ବଲାଙ୍ଗୀର: ସ୍ତ୍ରୀକୁ ସ୍ୱାମୀର ମରଣାନ୍ତକ ଆକ୍ରମଣର ଅଭିଯୋଗ। ଟାଙ୍ଗିଆରେ ସ୍ତ୍ରୀକୁ ହାଣି ଲହୁଲହାଣ କଲା ମଦ୍ୟପ ସ୍ୱାମୀ। ବଲାଙ୍ଗୀର ଜିଲ୍ଲା ତୁରେକେଲା ଥାନା ରାଉତମୁଣ୍ଡା ଗାଁରେ ଏପରି ଏକ ଅଭାବନୀୟ ଘଟଣା ଘଟିଛି। ଗତକାଲି ରାତିରେ ମଦ୍ୟପ ସ୍ୱାମୀ ନିଜ ସ୍ତ୍ରୀକୁ ମାରିଦେବାକୁ ଉଦ୍ୟମ କରିଥିବା ଥାନାରେ ଅଭିଯୋଗ ହୋଇଛି। ସୂଚନା ମୁତାବକ ଖଜୁରୀ ଗାଁର ନରସିଂହ ନାଗ ରାଉତମୁଣ୍ଡା ଗାଁର ତ୍ରିପୁରାକୁ ବିବାହ କରିଥିଲେ। ବିବାହକୁ ପ୍ରାୟ ୭ ବର୍ଷ ହୋଇଥିଲେ ମଧ୍ୟ କୌଣସି କରଣକୁ ନେଇ ସବୁବେଳେ ବଚସା ଲାଗି ରହୁଥିଲା। ପରେ ଉତ୍ତ୍ୟକ୍ତ ସ୍ୱାମୀ ସ୍ତ୍ରୀଙ୍କୁ ଟାଙ୍କିଆରେ ମରଣାନ୍ତକ ଆକ୍ରମଣ କରିଥିଲେ। ଫଳରେ ସ୍ତ୍ରୀ ତ୍ରିପୁରା ଗୁରୁତର ହୋଇଥିଲେ। ଗୁରୁତର ଅବସ୍ଥାରେ ତ୍ରିପୁରାଙ୍କୁ ମେଡିକାଲରେ ଭର୍ତ୍ତି କରାଯାଇଛି। ଏନେଇ ତ୍ରିପୁରାଙ୍କ ପରିବାର ତୁରେକେଲା ଥାନାରେ ଅଭିଯୋଗ କରିଛନ୍ତି। ଅଭିଯୋଗ ଆଧାରରେ ପୋଲିସ ଘଟଣାର ତଦନ୍ତ କରିବା ସହ ଅଭିଯୁକ୍ତ ସ୍ୱାମୀକୁ ଖୋଜାଖୋଜି କରୁଛି।
ଚିନ୍ତା ବଢାଇଛି ଦିଲ୍ଲୀ ପ୍ରଦୂଷଣ, ସମସ୍ୟାର ସମାଧାନ ପାଇଁ ଆଜି ବସୁଛି ଗୁରୁତ୍ୱପୂର୍ଣ୍ଣ ବୈଠକ
ନୂଆଦିଲ୍ଲୀ: ଦେଶର ରାଜଧାନୀ ଦିଲ୍ଲୀରେ ବଢିଚାଲିଛି ବାୟୁ ପ୍ରଦୂଷଣ। ପରିସ୍ଥିତିକୁ ନଜରରେ ରଖି ଦିଲ୍ଲୀରେ ଲାଗୁ ହୋଇଛି ପ୍ରଦୂଷଣ କଟକଣା। ସ୍କୁଲ, କଲେଜ ସମେତ ସବୁ ଶିକ୍ଷାନୁଷ୍ଠାନ ବନ୍ଦ କରାଯାଇଛି। ସରକାରୀ ଚାକିରିଆଙ୍କୁ ଓ୍ୱାର୍କ ଫ୍ରମ ହୋମ କରିବାକୁ ନିର୍ଦ୍ଦେଶ ରହିଛି। ସେପଟେ ପୁରୁଣା ଗାଡି ବ୍ୟବହାର ରୋକିବାକୁ ଅଣ୍ଟା ଭିଡିଛି ଦିଲ୍ଲୀ ଟ୍ରାଫିକ ପୋଲିସ। ପୁରୁଣା ଗାଡି ଧରିବା ଲାଗି ୧୭୦ ସ୍ଥାନରେ ଚେକିଂ କରାଯାଉଛି। ୧୩ଟି ହଟସ୍ପଟରେ ଟ୍ରାଫିକ ପୋଲିସ ମୁତୟନ କରାଯାଇଛି। ସେପଟେ ଏୟାର କ୍ୱାଲିଟି