ଝାଡ଼ଖଣ୍ଡ: ଝାଡ଼ଖଣ୍ଡର ଲୋଟାପାହଡ ଓ ସୋନୁଆ ରେଲୱେ ଷ୍ଟେସନ ମଧ୍ୟରେ ଥିବା ରେଳ ଲାଇନ ଉଡାଇଲେ ମାଓବାଦୀ। ଲ୍ୟାଣ୍ଡମାଇନ ବିସ୍ଫୋରଣ କରି ରେଲୱେ ଲାଇନ ଉଡାଇଲେ ମାଓବାଦୀ। ଗତ ମଧ୍ୟ ରାତି ୨ଟାରେ ହାୱଡା ମୁମ୍ବାଇ ଅପ ଓ ଡାଉନ ରେଲୱେ ଲାଇନ ଉଡାଇ ଦେଇଛନ୍ତି। ଫଳରେ ହାୱଡା ମୁମ୍ବାଇ ରୁଟରେ ସାଢେ ୬ ଘଣ୍ଟା ରେଳ ଚଳାଚଳ ବ୍ୟାହତ ହୋଇଛି। ସକାଳ ସାଢେ ୬ଟାରୁ ତୃତୀୟ ଲାଇନରେ ରେଳ ଚଳାଚଳ ଆରମ୍ଭ ହୋଇଛି। ରେଲୱେର ବରିଷ୍ଠ ଅଧିକାରୀଙ୍କ ଉପସ୍ଥିତିରେ ମରାମତି କାର୍ଯ୍ୟ ଆରମ୍ଭ ହୋଇଛି। ମାଓବାଦୀଙ୍କ ଭାରତ ବନ୍ଦ ଡାକରା ସମୟରେ ରେଳଲାଇନ ଉଡାଇଥିବା ସନ୍ଦେହ କରାଯାଉଛି। ଚକ୍ରଧରପୁର ରେଲୱେ ଡ଼ିଭିଜନର ସିନିଅର DCM ଏହି ସୂଚନା ଦେଇଛନ୍ତି।
ଏବେ ଜିକ୍ମିକ୍ ଆଲୋକ ଏବଂ ଡାଏଲଗରେ ଦୁଲୁକିବ ଯାତ୍ରା ପେଣ୍ଡାଲ, ରାଜ୍ୟରେ ସମସ୍ତ ସାଂସ୍କୃତିକ କାର୍ଯ୍ୟକ୍ରମକୁ ଅନୁମତି
ଭୁବନେଶ୍ୱର: କରୋନା କଟକଣା କାରଣରୁ ରାଜ୍ୟରେ ବନ୍ଦ ରହିଥିବା ସମସ୍ତ ପ୍ରକାରର ସାଂସ୍କୃତିକା କାର୍ଯ୍ୟକ୍ରମକୁ ଅନୁମତି ମିଳିଛି। ଦୁଇବର୍ଷ ହେବ ବନ୍ଦ ରହିଥିଲା ସମସ୍ତ ପ୍ରକାରର ସାଂସ୍କୃତିକ କାର୍ଯ୍ୟକ୍ରମ। ରାଜ୍ୟ ସରକାରଙ୍କର ଅନୁମତି ପରେ ଏବେ କଳାକାରଙ୍କ ଏବଂ ଦର୍ଶକଙ୍କ ମନରେ ଖୁସିର ଲହରି। ୨୦ତାରିଖରୁ ରାଜ୍ୟରେ ସାଂସ୍କୃତି କାର୍ଯ୍ୟକ୍ରମ, ଯାତ୍ରା, ଅପେରାକୁ, ମୁକ୍ତାକାଶ ରଙ୍ଗମଞ୍ଚ ଓ ପଥପ୍ରାନ୍ତକୁ ଅନୁମତି ଦିଆଯାଇଛି। ସ୍ଥାନୀୟ ପ୍ରଶାସନ ଅନୁମତିରେ ଖୋଲିବ ଯାତ୍ରା ଓ ଅପେରା।
କରୋନା କଟକଣାକୁ ଅବଲମ୍ବନ କରି କରାଯିବ ସାଂସ୍କୃତିକ କାର୍ଯ୍ୟକ୍ରମ। ତେବେ ଯାତ୍ରା ଓ ଅପେରାରେ ୨ହଜାରରୁ ଅଧିକ ଲୋକ ହୋଇପାରିବେ ନାହିଁ ବୋଲି ସରକାରଙ୍କର ନିର୍ଦ୍ଦେଶ ରହିଛି। ଯଦି ୨ ହଜାରରୁ ଅଧିକ ଲୋକ ଏକାଠି ହୁଅନ୍ତି ତେବେ ସଙ୍ଗେ ସଙ୍ଗେ ସେହି ସ୍ଥାନକୁ ସିଲ କରିଦିଆଯିବ। ଏହି ସବୁ କାର୍ଯ୍ୟକ୍ରମରେ ମାସ୍କ ଓ ସାମାଜିକ ଦୂରତା ବାଧ୍ୟତା ମୂଳକ କରାଯାଇଛି।
