spot_img
Home Blog Page 5106

ନିଲମ୍ବିତ ହେଲେ କୋଟିପତି ଇଞ୍ଜିନିୟରିଂ ପ୍ରତାପ ସାମଲ୍, ୨୦ ବର୍ଷ ତଳେ ବି ହୋଇଥିଲେ ସସପେଣ୍ଡ

ଭୁବନେଶ୍ୱର: ଆୟ ବହିର୍ଭୂତ ସମ୍ପତ୍ତି ଠୁଳ ମାମଲାରେ ଗିରଫ ହୋଇ ଜେଲ୍ ଯାଇଥିବା ଓପିଏଚଡବ୍ଲୁସି ଉପ ପ୍ରବନ୍ଧକ ପ୍ରତାପ ସାମଲଙ୍କୁ ନିଲମ୍ବନ କରାଯାଇଛି । ଏନେଇ ଓପିଏଚଡବ୍ଲୁସି ପକ୍ଷରୁ ନିର୍ଦ୍ଦେଶନାମା ପ୍ରକାଶ ପାଇଛି । ଭିଜିଲାନ୍ସ ଲଗାତାର ୨୨ ଘଣ୍ଟାର ରେଡ୍ ପରେ ପ୍ରତାପଙ୍କ ଆୟ ଠାରୁ ୧୦୨୧ ଗୁଣ ଅଧିକ ସମ୍ପତ୍ତି ଠାବ କରିଥିଲା । ପ୍ରତାପ ଓ ତାଙ୍କ ସମ୍ପର୍କୀୟଙ୍କ ନିକଟରୁ ୧୪ କୋଟିରୁ ସମ୍ପତ୍ତି ମିଳିଥିଲା । ପ୍ରତାପ ପତ୍ନୀଙ୍କ ସହିତ ମିଶି ଦୁଇ ଦୁଇଟି ଓଡ଼ିଆ ଚଳଚ୍ଚିତ୍ରର ପ୍ରଯୋଜନା ମଧ୍ୟ କରିଛନ୍ତି ।

ଓଡ଼ିଶା ଭିଜିଲାନ୍ସ ଇତିହାସରେ ସବୁଠୁ ବଡ଼ ଦୁର୍ନୀତି ଖୋର୍ ଅଧିକାରୀ ପ୍ରତାପ ସାମଲ୍ ପୂର୍ବରୁ ମଧ୍ୟ ନିଲମ୍ବିତ ହୋଇଥିଲେ । ୨୦ ବର୍ଷ ତଳେ ୨୦୦୧ ମସିହା ଜାନୁଆରୀ ୧୬ରେ ଏପିଏମ୍ ଥିବାବେଳେ ନିମ୍ନମାନର କାମ ଓ କାର୍ଯ୍ୟରେ ଅବହେଳା ପାଇଁ ପ୍ରତାପଙ୍କୁ ନିଲମ୍ବନ କରାଯାଇଥିଲା । ସିମୁଳିଆ, ସୋର ସହ ବାଲେଶ୍ୱର ଓ ଭଦ୍ରକ ଜିଲ୍ଲାରେ ନିମ୍ନମାନର ବିଶ୍ରାମାଗାର ଓ ପାଇଖାନା ନିର୍ମାଣ କରିଥିଲେ ପ୍ରତାପ ।

୨୦୧୬ ମସିହା ଜୁନ୍ ୮ରେ ପ୍ରତାପ ସାମଲଙ୍କ ବିରୋଧରେ ବିଭାଗୀୟ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା । ଭୁବନେଶ୍ୱର ଡିଭିଜନର ଡେପୁଟି ମ୍ୟାନେଜର ଥିବାବେଳେ ପ୍ରତାପ ଅନଧିକୃତ ଭାବେ ଜାମୁଝରୀ ସ୍ଥିତ ପ୍ରିଜନ ଏକାଡେମୀ ଲେଡିଜ୍ ହଷ୍ଟେଲର ଦ୍ୱିତୀୟ ମହଲା କାମ କରିଥିଲେ । ଏନେଇ ୨୦୧୭ ଜୁଲାଇ ୧୨ ତାରିଖରେ ୧୯୩.୭୬ ଲକ୍ଷଲ ଟଙ୍କା କ୍ଷତି ନେଇ ଭିଜିଲାନ୍ସରେ ଅଭିଯୋଗ ହୋଇଥିଲା ।

ବଲାଙ୍ଗିର-ଭବାନୀପାଟଣା ଡେପୁଟି ମ୍ୟାନେଜର ଥିବାବେଳେ ୨୦୧୭ ଜୁନ୍ ୨୧ରେ ପ୍ରତାପଙ୍କ ଠାରୁ ୨୪ ହଜାର ୮୬୦ ଟଙ୍କା କ୍ଷତିପୂରଣ ନେଇ ନିର୍ଦ୍ଦେଶନାମା ଜାରି ହୋଇଥିଲା । ୨୦୦୬ ଡିସେମ୍ବରରେ ଭୁବନେଶ୍ୱରରେ ଏପିଏମ୍ ଥିବାବେଳେ ସର୍ବୋଚ୍ଚ ଯନ୍ତ୍ରୀଙ୍କୁ ଦୁର୍ବ୍ୟବହାର ନେଇ ପ୍ରତାପଙ୍କ ବିରୋଧରେ ବିଭାଗୀୟ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା । ଏବେ କୋଟି କୋଟି ଟଙ୍କାର ସମ୍ପତ୍ତି ମିଳିବା ପରେ ବିଭାଗ ତାଙ୍କୁ ନିଲମ୍ବନ କରିଛି ।

