ଗଜପତି: ଦୁଇ ଦିନିଆ ଗଜପତି ଗସ୍ତରେ 5T ସଚିବ ଭି.କେ ପାଣ୍ଡିଆନ । ମୋହନାରେ ପହଞ୍ଚି ବିଭିନ୍ନ ସଂଗଠନ, ଗୋଷ୍ଠୀ ଓ ଲୋକଙ୍କ ସହ ଆଲୋଚନା କରିବା ସହ ସେମାନଙ୍କଠାରୁ ସ୍ମାରକପତ୍ର ଗ୍ରହଣ କରିଛନ୍ତି 5T ସଚିବ । ଲୋକଙ୍କ ସହ ସମସ୍ୟା ନେଇ ଆଲୋଚନା କରିଛନ୍ତି । ଲୋକଙ୍କଠୁ ସମସ୍ୟା ସମ୍ପର୍କରେ ଅବଗତ ହୋଇ ସମାଧାନ ପ୍ରତିଶ୍ରୁତି ଦେଇଛନ୍ତି । ବ୍ରହ୍ମପୁରରୁ ମୋହନା ଦେଇ ଜୟପୁର ଯାଏ ହେବ ଏକ୍ସପ୍ରେସ ଓ୍ୱେ-୨ । ‘୩ ବର୍ଷରେ ସରିବ ବିଜୁ ଏକ୍ସପ୍ରେସ ଓ୍ୱେ-୨ର ନିର୍ମାଣ । ଏହାଦ୍ବାରା ମୋହନାବାସୀ ବେଶୀ ଉପକୃତ ହେବେ । ୩ ଘଣ୍ଟା ବଦଳରେ ୪୫ମିନିଟରେ ବ୍ରହ୍ମପୁରରେ ପହଞ୍ଚିବେ ଯାତ୍ରୀ । ସେହିପରି ରାୟଗଡ଼ା ଯିବାକୁ ୪ ଘଣ୍ଟା ବଦଳରେ ଦେଢ଼ ଘଣ୍ଟା ଲାଗିବ । ପରେ ମୋହନାର ଜିରାଙ୍ଗରେ ଛାତ୍ରଛାତ୍ରୀଙ୍କ ସହ ଆଲୋଚନା କରୁଛନ୍ତି 5T ସଚିବ ।
ତାପରଙ୍ଗ ଜଙ୍ଗଲରେ ନକ୍ସଲ-ପୋଲିସ ଗୁଳି ବିନିମୟ ଘଟଣା, ଏୟାରଲିଫ୍ଟ ହେଲେ ଆହତ ଡିଏସପି
ଭୁବନେଶ୍ୱର: କଳାହାଣ୍ଡି ଏମ. ରାମପୁର ତାପରଙ୍ଗ ଜଙ୍ଗଲରେ ନକ୍ସଲ-ପୋଲିସ ଗୁଳି ବିନିମୟ ଘଟଣା । ଏୟାରଲିଫ୍ଟ ହେଲେ ଆହତ ଡିଏସପି । ଏୟାରଲିଫ୍ଟରେ ଭୁବନେଶ୍ୱର ଆଣିବା ପରେ ଗ୍ରୀନ୍ କରିଡରରେ ଏମ୍ସ ନିଆଯାଇଛି । ନକ୍ସଲଙ୍କ ସହ ଗୁଳି ବିନିମୟ ସମୟରେ ଡିଏସପିଙ୍କ ଗୋଡ଼ରେ ଦୁଇଟି ଗୁଳି ବାଜିଛି ବୋଲି ପ୍ରତିକ୍ରିୟା ରଖିଛନ୍ତି ଏଡିଜି ଅପରେସନ୍ ଅମିତାଭ୍ ଠାକୁର । ତେବେ ଏବେ ବି ତାପରଙ୍ଗ ଜଙ୍ଗଲରେ ଏସପିଙ୍କ ନେତୃତ୍ୱରେ ସର୍ଚ୍ଚ ଅପରେସନ ଚାଲିଛି । ତେବେ ଏହି ସର୍ଚ୍ଚ ଅପରେସନରେ AK-47 ସହ ବିଭିନ୍ନ ଅସ୍ତ୍ରଶସ୍ତ୍ର ମିଳିଛି । ସୁରକ୍ଷାକର୍ମୀଙ୍କ ସହ ଗୁଳିକାଣ୍ଡରେ ୩ ମାଓବାଦୀ ନିହତ ହୋଇଛନ୍ତି । ମୃତ ମାଓବାଦୀମାନେ ଛତିଶଗଡ଼ କ୍ୟାଡର ବୋଲି ସନ୍ଦେହ କରାଯାଉଛି ।
