spot_img
Home Blog Page 5136

ମାୟାନଗରୀକୁ ବ୍ୟାପିଛି ଚାନ୍ଦିପୁର କ୍ଷେପଣାସ୍ତ୍ର ଘାଟି ଗୁପ୍ତ ତଥ୍ୟ ଲିକର ଚେର

ଭୁବନେଶ୍ୱର: ଚାନ୍ଦିପୁର କ୍ଷେପଣାସ୍ତ୍ର ଘାଟିରୁ ଗୁପ୍ତ ତଥ୍ୟ ଲିକ୍ ଘଟଣାରେ ବଡ଼ ଟ୍ୱିଷ୍ଟ । ଦୁବାଇ ପରେ ଆସିଲା ମୁମ୍ବାଇ ଲିଙ୍କ୍ । ଗୁପ୍ତ ତଥ୍ୟ ଲିକରେ ରହିଛି ଆଉ ଜଣେ ମହିଳାଙ୍କ ସମ୍ପର୍କ । ଏନେଇ ସୂଚନା ଦେଇଛି କ୍ରାଇମବ୍ରାଞ୍ଚ । ସନ୍ଦିଗ୍ଧ ରହସ୍ୟମୟୀ ମହିଳା ଜଣଙ୍କ ଜଣେ ଅଭିଯୁକ୍ତଙ୍କୁ ୪୦ ହଜାର ଟଙ୍କା ଆବଶ୍ୟକତା ଥିବା କହିଥିଲେ । ୨୦୨୧ ଏପ୍ରିଲ୍ ୧୮ ତାରିଖରେ ସନ୍ଦିଗ୍ଧ ମହିଳା ଦେଇଥିବା ବ୍ୟାଙ୍କ ଆକାଉଣ୍ଟକୁ ଟଙ୍କା ପଠାଇଥିଲେ ଅଭିଯୁକ୍ତ ।

DRDO Espionage Case Crime Branch Reveals Another Woman's Involvement

ପରେ ଟଙ୍କା ନେବାର ଦିନକ ପରେ ସନ୍ଦିଗ୍ଧ ମହିଳା ଜଣଙ୍କ ଅଭିଯୁକ୍ତକୁ ୧୯ ତାରିଖରେ ଟଙ୍କା ଫେରାଇ ଦେଇଥିଲେ । ସବୁଠୁ ବଡ଼ କଥା ହେଉଛି ଏହି ଟଙ୍କା ଚାନ୍ଦିପୁରର ଜଣେ ଯୁବକଙ୍କ ଆକାଉଣ୍ଟରେ ଜମା ହୋଇଛି । ଅଭିଯୁକ୍ତ ପଠାଇଥିବା ଟଙ୍କା ମୁମ୍ବାଇର ୨ ଜଣ ପୁରୁଷ ଆକାଉଣ୍ଟକୁ ଯାଇଥିଲା । ପରେ ରହସ୍ୟମୟୀ ମହିଳା କ୍ୟାସ୍ ଡିପୋଜିଟ୍ କରି ଅଭିଯୁକ୍ତକୁ ଟଙ୍କା ଫେରାଇ ଦେଇଥିଲେ ।

DRDO Espionage Case Crime Branch Reveals Another Woman's Involvement

ଟଙ୍କା ଡିପୋଜିଟ୍ କରିଥିବା ଲୋକଙ୍କୁ ଚିହ୍ନଟ ପାଇଁ କ୍ରାଇମବ୍ରାଞ୍ଚ ଉଦ୍ୟମ କରୁଛି । ଅଭିଯୁକ୍ତକୁ ଟଙ୍କା ପଠାଇଥିବା ମୁମ୍ବାଇ ଆକାଉଣ୍ଟକୁ ଠାବ କରିବା ପାଇଁ ମୁମ୍ବାଇ ଯିବ କ୍ରାଇମବ୍ରାଞ୍ଚର ୨ଟି ଟିମ୍ । ତେବେ ୪୦ ହଜାର ଟଙ୍କା ନେଇ ଫେରାଇ ଦେଇଥିବା ରହସ୍ୟମୟୀ ଜଣଙ୍କ କିଏ ? ୟୁକେ ମୋବାଇଲ୍ ଫୋନ୍ ବ୍ୟବହାର କରିଥିବା ସନ୍ଦିଗ୍ଧ ଇଏ ନୁହଁନ୍ତି ତ ? ଏନେଇ କ୍ରାଇମବ୍ରାଞ୍ଚ ଖୋଳତାଡ଼ କରୁଛି ।

ବ୍ୟାଙ୍କ ଚାକିରି ପାଇଁ ବମ୍ଫର ଅଫର୍: ୧୮୨୮ ପଦବୀ ପାଇଁ କରନ୍ତୁ ଆବେଦନ

ନୂଆଦିଲ୍ଲୀ: ବ୍ୟାକ ଚାକିରି ପାଇଁ ପ୍ରସ୍ତୁତ ହେଉଛନ୍ତି କି ? ଆପଣଙ୍କ ପାଇଁ ଏକ ଖୁସି ଖବର । ପବ୍ଲିକ୍ ବ୍ୟାଙ୍କର ବିଭିନ୍ନ ବିଭାଗ ପାଇଁ ୧୮୨୮ ଆବେଦନ ବାହାରିଛି । ଆବେଦନର ଶେଷ ତାରିଖ ନଭେମ୍ବର ୨୩ ରହିଛି । ଶୀଘ୍ର ଶୀଘ୍ର ଆବେଦନ କରିନିଅନ୍ତୁ ଓ ସ୍ବପ୍ନ ପୂରଣ ଦିଗରେ ଆଗକୁ ବଢ଼ନ୍ତୁ । IBPS, ସ୍ପେସିଆଲିଷ୍ଟ ଅଫିସର (SO) ପଦବୀ ପାଇଁ ଏହି ନୋଟିଫିକେସନ୍ ବାହାର କରିଛି ।

ପରୀକ୍ଷ କେବେ ?