ଦେଶର ତିନୋଟି ଶ୍ରେଷ୍ଠ ଥାନା ମଧ୍ୟରେ ଗଞ୍ଜାମର ଗାଙ୍ଗପୁର ଥାନାକୁ ପୁରସ୍କୃତ କରିବେ ଗୃହମନ୍ତ୍ରୀ

ସଫଳ ହେଉଛି ମୁଖ୍ୟମନ୍ତ୍ରୀଙ୍କ ସ୍ୱପ୍ନ। ରାଜ୍ୟରେ ସଫଳ ହେଉଛି ପୋଲିସ୍ ସଂସ୍କାର। ଉତ୍ତମ ସେବା ସହ ଲୋକଙ୍କୁ ମିଳୁଛି ନ୍ୟାୟ। ଶିକ୍ଷା, ସ୍ଵାସ୍ଥ୍ୟ, କ୍ରୀଡ଼ା ପରେ ପୋଲିସ ବିଭାଗ ପ୍ରତିଟି କ୍ଷେତ୍ରରେ ରାଜ୍ୟବାସୀ ବିକଶିତ ଓଡ଼ିଶାର ଛବି ଦେଖିବାକୁ ପାଉଛନ୍ତି। ରାଜ୍ୟରେ ପୋଲିସ ସଂସ୍କାରକୁ ଏବେ ମିଳିଛି କେନ୍ଦ୍ର ସରକାରଙ୍କ ସ୍ୱୀକୃତି। ଏକ ଉଲ୍ଲେଖନୀୟ ଘଟଣାକ୍ରମେ ଦେଶର ତିନୋଟି ଶ୍ରେଷ୍ଠ ଥାନା ମଧ୍ୟରେ ଗଞ୍ଜାମ ଜିଲ୍ଲାର ଗାଙ୍ଗପୁର ଥାନା ଅନ୍ତର୍ଭୁକ୍ତ ହୋଇଛି।

ଆସନ୍ତା ୧୯ ତାରିଖରେ ଲକ୍ଷ୍ନୌ ସ୍ଥିତ କେନ୍ଦ୍ରୀୟ ପୋଲିସ ମୁଖ୍ୟାଳୟ ଠାରେ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ କେନ୍ଦ୍ର ଗୃହମନ୍ତ୍ରୀ ପୁରସ୍କାର ପ୍ରଦାନ କରିବେ। ଗାଙ୍ଗପୁର ଥାନା ଆଇଆଇସି ଧୀରେଶ ଦାଶ ସାମିଲ ହୋଇ ଟ୍ରଫି ଗ୍ରହଣ କରିବାକୁ ଏଡିଜି ଗଞ୍ଜାମ ଏସପିଙ୍କୁ ପତ୍ର ଲେଖିଛନ୍ତି। ଅପରାଧ ନିୟନ୍ତ୍ରଣ, CCTNSରେ କେସ୍ ରେଜିଷ୍ଟ୍ରେସନ୍‌, ଏନ୍‌ଫୋର୍ସମେଣ୍ଟ, ସ୍ଵଚ୍ଛତା, ଜନସାଧାରଣଙ୍କ ମତାମତ ଆଦି ପ୍ରସଙ୍ଗକୁ ନେଇ କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରଣାଳୟ ଏକ ସର୍ଭେ କରିଥିଲା।

ସେଥିରେ ଗଞ୍ଜାମ ଜିଲ୍ଲାର ଗାଙ୍ଗପୁର ଥାନା ଟପ୍ – ୩ ମଧ୍ୟରେ ରହିଛି। ଏହା ରାଜ୍ୟ ପାଇଁ ଏକ ଗୌରବର ବିଷୟ ବୋଲି କହିଛନ୍ତି ଦକ୍ଷିଣାଞ୍ଚଳ ଡିଆଇଜି। ରାଜ୍ୟ ସରକାର ପୋଲିସ ବିଭାଗକୁ ଅଧିକ କ୍ରିୟାଶୀଳ କରି ସାଧାରଣ ଜନତାଙ୍କୁ ସୁରକ୍ଷା ଓ ସେବା ଯୋଗାଇବାକୁ ଅନେକ ପ୍ରୟାସ କରୁଛନ୍ତି। ତାହାର ଫଳସ୍ୱରୂପ ଏଭଳି ସଫଳତା ମିଳିପାରିଛି ବୋଲି କହିଛନ୍ତି ଅଞ୍ଚଳବାସୀ ଓ ବୁଦ୍ଧିଜୀବୀ।

