ନୂଆଦିଲ୍ଲୀ: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ମର୍ଡର ପ୍ଲାନ । MCD ନିର୍ବାଚନ ପୂର୍ବରୁ ହତ୍ୟା କରିବାକୁ ଷଡ଼ଯନ୍ତ୍ର । ଷଡଯନ୍ତ୍ରକାରୀଙ୍କୁ ଗିରଫ ଦାବି କରିଛି ଆପ୍ । ଦିଲ୍ଲୀ ଉପ-ମୁଖ୍ୟମନ୍ତ୍ରୀ ମନୀଷ ସିସୋଦିଆ କଲେ ଖୁଲାସା । ସାମ୍ବାଦିକ ସମ୍ମିଳନୀରେ କହିଲେ, ଅରବିନ୍ଦ କେଜ୍ୱିୱାଲଙ୍କୁ ହତ୍ୟା କରିବାକୁ ହେଉଛି ପ୍ଲାନ । ଆଉ ପ୍ଲାନ ପଛରେ ରହିଛି ବିଜେପିର ପ୍ରତ୍ୟେକ୍ଷ ହାତ । ଶୁକ୍ରବାର ସକାଳ ୧୦ଟାରେ ସାମ୍ବାଦିକ ସମ୍ମିଳନୀ କରି ବିଜେପି ନେତା ମନୋଜ ତିୱାରୀଙ୍କୁ ଆରେଷ୍ଟ କରିବାକୁ ଦାବି କରିଛନ୍ତି ମନୀଷ ସିସୋଦିଆ ।

କାରଣ ମନୋଜ ତିୱାରୀଙ୍କ ଟ୍ୱିଟ ହିଁ ହତ୍ୟା ଷଡ଼ଯନ୍ତ୍ରର ବଡ଼ ପ୍ରମାଣ ବୋଲି କହିଛନ୍ତି ସିସୋଦିଆ । ଗୋଟେପଟେ ଆପର ଶ୍ରମିକ ନେତା ସନ୍ଦୀପ ଭରଦ୍ୱାଜଙ୍କ ସୁଇସାଇଡକୁ ନେଇ ବିଜେପି ନିଶାନାରେ ଆମ ଆଦମୀ ପାର୍ଟି । ଦଳୀୟ ନେତାଙ୍କ ଆତ୍ମହତ୍ୟା ପଛରେ ଆପର ହାତ ଥିବା ଦାବି କରିଛି ବିଜେପି । ଅନ୍ୟପଟେ ଅରବିନ୍ଦ କେଜ୍ରିୱାଲଙ୍କ ହତ୍ୟା ଷଡ଼ଯନ୍ତ୍ର ବିଜେପି କରୁଥିବା ପାଲଟା ଆକ୍ରମଣ କରିଛି ଆପ୍ । ସିସୋଦିଆ ପ୍ରେମମିଟରେ ମନୋଜ ତିୱାରୀଙ୍କ ଟ୍ୱିଟକୁ ଉଲ୍ଲେଖ କରିଛନ୍ତି । ଯେଉଁଥିରେ କେଜ୍ୱିୱାଲଙ୍କ ସୁରକ୍ଷାକୁ ନେଇ ଚିନ୍ତା ପ୍ରକଟ କରିଥିଲେ ତିୱାରୀ ।

ସିସୋଦିଆ ପଚାରିଛନ୍ତି, ତୁମକୁ କେମିତି ଜଣାପଡିଲା ହମଲା ହେବ ବୋଲି ? ଚିନ୍ତା ପ୍ରକଟ ନୁହେଁ, ଏ ଧମକର ଭାଷା । ଆମେ ଏନେଇ ଥାନାକୁ ଯିବୁ, କେସ କରିବୁ ବୋଲି କହିଛନ୍ତି ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ । ବାସ୍ତବରେ କଣ କହିଥିଲେ ମନୋଜ ତିୱାରୀ, କାହିଁକି ହତ୍ୟା ଷଡଯନ୍ତ୍ର ଅଭିଯୋଗ ଆଣିଛି ଆପ୍ । ଯଦି ନଜର ପକାଇବା, ତେବେ ମନୋଜ ତିୱାରୀ ନିଜ ଟ୍ୱିଟର ପେଜରେ ଏକ ଟ୍ୱିଟ କରିଥିଲେ । ତାରିଖ ଥିଲା ୨୪ ନଭେମ୍ବର ଅର୍ଥାତ ଗୁରୁବାର । ତିୱାରୀ ଟ୍ୱିଟ କରି ଲେଖିଥିଲେ, ମୁଁ କେଜ୍ୱିୱାଲଙ୍କ ସୁରକ୍ଷାକୁ ନେଇ ଚିନ୍ତା ପ୍ରକଟ କରୁଛି ।

