୨୧ରୁ ମାଟ୍ରିକ ଖାତା ମୂଲ୍ୟାୟନ, ୫୮ଟି କେନ୍ଦ୍ରରେ ହେବ ଖାତା ଦେଖା

କଟକ: ଆସନ୍ତା  ୨୧ ତାରିଖରୁ ଆରମ୍ଭ ହେବ ମାଟ୍ରିକ ଖାତା ମୂଲ୍ୟାୟନ ପ୍ରକ୍ରିୟା। ଦଶମ ଶ୍ରେଣୀ ସହିତ SOS ଓ ମଧ୍ୟମା ପରୀକ୍ଷାର ଖାତା ମୂଲ୍ୟାୟନ କରାଯିବ। ରାଜ୍ୟର ମୋଟ ୫୮ ଟି ମୂଲ୍ୟାୟନ କେନ୍ଦ୍ର ରେ ହେବ ଖାତା ଦେଖା ଯିବ। ଏଥିପାଇଁ ଏଗଜାମିନର ମାନଙ୍କୁ ୨୦ ତାରିଖ ସକାଳ ୧୦ ସୁଦ୍ଧା ମୂଲ୍ୟାୟନ କେନ୍ଦ୍ର ରେ ଯୋଗ ଦେବାକୁ ବୋର୍ଡ଼ ପକ୍ଷରୁ କୁହାଯାଇଛି ।

ଖାତା ଦେଖା ପାଇଁ ୪୮୧ ଜଣ ମୁଖ୍ୟ ଏଗଜାମିନରଙ୍କ ସହ ୯୦୦ ଜଣ ଡେପୁଟି ଏଗଜାମିନର , ୮୯୧୯ ଜଣ ସହକାରୀ ଏଗଜାମିନର, ୯୩୦ ସ୍କୁଟିନାଇଜରଙ୍କୁ ନିୟୋଜିତ କରିଛି ବୋର୍ଡ଼। ଖାତା ଦେଖା ପରେ ମାର୍କ ଅପଲୋଡ଼ କାର୍ଯ୍ୟ କୁ ଅନ ଲାଇନରେ କରାଯିବ। ତେବେ 10 ରୁ 12 ଦିନ ପର୍ଯ୍ୟନ୍ତ ଖାତା ଦେଖା କାର୍ଯ୍ୟ ଜାରି ରହିବ ବୋଲି ସୂଚନା ଦେଇଛନ୍ତି ବୋର୍ଡ଼ର ଉପସଭାପତି ଡକ୍ଟର ନିହାର ରଞ୍ଜନ ମହାନ୍ତି  ।