କରୋନା ମହାମାରୀ ସମୟରେ କୋଭିଡ୍ ଗାଇଡ୍‌ଲାଇନ୍‌ ଏନ୍‌ଫୋର୍ସମେଣ୍ଟ୍ ଭଳି କର୍ତ୍ତବ୍ୟ ସାଙ୍ଗକୁ ପୋଲିସ ନିଜ ସାମାଜିକ ଦାୟିତ୍ୱକୁ ସୂଚାରୁ ରୂପେ ତୁଲାଇ ସାଧାରଣ ଜନତାଙ୍କ ପ୍ରିୟ ଭାଜନ ହୋଇଛି।

ବିଜେଡିରେ ଯୋଗଦେଲେ ବରିଷ୍ଠ ସାମ୍ବାଦିକ ଗୌତମବୁଦ୍ଧ ଦାସ

ଭୁବନେଶ୍ଵର: ବରିଷ୍ଠ ସାମ୍ବାଦିକ ତଥା ବାଲେଶ୍ଵର ଜିଲ୍ଲା ଭୋଗରାଇର ଜଣାଶୁଣା ସମାଜସେବୀ ଗୌତମବୁଦ୍ଧ ଦାସ ବିଜୁ ଜନତା ଦଳରେ ଯୋଗ ଦେଇଛନ୍ତି। ଆଜି ଏଠାରେ ଆୟୋଜିତ ଏକ କାର୍ଯ୍ୟକ୍ରମରେ ବିଜେଡିର ସାଙ୍ଗଠନିକ ସମ୍ପାଦକ ବିଧାୟକ ପ୍ରଣବ ପ୍ରକାଶ ଦାସ ତାଙ୍କୁ ଦଳୀୟ ଉତ୍ତରୀୟ ପିନ୍ଧାଇ ଦଳକୁ ସ୍ଵାଗତ କରିଥିଲେ ଏବଂ ଗୌତମବୁଦ୍ଧଙ୍କ ଯୋଗଦାନ ଫଳରେ ଦଳ ସାଂଗଠନିକ ଓ ବୌଦ୍ଧିକ ସ୍ତରରେ ଅଧିକ ସଶକ୍ତ ହେବ ବୋଲି କହିଥିଲେ। ଏହି ଅବସରରେ ରାଜ୍ୟ ସରକାରଙ୍କ ଗଣମାଧ୍ୟମ ଉପଦେଷ୍ଟା ତଥା ବିଜେଡି ସାଧାରଣ ସମ୍ପାଦକ ମାନସ ମଙ୍ଗରାଜ, ପାରାଦୀପ ବିଧାୟକ ସମ୍ବିତ ରାଉତରାୟ, ବିଜେଡି ସମ୍ପାଦକ ଅମରେଶ ଜେନା, ସମ୍ପାଦକ କୁନବିହାରୀ ଦାସ, ଓଡ଼ିଶା ମୋ ପରିବାରର ସଂଯୋଜକ ଡ. ପ୍ରକାଶ ତିପାଠୀ, ଛାତ୍ରନେତା ଦୀନବନ୍ଧୁ ପତି ଓ ରୋଜା ଘୋଷ ପ୍ରମୁଖ ଉପସ୍ଥିତ ଥିଲେ।

କୋହଲା ପାଗ ସାଙ୍ଗକୁ ଝିପିଝିପି ବର୍ଷା…

ଭୁବନେଶ୍ୱର: କୋହଲା ପାଗ ସାଙ୍ଗକୁ ଝିପିଝିପି ବର୍ଷା। ଗୋପାଳପୁରରେ ସର୍ବାଧିକ ୮.୨ ମିଲିମିଟର ବର୍ଷା ରେକର୍ଡ ହୋଇଥିବା ବେଳେ ଉପକୂଳ ଓଡ଼ିଶାର ଅଧିକାଂଶ ସ୍ଥାନରେ ହାଲୁକା ବର୍ଷା ହୋଇଛି। ବଙ୍ଗୋପସାଗରରେ ସୃଷ୍ଟି ହୋଇଥିବା ଅବପାତ ଏବେ ଦକ୍ଷିଣ ପଶ୍ଚିମ ବଙ୍ଗୋପସାଗର ଉପରେ ସକ୍ରିୟ ରହିଛି। ଯାହାର ପ୍ରଭାବରେ ଓଡ଼ିଶାର କିଛି ଜିଲ୍ଲାରେ ସ୍ଥାନେ ସ୍ଥାନେ ହାଲୁକା ବର୍ଷା ହୋଇଛି।

ଖୋର୍ଦ୍ଧା, ପୁରୀ, କଟକ, ଜଗତସିଂହପୁର, ଗଜପତି ଜିଲ୍ଲାରେ ପାଗ କୋହଲା ରହିବା ସହ କିଛି ସ୍ଥାନରେ ଝିପିଝିପି ବର୍ଷା ଦେଖିବାକୁ ମିଳିଛି। ତେବେ ଏହି ଲଘୁଚାପ ଦୁର୍ବଳ ହେବା ପରେ ପୁଣି ୧୩ ତାରିଖ ବେଳକୁ ଦକ୍ଷିଣ ଆଣ୍ଡାମାନ ସାଗରରେ ଏକ ଲଘୁଚାପ ସୃଷ୍ଟି ହେବାର ସମ୍ଭାବନା ରହିଛି। ଏହା ପରବର୍ତ୍ତୀ ୪୮ ଘଣ୍ଟା ମଧ୍ୟରେ ପଶ୍ଚିମ-ଉତ୍ତର ପଶ୍ଚିମ ଦିଗରେ ଗତି କରିବ। ପରେ ଏହା ଘନୀଭୁତ ହୋଇ ଓ୍ୱେଲମାର୍କ ଲୋ ପ୍ରେସରରେ ପରିଣତ ହେବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର।

