spot_img
Home Blog Page 4696

ଚକା ଫାଟିଯିବାରୁ ଓଲଟି ପଡ଼ିଲା କାର୍: ୩ଜଣ ଗୁରୁତର

Tanmaya Reddy
-
0
ଚକା ଫାଟିଯିବାରୁ ଓଲଟି ପଡ଼ିଲା କାର୍: ୩ଜଣ ଗୁରୁତର

ସୋର: ବାଲେଶ୍ୱର ଜିଲ୍ଲା ୧୬ନଂ ଜାତୀୟ ରାଜପଥ ସୋର ତଳନଗର ନିକଟରେ ଜାଜପୁର ଜିଲ୍ଲା ଆଦିବାସି ହରିଜନ କଲ୍ୟାଣ ବିଭାଗ ଗାଡ଼ିର ବାଲେଶ୍ୱରରୁ ଯାଜପୁର ଫେରୁଥିବା ବେଳେ ଆଗ ଚକ ଫାଟି ଯିବାରୁ ଓଲଟିଲା କାର୍ । ଫଳରେ ଗାଡ଼ିରେ ଥିବା ୩ ଜଣଙ୍କ ଗୁରୁତର ଆହାତ ହୋଇଥିବା ଜଣାପଡିଛି ।

ସ୍ଥାନୀୟ ଲୋକ ଉଦ୍ଧାର କରି ସେମାନଙ୍କୁ ପ୍ରଥମେ ସୋର ଡାକ୍ତର ଖାନାକୁ ଆଣିଥିବା ବେଳେ ସେମାନଙ୍କ ଅବସ୍ଥା ସଂକାଟପନ୍ନ ହେବାରୁ ସେମାନଙ୍କୁ ବାଲେଶ୍ୱର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ତେବେ ଗୁରୁତର ୩ ଜଣଙ୍କ ମଧ୍ୟରେ ଜଣେ ମହିଳା ଅଛନ୍ତି । ପୁରୁଷ ଜଣଙ୍କ ସୁରେଶ ସାହୁ । ତେବେ ସରକାରୀ ଗାଡ଼ିରେ ଦୀଘା ବୁଲିବାକୁ ଯାଇ ଫେରୁଥିବା ବେଳେ ଦୁର୍ଘଟଣା ଘଟିଥିବା ଜଣାପଡ଼ିଛି ।

ଏଥିସହିତ ପଢ଼ନ୍ତୁ: କେବିସିରେ ୨୫ଲକ୍ଷ ଟଙ୍କା ଜିତିଥିବା କହି ଫୋନ୍ କଲେ ଲୁଟେରା, ଆଉ ତା’ପରେ..

ଗତ ୨୪ ଘଣ୍ଟାରେ ଦିଲ୍ଲୀରେ ୨୨ ହଜାର ଓ ମୁମ୍ବାଇରେ ୧୯ ହଜାରରୁ ଅଧିକ ଆକ୍ରାନ୍ତ ଚିହ୍ନଟ

Santosh Kumar Sahoo
-
0
ଗତ ୨୪ ଘଣ୍ଟାରେ ଦିଲ୍ଲୀରେ ୨୨ ହଜାର ଓ ମୁମ୍ବାଇରେ ୧୯ ହଜାରରୁ ଅଧିକ ଆକ୍ରାନ୍ତ ଚିହ୍ନଟ

ନୂଆଦିଲ୍ଲୀ: ଦେଶରେ କରୋନା ସଂକ୍ରମଣ ହୁ ହୁ ହୋଇ ବଢ଼ିବାରେ ଲାଗିଛି । ଗତ ୨୪ ଘଣ୍ଟାରେ ଦେଶରେ ଦେଢ଼ ଲକ୍ଷରୁ ଅଧିକ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଖାସ୍ କରି ଦିଲ୍ଲୀ ଓ ମୁମ୍ବାଇରେ ଉପରମୁହାଁ ରହିଛି କରୋନା ସଂକ୍ରମଣ । ଯଦି ଦିଲ୍ଲୀ କଥା କହିବା ତାହାଲେ ଦିଲ୍ଲୀରେ କରୋନ ସଂକ୍ରମଣରେ ବ୍ରେକ ଲାଗୁନି । ଦିନକୁ ଦିନ ଦ୍ରୁତ ଗତିରେ ମାଡି ଚାଲୁଛି କରୋନା ସଂକ୍ରମଣ । ଗତ ୨୪ ଘଣ୍ଟାରେ ରାଜଧାନୀ ଦିଲ୍ଲୀରେ ୨୨ ହଜାର ୭୫୧ରୁ ମାମଲା ଚିହ୍ନଟ ହୋଇଛି । ସେହିପରି ୨୪ ଘଣ୍ଟାରେ ୧୭ ଜଣ କରୋନାରେ ମୃତ୍ୟୁ ବରଣ କରିଛନ୍ତି । ଏହା ବ୍ୟତୀତ ଏବେ ଦିଲ୍ଲୀରେ କରୋନା ସଂକ୍ରମଣ ୨୩.୫୩ ପ୍ରତିଶତରେ ପହଞ୍ଚିଛି ।