ନୋଟିଫିକେସନ୍ ଅନୁସାରେ ଏସଓ ପଦବୀ ପାଇଁ ଅନଲାଇନରେ ଆବେଦନ କରିବାକୁ ପଡ଼ିବ । ନଭେମ୍ବର ୩ ତାରିଖରୁ ଆବେଦନ ତାରିଖ ଆରମ୍ଭ ହୋଇସାରିଛି । ଆବେଦନର ଶେଷ ତାରିଖ ନଭେମ୍ବର ୨୩ । ଇଚ୍ଛୁକ ଆଶାୟୀ ଆଇବିପିଏଚ ଓ୍ବେବସାଇଟ୍ www.ibps.in ରେ ଆାବେଦନ କରିପାରିବେ ।

ଆବେଦନ କରିବା ପରେ ୨୩ ନଭେମ୍ବର ମଧ୍ୟରେ ଫିସ୍ ଦାଖଲ କରିବାକୁ ପଡ଼ିବ । ଅନଲାଇନ୍ ପ୍ରିଲିମ୍ସ ପରୀକ୍ଷା ତାରିଖ ନଭେମ୍ବର ୨୬ ତାରିଖ ଥିବା ବେଳେ ମେନ୍ ପରୀକ୍ଷା ୩୦ ଜାନୁଆରୀ ୨୦୨୨ରେ ହେବ ।

କେଉଁ ବ୍ୟାଙ୍କ ପାଇଁ ଆବେଦନ ?

ବ୍ୟାଙ୍କ ଅଫ ବରେଦା, ବ୍ୟାଙ୍କ ଅଫ୍ ଇଣ୍ଡିଆ, ବ୍ୟାଙ୍କ ଅଫ୍ ମହାରାଷ୍ଟ୍ର, କାନାରା ବ୍ୟାଙ୍କ, ସେଣ୍ଟ୍ରାଲ ବ୍ୟାଙ୍କ ଅଫ୍ ଇଣ୍ଡିଆ, ଇଣ୍ଡିଆନ ବ୍ୟାଙ୍କ, ଇଣ୍ଡିଆନ ଓଭରସିଜ ବ୍ୟାଙ୍କ, ପଞ୍ଜାବ ନ୍ୟାସନାଲ ବ୍ୟାଙ୍କ, ପଞ୍ଜାବ ଆଣ୍ଡ ସିନ୍ଦ ବ୍ୟାଙ୍କ, ୟୋକୋ ବ୍ୟାଙ୍କ ଏବଂ ୟୁନିୟନ ବ୍ୟାଙ୍କ ଅଫ୍ ଇଣ୍ଡିଆର ଏସଓ ପଦବୀ ପାଇଁ ଏହି ପଦବୀ ବାହାରିଛି । ମାନ୍ୟତାପ୍ରାପ୍ତ ବିଶ୍ବବିଦ୍ୟାଳୟ କିମ୍ବା ସଂସ୍ଥାରେ ଡିଗ୍ରୀ ପ୍ରାପ୍ତ କରିଥିବା ଆଶାୟୀ ଏଥିରେ ଆବେଦନ କରିପାରିବେ ।

କେଉଁ ପୋଷ୍ଟ ପାଇଁ କେତେ ପଦବୀ

୨୨୦ ଆଇଟି ଅଫିସର ପଦବୀ ପାଇଁ ଆବେଦନ ବାହାରିଛି । ୧୪ ହଜାର ୫ ଶହରୁ ୨୫ ହଜାର ୭ ଶହ ରହିଛି ଏହାର ପେ-ସ୍କେଲ । ସେହିପରି ୮୮୪ କୃଷୀ କ୍ଷେତ୍ର ଅଧିକାରୀ, ୮୪ ରାଜଭାଷା ଅଧିକାରୀ, ୪୪ ଲ’ ଅଫିସର, ୬୧ ଏଚଆର କିମ୍ବା ପର୍ସୋନାଲ ଅଫିସର, ୫୩୫ ମାର୍କେଟିଂ ଅଫିସର ପଦବୀ ପାଇଁ ଆବେଦନ ବାହାରିଛି । ସବୁ ପଦବୀ ପାଇଁ ପେ-ସ୍କେଲ୍ ୧୪ ହଜାର ୫ ଶହରୁ ୨୫ ହଜାର ୭ ଶହ ରହିଛି ।

ବୟସ କେତେ ହେବା ଦରକାର ?

୨୦୨୧ ନଭେମ୍ବର ୧ ତାରିଖ ସୁଦ୍ଧା ଆବେଦନକାରୀଙ୍କ ବୟସ ୨୦ ବର୍ଷରୁ ଅଧିକ ଓ ୩୦ ବର୍ଷରୁ କମ ହୋଇଥିବା ଆବଶ୍ୟକ । ଆବେଦନକାରୀଙ୍କ ଜନ୍ମ ୧୯୯୧ ନଭେମ୍ବର ୨ ତାରିଖ ପୂର୍ବରୁ ଓ ୨୦୦୧ ନଭେମ୍ବର ୧ ତାରିଖ ପରେ ହୋଇନଥିବା ଆବଶ୍ୟକ ।

ଆବେଦନ ଫି’ କେତେ ?

ସାଧାରଣ ବର୍ଗ, ଅନ୍ୟ ପଛୁଆ ବର୍ଗ ଓ EWS ଆଶାୟୀଙ୍କୁ ଆବେଦନ ଫି’ ବାବଦକୁ ୮୫୦ ଟଙ୍କା ଦେବାକୁ ପଡ଼ିବ । ସେହିପରି ଏସସି, ଏସଟି ଓ PWD ବର୍ଗଙ୍କୁ ୧୭୫ ଟଙ୍କା ଆବେଦନ ଫି’ ଦେବାକୁ ପଡ଼ିବ ।

ଦେଶ ଛାଡ଼ି ଯିବେନି ଅମ୍ବାନୀ ପରିବାର, ହେଲେ କାହିଁକି ଲଣ୍ଡନରେ କିଣିଲେ ୩୦୦ ଏକର ସମ୍ପତ୍ତି ଜାଣନ୍ତୁ