ଏହାର ପ୍ରଭାବରେ ୧୩ ରୁ ୧୬ ତାରିଖ ପର୍ଯ୍ୟନ୍ତ ରାଜ୍ୟର ଅଧିକାଂଶ ଜିଲ୍ଲାରେ କୋହଲା ପାଗ ରହିବା ସହ କିଛି ସ୍ଥାନରେ ବର୍ଷା ହେବାର ସମ୍ଭାବନା ରହିଥିବା ପାଣିପାଗ କେନ୍ଦ୍ର ପକ୍ଷରୁ କୁହାଯାଇଛି। ତେବେ ବର୍ଷା ସମୟରେ ରାଜ୍ୟର ଅଧିକାଂଶ ସ୍ଥାନରେ ରାତ୍ରୀର ତାପମାତ୍ରା ସ୍ୱାଭାବିକ ଠାରୁ ୨ ରୁ ୩ ଡିଗ୍ରୀ ପର୍ଯ୍ୟନ୍ତ ବୃଦ୍ଧି ହେବ। ୧୭ ତାରିଖ ବେଳକୁ ପାଗରେ ପରିବର୍ତ୍ତନ ଆସିବ।

ଖୁବଶୀଘ୍ର ସ୍ୱଭାବିକ ହେବ ଟ୍ରେନ୍ ଚଳାଚଳ, ମିଳିବ ପୂର୍ବ ସୁବିଧା

ଭୁବନେଶ୍ୱର: ସ୍ୱଭାବିକ ହେବ ଭାରତର ସର୍ବବୃହତ ଯାତାୟାତ ମାଧ୍ୟମ । କରୋନା ପାଇଁ ପ୍ରଭାବିତ ହୋଇଥିବା ଓ ଲୋକଙ୍କ ଜୀବନକୁ ପ୍ରଭାବିତ କରିଥିବା ଟ୍ରେନ୍ ସେବା ଖୁବଶୀଘ୍ର ସ୍ୱଭାବିକ ହେବ । ଦେଶରେ ପୁଣି ପୂର୍ବଭଳି ଟ୍ରାକରେ ଦୌଡ଼ିବ ସବୁ ଟ୍ରେନ୍ । ଟ୍ରେନରୁ ହଟିବ ସ୍ପେଶାଲ୍ ଟ୍ୟାଗ୍ । ଦୁଇ ମାସ ମଧ୍ୟରେ ଦେଶରେ ଟ୍ରେନ୍ ସେବା ପୂର୍ବାବସ୍ଥାକୁ ଫେରି ଆସିବ ବୋଲି ସୂଚନା ଦେଇଛନ୍ତି ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ ।

Trains In The Country Will Become Normal In Two Months

ମହାମାରୀ କରୋନା ପାଇଁ ବଢ଼ିଥିବା ଟ୍ରେନ୍ ଭଡ଼ା ହ୍ରାସ୍ ପାଇବ ବୋଲି ସୂଚନା ଦେଇଛନ୍ତି ରେଳ ମନ୍ତ୍ରୀ । ଏନେଇ ରାଜ୍ୟ ସରକାରଙ୍କ ସହ ଆଲୋଚନା ଚାଲିଥିବା କହିଛନ୍ତି ମନ୍ତ୍ରୀ । ଟ୍ରେନରୁ ସ୍ପେଶାଲ ଟାଗ ହଟିବା ପରେ ଭଡ଼ା କମିବ । କରୋନା ପୂର୍ବରୁ ମିଳୁଥିବା ସମସ୍ତ ସୁବିଧା ଓ ସେବା ଯାତ୍ରୀ ପୂର୍ବଭଳି ପାଇ ପାରିବେ । କରୋନା ପ୍ରଭାବ ହ୍ରାସ ପରେ ବିଶ୍ୱ ସ୍ତରରେ ସ୍ଥିତି ସୁଧୁରୁଥିବା ବେଳେ ସମସ୍ତ ଟ୍ରେନ୍ ଚଳାଚଳ ପାଇଁ ପଦକ୍ଷେପ ନେଉଛି ରେଳ ମନ୍ତ୍ରଣାଳୟ ।

Trains In The Country Will Become Normal In Two Months

ପୂର୍ବଭଳି ବରିଷ୍ଠ ନାଗରିକ, ଭିନ୍ନକ୍ଷମଙ୍କୁ ରିହାତି ଦରରେ ଟିକେଟ୍ ଯୋଗାଇ ଦେବ ରେଳବାଇ । କରୋନା ସ୍ଥିତି ଉପରେ ରେଳ ମନ୍ତ୍ରଣାଳୟ ନଜର ରଖିଥିବା ବେଳେ ଟ୍ରେନ୍ ସେବା ସମ୍ପୂର୍ଣ୍ଣ ସ୍ୱଭାବିକ ହେବ । ଏବେ ଦେଶର ୨୫ ହଜାରରୁ ଅଧିକ ଡାକ ଘରେ ଟ୍ରେନ୍ ଟିକେଟ୍ ମିଳୁଥିବା ସୂଚନା ଦେଇଛନ୍ତି ମନ୍ତ୍ରୀ ।

