ଭୁବନେଶ୍ୱର: ଶୂନ୍ୟକାଳରେ ଜାତୀୟ ରାଜପଥ ନିର୍ମାଣ ବିଳମ୍ବ ନେଇ ପ୍ରଶ୍ନ ଉଠାଇଛନ୍ତି ବିଜେଡି ବିଧାୟକ ଅରୁଣ ସାହୁ l ଆମେରିକା ପରି ରାସ୍ତା ଘୋଷଣା ପଦ୍ମ ଘୁଞ୍ଚି ଘୁଞ୍ଚି ଯାଉଛି । କଟକରୁ ସମ୍ବଲପୁର ରାସ୍ତା ବିଳମ୍ବ ଯୋଗୁଁ ୨ ବର୍ଷରେ ୪ ଶହ ଦୁର୍ଘଟଣା ହୋଇଛି । ଏହି ଦୁର୍ଘଟଣାରେ ୨୦୦ ଜଣଙ୍କ ମୃତ୍ୟୁ ହୋଇଛି l କେନ୍ଦ୍ର ସରକାର ତୁରନ୍ତ କାମ କିପରି ସାରିବେ ସେନେଇ କେନ୍ଦ୍ର ପାଖରେ ବିଜେଡି ସାଂସଦମାନେ ଦାବି କରିଛନ୍ତି l ତେବେ ଏଯାଏ ସମସ୍ୟା ନେଇ ବିଜେପି ସାଂସଦମାନେ କେନ୍ଦ୍ର ପାଖରେ ଦାବି କରିନଥିବା କହିଛନ୍ତି ଅରୁଣ ସାହୁ l
PMGSYରେ କମୁଛି ରାସ୍ତା, ଓଡ଼ିଶାକୁ ମିଳିଛି ମାତ୍ର ୬୩୬ଟି ରାସ୍ତା
ଭୁବନେଶ୍ୱର: ଗତ ତିନିବର୍ଷ ହେଲା କେନ୍ଦ୍ର ସରକାର ଆଉ ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ଯୋଜନାରେ ରାସ୍ତା ଦେଉ ନାହାନ୍ତି । PMGSY-1ରେ ଓଡ଼ିଶାକୁ ୫୮ ହଜାର ୫୬୬ କିଲୋମିଟର ବିଶିଷ୍ଟ ୧୫ ହଜାର ୮୨୬ଟି ରାସ୍ତା ମଞ୍ଜୁର ହୋଇଥିଲା । ଯାହାକି PMGSY-3ରେ କମିଗଲା । ଏହା ୩ ହଜାର ୬୪୮ କିଲୋମିଟର ବିଶିଷ୍ଟ ୬୩୬ଟି ରାସ୍ତାକୁ ଖସିଲା । ଯାହା ଚାରି ଭାଗରୁ ଭାଗେ ବି ନୁହେଁ । ଏନେଇ ବିଧାନସଭାରେ କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା ଉଦବେଗ ପ୍ରକାଶ କରିଛନ୍ତି ।
ଗ୍ରାମ୍ୟ ଉନ୍ନୟନ ମନ୍ତ୍ରୀ ପ୍ରୀତିରଞ୍ଜନ ଘଡ଼ାଇ ଉତ୍ତରରେ କହିଛନ୍ତି ଯେ, ନୂଆ ପଦ୍ଧତିରେ କାମ କରିବାର ସମୟ ଆସିଛି । ମୁଖ୍ୟମନ୍ତ୍ରୀ ସଡ଼କ ଯୋଜନା ଓ ବିଜୁ ସେତୁ ଯୋଜନା ପରି ସ୍କିମ୍ ଜରିଆରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସମସ୍ତ ବ୍ୟବସ୍ଥା କରୁଛନ୍ତି । ଏଥିରେ ଗୋଷ୍ଠୀ ଅଂଶଗ୍ରହଣକୁ ବି ଗୁରୁତ୍ୱ ଦିଆଯାଉଛି । ରାଜ୍ୟର ସବୁ ଗାଁକୁ ଭଲ ରାସ୍ତା ଯୋଗାଇବାକୁ ରାଜ୍ୟ ସରକାର ଲକ୍ଷ୍ୟ ରଖିଥିବା ଗ୍ରାମ୍ୟ ଉନ୍ନୟନ ମନ୍ତ୍ରୀ ପ୍ରୀତିରଞ୍ଜନ ଘଡ଼ାଇ କହିଛନ୍ତି ।