0

ମୁମ୍ବାଇ: ରିଲାଏନ୍ସ ଇଣ୍ଡଷ୍ଟ୍ରିସର ମାଲିକ ମୁକେଶ ଅମ୍ବାନୀ । ଦେଶରେ  ସବୁଠୁ ଧନୀ ବ୍ୟକ୍ତି । ଏ କଥା ତ ସମସ୍ତେ ଜାଣନ୍ତି ହେଲେ ବୋଧ ହୁଏ ଆପଣ ଜାଣି ନଥିବେ ଯେ ଅମ୍ବାନୀଙ୍କର ଦେଶ ବହାରେ ମଧ୍ୟ ବହୁତ ସମ୍ପତ୍ତି ରହିଛି । ନିକଟରେ ସେ ଲଣ୍ଡନର ଦାମୀ ଭିଲ୍ଲା ବା ଲଣ୍ଡନର ଆଇକନିକ କ୍ଲବ ଓ ରିଜୋର୍ଟ ‘ଷ୍ଟୋକ ପାର୍କ’କୁ କିଣିଛନ୍ତି।  ତେବେ ଯେବେଠୁ ସେ ଏହାକୁ କିଣିଲେଣି ସେବେଠୁ ଚର୍ଚ୍ଚା ହେଉଛି ଯେ ମୁକେଶ ଅମ୍ବାନୀ ତାଙ୍କ ପରିବାର ସହ ଦେଶ ଛାଡ଼ି ଲଣ୍ଡନ ସିଫ୍ଟ ହୋଇଯିବେ ।

କିନ୍ତୁ ବର୍ତ୍ତମାନ ସମସ୍ତ କଳ୍ପନା ଜଳ୍ପନାର ଅନ୍ତ ଘଟାଇ ରିଲାଏନ୍ସ ଗ୍ରୁପ ଏକ ବୟାନ ଜାରି କରିଛି । ଯେଉଁଥିରେ ଏଭଳି ଖବରକୁ ଭିତ୍ତିହୀନ ବୋଲି କୁହାଯାଇଛି । ବୟାନରେ କୁହାଯାଇଛି ଯେ ଏକ ଖବରକାଗଜରେ ପ୍ରକାଶ ପାଇଥିଲା ଯେ ଆମ୍ବାନୀ ପରିବାର ଲଣ୍ଡନ ଷ୍ଟୋକ୍ ପାର୍କରେ ରହିବାକୁ ଯୋଜନା କରୁଛି, ଯାହା ସୋସିଆଲ ମିଡିଆରେ ଅନୁଚିତ ତଥା ଭିତ୍ତିହୀନ କଳ୍ପନା ଜଳ୍ପନାର କାରଣ ପାଲଟିଛି। ତେଣୁ ଆମେ ସ୍ପଷ୍ଟ କରିଦେବାକୁ ଚାହୁଁ ଯେ ମୁକେଶ ଅମ୍ବାନୀ କି ତାଙ୍କର ପରିବାର ଲଣ୍ଡନ କିମ୍ବା ଭାରତ ବ୍ୟତୀତ ଦୁନିଆର ଅନ୍ୟ କୌଣସି ବି କୋଣରେ ରହିବାକୁ କୌଣସି ଯୋଜନା ନାହିଁ ।  

ଏସିଆର ସବୁଠାରୁ ଧନୀ ବ୍ୟକ୍ତି ମୁକେଶ ଅମ୍ବାନୀ ତାଙ୍କ ପରିବାର ସହିତ ମୁମ୍ବାଇରେ ୪୦ ହଜାର ବର୍ଗଫୁଟର ନିବାସ ଆଣ୍ଟିଲିଆରେ ରୁହନ୍ତି। ତେବେ ଗଣମାଧ୍ୟମ ରିପୋର୍ଟରେ କୁହାଯାଇଛି ଯେ ଅମ୍ବାନୀ ପରିବାର ଷ୍ଟୋକ୍ ପାର୍କରେ ୩ ଶହ ଏକର କଣ୍ଟ୍ରି କ୍ଲବ୍କୁକୁ କିଣିଛନ୍ତି ଓ ତାକୁ ନିଜରକ ବାସସ୍ଥାନ କରିବାକୁ ଯୋଜନା କରିଛନ୍ତି। ତେବେ ଏକାକୁ ଖଣ୍ଡନ କରି ରିଲାଏନ୍ସ ଗ୍ରୁପ କହିଛି ଯେ  ଷ୍ଟୋକ ପାର୍କକୁ କିଣିବା ପଛରେ କେବଳ ଗୋଟିଏ ଉଦ୍ଦେଶ୍ୟ ଯେ ଏହାକୁ ଗଲଫ୍ ଓ ସ୍ପୋର୍ଟ ରିଜର୍ଟ୍ ରୂପେ ଛିଡ଼ା କରିବା । ଆଉ ଏଥିପାଇଁ ସେଠାକାର ସମସ୍ତ ନିୟମ ମଧ୍ୟ ପାଳନ କରାଯାଉଛି। ରିଲାଏନ୍ସ ଗ୍ରୁପର ବ୍ୟବସାୟକୁ ଆହୁରି ଉପରକୁ ନେବା ପାଇଁ ବା ବଢ଼ାଇବା ପାଇଁ ଏହି ସମ୍ପତ୍ତି କିଣାଯାଇଛି । ଏହା ବ୍ୟତୀତ ଲଣ୍ଡର ଏହି ଆଇକନିକ କଣ୍ଟ୍ରି କ୍ଲବ ବିଶ୍ୱବ୍ୟାପୀ ଭାରତର ପ୍ରସିଦ୍ଧ ଆତିଥ୍ୟ ଶିଳ୍ପର ପଦଚିହ୍ନକୁ ବିସ୍ତାର କରିବ।’

 

ଶ୍ରୀଜଗନ୍ନାଥ ସଂସ୍କୃତିକୁ ଅସମ୍ମାନର ପ୍ରତିବାଦ କଲା ବିଜେଡି

ଭୁବନେଶ୍ୱର/ପୁରୀ: ଶ୍ରୀଜଗନ୍ନାଥ ସଂସ୍କୃତିକୁ ଅସମ୍ମାନର ପ୍ରତିବାଦ । ଭୁବନେଶ୍ୱର ମାଷ୍ଟରକ୍ୟାଣ୍ଟିନ ଛକ ନିକଟରେ ବିଜୁ ଜନତା ଦଳ ପକ୍ଷରୁ ବିଜେପିର ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ରଙ୍କ କୁଶପୁତ୍ତଳିକା ଦାହ କରାଯାଇଛି । ଏହି ଅବସରରେ ବିଜେଡି ଯୁବ ଓ ଛାତ୍ର ବ୍ୟାପାର ସାଧାରଣ ସମ୍ପାଦକ ପ୍ରଣବ ବଳବନ୍ତରାୟ ଓ ବିଜୁ ଛାତ୍ର ଜନତା ଦଳ ରାଜ୍ୟ ସଭାପତି ଦେବୀ ରଞ୍ଜନ ତ୍ରିପାଠୀ, ବିଜୁ ଜନତା ଦଳର ପ୍ରମୁଖ ନେତାମାନେ ଉପସ୍ଥିତ ଥିଲେ ।

