spot_img
Home Blog Page 3190

ଅଧ୍ୟାଦେଶ ପ୍ରସଙ୍ଗରେ ଆପ୍ ଜିଦ୍ ମାନିଲା କଂଗ୍ରେସ, ଏବେ ବିରୋଧୀଦଳ ବୈଠକରେ ସାମିଲ ହେବେ କେଜରିୱାଲ

ନୂଆଦିଲ୍ଲୀ: ଆମ ଆଦମୀ ପାର୍ଟି (ଆପ୍) ବେଙ୍ଗାଲୁରୁରେ ହେବାକୁ ଥିବା ବିରୋଧୀ ଦଳ ବୈଠକରେ ସାମିଲ ହେବା ନେଇ ଘୋଷଣା କରିଛି । ଏହି ବୈଠକରେ ଆମ ଆଦମୀ ପାର୍ଟିର ସଂଯୋଜକ ତଥା ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ସମେତ ଦଳର ଅନ୍ୟ ବଡ଼ ନେତା ସାମିଲ ହେବେ । ଦିଲ୍ଲୀରେ କେନ୍ଦ୍ର ସରକାରଙ୍କ ଅଧ୍ୟାଦେଶ ବିରୋଧରେ କଂଗ୍ରେସର ସମର୍ଥନ ମିଳିବା ପରେ ଏହି ନିଷ୍ପତ୍ତି ନେଇଛି ଆପ୍ । ରବିବାର ଆମ ଆଦମୀ ପାର୍ଟିର ରାଜ୍ୟସଭା ସାଂସଦ ରାଘବ ଚଢା ପ୍ରେସ କନଫରେନ୍ସ କରି ଏହାର ସୂଚନା ଦେଇଛନ୍ତି ।

ରାଘବ ଚଢା କହିଛନ୍ତି ଯେ ଆମ ଆଦମୀ ପାର୍ଟି ବିରୋଧୀ ଦଳ ବୈଠକରେ ସାମିଲ ହେବ । ବୈଠକରେ ସାମିଲ ହେବାକୁ ଅରବିନ୍ଦ କେଜରିୱାଲ, ଭଗବନ୍ତ ମାନ ଏବଂ ସଞ୍ଜୟ ସିଂହ ଆସନ୍ତାକାଲି ବେଙ୍ଗାଲୁରୁ ଯିବେ । ଉଲ୍ଲେଖଯୋଗ୍ୟ ବେଙ୍ଗାଲୁରୁରେ ୧୭ ଏବଂ ୧୮ ଜୁଲାଇରେ ବିରୋଧୀ ଦଳମାନଙ୍କୁ ନେଇ ବୈଠକର ଆୟୋଜନ ହେବ । ଏଥିରେ ଆଗାମୀ ଲୋକସଭା ନିର୍ବାଚନକୁ ନେଇ ଏନଡିଏ ବିରୋଧରେ ବିରୋଧୀ ଦଳଙ୍କ ଏକତ୍ରିତତା ଉପରେ ନିଷ୍ପତ୍ତି ନିଆଯିବ ।

ତେବେ ଏହା ପୂର୍ବରୁ ପାଟନାରେ ହୋଇଥିବା ବୈଠକରେ ଆପ୍ ସ୍ପଷ୍ଟ ଭାବେ କହିଥିଲା ଯେ ସମସ୍ତ ବିରୋଧୀ ଦଳ ଅଧ୍ୟାଦେଶ ପ୍ରସଙ୍ଗରେ ଆମକୁ ସମର୍ଥନ ଦିଅନ୍ତୁ । ଅନ୍ୟ ବିରୋଧୀ ରାଜନୈତିକ ଦଳଗୁଡ଼ିକ ଆପକୁ ସମର୍ଥନ ଦେବା ନେଇ ଘୋଷଣା କରିଥିବା ବେଳେ କଂଗ୍ରେସ ନିଜର ଆଭିମୁଖ୍ୟ ସ୍ପଷ୍ଟ କରିନଥିଲା । ଆପ୍ ସଂଯୋଜକ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ କଂଗ୍ରେସକୁ ଧମକ ଦେଇ କହିଥିଲେ କେନ୍ଦ୍ରର ଅଧ୍ୟାଦେଶ ବିରୋଧରେ କଂଗ୍ରେସ ଯଦି ତାଙ୍କୁ ସମର୍ଥନ ନକରେ ତେବେ ସେ ବିରୋଧୀ ଏକତା ଦଳ ବୈଠକକୁ ବହିଷ୍କାର କରିବେ ।

