ଅମୃତସର: ପଞ୍ଜାବୀ ଗାୟକ ସିଦ୍ଧୁ ମୁସେଓ୍ବାଲା ହତ୍ୟା ଅଭିଯୁକ୍ତଙ୍କୁ ଏନକାଉଣ୍ଟର । ପଞ୍ଜାବ ପୋଲିସ ଏବଂ ସ୍ୱତନ୍ତ୍ର ଏନକାଉଣ୍ଟର ଟିମ୍ ଏହି ଅପରେସନ ଆରମ୍ଭ କରିଥିଲା । ଦିଲ୍ଲୀ ପୋଲିସ ଏବଂ ପଞ୍ଜାବ ପୋଲିସ ଦୀର୍ଘ ଦିନ ଧରି ମାଷ୍ଚରପ୍ଲାନ ଆରମ୍ଭ କରିଥିବାବେଳେ ପଞ୍ଜାବର ଏକ ସୀମାନ୍ତ ଚୀଚା ଭକନା ଗ୍ରାମରେ ଲୁଚି ରହିଥିଲେ । ପୋଲିସ ପାଖରେ ସୂଚନା ରହିଥିଲା କି ଏହି ଟିମରେ ୨ରୁ ୩ ଜଣ ରହିଥିଲେ । ପୋଲିସର ଏନକାଉଣ୍ଟରରେ ଜଣେ ସୁଟରର ମୃତ୍ୟୁ ଘଟିଛି । ସେପଟେ ୨ ଜଣ ଅନକାଉଣ୍ଟରରେ ଆହତ ହୋଇଛନ୍ତି ।
ମଧ୍ୟାହ୍ନରୁ ପୋଲିସ ଆରମ୍ଭ କରିଥିଲା ଏନକାଉଣ୍ଟର । ଅଟାରୀ ବର୍ଡର ପାଖରୁ ପ୍ରାୟ ୧୦ କିଲୋମିଟର ଦୂରରେ ଲୁଚି ରହିଥିଲେ ଏହି ଗ୍ୟାଙ୍ଗ । ଏହି ଟିମରେ ଥିବା ଅଭିଯୁକ୍ତମାନେ ସିଦ୍ଧୁ ମୁସେୱାଲାଙ୍କୁ ମଧ୍ୟ ହତ୍ୟା କରିଥିଲେ । ଲରେନ୍ସ ବିଷ୍ଣୋଇ ଗ୍ରୁପର ଏ ସମସ୍ତ ସୁଟର ବୋଲି ଜଣା ପଡିଥିଲା । ପୋଲିସ ମିଳିତ ଭାବେ ଏଠାରେ ଏନକାଉଣ୍ଟର ଆରମ୍ଭ କରିଥିଲା । ପରବର୍ତ୍ତୀ ଜାଣିବାକୁ ମିଳିଥିଲା ଯେ ୨-୩ ଜଣ ନୁହଁନ୍ତି ୬ରୁ ୭ଜଣ ସୁଟର ଏଠାରେ ଲୁଚି ରହିଛନ୍ତି ।
ଅପରାଧିଙ୍କ ପକ୍ଷରୁ ମଧ୍ୟ ଗୁଳି ମାଡ଼ ଜାରି ରହିଛି । ଯାହା ଫଳରେ ପୋଲିସ କର୍ମଚାରୀ ମଧ୍ୟ ଆହତ ହୋଇଥିବା ଜାଣିବାକୁ ମିଳିଛି । ଏନକାଉଣ୍ଟରକୁ ୫ ଘଣ୍ଟାରୁ ଅଧିକ ସମୟ ବିତିଥିଲେ ସୁଦ୍ଧା ବର୍ତ୍ତମାନ ପର୍ଯ୍ୟନ୍ତ ମଧ୍ୟ ଜାରି ରହିଛି ଗୁଳିଗୋଳା ମାଡ଼ । ସେପଟେ ଘଟଣାସ୍ଥଳରେ ନିୟୋଜିତ ରହିଛନ୍ତି ଖୋଦ ପଞ୍ଜାବ ପୋଲିସ ମହାନିର୍ଦ୍ଦେଶକ । ଅପରାଧି ମାନେ ଫସଲ କ୍ଷେତରେ ମଧ୍ୟ ଲୁଚି ରହିଥିବା ଜାଣିବାକୁ ମିଳିଛି ।