ବିଜେପୁରରୁ ବରଗଡ଼ ବିକାଶର ପ୍ରତିଶ୍ରୁତି, ଦିନକ ପରେ BSKY ସ୍ମାର୍ଟ ହେଲ୍‌ଥ କାର୍ଡର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ

ଭୁବନେଶ୍ୱର: ବିଜେପୁରରୁ ବରଗଡ଼ ବିକାଶର ପ୍ରତିଶ୍ରୁତି। ବଦଳିଛି ବରଗଡ଼, ଆହୁରି ଅଧିକ ବିକାଶର ଆଶ୍ୱାସନା। ନବୀନଙ୍କ ଦ୍ୱିତୀୟ ନିର୍ବାଚନମଣ୍ଡଳୀ ବିଜେପୁର। କଥା ଦେଇ କଥା ରଖିଛନ୍ତି ନବୀନ। ଏବେ ଆହୁରି ସ୍ମାର୍ଟ ହେବ ବରଗଡ଼। ଆସନ୍ତା ୧୩ ତାରିଖରେ ବରଗଡ଼ ଗସ୍ତରେ ଯାଇ BSKY ସ୍ମାର୍ଟ ହେଲ୍‌ଥ କାର୍ଡ ବଣ୍ଟନର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।

ଉତ୍ତମ ସ୍ୱାସ୍ଥ୍ୟସେବାର ଗ୍ୟାରେଣ୍ଟି ଦେଉଥିବା ସ୍ମାର୍ଟ କାର୍ଡ ହିତାଧିକାରୀଙ୍କୁ ବାଣ୍ଟିବେ ମୁଖ୍ୟମନ୍ତ୍ରୀ। ଏହାପରେ ପ୍ରତି ପଞ୍ଚାୟତରେ ମନ୍ତ୍ରୀ ଓ ବିଧାୟକ ଜିଲ୍ଲାର ସବୁ ହିତାଧିକାରୀଙ୍କୁ କାର୍ଡ ବାଣ୍ଟିବେ। ଏଥିସହ ବିଜେପୁରରେ ୨୯୫କୋଟି ଟଙ୍କାରେ ୧୫୦ରୁ ଅଧିକ ପ୍ରକଳ୍ପର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ। ଦେଶରେ ସ୍ୱାସ୍ଥ୍ୟକ୍ଷେତ୍ରରେ ବିଜୁ ହେଲ୍‌ଥ କାର୍ଡ ବୈପ୍ଳବିକ ପରିବର୍ତ୍ତନ ଆଣିଥିବା ବିଜେଡି କହିଛି।

ଗରିବଙ୍କ ପାଇଁ ଖୁସିର ମାଷ୍ଟର କି’ ସ୍ମାର୍ଟ ହେଲ୍‌ଥ କାର୍ଡ। ରାଜ୍ୟର ୯୬ ଲକ୍ଷ ପରିବାରର ସାଢେ ତିନି କୋଟି ଲୋକ ଏଥିରେ ଉପକୃତ ହେବେ। ପୁରୁଷଙ୍କୁ ୫ଲକ୍ଷ ଓ ମହିଳାଙ୍କୁ ୧୦ ଲକ୍ଷ ପର୍ଯ୍ୟନ୍ତ ଚିକିତ୍ସା ସୁବିଧା ମିଳୁଛି। ରାଜ୍ୟ ଓ ରାଜ୍ୟ ବାହାରର ୨ଶହ ବଡ଼ ହସପିଟାଲରେ ମାଗଣା ସ୍ୱାସ୍ଥ୍ୟସେବା ମିଳୁଛି। ସେପଟେ ମୁଖ୍ୟମନ୍ତ୍ରୀଙ୍କ ଗସ୍ତ ପାଇଁ ପ୍ରସ୍ତୁତ ହେଉଛି ବିଜେପୁର।

ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ସ୍ମାର୍ଟ କାର୍ଡରେ ମିଳୁଛି ମାଗଣା ଚିକିତ୍ସା। କେବଳ କାର୍ଡ ଦେଖାଇଲେ ବଡ଼ ହସପିଟାଲ୍‌ରେ ସ୍ୱାସ୍ଥ୍ୟସେବା ମିଳୁଛି। ହିତାଧିକାରୀଙ୍କ ମୁହଁରେ ସ୍ମାର୍ଟ କାର୍ଡର ସଫଳତା। ମୁଖ୍ୟମନ୍ତ୍ରୀ ମଧ୍ୟ ସୋସିଆଲ୍‌ ମିଡିଆରେ ଖୁସି ବ୍ୟକ୍ତ କରିଛନ୍ତି।