ଦିଲ୍ଲୀରେ ଲଗାତର ଭାବରେ ଦୁଇ ଦିନ ଧରି କରୋନା ସଂକ୍ରମଣ ୨୦ ହଜାରରୁ ଅଧିକ ଚିହ୍ନଟ ହୋଇଛି । ଶନିବାର ଦିଲ୍ଲୀରେ ୨୦ ହଜାର ୧୮୧ ମାମଲା ଚିହ୍ନଟ ହୋଇଥିବାବେଳେ ରବିବାର ୨୨ ହଜାର ୭୫୧ ମାମଲା ଚିହ୍ନଟ ହୋଇଛି । ଦିଲ୍ଲୀରେ ବଢ଼ୁଥିବା ସଂକ୍ରମଣକୁ ଦୃଷ୍ଟିରେ ରଖି ରବିବାର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ୱାଲ ପ୍ରେସ କନଫରମେନ୍ସ କରିଥିଲେ । ଲଗାତର ଦୁଇ ଦିନ ଧରି ୨୦ ହଜାରରୁ ଅଧିକ କେସ୍ ସାମ୍ନାକୁ ଆସିଛି । କିନ୍ତୁ ଏହାକୁ ନେଇ କୌଣସି ଭୟ କରିବା ଆବଶ୍ୟକ ନାହିଁ । ସେ ଆହୁରି କହିଛନ୍ତି କି ଦିଲ୍ଲୀରେ ବର୍ତ୍ତମାନ ଲକଡାଉନ କିମ୍ବା ସଟଡାଉନ କରିବା କୌଣସି ବିଚାର କରାଯାଇନାହିଁ ।

ସେହିପରି ମହାରାଷ୍ଟ୍ର କଥା ଯଦି କହିବା ତାହାଲେ ମହାରାଷ୍ଟ୍ରରେ ଗତ ୨୪ ଘଣ୍ଟାରେ ୪୪ ହଜାରରୁ ଅଧିକ କୋଭିଡ ପଜିଟିଭ୍ ଚିହ୍ନଟ ହୋଇଛନ୍ତି । ମୁମ୍ବାଇ କଥା ଯଦି କହିବା ତାହାଲେ ୨୪ ଘଣ୍ଟାରେ ୧୯ ହଜାରରୁ ଅଧିକ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ମୁମ୍ବାଇରେ କରୋନାରେ ୬ ଜଣଙ୍କର ମୃତ୍ୟୁ ହୋଇଛି ।

ମାଲିକର ଫେରିବା ବାଟକୁ ଚାହିଁ ବସିଛି ବୁଢ଼ା ଓଟ

Tanmaya Reddy
-
0
ମାଲିକର ଫେରିବା ବାଟକୁ ଚାହିଁ ବସିଛି ବୁଢ଼ା ଓଟ

ବଲାଙ୍ଗୀର: ଗାଁକୁ ଯେବେ ବସ୍‌ ଗଡ଼ିଥିଲା ମାଗୁଣୀର ଶଗଡ଼ର ଆଦର କମିଥିଲା । କଳ ମୋଟର ଆଗରେ ନିଜ ଭାଗ୍ୟକୁ ସିନା ନିନ୍ଦୁ ଥିଲା ମାଗୁଣୀ । ହେଲେ ନିଜ ସୁଖଦୁଃଖର ସାଥୀ କାଳିଆ ଓ କଷରା ବଳଦକୁ ପର କରିନଥିଲା । ହେଲେ ଏବେ କାଳିଆ ଓ କଷରା ଭଳି ଗୃହପାଳିତ ପ୍ରାଣୀ ଅଛନ୍ତି ସିନା, ମାଗୁଣୀ ଭଳି ଚରିତ୍ରର ଘୋର ଅଭାବ । ପୂରା ଯୌବନ ଓଟର ବଳବପୁରେ କମାଉଥିବା ଜଣେ ସ୍ୱାର୍ଥବାଦୀ ମଣିଷ କିଭିଳି ଶେଷ ସମୟରେ ସ୍ୱାର୍ଥପରତାର ପଚିଚୟ ଦିଏ ତାର ଉଦାହରଣ ଦେଖିବାକୁ ମିଳିଛି ବଲାଙ୍ଗୀରେ । ରାସ୍ତା ବୁଢା ଓଟକୁ ଏକା ଛାଡିଦେଇ ଏବେ ଛୁ ହୋଇଯାଇଛି ମାଲିକ । ଏପଟେ ନିର୍ବାକ ଆଖି ଦୁଇ ହଳ ବଲବଲ କରି ଚାହିଁଛି ମାଲିକର ଫେରିବା ବାଟକୁ ।

ମୁଁ ତୋ ପାଇଁ, ତୁ ମୋ ପାଇଁ । ବୋଧେ ଏଇଆ ସନ୍ଧି କରି ରୋଜଗାର ପାଇଁ ଗୋଡ଼ କାଢ଼ିଥିଲେ ଓଟ ଓ ତାର ମାଲିକ । ଯୌବନରୁ ବାର୍ଦ୍ଧକ୍ୟ ଯାଏ ନିର୍ବାକ ପ୍ରାଣୀଟି କେତେ ଯେ ବୋଝ ବୋହିଛି ତା ପିଠିରେ । ମାଲିକର ଆସୁମାରୀ ସ୍ୱପ୍ନକୁ ଉଣା ଅଧିକେ ସାକାର କରିବାକୁ ମାଧ୍ୟମ ବି ସାଜିଛି । ହେଲେ ସନ୍ଧି ଭିତରେ ଥିବା ଛଳନାକୁ ବୋଧେ ଜାଣିପାରିନଥିଲା ଏ ବୁଢା ଓଟ । ବଲାଙ୍ଗୀର-କଳାହାଣ୍ଡି ସୀମା କେସିଙ୍ଗାରେ ଲେଖାହୋଇଛି ଏ ହୃଦୟ ବିଦାରକ କାହାଣୀ । ଯେଉଁଠି ସ୍ୱାର୍ଥ ସରିଗଲା ପରେ ଗୋଟିଏ ବୁଢା ଓଟକୁ ଛାଡି ଦେଇଛି ତାର ମାଲିକ । ଅବଶ ଓ ଅଥୟ ଶରୀରର ବୋଝ ବୋହି ଅପେକ୍ଷା କରିଛି ମାଲିକର ଫେରିବା ବାଟକୁ ।

