ଭୁବନେଶ୍ୱର: ଧାମନଗର ଉପନିର୍ବାଚନ ପାଇଁ ବିଜେପି ଘୋଷଣା କଲା ପ୍ରାର୍ଥୀ । ଦିବଙ୍ଗତ ବିଧାୟକ ସ୍ବର୍ଗତ ବିଷ୍ଣୁ ସେଠୀଙ୍କ ପୁଅ ସୂର୍ଯ୍ୟବଂଶୀ ସୂରଜଙ୍କୁ ପ୍ରାର୍ଥୀ କରିଛି ବିଜେପି । ନଭେମ୍ବର ୩ରେ ଧାମନଗରରେ ଉପ-ନିର୍ବାଚନ ହେବାକୁ ଥିବାବେଳେ ଆଜି ବିଜେପି ପ୍ରାର୍ଥୀ ଘୋଷଣା କରି ମୈଦାନକୁ ଓହ୍ଲାଇଛି । ଭ୍ରଦକର ସମସ୍ତ ଆସନରେ ଶାସକ ବିଜୁ ଜନତା ଦଳ ବିଜୟର ଟିକା ପିନ୍ଧିଥିବାବେଳେ କେବଳ ଧାମନଗର ଟି ବିଜେପି ହାତକୁ ଯାଇଥିଲା ।
ବିଜେପିର କେନ୍ଦ୍ରୀୟ କମିଟି ବିଷ୍ଣୁ ସେଠୀଙ୍କ ପୁଅ ସୂର୍ଯ୍ୟବଂଶୀ ସୂରଜ ସ୍ଥିତପ୍ରଜ୍ଞଙ୍କ ନାମରେ ମୋହର ମାରିଥିବାବେଳେ ଦଳର ରାଷ୍ଟ୍ରୀୟ ମହାସଚିବ ଅରୁଣ ସିଂ ଏନେଇ ବିଧିବଦ୍ଧ ବିଜ୍ଞପ୍ତି ପ୍ରକାଶ କରିଛନ୍ତି । ବିଷ୍ଣୁ ସେଠୀଙ୍କ ଦେହାନ୍ତ ପରେ ଖାଲି ପଡିଥିଲା ଧାମନଗର ବିଧାନସବା ଆସନ । କେନ୍ଦ୍ରୀୟ ନିର୍ବାଚନ ଆୟୋଗ ନଭେମ୍ବର ୩ରେ ନିର୍ବାଚନ ଅନୁଷ୍ଠିତ ହେବା ନେଇ ବିଜ୍ଞପ୍ତି ପ୍ରକାଶ କରିଥିଲେ । ଏଥିସହିତ ନଭେମ୍ବର ୬ରେ ଭୋଟ ଗଣତି ହେବା ନେଇ ତାରିଖ ଘୋଷଣା କରିଥିଲେ ।