 BJD Protest Against Dishonour To Jagannath Culture

ସେପଟେ ପୁରୀରେ ମଧ୍ୟ ଦୃଢ଼ ପ୍ରତିବାଦ କରିଛି ବିଜେଡି । ବ୍ୟାନରରେ ଶ୍ରୀଜଗନ୍ନାଥଙ୍କ ନାମ ତ୍ରୁଟିକୁ ନେଇ ଜିଲ୍ଲା ବିଜେଡି ପକ୍ଷରୁ ଦୃଢ ପ୍ରତିବାଦ ହୋଇଛି । ମାର୍କେଟ ଛକରେ ବିଧାୟକ ଜୟନ୍ତ ଷଡ଼ଙ୍ଗୀ ଓ ବିଜେପି ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ରଙ୍କ କୁଶ ପୁତ୍ତଳିକା ଦାହ କରାଯାଇଛି । ପୁରୀ ଆସି ନିସର୍ତ୍ତ କ୍ଷମା ପ୍ରାଥନା କରିବାକୁ ଦାବି କରିଛି ବିଜେଡି ।

ବଦଳିବ ଶ୍ରମିକ ହାଟର ଚିତ୍ର, ମୁଣ୍ଡକୁ ମିଳିବ ଛାତ

ଭୁବନେଶ୍ୱର: ସକାଳର ସୂର୍ଯ୍ୟ ଉଏଁ । ସୂର୍ଯ୍ୟଙ୍କ କିରଣ ବଢ଼ିବା ସହ ଏମାନେ ବଢ଼ନ୍ତି ଆଗକୁ । ରାସ୍ତାକଡ଼ରେ ଛିଡ଼ା ହୋଇ କାମଧନ୍ଦା ଖୋଜନ୍ତି । ରାଜଧାନୀ ଭୁବନେଶ୍ୱରର ନୟାପଲ୍ଲୀ, କଳ୍ପନା, ରସୁଲଗଡ଼, ଲିଙ୍ଗରାଜ ଷ୍ଟେସନ ଓ ଶିଖରପୁର ଅଞ୍ଚଳର ଏହା ନିତିଦିନିଆ ଚିତ୍ର । ହାତରେ କୋଡ଼ି କୋଦାଳ ଧରି ଏମିତି ଶ୍ରମିକ ହାଟରେ ଧାଡ଼ି ଧାଡ଼ି ହୋଇ ଛିଡ଼ା ହୋଇଥାନ୍ତ ମଣିଷ । କେଉଁଠି ଶୁଅନ୍ତି, କେଉଁଠି ଖାଆନ୍ତି କିଛି ଠିକ ଠିକଣା ନଥାଏ ।

BMC To Setup Shelter For Daily Labourers

ଏବେ ଏମାନଙ୍କ ପାଇଁ ଶ୍ରମ ବିଭାଗ ସହ ମିଶି ଅଣ୍ଟା ଭିଡ଼ିଛି ବିଏମସି । ଶ୍ରମିକ ଆବଶ୍ୟକୀୟ ସୁବିଧା ସହ ପାଇବେ ମୁଣ୍ଡ ଉପରେ ଛାତ । ନିର୍ମାଣ ହେବ ଶ୍ରମିକ ଆଶ୍ରୟ ସ୍ଥଳ । ରାଜଧାନୀରୁ ଆରମ୍ଭ ହୋଇ ରାଜ୍ୟର ସବୁ ପ୍ରମୁଖ ସହରରେ କାର୍ଯ୍ୟକାରୀ ହେବ ଏହି ବ୍ୟବସ୍ଥା । ଶ୍ରମିକଙ୍କୁ ସଂଗଠିତ କରିବା ଓ ସେମାନଙ୍କ ପାଇଁ ସହାୟତା ଯୋଗାଇବା ପାଇଁ ରାଜ୍ୟ ସରକାର ବିଭିନ୍ନ ପଦକ୍ଷେପ ନେଇଛନ୍ତି । ଆଉ ପାଦେ ଆଗକୁ ଯାଇ ଶ୍ରମିକଙ୍କୁ ସହଯୋଗ କରିବାକୁ ଆଗେଇ ଆସିଛନ୍ତି ରାଜ୍ୟ ସରକାର ।

BMC To Setup Shelter For Daily Labourers

ଖରା, ବର୍ଷା ଓ ଶୀତ ସବୁ ସମୟରେ ଖୋଲା ଆକାଶ ତଳେ ମୁଣ୍ଡ ଗୁଞ୍ଜିବାକୁ ଚେଷ୍ଟା କରନ୍ତି ଏମାନେ । ଏଭଳି ଶ୍ରମିକଙ୍କ ସମସ୍ୟାର ସମାଧାନ ପାଇଁ ଶ୍ରମ ବିଭାଗ ଓ ବିଏମସି ନେବାକୁ ଯାଉଛନ୍ତି ନୂଆ ପଦକ୍ଷେପ । ଖୁବଶୀଘ୍ର ରାଜଧାନୀର ପ୍ରମୁଖ ୫ରୁ ୬ଟି ସ୍ଥାନରେ ନିର୍ମାଣ ହେବ ଅତ୍ୟାଧୁନିକ ଶ୍ରମିକ ବିଶ୍ରାମ ଗୃହ । ଯେଉଁଠି ବିଶ୍ରାମ ସହ ରହିବା, ପାନୀୟ ଜଳ ଓ ଫ୍ୟାନ ସହିତ ନିକଟରେ ଆହାର କେନ୍ଦ୍ର ଭଳି ସ୍ୱଳ୍ପ ଖର୍ଚ୍ଚରେ ଖାଦ୍ୟର ବ୍ୟବସ୍ଥା ହେବ । ଶ୍ରମ କମିଶନର ଓ ବିଏମସି ଅତିରିକ୍ତ କମିଶନର ରାଜଧାନୀର ୬ଟି ସ୍ଥାନ ବୁଲି ତଦାରଖ କରିଛନ୍ତି । ରାଜଧାନୀରେ ଖୁବଶୀଘ୍ର ଏହି କାର୍ଯ୍ୟ ସମ୍ପାଦନ ହେବାକୁ ଥିବା ବେଳେ ପରବର୍ତ୍ତୀ ସମୟରେ ରାଜ୍ୟର ସମସ୍ତ ପ୍ରମୁଖ ସହରରେ ଏହା କାର୍ଯ୍ୟକାରୀ ହେବ ବୋଲି ଜଣାପଡ଼ିଛି ।

