ଭୁବନେଶ୍ୱର: ସମୟ- ସକାଳ ସାଢେ ୭ । ସକାଳୁ ସକାଳୁ ଚନ୍ଦ୍ରଶେଖପୁର ହାଉର୍ସିଂ ବୋର୍ଡ କଲୋନୀରେ ଖେଳିଗଲା ଚାଞ୍ଚଲ୍ୟ। ସହି ହେଲାନି ମାନସିକ ନିର୍ଯାତନା, ସ୍ତ୍ରୀ ଓ ଶାଳୀଙ୍କୁ ମାରିଦେଲି। ଭୁବନେଶ୍ୱର ଚନ୍ଦ୍ରଶେଖପୁରରେ ଚାଞ୍ଚଲ୍ୟକର ହତ୍ୟାକାଣ୍ଡ ପରେ ହାତଲେଖା ଚିଠିରେ ଅଭିଯୁକ୍ତ ଲେଖିଛି ଏଭଳି ସ୍ୱୀକାରୋକ୍ତି। ଅଭିଯୁକ୍ତ ବିଜୟ କେତନ ସେଠୀକୁ ଗିରଫ କରିଛି ଚନ୍ଦ୍ରଶେଖପୁର ଥାନା ପୋଲିସ। ସନ୍ତାନ ହେଉନଥିବାରୁ ମାନସିକ ନିର୍ଯାତନା ଦେଉଥିଲେ, ଗୁରୁବାର ଗଣ୍ଡଗୋଳ ଉଗ୍ର ରୂପ ନେବାରୁ ସ୍ତ୍ରୀ ଓ ଶାଳୀଙ୍କୁ ଟାଙ୍ଗିଆରେ ହାଣି ବୀଭତ୍ସ ହତ୍ୟା କରିଥିଲା ବିଜୟ। ଖସିଯିବାକୁ ଉଦ୍ୟମ ବେଳେ କାବୁ କରିଥିଲେ ଶୂଶୂର ଘର ଲୋକ। ଦୁଇମାସ ତଳେ ଶାଳୀଙ୍କ ବିବାହ ହୋଇଥିଲା । ଦୁଇ ଝିଅଙ୍କୁ ହରାଇ ଭାଙ୍ଗି ପଡ଼ିଛି ପୂରା ପରିବାର ।
ରାଜଧାନୀରେ ଡବଲ ମର୍ଡର। ସାତ ଜନମର ସାଥୀ ସାଜିଲା ସଇତାନ। ପତ୍ନୀ ଓ ଶାଳୀଙ୍କୁ ଟାଙ୍ଗିଆରେ ହାଣି ବୀଭତ୍ସ ହତ୍ୟା। ମର୍ଡର ସ୍ପଟରୁ ମିଳିଲା ହତ୍ୟାକାରୀର ହାତଲେଖା ଚିଠି। ସମୟ- ସକାଳ ସାଢେ ୭ । ସକାଳୁ ସକାଳୁ ଚନ୍ଦ୍ରଶେଖପୁର ହାଉର୍ସିଂ ବୋର୍ଡ କଲୋନୀରେ ଖେଳିଗଲା ଚାଞ୍ଚଲ୍ୟ। ଏସି ଅପରେଟପ ଭାବେ କାମ କରୁଥିବା ବିଜୟ କେତନ ସେଠୀ ପତ୍ନୀ ଓ ଶାଳୀଙ୍କୁ ଟାଙ୍ଗିଆରେ ହାଣି ହତ୍ୟା କରିଛି। ମୃତକ ହେଉଛନ୍ତି ଗାୟତ୍ରୀ ସେଠୀ ଓ ସ୍ବରସ୍ବତୀ ସେଠୀ। ଗତ ଗୁରୁବାର ଅପରାହ୍ନ ପରଠୁ ଦୁଇ ଝିଅଙ୍କ ସହ କଥା ହୋଇ ପାରିନଥିଲେ ପରିବାର ଲୋକେ। ବିଜୟ କେତନ ବି ଫୋନ ଉଠାଉନଥିଲା। ଗତକାଲି ଘରେ ତାଲା ପଡିଥିବାରୁ ଅପେକ୍ଷା କରି କରି ଫେରିଥିଲେ ଗାୟତ୍ରୀଙ୍କ ବାପା।
