯୭ରୁ ୨୦୧୬ ମଧ୍ୟରେ ୪୨ଟି ଡଲଫିନଙ୍କ ମୃତଦେହରୁ ଠାବ ହୋଇଛି ଏମିତି ଫଙ୍ଗସ୍ ।

ବୈଜ୍ଞାନିକଙ୍କୁ ଓ୍ବାସିଂଟନ ଓ  ବ୍ରିଟିସ୍ କଲୋମ୍ବିଆର ଆଖପାଖ ସାଲିଶ ସାଗରରୁ ମିଳିଥିବା ୪୨ଟି ଡଲଫିନଙ୍କ ମୃତଦେହରୁ ଏହି ଫଙ୍ଗସ୍ ମିଳିଛି । ସାଧାରଣତଃ ମାଟି କିମ୍ବା ଗଛରେ ଦେଖିବାକୁ ମିଳୁଥିବା ଏହି ଫଙ୍ଗସ୍ ସମୁଦ୍ରକୁ କେମିତି ଗଲେ ? କ’ଣ ଏମାନେ ସ୍ଥଳଭାଗ ସହ ଜଳଭାଗରେ ବି ବଞ୍ଚିବା ସହ ବିନାଶ ସୃଷ୍ଟି କରିବାକୁ ସକ୍ଷମ ? ଏମିତି ଏକାଧିକ ପ୍ରଶ୍ନ ଉପରୁ ଉଠିଛି ପରଦା । ଏହି ଟ୍ରପିକାଲ ଫଙ୍ଗସ୍ ଡଲଫିନଙ୍କ ଫୁସଫୁଓ ଓ ମସ୍ତିଷ୍କକୁ ଭାରି ମାତ୍ରାରେ ପ୍ରଭାବିତ କରିଥାଏ । ଏହା ନିଷ୍ପତ୍ତି ନେବାର କ୍ଷମତାକୁ ଶେଷ କରିଦେଇଥାଏ । ଏହାପରେ ମସ୍ତିଷ୍କକୁ ଖାଇଯାଇଥାଏ ଓ ଧିରେ ଧିରେ ଡଲଫିନର ମୃତ୍ୟୁ ଘଟିଥାଏ ।

ବ୍ରିଟିଶ କଲୋମ୍ବିଆରେ ଏହି ଫଙ୍ଗସ୍ କାରଣରୁ ୧୯୯୯ରୁ ୨୦୦୭ ମଧ୍ୟରେ ୨୮୭ ଲୋକ ବେମାର ହୋଇଥିଲେ । ଏମାନଙ୍କ ମଧ୍ୟରୁ ୧୯ ଜଣଙ୍କ ମୃତ୍ୟୁ ଘଟିଥିଲା । ସେବେଠାରୁ ବୈଜ୍ଞାନିକମାନେ ଜାଣିପାରୁ ନଥିଲେ ଏହା ସମୁଦ୍ରରୁ ମାଟିକୁ ଆସିଛି ନା ମାଟିରୁ ସମୁଦ୍ରକୁ ଯାଇଛି । କାରଣ ଏମାନଙ୍କୁ ମାଟି ତଳୁ ହିଁ ଠାବ କରାଯାଇଥାଏ । ଏମାନେ ଗୋଟିଏ ଜୀବଠାରୁ ଅନ୍ୟ ଜୀବକୁ ମଧ୍ୟ ସ୍ଥାନାନ୍ତରିତ ହୋଇନଥାନ୍ତି । ଏମିତି ସ୍ଥିତିରେ ଏମାନଙ୍କୁ ସମୁଦ୍ରରୁ ଠାବ କରାଯିବା ଓ ଏତେ ସଂଖ୍ୟାରେ ଡଲଫିନ ଓ ପର୍ପୋଜ ମରିବା ଆଜି ଯାଏଁ ରହସ୍ୟ ହୋଇ ରହିଥିଲା । ଯାହା ଉପରୁ ପରଦା ଉଠିଛି ।

ନିକଟରେ ଜଳଜୀବଙ୍କ ରୋଗ ଉପରେ ଏକ ଆଟିର୍କିଲ ପ୍ରକାଶ ପାଇଥିଲା । ରିପୋର୍ଟରେ କୁହାଯାଇଛି, ଜଳବାୟୁ ପରିବର୍ତ୍ତନ କାରଣରୁ ଏହି ଫଙ୍ଗସ୍ ବାସସ୍ଥାନ ପରିବର୍ତ୍ତନ କରୁଛି । ଏହା ଟ୍ରପିକାଲ ଅଞ୍ଚଳ ଛାଡି ଉତ୍ତର ଦିଗକୁ ପଳାଉଛନ୍ତି । ଜଙ୍ଗଳ ହ୍ରାସ ଓ ବଢ଼ିଚାଲିଥିବା ସହରୀକରଣ ଯୋଗୁଁ ଏହି ଫଙ୍ଗସ୍ ମାଟି ଓ ଗଛକୁ ଛାଡ଼ି ଉଡ଼ି ଉଡ଼ି ସମୁଦ୍ରରେ ପହଞ୍ଚି ଗଲେଣି । ଏହାପରେ ଏମାନେ ସମୁଦ୍ରର ଉପରି ଭାଗରେ ଭାସମାନ ଅବସ୍ଥାରେ ରହୁଛନ୍ତି ।