ତେବେ ସାଂସ୍କୃତିକ କାର୍ଯ୍ୟକ୍ରମ ପାଇଁ ଅନେକ ସମୟରେ ଟିକେଟ କାଉଣ୍ଟରରେ ଟିକେଟ ବିକ୍ରି ସମୟରେ ଅଧିକ ଗହଳି ହୋଇଥାଏ । ସେଥିପାଇଁ ଚଳିତ ଥର ଟିକେଟ୍ କାଉଣ୍ଟର ବଦଳରେ ଅନଲାଇନ୍ ମାଧ୍ୟମରେ ଟିକେଟ୍ ବିକ୍ରି କରିବାକୁ ପରାମର୍ଶ ଦିଆଯାଇଛି। ସେହିପରି ୫୦% ଦର୍ଶକରେ ଖୋଲିବ ସିନେମା ହଲ ଓ ଥିଏଟରେ। ଥିଏଟରକୁ ଯିବା ପାଇଁ ହେଲେ RTPCR ଟେଷ୍ଟ ରିପୋର୍ଟ ଓ କରୋନା ଟିକା ପ୍ରମାଣପତ୍ର ବାଧ୍ୟତାମୂଳକ କରାଯାଇଛି। ସେହିପରି ଥଣ୍ଡା ଜ୍ୱର ଥିଲେ ଅନୁମତି ନଦେବାକୁ ପରାମର୍ଶ ଦିଆଯାଇଛି।
ରାଜସ୍ଥାନ ରାଜନିତୀରେ ପୁଣି ଅସ୍ଥିରତା; ଇସ୍ତଫା ଦେଲେ ୩ ବରିଷ୍ଠ ମନ୍ତ୍ରୀ
ଜୟପୁରୁ: ରାଜସ୍ଥାନ ରାଜନୀତିରେ ପୁଣି ଅସ୍ଥିରତା ଦେଖା ଦେଇଛି । ରାଜ୍ୟରେ ମନ୍ତ୍ରୀ ମଣ୍ଡଳ ସମ୍ପ୍ରସାରଣ ହେବା ପୂର୍ବରୁ ଇସ୍ତଫା ଦେଲେ ରାଜସ୍ଥାନର ୩ ବରିଷ୍ଠ ମନ୍ତ୍ରୀ । ସେମାନେ ହେଲେ ଶିକ୍ଷାମନ୍ତ୍ରୀ ଗୋବିନ୍ଦ ସିଂ ଦୋତସାରା, ସ୍ବାସ୍ଥ୍ୟମନ୍ତ୍ରୀ ରଘୁ ଶର୍ମା ଓ ରାଜସ୍ବ ମନ୍ତ୍ରୀ ହରିଶ ଚୌଧୁରୀ । ଏହି ତିନି ଜଣ ମନ୍ତ୍ରୀ କଂଗ୍ରେସ ହାଇକମାଣ୍ଡ ସୋନିଆ ଗାନ୍ଧୀଙ୍କ ଇସ୍ତଫା ପତ୍ର ଦେଇଛନ୍ତି । ଏଥିସହ ସେମାନେ କଂଗ୍ରେସ ସଂଗଠନ ପାଇଁ କାମ କରିବେ ବୋଲି ମଧ୍ୟ କହିଛନ୍ତି ।
Three ministers of Rajasthan Cabinet — Govind Singh Dotasra, Raghu Sharma & Harish Chaudhary — have written to Congress president Sonia Gandhi, expressing their desire to step down from their posts & work in the party organization: Congress in-charge for Rajasthan, Ajay Maken pic.twitter.com/rXx75yCTgH
— ANI (@ANI) November 19, 2021
କଂଗ୍ରେସ ସାଧାରଣ ସମ୍ପାଦକ ଅଜୟ ମାକେନ କହିଛନ୍ତି ମନ୍ତ୍ରିମଣ୍ଡଳ ସମ୍ପ୍ରସାରଣ ପୂର୍ବରୁ ଏହି ୩ ମନ୍ତ୍ରୀ ଇସ୍ତଫା ଦେଇଛନ୍ତି । ସେମାନେ ନିଜ ନିଜ ଇସ୍ତଫା ପତ୍ର ଦଳର ହାଇକମାଣ୍ଡ ସୋନିଆ ଗାନ୍ଧିଙ୍କ ନିକଟକୁ ପଠାଇଛନ୍ତି । ହରିଶ ଚୌଧୁରୀଙ୍କୁ ଗତ ମାସରେ ପଞ୍ଜାବ କଂଗ୍ରେସ ପ୍ରଭାରୀ ଭାବେ ନିଯୁକ୍ତି ଦିଆଯାଇଥିଲା । ଏକ ବ୍ୟକ୍ତି ଏକ ପଦବି ନୀତିରେ ସେ ମନ୍ତ୍ରୀ ପଦ ଛାଡିବାକୁ ଚାହୁଁଛନ୍ତି ବୋଲି କହିଛନ୍ତି ହରିଶ । କିଛି ଦିନ ତଳେ ଶିକ୍ଷକଙ୍କ ଏକ ସମାବେଶରେ ବଦଳି ଲାଗି ଟଙ୍କା ପ୍ରସଙ୍ଗରେ ମୁଖ୍ୟମନ୍ତ୍ରୀ ଅଶୋକ ଗେହଲତ ଏକ ପ୍ରଶ୍ନ ପଚାରିଥିଲେ । ପ୍ରାୟ ସମସ୍ତ ଶିକ୍ଷକ ବଦଳି ଲାଗି ଟଙ୍କା ଦେବାକୁ ପ୍ରସ୍ତୁତ ବୋଲି କହିବା ପରେ ମୁଖ୍ୟମନ୍ତ୍ରୀ ଆଶ୍ଚର୍ଯ୍ୟ ହୋଇଯାଇଥିଲେ । ସେହି ସଭାରେ ଶିକ୍ଷାମନ୍ତ୍ରୀ ଗୋବିନ୍ଦ ଦୋତସାରା ବି ଉପସ୍ଥିତ ଥିଲେ । ଏହି କାରଣକୁ ନେଇ ତାଙ୍କୁ ମନ୍ତ୍ରୀ ପଦ ଛାଡିବାକୁ ପଡିଛି ବୋଲି କୁହାଯାଉଛି । ସେପଟେ ନୂଆଦିଲ୍ଲୀରେ ସୋନିଆଙ୍କୁ ଭେଟିଛନ୍ତି ଦଳର ଅନ୍ୟତମ ନେତା ସଚିନ ପାଇଲଟ । ଏଥର ସମ୍ପ୍ରସାରଣରେ ସଚିନଙ୍କ ଗୋଷ୍ଠୀକୁ ଗୁରୁତ୍ବ ଦିଆଯିବାର ସମ୍ଭାବନା ରହିଛି । ବର୍ତ୍ତମାନ ରାଜ୍ୟ ମନ୍ତ୍ରିମଣ୍ଡଳରେ ୨୧ ଜଣ ମନ୍ତ୍ରୀ ଥିବାବେଳେ ୯ଟି ପଦବି ଖାଲି ରହିଛି । ଆସନ୍ତା ୨୨ ତାରିଖରେ ମନ୍ତ୍ରିମଣ୍ଡଳର ସମ୍ପ୍ରସାରଣ ହେବ ବୋଲି ହାଇକମାଣ୍ଡ ଗ୍ରୀନ ସିଗନାଲ ଦେଇଛନ୍ତି ।
ଆଜି ସ୍ମାର୍ଟ ସ୍ୱାସ୍ଥ୍ୟ ସେବା ତାଲିକାରେ ଯୋଡ଼ି ହେବ ଅନୁଗୁଳ ଓ ଢେଙ୍କାନାଳ
ଭୁବନେଶ୍ୱର: ଆଜି ସ୍ମାର୍ଟ ସ୍ୱାସ୍ଥ୍ୟ ସେବା ତାଲିକାରେ ଯୋଡ଼ିହେବ ଅନୁଗୁଳ ଓ ଢେଙ୍କାନାଳ। ଆଜି ଅନୁଗୁଳ ଗସ୍ତ କରି ବିଏସକେଓ୍ୱାଇ ସ୍ମାର୍ଟ ହେଲଥ କାର୍ଡ ବଣ୍ଟନର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ପ୍ରାୟ ୩୫୦ ଜଣ ହିତାଧିକାରୀଙ୍କୁ ନିଜ ହାତରେ ମଞ୍ଚରୁ ସ୍ମାର୍ଟ କାର୍ଡ ବାଣ୍ଟିବେ ନବୀନ। ସ୍ମାର୍ଟ କାର୍ଡ ଦ୍ୱାରା ଉପକୃତ ହେବେ ଜିଲ୍ଲାର ମୋଟ ୯ ଲକ୍ଷ ହିତାଧିକାରୀ। ଜିଲ୍ଲାରେ ପ୍ରଥମ କରି ନିର୍ମାଣ ହୋଇଥିବା ହେଲଥ କରିଡର ମଧ୍ୟ ଉଦଘାଟନ ହେବ।
ସେହିଭଳି ୧ ହଜାର ୧୭୬ କୋଟି ଟଙ୍କାର ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ। ଅନୁଗୁଳରେ କାର୍ଯ୍ୟକ୍ରମ ସାରିବା ପରେ ଢେଙ୍କାନାଳ ଯିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ମିନି ଷ୍ଟାଡିଅମରେ ଜିଲ୍ଲାବାସୀଙ୍କୁ ସ୍ମାର୍ଟ ହେଲଥ କାର୍ଡ ବାଣ୍ଟିବେ ମୁଖ୍ୟମନ୍ତ୍ରୀ। ଜିଲ୍ଲାର ପ୍ରାୟ ୯ଲକ୍ଷ ହିତାଧିକାରୀଙ୍କୁ ବିଜୁ ସ୍ୱାସ୍ଥ୍ୟ କଲ୍ୟାଣ କାର୍ଡ ବାଣ୍ଟିବା ସହ ୮୦୦ କୋଟି ଟଙ୍କାର ବିଭିନ୍ନ ପ୍ରକଳ୍ପର ଉଦଘାଟନ କରିବେ ମୁଖ୍ୟମନ୍ତ୍ରୀ। ଏ ନେଇ ବ୍ୟାପକ ବନ୍ଦୋବସ୍ତ କରାଯାଇଛି।
ଡେବ୍ୟୁରେ ମ୍ୟାନ ଅଫ ଦି ମ୍ୟାଚ ଆଓ୍ବାର୍ଡ ଜିତିଲେ ହର୍ଷଲ ପଟେଲ
ରାଞ୍ଚି: ଆଇପିଏଲରେ ଦମଦାର ପ୍ରଦର୍ଶନ ପରେ ଭାରତ ପକ୍ଷରୁ ରାଞ୍ଚିରେ ଦମଦାର ଡେବ୍ୟୁ କରିଛନ୍ତି ହର୍ଷଲ ପଟେଲ । ନିଜର ପ୍ରଥମ ଅନ୍ତର୍ଜାତୀୟ ମ୍ୟାଚରେ ହିଁ ମ୍ୟାନ ଅଫ ଦି ମ୍ୟାଚ ପୁରସ୍କାର ଜିତିଥିଲେ ହର୍ଷଲ । ଯାହାଚ ହର୍ଷଲଙ୍କ ପାଇଁ ଏକ ଡ୍ରିମ୍ ଡେବ୍ୟୁ ରହିଥିଲା । ନ୍ୟୁଜିଲାଣ୍ଡଙ୍କ ବିପକ୍ଷରେ ରାଞ୍ଚିରେ ଖେଳାଯାଇଥିବା ଦ୍ବିତୀୟ ଟି-୨୦ରେ ୪ ଓଭର ବୋଲିଂ କରି ୨୫ ରନ ଦେଇ ଦୁଇ ଓ୍ବିକେଟ ଅକ୍ତିଆର କରିଥିଲେ ।
🎥 🎥 Congratulations to @HarshalPatel23 who is set to make his #TeamIndia debut. 👏 👏@Paytm #INDvNZ pic.twitter.com/n9IIPXFJQ7
— BCCI (@BCCI) November 19, 2021
ପ୍ରଥମ ବ୍ୟାଟିଂ କରି ଦମଦାର ଆରମ୍ଭ ପରେ ନ୍ୟୁଜିଲାଣ୍ଡ ବଡ଼ ସ୍କୋର ପାଇଁ ଦମଦାର ବ୍ୟାଟିଂ କରୁଥିଲା । ତେବେ ଏହି ସମୟରେ ୧୨ତମ ଓଭର ବୋଲିଂ କରିବାକୁ ଆସିଥିଲେ ହର୍ଷଲ ପଟେଲ । ୧୨ତମ ଓଭରରେ ନ୍ୟୁଜିଲାଣ୍ଡ ଡାରେଲି ମିଚେଲଙ୍କ ଓ୍ବିକେଟ ଅକ୍ତିଆର କରି ନ୍ୟୁଜିଲାଣ୍ଡ ଟିମକୁ ବ୍ୟାକଫୁଟକୁ ନେଇଯାଇଥିଲେ । ମିଚେଲଙ୍କ ଓ୍ବିକେଟ ପରେ ବ୍ଲାକକ୍ୟାପ୍ ଦ୍ରୁତ ଗତିରେ ରନ୍ ସ୍କୋର କରିପାରିନଥିଲେ । ଯାହା ଫଳରେ ଭାରତ ନ୍ୟୁଜିଲାଣ୍ଡକୁ ମାତ୍ର ୧୫୪ ରନରେ ରୋକି ପାରିଥିଲେ । ୧୫୪ ରନର ଲକ୍ଷ୍ୟ ପରେ ଭାରତ ପକ୍ଷରୁ ରୋହିତ ଶର୍ମା ଓ କେଏଲ ରାହୁଲ ଦମଦାର ବ୍ୟାଟିଂ କରି ୧୬ଟି ବଲ ବାକି ଥାଇ ଏହି ମ୍ୟାଚକୁ ନିଜ ନାମରେ କରିଥିଲା ଟିମ୍ ଇଣ୍ଡିଆ । ଏହି ବିଜୟ ସହ ଭାରତ ଏହି ସିରିଜରେ ୨—୦ରେ ନିଜ ନାମରେ ମଧ୍ୟ କରିଛି ରୋହିତ ବ୍ରିଗେଡ । ତେବେ ଏହି ମ୍ୟାଚରେ ମ୍ୟାନ ଅଫ ଦି ମ୍ୟାଚ ଆଓ୍ବାର୍ଡ ଜିତିବା ପରେ ସେ କହିଥିଲେ କି ମୋର ଡେବ୍ୟୁ ଦମଦାର ହୋଇଥିଲା । ଆଗକୁ ଥିବା ମ୍ୟାଚରେ ମଧ୍ୟ ଏପରି ଫର୍ମ ଜାରି ରଖିବା ପାଇଁ ଚେଷ୍ଟା କରିବି ବୋଲି କହିଥିଲେ ହର୍ଷଲ ପଟେଲ ।
ବିଳମ୍ବିତ ରାତ୍ରିରେ ଥରିଲା ଜାଲୋର
ଜାଲୋର: ମଧ୍ୟରାତ୍ରିରେ ଥରିଲା ଜାଲେର । ରାଜସ୍ଥାନର ଜାଲେରରେ ଗତକାଲି ରାତି ପ୍ରାୟ ୨.୨୬ ସମୟରେ ଭୂକମ୍ପର ଝଟକା ଅନୁଭବ ହୋଇଛି । ଏହି ଭୂକମ୍ପର ତୀବ୍ରତା ରିକ୍ଟର ସ୍କେଲରେ ୪.୬ ବୋଲି କୁହାଯାଇଛି । ତେବେ ଏହି ଭୂକମ୍ପରେ କ’ଣ କ୍ଷୟକ୍ଷତି ହୋଇଛି ତା’ର ସୂଚନା ଏପର୍ଯ୍ୟନ୍ତ ମିଳିପାରିନାହିଁ ।
An earthquake with a magnitude of 4.6 on the Richter Scale hit Jalore, Jalore today at 2:26 am, according to National Centre for Seismology
Image Source: National Center for Seismology pic.twitter.com/pNFoyDyaPH
— ANI (@ANI) November 19, 2021
ନ୍ୟାସନାଲ ସେଣ୍ଟର ଫର୍ ସିସମୋଲୋଜୀ ଅନୁସାରେ ଗତକାଲି ବିଳମ୍ବିତ ରାତିରେ ଜାଲେରରେ ୪.୬ ତୀବ୍ରତାର ଭୂକମ୍ପ ଅନୁଭବ ହୋଇଥିଲା । ତେବେ ଏହି ଭୂକମ୍ପର କେନ୍ଦ୍ର ସ୍ଥଳି କେଉଁଠାରେ ତାହା ଜଣା ପଡ଼ିନି । ଅନ୍ୟପକ୍ଷରେ ଏହି ଭୂକମ୍ପ ଦ୍ବାରା କ୍ଷୟକ୍ଷତି ହୋଇଛି ତାହାର ସୂଚନା ଏପର୍ଯ୍ୟନ୍ତ ମିଳିପାରିନାହିଁ ।
Earthquake of Magnitude:4.6, Occurred on 20-11-2021, 02:26:17 IST, Lat: 25.03 & Long: 72.35, Depth: 10 Km ,Location: 150km SSW of Jodhpur, Rajasthan, India for more information download the BhooKamp App https://t.co/G5pVgQ3koT @ndmaindia @Indiametdept pic.twitter.com/UW8BAiI3Cs
— National Center for Seismology (@NCS_Earthquake) November 19, 2021