T20 World Cup: ଭାରତ ଖେଳିପାରେ ସେମି ଫାଇନାଲ, ଆବଶ୍ୟକ ଆଫଗାନିସ୍ତାନର ବିଜୟ

ନନ୍ଦିଘୋଷ ବ୍ୟୁରୋ: ଟି ୨୦ ୱାଲ୍ଡକପରେ ଭାରତ ପୁଣି ହାସଲ କରିଛି ବୃହତ ବିଜୟ । ଆଫଗାନିସ୍ତାନ ପରେ ସ୍କଟଲ୍ୟାଣ୍ଡକୁ ଧୁଳି ଚଟାଇଛି ଟିମ୍ ଇଣ୍ଡିଆ  । ବିଦେଶରେ ପ୍ରଥମରୁ ନୈରାଶ୍ୟଜନକ ପ୍ରଦର୍ଶନ କରିଥିବା ବିରାଟ ବାହିନୀ ଏବେ ପୂର୍ବ ପ୍ରଦର୍ଶନକୁ କମବ୍ୟାକ କରିଛି  । ତେବେ ଶେଷ ଦୁଇଟି ମ୍ୟାଚ ଭାରତର ସେମିଫାଇନାଲ ଆଶା ଉଜ୍ଜୀବିତ କରିଛି  । ଶୁକ୍ରବାର ସ୍କଟଲ୍ୟାଣ୍ଡକୁ ୮୫ ରନରେ ଅଲଆଉଟ କରିବା ଏବଂ ୭ ଓଭର ମଧ୍ୟରେ ମ୍ୟାଚକୁ ନିଜ ହାତକୁ ନେବାରେ ସକ୍ଷମ ହୋଇଥିଲା ଭାରତ  । ତେବେ ଟିମ ଇଣ୍ଡିଆର ଦମଦାର ପ୍ରଦର୍ଶନ ପରେ ଗ୍ରୁପ Bରେ NRR ଏମିତି ରହିଛି  । ଯାହା ଆଗାମୀ ଦିନରେ ଭାରତକୁ ସେମି ଫାଇନାଲ ପର୍ଯ୍ୟନ୍ତ ନେବାର ରାସ୍ତା ଦେଖାଇଛି  ।

ଆବଶ୍ୟକ ବଡ଼ ବ୍ୟବଧାନ

ସ୍କଟଲାଣ୍ଡକୁ ୮୫ ରନ କରିଥିବାବେଳେ ୧୭ ଓଭରରେ ଅଟକାଇ ଦେଇଥିଲା ଭାରତ ।  ସେପଟେ ଭାରତ ଯଦି ୫୩ ବଲରେ ମ୍ୟାଚ ବିଜୟ କରେ ତେବେ ନ୍ୟୁଜିଲ୍ୟାଣ୍ଡ ଠାରୁ ନେଟ ରନରେଟରେ ଉପରକୁ ଉଠିବାକୁ ଥିବାବେଳେ ୪୩ ବଲରେ ଜିତିବାର ଟାର୍ଗେଟ ଥିଲା ଆଫଗାନିସ୍ତାନ ଠାରୁ ରନରେଟରେ ଉପରକୁ ଯିବା  । ତେବେ ଭାରତ ୩୯ ବଲରେ  ହିଁ ସ୍କଟଲ୍ୟାଣ୍ଡ ଠାରୁ ମ୍ୟାଚ ଛଡ଼ାଇନେବା ସହିତ ଗ୍ରୁପ ବିରେ ସର୍ବାଧିକ ରନରେଟ ହାସଲ କରିଛି  ।

ଆଫଗାନିସ୍ତାର ବିଜୟ ଜରୁରୀ

ଏହି ରେକର୍ଡ ବିଜୟ ସହ ଗ୍ରୁପରେ ଅନ୍ୟ ଟିମକୁ ନେଟ ରନରେଟରେ ପଛରେ ପକାଇଛି । କିନ୍ତୁ ଏବେ ବି ଟିମ୍ ଇଣ୍ଡିଆ ପାଖରେ ସେମିଫାଇନାଲ ସୁଯୋଗ ରହିଛି । ହେଲେ ଏଥିପାଇଁ ଭାରତ ନୁହେଁ ବଂର ଆଫଗାନିସ୍ତାନର ଆବଶ୍ୟକତା ରହିଛି ।  ଏଥିପାଇଁ ଆଗାମୀ ଆଫଗାନିସ୍ତାନ-ନ୍ୟୁଜିଲ୍ୟାଣ୍ଡ ମ୍ଯାଚରେ ଆଫଗାନିସ୍ତାନକୁ ହିଁ  ବିଜୟ ହାସଲ କରିବା ଜରୁରୀ ହୋଇପଡିଛି । ଆସନ୍ତା ୭ ତାରିଖରେ ନ୍ୟୁଜିଲାଣ୍ଡ ବିପକ୍ଷରେ ଆଫଗାନିସ୍ତାନ ବିଜୟୀ ହେଲେ ହିଁ ଭାରତ ପଏଣ୍ଟ ଟେବୁଲରେ ନ୍ୟୁଜିଲ୍ୟାଣ୍ଡକୁ ଅତିକ୍ରମ କରିବ  । ଏଥିସହିତ ଭାରତ ଆଗାମୀ ମ୍ୟାଚରେ ମଧ୍ୟ ନିମିବିଆକୁ ଏକ ବଡ଼ ବ୍ୟବଧାନରେ ପରାଜିତ କରିବାର ଆବଶ୍ୟକତା ରହିଛି  ।