ଦୁର୍ଘଟଣା ପରେ ହଜ ଯାତ୍ରୀଙ୍କ ବସରେ ଲାଗିଲା ନିଆଁ, ୨୦ ମୃତ
ରିୟାଦ: ଅଧାରେ ରହିଗଲା ହଜ୍ ଯାତ୍ରା। ରମଦାନ ମାସ ଚାଲିଥିବା ବେଳେ ସାଉଦିରେ ଘଟିଲା ବଡ଼ ଦୁର୍ଘଟଣା। ପୋଲରେ ପିଟିହୋଇ ଓଲଟି ପଡିଲା ତୀର୍ଥ ଯାତ୍ରୀଙ୍କ ବସ୍। ଜୀବନ୍ତ ଜଳିଗଲେ ୨୦ ତୀର୍ଥଯାତ୍ରୀ। ହଜ୍ ଯାତ୍ରୀ ବସ୍ ରେ ଯାଉଥିବା ବେଳେ ବସ୍ଟି ପୋଲରେ ଧକ୍କା ହେବା ପରେ ଓଲଟି ପଡ଼ି ନିଆଁ ଲାଗିଯାଇଥିଲା । ଭୟଙ୍କର ଦୁର୍ଘଟଣା ଘଟିଛି ସାଉଦି ଆରବର ଦକ୍ଷିଣ-ପଶ୍ଚିମ ଅଞ୍ଚଳରେ ।
ଆଜି ସକାଳୁ ଏହି ଦୁର୍ଘଟଣା ଘଟିଛି। ୨୦ଜଣ ଜୀବନ୍ତ ଦଗ୍ଧ ହୋଇଯାଇଥିବା ବେଳେ ଅତି କମ୍ରେ ୨୯ଜଣ ଆହତ ହୋଇଛନ୍ତି। ୟେମେନ ସୀମାରେ ଥିବା ଦକ୍ଷିଣ-ପଶ୍ଚିମ ଦିଗରେ ଆସିର ପ୍ରଦେଶ ଦେଇ ମକ୍କା ଅଭିମୁଖେ ତୀର୍ଥଯାତ୍ରୀ ବସ୍ଟି ଯାଉଥିବା ବେଳେ ଅଘଟଣ ଘଟିଥିଲା । ବ୍ରେକ୍ ଫେଲ୍ ହେବା ଯୋଗୁ ଏହି ଦୁର୍ଘଟଣା ଘଟିଥିବା ନେଇ ସ୍ଥାନୀୟ ଗଣମାଧ୍ୟମ ରିପୋର୍ଟରେ ପ୍ରକାଶ।
ତେବେ ଆହତଙ୍କ ମଧ୍ୟରୁ ଅନେକଙ୍କ ଅବସ୍ଥା ଗୁରୁତର ରହିଛି। ଉଦ୍ଧାରକାରୀ ଦଳ ତୁରନ୍ତ ଘଟଣାସ୍ଥଳରେ ପହଞ୍ଚି ଆହତଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରିଥିବା ସୂଚନା।
କଂଗ୍ରେସ ସହ ତମାମ ବିରୋଧୀ ଦଳ ସାମିଲ, ଖଡଗେଙ୍କ ଅଫିସରେ ଆଗାମୀ ରଣନୀତି ନେଇ ଆଲୋଚନା
ନୂଆଦିଲ୍ଲୀ: ଏକଛତ୍ରବାଦୀ ଶାସନ ବିରୋଧରେ ଜାରି ରହିବ ଲଢ଼େଇ । ଗଣତନ୍ତ୍ରର ରକ୍ଷା ପାଇଁ କଂଗ୍ରେସ ସହ ସାଥ୍ ଦେଇଛନ୍ତି ତମାମ ବିରୋଧୀ ଦଳ । ଶରଦ ପାଓ୍ବାରଙ୍କ ଏନସିପି, ନୀତୀଶଙ୍କ ଜେଡିୟୁ, ତେଲେଙ୍ଗାନାର ଶାସକ ଦଳ ବିଆରଏସ, ସିପିଏମ, ସିପିଆଇ, ଆମ ଆଦମୀ ପାର୍ଟି, ଏଆଇଡିଏମକେ, ଟିଏମସି, ଆରଜେଡି, ସମାଜବାଦୀ ପାର୍ଟି, ଜେଏମଏମ, ଡିଏମକେ ଆଦି ୧୮ଟି ଦଳ ଏକଜୁଟ ହୋଇଛନ୍ତି । ଆଜି ବିରୋଧୀଙ୍କ ସହ ଶିବସେନା ମଧ୍ୟ ସାମିଲ ହୋଇପାରେ । ଆଗାମୀ ରଣନୀତି ନେଇ ପାର୍ଲାମେଣ୍ଟ ପରିସରରେ ବିରୋଧୀ ଦଳ ନେତା ମଲ୍ଲିକାର୍ଜୁନ ଖଡଗେଙ୍କ କାର୍ଯ୍ୟାଳୟରେ ବିରୋଧୀଙ୍କ ବୈଠକରେ ନିଷ୍ପତ୍ତି ନିଆଯିବ ।
ସେପଟେ ଭ୍ରଷ୍ଟାଚାରୀଙ୍କ ବିରୋଧରେ କଂଗ୍ରେସ ସ୍ବର ଉଠାଇବା ଜାରି ରଖିବ ବୋଲି କହିଛନ୍ତି ବରିଷ୍ଠ କଂଗ୍ରେସ ସାଂସଦ ପ୍ରମୋଦ ତିଓ୍ବାରୀ । ଦେଶର ଟଙ୍କା ଲୁଟି ଫେରାର ହୋଇଯାଇଥିବା ମେହୁଲ ଚୋକସୀ, ନିରବ ମୋଦୀ, ଲଳିତ ମୋଦୀଙ୍କୁ ଓବିସି ସାହାରାରେ ବିଜେପି ବଞ୍ଚାଇବାକୁ ଚାହୁଁଛି ବୋଲି ସେ କହିଛନ୍ତି । ବିଜେପି ବିରୋଧରେ କହିବା ଦେଶ ବିରୋଧରେ କହିବା ନୁହେଁ । ଆଦାନୀ ପ୍ରସଙ୍ଗ ପାଇଁ ସଂସଦ ଚଳାଇବାକୁ ଦେଉନି ବିଜେପି । ପାର୍ଲାମେଣ୍ଟରେ ଆଦାନୀ ବିରୋଧରେ ହିଣ୍ଡେନବର୍ଗ ରିପୋର୍ଟର ଚର୍ଚ୍ଚା ହେଲେ ବିଜେପିର ମୁଖା ଖୋଲିଯିବ ବୋଲି ପ୍ରମୋଦ ତିଓ୍ବାରୀ କହିଛନ୍ତି । ସେପଟେ ରାହୁଲଙ୍କ ବିରୋଧରେ କାର୍ଯ୍ୟାନୁଷ୍ଠାନ ଓ ସଦସ୍ୟତା ରଦ୍ଦ ପ୍ରସଙ୍ଗ ଉପରେ ଆମେରିକା ନଜର ରଖିଛି ବୋଲି ଆମେରିକା ବିଦେଶ ମନ୍ତ୍ରଣାଳୟ ପକ୍ଷରୁ କୁହାଯାଇଛି ।
ମୋଷ୍ଟ ଓ୍ବାଣ୍ଟେଡ ଅମ୍ରିତପାଲ ସିଂକୁ ସର୍ଭିଲାନ୍ସ ଲିଷ୍ଟରେ ସାମିଲ କଲା ନେପାଳ
ନେପାଳ: ନେପାଳରେ ମୋଷ୍ଟ ଓ୍ବାଣ୍ଟେଡ ଅମ୍ରିତପାଲ ସିଂ । ଖଲିସ୍ତାନୀ ସମର୍ଥକ ପଳାତକ ଅମ୍ରିତପାଲ ସିଂହକୁ ନେପାଳ ସରକାର ମୋଷ୍ଟ ଓ୍ବାଣ୍ଟେଡ ଘୋଷଣା କରିଛନ୍ତି । ନେପାଳ ସରକାର ଅମ୍ରିତପାଲକୁ ସର୍ଭିଲାନ୍ସ ଲିଷ୍ଟରେ ସାମିଲ କରିବା ସହ ନେପାଳରେ ହାଇ ଆଲର୍ଟ ଜାରି କରାଯାଇଛି।