ଚାପରେ ପଡ଼ି ଆଇନ୍ ପ୍ରତ୍ୟାହାର କଲେ କେନ୍ଦ୍ର ସରକାର: ବିରୋଧୀ
ଭୁବନେଶ୍ୱର: ଚାଷୀଙ୍କ ଜିଦ୍ ଆଗରେ ହାର ମାନିଛି କେନ୍ଦ୍ର ସରକାରଙ୍କ ଅହଙ୍କାର। ତିନି କୃଷି ଆଇନ୍ ପ୍ରତ୍ୟାହାର କରିବାକୁ ନିଷ୍ପତ୍ତି ନେଇଛନ୍ତି ପ୍ରଧାନମନ୍ତ୍ରୀ। ଶୀତ ଅଧିବେଶନରେ ଏ ନେଇ ଆରମ୍ଭ ହେବ ପ୍ରକ୍ରିୟା। ତେବେ କୃଷି ଆଇନ୍ ପ୍ରତ୍ୟାହାର ନିଷ୍ପତ୍ତି ପରେ ବିରୋଧୀ ଶିବିର ଏବେ କେନ୍ଦ୍ର ସରକାରଙ୍କୁ ଘେରିବାକୁ କୌଣସି ସୁଯୋଗ ହାତଛଡା କରୁନାହାନ୍ତି। ମୁଖ୍ୟ ବିରୋଧୀ କଂଗ୍ରେସ କେନ୍ଦ୍ର ସରକାରଙ୍କୁ ସମାଲୋଚନା କରିବା ସହ ଆଜି କିଷାନ ବିଜୟ ଦିବସ ପାଳନ କରିବାକୁ ନିଷ୍ପତ୍ତି ନେଇଛି। ଏ ନେଇ ସମସ୍ତ ରାଜ୍ୟର ପିସିସିକୁ ଏଆଇସିସି ପକ୍ଷରୁ ସୂଚନା ଦିଆଯାଇଛି।
ରାଜ୍ୟ ମୁଖ୍ୟାଳୟରେ କିଷାନ ବିଜୟ ଦିବସ ପାଳନ କରିବାକୁ ଘୋଷଣା କରିଛି କଂଗ୍ରେସ। ଏହି ଅବସରରେ ଦଳୀୟ ନେତା ରାଲି ଓ ସଭାର ଆୟୋଜନ କରିବେ। ଚାଷୀଙ୍କ ଆନ୍ଦୋଳନ ପାଇଁ କେନ୍ଦ୍ର ସରକାର ତିନି କୃଷି ଆଇନ୍ ପ୍ରତ୍ୟାହାର କରିବା ପାଇଁ ବାଧ୍ୟ ହୋଇଛନ୍ତି। ଏଣୁ କିଷାନ ବିଜୟ ଦିବସ ପାଳନ କରି ଆନ୍ଦୋଳନରତ ଚାଷୀଙ୍କୁ ସମସ୍ତ ଶ୍ରେୟ ଦେବା ପାଇଁ ଯୋଜନା କରିଛି କଂଗ୍ରେସ। ସେପଟେ ଆନ୍ଦୋଳନରତ ଚାଷୀଙ୍କ ଆଜି ରହିଛି ଗୁରୁତ୍ୱପୂର୍ଣ୍ଣ ବୈଠକ। ଏହି ବୈଠକରେ ଆଗାମୀ ରଣନୀତି ନେଇ ଆଲୋଚନା ହେବ।
କମଲା ହାରିସଙ୍କୁ ରାଷ୍ଟ୍ରପତି କ୍ଷମତା ହସ୍ତାନ୍ତର କଲେ ଜୋ ବାଇଡେନ
ଓ୍ବାସିଂଟନ: ଆମେରିକା ରାଜନୀତିରେ ନାଟକୀୟ ମୋଡ଼ । ଉପରାଷ୍ଟ୍ରପତି କମଲା ହାରିଶଙ୍କୁ କ୍ଷମତା ହସ୍ତାନ୍ତର କରିବେ ଜୋ ବାଇଡେନ୍ । ସ୍ବାସ୍ଥ୍ୟଗତ ସମସ୍ୟା ଯୋଗୁଁ ସେ ଏପରି କରିବେ ବୋଲି ହ୍ବାଇଟ ହାଇସ ପକ୍ଷରୁ କୁହାଯାଇଛି । କମଲା ହାରିସଙ୍କୁ ରାଷ୍ଟ୍ରପତି ପଦ ହସ୍ତାନ୍ତର କଲେ ଆମେରିକା ରାଷ୍ଟ୍ରପତି ଜୋ ବାଇଡେନ । ଶୁକ୍ରବାର ବାଇଡେନ ତାଙ୍କ ସ୍ବାସ୍ଥ୍ୟ ପରୀକ୍ଷା ପାଇଁ ଓ୍ବାସିଂଟନ ଉପକଣ୍ଠରେ ଥିବା ଏକ ହସ୍ପିଟାଲକୁ ଯାଇଥିଲେ । ପ୍ରେସ ସେକ୍ରେଟରୀ ଜେନ ପସାକି