ଅମଳ ବେଳେ ଚକଡ଼ା ଚଡ଼କ, ନଷ୍ଟ ହୋଇଗଲା ଏକର ଏକର ଧାନ ଫସଲ

ପିପିଲି: ପାଚିଲା ଧାନରେ ଚକଡ଼ା ପୋକ । ହଳଦିଆ ପଡ଼ି ଯାଉଛି ଅମଳ ଯୋଗ୍ୟ ଧାନ ଗଛ । ହେକ୍ଟର ହେକ୍ଟର ଏକର ଫସଲ ନଷ୍ଟ । ଧାନ ପାଚିବା ଆରମ୍ଭ ହେଲାଣି । ଆଉ ଦିନ କେଇଟା ପରେ ଅମଳ ହୋଇଥାନ୍ତା । କ୍ଷେତରେ ସୁନାର ଫସଲକୁ ଦେଖି ଉତ୍ସାହିତ ଥିଲେ ଚାଷୀ । ହେଲେ ଧାନ ପାଚିବା ସମୟରେ ଦାଉ ସାଜୁଛି ଚକଡ଼ା ପୋକ । ପୁରୀ ଜିଲ୍ଲା ପିପିଲି ବ୍ଲକର ପ୍ରାୟ ୪ଟି ପଞ୍ଚାୟତରେ ଚକଡ଼ା ପୋକ ଯୋଗୁଁ ଧାନ ଗଛ ହଳଦିଆ ପଡ଼ିଯିବା ସହ ଶୁଖି ନଷ୍ଟ ହେଇଯାଉଛି ।

Acres Of Paddy Crop Destroyed By Worms

ଫଳରେ ଏକରରେ ୩୦ ବସ୍ତା ଧାନ ଅମଳ ଆଶା ରଖିଥିବା ଚାଷୀ ୧୦ ବସ୍ତା ମିଳିବା ନେଇ ଆଶଙ୍କା ପ୍ରକାଶ କରିଛନ୍ତି । ଅମଳ ବେଳେ ଚାଷୀଙ୍କ ମୁଣ୍ଡ ବ୍ୟଥାର କରାଣ ପାଲଟିଛି ଚକଡ଼ା ପୋକ । ମଙ୍ଗଳପୁର, ସମ୍ପୁର, କୁଳଶେଖରପାଟଣା, ଦଣ୍ଡମକୁନ୍ଦପୁର ଆଦି ପଞ୍ଚାୟତରେ ପ୍ରାୟ ୧୦୦ ହେକ୍ଟରରୁ ଅଧିକ ଜମିରେ ଧାନ ଫସଲ ନଷ୍ଟ ହୋଇଛି ।

Acres Of Paddy Crop Destroyed By Worms

ଏନେଇ ଅଭିଯୋଗ ପରେ ଚାଷୀଙ୍କୁ ୫୦ ପ୍ରତିଶତ ସବସିଡରେ ଔଷଧ ଯୋଗାଣ ସହ କ୍ଷୟକ୍ଷତି ଆକଳନ କରାଯାଇ ସହାୟତା ଯୋଗାଇ ଦିଆଯିବ ବୋଲି କହିଛନ୍ତି କୃଷି ପ୍ରଯୁକ୍ତିବିଦ୍ୟା ପରିଚାଳନା ସଂସ୍ଥାର ଅଧ୍ୟକ୍ଷ । ଧାର କରଜ କରି ଚାଷ କରିଥିବା ଚାଷୀ ଏବେ ଚିନ୍ତାରେ ରହିଥିବା ବେଳେ କ୍ଷତିପୂରଣ ପାଇଁ ଦାବି କରିଛନ୍ତି ।

୫ ଜିଲ୍ଲାରେ ସ୍ମାଟ ସ୍କୁଲର ଉଦଘାଟନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ଭୁବନେଶ୍ୱର: ନୂଆ ରୂପ ନେଇଛି ଶ୍ରେଣୀ ଗୃହ। ଇ-ଲାଇବ୍ରେରୀ ସାଙ୍ଗକୁ ସ୍କାର୍ଟ କ୍ଲାସର ହୋଇଛି ବ୍ୟବସ୍ଥା। ୫ ଜିଲ୍ଲାର ୧୪୨ଟି ହାଇସ୍କୁଲର ଆଜି ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ୫-ଟି ଅଧୀନରେ ସ୍କୁଲ ରୂପାନ୍ତରଣ କାର୍ଯ୍ୟକ୍ରମ ହାତକୁ ନିଆଯାଇଛି। ଆଜି ଭିସି ଜରିଆରେ ମୁଖ୍ୟମନ୍ତ୍ରୀ ହାଇସ୍କୁଲର ଉଦଘାଟନ କରିଥିବବେଳେ ଉପସ୍ଥିତ ଥିଲେ 5T ସଚିବ ଭି କେ ପାଣ୍ଡିଆନ।