ୱାରିସ ପଞ୍ଜାବ ଦେ ମୁଖ୍ୟ ଅମ୍ରିତପାଲ ନେପାଳରେ ଲୁଚି ରହି ଥାଇପାରେ ବୋଲି ସନ୍ଦେହ କରାଯାଉଛି । ସୀମା ପାର ହୋଇ ଅମ୍ରିତପାଲ ନେପାଳ ପଳାଇଥିବା ଯାଞ୍ଚ ଏଜେନ୍ସି ଅନୁମାନ କରୁଛି । ଅମ୍ରିତପାଲ ସିଂହକୁ ନକଲି ପାସ୍ପୋର୍ଟ ଜରିଆରେ ଅନ୍ୟ ଦେଶକୁ ପଳାଇବାକୁ ଚେଷ୍ଟା କରିପାରେ। ଅମ୍ରିତପାଲ ସିଂହକୁ ଧରିବା ପାଇଁ ନେପାଳର ସମସ୍ତ ହୋଟେଲ ଠାରୁ ଆରମ୍ଭ କରି ଏୟାରଲାଇନ୍ସ ସମ୍ବନ୍ଧିତ ଏଜେନ୍ସିକୁ ତା’ର ବିବରଣୀ ଦିଆଯାଇଛି।
ତେବେ ଅମ୍ରିତପାଲ ପାଖରେ ଭିନ୍ନ ଭିନ୍ନ ପରିଚୟର ଅନେକ ନକଲି ପାସ୍ପୋର୍ଟ ରହିଥିବା କୁହାଯାଉଛି। ଏପଟେ ଅମ୍ରିତପାଲର ଅନେକ ସହଯୋଗୀଙ୍କୁ ପଞ୍ଜାବ ପୋଲିସ ଗିରଫ କରିଥିବା ବେଳେ ଉତ୍ତରାଖଣ୍ଡ, ଆସାମ ଓ ପଞ୍ଜାବରେ ବି ପୋଲିସ ଆଲର୍ଟରେ ରହିଛି ।
୬ କୋଟି ଲୋକଙ୍କ ପାଇଁ ଖୁସୀ ଖବର, ଇପିଏଫ୍ ବଢାଇଲା ପିଏଫ୍ ଉପରେ ଏତିିକି ସୁଧ
ନୂଆଦିଲ୍ଲୀ: ବଢ଼ିଲା EPFO ସୁଧହାର । କର୍ମଚାରୀଙ୍କ ଭବିଷ୍ୟନିଧି ପାଣ୍ଠି ଉପରେ ସୁଧ ହାର ବୃଦ୍ଧି କରିଛି କର୍ମଚାରୀ ଭବିଷ୍ୟନିଧି ସଂଗଠନ । ୨୦୨୨-୨୩ ଆର୍ଥିକ ବର୍ଷ ପାଇଁ ଇପିଏଫ ସୁଧ ହାର ୮.୧୫ ପ୍ରତିଶତକୁ ବଢ଼ାଇ ଦିଆଯାଇଛି । EPFରେ ସୁଧ ହାର ବଢିବା ପରେ ପାଖାପାଖି ୬ କୋଟି ଲୋକ ଉପକୃତ ହେବେ । ଏମାନଙ୍କ ମଧ୍ୟରୁ ୭୨.୭୩ ଲକ୍ଷ ଲୋକ ଆର୍ଥିକ ବର୍ଷ ୨୨ରେ ପେନସନଭୋଗୀ ।
ଗତକାଲିଠୁ ଇପିଏଫଓର ଦୁଇ ଦିନିଆ ବୋର୍ଡ ମିଟିଂ ବସିଥିବା ବେଳେ ସେଣ୍ଟ୍ରାଲ ବୋର୍ଡ ଅଫ ଟ୍ରଷ୍ଟି ପକ୍ଷରୁ ଏହି ନିଷ୍ପତି ନିଆଯାଇଛି । ୨୦୨୧-୨୨ ଆର୍ଥିକ ବର୍ଷରେ ସୁଧହାର ୮.୧ ପ୍ରତିଶତକୁ କମାଇ ଦିଆଯାଇଥିଲା । ଯାହା ୧୯୭୭-୭୮ ଆର୍ଥିକ ବର୍ଷ ପରେ ସବୁଠୁ କମ ସୁଧହାର ରହିଥିଲା । ୨୦୨୦-୨୧ରେ ଇପିଏଫଓ ସୁଧହାର ୮.୫ ପ୍ରତିଶତ ରହିଥିଲା ।
