ନୂଆଦିଲ୍ଲୀ: ଦୁଇ ଦିନ ପୂର୍ବେ ପଦ୍ମ ପୁରସ୍କାରରେ ସମ୍ମାନିତ ହୋଇଥିଲେ କଙ୍ଗନା ରଣାଓ୍ୱତ । ଦୁଇ ଦିନ ପୂର୍ବେ ପଦ୍ମ ପୁରସ୍କାର ପାଇଥିବା କଙ୍ଗନା ଏବେ ପୁଣିଥରେ ଚର୍ଚ୍ଚାରେ ଅଛନ୍ତି । ଭାରତ ସ୍ୱାଧିନତାକୁ ନେଇ ଚର୍ଚ୍ଚାରେ ଅଛନ୍ତି କଙ୍ଗନା । ତେବେ ୧୯୪୭ରେ ଭାରତର ସ୍ବାଧିନତାକୁ ନେଇ ଏକ ଇଂରାଜୀ ଗଣମାଧ୍ୟମରେ ଦେଇଥିବା ବୟାନକୁ ନେଇ ଏବେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ସେ କହିଥିଲେ କି ୧୯୪୭ରେ ଭାରତକୁ ମିଳିଥିବା ସ୍ୱାଧିନତା ଭିକ ଥିଲା । ପ୍ରକୃତ ସ୍ୱାଧିନତା ୨୦୧୪ରେ ମିଳିଥିଲା । ୨୦୧୪ରେ ନରେନ୍ଦ୍ର ମୋଦୀ ପ୍ରଧାନମନ୍ତ୍ରୀ ହେଲା ପରେ ଭାରତକୁ ପ୍ରକୃତରେ ସ୍ୱାଧିନତା ମିଳିଛି । ତେବେ କଙ୍ଗନାଙ୍କ ଏହି ବୟାନ ପରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି ।

कभी महात्मा गांधी जी के त्याग और तपस्या का अपमान, कभी उनके हत्यारे का सम्मान, और अब शहीद मंगल पाण्डेय से लेकर रानी लक्ष्मीबाई, भगत सिंह, चंद्रशेखर आज़ाद, नेताजी सुभाष चंद्र बोस और लाखों स्वतंत्रता सेनानियों की कुर्बानियों का तिरस्कार।

इस सोच को मैं पागलपन कहूँ या फिर देशद्रोह? pic.twitter.com/Gxb3xXMi2Z

— Varun Gandhi (@varungandhi80) November 11, 2021

କଙ୍ଗନାଙ୍କ ଏହି ବୟାନ ପରେ ରାଜନୈତିକ ମାହୋଲରେ ଚର୍ଚ୍ଚା ଆରମ୍ଭ ହୋଇସାରିଛି । ବଲିଉଡ୍ ଅଭିନେତ୍ରୀ କଙ୍ଗନାଙ୍କ ଏହି ବୟାନ ପରେ ବିଜେପି ସାଂସଦ ବରୁଣ ଗାନ୍ଧୀ ଟୁଇଟ କରି କଙ୍ଗନାଙ୍କୁ କଟାକ୍ଷ କରିଥିଲେ । ବରୁଣ ଗାନ୍ଧୀ କହିଛନ୍ତି ଜାତିର ପିତା ମହାତ୍ମା ଗାନ୍ଧୀଙ୍କ ତ୍ୟାଗ ଓ ତପସ୍ୟା ପ୍ରତି ଏହା ଏକ ବଡ଼ ଅପମାନ । ଦେଶର ସ୍ୱାଧିନତା ପାଇଁ ଲକ୍ଷ ଲକ୍ଷ ଲୋକ ବଳିଦାନ ଦେଇଥିଲେ । ଲକ୍ଷ ଲକ୍ଷ ପରିବାର ସ୍ୱାଧିନତା ଲାଗି ଆନ୍ଦୋଳନ ଓ ଲଢ଼େଇରେ ଶହୀଦ ହୋଇଥିଲେ । କଙ୍ଗନାଙ୍କ ଏହି ବୟାନ ସିଧାସଳଖ ସ୍ୱାଧିନତା ସଂଗ୍ରାମୀଙ୍କ ପ୍ରତି ଅପମାନ । ଯେଉଁମାନେ ଦେଶ ଲାଗି ନିଜ ଜୀବନ ଉତ୍ସର୍ଗ କରିଥିଲେ । ଏହା ସିଧାସଳଖ ଦେଶଦ୍ରୋହର ମାମଲା ବୋଲି ବରୁଣ ଉଲ୍ଲେଖ କରିଥିଲେ ।

Submitted an application to @MumbaiPolice requesting action on Kangana Ranaut for her seditious and inflammatory statements on @TimesNow, under sections 504, 505 and 124A.
Hope to see some action @CPMumbaiPolice @DGPMaharashtra pic.twitter.com/9WxFXJFnEn

— Preeti Sharma Menon (@PreetiSMenon) November 11, 2021

ତେବେ ଏହି ମାମଲାରେ କେବଳ ବରୁଣ ଗାନ୍ଧୀ ନୁହେଁ ବରୁଣଙ୍କ ବ୍ୟତୀତ ବିରୋଧୀ ଦଳ ମଧ୍ୟ ଏହାକୁ ନେଇ ତୀବ୍ର ସମାଲୋଚନା ପ୍ରକାଶ କରିଛନ୍ତି । ଅକାଳୀ ଦଳ ନେତା ମନଜିନ୍ଦର ସିଂ କହିଛନ୍ତି ମଣିକର୍ଣ୍ଣିକ ଚଳଚିତ୍ର ଅଭିନୟ କରୁଥିବା ଅଭିନେତ୍ରୀ କିପରି ସ୍ୱାଧିନତାକୁ ଭିକ୍ଷା କହୁଛନ୍ତି । ଏହା ବ୍ୟତୀତ ଆମ୍ ଆଦମୀ ପାର୍ଟିର ନେତ୍ରୀ ପ୍ରିତୀ ଶର୍ମା ମେନନ କଙ୍ଗନାଙ୍କ ଏହି ଉକ୍ତିକୁ ବିରୋଧ କରି ମୁମ୍ବାଇ ପୋଲିସ ନିକଟରେ ଏକ ଏଫଆଇଆର ଦାୟର କରିଥିଲେ । ତେବେ ଏମାନଙ୍କ ବ୍ୟତୀତ ଇତିହାସକାର ଇର୍ଫାନ ହବିବ୍, ଅଭିନେତ୍ରୀ ସ୍ବାରା ଭାସ୍କର, ଫିଲ୍ମ ନିର୍ମାତା ଓନିର, ବ୍ୟାଟମିଣ୍ଟନ ତାରକା ଜ୍ୱାଲା ଗୁଟ୍ଟା ଓ ରେଡିଓ ଜକି ସାଇମାଙ୍କ ସହ ବହୁ ବରିଷ୍ଠ ବ୍ୟକ୍ତି ପ୍ରତିକ୍ରିୟା ପ୍ରକାଶ କରିଛନ୍ତି ।