ଗଜପତି ଗସ୍ତରେ 5T ସଚିବ, ମୋହନାରେ ବିଜୁ ଏକ୍ସପ୍ରେସ ଓ୍ବେ’ କାମର କରିବେ ଅନୁଧ୍ୟାନ
ଗଜପତି: କେନ୍ଦ୍ରାପଡ଼ା, ଗଞ୍ଜାମ ପରେ ଦୁଇ ଦିନିଆ ଗଜପତି ଗସ୍ତରେ 5T ସଚିବ ଭିକେ ପାଣ୍ଡିଆନ୍ । ମୋହନାରେ ପହଞ୍ଚି ବିଜୁ ଏକ୍ସପ୍ରେସ ଓ୍ବେର କାମ ଅନୁଧ୍ୟାନ କରିବେ । ପରେ ଜିରାଙ୍ଗ ବୌଦ୍ଧ ଧର୍ମପୀଠରେ ସବୁ କଲେଜ ଛାତ୍ରଛାତ୍ରୀଙ୍କ ସହ ଆଲୋଚନା କରିବେ । ସେଠାରେ ମୋହନା ନିର୍ବାଚନ ମଣ୍ଡଳୀର ବିଭିନ୍ନ ସଂଗଠନ, ଗୋଷ୍ଠୀ ଓ ନେତାଙ୍କ ସହ ଆଲୋଚନା କରିବା ସହ ସେମାନଙ୍କଠାରୁ ସ୍ମାରକପତ୍ର ଗ୍ରହଣ କରିବା କାର୍ଯ୍ୟକ୍ରମ ରହିଛି । ଚନ୍ଦ୍ରଗିରି ଆଇବିରେ ରାତ୍ରୀଯାପନ କରିବେ 5T ସଚିବ । ଦୁଇଦିନିଆ ଗସ୍ତରେ ଗଜପତି ଜିଲ୍ଲାରେ ବିଭିନ୍ନ ବିକାଶମୂଳକ କାର୍ଯ୍ୟର ସମୀକ୍ଷା କରୁଛନ୍ତି 5T ସଚିବ । କାଲି ଛେଳିଗଡ଼ ଜଳସେଚନ ପ୍ରକଳ୍ପ ଅନୁଧ୍ୟାନ କରିବେ ।
କୁନୋ ଜାତୀୟ ଉଦ୍ୟାନରେ ଆଉ ଏକ ଚିତାର ମୃତ୍ୟୁ, ସାଥି ଚିତା ସହ ଲଢେଇରେ ମୃତ୍ୟୁବରଣ କରିଛି
ଭୋପାଳ: ମଧ୍ୟପ୍ରଦେଶର କୁନ୍ନୋ ନ୍ୟାସନାଲ ପାର୍କରେ ଥିବା ଆଉ ଏକ ମାଇ ଚିତା ଦକ୍ଷାର ମୃତ୍ୟୁ । ଦୁଇଟି ଅଣ୍ଡିରା ଚିତା ସହ ଲଢେଇ ଯୋଗୁଁ ଦକ୍ଷାର ମୃତ୍ୟୁ ହୋଇଥିବା ନ୍ୟାସନାଲ ପାର୍କ ପକ୍ଷରୁ କୁହାଯାଇଛି । ଦକ୍ଷିଣ ଆଫ୍ରିକାରୁ ଆସିଥିବା ଚିତା ମଧ୍ୟରୁ ବର୍ତ୍ତମାନ ପର୍ଯ୍ୟନ୍ତ ୩ଟି ଚିତାର ମୃତ୍ୟୁ ହେଲାଣି ।