EPFO decides the rate of interest EPF for FY23. The rate of interest on EPF would be 8.15% for FY23. The labour ministry will send the proposal to the finance ministry for approval. pic.twitter.com/tPBqLgVTXm
— ANI (@ANI) March 28, 2023
ସେହିପରି ୨୦୧୮-୧୯ରେ ୮.୬୫%, ୨୦୧୭-୧୮ରେ ୮.୫୫%, ୨୦୧୬-୧୭ରେ ୮.୬୫% ରହିଥିଲା । ସୂଚନା ଅନୁଯାୟୀ, EPFO ପିଏଫ୍ ଆକାଉଣ୍ଟ ହୋଲ୍ଡରଙ୍କ ଜମା ରାଶିକୁ ବିଭିନ୍ନ ସ୍ଥାନରେ ନିବେଶ କରିଥାଏ । ଏହି ନିବେଶରେ ହେଉଥିବା ଆୟର ୧ ପ୍ରତିଶତ ଟଙ୍କା ସୁଧ ଆକାରରେ ଖାତାଧାରୀ ମାନଙ୍କୁ ମିଳିଥାଏ ।
ଗ୍ରାମୀଣ ରାସ୍ତାର ହେବ ମରାମତି କାମ, ୧୧୫୮ କୋଟିରୁ ଅଧିକ ଟଙ୍କାର ବ୍ୟୟ ବରାଦ
ଭୁବନେଶ୍ୱର: ବିଧାନସଭା ବଜେଟ ଅଧିବେଶନ । ବାର୍ଷିକ ରକ୍ଷଣାବେକ୍ଷଣ ଯୋଜନା ୨୦୨୩-୨୪ରେ ଏପ୍ରିଲ ଶେଷ ସୁଦ୍ଧା ଗ୍ରାମୀଣ ରାସ୍ତାର ହେବ ମରାମତି କାମ । ଏଥିପାଇଁ ୧୧୫୮ କୋଟିରୁ ଅଧିକ ଟଙ୍କାର ବ୍ୟୟ ବରାଦ କରାଯାଇଛି । ଅର୍ଥ ବିଭାଗର ଅନୁମୋଦନ ପରେ ଆରମ୍ଭ ହେବ କାମ । ଏନେଇ ଗୃହରେ ଉତ୍ତର ରଖିଛନ୍ତି ବିଭାଗୀୟ ମନ୍ତ୍ରୀ । ଟିଟିଲାଗଡ଼ର ତୁରେଇକେଲା, ବଂଗେମୁଣ୍ଡା, ମୁରିବାହାଲ ବ୍ଲକର ଖରାପ ରାସ୍ତା ଗୁଡିକ ସମ୍ବଳ ଅନୁସାରେ ଅନ୍ତର୍ଭୁକ୍ତ କରାଯାଇ ମରାମତି ପାଇଁ ଅଗ୍ରାଧିକାର ଦିଆଯିବ ବୋଲି ପ୍ରୀତି ରଞ୍ଜନ ଘଡାଇ ଗୃହରେ ଉତ୍ତର ରଖିଛନ୍ତି । ଏଥିପାଇଁ ଖରାପ ରାସ୍ତାକୁ କରାଯାଉଛି ଚିହ୍ନଟ । ସେହିପରି ରାସ୍ତାର ଗୁଣବତ୍ତା ଓ ଅଞ୍ଚଳର ଜନସଂଖ୍ୟାକୁ ନେଇ ବାର୍ଷିକ ଆକ୍ସନ ପ୍ଲାନ୍ ପ୍ରସ୍ତୁତ ହେଉଛି । ଏହାସହ ନିର୍ବାଚନ ମଣ୍ଡଳୀ ଓ୍ବାରୀ ଆଲୋଚନା କରିବେ ବୋଲି ଗୃହକୁ ଅବଗତ କରିଛନ୍ତି ମନ୍ତ୍ରୀ ।
ହଷ୍ଟେଲରେ ରାଗିଂ ପାଇଁ ଜୀବନ ହାରିଲେ ସରକାରୀ ପଲିଟେକନିକ ଛାତ୍ରୀ !