କଟକ ଜିଲ୍ଲାର ୩୦ଟି ହାଇସ୍କୁଲ ସହ ବାଲେଶ୍ୱର ଜିଲ୍ଲାର ୨୩ଟି, କନ୍ଧମାଳ ଜିଲ୍ଲାର ୧୦ଟି, ନବରଙ୍ଗପୁର ଜିଲ୍ଲାର ୧୨ଟି ଓ ସୁନ୍ଦରଗଡ ଜିଲ୍ଲାର ୬୭ଟି ହାଇସ୍କୁଲ ରୂପାନ୍ତରଣ ହୋଇଛି। ସ୍କୁଲ ପରିସର ସୁନ୍ଦର ହେବା ସହ ସ୍ମାର୍ଟ କ୍ଲାସରୁମରେ ପାଠପଢ଼ା, ଇ-ଲାଇବ୍ରେରି, ବିଜ୍ଞାନାଗାର, ଖେଳପଡ଼ିଆ, ପାନୀୟ ଜଳ ଏବଂ ସ୍ୱଚ୍ଛ ଶୌଚାଳୟ ଆଦି ନିର୍ମାଣ କରାଯାଇଛି । ହାଇସ୍କୁଲର ରୂପାନ୍ତରଣ କାର୍ଯ୍ୟ ପରେ ସରକାରୀ ହାଇସ୍କୂଲରେ ପାଠ ପଢିବା ପାଇଁ ଛାତ୍ରଛାତ୍ରୀଙ୍କ ମନରେ ଆଗ୍ରହ ବୃଦ୍ଧି ପାଇଛି । ରାଜ୍ୟ ସରକାରଙ୍କ ଏହି ନିଷ୍ପତ୍ତି ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଛନ୍ତି ଛାତ୍ରଛାତ୍ରୀ ଓ ଅଭିଭାବକ ।

ଏହି ଅବସରରେ ଉଦ୍‌ବୋଧନ ଦେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଥିଲେ ଯେ ସ୍କୁଲରେ ତିଆରି ହୁଏ ଦେଶର ଭବିଷ୍ୟତ ଏବଂ ଜାତିର ଭବିଷ୍ୟତ। କଥାରେ ଅଛି, ପିଲାମାନେ ଆମ ଜନସଂଖ୍ୟାର ଏକ ତୃତୀୟାଂଶ ହେଲେବି ସେମାନେ ଆମର ପୁରା ଭବିଷ୍ୟତ। ସ୍କୁଲ ସମୟ ପିଲାମାନଙ୍କ ଜୀବନର ସବୁଠାରୁ ଗୁରୁତ୍ୱପୂର୍ଣ୍ଣ ସମୟ ବୋଲି ମତଦେଇ ସେ କହିଥିଲେ ଯେ ଏ ସମୟରେ ପିଲାମାନଙ୍କୁ ସେମାନଙ୍କର ପ୍ରତିଭାର ବିକାଶ ପାଇଁ ସୁଯୋଗ ସୃଷ୍ଟି କରିବା ଆମର ଦାୟିତ୍ୱ।

ମୁଖ୍ୟମନ୍ତ୍ରୀ ଆହୁରି ମଧ୍ୟ କହିଥିଲେ “ମୁଁ ଚାହେଁ ମୋ ରାଜ୍ୟର ପିଲା ସବୁ କ୍ଷେତ୍ରରେ ଆଗୁଆ ହୁଅନ୍ତୁ। ପାଠ ସହ କ୍ରୀଡା, ସଂଗୀତ ସବୁ କ୍ଷେତ୍ରରେ ଓଡିଶାର ଗୌରବ ବଢାନ୍ତୁ। ନୂଆ ନୂଆ ଟେକ୍ନୋଲୋଜି ବିଷୟରେ ଜାଣନ୍ତୁ। ବଡ ବଡ ସ୍ୱପ୍ନ ଦେଖନ୍ତୁ ଓ ଜୀବନର ସବୁ ପରିସ୍ଥିତିକୁ ସାମନା କରିବା ପାଇଁ ଆତ୍ମବିଶ୍ୱାସର ସହ ଆଗକୁ ବଢନ୍ତୁ। ଏହା ହିଁ ହେଉଛି ସ୍କୁଲ ରୂପାନ୍ତରର ଲକ୍ଷ୍ୟ।”

ଏହି କାର୍ଯ୍ୟକ୍ରମରେ ୫ଟି ଜିଲ୍ଲାର ଛାତ୍ରଛାତ୍ରୀମାନେ ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରି ବିଦ୍ୟାଳୟ ରୂପାନ୍ତର ସଂପର୍କରେ ନିଜର ମନ କଥା କହିଥିଲେ। ସୁନ୍ଦରଗଡର ଛ୍ରାତ୍ରୀ ସିରିନ୍‌ କୌସର୍‌, ନବରଙ୍ଗପୁରର ନାଗେଶ୍ୱରୀ ପାଣିଗ୍ରାହୀ, ବାଲେଶ୍ୱରର ଅଭିଲିପ୍‌ସା ଲେଙ୍କା, କନ୍ଧମାଳର ଇତିଶ୍ରୀ କହଁର ଓ କଟକର ଗାୟତ୍ରୀ ସାହୁ ପ୍ରମୁଖ ଛାତ୍ରଛାତ୍ରୀ ଆଲୋଚନାରେ ଭାଗ ନେଇ କହିଥିଲେ ଯେ ସ୍କଲର ପରିବେଶ ଓ ଶିକ୍ଷା ସୁବିଧାର ପରିବର୍ତ୍ତନରେ ସେମାନେ ଖୁସି। ଆଗ ଅପେକ୍ଷା ସ୍କୁଲ ବହୁତ ଭଲ ଲାଗୁଛି ବୋଲି ସେମାନେ କହିଥିଲେ। ମୁଖ୍ୟମନ୍ତ୍ରୀ ସେମାନେ ଭବିଷ୍ୟତରେ କଣ ହେବାକୁ ଚାହାନ୍ତି ବୋଲି ପଚାରିବାରୁ ସେମାନେ ଉତ୍ସାହିତ ହୋଇ ଆଇ.ଏ.ଏସ୍‌ ଅଫିସର,ଅଇ ପି ଏସ ବୈଜ୍ଞାନିକ, ଡାକ୍ତର ଇଞ୍ଜିନିୟର ହେବେ ବୋଲି କହିଥିଲେ।