୧୧ଟି ଦକ୍ଷିଣ ଆଫ୍ରିକୀୟ ଚିତା ଓ ୪ଟି ନାମିବିୟାରୁ ଚିତା ଅଣାଯାଇ କୁନ୍ନୋ ନ୍ୟାସନାଲ ପାର୍କରେ ଛଡାଯାଇଛି । ତାଙ୍କୁ ଖୁବଶୀଘ୍ର ଖୋଲା ଜଙ୍ଗଲରେ ଛଡାଯିବ ବୋଲି ରଣନୀତି ପ୍ରସ୍ତୁତ ହେଉଛି । ତାପୂର୍ବରୁ ୩ଟି ଚିତାଙ୍କର ମୃତ୍ୟୁ ହୋଇସାରିଲାଣି । ପ୍ରଜନନ ପାଇଁ ଦୁଇଟି ଅଣ୍ଡିରା ଚିତା ସହ ମାଈ ଚିତା ଦକ୍ଷାକୁ ଛଡାଯାଇଥିଲା । ସେମାନଙ୍କ ମଧ୍ୟରେ ଲଢେଇ ଯୋଗୁଁ ଗୁରୁତର ହୋଇପଡିଥିଲା ଦକ୍ଷା । ଆଜି ତାର ମୃତ୍ୟୁ ହୋଇଛି ।
ଓଡ଼ିଶା ଉପରେ ନାହିଁ ସମ୍ଭାବ୍ୟ ବାତ୍ୟାର ପ୍ରଭାବ, ଓଡ଼ିଶା ଉପକୂଳରୁ ୬୦୦ କିଲୋମିଟର ଦୂରରେ ଯିବ ବାତ୍ୟା
ଭୁବନେଶ୍ୱର: ଓଡ଼ିଶା ଉପରେ ପଡ଼ିବନି ସମ୍ଭାବ୍ୟ ବାତ୍ୟାର ପ୍ରଭାବ । ଓଡ଼ିଶା ଉପକୂଳରୁ ୬୦୦ କିଲୋମିଟର ଦୂରରେ ଯିବ ବାତ୍ୟା । ଆଗାମୀ ୪ ଦିନ ତାତିରୁ ନାହିଁ ନିସ୍ତାର । ୨ରୁ ୩ ଡିଗ୍ରୀ ପର୍ଯ୍ୟନ୍ତ ବୃଦ୍ଧି ପାଇବ ତାପମାତ୍ରା । ଦକ୍ଷିଣ ପୂର୍ବ ବଙ୍ଗୋପସାଗରରେ ସୃଷ୍ଟି ହୋଇଥିବା ଘୂର୍ଣ୍ଣିବଳୟ କ୍ରମଶଃ ଘନୀଭୂତ ହୋଇ ଦକ୍ଷିଣପୂର୍ବ ବଙ୍ଗୋପସାଗର ତତ୍-ସଂଲଗ୍ନ ଦକ୍ଷିଣ ଆଣ୍ଡାମାନସାଗର ଅଞ୍ଚଳରେ ଏକ ସୁଦୃଶ ଲଘୁଚାପ କ୍ଷେତ୍ରରେ ପରିଣତ ହୋଇଛି । ଅଧିକ ଘନୀଭୂତ ହୋଇ ଅବପାତର ରୂପ ନେବା ପରେ ଦକ୍ଷିଣପୂର୍ବ ପାର୍ଶ୍ବବର୍ତ୍ତୀ ପୂର୍ବ କେନ୍ଦ୍ରୀୟ ବଙ୍ଗୋପସାଗର ଏବଂ ଆଣ୍ଡାମାନ ସାଗର ଅଞ୍ଚଳରେ ୧୦ତାରିଖ ବେଳକୁ ବାତ୍ୟା ରୂପ ନେବା ନେଇ ଆକଳନ କରିଛି ପାଣିପାଗ ବିଭାଗ । ୧୨ ତାରିଖ ସକାଳ ପର୍ଯ୍ୟନ୍ତ ଏହା ଉତ୍ତର-ଉତ୍ତର ପଶ୍ଚିମ ଦିଗରେ ଗତି କରି ପରବର୍ତ୍ତୀ ସମୟରେ ଗତିପଥ ପରିବର୍ତ୍ତନ କରିବ । ଉତ୍ତର-ଉତ୍ତରପୂର୍ବ ଦିଗରେ ବଙ୍ଗଳାଦେଶ – ମିଆଁମାର ଆଡକୁ ବାତ୍ୟା ମୁହାଁଇବା ସମ୍ଭାବନା ରହିଛି । ଓଡ଼ିଶା ଉପକୂଳର ପ୍ରାୟ ୬ ଶହ କିଲୋମିଟର ଦୂରରେ ଗତି କରୁଥିବାରୁ ଏହାର କୌଣସି ପ୍ରଭାବ ଓଡ଼ିଶା ଉପରେ ନଥିବା ସ୍ପଷ୍ଟ କରିଛନ୍ତି ପାଣିପାଗ ବିଜ୍ଞାନୀ । ଏଣୁ ସମ୍ଭାବ୍ୟ ବାତ୍ୟାକୁ ନେଇ କୌଣସି ପ୍ରକାର ଆଲର୍ଟ ଜାରି କରାଯାଇନାହିଁ ।
ରାଜ୍ୟରେ ଶେଷ ହୋଇଛି କାଳବୈଶାଖୀର ପ୍ରଭାବ । କାଁ ଭାଁ ଗୋଟିଏ ଦୁଇଟି ସ୍ଥାନରେ ସାମାନ୍ୟ ବର୍ଷା ହେଉଛି। ତେବେ ରାଜ୍ୟରେ ଜାରି ରହିଛି ଗ୍ରୀଷ୍ମପ୍ରବାହ । ତତଲା କଡେଇରେ ସିଝୁଛି ସାରା ଓଡ଼ିଶା । ଅଧାରୁ ଅଧିକ ଜିଲ୍ଲାରେ ଦିନର ତାପମାତ୍ରା ୪୦ ଉପରେ ରହୁଛି । ରାଜ୍ୟକୁ ଶୁଷ୍କ ବାୟୁ ପ୍ରବେଶ କରୁଥିବା ବେଳେ ଆଦ୍ରତା ଅଧିକ ରହୁଛି । ଫଳରେ ତାପମାତ୍ରା ବୃଦ୍ଧି ସହ ଅସହ୍ୟ ଗୁଳୁଗୁଳି ଅନୁଭୂତ ହେଉଛି । ଏଭଳି ସ୍ଥିତି ଆଗାମୀ ୪ ଦିନ ପର୍ଯ୍ୟନ୍ତ ଲାଗି ରହିବ । ଦିନର ତାପମାତ୍ରା ୨ରୁ୩ ଡିଗ୍ରୀ ବୃଦ୍ଧି ପାଇବ ବୋଲି ପୂର୍ବାନୁମାନ କରିଛନ୍ତି ଆଞ୍ଚଳିକ ପାଣିପାଗ କେନ୍ଦ୍ର।
ଇମ୍ରାନଙ୍କୁ ପିଟୁଛି ପୋଲିସ, ସମର୍ଥକଙ୍କ ସଙ୍ଗୀନ ଅଭିଯୋଗ
ଇସଲାମାବାଦ: ମଙ୍ଗଳବାର ଇସଲାମାବାଦ ହାଇକୋର୍ଟ ପରିସରରୁ ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ଗିରଫ କରାଯାଇଛି । ପାକିସ୍ତାନୀ ରେଞ୍ଜର୍ସ ଅର୍ଥାତ ପାରାମିଲିଟାରୀ ଫୋର୍ସ ଇମ୍ରାନଙ୍କୁ ଗିରଫ କରିଛି । ଦୁଇଟି ମାଲମାରେ ଜାମିନ ପାଇଁ ହାଇକୋର୍ଟ ଯାଇଥିଲେ ଇମ୍ରାନ । ଏହି ସମୟରେ ତାଙ୍କୁ ଗିରଫ କରାଯାଇଛି । ପାକିସ୍ତାନୀ ମିଡିଆର ଏକ ରିପୋର୍ଟ ଅନୁଯାୟୀ, ଇମ୍ରାନ ଖାନ ହାଇକୋର୍ଟରେ ପହଞ୍ଚିବା କ୍ଷଣି ପାରାମିଲିଟାରୀ ଫୋର୍ସ ଏବଂ ସଶସ୍ତ୍ର ବାହିନୀ ହାଇକୋର୍ଟରେ ପହଞ୍ଚି ଯାଇଥିଲେ ।