ମାଲିକ ସିନା ଛଳନା କରି ଚାଲିଗଲା । ଏବେ ଓଟକୁ ଆଦରି ନେଇଛନ୍ତି କିଛି ପଶୁପ୍ରେମୀ । ଉଦ୍ଧାର କରିବା ସହ ତା’ର ଚିକିତ୍ସା ଓ ଖାଦ୍ୟପେୟର ନେଇଛନ୍ତି ଦାୟିତ୍ୱ । ଓଟ ମାଲିକଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ସାଧାରଣରେ ଉଠିଛି ଦାବି । କିଛି ଦିନ ତଳେ ବଲାଙ୍ଗୀର ଜିଲ୍ଲା ସଇଁନ୍ତଲା ବ୍ଲକକୁ ୩ଟି ଓଟ ନେଇ ଆସିଥିଲେ ୩ଜଣ ବ୍ୟକ୍ତି । ଗାଁ ଗାଁରେ ଓଟ ବୁଲାଇ ବେଶ୍‌ ରୋଜଗାର ବି କରୁଥିଲେ । ହେଲେ ଗୋଟିଏ ଓଟର ବୟାସଧିକ କାରଣରୁ ମାଲିକର ସାଥ ନଦେବାରୁ ଏବେ ରାସ୍ତାରେ ଛାଡିଦେଇଛି ମାଲିକ ।

ଦେଶରେ କରୋନା ସଂକ୍ରମଣକୁ ନେଇ ପ୍ରଧାନମନ୍ତ୍ରୀଙ୍କ ଉଚ୍ଚସ୍ତରୀୟ ସମୀକ୍ଷା ବୈଠକ

Santosh Kumar Sahoo
-
0
ଦେଶରେ କରୋନା ସଂକ୍ରମଣକୁ ନେଇ ପ୍ରଧାନମନ୍ତ୍ରୀଙ୍କ ଉଚ୍ଚସ୍ତରୀୟ ସମୀକ୍ଷା ବୈଠକ

ନୂଆଦିଲ୍ଲୀ: ଚିନ୍ତା ବଢ଼ାଇଲାଣି ଓମିକ୍ରନ । ଗତ ୨୪ ଘଣ୍ଟାରେ ଭାରତରେ ଦେଢ଼ ଲକ୍ଷରୁ ଅଧିକ କରୋନା ଆକ୍ରାନ୍ତଙ୍କ ସଂଖ୍ୟା ଚିହ୍ନଟ ହୋଇଛି । ତେବେ ଭାରତରେ ଦ୍ରୁତ ଗତିରେ ବଢ଼ୁଥିବା ସଂକ୍ରମଣକୁ ଦୃଷ୍ଟିରେ ରଖି ଆଜି କୋଭିଡ ସ୍ଥିତିର ସମୀକ୍ଷା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ବୈଠକରେ ସ୍ୱାସ୍ଥ୍ୟ ମନ୍ତ୍ରଣାଳୟର ବରିଷ୍ଠ ଅଧିକାରୀ ଏବଂ କୋଭିଡ୍ ସମ୍ଭନ୍ଧୀୟ ଅନ୍ୟ ଏଜେନ୍ସିର ଅଧିକାରୀମାନେ ଉପସ୍ଥିତ ଥିଲେ । ବୈଠକରେ ଦେଶରେ ସମ୍ପ୍ରତି ସୃଷ୍ଟି ହୋଇଥିବା ତୃତୀୟ ଲହରରୁ ଦେଶକୁ ମୁକୁଳାଇବା ପାଇଁ ବୈଠକରେ ଆଲୋଚନା ହୋଇଛି ।

ଏହି ବୈଠକରେ ସଂକ୍ରମଣ ଓ ଭୂତାଣୁକୁ ପ୍ରତିହତ କରିବା ପାଇଁ ଗ୍ରହଣ କରାଯାଇଥିବା ପଦକ୍ଷେପ ସମ୍ପର୍କରେ ପ୍ରଧାନମନ୍ତ୍ରୀ ଆଲୋଚନା କରିଛନ୍ତି । ସେହିପରି କିଶୋରଙ୍କ ଟିକାକରଣ ତ୍ୱରାନ୍ୱିତ କରିବା ସହ ଫ୍ରଣ୍ଟଲାଇନ ଓ୍ୱାର୍କରଙ୍କୁ ତୁରନ୍ତ ବୁଷ୍ଟର ଡୋଜ୍ ଦେବାକୁ ଗୁରୁତ୍ୱ ଦିଆଯାଇଛି । ଆସନ୍ତାକାଲି ସବୁ ରାଜ୍ୟର ସ୍ୱାସ୍ଥ୍ୟମନ୍ତ୍ରୀଙ୍କ ସହ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଆଲୋଚନା କରିବେ ।

