ଓମାନ: ଆରମ୍ଭ ହୋଇଛି ଚଟାପଟ୍ ଟି-୨୦ ବିଶ୍ବକପ୍ ମହାକୁମ୍ଭ । ପ୍ରଥମ ଦିନରେ ଓମାନ ଓ ସ୍କଟଲାଣ୍ଡ ବାଜିମାତ୍ କରିଛନ୍ତି । ପ୍ରଥମ ମ୍ୟାଚରେ ଆୟୋଜକ ଓମାନ, ପପୁଅଆ ନ୍ୟୁଗିନିକୁ ହରାଇଛି । ପ୍ରଥମେ ବ୍ୟାଟିଂ କରି ନ୍ୟୁଗିନି ୯ ଓ୍ବକେଟ ହରାଇ ୧୨୯ ରନ୍ କରିଥିଲା । ଦଳ ପକ୍ଷରୁ ଆସାଦ ଭାଲା ସର୍ବାଧିକ ୫୬ ରନ୍ କରିଥିଲେ । ଜବାବରେ ୧୩.୪ ଓଭରରେ ବିନା କୌଣସି ଓ୍ବକେଟ୍ ହରାଇ ଓମାନ ୧୩୧ ରନ୍ କରି ବିଜୟ ହୋଇଛି । ଦୁଇ ଓପନର ଆକିବ ଲାୟାସ ୫୦ ରନ୍ ଓ ଜିତେନ୍ଦ୍ର ସିଂହ ୭୩ ରନ୍ କରି ଦଳକୁ ଜିତାଇଥିଲେ ।
ସେହିପରି ଦ୍ବିତୀୟ ମ୍ୟାଚରେ ବାଂଲାଦେଶକୁ ୬ ରନରେ ହରାଇଛି ସ୍କଟଲାଣ୍ଡ । ପ୍ରଥମେ ବ୍ୟାଟିଂ କରି ୧୪୦ ରନ୍ କରିଥିଲା ସ୍କଟଲାଣ୍ଡ । ଜବାବରେ ୭ ଓ୍ବିକେଟ ହରାଇ ୧୩୪ ରନ୍ କରିବାକୁ ସକ୍ଷମ ହୋଇଥିଲା ବାଂଲାଦେଶ । କୌଣସି ବ୍ୟାଟସମ୍ୟାନ ଭଲ ପ୍ରଦର୍ଶନ କରିପାରିନଥିଲେ ।
ଆଜି ଦୁଇଟି ମ୍ୟାଚ୍ ଖେଳାଯିବ । ପ୍ରଥମେ ମ୍ୟାଚରେ ଆୟାର୍ଲାଣ୍ଡ, ନେଦରଲ୍ୟାଣ୍ଡକୁ ଭେଟୁଥିବା ବେଳେ ଦ୍ବିତୀୟ ମ୍ୟାଚରେ ଶ୍ରୀଲଙ୍କା ଓ ନାମ୍ବିଆ ମୁହାଁମୁହିଁ ହେବେ ।