ରନରେଟରେ ଶୀର୍ଷରେ ଭାରତ

ଯଦି ଦେଖାଯାଏ, ଭାରତ ଏବେ ପଏଣ୍ଟ ଟେବୁଲରେ ୪ ପଏଣ୍ଟ ସହ ତୃତୀୟ ସ୍ଥାନରେ ରହିଛି  । ଅନ୍ୟପଟେ ନ୍ୟୁଜିଲ୍ୟାଣ୍ଡ ୬ ପଏଣ୍ଟରେ ରହିଛି  । ଯଦି  ଆଫଗାନିସ୍ତାନ ବିପକ୍ଷ ମ୍ୟାଚରେ ନ୍ୟୁଜିଲ୍ୟାଣ୍ଡ ପରାଜିତ ହୁଏ ତେବେ ପଏଣ୍ଟ ଟେବୁଲରେ ତୃତୀୟକୁ ଖସି ଆସିବ ଏବଂ ଭାରତ ଦ୍ୱିତୀୟ ସ୍ଥାନ ଅକ୍ତିଆର କରିବା ସହିତ ପାକିସ୍ତାନ ସହିତ ସେମି ଫାଇନାଲ ଖେଳିବାକୁ ଫିଟ ହେବ  । ଆଉ ଯଦି ୭ ତାରିଖ ମ୍ୟାଚରେ ନ୍ୟୁଜିଲାଣ୍ଡ ବିଜୟୀ ହୁଏ, ଭାରତର ସେମି ଫାଇନାଲ ଆଶାରେ ପୂର୍ଣ୍ଣଛେଦ ପଡ଼ିବ । ଏମିତିକି କେବଳ ଭାରତୀୟ କ୍ରିକେଟ ପ୍ରେମୀ ନୁହଁନ୍ତି , ଦଳର ଅଧିନାୟକ ବିରାଟ କୋହଲି ମଧ୍ୟ ୭ ତାରିଖର ମ୍ୟାଚ୍ ଉପରେ ଭାରତର ସେମିଫାଇନାଲ ଭବିଷ୍ୟତ ନିର୍ଭର କରୁଥିବା ସ୍ପଷ୍ଟ କରିଛନ୍ତି  ।

ରେକର୍ଡ ବ୍ରେକର୍ ବୁମରା: T20 ଇଣ୍ଟରନ୍ୟାସନାଲରେ ଦୁଇ ରେକର୍ଡ

ମୁମ୍ବାଇ: ଜସପ୍ରିତ ବୁମରା ଯେତେବେଳେ ରନିଂ ଟ୍ରାକରୁ ବୋଲିଂ ପାଇଁ ଆଗକୁ ବଢ଼ନ୍ତି ପୂରା ଷ୍ଟାଡିମୟରେ କେବଳ ଗୋଟିଏ ସ୍ବର ଶୁଣିବାକୁ ମିଳିଥାଏ । ତାହା ହେଲା ବୁମ୍ ବୁମ୍ ବୁମରା…, ବୁମ୍ ବୁମ୍ ବୁମରା… । ଆଉ ତା’ପରେ ବ୍ୟାଟ୍ସମ୍ୟାନଙ୍କ ଅବସ୍ଥା ଯାହା ହୁଏ ଆପଣ ତ ଦେଖିଛନ୍ତି । ବୋଲିଂ ହେଉ କି ଫିଲ୍ଡିଂ ସବୁଥିରେ ବୁମରା ନମ୍ବର ଓ୍ବାନ । ସେ କାହିଁକି ଭାରତର ନମ୍ବର ଓ୍ବାନ୍ ବୋଲର ତାହା ତାଙ୍କ ରେକର୍ଡ କହିଥାଏ । T20 World Cupରେ ସ୍କଟଲ୍ୟାଣ୍ଡ ବିପକ୍ଷ ମ୍ୟାଚରେ ବୁମରା କରିଛନ୍ତି ଦୁଇଟି ଦୁଇଟି ରେକର୍ଡ ।

ଗତକାଲି ଖେଳାଯାଇଥିବା ମ୍ୟାଚରେ ଭାରତ ଆଗରେ ସ୍କଟଲ୍ୟାଣ୍ଡ ଆତ୍ମସମର୍ପଣ କରି ଦେଇଥିଲା । ମାତ୍ର ୮୫ ରନରେ ପୂରା ଟିମ୍ ବ୍ୟାଭିଲିୟନର ରାସ୍ତା ଦେଖିଥିଲେ । ଭାରତ ୬.୩ ଓଭରରେ ଦୁଇ ଓ୍ବିକେଟ ହରାଇ ବିଜୟ ଲକ୍ଷ୍ୟ ହାସଲ କରି ନେଇଥିଲା । ଭାରତ ତରଫରୁ ମହମ୍ମଦ ଶାମି ଏବଂ ରବୀନ୍ଦ୍ର ଜାଡେଜାଙ୍କୁ ୩ଟି ଲେଖାଏଁ ଓ୍ବିକେଟ୍ ମିଳିଥିଲା । ରବୀଚନ୍ଦ୍ରନ ଅଶ୍ବିନୀଙ୍କ ଝୁଲାରେ ଗୋଟିଏ ଓ୍ବିକେଟ ପଡ଼ିଥିବା ବେଳେ ବୁମରା ୨ଟି ଓ୍ବିକେଟ ନେଇଥିଲେ । ହେଲେ ମ୍ୟାଚ ଶେଷ ବେଳକୁ ବୁମରା ଦୁଇଟି ରେକର୍ଡ କରିସାରିଥିଲେ । ଆସନ୍ତୁ ଜାଣିବା କ’ଣ ସେହି ରେକର୍ଡ ?