ଅନ୍ୟପଟେ ପ୍ରଥମ ଓ ଦ୍ୱିତୀୟ ଲହର ପିଲାଙ୍କ ଉପରେ ସେତେଟା ପ୍ରଭାବ ପକାଇ ନଥିଲେ ବି ତୃତୀୟ ଲହରରେ ଅଧିକ ଶିଶୁ ଆକ୍ରାନ୍ତ ହେଉଛନ୍ତି । ଦିଲ୍ଲୀ ଏନସିଆରରେ ଦୈନିକ ସଂକ୍ରମିତଙ୍କ ମଧ୍ୟରେ ୧୮ବର୍ଷରୁ କମ୍ ବୟସ୍କ ଅଧିକ ଆକ୍ରାନ୍ତ ହେଉଛନ୍ତି । ସେହିପରି ଦେଶରେ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୩୫ ଶହ ପାର୍ କରିଛି । ଦିଲ୍ଲୀ, ୟୁପି, ତାମିଲନାଡୁ, ମହାରାଷ୍ଟ୍ର, କର୍ଣ୍ଣାଟକରେ ସଂକ୍ରମଣ ରକେଟ୍ ବେଗରେ ବଢ଼ୁଥିବା ବେଳେ ଏବେ ଦେଶରେ ଦୈନିକ ପଜିଟିଭିଟି ରେଟ୍ ୧୦ପ୍ରତିଶତ ଉପରେ ରହିଛି । ଆଜି ଦେଶରେ ଏକ ଲକ୍ଷ ୫୯ହଜାର ୬୩୨ କେସ୍ ରେକର୍ଡ ହୋଇଛି । ଜାନୁଆରୀ ଶେଷ ସୁଦ୍ଧା ସଂକ୍ରମଣ ଶୀର୍ଷ ଛୁଇଁବ ବୋଲି ବିଶେଷଜ୍ଞ ଆକଳନ କରିଛନ୍ତି ।

କେବିସିରେ ୨୫ଲକ୍ଷ ଟଙ୍କା ଜିତିଥିବା କହି ଫୋନ୍ କଲେ ଲୁଟେରା, ଆଉ ତା’ପରେ..

Tanmaya Reddy
-
0
କେବିସିରେ ୨୫ଲକ୍ଷ ଟଙ୍କା ଜିତିଥିବା କହି ଫୋନ୍ କଲେ ଲୁଟେରା, ଆଉ ତା’ପରେ..

ରାଉରକେଲା: ଲଟେରୀ ପ୍ରଲୋଭନ ଦେଖାଇ ଲୁଟିଲେ ଅଦୃଶ୍ୟ ଲୁଟେରା । ଠକେଇର ଶିକାର ହୋଇଛନ୍ତି ସୁନ୍ଦରଗଡ଼ ଜିଲ୍ଲାର କୁଆଁରମୁଣ୍ଡା ବ୍ଲକ ଅନ୍ତର୍ଗତ କଚାରୁ ଗ୍ରାମର ସାନିଆ ସିଂ । କେବିସିରେ ୨୫ ଲକ୍ଷ ଟଙ୍କା ଜିତିଥିବା କହି ଫୋନ କରିଥିଲେ ଲୁଟେରା । ବିଶ୍ଵାସ ଜନ୍ମାଇବା ପାଇଁ ଇନକମ ଟ୍ୟାକ୍ସ ଡିପାର୍ଟମେଣ୍ଟ ଓ ଭାରତୀୟ ଷ୍ଟେଟ ବ୍ୟାଙ୍କର ଜାଲି ଲୋଗୋ ଓ ସିଲ ବ୍ୟଵହାର କରି ଲୁଟିଥିବା ଅଭିଯୋଗ ହୋଇଛି ।

କେବିସି ନାଁରେ ଠକେଇ । ଅର୍ଥ ପ୍ରଲୋଭନ ଦେଖାଇ ହରିଲୁଟ୍ । ଲୋକଙ୍କୁ ଲୁଟୁଛନ୍ତି ସାଇବର ଠକ । ସୁନ୍ଦରଗଡ ଗ୍ରାମାଞ୍ଚଳର ଲୋକଙ୍କୁ କରୁଛନ୍ତି ଟାର୍ଗେଟ୍ । ସୁନ୍ଦରଗଡ଼ ଜିଲ୍ଲାର କୁଆଁରମୁଣ୍ଡା ବ୍ଲକ ଅନ୍ତର୍ଗତ କଚାରୁ ଗ୍ରାମର ସାନିଆ ସିଂ କୌନ ବନେଗା କରୋଡପତିରେ ୨୫ ଲକ୍ଷ ଟଙ୍କା ଜିତିଥିବା ଫୋନ ଆସିଥିଲା । ଜାଲ ଲୋଗ ବ୍ୟବହାର କରି ବିଶ୍ୱାସ ଜନ୍ମାଇଥିଲେ ଠକ । ଟ୍ୟାକ୍ସ ଜମା କରିବାକୁ କହି ତାଙ୍କ ନିକଟରୁ  ୩୭ ହଜାର ୫ଶହ ଟଙ୍କା ଠକି ନେଇଥିବା ଅଭିଯୋଗ ହୋଇଛି । ଶୁଣନ୍ତୁ କିପରି ଜାଲ ବିଛାଇଥିଲେ ଠକ ।

ବିଶ୍ଵାସ ଜନ୍ମାଇବା ପାଇଁ ଠକମାନେ ସେମାନଙ୍କ ଅଫିସର ଭିଡିଓ କରି ପଠାଇବା ସହ  ଲଟେରୀ ଅର୍ଥ ପାଇଵା ଶତ ପ୍ରତିଶତ ଗ୍ୟାରେଣ୍ଟି ଓ ସାର୍ଟିଫିକେଟ ଦେବାକୁ ପ୍ରତିଶ୍ରୁତି ଦେଇଥିଲେ । ଖାଲି ସାନିଆ ନୁହନ୍ତି ଅନ୍ୟମାନଙ୍କ ନିକଟରୁ ମଧ୍ୟ ଏମିତି କଲ ଆସୁଥିବା ମଧ୍ୟ ଅଭିଯୋଗ ହେଉଛି । ଲୋକଙ୍କ ଦୁର୍ବଳତାର ସୁଯୋଗ ନେଇ ମାତିଛନ୍ତି ସାଇବର ଠକ । ତେବେ ଏହାକୁ ଏକସେପ୍ଟ କରିବା ପୂର୍ବରୁ ଭଲଭାବେ ପରୀକ୍ଷା କରିବାକୁ ପରାମର୍ଶ ଦେଇଛନ୍ତି ବିଶେଷଜ୍ଞ ।