ବିରୋଧୀ ଏକତାରେ ଫାଟ ସୃଷ୍ଟି ହେବାର ଦେଖି କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ଅଧ୍ୟାଦେଶ ପ୍ରସଙ୍ଗରେ ଆପ୍ କୁ ସମର୍ଥନ ଦେବା ନେଇ ଘୋଷଣା କରିଥିଲେ । ଦିଲ୍ଲୀରେ ଅଧିକାରୀଙ୍କ ପୋଷ୍ଟିଂ ଓ ଟ୍ରାନ୍ସଫର ମାମଲାରେ ଦିଲ୍ଲୀ ସରକାରଙ୍କ ଅଧିକାର ବିରୋଧରେ ଅଧ୍ୟାଦେଶ ଲାଗୁ କରିଥିଲା କେନ୍ଦ୍ରର ବିଜେପି ସରକାର । ରାଜ୍ୟସଭାରେ ଏହାକୁ ଆଇନ ହେବାରୁ ରୋକିବା ପାଇଁ ବିରୋଧୀଙ୍କ ସମର୍ଥନରେ ଲାଗିଛି ଆମ ଆଦମୀ ପାର୍ଟି ।

ଚାକିରି ନାଁରେ ଠକେଇ ଘଟଣା, ୯ ଦଲାଲଙ୍କୁ ଗିରଫ କଲା ବାଲେଶ୍ୱର ପୋଲିସ

ବାଲେଶ୍ୱର: ଚାକିରି ନାଁରେ ଠକେଇ ଘଟଣା । ଦୀଘାର ଏକ ହୋଟେଲରେ ଚଢାଉ କରି ୯ ଜଣ ଦଲାଲଙ୍କୁ ଗିରଫ କରିଛି ବାଲେଶ୍ବର ପୋଲିସ । ଠକଙ୍କ ନିକଟରୁ ୮୮ପରୀକ୍ଷାର୍ଥୀଙ୍କୁ ଉଦ୍ଧାର କରାଯାଇଛି । ପିଲାଙ୍କଠାରୁ ୮ରୁ ୧୬ଲକ୍ଷ ଯାଏ ଟଙ୍କା ନେଇଥିଲେ ଦଲାଲ । ଠକେଇ ଗ୍ୟାଙ୍ଗରେ ଓଡ଼ିଶା, ଆନ୍ଧ୍ର ଓ ବିହାର ଅଭିଯୁକ୍ତ ସମ୍ପୃକ୍ତ ଥିଲେ । ଗିରଫ ଅଭିଯୁକ୍ତଙ୍କ ମଧ୍ୟରେ ଓଡ଼ିଶା, ଆନ୍ଧ୍ର ଓ ବିହାରର ଜଣେ ଲେଖାଏଁ ରହିଛନ୍ତି ।

ଗିରଫ ଅଭିଯୁକ୍ତଙ୍କ ମଧ୍ୟରେ ଜଣେ ମହିଳା ଥିବା ସୂଚନା ଦେଇଛନ୍ତି ବାଲେଶ୍ବର ଏସପି ସାଗରିକା ନାଥ । ତେବେ ପ୍ରଶ୍ନ ପତ୍ର ଲିକ୍ ହୋଇନି । ଏହା ଏକ ଜବ୍ ଫ୍ରଡ ସ୍କାମ ବୋଲି କହିଛନ୍ତି ଏସପି । ଯେଉଁ ରାଜ୍ୟରେ ପରୀକ୍ଷା, ତା ବାହାର ରାଜ୍ୟରେ ଆଶାୟୀଙ୍କୁ ଟ୍ରାପ୍ କରନ୍ତି ଅଭିଯୁକ୍ତ । ପ୍ରଶ୍ନପତ୍ର ଯୋଗାଇ ଦେବାକୁ କହି ପରୀକ୍ଷାର୍ଥୀଙ୍କୁ ଠକନ୍ତି । ଅଭିଯୁକ୍ତଙ୍କ ଠାରୁ ଗାଡ଼ି, ଟଙ୍କା, ମୋବାଇଲ ଜବତ କରାଯାଇଛି । ସହଦେବଖୁଣ୍ଟା ଆଇଆଇସିଙ୍କ ନେତୃତ୍ୱରେ ଠକଙ୍କୁ ଧରାଯାଇଛି । ଜବ ଫ୍ରଡ ସ୍କାମ ଉପରୁ ପରଦା ଉଠାଇଛି ବାଲେଶ୍ବର ପୋଲିସ ।

ସମ୍ବଲପୁର ପରେ ଦେବଗଡ଼ ବିକାଶର ସମୀକ୍ଷା ପାଇଁ ଗ୍ରାଉଣ୍ଡରେ 5T ସଚିବ

ଦେବଗଡ଼: ସମ୍ବଲପୁର ପରେ ଦେବଗଡ଼ ବିକାଶର ସମୀକ୍ଷା ପାଇଁ ଗ୍ରାଉଣ୍ଡରେ ପହଞ୍ଚିଛନ୍ତି 5T ସଚିବ ଭିକେ ପାଣ୍ଡିଆନ । ବଡ଼ବଗିଚା ପଡିଆରେ ଛାତ୍ରଛାତ୍ରୀଙ୍କୁ ଭେଟି ଆଲୋଚନା କରିଛନ୍ତି 5T ସଚିବ । ଜିଲ୍ଲାର ସମସ୍ତ କଲେଜକୁ 5T ଉପକ୍ରମରେ ସାମିଲ କରାଯିବ । ନୂଆବର୍ଷ ପୂର୍ବରୁ ଏହାର ରୂପାନ୍ତରଣ କରାଯିବ । ଛାତ୍ରଛାତ୍ରୀଙ୍କ ସହିତ ଆଲୋଚନା କରି ଏହି ସୂଚନା ଦେଇଛନ୍ତି 5T ସଚିବ । ନିଜ ଶିକ୍ଷାନୁଷ୍ଠାର ରୂପାନ୍ତରଣରେ ଶ୍ରମ ଦାନ କରିବାକୁ ଛାତ୍ରଛାତ୍ରୀଙ୍କୁ ସେ ପରାମର୍ଶ ଦେଇଛନ୍ତି । ଏହି ଅବସରରେ ଛାତ୍ରଛାତ୍ରୀଙ୍କୁ ଫିଟନେସ ମନ୍ତ୍ର ଦେଇଛନ୍ତି ଭି.କେ ପାଣ୍ଡିଆନ ।