ଓ୍ବିକେଟ ନେବାରେ ନମ୍ବର ଓ୍ବାନ୍

ସ୍କଟଲ୍ୟାଣ୍ଡ ବିପକ୍ଷରେ ୩.୪ ଓଭରରେ ୧୦ ରନ୍ ଦେଇ ୨ଟି ଓ୍ବିକେଟ ନେଇ ବୁମରା ଭାରତୀୟ ବୋଲରଙ୍କ ମଧ୍ୟରେ ସବୁଠାରୁ ଅଧିକ ଇଣ୍ଟରନ୍ୟାସନାଲ ଓ୍ବିକେଟ ଟେକର ହୋଇଯାଇଛନ୍ତି । ୟୁଜବେନ୍ଦ୍ର ଚହଲଙ୍କୁ ପଛରେ ପକାଇ ଏହି ସଫଳତା ହାସଲ କରିଛନ୍ତି । ଏବେ ବୁମରା ୬୪ ୱିକେଟ ନେଇ ଭାରତୀୟ ବୋଲରଙ୍କ ମଧ୍ୟରେ ଇଣ୍ଟରନ୍ୟାସନାଲ ଓ୍ବିକେଟ ନେବାରେ ପ୍ରଥମ ସ୍ଥାନରେ ରହିଛନ୍ତି । ୟୁଜବେନ୍ଦ୍ର ଚହଲ ୬୩ ଓ୍ବିକେଟ ସହ ଦ୍ବିତୀୟ ନମ୍ବରରେ ଥିବା ବେଳେ ଅଶ୍ବିନୀ (୫୫), ଭୁବନେଶ୍ବର କୁମାର (୫୦) ଏବଂ ରବୀନ୍ଦ୍ର ଜାଡେଜା (୪୩) ଯଥାକ୍ରମେ ତୃତୀୟ, ଚତୁର୍ଥ ଓ ପଞ୍ଚମ ସ୍ଥାନରେ ରହିଛନ୍ତି ।

ମେଡେନ ଓଭରରେ ବି ନମ୍ବାର ଓ୍ବାନ୍

କେବଳ ଓ୍ବିକେଟ ନେବାରେ ନୁହେଁ ମେଡେନ୍ ଓଭର ଫିଙ୍ଗିବାରେ ବି ବୁମରାଙ୍କ ସହ କେହି ସମକକ୍ଷ ନୁହଁନ୍ତି । T20 ଇଣ୍ଟରନ୍ୟାସନାଲ୍ ମ୍ୟାଚରେ ମେଡେନ ନେବାରେ ବୁମରା ନମ୍ବର ଓ୍ବାନ  । ଶ୍ରୀଲଙ୍କାର ଏନ କୁଲଶେଖରାଙ୍କୁ ପଛରେ ପକାଇ ବୁମରା ଏହି କିର୍ତ୍ତୀମାନ ସ୍ଥାପନ କରିଛନ୍ତି । ୫୪ ମ୍ୟାଚ ଖେଳି ବୁମରା ୮ଟି ମେଡେନ୍ ଓଭର ପକାଇଛନ୍ତି । ଦ୍ବିତୀୟରେ କୁଲଶେଖରା ରହିଛନ୍ତି । ସେ ୫୮ ମ୍ୟାଚରେ ୬ଟି ମେଡେନ ଓଭର୍ ପକାଇଛନ୍ତି । ସେହିପରି ବାଂଲାଦେଶର ଏମ୍ ରେହମାନ ୫୯ ଚ୍ୟାଚରେ ୬ଟି ମେଡେନ୍ ଓଭର ଫିଙ୍ଗି ତୃତୀୟ ସ୍ଥାନରେ ରହିଛନ୍ତି ।

ବନ୍ଦ ଡାକରା ଦେଇ ଲୋକଙ୍କୁ ହଇରାଣ କରୁଛି ବିଜେପି, ରୋଗୀଙ୍କୁ ବି ରାସ୍ତା ଛାଡ଼ୁନି

ମୋହନା: ଶିକ୍ଷୟିତ୍ରୀ ମମିତା ମେହେର ହତ୍ୟା ଘଟଣା । ଏବେବି ଥମୁନି ବିଜେପିର ହୀନ ରାଜନୀତି । ବିଭିନ୍ନ ସ୍ଥାନରେ ବନ୍ଦ ଡାକରା ଦେଇ ସାଧାରଣ ଲୋକଙ୍କୁ ହଇରାଣ ହରକତ କରୁଛନ୍ତି ଆନ୍ଦୋଳନକାରୀ । ଗଜପତି ଜିଲ୍ଲା ମୋହନାରେ ବିଜେପିର ବନ୍ଦ ଯୋଗୁ ସାଧାରଣ ଲୋକ ହନ୍ତସନ୍ତ ହେଉଛନ୍ତି । ଏପରିକି ଗୁରୁତର ରୋଗୀଙ୍କୁ ମଧ୍ୟ ବାଟ ଛାଡ଼ୁ ନାହାଁନ୍ତି । ଗୁରୁତର ମହିଳା ଜଣଙ୍କ ଚିକିତ୍ସା ପାଇଁ ଭୁବନେଶ୍ବର ଆସୁଛନ୍ତି, ନାକରେ ପାଇପ୍ ଲାଗିଛି । ଚେକଅପ୍ ପରେ ଅପରେସନ ହେବାର ଅଛି । ହେଲେ ବନ୍ଦ ଯୋଗୁ ସେ ନାଚାର, ଅଧାରେ ଅଟକି ରହିଛନ୍ତି ।

BJP Not Allowing Patient Vehicle To Hospital During Strike In Mohana

ସେହିଭଳି ଭୁବନେଶ୍ୱରରେ ଝିଅର ପରୀକ୍ଷା ଫର୍ମ ଫିଲଅପ୍ ପାଇଁ ଡେଡଲାଇନ ଥିବାରୁ ଆସୁଥିବା ବେଳେ ବାଟରେ ଅଟକି ରହିଛନ୍ତି ଛାତ୍ରୀଙ୍କ ବାପା । ହେଲେ ଆନ୍ଦୋଳନ ପାଇଁ ସମୟ ପୂର୍ବରୁ ପହଞ୍ଚି ପାରିବେ କି ନାହିଁ ଆଶା ଆଶଙ୍କାରେ ପ଼ଡ଼ିଛନ୍ତି । ଝିଅର ଭବିଷ୍ୟତ କଥା ଚିନ୍ତା କରି ଆନ୍ଦୋଳନକାରୀଙ୍କୁ ନେହୁରା ହୋଇଛନ୍ତି । ହେଲେ ସେମାନେ ଛାଡ଼ିବାକୁ ନାରାଜ ।

BJP Not Allowing Patient Vehicle To Hospital During Strike In Mohana

ଏମିତିକି ଆମେ ଛାଡ଼ିବୁନି ତୁମ ପିଲାର ଭବିଷ୍ୟତ ଯାହା ହେଉଛି ହେଉ ବୋଲି ରୋକଠୋକ୍ କହିଛନ୍ତି ଆନ୍ଦୋଳନକାରୀ । ତେବେ ପ୍ରଶ୍ନ ଉଠୁଛି, ମମିତାଙ୍କୁ ନ୍ୟାୟ ଦେବା ଆଳରେ ଡ୍ରାମା ଚଲାଇଥିବା ବିଜେପିର ଏ ଆନ୍ଦୋଳନକାରୀ କାହା ସ୍ୱାର୍ଥ ପାଇଁ ଆନ୍ଦୋଳନ କରୁଛନ୍ତି ?