ପଞ୍ଜାବ ନିର୍ବାଚନରେ ରାଜନୀତିରେ ଏଣ୍ଟ୍ରି କରିବେ କି ହରଭଜନ? ଉତ୍ତରରେ କ’ଣ କହିଲେ ହରଭଜନ ଜାଣନ୍ତୁ…

Santosh Kumar Sahoo
-
0
ପଞ୍ଜାବ ନିର୍ବାଚନରେ ରାଜନୀତିରେ ଏଣ୍ଟ୍ରି କରିବେ କି ହରଭଜନ? ଉତ୍ତରରେ କ’ଣ କହିଲେ ହରଭଜନ ଜାଣନ୍ତୁ…

ଚଣ୍ଡିଗଡ଼: ଭାରତୀୟ ଦଳର କିମ୍ବଦନ୍ତି ସ୍ପିନ୍ନର ହରଭଜନ ସିଂ ଗତ ଡିସେମ୍ବରରେ କ୍ରିକେଟର ସମସ୍ତ ଫର୍ମାଟରୁ ଅବସର ଗ୍ରହଣ କରିଥିଲେ । ହରଭଜନ କ୍ରିକେଟରୁ ସନ୍ୟାସ ନେବା ପରେ କ’ଣ କରିବେ ତାହାକୁ ନେଇ ଏପର୍ଯ୍ୟନ୍ତ କିଛି ସ୍ପଷ୍ଟ କରିନାହାନ୍ତି । ଏପରି ସ୍ଥିତିରେ ବିଗତ କିଛି ଦିନ ହେବ ହରଭଜନ ରାଜନୀତିରେ ଯୋଗ ଦେବେ ବୋଲି ଚର୍ଚ୍ଚା ହେଉଛି । କ୍ରିକେଟରୁ ସନ୍ୟାସ ନେବାର କିଛି ଦିନ ପୂର୍ବରୁ ହରଭଜନଙ୍କ ପଞ୍ଜାବ ପ୍ରଦେଶ କଂଗ୍ରେସ ସଭାପତି ନବଜୋତ ସିଂ ଏକ ଫଟୋ ପୋଷ୍ଟ କରିଥିଲେ ଏବଂ କ୍ୟାପସନରେ ସିଦ୍ଧୁ ଲେଖିଥିଲେ କି ’ ସମ୍ଭାବ୍ୟତାରେ ପରିପୂର୍ଣ୍ଣ ଏକ ଫଟୋ’ । ଏହି ଫଟୋ ଭାଇରାଲ ହେବା ପରେ ହରଭଜନ ରାଜନୀତିରେ ଯୋଗ ଦେବ ଚର୍ଚ୍ଚାକୁ ଆହୁରି ଖୋରାକ ଯୋଗାଇ ଥିଲା ।

ହରଭଜନ ଏକ ନ୍ୟୁଜ ଏଜେନ୍ସିକୁ କହିଛନ୍ତି କି ମୁଁ ଏବେ କ’ଣ କରିବି ତାହା ଉପରେ କୌଣସି ନିଷ୍ପତ୍ତି ନେଇନି । ମୁଁ ପରବର୍ତ୍ତୀ ସମୟରେ କ’ଣ କରିବା ଆବଶ୍ୟକ ତାହା ଉପରେ ଚିନ୍ତା କରିବାକୁ ପଡ଼ିବ । ମୁଁ ଆଜି ଯାହା ବି ଅଛି କେବଳ ଖେଳ ପାଇଁ । ମୁଁ ସବୁବେଳେ ଖେଳ ସହ ଜଡିତ ରହିବାକୁ ଚାହେଁ । ମୁଁ ଖେଳ ସହ ଜଡିତ ରହିବା ପାଇଁ କିଛି ନା କିଛି କରିବି । ସେ ଆଇପିଏଲ ହେଉ କି କିମ୍ବା କମେଣ୍ଟେଟର କିଛି ନା କିଛି କରିବି ବୋଲି କହିଛନ୍ତି ହରଭଜନ ସିଂ ।

ତେବେ ରାଜନୀତିକୁ ଏଣ୍ଟ୍ରି କରିବେ କି ନାହିଁ ସେହି ପ୍ରଶ୍ନରେ ହରଭଜନ କହିଛନ୍ତି କି ଠିକ୍ ସମୟ ଆସିଲା ମୁଁ ଏହା ଉପରେ ନିଷ୍ପତ୍ତି ନେବି । ତେଣୁ ରାଜନୀତିରେ ଏଣ୍ଟ୍ରି କରିବି ନା ନାହିଁ ତାହାକୁ ନେଇ ବର୍ତ୍ତମାନ ପର୍ଯ୍ୟନ୍ତ ମୁଁ କିଛି ସ୍ଥିର କରିନାହିଁ ବୋଲି କହିଛନ୍ତି ହରଭଜନ ସିଂ ।