କହିଛନ୍ତି ଯେ କୋଲୋନୋସ୍କୋପି ସମୟରେ ବିଡେନ ଆନାସ୍ଥେଆରେ ରହିବେ । ଯାହା ଫଳରେ ବାଇଡେନ ସାମୟିକ ଭାବରେ କମଲା ହାରିସଙ୍କୁ କ୍ଷମତା ହସ୍ତାନ୍ତର କରିବେ । ପସାକି କହିଛନ୍ତି ଯେ ହାରସ୍ ଏବଂ ହ୍ବାଇଟ ହାଉସର ମୁଖ୍ୟ ଷ୍ଟାଫ୍ ରୋନ୍ କ୍ଲାଏନଙ୍କ ସହ କଥା ହେବା ପରେ ୧୧.୩୫ରେ ବିଡେନ ପୁନର୍ବାର କାର୍ଯ୍ୟ ଆରମ୍ଭ କରିବେ । ପ୍ରତିବର୍ଷ ବାଇଡେନଙ୍କର ରୁଟିନ୍ ଚେକ୍ଅପ୍ କରାଯାଉଛି । ବାଇଡେନ୍ ଅନ୍ୟ କୌଣସି ସ୍ବାସ୍ଥ୍ୟଗତ ସମସ୍ୟା ନାହିଁ । ସେ କୋଭିଡର ବୁଷ୍ଟର ଡୋଜ ମଧ୍ୟ ନେଇସାରିଛନ୍ତି । ତେବେ ଖୁବ୍ଶୀଘ୍ର ସୁସ୍ଥ ହୋଇ ପୁଣି ଥରେ ରାଷ୍ଟ୍ରପତି ଦାୟିତ୍ବ ତୁଲାଇବେ ବୋଲି ହ୍ବାଇଟ ହାଉସ ପକ୍ଷରୁ କୁହାଯାଇଛି ।
ହାରିସ୍ ପ୍ରଥମ ମହିଳା ଏବଂ ଦକ୍ଷିଣ ଏସୀୟ ବଂଶର ଉପରାଷ୍ଟ୍ରପତି ଭାବରେ କାର୍ଯ୍ୟ କରୁଥିବା କମଲା ହାରିସ ସ୍ବଳ୍ପ ସମୟ ପାଇଁ ରାଷ୍ଟ୍ରପତି ଭାବରେ ଦାୟିତ୍ବ ନେଇ ଇତିହାସ ସୃଷ୍ଟି କରିବେ । ୨୦୦୨ ଏବଂ ୨୦୦୭ରେ ଯେତେବେଳେ ରାଷ୍ଟ୍ରପତି ଜର୍ଜ ଡବ୍ଲୁ ବୁଶଙ୍କର ସମାନ ପ୍ରକ୍ରିୟା ହୋଇଥିଲା । ସେହି ସମୟରେ ଉପ ରାଷ୍ଟ୍ରପତି ଥିବା ଜୋ ବିଡେନଙ୍କୁ ସ୍ବଳ୍ପ ସମୟ ପାଇଁ ରାଷ୍ଟ୍ରପତିଙ୍କ ଦାୟିତ୍ବ ଗ୍ରହଣ କରିଥିଲେ ଜୋ ବାଇଡେନ୍ ।
ଦେବେନ୍ଦ୍ରଙ୍କ କାରୁକାର୍ଯ୍ୟରେ ନନ୍ଦିଘୋଷ ଟିଭିର ପ୍ରତିଛବି
ଭୁବନେଶ୍ବର: ତାଙ୍କ ହାତ କହେ, ଓଡିଶାର ଇତିହାସ। ନିହାଣ ଚାଲିଲେ, ଆଙ୍କି ହୋଇଯାଏ ଉଦ୍ଭାସିତ ଅତୀତ । ପଥର ବି ହୋଇଉଠେ ଜୀବନ୍ତ । ପାଷାଣ ହୋଇ ପଡିଥିବା ପସ୍ତର ବି ଉତ୍କଳର ଅତୀତକୁ କରେ ଉଜ୍ଜିବୀତ । ସୀମାହୀନ ଲକ୍ଷ୍ୟକୁ ନେଇ ବଞ୍ଚୁଥିବା ଏହି ଯୁବ ଭାସ୍କର୍ଯ୍ୟ ଶିଳ୍ପୀ ହେଉଛନ୍ତି ବାଲିପାଟଣାର ଦେବେନ୍ଦ୍ର ବାରିକ । ନିଜ ହାତରେ ସ୍ଥାନିତ କରିଛନ୍ତି ସାଧବପୁଅଙ୍କ ଗାଥା । ନିହାଣ-ମୁଗୁର ମୁନରେ ତିଆରି କରିଛନ୍ତି କଳା ଭାସ୍କର୍ଯ୍ୟର ଏନ୍ତୁଡ଼ିଶାଳ ଓଡ଼ିଶାର ଇତିହାସ । ଆଉ ଏଥିରେ ସ୍ଥାନିତ କରିଛନ୍ତି ନନ୍ଦିଘୋଷ ଟିଭିର ପ୍ରତିଛବି ।