ମହମ୍ମଦ ମୋକିମ ଓ ଚିରଞ୍ଜୀବ ବିଶ୍ବାଳଙ୍କ ନିଲମ୍ବନକୁ କଂଗ୍ରେସର କିଛି ପଦାଧିକାରୀଙ୍କ ବିରୋଧ

ଜଗତସିଂହପପୁର: କଂଗ୍ରେସରୁ ମହମ୍ମଦ ମୋକିମ ଓ ଚିରଞ୍ଜୀବ ବିଶ୍ବାଳଙ୍କୁ ନିଲମ୍ବନ ପ୍ରସଙ୍ଗ । ବିରୋଧ କଲେ କଂଗ୍ରେସର କିଛି ପଦାଧିକାରୀ । ନିଲମ୍ବନକୁ ସାଧାରଣ କଂଗ୍ରେସ କର୍ମୀ ଗ୍ରହଣ କରିପାରୁନାହାନ୍ତି । ପିସିସି ସଭାପତି ଶରତ ପଟ୍ଟନାୟକଙ୍କୁ ଟାର୍ଗେଟ୍ କରିଛନ୍ତି ଦଳର ଅନେକ ନେତା । ଶରତ ଦାୟିତ୍ୱ ନେବାପରେ ୩ଟି ଉପନିର୍ବାଚନ ହୋଇଛି । ସବୁ ଉପନିର୍ବାଚନରେ କଂଗ୍ରେସର ଶୋଚନୀୟ ପ୍ରଦର୍ଶନ କରିଛି । ଦଳ ଯେଉଁଠି ଶକ୍ତିଶାଳୀ ଅଛି ସେଠି ଦଳକୁ ଶରତ ଦୁର୍ବଳ କରାଉଛନ୍ତି ବୋଲି ଅଭିଯୋଗ କରିଛନ୍ତି ଦଳୀୟ ନେତା ।

ଆଜି ସାମ୍ବାଦିକ ସମ୍ମିଳନରେ ବର୍ଷିଛନ୍ତି ଦଳର ନେତା ନାରାୟଣ ଜେନା । କଂଗ୍ରେସର ଗଡ଼ କୋରାପୁଟରେ ଜିଲ୍ଲା ସଭାପତି ବଦଳାଇଛନ୍ତି । ବିଜେପି ସହ ହାତ ମିଳାଇଥିବା ନେତାଙ୍କୁ ଉଚ୍ଚସ୍ଥାନ ଦେଉଛନ୍ତି । ରାଜ୍ୟକୁ କଂଗ୍ରେସ ମୁକ୍ତ କରିବା ପାଇଁ କାମ ଶରତ କରୁଛନ୍ତି ବୋଲି ସେ ଅଭିଯୋଗ କରିଛନ୍ତି । ୧୯୯୮ରେ ବଲାଙ୍ଗୀରରୁ ସାଂସଦ ଥିଲେ ଶରତ ପଟ୍ଟନାୟକ । ତା ପରଠୁ ଆଉ ଜିତି ନାହାନ୍ତି । ଏବେ ନୂଆପଡ଼ାରୁ ବିଧାୟକ ପ୍ରାର୍ଥୀ ହେବାକୁ ଚାହୁଁଛନ୍ତି । ଚକ୍ରାନ୍ତ କରି ବିଜୟଙ୍କୁ କ୍ୟାମ୍ପେନ କମିଟି ଅଧ୍ୟକ୍ଷ କରିଛନ୍ତି ବୋଲି ସେ ଅଭିଯୋଗ କରିଛନ୍ତି ।

ଜଗତସିଂହପୁର ଜିଲ୍ଲା ବିଜେଡି କର୍ମକର୍ତ୍ତା ନିଯୁକ୍ତ, ୧୨ବରିଷ୍ଠ ଉପସଭାପତିଙ୍କୁ ଦାୟିତ୍ୱ

ଜଗତସିଂହପୁର: ୨୦୨୪ ସାଧାରଣ ନିର୍ବାଚନ ପୂର୍ବରୁ ସଶକ୍ତ ହେବ ଜଗତସିଂହପୁର ଜିଲ୍ଲା ବିଜେଡି । ଜିଲ୍ଲାର ଚାରୋଟି ନିର୍ବାଚନ ମଣ୍ଡଳୀ ଓ ୮ଟି ବ୍ଲକରେ ନୂତନ କର୍ମକର୍ତ୍ତାଙ୍କୁ ନିଯୁକ୍ତି ଦେଇଛନ୍ତି ସୁପ୍ରିମୋ ନବୀନ ପଟ୍ଟନାୟକ । ଜଗତସିଂହପୁର ଜିଲ୍ଲା ବିଜେଡି କର୍ମକର୍ତ୍ତା ନିଯୁକ୍ତ କରାଯାଇଛି । ୧୨ ବରିଷ୍ଠ ଉପସଭାପତି ଓ ୧୪ ଉପସଭାପତି ନିଯୁକ୍ତ । ୨୮ସାଧାରଣ ସମ୍ପାଦକ, ୪୫ ସମ୍ପାଦକ ନିଯୁକ୍ତ ହୋଇଛନ୍ତି । ଜିଲ୍ଲା ଉପଦେଷ୍ଟା କମିଟି ଦାୟିତ୍ୱରେ ୫ଜଣଙ୍କୁ ରଖାଯାଇଛି । କର୍ମକର୍ତ୍ତା ନିଯୁକ୍ତି ନେଇ ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ସୂଚନା ।

୪୩ ଲକ୍ଷ ଟଙ୍କାର ଅନଲାଇନ ଠକେଇ ମାମଲାରେ ୩ ଅଭିଯୁକ୍ତ ଗିରଫ

ବୌଦ୍ଧ: ୪୩ ଲକ୍ଷ ଟଙ୍କାର ଅନଲାଇନ ଠକେଇ ମାମଲାରେ ବୌଦ୍ଧ ପୋଲିସକୁ ବଡ଼ ସଫଳତା । ୩ ଜଣ ଅଭିଯୁକ୍ତକୁ ଗିରଫ କରିଛି ପୋଲିସ । ଏକ ଇ-କମର୍ସ କମ୍ପାନୀରେ କାମ କରି ଠକେଇ କରିଥିଲେ ଅଭିଯୁକ୍ତ । କଣ୍ଟାମାଳ ଓ ବାଉଁଶୁଣି ଥାନାରେ ଅଭିଯୋଗ ପରେ ଚଢ଼ାଉ କରି ଅଭିଯୁକ୍ତଙ୍କୁ ଗିରଫ କରିଛି ପୋଲିସ । ପୋଲିସ ସୂଚନା ଅନୁସାରେ ବୌଦ୍ଧ, ଅନୁଗୁଳ , କନ୍ଧମାଳ ଜିଲାର ବିଭିନ୍ନ ସ୍ଥାନରେ ଥିବା ଏକ ଇ-କମର୍ସ କମ୍ପାନୀର ବିତରଣ କାର୍ଯ୍ୟାଳୟରେ କାମ କରୁଥିବା ୩ ଜଣ କର୍ମଚାରୀ ୪୩ ଲକ୍ଷ ଟଙ୍କା ଗାଏବ କରିଦେଇଥିଲେ ।

କମ୍ପାନୀ ତରଫରୁ ଏନେଇ ବାଉଁଶୁଣୀ, କଣ୍ଟାମାଳ, କିଶୋରନଗର ଥାନାରେ ଏତଲା ଦିଆଯାଇଥିଲା । ପୋଲିସ ସ୍ବତନ୍ତ୍ର ଟିମ ଗଠନ କରି ଅଭିଯୁକ୍ତଙ୍କୁ ଗିରଫ କରିଛି । ସେମାନଙ୍କ ନିକଟରୁ ୪ ଲକ୍ଷ ୫୦ ହଜାର ଟଙ୍କା, ୩ଟି ମୋବାଇଲ, ଦୁଇଟି ବାଇକ, ଗୋଟିଏ ଲାପଟପ ଜବତ ହୋଇଛି । ଗିରଫ ଅଭିଯୁକ୍ତ ହେଲେ ନୟାଗଡର ସୁନୀଲ ପ୍ରିୟରଂଜନ ପାଲ, ଖୋର୍ଦ୍ଧାର ଆଶିଷ ରଂଜନ ପ୍ରଧାନ ଏବଂ ବାଲେଶ୍ବରର ବ୍ୟେମକେଶ ଗିରି ।