ବୋଟିଂ ବେଳେ ପାହାଡରୁ ଖସିଲା ପଥର, ଅକାଳରେ ଚାଲିଗଲା ୭ଜଣଙ୍କ ଜୀବନ

Santosh Kumar Sahoo
-
0
ବୋଟିଂ ବେଳେ ପାହାଡରୁ ଖସିଲା ପଥର, ଅକାଳରେ ଚାଲିଗଲା ୭ଜଣଙ୍କ ଜୀବନ

ରିଓ ଡି’ ଜେନେରିଓ: ଶନିବାର ବ୍ରାଜିଲର ମିନାସ୍ ଗେରୋସ ଜିଲ୍ଲାରେ ଏକ ବଡ଼ ଧରଣର ଦୁର୍ଘଟଣା ହୋଇଛି । ବ୍ରାଜିଲର ଏକ ଜଳପ୍ରପାତରେ ଘଟିଛି ଏହି ଅଭାବନୀୟ ଘଟଣା । ଜଳପ୍ରପାତରେ ମୋଟର ବୋଟରେ ବସି ପର୍ଯ୍ୟଟକ ମଜ୍ଜା ନେଉଥିଲେ । କିନ୍ତୁ ଏହି ସମୟରେ ପାହାଡରୁ ଖସିଥିଲା ମୃତ୍ୟୁ । ହଠାତ୍ ପାହାଡରୁ ଏକ ବଡ଼ ପଥର ଖଣ୍ଡ ଖସିଥିଲା । ଏହି ପଥର ଖଣ୍ଡ ଦୁଇଟି ବୋଟ ଉପରେ ପଡ଼ିଥିଲା । ଯାହା ଫଳରେ ଏହି ଘଟଣାରେ ୭ ଜଣଙ୍କର ମୃତ୍ୟୁ ହୋଇଥିବାବେଳେ ୨୦ ଜଣ ଏବେବି ନିଖୋଜ ଅଛନ୍ତି ।

ପାହାଡ଼ରୁ ଖସି ଥିବା ଏହି ବିରାଟ ପଥର ଖଣ୍ଡ ବୋଟ୍ ଉପରେ ପଡ଼ିବାର ଦୃଶ୍ୟକୁ ସେଠାରେ ଥିବା ପର୍ଯ୍ୟଟକ ମୋବାଇଲରେ ଶୁଟିଂ କରି ସୋସିଆଲ ମିଡିଆରେ ପୋଷ୍ଟ କରିଛନ୍ତି । ଆଉ ଏବେ ଏହି ଭିଡିଓ ବେଶ୍ ଭାଇରାଲ ହେବାରେ ଲାଗିଛି । ଏହି ଘଟଣା ପରେ ମିନାସ୍ ଗେରୋସର ରାଜ୍ୟପାଳ ରୋମୁ ଜେମାଙ୍କ ଅନୁଯାୟୀ, ପ୍ରବଳ ବର୍ଷା ହେତୁ କ୍ୟାପିଟାଲିଓର ଫର୍ନାସ୍ ହ୍ରଦରେ ଥିବା ପଥରର କିଛି ଅଂଶ ଭୁଶୁଡି ପଡିଛି । ଯାହା ଫଳରେ ୭ ଜଣ ଲୋକ ମୃତ୍ୟୁ ବରଣ କରିଛନ୍ତି ଏବଂ ଅନେକ ଆହତ ହୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି । ଅନ୍ୟପକ୍ଷରେ ଯେଉଁମାନେ ନିଖୋଜ ଅଛନ୍ତି ସେମାନଙ୍କ ସନ୍ଧାନ ଜାରି ରହିଛି ବୋଲି କହିଛନ୍ତି ରୋମୁ ଜେମା ।

ଡାକ୍ତର ଓ ସ୍ୱାସ୍ଥ୍ୟକର୍ମୀଙ୍କୁ ଅଗ୍ରାଧିକାର ଭିତ୍ତିରେ ବୁଷ୍ଟର ଡୋଜ୍ ପ୍ରଦାନ ନେଇ ମୁଖ୍ୟ ସଚିବଙ୍କ ନିର୍ଦ୍ଦେଶ

Tanmaya Reddy
-
0
ଡାକ୍ତର ଓ ସ୍ୱାସ୍ଥ୍ୟକର୍ମୀଙ୍କୁ ଅଗ୍ରାଧିକାର ଭିତ୍ତିରେ ବୁଷ୍ଟର ଡୋଜ୍ ପ୍ରଦାନ ନେଇ ମୁଖ୍ୟ ସଚିବଙ୍କ ନିର୍ଦ୍ଦେଶ

ଭୁବନେଶ୍ୱର: କରୋନାର ନୂଆ ଭାରିଆଣ୍ଟ ଓମିକ୍ରନ ମୁକାବିଲା ନେଇ ଜିଲ୍ଲାସ୍ତରରେ ପ୍ରସ୍ତୁତି ଶେଷ ହୋଇଛି । କରୋନା ସଂକ୍ରମିତ ରୋଗୀଙ୍କ ଚିକିତ୍ସା ନେଇ ଜିଲ୍ଲାସ୍ତରରେ ସମସ୍ତ ପ୍ରକାର ପ୍ରସ୍ତୁତି ଶେଷ ହୋଇଛି । ରବିବାର ଲୋକସେବା ଭବନରେ ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ କରୋନା ସମ୍ପର୍କିତ ସମୀକ୍ଷା ବୈଠକରୁ ପ୍ରକାଶ ।