ଗାଁ ଓ ସହରର ସ୍କୁଲ ମଧ୍ୟରେ ଥିବା ପାର୍ଥକ୍ୟ ଦୂର ଉପରେ ମତଦେଇ ମୁଖ୍ୟମନ୍ତ୍ରୀ କହିଲେ ଯେ, ଏ ସ୍କୁଲ ରୂପାନ୍ତର କାର୍ଯ୍ୟକ୍ରମ ସହର ଓ ଗାଁର ସ୍କୁଲମାନଙ୍କ ଭିତରେ ଥିବା ତଫାତକୁ ଦୂର କରିଛି। ଗାଁର ସ୍କୁଲରେ ଆଜି ସହରର ଭଲ ଭଲ ବେସରକାରୀ ସ୍କୁଲର ପରିବେଶ ସୃଷ୍ଟି ହୋଇଛି। ଆଉ ଗୋଟିଏ ଗୁରୁତ୍ୱପୂର୍ଣ୍ଣ କଥା ହେଲା ସରକାରୀ ସ୍କୁଲରେ ପଢୁଥିବା ପିଲାମାନଙ୍କ ଡାକ୍ତର, ଇଞ୍ଜିନିୟର ହେବାର ସ୍ୱପ୍ନ ଯେପରି ସାକାର ହୋଇପାରିବ, ସେଥିପାଇଁ ରାଜ୍ୟ ସରକାର ତୁମ ମାନଙ୍କ ପାଇଁ ୧୫ ପ୍ରତିଶତ ଆସନ ସଂରକ୍ଷିତ କରିଛନ୍ତି।

ଭୁଶୁଡ଼ିଛି ବିରୋଧୀ ଶିବିର, ବିଜେଡିରେ ଯୋଗଦେଲେ ବିଜେପି ଓ କଂଗ୍ରେସ ନେତା

ଭୁବନେଶ୍ୱର: ସାରା ବିଶ୍ୱରେ ଏକ ନମ୍ବର ହେବ ଓଡ଼ିଶା । ଓଡ଼ିଆ ଜାତିର ସ୍ୱାଭିମାନ ରକ୍ଷା ପାଇଁ କ୍ରମାଗତ ଭାବେ ଚେଷ୍ଟା କରୁଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଥିସହିତ ମହିଳା ସଶକ୍ତିକରଣ ଏକ ଆନ୍ଦୋଳନରେ ପରିଣତ ହୋଇଛି । ଏଥିପାଇଁ ଧିରେ ଧିରେ ବିଜେଡି ସହ ଯୋଡ଼ି ହେଉଛନ୍ତି ବିଭିନ୍ନ ଦଳର ନେତା । ଆଜି ମାଲକାନଗିରି ଜିଲ୍ଲାର ବହୁ ବିଜେପି ଓ କଂଗ୍ରେସ ନେତା ବିଜେଡିରେ ସାମିଲ ହୋଇଛନ୍ତି । ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଉପସ୍ଥିତିରେ ବିଜେଡିରେ ଯୋଗ ଦେଇଛନ୍ତି ।

 Many BJP & Congress Leader Joins BJD

ଗତ ନିର୍ବାଚନରେ ବିଜେପିରୁ ଲକ୍ଷ୍ମୀପୁର ବିଧାନସଭା କ୍ଷେତ୍ରରୁ ପ୍ରାର୍ଥୀ ହୋଇଥିବା କୁମୁଦ ସାମନ୍ତା ନିଜ ସମର୍ଥକଙ୍କ ସହ ଶଙ୍ଖ ଧରିଛନ୍ତି । ସେ ପୂର୍ବରୁ ମଧ୍ୟ ବିଜେଡିରେ ଥିଲେ । ସେହିଭଳି ମାଲକାନଗିରି ଜିଲ୍ଲା ପରିଷଦ ଉପସଭାପତି ସୁଲତା ମଣ୍ଡଳ, ଲକ୍ଷ୍ମୀପୁର ବ୍ଲକ୍ ଉପାଧ୍ୟକ୍ଷ ପାରା ମୁସ୍କା, ରାଜ କୁମାର କର୍କରା ସମେତ ଶତାଧିକ କଂଗ୍ରେସ ଓ ବିଜେପି ନେତା ବିଜେଡିରେ ସାମିଲ୍ ହୋଇଛନ୍ତି । ବିଜେପିରେ ଉପଯୁକ୍ତ ସମ୍ମାନ ଓ ନ୍ୟାୟ ନମିଳିବାରୁ ଏହି ଅସନ୍ତୁଷ୍ଟ ନେତାମାନେ ବିଜେଡି ସହ ସାମିଲ ହୋଇଛନ୍ତି ।