ଗାଡ଼ିରେ ଗେଟ୍ ବ୍ଲକ୍ କରିଦେଇଥିଲେ ଏବଂ ଏହାର କିଛି ସମୟ ପରେ ଇମ୍ରାନ ଖାନକୁ ଗିରଫ କରାଯାଇ ବାହାରକୁ ଅଣାଯାଇଥିଲା । ନିକଟରେ ଇମ୍ରାନ ଇଣ୍ଟେଲିଜେନ୍ସର ମୁଖ୍ୟ ଅଧିକାରୀଙ୍କ ଉପରେ ଆରୋପ ଲଗାଇଥିଲେ ଯେ ସେ ବଜିରାବାଦରେ ତାଙ୍କୁ ହତ୍ୟା କରିବା ନେଇ ଷଡଯନ୍ତ୍ର କରୁଛନ୍ତି । ପାକିସ୍ତାନୀ ସେନା ଏହି ସମସ୍ତ ଅଭିଯୋଗକୁ ଖଣ୍ଡନ କରିଥିଲା । ଏହାପରେ ଆଜି ଇମ୍ରାନ ଏକ ଭିଡିଓ ଜାରି କରି ପୁଣିଥରେ ଆରୋପ ଦୋହରାଇଥିଲେ ।
ଏହାର ଚାରି ଘଣ୍ଟା ପରେ ତାଙ୍କୁ କୋର୍ଟରୁ ଗିରଫ କରାଯାଇଛି । ହାଇକୋର୍ଟର ମୁଖ୍ୟ ବିଚାରପତି ଆମେର ଫାରୁକ ଇମ୍ରାନଙ୍କ ଗିରଫଦାରୀ ପରେ ଗୃହମନ୍ତ୍ରୀଙ୍କ ସଚିବ ଏବଂ ଇସଲାମାବାଦର ପୋଲିସ ମୁଖିଆଙ୍କୁ ୧୫ ମିନିଟ ଭିତରେ କୋର୍ଟରେ ହାଜର ହେବା ପାଇଁ ଆଦେଶ ଦେଇଛନ୍ତି । ମୁଖ୍ୟ ବିଚାରପତି କହିଛନ୍ତି ଯେ ଯଦି ପୋଲିସ ମୁଖିଆ କୋର୍ଟରେ ହାଜର ନହୁଅନ୍ତି ତେବେ ଆମେ ପାକିସ୍ତାନର ପ୍ରଧାନମନ୍ତ୍ରୀଙ୍କୁ ଏଠାକୁ ଡକାଇବାକୁ ବାଧ୍ୟ ହେବୁ ।
ଏମାନେ କୋର୍ଟକୁ ଆସନ୍ତୁ ଏବଂ କୁହନ୍ତୁ ଯେ ଇମ୍ରାନଙ୍କୁ କେଉଁ ମାମାଲା ଏବଂ କାହିଁକି ଗିରଫ କରାଯାଇଛି? ଇମ୍ରାନଙ୍କ ପାର୍ଟି ପିଟିଆଇର ଜଣେ ନେତା ମୁସରତ ଚିମା ଏକ ଭିଡିଓ ମେସେଜ୍ ଜାରି କରିଛନ୍ତି । ସେଥିରେ ସେ କହିଛନ୍ତି ଇମ୍ରାନ ଖାନଙ୍କୁ ଏବେ ଟଚର କରାଯାଉଛି । ସେମାନେ ଖାନ୍ ସାହବଙ୍କୁ ମାରୁଛନ୍ତି । ଦଳର ଅଫିସିଆଲ ଟ୍ୱିଟର ଆକାଉଣ୍ଟରେ ମଧ୍ୟ ଇମ୍ରାନଙ୍କ ଓକିଲଙ୍କର ଏକ ଭିଡିଓ ସେୟାର କରାଯାଇଛି । ଦଳ କହିଛି ଯେ ହାଇକୋର୍ଟ ବାହାରେ ଇମ୍ରାନଙ୍କୁ ନିର୍ଦ୍ଦୟୀ ଭାବେ ମାଡ଼ ମରାଯାଇଛି ।