କାର୍ତ୍ତିକ ପୂର୍ଣ୍ଣିମା ଏବଂ ବୋଇତ ବନ୍ଦାଣ ଭଳି ପବିତ୍ର ଦିନରେ ନନ୍ଦିଘୋଷ ଟିଭି ମୁଖ୍ୟ ସମ୍ପାଦକ ଶିଶିର ଭଟ୍ଟମିଶ୍ରଙ୍କୁ ଭେଟି ଦେଇଛନ୍ତି ନିଜ ହାତରେ ତିଆରି କାରୁକାର୍ଯ୍ୟ । ଯେଉଁ କାରୁକାର୍ଯ୍ୟ ମଧ୍ୟରେ ସ୍ଥାନିତ ରହିଛି ଓଡ଼ିଶାର ମୁଖଶାଳା କୁହାଯାଉଥିବା କୋଣାର୍କ ମନ୍ଦିର, ବୋଇତ ବନ୍ଦାଣର ଦୃଶ୍ୟ । ଏହା ସହିତ ଅନେକ ସୂକ୍ଷ୍ମ କାରୁକାର୍ଯ୍ୟ ବଖାଣୁଛି ଓଡ଼ିଶାର ଐତିହ୍ୟ । ନନ୍ଦିଘୋଷ ଟିଭି ଭଳି ଏକ ଲୋକାଦୃତ ଗଣମାଧ୍ୟମର ଲୋଗୋକୁ ସ୍ଥାନିତ କରି ସେ ଖୁବ ଆନନ୍ଦିତ ଥିବା କହିଛନ୍ତି ।
ରାଜ୍ୟ କୃଷି ଭବନ ହେଉ କିମ୍ବା ବିଜୁ ପଟ୍ଟନାୟ ବିମାନ ବନ୍ଦରର ଟର୍ମିନାଲ ହେଉ । ଏ ସମସ୍ତ ସ୍ଥାନରେ ରହିଛି ଦେବେନ୍ଦ୍ରଙ୍କ ପରିକଳ୍ପନାର ଭାସ୍କର୍ଯ୍ୟ । ପିଲାଟି ଦିନରୁ ଭସ୍କର୍ଯ୍ୟ କଳା ପ୍ରତି ଆକଷ୍ଟିତ ଦେବେନ୍ଦ୍ର ଆଜି ଉତ୍କଳର ସାଧବ ପୁଅଙ୍କ ବୋଇତ ବନ୍ଦାଣର ଏକ ପ୍ରସ୍ତରେ କାରୁକାର୍ୟ୍ୟ ପ୍ରସ୍ତୁତ କରିବା ସହ ପ୍ରମୁଖ ତାଙ୍କ ପ୍ରିୟର ଗଣମାଧ୍ୟମ ନନ୍ଦିଘୋ ଟିଭିର ଲୋଗୋକୁ ସ୍ଥାନିତ କରିଛନ୍ତି ।
ମୁଖ୍ୟମନ୍ତ୍ରୀଙ୍କ କାର୍ତ୍ତିକ ପୂର୍ଣ୍ଣମୀ ଭେଟି
ଯାଜପୁର: ବ୍ୟାସନଗର ସହରବାସୀଙ୍କୁ ମୁଖ୍ୟମନ୍ତ୍ରୀଙ୍କ କାର୍ତ୍ତିକ ପୂର୍ଣ୍ଣମୀ ଭେଟି । ମୁଖ୍ୟମନ୍ତ୍ରୀ ‘ମୁକ୍ତା’ ଯୋଜନାରେ ବ୍ୟାସନଗର ପୌରାଞ୍ଚଳକୁ ୬ କୋଟି ୬୨ ଲକ୍ଷ ଟଙ୍କା ଭେଟି ଦେଇଛନ୍ତି । ଏଥିରେ ପୌରାଞ୍ଚଳରେ ୫୬ଟି ପ୍ରକଳ୍ପ ନିର୍ମାଣ କରାଯିବ । ଏନେଇ ବ୍ୟାସନଗର ଠାରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି କୋରାଇ ବିଧାୟକ ଅଶୋକ ବଳ । ସହରର ବିକାଶ ପାଇଁ ଏବେ ମୁକ୍ତା ଯୋଜନାରେ ୬ କୋଟି ୬୨ ଲକ୍ଷ ଟଙ୍କା ଯୋଗାଇ ଦେଇଛନ୍ତି ରାଜ୍ୟ ସରକାର । ସହରରେ କ୍ଷୁଦ୍ର ଉଦ୍ୟାନ, ପବ୍ଲିକ ଜିମ୍, ଶିଶୁ କ୍ରିଡ଼ା ଉଦ୍ୟାନ, ପାଦଚଲା ରାସ୍ତା, ଖେଳପଡିଆ ବିକାଶ, ନୂତନ ଭେଡିଂ ଜୋନ୍, ନୂତନ ରାସ୍ତା ଓ ଡ୍ରେନ୍ ନିର୍ମାଣ ପାଇଁ ଏହି ଅର୍ଥ ବିନିଯୋଗ କରାଯିବ । ଏଥିପାଇଁ ମୁକ୍ୟମନ୍ତ୍ରୀ ନବୀନ ପଟ୍ଟ ନାୟକଙ୍କୁ କୃତଜ୍ଞତା ଜଣାଇଛନ୍ତି ସହରବାସୀ ।