ରସିକିଆ ଏଲଆଇସି ଏଜେଣ୍ଟଙ୍କ ୭ ପତ୍ନୀ
1 min read
ଖୋର୍ଦ୍ଧା: ରସିକିଆ ଏଲଆଇସି ଏଜେଣ୍ଟଙ୍କ ୭ ପତ୍ନୀ । ସାବିତ୍ରୀରେ ଖୋଲିଲା ଏଲଆଇସି ଏଜେଣ୍ଟ ସନ୍ତୋଷ ବେହେରାଙ୍କ ଚୋରା ପିରତି । ଜଣେ ପତ୍ନୀଙ୍କୁ ଭରଣପୋଷଣ ଦେଇ ନପାରିବାରୁ ବାନ୍ଧି ନେଲା ପୋଲିସ୍ । ଏଭଳି ଘଟଣା ଘଟିଛି ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ରତନପୁର ଗାଁରେ ।
ଜଣେ ସ୍ତ୍ରୀରେ ଭରୁ ନଥିଲା ମନ । ବାରମ୍ବାର ସ୍ତ୍ରୀ ବଦଳାଇବା ସହ ନିଜର ପରିଚୟ ବି ବଦଳାଉଥିଲା ସନ୍ତୋଷ । କେବେ ଏଲଆଇସି ଏଜେଣ୍ଟ, ତ କେବେ ବ୍ୟାଙ୍କ ଅଫିସର । କେବେ ପୁଣି ବ୍ଲକ୍ ଅଫିସରେ କର୍ମଚାରୀ ଥିବା ଦେଉଥିଲା ପରିଚୟ । ବିଶେଷକରି ବିଧବା ଓ ସ୍ବାମୀ ପରିତ୍ୟକ୍ତା ତଥା ଅସହାୟ ମହିଳାଙ୍କୁ କରୁଥିଲା ଟାର୍ଗେଟ୍ । ମହିଳାଙ୍କର ଅଭିଯୋଗ ପରେ ଟାଙ୍ଗୀ ପୋଲିସ୍ ରସିକିଆ ସନ୍ତୋଷକୁ ଗିରଫ କରି କୋର୍ଟ ଚାଲାଣ କରିଛି ।
ତାରିଣୀ ସାହିର ସନ୍ତୋଷ LIC ଏଜେଣ୍ଟ ଭାବେ କରନ୍ତି । ପ୍ରଥମେ ସୋରଣ ଗାଁ ଝିଅକୁ ବିବାହ କରିଥିଲେ । ପରେ ପ୍ରେମ ଫାଶରେ ଫସାଇଥିଲେ ବାଣପୁର ଭୀମପୁର ଗାଁର ଜଣେ ଯୁବତୀଙ୍କୁ । ଉଭୟଙ୍କର ୭ ବର୍ଷର କନ୍ୟା ସନ୍ତାନ ବି ରହିଛି । ଦ୍ବିତୀୟ ପତ୍ନୀଙ୍କୁ ଛାଡ଼ି ରତନପୁର ଗାଁର ଆଉ ଜଣେ ଯୁବତୀଙ୍କୁ କଲେ ପ୍ରେମ ବିବାହ । ତାଙ୍କର ମଧ୍ୟ ଏକ କନ୍ୟା ସନ୍ତାନ ରହିଛି । ତାଙ୍କୁ ଛାଡ଼ି ପୁଣି କୁହୁଡି ପାଟଣା ସାହିର ଜଣଙ୍କୁ ବିବାହ କରିଥିଲେ ଲମ୍ପଟ ସନ୍ତୋଷ । ଏପରି ଭାବେ ୭ ଜଣଙ୍କୁ ପ୍ରେମ ଜାଲରେ ଫସାଇ ବିବାହ କରି ପୁଣି ଛାଡ଼ି ଦେଉଥିଲେ ସନ୍ତୋଷ ।
