ମୁମ୍ବାଇ: ବଲିଉଡ କୁଇନ କଙ୍ଗନା ରଣାଓ୍ବତଙ୍କୁ ମିଳିଗଲା କି ତାଙ୍କ କିଙ୍ଗ ? ନିଜ ପଙ୍ଗା ପାଇଁ ଚର୍ଚ୍ଚାରେ ରହୁଥିବା କଙ୍ଗନା ଏବେ ତାଙ୍କ ଲଭ୍ ଲାଇଫକୁ ନେଇ ଚର୍ଚ୍ଚାରେ ଅଛନ୍ତି । ଯଦିଓ କଙ୍ଗନା ତାଙ୍କ ବ୍ୟକ୍ତିଗତ ଜୀବନ ବିଷୟରେ ଅନେକ ଥର ଆଲୋଚନା କରିଆସୁଥିଲେ ମଧ୍ୟ ତାଙ୍କ ନାଁ କୌଣସି ଅଭିନେତାଙ୍କ ସହ ଯୋଡ଼ି ହୋଇନି । କଙ୍ଗନାଙ୍କୁ ସବୁବେଳେ ପ୍ରଶ୍ନ କରାଯାଏ ଯେ, ତାଙ୍କର ମିଷ୍ଟର ପରଫେକ୍ଟ କିଏ? ସେ କେବେ ବିବାହ କରିବେ? କିନ୍ତୁ, କଙ୍ଗନା ଏହି ପ୍ରଶ୍ନଗୁଡ଼ିକର କୌଣସି ସିଧା ଉତ୍ତର ଦିଅନ୍ତି ନାହିଁ । କିନ୍ତୁ ଏବେ କଙ୍ଗନା ରଣାୱତଙ୍କର ଏକ ପୋଷ୍ଟରୁ ଜଣାପଡିଛି ଯେ, କୁଇନ ପ୍ରେମରେ ପଡିଛନ୍ତି। କଙ୍ଗନା ତାଙ୍କ ପୋଷ୍ଟରେ ଏମିତି କିଛି ଲେଖିଛନ୍ତି ଯାହା ଏଇୟା ଦର୍ଶାଉଛି ।
କଙ୍ଗନାଙ୍କର ଟ୍ବିଟ ଦେଖିବା ପରେ ପ୍ରଶଂସକମାନେ ଅନୁମାନ କରୁଛନ୍ତି ଯେ, କଙ୍ଗନା କାହାକୁ ଭଲ ପାଉଛନ୍ତି। କଙ୍ଗନା ତାଙ୍କ ପୋଷ୍ଟରେ କିଛି ଫଟୋ ସେୟାର କରିଛନ୍ତି । ଯେଉଁଥିରେ ତାଙ୍କୁ କ୍ଲୋଜ ଅପ୍ ସଟରେ ଦେଖିବାକୁ ମିଳିଛି । ଏହି ଚିତ୍ରଗୁଡ଼ିକରେ କଙ୍ଗନାଙ୍କ ମନ ଖୁସି ଥିବା ଦେଖାଯାଉଛି ।
इश्क़ वो आतिश है ग़ालिब लगाने से लगती नहीं और बुझाने से बुझती नहीं ♥️ pic.twitter.com/Ayds9o3RmA
— Kangana Ranaut (@KanganaTeam) April 9, 2023
କଙ୍ଗନା ଫଟୋ ସେୟାର କରି ଏକ କବିତାକୁ କ୍ୟାପସନରେ ଲେଖିଛନ୍ତି । ସେ ଲେଖିଛନ୍ତି- ‘ଇସ୍କ ୱୋ ଆତିସ ହେ, ଗାଲିବ…ଜୋ ଲାଗନେ ସେ ନେହି ଲଗତି । ବୁଝାନେ ସେ ନେହିଁ ବୁଝତି’ । କଙ୍ଗନାଙ୍କର ଏହି ପୋଷ୍ଟ ଦେଖି ପ୍ରଶଂସକମାନେ ଖୁବ୍ କମେଣ୍ଟ ଦେଇଛନ୍ତି । ଜଣେ ଫ୍ୟାନ ଲେଖିଛନ୍ତି ‘ଯିଏ ସ୍ୱପ୍ନରେ ଆସିଛି, ଯିଏ ହୃଦୟରେ ଅଛି । ଆଜି ଏହି ରହସ୍ୟ ଖୋଲି ଦିଅନ୍ତୁ ।ଅନ୍ୟ ଜଣେ ଫ୍ୟାନ ଲେଖିଛନ୍ତି “ଲାଗୁଛି ରାଣୀ ପ୍ରେମରେ ପଡିଛନ୍ତି”।
ଏଠାରେ ଆପଣଙ୍କୁ କହି ରଖିବାକୁ ଚହୁଁଛୁ ଯେ, ୨୦୧୭ ରେ, କଙ୍ଗନା ତାଙ୍କ ସ୍ୱପ୍ନର ରାଜକୁମାର ବିଷୟରେ କହିଥିଲେ । ସେ କହିଥିଲେ ଯେ ସେ ୟୁନିଫର୍ମରେ ଥିବା ପୁଅମାନଙ୍କ ପ୍ରତି ବହୁତ ଆକର୍ଷିତ ହୁଅନ୍ତି । ଏବଂ ସେମାନେ ତାଙ୍କୁ ସଚ୍ଚୋଟ ମନେ କରନ୍ତି । ଏହା ପରେ, ୨୦୨୧ ମସିହାରେ କଙ୍ଗନା ଏକ ସାକ୍ଷାତକାରରେ କହିଥିଲେ- ‘ମୁଁ ନିଶ୍ଚିତ ଭାବରେ ବିବାହ ଏବଂ ସନ୍ତାନ ଚାହୁଁଛି । ମୁଁ ଭାବୁଛି ମୁଁ ଆଗାମୀ ପାଞ୍ଚ ବର୍ଷରେ ନିଜକୁ ପତ୍ନୀ ଏବଂ ମା’ ହେବା ଦେଖିବାକୁ ଚାହେଁ ।