ଇମ୍ରାନଙ୍କୁ ଗିରଫ କରି କୁଆଡେ ନିଆଗଲା ତାହା ମଧ୍ୟ ଜଣାପଡିନାହିଁ । ଇମ୍ରାନଙ୍କ ଦଳ ପକ୍ଷରୁ ଏକ ବିବୃତି ଜାରି କରାଯାଇଛି । ଇମ୍ରାନଙ୍କୁ କୋର୍ଟ ପରିସରରୁ ଅପହରଣ କରାଯାଇଛି ବୋଲି ଅଭିଯୋଗ ହୋଇଛି । ଇମ୍ରାନଙ୍କ ଗିରଫ ପ୍ରତିବାଦରେ ସାରା ଦେଶରେ ଦଳର କାର୍ଯ୍ୟକର୍ତ୍ତମାନେ ଆନ୍ଦୋଳନ କରିଛନ୍ତି ।
ରିଲିଜ୍ ହେଲା ବହୁ ପ୍ରତିକ୍ଷୀତ ଫିଲ୍ମ ‘ଆଦିପୁରୁଷ’ର ଟ୍ରେଲର
ମୁମ୍ବାଇ: ସାଉଥ ସୁପରଷ୍ଟାର ପ୍ରଭାସଙ୍କ ଫ୍ୟାନ୍ସଙ୍କ ପାଇଁ ଖୁସି ଖବର । ରିଲିଜ୍ ହେଲା ବହୁ ପ୍ରତୀକ୍ଷିତ ଫିଲ୍ମ ’ଆଦିପୁରୁଷ’ର ଟ୍ରେଲର । ରାମାୟଣର କାହାଣୀକୁ ବଡ଼ ପରଦାରେ ଦେଖିବାକୁ ଖୁବ୍ ଉତ୍ସୁକ ଅଛନ୍ତି ଦର୍ଶକ । ଓମ୍ ରାଉତଙ୍କ ଏହି ଫିଲ୍ମ ଆଗାମୀ ଜୁନ୍ ୧୬ରେ ରିଲିଜ୍ ହେବ । ଏହି ଫିଲ୍ମରେ ପ୍ରଭାସ ଭଗବାନ ରାମଙ୍କ ଚରିତ୍ରରେ ନଜର ଆସିବେ । ସେହପରି ସୀତାଙ୍କ ରୂପରେ ଦେଖିବାକୁ ମିଳିବେ କ୍ରିତି ସାନନ୍ । ଏହି ଫିଲ୍ମ ହିନ୍ଦୀ ସହ ଆଉ ୪ଟି ଭାଷାରେ ରିଲିଜ୍ ହେବ । ବହୁ ପ୍ରତିକ୍ଷୀତ ଏହି ଫିଲ୍ମର ପ୍ରଥମ ପୋଷ୍ଟର ଗତ ରାମ ନବମୀରେ ରିଲିଜ୍ ହୋଇଥିଲା । ସେହିପରି ଦ୍ୱିତୀୟ ପୋଷ୍ଟର ହନୁମାନ ଜୟନ୍ତୀରେ ରିଲିଜ୍ ହୋଇଥିଲା ।
କାଲି ଝାରସୁଗୁଡ଼ା ଉପନିର୍ବାଚନ, ଆଜି ଭୋଟରଙ୍କୁ ପ୍ରଲୋଭିତ କରିବାକୁ ବିଜେପି ଶାଢ଼ୀ ବାଣ୍ଟୁଥିବା ଅଭିଯୋଗ