ଉପରେ ନିୟନ୍ତ୍ରଣ କରିବାକୁ ଆଜି ବସିବ କେନ୍ଦ୍ର ଓ ରାଜ୍ୟ ମଧ୍ୟରେ ଗୁରୁତ୍ୱପୂର୍ଣ୍ଣ ବୈଠକ। ପଞ୍ଜାବ, ହରିୟାଣା, ଦିଲ୍ଲୀ ଓ ଉତ୍ତରପ୍ରଦେଶ ସରକାର ଏଥିରେ ସାମିଲ ହେବେ। ବୈଠକରେ ଠୋସ୍ ନିଷ୍ପତ୍ତି ନେବା ପାଇଁ କହିଛନ୍ତି କୋର୍ଟ। କି ନିଷ୍ପତ୍ତି ନିଆଯାଇଛି, ତାହାର ଏକ ରିପୋର୍ଟ କୋର୍ଟରେ ଦାଖଲ କରିବାକୁ କୁହାଯାଉଛି। ରିପୋର୍ଟ ଆଧାରରେ ଆସନ୍ତାକାଲି ଶୁଣାଣି କରିବେ ସର୍ବୋଚ୍ଚ ଅଦାଲତ। ସମସ୍ତ ରାଜ୍ୟ ସରକାର ଓ କେନ୍ଦ୍ର ସରକାର ଏକ ହୋଇ କିଛି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବେ ବୋଲି କୋର୍ଟ ଆଶାବାଦୀ ଅଛନ୍ତି।
ମହିଳାଙ୍କୁ ବନ୍ଧୁକ ଦେଖାଇ ୧ଲକ୍ଷ ଟଙ୍କା ଲୁଟି ନେଲେ ଦୁର୍ବୃତ୍ତ
ପାଟକୁରା: ଡେରାବିଶ ବ୍ଲକ ଚାନ୍ଦୋଳରେ ସୋମବାର ରାତି ସାଢେ ଆଠଟ ସମୟରେ କିଛି ଦୁର୍ବୁତ୍ତ ଷ୍ଟେଟ ବ୍ୟାଙ୍କ ନିକଟ ଜନସେବା କେନ୍ଦ୍ରରୁ ପାଖାପାଖି ୧ ଲକ୍ଷ ଟଙ୍କା ବନ୍ଧୁକ ମୁନରେ ଲୁଟ କରିଛନ୍ତି । ଉକ୍ତ ଜନସେବା କେନ୍ଦ୍ରରେ ଦୁଇ ଜଣ କାର୍ଯ୍ୟରତ ମହିଳାଙ୍କୁ ଚାରିଜଣ ଯୁବକ ବନ୍ଧୁକ ଦେଖାଇ ଧମକ ଦେଇ ଟଙ୍କା ଲୁଟିଛନ୍ତି । ଘଟଣା ସ୍ଥଳରୁ ଦୁର୍ବୁତ୍ତ ମାନେ ଟଙ୍କା ନେଇ ଫେରାର ହେଇଛନ୍ତି ।

ଖବର ପାଇଁ ଘଟଣାସ୍ଥଳରେ କେନ୍ଦ୍ରାପଡ଼ା ସଦର ଥାନା ଆଇଆଇସି ପବିତ୍ର ମହାରଣା ଖବର ପାଇ ନିଜ ଟିମ ମାଧ୍ୟମରେ ଘଟଣା ସ୍ଥଳରେ ପହଂଚି ତଦନ୍ତ ଆରମ୍ଭ କରିଛନ୍ତି. ।କେନ୍ଦ୍ରାପଡ଼ା sdpo ରାଜୀବ ଲୋଚନ ପଣ୍ଡା ଙ୍କ ସମେତ ପୁରା ସ୍ୱାର୍ଡ ପହଂଚି ତଦନ୍ତ କୁ ଅତି ଗୁରୁତ୍ୱର ସହ ନେଇଛନ୍ତି । ଚାନ୍ଦୋଳ ବଜାର ଏକ ଜନ ଗହଳି ସମ୍ପର୍ଣ ବଜାର ହୋଇଥିବା ବେଳେ ବଜାରରେ ମଧ୍ୟ ଅଞ୍ଚଳରେ କିଭଳି ଦୁର୍ବୁତ୍ତ ମାନେ ପଶି ଏଭଳି ଦୌରାତ୍ମ୍ୟ କାର୍ଯ୍ୟ କଲେ ଏନେଇ ପ୍ରଶ୍ନ ଉଠିଛି । ବଜାରରେ ପୂର୍ବ ମାସରେ୨୫ଟି ନୂତନ ସିସିଟିଭି ଲାଗିଥିଲେ ବି ଦୁର୍ବୁତ୍ତମାନେ ନିର୍ଭୟରେ ଏଭଳି କାମ କରିବା ଏକ ଭୟର ବାତାବରଣ ତିଆରି କରିଛି ।