କରୋନା ମୁକାବିଲା ନେଇ ପ୍ରସ୍ତୁତି ସମ୍ପର୍କିତ ସମୀକ୍ଷା ବୈଠକରେ ମୁଖ୍ୟ ସଚିବ ଡାକ୍ତର, ନର୍ସମାନଙ୍କୁ ବୁଷ୍ଟର ଡୋଜ୍ ପ୍ରଦାନ ଉପରେ ଗୁରୁତ୍ୱ ଦେଇଛନ୍ତି । ଏଥିସହିତ କରୋନା ସଂକ୍ରମିତଙ୍କ ପରିବାର ଲୋକଙ୍କ ପାଇଁ ସହାୟତା କେନ୍ଦ୍ର ପ୍ରତିଷ୍ଠା ଉପରେ ମଧ୍ୟ ଗୁରୁତ୍ୱ ଦେଇଛନ୍ତି । ଯାହା ଫଳରେ ରୋଗୀଙ୍କ ସ୍ୱାସ୍ଥ୍ୟାବସ୍ଥା ନେଇ ସେମାନେ ଯୋଗାଯୋଗ କରିପାରିବେ ।

ଅନ୍ୟପକ୍ଷରେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ମୁଖ୍ୟ ସଚିବ ରାଜ କୁମାର ଶର୍ମା ବଜାରେ ଉପଲବ୍ଧ କରୋନା ଟିକାକୁ ସ୍ୱାସ୍ଥ୍ୟକର୍ମୀଙ୍କ ପାଇଁ ବୁଷ୍ଟର ଡୋଜ୍‌ ଭାବେ ବ୍ୟବହାର କରିବା କହିଛନ୍ତି । ଜିଲ୍ଲାପାଳମାନଙ୍କୁ ମୁଖ୍ୟ ସଚିବଙ୍କ ଆବଶ୍ୟକୀୟ ସହାୟତା ସମ୍ପର୍କରେ ପଚାରି ବୁଝିବା ସହ ସ୍ୱାସ୍ଥ୍ୟ ବିଭାଗ ଆବଶ୍ୟକ ସହାୟତା ଯୋଗାଇ ଦେବାକୁ ନିର୍ଦ୍ଦେଶ ଦେଇଛନ୍ତି ।

ତେବେ ରାଜ୍ୟରେ ଏଯାବତ୍ ମୋଟ୍ ୭ହଜାର ୧୮୧ ଅକ୍ସିଜେନ୍ ବେଡ୍, ଶିଶୁ ରୋଗୀଙ୍କ ପାଇଁ ୧ହଜାର ବେଡ୍, ୨୦୨୪ ଆଇସିୟୁ ଏବଂ ଏଚଡିୟୁ , ୮୭୪ ଭେଣ୍ଟିଲେଟର ଉପଲବ୍ଧ ରହିଛି । ରାଜ୍ୟରେ ମୋଟ ୧୬ ହଜାର୧୧୭ ସକ୍ରିୟ ମାମଲା ରହିଥିବା ବେଳେ ୧୫ହଜାର ୬୪୦ଜଣ ସଂକ୍ରମିତ ହୋମ୍ ଆଇସୋଲେସନ୍‌ରେ ରହି ଚିକିତ୍ସିତ ହେଉଛନ୍ତି ।

ପ୍ରତିବର୍ଷ ଡିସେମ୍ବର ୨୬ରେ ପାଳନ ହେବ ’ବୀର ବାଲ୍ ଦିବସ’: ନରେନ୍ଦ୍ର ମୋଦି

Santosh Kumar Sahoo
-
0
ପ୍ରତିବର୍ଷ ଡିସେମ୍ବର ୨୬ରେ ପାଳନ ହେବ ’ବୀର ବାଲ୍ ଦିବସ’: ନରେନ୍ଦ୍ର ମୋଦି

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ପ୍ରକାଶ ପର୍ବରେ ଏକ ବଡ଼ ଘୋଷଣା କରିଛନ୍ତି । ଶିଖ ସଂପ୍ରଦାୟର କୋଟି କୋଟି ଲୋକଙ୍କ ଆଶା ପୂରଣ କରିଛନ୍ତି ନରେନ୍ଦ୍ର ମୋଦି । ପ୍ରତିବର୍ଷ ଡିସେମ୍ବର ୨୬ରେ ‘ବୀର ବାଲ୍ ଦିବସ’ ରୂପେ ପାଳନ କରାଯିବ । ପ୍ରଧାନମନ୍ତ୍ରୀ ମୋଦୀ କହିଛନ୍ତି କି ଆଜି ଗୁରୁ ଗୋବିନ୍ଦ ସିଂ ଜୀଙ୍କର ପ୍ରକାଶ ପର୍ବ ଶୁଭ ଅବସରରେ ମୁଁ ଗର୍ବିତ ଯେ ଏହି ବର୍ଷ ଡିସେମ୍ବର ୨୬କୁ ’ବୀର ବାଲ୍ ଦିବସ’ ଭାବରେ ପାଳନ କରାଯିବ। ଏହାସହ ପ୍ରଧାନମନ୍ତ୍ରୀ କହିଛନ୍ତି, ସାହିବଜାଦୌଙ୍କ ସାହାସ ଏବଂ ନ୍ୟାୟ ପ୍ରତିଷ୍ଠା ଦିଗରେ ସେମାନଙ୍କ ଉଦ୍ୟମ ପ୍ରତି ଏହା ପ୍ରକୃତ ଶ୍ରଦ୍ଧାଞ୍ଜଳି ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଟୁଇଟ୍ କରି କହିଛନ୍ତି, ମାତା ଗୁଜରୀ, ଶ୍ରୀ ଗୁରୁ ଗୋବିନ୍ଦ ସିଂ ଜୀ ଏବଂ ୪ ସାହିବଜାଦଙ୍କ ବୀରତ୍ୱ ଏବଂ ଆଦର୍ଶ ଲକ୍ଷ ଲକ୍ଷ ଲୋକଙ୍କୁ ଶକ୍ତି ପ୍ରଦାନ କରିଥାଏ । ମୋଦୀ ଟ୍ୱିଟ୍ କରି ଆହୁରି କହିଛନ୍ତି କି, ‘ବୀର ବାଲ୍ ଦିବସ’ ସେହି ଦିନ ପାଳନ କରାଯିବ, ଯେଉଁଦିନ ସାହିବଜାଦା ଜୋରାୱର ସିଂ ଜୀ ଏବଂ ସାହିବଜାଦା ଫତେହ ସିଂ ଜୀଙ୍କୁ ଜୀବନ୍ତ କାନ୍ଥରେ ପୋତି ଦିଆଯିବା ପରେ ଦୁହେଁ ବୀରଗତି ପ୍ରାପ୍ତ କରିଥିଲେ । ଏହି ଦୁଇ ମହାନ ବ୍ୟକ୍ତି ଧର୍ମର ମହାନ ସିଦ୍ଧାନ୍ତରୁ ବିଚ୍ୟୁତ ହେବା ପରିବର୍ତ୍ତେ ମୃତ୍ୟୁକୁ ପସନ୍ଦ କରିଥିଲେ । ମାତା ଗୁଜରୀ, ଶ୍ରୀ ଗୁରୁ ଗୋବିନ୍ଦ ସିଂ ଜୀ ଏବଂ ଚାରି ସାହିବଜାଦାଙ୍କ ସାହାସିକତା ଏବଂ ଆଦର୍ଶ ଲକ୍ଷ ଲକ୍ଷ ଲୋକଙ୍କୁ ଶକ୍ତି ପ୍ରଦାନ କରିଥିଲା ବୋଲି ଟ୍ୱିଟ କରି କହିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