ଝାରସୁଗୁଡ଼ା: ଆସନ୍ତାକାଲି ଝାରସୁଗୁଡ଼ା ଉପନିର୍ବାଚନ । ଆଜି ଭୋଟରଙ୍କୁ ପ୍ରଲୋଭିତ କରିବା ପାଇଁ ବିଜେପି ଶାଢ଼ୀ ବାଣ୍ଟୁଥିବା ଅଭିଯୋଗ ହୋଇଛି । କୋଲାବିରା ବ୍ଲକ୍ ଜଗନ୍ନାଥ ମନ୍ଦିର ପାଖ ଜମିଦାରପଡ଼ାରେ ନିର୍ବାଚନ ଆଚରଣ ବିଧି ଉଲ୍ଲଂଘନ ଅଭିଯୋଗ । ଆଜି ଅପରାହ୍ନରେ ଏକ ଅଟୋରେ କିଛି ଶାଢ଼ୀ ଏହି ଅଞ୍ଚଳକୁ ଆସିଥିଲା । ଶାଢ଼ୀ ଗୁଡ଼ିକୁ ସମ୍ପୃକ୍ତ ବ୍ୟକ୍ତି ଜଣଙ୍କ ଘର ଭିତରେ ରଖିଛନ୍ତି । ଯେଉଁ ଘରେ ଶାଢ଼ୀ ଅଛି, ସେହି ଘର ବାହାରେ ବିଜେପିର ପୋଷ୍ଟର ଲାଗିଥିବା ଦେଖିବାକୁ ମିଳିଛି ।
ପ୍ରାୟ ୫୦୦ ଶାଢ଼ୀ ଅଟୋରୁ କଢ଼ାଯିବା ବେଳେ ସ୍ଥାନୀୟ ଲୋକେ ଅଟୋକୁ ଜବତ କରିବା ସହ ପୋଲିସକୁ ସୂଚନା ଦେଇଥିଲେ । ବିଜେପି ପକ୍ଷରୁ ଲୋକଙ୍କୁ ପ୍ରଭାବିତ କରିବାକୁ ଏହି ଶାଢ଼ୀ ବଣ୍ଟା ଯାଉଥିବା ଅଭିଯୋଗ କରିଛି ବିଜେଡି । ଏବେ ଘଟଣାସ୍ଥଳରେ ନିର୍ବାଚନ ଅଧିକାରୀ ଓ କୋଲାବିରା ପୋଲିସ ପହଞ୍ଚି ଛାନବିନ୍ ଆରମ୍ଭ କରିଛନ୍ତି ।
ଅଶୋକ ଗେହଲଟଙ୍କ ନେତା ହେଉଛନ୍ତି ବସୁନ୍ଧରା ରାଜେ ସିନ୍ଧିଆ: ସଚିନ୍ ପାଇଲଟ
ଜୟପୁର: ରାଜସ୍ଥାନରେ ଗତ ୩ ବର୍ଷ ଧରି କଂଗ୍ରେସ ମଧ୍ୟରେ ଚାଲିଥିବା ବିବାଦ ଦିନକୁ ଦିନ ବଢ଼ିବାରେ ଲାଗିଛି । ଆଜି ଏକ ସାମ୍ବାଦିକ ସମ୍ମିଳନୀରେ କଂଗ୍ରେସ ନେତା ସଚିନ ପାଇଲଟ ଖୋଲାଖୋଲି ଭାବେ ମୁଖ୍ୟମନ୍ତ୍ରୀ ଅଶୋକ ଗେହେଲଟଙ୍କୁ ଟାର୍ଗେଟ କରିଛନ୍ତି । ସେ କହିଛନ୍ତି, ମୁଁ ଅଶୋକ ଗେହଲଟଙ୍କ ଶେଷ ଭାଷଣ ଶୁଣିଥିଲୁ, ଏହି ଭାଷଣ ଶୁଣିବା ପରେ ମୁଁ ଅନୁଭବ କରୁଛି ଯେ ତାଙ୍କର ନେତା ସୋନିଆ ଗାନ୍ଧୀ ନୁହଁନ୍ତି ବରଂ ତାଙ୍କ ନେତା ବସୁନ୍ଧରାରାଜେ ସିନ୍ଧିଆ |