ଶ୍ରୀମନ୍ଦିରରେ ଶ୍ରୀଜିଉଙ୍କ ଦର୍ଶନ କଲେ 5T ସଚିବ ଭି.କେ ପାଣ୍ଡିଆନ୍

ପୁରୀ: ଆଜି ସକାଳୁ ପୁରୀ ଗସ୍ତ କରିଛନ୍ତି 5T ସଚିବ ଭି. କାର୍ତ୍ତିକେୟନ୍ ପାଣ୍ଡିଆନ । ଶ୍ରୀମନ୍ଦିରରେ ଶ୍ରୀଜୀଉଙ୍କ ଦର୍ଶନ କରିଛନ୍ତି 5T ସଚିବ । ଏହି ଅବସରରେ ସେ ଶ୍ରୀମନ୍ଦିର ଚତୁଃର୍ପାଶ୍ୱର ଉନ୍ନତିକରଣ କାର୍ଯ୍ୟ ସମ୍ପର୍କରେ ସେବାୟତଙ୍କ ସହ ଆଲୋଚନା କରିଛନ୍ତି ।

5T Secretary VK Pandian Visits Puri Jagannath Temple

କିଛି ଦିନ ତଳେ ପୁରୀ ଶ୍ରୀମନ୍ଦିର ଚାରିପାଖରୁ ପୁଣି ଉଚ୍ଛେଦ ଆରମ୍ଭ ହୋଇଥିବା ବେଳେ 5T ସଚିବଙ୍କ ଗସ୍ତ ଗୁରୁତ୍ୱବହନ କରୁଛି । ଶ୍ରୀନହର ସମ୍ମୁଖରେ ଥିବା ଶ୍ରୀମନ୍ଦିର କାର୍ଯ୍ୟାଳୟର ପୁରାତନ କୋଠାକୁ ଜିଲ୍ଲା ପ୍ରଶାସନ ପକ୍ଷରୁ ଗତ ସପ୍ତାହରେ ଉଚ୍ଛେଦ କରାଯାଇଛି । ଶ୍ରୀମନ୍ଦିରର ୭୫ ମିଟର ଐତିହ୍ୟ କରିଡର ମଧ୍ୟରେ ବର୍ତ୍ତମାନ ସୁଦ୍ଧା ୯୬ ପ୍ରତିଶତ ଜମି ସରକାର ଅଧିଗ୍ରହଣ କରି ସାରିଛନ୍ତି ।

ଏଥିସହ ପଢ଼ନ୍ତୁ: ଶ୍ରୀମନ୍ଦିର ଚାରିପାଖରୁ ପୁଣି ଉଚ୍ଛେଦ ଆରମ୍ଭ

ରାଜ୍ୟର ୨୧ ଜିଲ୍ଲାରୁ ୨୦୮ କୋଭିଡ୍ ପଜିଟିଭ୍

ଭୁବନେଶ୍ୱର: ଗତ ୨୪ ଘଣ୍ଟାରେ ରାଜ୍ୟରୁ ଆଉ ୨୦୮ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସଂକ୍ରମିତଙ୍କ ମଧ୍ୟରେ ଶୂନରୁ ୧୮ ବର୍ଷ ମଧ୍ୟରେ ୨୩ ଜଣ ଅଛନ୍ତି । ୧୧୯ ଜଣ ସଂକ୍ରମିତ କ୍ୱାରେଣ୍ଟାଇନରୁ ଚିହ୍ନଟ ହୋଇଥିବା ବେଳେ ୮୯ ଜଣ ସ୍ଥାନୀୟ ସଂକ୍ରମିତ । ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୯୯ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

ବାଲେଶ୍ୱରରୁ ୩ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ବରଗଡ଼ରୁ ଜଣେ, ଭଦ୍ରକରୁ ଜଣେ, ବୌଦ୍ଧରୁ ଜଣେ, କଟକରୁ ୨୦ ଜଣ, ଦେବଗଡ଼ରୁ ଜଣେ, ଢେଙ୍କାନାଳରୁ ଜଣେ, ଗଜପତିରୁ ୭ ଜଣ, ଗଞ୍ଜାମରୁ ୨ ଜଣ, ଜଗତସିଂହପୁରରୁ ୭ ଜଣ, ଯାଜପୁରରୁ ୧୨ ଜଣ, ଝାରସୁଗୁଡ଼ାରୁ ୫ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

ସେହିଭଳି କେନ୍ଦ୍ରାପଡ଼ାରୁ ୪ ଜଣ, କୋରାପୁଟରୁ ୨ ଜଣ, ମାଲକାନଗିରିରୁ ଜଣେ, ମୟୂରଭଞ୍ଜରୁ ୫ ଜଣ, ନୟାଗଡ଼ରୁ ଜଣେ, ପୁରୀରୁ ୩ ଜଣ, ନୟାଗଡ଼ରୁ ଜଣେ ଓ ଷ୍ଟେଟପୁଲରୁ ୨୩ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୧୦ ଲକ୍ଷ ୪୩ ହଜାର ୧୫୧କୁ ବୃଦ୍ଧି ପାଇଛି । କରୋନାରୁ ୧୦ ଲକ୍ଷ ୩୧ ହଜାର ୪୨୫ ଜଣ ସୁସ୍ଥ ହୋଇଥିବା ବେଳେ ୩୩୧୯ ସକ୍ରିୟ ସଂକ୍ରମଣ ମାମଲା ରହିଛି ।