ଭଣ୍ଡ ବାବାଙ୍କ ଭାଣ୍ଡାମି: ପାରିବାରିକ ସମସ୍ୟା ଦୂର କରିବା ବାହାନାରେ ମହିଳାଙ୍କୁ ଦୁଷ୍କର୍ମ ଅଭିଯୋଗ

Tanmaya Reddy
-
0
ଭଣ୍ଡ ବାବାଙ୍କ ଭାଣ୍ଡାମି: ପାରିବାରିକ ସମସ୍ୟା ଦୂର କରିବା ବାହାନାରେ ମହିଳାଙ୍କୁ ଦୁଷ୍କର୍ମ ଅଭିଯୋଗ

ପିପିଲି: ଭଣ୍ଡ ବାବାଙ୍କ କଳା କାରନାମା । ପାରିବାରିକ ସମସ୍ୟା ଦୂର କରିବା ବାହାନାରେ ମହିଳାଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଅଭିଯୋଗ ପରେ ଶିଵ ପ୍ରସାଦ ଭୋଇଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ଗିରଫ ବାବା ଜଣଙ୍କ ହେଲେ ପୁରୀ ସତ୍ୟବାଦୀ ଥାନା ଅନ୍ତର୍ଗତ ବିଶ୍ୱନାଥପୁର ଅଞ୍ଚଳର ।

ଅଭିଯୋଗ ଅନୁସାରେ ଖୋର୍ଦ୍ଧା ଅଞ୍ଚଳର ଜଣେ ମହିଳା ପାରିବାରିକ ସମସ୍ୟାର ସମାଧାନ ପାଇଁ ଶିଵ ପ୍ରସାଦ ଭୋଇ ନାମକ ଜଣେ ଭଣ୍ଡ ବାବାଙ୍କ ତନ୍ତ୍ରପୀଠରେ ଶରଣ ନେଇଥିଲେ । କିନ୍ତୁ ସମସ୍ୟା ଦୂର କରିବା ବାହାନାରେ ମନ୍ଦିର ପଛପଟେ ବାବା ଜଣଙ୍କ ମହିଳାଙ୍କୁ ଦୁଷ୍କର୍ମ କରିଥିବା ସତ୍ୟବାଦୀ ଥାନାରେ ଅଭିଯୋଗ କରିଥିଲେ ମହିଳା । ଗତକାଲି ସନ୍ଧ୍ୟାରେ ମହିଳା ଓ ତାଙ୍କ ସ୍ୱାମୀ ବାବାଙ୍କ ପାଖକୁ ଯାଇଥିବା ବେଳେ ବାବା ମହିଳାଙ୍କ ସ୍ୱାମୀଙ୍କୁ ପୂଜା ସାମଗ୍ରୀ ଆଣିବାକୁ ଯିବାକୁ କହି ମହିଳାଙ୍କୁ ନିଶା ଦେଇ ଦୁଷ୍କର୍ମ କରିଥିବା ଅଭିଯୋଗ ହୋଇଛି

ଏଥିସହିତ ପଢ଼ନ୍ତୁ: ୧୬ ଲକ୍ଷ ଟଙ୍କାର ଠକେଇ ଅଭିଯୋଗରେ ଆସିଷ୍ଟାଣ୍ଟ ବ୍ୟାଙ୍କ ମ୍ୟାନେଜର ଗିରଫ

 

 

1...4,6954,6964,697...7,938Page 4,696 of 7,938

Latest Stories

Location

Popular Tags

Odisha16411NANDIGHOSHA TV5792INDIA3265BHUBANESWAR3063BJD2125Naveen Patnaik1903PURI1719BJP1618NandighoshaTv1584

Contact us