ମହାରାଷ୍ଟ୍ରରେ ବଡ଼ ହଲଚଲ, ଶରଦଙ୍କୁ ଭେଟିଲେ ଅଜିତ ପାଓ୍ବାର

ମୁମ୍ବାଇ: ମହାରାଷ୍ଟ୍ର ରାଜନୀତିରେ ବଡ଼ ହଲଚଲ୍ । ଏନସିପିରେ ବିଦ୍ରୋହ ପରେ ଶରଦ ପାଓ୍ୱାର ଓ ଅଭିତ ପାଓ୍ୱାରଙ୍କ ମଧ୍ୟରେ ବୈଠକ । ବିଦ୍ରୋହର ୧୪ ଦିନ ପରେ ଡାକିଲେ ଦଳର ବରିଷ୍ଠ ନେତାଙ୍କ ବୈଠକ । ଓ୍ବାଇ ବି ଚୌହାନ୍ ସେଣ୍ଟରରେ ଏନସିପିର ସବୁ ମନ୍ତ୍ରୀ ଉପସ୍ଥିତ ଅଛନ୍ତି । ଶରଦ ପାଓ୍ୱାରଙ୍କ ସହ ଏହି ବୈଠକରେ ଅଜିତ ପାଓ୍ବାର, ପ୍ରଫୁଲ୍ଲ ପଟେଲ୍, ଛଗନ ଭୁଜବଳ ଉପସ୍ଥିତ । ଏହି ବୈଠକରେ ସୁପ୍ରିୟା ସୁଲେ, ଜୟନ୍ତ ପାଟିଲ ମଧ୍ୟ ଉପସ୍ଥିତ ଅଛନ୍ତି । ତେବେ ଆସନ୍ତାକାଲିଠୁ ଆରମ୍ଭ ହେଉଛି ମହାରାଷ୍ଟ୍ର ବିଧାନସଭା ଅଧିବେଶନ ।

ମଝି ଆକାଶରେ ବିମାନ ଯାତ୍ରୀଙ୍କ ହଙ୍ଗାମା, ସିନିୟର ଅଫିସରଙ୍କୁ ଦୁର୍ବ୍ୟବହାର ପରେ ମାରିଲେ ଚାପୁଡ଼ା

ନୂଆଦିଲ୍ଲୀ: ମଝି ଆକାଶରେ ପୁଣି ଜଣେ ବିମାନ ଯାତ୍ରୀଙ୍କ ହଙ୍ଗାମା । ଏୟାର ଇଣ୍ଡିଆରେ କୋ-ପାସେଞ୍ଜରଙ୍କୁ ଗାଳି ଗୁଲଜ କରିବା ସହ ଏୟାରଲାଇନ୍ସ ସିନିୟର ଅଫିସରଙ୍କୁ ଦୁର୍ବ୍ୟବହାର ଓ ଚାପୁଡ଼ା ମାରିଛନ୍ତି ଯାତ୍ରୀ । ଏହାସହ ବିମାନର ଏମର୍ଜେନ୍ସି  ଇକ୍ୟୁପମେଣ୍ଟ ମଧ୍ୟ ଯାତ୍ରୀଜଣଙ୍କ ଭଙ୍ଗାରୁଜା କରିଥିବା ଜଣାପଡ଼ଛି । ଜୁଲାଇ ୯ ତାରିଖରେ ସିଡନୀରୁ ଦିଲ୍ଲୀ ଆସୁଥିବା ବିମାନରେ ଯାତ୍ରୀଙ୍କ ଏଭଳି କାରନାମା ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନେଇଛି ଏୟାର ଲାଇନ୍ସ । ଦିଲ୍ଲୀରେ ବିମାନ ଅବତରଣ କରିବା ପରେ ସମ୍ପୃକ୍ତ ଯାତ୍ରୀଙ୍କୁ ସୁରକ୍ଷା କର୍ମୀ ଗିରଫ କରିଛନ୍ତି । ଲିଖିତ କ୍ଷମା ପ୍ରାର୍ଥନା କରିଥିଲେ ବି ତାଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଡିଜିସିଏକୁ ଅପିଲ କରିଛି ଏୟାର ଇଣ୍ଡିଆ ।