ଭ୍ରଷ୍ଟାଚାର, ଦୁର୍ନିତୀ, ନିଶା ଏବଂ ଜେଲରେ ମସାଜ ଭଳି ଘଟଣାକୁ ନେଇ ଦିଲ୍ଲୀ ଜନତା ଆକ୍ରୋଶରେ ଅଛନ୍ତି । ଟିକେଟ ବିକ୍ରିକୁ ନେଇ ଖୋଦ ଆପ୍ କାର୍ଯ୍ୟକ୍ରତା ମଧ୍ୟ ଅସନ୍ତୁଷ୍ଟ ଅଛନ୍ତି । ତେଣୁ ଦିଲ୍ଲୀ ମୁଖ୍ୟମନ୍ତ୍ରୀଙ୍କ ସହ କିଛି ଅଘଟଣ ନଘଟୁ ବୋଲି ପ୍ରାର୍ଥନା କରିଥିଲେ ଦିଲ୍ଲୀ ବିଜେପି ନେତା ମନୋଜ ତିୱାରୀ । ଜବାବ ଟ୍ୱିଟ ଦେଲେ ସିସୋଦିଆ । ଶୁକ୍ରବାର ମନୀଷ ସିସୋଦିଆ କହିଥିଲେ, ଗୁଜୁରାଟ ଏବଂ ଦିଲ୍ଲୀ ମହାନଗର ନିଗମ ନିର୍ବାଚନରେ ବିଜେପିର ପରାଜୟ ଭୟ ରହିଛି । ଯେୁଁଥିପାଇଁ ସେମାନେ ଆପ୍ ମୁଖ୍ୟ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ହତ୍ୟା କରିବାକୁ ସମସ୍ତ ପ୍ରକାର ପ୍ରସ୍ତୁତି ଆରମ୍ଭ କରିଦେଇଛନ୍ତି ।

ମନୋଜ ତିୱାରୀ ସାର୍ବଜନୀନ ଭାବେ ତାଙ୍କ ଗୁଣ୍ଡାଙ୍କୁ ଆକ୍ରମଣ କରିବାକୁ କହୁଛନ୍ତି । ପୁରା ପ୍ଲାନିଙ୍ଗର ସହ ପ୍ରସ୍ତୁତି କରିଛନ୍ତି । ତେଣୁ ବିଜେପି ନେତାଙ୍କୁ ଖୁବ ଜଲ୍ଦି ଆରେଷ୍ଟ କରପାଯାଉ ବୋଲି ସାମ୍ବାଦିକ ସମ୍ମିଳନୀରେ କହିଛନ୍ତି ସିସୋଦିଆ । ବିଜେପିର ଏଭଳି ଷଡଯନ୍ତ୍ରର ଜବାବ ଜନତା ଦେବେ ବୋଲି କହିଛନ୍ତି ଆପ ନେତା । ଅନ୍ୟପଟେ ଆପର ଅଭିଯୋଗକୁ ଖଣ୍ଡନ କରିଛନ୍ତି ମନୋଜ ତିୱାରୀ । କେବଳ ମାମଲରୁ ଖସିବାୱପାଇଁ ଏଭଳି ଆରୋପ ଆଣିଛି ଆପ ।

ଆପର ବରିଷ୍ଠ ନେତା ସନ୍ଦୀପ ଭରଦ୍ୱାଜଙ୍କ ଆତ୍ମହତ୍ୟା ନୁହେଁ, ଏହା ହତ୍ୟା । ଖୋଦ ସନ୍ଦୀପ ଭରଦ୍ୱାଜଙ୍କୁ ହତ୍ୟା କରିଛନ୍ତି ଆପ ନେତା । ତେଣୁ ଏହାର ସତ୍ୟତା ସାମ୍ନାକୁ ଆସୁବୋଲି କହିଛନ୍ତି ମନୋଜ । ସେ ଏକଥା ମଧ୍ୟ କହିଛନ୍ତି ଯେଉଁ ସ୍ଥାନରେ ସନ୍ଦୀପ ନିର୍ବାଚନ ଲଢୁଥିଲେ, କେଜ୍ରାୱାଲ ଅଞ୍ଜଳୀ ରାୟଙ୍କ ପୁତ୍ରକୁ ଟିକେଟ ଦେଇଥିଲେ । ଯାହାକୁ ନେଇ ଅସନ୍ତୁଷ୍ଟ ଥିଲେ ସନ୍ଦୀପ ।

କେଜ୍ରୱାଲ ନିଜ ସାଥି ନେତାଙ୍କୁ ଟିକେଟ ନଦେଇ, ଟଙ୍କା ପାଇଁ ଅନ୍ୟ ଜଣଙ୍କୁ ବିକିଦେଲେ ଟିକେଟ, ତେଣୁ ଏହାର ସତ ସାମ୍ନାକୁ ଆସୁ ବୋଲି କହିଛନ୍ତି ମନୋଜ ତିୱାରୀ । ନିର୍ବାଚନୀ ପାରା ଯେତେ ଗରମ ହେଉଛି, ଆରୋପ ପ୍ରତ୍ୟାରୋପ ଭିତରେ ରାଜନୀତି ଉଷ୍ମ ହେଉଛି । ରାଜନୀତି ତ ହେବ । ନିର୍ବାଚନରେ ଜଣଙ୍କର ବିଜୟ ହେବ । କିନ୍ତୁ ରାଜନୀତିରେ ହତ୍ୟା ଅଭିଯୋଗ ପୁଣି ମୁଖ୍ୟମନ୍ତ୍ରୀଙ୍କୁ, ଏହାର କେତେ ସତ୍ୟତା ରହିଛି ତାହା ସମୟ କହିବ