ମସ୍କୋ: ୭୦ବର୍ଷ ବୟସରେ ବାପା ହେବେ ଋଷ ରାଷ୍ଟ୍ରପତି ଭ୍ଳାଦିମିର ପୁଟିନ୍ । ତାଙ୍କ ୩୮ ବର୍ଷୀୟ ଗାର୍ଲଫ୍ରେଣ୍ଡ ଅଲିନା କାବେଭା ପୁଣି ଗର୍ଭବତୀ ହୋଇଛନ୍ତି । ଗଣମାଧ୍ୟମ ରିପୋର୍ଟ ମୁତାବକ ଏ ଖବର ଶୁଣି ପୁଟିନ ଆଶ୍ଚର୍ଯ୍ୟ ହୋଇଯାଇଥିଲେ । ଚଳିତ ବର୍ଷ ଅକ୍ଟୋବର ମାସରେ ପୁଟିନ ୭୦ ବର୍ଷ ବୟସରେ ପାଦ ଦେବାକୁ ଥିବା ବେଳେ ପୂର୍ବରୁ ତାଙ୍କର ଦୁଇ ଜଣ ସନ୍ତାନ ଅଛନ୍ତି । ତାଙ୍କର ପୂର୍ବରୁ ୨ଟି ସନ୍ତାନ ଥିବାରୁ ସେ ଆଉ ସନ୍ତାନ ଚାହୁଁନାହାନ୍ତି । ଏହାରି ମଧ୍ୟରେ ସେ ପୁଣି ବାପା ହେବା ଖବର ଶୁଣି ଆଶ୍ଚର୍ଯ୍ୟ ହୋଇଯାଇଥିଲେ ।
ତେବେ ପୁଟିନଙ୍କ ଗର୍ଲଫ୍ରେଣ୍ଡ ତଥା ଅଲିମ୍ପିଆନ୍ ଅଲିନା ଗର୍ଭବତୀ ଥିବା ନେଇ ଋଷୀୟ ଗଣମାଧ୍ୟମରେ ଖବର ପ୍ରସାରିତ ହୋଇଛି । ରେଡ୍ ସ୍କ୍ରୋଏରେ ବିଜୟ ଦିବସ ଅବସରରେ ଭାଷଣ ଦେବା ସମୟରେ ସେ ଏହି ଖବର ଜାଣିବାକୁ ପାଇଥିଲେ । ପୁଟିନ ନିଜ ପତ୍ନୀଙ୍କୁ ଛାଡ଼ପତ୍ର ଦେଇସାରିଥିବା ବେଳେ ତାଙ୍କ ଗର୍ଲଫ୍ରେଣ୍ଡ ଗର୍ଭବତୀ ଅଛନ୍ତି । ଯାହା ପୁଟିନଙ୍କ ଯୋଜନା ମୁତାବକ ହୋଇନଥିବା ଗଣମାଧ୍ୟମ ରିପୋର୍ଟରେ ପ୍ରକାଶ ।
ତେବେ ପୁଟିନ ଏଯାବତ୍ ଅଲିନାଙ୍କ ସହ କୌଣସି ସମ୍ପର୍କ ଥିବା ନେଇ ସ୍ୱୀକାର କରିନାହାନ୍ତିି । ଅଲିନା ଋଷର ଏକ ମିଡିଆ ଗ୍ରୁପର ମାଲିକ ଥିବା ବେଳେ ସେ ପୂର୍ବରୁ ସ୍ୱିଜରଲ୍ୟାଣ୍ଡରେ ରହୁଥିବା କୁହାଯାଉଥିଲା । ତେବେ ଋଷର ଆଉ ଏକ ଗଣମାଧ୍ୟମ ରିପୋର୍ଟ ମୁତାବକ ଅଲିନାଙ୍କ ୨ପୁଅ ଅଛନ୍ତି । ସ୍ୱିଜରଲ୍ୟାଣ୍ଡରେ ୨୦୧୫ରେ ଜଣ ଜନ୍ମ ଗ୍ରହଣ କରିଥିବା ବେଳେ ୨୦୧୯ରେ ମସ୍କୋରେ ଆଉ ଜଣେ ଜନ୍ମ ଗ୍ରହଣ କରିଥିଲେ । ତେବେ ୟୁକ୍ରେନ ବିରୋଧୀ ଯୁଦ୍ଧ ଯୋଗୁ ବିଭିନ୍ନ ୟୁରୋପୀୟ ରାଷ୍ଟ୍ର ପକ୍ଷରୁ କଟକଣାର ସମ୍ମୁଖୀନ ହୋଇପାରନ୍ତି ଅଲିନା ।
କ୍ରୀଡ଼ା ଜଗତକୁ ଅଲବିଦା କହିବା ପରେ ଅଲିନା ରାଜନୀତିରେ ଯୋଗ ଦେଇଥିଲେ । ଏବଂ ପୁଟିନଙ୍କ ୟୁନାଇଟେଡ୍ ଋଷୁଆ ପାର୍ଟି ପକ୍ଷରୁ ସେ ସାଂସଦ ମଧ୍ୟ ହୋଇଥିଲେ । ଏବଂ ଏକ ମ୍ୟାଗାଜିନ୍ ପାଇଁ ଏକ ସେମି ନ୍ୟୁଡ୍ ଫଟୋ ସୁଟ୍ ମଧ୍ୟ କରିଥିଲେ । ସେ ଜଣେ ଗାୟିକା ହେବା ପାଇଁ ବହୁତ ଚେଷ୍ଟା କରିଥିଲେ କିନ୍ତୁ ସେ ସଫଳ ହୋଇପାରିନଥିଲେ । ୨୦୦୭ରୁ ୨୦୧୪ ଯାଏଁ ଅଲିନା କାବେଭା ଋଷ ପାର୍ଲିଆମେଣ୍ଟର ତଳ ଗୃହରେ ଡେପୁଟୀ ଷ୍ଟେଟ୍ ଡୁମା ଭାବେ କାର୍ଯ୍ୟ ତୁଲାଇଥିଲେ । ଏହା ସହିତ ସେପ୍ଟେମ୍ୱର ୨୦୧୪ ଜାତୀୟ ମିଡିଆ ଗ୍ରୁପ ଅଧ୍ୟକ୍ଷା ଭାବେ ନିଯୁକ୍ତ ହୋଇଥିଲେ ।