ସାଧାରଣତଃ ଡଲଫିନ୍ ଓ ପର୍ପୋଜ୍ ଗଭୀର ସମୁଦ୍ରରେ ରହିଥାନ୍ତି । ହେଲେ ନିଃଶ୍ବାସ ନେବାକୁ ଓ ଢେଉରେ ଡିଆଁ ମାରିବାକୁ ଏମାନେ ବେଳେ ବେଳେ ସମୁଦ୍ର ଉପରକୁ ଆସିଥାନ୍ତି । ବହୁ ସମୟରେ ଏମାନଙ୍କୁ ସମୁଦ୍ର ଲହରୀ ସହ ଖେଳିବା, ବୋଟ୍ ଓ ଡଙ୍ଗା ଆଗପଛରେ ପହଁରିବା ଦେଖିବାକୁ ମିଳିଥାଏ । ଏହି ସମୟରେ ସମୁଦ୍ର ଉପରେ ଭାସୁଥିବା ଫଙ୍ଗସ୍ ଏମାନଙ୍କ ଶରୀର ଭିତରକୁ ପ୍ରବେଶ କରିଯାଇଥାନ୍ତି ।

ସାଲିଶ ସାଗରରେ ଏହି ଫଙ୍ଗସ୍ ପ୍ରଥମେ ୧୯୯୭ରେ ଠାବ ହୋଇଥିଲା । ସେତେବେଳେ କିଛି ଡଲଫିନ ଓ ପର୍ପୋଜ ମାଛଙ୍କ ମୃତ୍ୟୁ ଘଟିଥିଲା । ଏହାପରେ ୧୯୯୯ରେ ମଣିଷ ଦେହରେ ଫଙ୍ଗସର ସଂକ୍ରମଣ ହୋଇଥିଲା । ଜଳବାୟୁ ପରିବର୍ତ୍ତନର ଏହା ଏକ ଉଦାହରଣ ହୋଇପାରେ । କେମିତି ଫଙ୍ଗସ୍ ତିଷ୍ଠି ରହିବାକୁ ନିଜର ସୀମା ବଢ଼ାଇବାରେ ଲାଗିଛନ୍ତି ।

କେବଳ ଏହି ଫଙ୍ଗସ୍ ନୁହେଁ, ଆହୁରି କିଛି ଫଙ୍ଗସ୍ ମଧ୍ୟ ସେମାନଙ୍କ ପ୍ରଭାବ ଦେଖାଇବାର ନଜିର ରହିଛି । ୨୦୧୪ରୁ ୨୦୧୮ ମଧ୍ୟରେ କାଲିଫର୍ଣ୍ଣିଆର ଦକ୍ଷିଣ ଓ ପଶ୍ଚିମାଞ୍ଚଳରେ କୋକଡିୟୋଡେସ୍ ନାମକ ଫଙ୍ଗସର ସଂକ୍ରମଣ ଦେଖିବାକୁ ମିଳିଥିଲା । ଏହାକୁ ଭ୍ୟାଲି ଫିବର୍ ମଧ୍ୟ କୁହାଯାଇଥାଏ । ୨୦୧୯ ହୋଇଥିବା ମଡେଲିଂ ଷ୍ଟଡି ଅନୁସାରେ ୨୧୦୦ ମସିହା ବେଳକୁ ଏହି ବେମାରୀ କାୟା ମେଲାଇ କାନସାସ୍ ଓ ଉତ୍ତର ଡକୋଟା ପର୍ଯ୍ୟନ୍ତ ମାଡ଼ି ଯାଇଥିବ ।

ସେହିପରି ୨୦୧୯ରେ ଏମ୍-ବାୟୋରେ ଆସିଥିବା ଷ୍ଟଡି ଅନୁସାରେ ଡ୍ରଗ୍ସ ରେଜିଷ୍ଟାନ୍ସ ଫଙ୍ଗସ କାନଡିଡା ଆରିସ୍ ଏସିଆ, ୟୁରୋପ ଓ ଆମେରିକାରେ ଏକାଧିକ ଥର ବ୍ୟାପୀ ସାରିଛି । ୨୦୦୯ରେ ପ୍ରଥମେ ଟୋକିଓର ଜଣେ ମହିଳାଙ୍କଠାରେ ଏହା ମିଳିଥିଲା । ମଣିଷ ଶରୀରରେ ପ୍ରବେଶ କରିବା ପାଇଁ ଏହି ଫଙ୍ଗସ୍ ବଢ଼ୁଥିବା ତାପମାତ୍ରା ଓ ଗ୍ଲୋବାଲ ଓ୍ବାର୍ଣ୍ଣିଂର ସାହାରା ନେଇଥିଲା ଓ ନିଜକୁ ଅଧିକ ତାପମାତ୍ରାରେ ତିଷ୍ଠିବାକୁ ଯୋଗ୍ୟ କରିସାରିଛି ।