ଯାଜପୁର: ପୁଣି ହଷ୍ଟେଲରେ ଛାତ୍ରୀଙ୍କୁ ରାଗିଂ ଅଭିଯୋଗ । ବେକରେ ଓଢ଼ଣୀ ଲଗାଇ ଝୁଲିପଡ଼ିଲେ ଛାତ୍ରୀ । ଯାଜପୁର ଜିଲ୍ଲା କୋରାଇ ରଗଡ଼ି ସରକାରୀ ପଲିଟେକନିକ କଲେଜର ତୃତୀୟ ବର୍ଷ ଇଲେକ୍ଟ୍ରିକାଲ ଛାତ୍ରୀଙ୍କ ଆତ୍ମହତ୍ୟା। ମୃତ ଛାତ୍ରୀ ଜଣକ ଜେନାପୁର ଥାନା ଷେଣ୍ଢପୁର ଗାଁର ଅମୂଲ୍ୟ ପାତ୍ରଙ୍କ ଝିଅ ରୋଜାଲିନ ପାତ୍ର । ଜଣେ ମେଧାବୀ ଛାତ୍ରୀ ଥିଲେ ରୋଜାଲିନ୍ । ୪ଟି କ୍ୟାମ୍ପସରେ ସିଲେକ୍ଟ ବି ହୋଇଥିଲେ । ତେବେ କାହିଁକି ରୋଜାଲିନ ଏଭଳି ଚରମ ନିଷ୍ପତ୍ତି ନେଲେ ସେ ନେଇ କୌଣସି ସ୍ପଷ୍ଟ ସୂଚନା ମିଳିପାରିନାହିଁ ।
ସେପଟେ ଝିଅକୁ ସାଙ୍ଗସାଥି ସବୁବେଳେ ରାଗିଂ କରୁଥିବା ନେଇ ଫୋନରେ ଘରକୁ ଜଣାଇଥିବା ରୋଜାଲିନଙ୍କ ପରିବାର ଲୋକେ କହିଛନ୍ତି । ତେବେ ଏଥିପାଇଁ ସେ ଆତ୍ମହତ୍ୟା କରିଥିବା ପରିବାର ଲୋକେ ଅଭିଯୋଗ କରିଛନ୍ତି। ଘଟଣାସ୍ଥଳରେ କୋରେଇ ଥାନା ଅଧିକାରୀ ଓ ଯାଜପୁର ରୋଡ ଏସଡିପିଓ ପହଞ୍ଚି ଘଟଣାର ଅଧିକ ତଦନ୍ତ ଆରମ୍ଭ କରିଛି ।
ଆସନ୍ତାକାଲି ପବିତ୍ର ଅଶୋକାଷ୍ଟମୀ, ପ୍ରଭୁ ଲିଙ୍ଗରାଜଙ୍କ ରୁକୁଣା ରଥଯାତ୍ରା
ଭୁବନେଶ୍ୱର: ଆସନ୍ତାକାଲି ପବିତ୍ର ଅଶୋକାଷ୍ଟମୀ । ପ୍ରଭୁ ଲିଙ୍ଗରାଜଙ୍କ ରୁକୁଣା ରଥଯାତ୍ରା ଅନୁଷ୍ଠିତ ହେବ । ଏହା ପୂର୍ବରୁ ଆଜି ସପ୍ତମୀ ତିଥିରେ ନେତ ଉତ୍ସବ ଅବସରରେ ରୁକୁଣା ରଥ ପ୍ରତିଷ୍ଠା କରାଯିବ । ଲିଙ୍ଗରାଜଙ୍କ ସନ୍ଧ୍ୟା ଆଳତୀ ପରେ ମରିଚି କୁଣ୍ଡରୁ ପ୍ରଥମ ଗରା ପାଣି ଆଣି ପୂଜା କରାଯିବ ସହ ରଥ ପ୍ରତିଷ୍ଠା ହେବ । ପରେ ଏହି ପାଣିକୁ ନିଲାମ କରାଯିବ । ବିଶ୍ବାସ ରହିଛି, ମରିଚି କୁଣ୍ଡର ପାଣିକୁ ସେବନ କଲେ ନିଃସନ୍ତାନ ନାରୀ ସନ୍ତାନ ଲାଭ କରିଥାନ୍ତି । ରଥ ପ୍ରତିଷ୍ଠା କାର୍ଯ୍ୟ ପାଇଁ ପୁରୀରୁ ରାଜଗୁରୁ ଆସି ରଥ ପ୍ରତିଷ୍ଠା କରିବାର ବିଧି ରହିଛି । ଚଳିତ ବର୍ଷ ବିଳମ୍ବରେ ରଥ ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲେ ମଧ୍ୟ ନିର୍ଦ୍ଧାରିତ ସମୟ ମଧ୍ୟରେ ରଥ ନିର୍ମାଣ କାର୍ଯ୍ୟ ସମ୍ପନ୍ନ ହୋଇଛି ।
ଆଜି ରଥରେ ନେତ ଲାଗି ହେବା ସହ ରଥ ପ୍ରତିଷ୍ଠା କରାଯିବ । ଆସନ୍ତାକାଲି ଅଶୋକାଷ୍ଟମୀ ତିଥିରେ ଲିଙ୍ଗରାଜଙ୍କ ରୁକୁଣା ରଥ ଯାତ୍ରା ଆରମ୍ଭ ହୋଇ ୫ ଦିନ ଧରି ଚାଲିବ । ଏଥିପାଇଁ ସମସ୍ତ ନୀତି ନିର୍ଘଣ୍ଟ ଚୂଡ଼ାନ୍ତ ହୋଇଛି । ୧୨ଟାରେ ମଙ୍ଗଳା ଆଳତୀ, ୨ଟାରେ ଭୋଗ ଲାଗି ଓ ୩ଟାରୁ ସାଢ଼େ ୩ଟା ମଧ୍ୟରେ ରଥଟଣା ଆରମ୍ଭ ହେବ । ରୁକୁଣା ରଥଯାତ୍ରା ସୁରୁଖୁରୁରେ ତଥା ଶାନ୍ତିଶୃଙ୍ଖଳାର ସହ ସମ୍ପନ୍ନ କରିବା ପାଇଁ ମନ୍ଦିର ପ୍ରଶାସନ, ପୋଲିସ ଓ ବିଏମସି ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଛି । ଦୁଇଟି ପର୍ଯ୍ୟାୟରେ ପ୍ରସ୍ତୁତି ଓ ସମନ୍ୱୟ ବୈଠକ ଶେଷ ହୋଇଥିବା ବେଳେ, ସମସ୍ତଙ୍କ ସହଯୋଗ ଲୋଡିଛି ପ୍ରଶାସନ ।
ସିଆରପିଏଫ ଯବାନଙ୍କ ଆତ୍ମହତ୍ୟା
ପଦ୍ମପୁର: ସିଆରପିଏଫ ଯବାନଙ୍କ ଆତ୍ମହତ୍ୟା । ପଦ୍ମପୁର ଉପଖଣ୍ଡ ଜଗଦଳପୁର ଥାନା ସିଆରପିଏଫ କ୍ୟାମ୍ପରେ କାର୍ଯ୍ୟରତ ସିଆରପିଏଫ ଯବାନ ପ୍ରସନ୍ନଜିତ ପାଳ ଡ୍ୟୁଟିରେ ଥିବା ସମୟରେ ନିଜ ବନ୍ଧୁକରୁ ଗୁଳିକରି ଆତ୍ମହତ୍ୟା କରିଥିବା ଜଣାପଡ଼ିଛି । ରାତିରେ ସୁରକ୍ଷା ଟାଓ୍ବାର ଉପରେ ଡ୍ୟୁଟିରେ ଥିଲେ ପ୍ରସନ୍ନଜିତ । ମୄତ ଯବାନ ଜଣକ ପଶ୍ଚିମବଙ୍ଗର ବୋଲି ଜଣାପଡ଼ିଛି । କେଉଁ କାରଣରୁ ସେ ଆତ୍ମହତ୍ୟା କଲେ ତାହା ସ୍ପଷ୍ଟ ହୋଇନି । ଘଟଣାସ୍ଥଳରେ CRPF ଅଧିକାରୀ ପହଞ୍ଚି ଘଟଣାର ତଦନ୍ତ କରୁଛନ୍ତି ।