ନବରଙ୍ଗପୁର ଜିଲ୍ଲା ଉମରକୋଟ ବାସିନୀଛକରେ ମର୍ମନ୍ତୁଦ ସଡ଼କ ଦୁର୍ଘଟଣା, ୩ ମୃତ

ନବରଙ୍ଗପୁର: ନବରଙ୍ଗପୁର ଜିଲ୍ଲା ଉମରକୋଟ ବାସିନୀଛକରେ ମର୍ମନ୍ତୁଦ ସଡ଼କ ଦୁର୍ଘଟଣା । ଭାରସାମ୍ୟ ହରାଇ ଗଛରେ ପିଟିହେଲା କାର୍ । ଘଟଣାସ୍ଥଳରେ ତିନି ଜଣଙ୍କର ମୃତ୍ୟୁ ହୋଇଥିବାବେଳେ ଜଣେ ଗୁରୁତର ହୋଇଛନ୍ତି । ବିଳମ୍ବିତ ରାତି ପ୍ରାୟ ସାଢେ ଦୁଇଟାରେ ଦୁର୍ଘଟଣା ଘଟିଛି । ମୃତକଙ୍କ ହେଲେ ସୁରେଶ ମଣ୍ଡଳ , ଗୌରାଙ୍ଗ ରାୟ ଓ ସତ୍ୟରଞ୍ଜନ ବେପାରୀ । ମୃତକଙ୍କ ଘର ରାଇଘର ଓ ଉମରକୋଟ ଅଞ୍ଚଳରେ । ସମସ୍ତେ ଛତିଶଗଡ଼ ଜଗଦଲପୁରରୁ ମେଡିକାଲ କାମ ସାରି ଉମରକୋଟର ଅଞ୍ଚଳା ଗ୍ରାମକୁ ଫେରୁଥିଲେ । ଗୁରୁତର ତରୁଲତା ବେପାରୀଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।