ୟୁନିର୍ଭସିଟି ଅଫ୍ କାର୍ଣ୍ଣିଫଲିଆ ଗବେଷକ ସାରା ଟେମାନ୍ କହିଛନ୍ତି, ‘ଜଳବାୟୁ ପରିବର୍ତ୍ତନ କାରଣରୁ ବହୁ ବିପଦ ଆସିବ । ହେଲେ, ସବୁଠାରୁ ବଡ଼ ବିପଦ ରୋଗକୁ ନେଇ ରହିଛି । ଯେକୌଣସି ସମୟରେ ଯେକୌଣସି ସ୍ଥାନରେ ଫଙ୍ଗସ୍, ଭାଇରସ ଓ ବ୍ୟାକ୍ଟେରିଆ ମଣିଷ ଏବଂ ପଶୁପକ୍ଷୀଙ୍କ ଉପରେ ଭାରି ପଡ଼ିପାରନ୍ତି । ଆମେ ଏମିତି ବେମାରୀର ମୁକାବିଲା କରିବାକୁ ପ୍ରସ୍ତୁତ ନାହଁ ।’

ଖାଉଟିଙ୍କୁ ଆଶ୍ୱସ୍ତି, କମିଲା ଖାଇବା ତେଲ ଦାମ୍

ନୂଆଦିଲ୍ଲୀ: ଖାଉଟିଙ୍କୁ ମିଳିବ ଆସ୍ୱସ୍ତି  ।  ଶସ୍ତା ହେବ ଖାଇବା ତେଲ  । ତେଲ ଦାମର ରାହାଜାନି ଭିତରେ ସାଧାରଣ ଗରିବୀ, ଖଟିଖିଆ ଖାଉଟି ଲୋକ ଅସ୍ତବ୍ୟସ୍ତ ହୋଇପଡ଼ିଛନ୍ତି  । ବଜାରକୁ ଗଲେ ତେଲ ନକିଣି ଫେରୁଥିଲେ ଖାଉଟି  । ପ୍ରଥମେ ପେଟ୍ରୋଲ, ଡ଼ିଜେଲରୁ ସେସ କମାଇବା ପରେ ଏବେ ଖାଇବା ତେଲ ଦାମ କମ କରିଛନ୍ତି କେନ୍ଦ୍ର ସରକାର  ।

ତେବେ ସୋୟାବିନ୍ ଓ ସୂର୍ଯ୍ୟମୁଖୀ ତେଲରୁ କେନ୍ଦ୍ର ସରକାର ସେସ୍ ୫ ପ୍ରତିଶତକୁ ହ୍ରାସ କରିଛନ୍ତି । ଯାହା ଫଳରେ ବିଭିନ୍ନ ତେଲଦର ଲିଟର ପିଛା ଦାମ ୪ରୁ ୭ ଟଙ୍କା ପର୍ଯ୍ୟନ୍ତ ହ୍ରାସ ପାଇବ ବୋଲି କୁହାଯାଇଛି । ଏହାପୂର୍ବରୁ କେନ୍ଦ୍ର ସରକାର ପେଟ୍ରୋଲ ଓ ଡିଜେଲ ଉପରୁ ମଧ୍ୟ ଏକ୍ସସାଇଜ୍ ଡ୍ୟୁଟି ହ୍ରାସ କରିଥିଲେ । ଦେଶର ବିଭିନ୍ନ ସ୍ଥାନରେ ତେଲଦର ଆକାଶ ଛୁଆଁ ହେଉଥିବାବେଳେ, କେନ୍ଦ୍ର ସରକାର ଦୀପାବଳି ଭେଟି ଦେଇଥିଲେ ।

ଖାଇବା ତେଲରୁ ସେସ୍‌ କମାଇଛି କେନ୍ଦ୍ର  । ଯଦ୍ୱାରା  ସନଫ୍ଲାଓ୍ବାର, ପାମ୍‌, ସୋୟାବିନ୍‌ ତେଲ ଆଦି ଖାଇବା ତେଲ ଦାମ କମ ହୋଇଛି  । ଏପରି ସ୍ଥିତିରେ ଖାଉଟି ସାମାନ୍ୟ ଆସ୍ୱସ୍ଥି ଅନୁଭବ କରିଛନ୍ତି  । ଦୁଇ ଦିନତଳେ କେନ୍ଦ୍ର ସରକାର ପେଟ୍ରୋଲ ଏବଂ ଡିଜେଲ ଦାମ ଯଥାକ୍ରମେ ୫ ଏବଂ ୧୦ ଟଙ୍କା ହ୍ରାସ କରିଥିଲେ  । ସେପଟେ ଓଡ଼ିଶା ସରକାର ମଧ୍ୟ ଡିଜେଲ ଏବଂ ପେଟ୍ରୋଲରୁ ୩ ଟଙ୍କା ଲେଖାଏଁ ଭାଟ ଛାଡ଼ କରିଛନ୍ତି  ।