ସରପଞ୍ଚଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ଥାନାର ଦ୍ୱାରସ୍ଥ ହେଲେ ପଞ୍ଚାୟତ ବାସୀ
ଭୁବନେଶ୍ୱର: ଦୁର୍ନୀତିଗ୍ରସ୍ତ ସରପଞ୍ଚଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରି ଥାନାର ଦ୍ୱାରସ୍ଥ ହେଲେ ପଞ୍ଚାୟତ ବାସିନ୍ଦା। ଏଭଳି ଏକ ଘଟଣା ଦେଖିବାକୁ ମିଳିଛି ଯାଜପୁର ଜିଲ୍ଲାରେ। ଜିଲ୍ଲାର ରସୁଲପୁର ବ୍ଲକ ଅତଲାପୁର ଗ୍ରାମ ପଞ୍ଚାୟତର ସରପଞ୍ଚ ପ୍ରଫୁଲ୍ଲ କୁମାର ସାହୁ ଙ୍କ ବିରୋଧରେ ଏଭଳି ସଙ୍ଗୀନ ଅଭିଯୋଗ ଆସିଛି। ସେ ବିଭିନ୍ନ ଉପାୟରେ ଲକ୍ଷାଧିକ ଟଙ୍କା ହଡ଼ପ କରିଥିବା ସାଧାରଣ ଲୋକେ ଅଭିଯୋଗ କରିଛନ୍ତି। ଅଭିଯୋଗ ମୁତାବକ ସରପଞ୍ଚ ଆବାସ ଯୋଜନାରେ ଘର ଦେବାକୁ କହି ବିଭିନ୍ନ ଲୋକଙ୍କ ଠାରୁ ୧୦ ହଜାର ଟଙ୍କା ଲେଖାଏଁ ନେଇଛନ୍ତି। ମାତ୍ର ଲୋକଙ୍କୁ ଘର ଯୋଗାଇବାରେ ବିଫଳ ହୋଇଛନ୍ତି
ସେହିପରି ପଞ୍ଚାୟତରେ ନିର୍ମାଣ ହୋଇଥିବା କଲ୍ୟାଣ ମଣ୍ଡପ ଓ କମ୍ୟୁନିଟି ସେଣ୍ଟର ବାବଦ ଟଙ୍କା ମଧ୍ୟ ହଡ଼ପ କରିଛନ୍ତି। ଏନେଇ ପଞ୍ଚାୟତ ବାସୀ ପୂର୍ବରୁ ସ୍ଥାନୀୟ ବିଧାୟିକାଙ୍କ ସମେତ ଯାଜପୁର ଜିଲ୍ଲାପାଳଙ୍କ ନିକଟରେ ଅଭିଯୋଗ କରିଥିଲେ। ତେବେ ଆଜି ସରପଞ୍ଚଙ୍କ ଏଭଳି ଦୁର୍ନୀତି ବିରୋଧରେ କୁଆଖିଆ ଥାନାରେ ଅଭିଯୋଗ କରିଛନ୍ତି ସ୍ଥାନୀୟ ଲୋକେ। ତୁରନ୍ତ ସରପଞ୍ଚଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବୀ ହୋଇଛି। ତେବେ ମିଳିଥିବା ସୂଚନା ମୁତାବକ ସରପଞ୍ଚ ପ୍ରଫୁଲ୍ଲ କୁମାର ସାହୁ ଦଳ ବିରୋଧୀ କାର୍ଯ୍ୟ ପାଇଁ କିଛିଦିନ ତଳେ ବିଜୁ ଜନତା ଦଳରୁ ନିଲମ୍ବିତ ହୋଇଥିଲେ।