ରବିବାର ଭୋରରୁ ପୁଣି ଘର ନିକଟରେ ଛକି ରହିଥିଲେ । ସକାଳ ୭ଟାରେ ଘରକୁ ଆସିବା ବେଳେ ବିଜୟକୁ କାବୁ କରିଥିଲେ ଗାୟତ୍ରୀଙ୍କ ବାପା ଓ ଅନ୍ୟ ପରିବାର ଲୋକେ। ଧରାପଡିବା ପରେ ବିଜୟ ଦୁଇ ଝିଅଙ୍କୁ ହତ୍ୟା କରିଥିବା କହିଥିଲା। ଘଟଣାସ୍ଥଳରେ ପହଞ୍ଚି ଛାନ୍ବିନ୍ କରିଥିଲେ ଚନ୍ଦ୍ରଶେଖପୁର ଥାନା ପୋଲିସ ଓ ସାଇଣ୍ଟଫିକ ଟିମ୍ । ବେଡ୍ରୁମରେ ଗାୟତ୍ରୀଙ୍କ ମୃତଦେହ ପଡିଥିବା ବେଳେ ରୋଷେଇ ଘରେ ପଡିଥିଲା ସ୍ବରସ୍ବତୀଙ୍କ ମୃତଦେହ। ଘଟଣାସ୍ଥଳରୁ ବିଜୟର ହାତ ଲେଖା ଚିଠି ମିଳିଛି । ବିଜୟ ପତ୍ନୀ ଓ ଶାଳୀଙ୍କୁ ହତ୍ୟା କରିବା ପରେ ମୃତଦେହ ପାଖରେ ବସି ଚିଠି ଲେଖିଥିଲା।
୧୧ବର୍ଷ ତଳେ ବିବାହ କରିଥିଲେ। ହେଲେ ସନ୍ତାନ ହେଉନଥିବାରୁ ସ୍ତ୍ରୀ ଓ ଶାଳୀ ସବୁବେଳେ ମାନସିକ ଯନ୍ତ୍ରଣା ଦେଉଥିଲେ। ତେଣୁ ସବୁଦିନ ପାଇଁ ରାସ୍ତାରୁ ହଟାଇବାକୁ ଯୋଜନା କରିଥିଲା।ଗୁରୁବାର ଶାଳୀଙ୍କୁ ହସପିଟାଲରୁ ଆଣିବା ପରେ ପାଟିତୁଣ୍ଡ ହୋଇଥିଲା। ଉତକ୍ଷିପ୍ତ ହୋଇ ଉଭୟ ସ୍ତ୍ରୀ ଓ ଶାଳୀଙ୍କୁ ହତ୍ୟା କରିଥିଲା ବିଜୟ ଗତ ଦୁଇ ମାସ ତଳେ ମାଗୁରତ୍ନ ସେଠୀଙ୍କୁ ବିବାହ କରିଥିଲେ ସ୍ବରସ୍ବତୀ । ଇଏ ହେଉଛି ରିସେସ୍ପନର ଦିନର ଫଟୋ। ବିବାହର ମାତ୍ର ଦୁଇ ମାସ ପରେ ପତ୍ନୀକୁ ହରାଇ ଛାତି ଫଟାଇ କାନ୍ଦୁଛନ୍ତି ସ୍ବାମୀ ।
ହତ୍ୟାକାଣ୍ଡର ବ୍ୟବହୃତ ମାରଣାସ୍ତ୍ର ଜବତ କରିପାରିନି ପୋଲିସ। ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ମୃତଦେହ ହସ୍ତାନ୍ତର କରାଯାଇଛି। ପତ୍ନୀଙ୍କ ପରକୀୟା ପ୍ରୀତି ଥିବା ମଧ୍ୟ ବିଜୟ ସନ୍ଦେହ କରି ମନସ୍ତାପରେ ରହୁଥିବା ଚର୍ଚ୍ଚା ହେଉଛି। ବିଜୟଙ୍କ ଏହି ସନ୍ଦେହକୁ ଉଭୟ ସ୍ତ୍ରୀ ଓ ଶାଳୀ ବିରୋଧ କରୁଥିବାରୁ ହତ୍ୟାକାଣ୍ଡ ହୋଇଥିବା କୁହାଯାଉଛି। ପୋଲିସ ଜେରାରୁ ବାହାରିବ ସତ ।