ବୁଲା କୁକୁର ବେକରେ କ୍ୟୁ-ଆର କୋଡ୍‌, ସ୍କାନ୍‌ କଲେ ଆସୁଛି ନାଁ, ଟିକାକରଣ, ବନ୍ଧ୍ୟାକରଣ ତଥ୍ୟ

ମୁମ୍ବାଇ: ଏବେ ଆଧାର କାର୍ଡ ଏକ ଜରୁରୀ ଦସ୍ତାବିଜ । ସରକାରୀ ହେଉ କି ବେସରକାରୀ, ସବୁ କାମ ପାଇଁ ଦରକାର ପଡ଼ୁଛି ଆଧାର କାର୍ଡ । ଦେଶର ସବୁ ନାଗରିକଙ୍କ ପାଇଁ ଏହା ବାଧ୍ୟତାମୂଳକ ହୋଇଥିବା ବେଳେ ଏବେ କୁକୁରଙ୍କୁ ବି ଆଧାରକାର୍ଡ ମିଳୁଛି  । କଥାଟା ଅଜବ ଲାଗୁଥିଲେ ବି ସତ । ମୁମ୍ବାଇ ମହାନଗର ପାଳିକାର ଏହି ପଦକ୍ଷେପ ଏବେ ଚର୍ଚ୍ଚାରେ । ଛତ୍ରପତି ଶିବାଜୀ ଏୟାରପୋର୍ଟ ବାହାରେ ବୁଲୁଥିବା କୁକୁରଙ୍କୁ ପରିଚୟ ପତ୍ର ଦେଉଛି ବିଏମସି । କୁକୁରଙ୍କ ବେକରେ କ୍ୟୁଆର୍ କୋର୍ଡ ଲଗାଯାଉଛି । ଏହି କୋର୍ଡ ସ୍କାନ କଲେ କୁକୁରର ନାଁ, ଟିକାରଣ ଓ ବନ୍ଧ୍ୟାକରଣ ସମ୍ପର୍କୀତ ସବୁ ତଥ୍ୟ ଜଣାପଡ଼ିବ । କୁକୁର ବେକରେ ପଡ଼ିଥିବା ସ୍କାନର ଦେଖିବାକୁ ଆଧାର କାର୍ଡ ଭଳି । ସହରର ସବୁ ବୁଲା ଜନ୍ତୁଙ୍କ ଡାଟାବେସ୍ ପ୍ରସ୍ତୁତ କରିବ ବିଏମସି ।

 

ନିଆଳିରେ ପୁଣି ଅଜଣା ଜନ୍ତୁ ଆତଙ୍କ

ନିଆଳି: ନିଆଳିରେ ପୁଣି ଅଜଣା ଜନ୍ତୁ ଆତଙ୍କ । ବହୁ ଦିନ ପରେ ପୁଣି କଟକ ଜିଲ୍ଲା ନିଆଳିରେ ଅଜଣା ଜନ୍ତୁ ଆତଙ୍କ ଦେଖାଦେଇଛି । ଗାଈ ଗୁହାଳରେ ପଶି ମାଆ ପାଖରୁ ୨ ମାସର କଅଁଳା ବାଛୁରୀର ପଛପଟୁ ଖାଇଯାଇଛି ଅଜଣା ଜନ୍ତୁ । ନିଆଳି ଥାନା ଅନ୍ତର୍ଗତ ଅଲଣା ପଞ୍ଚାୟତ ଓଳାଂଶ ଗାଁର ନିକୁଞ୍ଜ ବିହାରୀ ସାହୁଙ୍କ ଗୁହାଳରେ ଗତକାଲି ରାତିରେ ଏପରି ଘଟଣା ଘଟିଛି । ପୂର୍ବରୁ ଅଜଣା ଜନ୍ତୁ ଶହ ଶହ ମେଣ୍ଢାଙ୍କୁ ମାରିଥିଲା ।