ଅଶୋକ ଗେହେଲଟଙ୍କ ବିବୃତ୍ତି ସମ୍ପର୍କରେ ସଚିନ ପାଇଲଟ କହିଛନ୍ତି ଯେ ଗୋଟିଏ ପଟେ କୁହାଯାଉଛି ଯେ ବିଜେପି ଆମ ସରକାରକୁ ଭାଙ୍ଗିବାକୁ କାମ କରୁଛି । ଅନ୍ୟପକ୍ଷରେ, ଅଶୋକ ଗେହେଲଟ କହୁଛନ୍ତି ଯେ ଆମ ସରକାର ବସୁନ୍ଧରା ରାଜେ ସିନ୍ଧିଆଙ୍କ ଦ୍ୱାରା ଉଦ୍ଧାର କରାଯାଇଥିଲା। ଏହି ବିବୃତ୍ତିରେ ଅନେକ ପ୍ରତିବାଦ ଅଛି | ମୁଁ ଭାବୁଛି ଏହା ସ୍ପଷ୍ଟ ହେବା ଉଚିତ୍ ବୋଲି କହିଛନ୍ତି ସଚିନ୍ ପାଇଲଟ । ଏହା ସହ ଗେହଲଟ ସଭାରେ କଂଗ୍ରେସ ନେତାଙ୍କୁ ଅପମାନିତ କରି କାହିଁକି ବିଜେପି ନେତାଙ୍କୁ ପ୍ରଶଂସା କରୁଛନ୍ତି ବୋଲି ପ୍ରଶ୍ନ କରିଛନ୍ତି ବରିଷ୍ଠ କଂଗ୍ରେସ ନେତା ସଚିନ ପାଇଲଟ ।
ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ୍ ଖାନ ଗିରଫ
ଇସଲାମାବାଦ: ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ୍ ଖାନ ଗିରଫ । ଇସଲାମାବାଦ ହାଇକୋର୍ଟ ସାମ୍ନାରୁ ଗିରଫ । ଇମ୍ରାନ୍ ଖାନଙ୍କୁ ପାକିସ୍ତାନ ରେଞ୍ଜର୍ସ କୋର୍ଟ ରୁମରୁ ଗିରଫ କରିଛନ୍ତି । ଗିରଫ ସମୟରେ ଇମ୍ରାନଙ୍କ ଓକିଲ ଓ ସମର୍ଥକଙ୍କୁ ଆକ୍ରମଣ । କୋର୍ଟ ବାହାରେ ବ୍ୟାପକ ପୋଲିସ ଫୋର୍ସ ମୁତୟନ। ଇମ୍ରାନଙ୍କ ଗିରଫ ଏହି ସମୟରେ ହୋଇଛି ଯେତେବେଳେ କି ସେ ପାକିସ୍ତାନ ଗୁପ୍ତଚର ଏଜେନ୍ସୀ ISI ଅଧିକାରୀ ମେଜର ଜେନେରାଲ ଫେଜଲ ନସୀରଙ୍କ ଉପରେ ଗମ୍ଭୀର ଅଭିଯୋଗ କରିଥିଲେ । ମେଜର ଜେନେରାଲ ତାଙ୍କୁ ହତ୍ୟା କରିବା ପାଇଁ ଚେଷ୍ଟା କରୁଛନ୍ତି ବୋଲି କହିଥିଲେ ପାକିସ୍ତାନ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ୍ ଖାନ ।