ତାଜମହଲର ବନ୍ଦ କୋଠରୀକୁ ନେଇ ମୁହଁ ଖୋଲିଲା ପ୍ରତ୍ନତତ୍ତ୍ୱ ବିଭାଗ

ଆଗ୍ରା: ତାଜମହଲର ୨୨ଟି ବନ୍ଦ କୋଠରୀ ଖୋଲିବା ଦାବିକୁ ନେଇ ମୁହଁ ଖୋଲିଛି ଭାରତୀୟ ପ୍ରତ୍ନତତ୍ତ୍ୱ ବିଭାଗ। ବନ୍ଦ ଥିବା କୋଠରୀ ଗୁଡ଼ିକରେ ପ୍ରାଚୀନ ହିନ୍ଦୁ ମୂର୍ତ୍ତି ଥାଇପାରେ ବୋଲି ଯେଉଁ ଆଶଙ୍କା କରାଯାଉଛି ତାହା ଭୁଲ୍। ଏହି କୋଠରୀ ଗୁଡ଼ିକୁ ସ୍ଥାୟୀ ଭାବେ ବନ୍ଦ ରଖାଯାଇନି। ସଂରକ୍ଷଣ କାର୍ଯ୍ୟ ନିମନ୍ତେ ନିକଟରେ ଏହାକୁ ଖୋଲା ଯାଇଥିଲା।

ବର୍ଷ ବର୍ଷ ଧରି ଏହାର ଯାଞ୍ଚ କରାଯାଉଥିଲେ ବି ଏହା ଭିତରେ କୌଣସି ଦେବଦେବୀଙ୍କ ପ୍ରତିମା ରହିଥିବା ଦେଖାଯାଇନାହିଁ। ତାଜମହଲର ସୁରକ୍ଷା ଓ ସିକ୍ୟୁରିଟି ଦୃଷ୍ଟିରୁ ଏହି କୋଠରୀ ଗୁଡ଼ିକୁ ବନ୍ଦ ରଖାଯାଇଛି ବୋଲି ପ୍ରତ୍ନତତ୍ତ୍ୱ ବିଭାଗର ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି।

ଅଧିକ ପଢନ୍ତୁ-  ପ୍ରଥମେ ପିଏଚଡି କର, ତା’ପରେ ଅଦାଲତକୁ ଆସିବ; କାହାକୁ ଏମିତି କହିଲେ ଆହ୍ଲାବାଦ ହାଇକୋର୍ଟ୍ ?

ସୂଚନା ଅନୁଯାୟୀ, ତାଜମହଲର ବନ୍ଦଥିବା ୨୨ କୋଠରୀକୁ ନେଇ ସର୍ଭେ ପାଇଁ ହାଇକୋର୍ଟରେ ଯାଚିକା ଦାଏର କରାଯାଇଥିଲା। ଯାହାକୁ ଖାରଜ କରିଦେଇଛନ୍ତି ଆହ୍ଲାବାଦ ହାଇକୋର୍ଟ। ତାଜମହଲ କିଏ ବନାଇଛି ସେ ନିଷ୍ପତ୍ତି ନେବା ଆମର କାମ ନୁହେଁ ବୋଲି କହିଛନ୍ତି ହାଇକୋର୍ଟ। ଆବେଦନକାରୀଙ୍କ ଦାବି ଅନୁସାରେ କୋର୍ଟ ଫ୍ୟାକ୍ଟ ଫାଇଣ୍ଡିଂ କମିଟି ଗଠନ କରିପାରିବେ ନାହିଁ। ଏହି କାମ ଐତିହାସିକ ତଥ୍ୟ, ବିଶେଷଜ୍ଞ ତଥା ଐତିହାସକାରଙ୍କ ଉପରେ ଛାଡି ଦିଅନ୍ତୁ । ଆମେ ଏଭଳି ଯାଚିକା ଉପରେ ଶୁଣାଣି କରିପାରିବୁ ନାହିଁ।

ଅଧିକ ପଢନ୍ତୁ- ତାଜମହଲରେ ବନ୍ଦ ଥିବା ୨୦ କୋଠରୀରେ କଣ ରହିଛି ? ଯାହାକୁ ଖୋଲିବାକୁ…