ଏଥିସହିତ ପଢ଼ନ୍ତୁ: ପଞ୍ଚାୟତ ନିର୍ବାଚନ ପାଇଁ ଖର୍ଚ୍ଚ ସୀମା ବଢ଼ିଲା: ଏଣିକି ୫ଲକ୍ଷ ଟଙ୍କା ଯାଏଁ ଖର୍ଚ୍ଚ କରିପାରିବେ ଜିଲ୍ଲା ପରିଷଦ ପ୍ରାର୍ଥୀ
ଅମରାବତୀରେ ଦଙ୍ଗା କରିବାକୁ ଷଡଯନ୍ତ୍ର: ନଓ୍ୱାବଙ୍କ ଟାର୍ଗେଟରେ ବିଜେପି
ଅମରାବତୀ: ତ୍ରିପୁରା ହିସାଂକୁ ନେଇ ବିରୋଧ ପ୍ରଦର୍ଶନ ବେଳେ ମହାରାଷ୍ଟ୍ରର ଅମରାବତୀରେ ଭୟଙ୍କର ସ୍ଥିତି ସୃଷ୍ଟି ହୋଇଥିଲା । ସ୍ଥାନୀୟ ପୋଲିସକୁ ସ୍ଥିତି ନିୟନ୍ତ୍ରଣ କରିବାକୁ କର୍ଫ୍ୟୁ ଲଗାଇବାକୁ ପଡ଼ିଥିଲା । ଏହାକୁ ନେଇ ମହାରାଷ୍ଟ୍ର ସରକାରଙ୍କ ମନ୍ତ୍ରୀ ତଥା ଏନସିପି ନେତା ନଓ୍ୱାବ ମଲ୍ଲିକ ବିଜେପିକୁ ଟାର୍ଗେଟ କରିଛନ୍ତି । ଏହି ବନ୍ଦ ଡାକରା ଆଳରେ ବିଜେପି ପୂରା ମହାରାଷ୍ଟ୍ର ଅଶାନ୍ତି ଓ ଦଙ୍ଗା ସୃଷ୍ଟି କରିବା ଯୋଜନାରେ ଥିଲା ବୋଲି ସେ ଅଭିଯୋଗ କରିଛନ୍ତି । ବିଜେପି ନେତା ଅନିଲ ବୋନ୍ଦେ ଓ ଅନ୍ୟମାନେ ପୂର୍ବ ନିର୍ଦ୍ଧାରିତ ଷଡଯନ୍ତ୍ର ଅନୁସାରେ ପଥର ମାଡ଼ ଓ ନିଆଁ ଲଗାଇବା ଭଳି କାମକୁ ଉସକାଇଥିଲେ । ଏଥିପାଇଁ ମୁମ୍ବାଇରୁ ପ୍ରଚୁର ଟଙ୍କା ଆସିଥିବା ସେ କହିଛନ୍ତି ।
ସେ ଆଗକୁ କହିଛନ୍ତି, ‘ମହାରାଷ୍ଟ୍ର ଜନତା ଜାଣିଛନ୍ତି ବିଜେପି ଏହାକୁ ନେଇ ରାଜନୀତି କରୁଛି ।’ ଏହାସହ ସେ ରାଜ ଏକାଡେମୀର ଭୂମିକାକୁ ନେଇ ପ୍ରଶ୍ନ ଉଠାଇବା ସହ ଏହାର ତଦନ୍ତ କରାଯିବ ବୋଲି କହିଛନ୍ତି ।
ସେହିପରି ଆଶିଷ ସେଲାର ରାଜ ଏକାଡେମୀରେ କ’ଣ କରୁଥିଲେ ବୋଲି ନଓ୍ବାବ ପ୍ରଶ୍ନ କରିଛନ୍ତି । ଆଶିଷ ରାଜ ଏକାଡେମୀ ଯାଇଥିବାର ଫଟୋ ମୋ ପାଖରେ ଅଛି ଏହାର ମଧ୍ୟ ଯାଞ୍ଚ କରାଯିବ ବୋଲି ସେ କହିଛନ୍ତି ।
ସେ ଅଭିଯୋଗ କରିଛନ୍ତି, ‘କିଛି ମୁସଲିମ ସଂଗଠନ ତରଫରୁ ନଦିଆ, ମାଲେଗାଁ ଓ ଅମରାବତୀରେ ବନ୍ଦ ଡାକରା ଦିଆଯାଇଥିଲା । ପୋଲିସ ସ୍ଥିତିକୁ ଭଲ ଭାବେ ନିୟନ୍ତ୍ରଣ କରିଥିଲା, ନହେଲେ କିଛି ବଡ଼ ହୋଇଥାନ୍ତି ।





