ଇସଲାମାବାଦ: ଇସଲାମାବାଦ ହାଇକୋର୍ଟରେ ହାଜର ହେବେ ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ୍ । ସେପଟେ ଇମ୍ରାନଙ୍କୁ ଭେଟିଛନ୍ତି ରାଷ୍ଟ୍ରପତି ଆରିଫ ଆଲଭି । ତେଣେ ବିଭିନ୍ନ ଅଭିଯୋଗ କ୍ରମେ ପିଟିଆଇ ନେତ୍ରୀ ତଥା ପୂର୍ବତନ ମନ୍ତ୍ରୀ ସିରିନ ମଜାରୀଙ୍କୁ ଗିରଫ କରିଛି ପୋଲିସ ।  ଇମ୍ରାନଙ୍କୁ ମୁକ୍ତି ଲାଗି ସୁପ୍ରିମକୋର୍ଟ ଗତକାଲି ଦେଇଥିଲେ ନିର୍ଦ୍ଦେଶ । ପୂର୍ବରୁ ଗିରଫ ଅବୈଧ ବୋଲି କହିଥିଲେ ପାକିସ୍ତାନ ସୁପ୍ରିମକୋର୍ଟ । ତାଙ୍କୁ କୋର୍ଟ ପରିସରରୁ ଅପହରଣ କରାଯାଇଥିବା ସହ ଲାଠିରେ ପିଟାଯାଇଥିଲା । ଆତଙ୍କବାଦୀଙ୍କୁ ବ୍ୟବହାର ପ୍ରଦର୍ଶନ ପରି ତାଙ୍କୁ ଦୁର୍ବବ୍ୟହାର କରାଯାଇଥିଲା ବୋଲି ଅଭିଯୋଗ କରିଥିଲେ ଇମ୍ରାନ । ପ୍ରଧାନ ବିଚାରପତିଙ୍କ ଇସ୍ତଫା ଦାବି କରିଛନ୍ତି ପିଏମଏଲ-ଏନ ନେତ୍ରୀ ମରିୟାମ ନଓ୍ବାଜ । ତେଣେ ପାକିସ୍ତାନରେ ମାନବାଧିକାର ଉଲ୍ଲଂଘନ ଓ ଗଣମାଧ୍ୟମ ସ୍ବାଧୀନତା ପ୍ରସଙ୍ଗରେ ଉଦବେଗ ପ୍ରକାଶ କରିଛି ଆମେରିକା ।

ଇମ୍ରାନଙ୍କ ସପକ୍ଷରେ ରାୟ ଦେଇଥିବାରୁ ସୁପ୍ରିମକୋର୍ଟ ପ୍ରଧାନବିଚାରପତିଙ୍କୁ ସମାଲୋଚନା କରିଛନ୍ତି ପୂର୍ବତନ ପ୍ରଧାନମନ୍ତ୍ରୀ ନଓ୍ବାଜ ସରିଫଙ୍କ କନ୍ୟା ମରିୟାମ ନଓ୍ବାଜ । ଏପରିକି ପ୍ରଧାନ ବିଚାରପତି ଇସ୍ତଫା ଦିଅନ୍ତୁ ବୋଲି ଦାବି କରିଛନ୍ତି ମରିୟାମ । କୋର୍ଟ ପରିସରରେ ଅଦାଲତଙ୍କ ବିନା ଅନୁମତିରେ ଇମ୍ରାନଙ୍କୁ ଗିରଫ କରିବା କୋର୍ଟ ଅବମାନନା ବୋଲି କହିଥିଲେ କୋର୍ଟ । ସେପଟେ ଇସଲାମାବାଦରେ ଅବସ୍ଥିତି ସୁପ୍ରିମକୋର୍ଟ, ପାର୍ଲାମେଣ୍ଟ ଆଦି ସ୍ଥାନରେ ଆର୍ମି କରିଛି ଫ୍ଲାଗମାର୍ଚ୍ଚ ।  ଅଲ କାଦିର ଟ୍ରଷ୍ଟ ଦୁର୍ନୀତି ପ୍ରସଙ୍ଗରେ ମାମଲାର ଶୁଣାଣି କରୁଛନ୍ତି ପ୍ରଧାନ ବିଚାରପତି ଉମର ଆଟା ବନ୍ଦିଆଲ, ଜଷ୍ଟିସ ମହମ୍ମଦ ଅଲ୍ ମାଝାର ଓ ଜଷ୍ଟିସ ଅଥର ମିନାଲ୍ଲା । ସେପଟେ ଇମ୍ରାନ ଖାନଙ୍କ ଗିରଫଦାରୀ ପରେ ଗୃହଯୁଦ୍ଧ ସ୍ଥିତି । ସୁଧୁରୁନି ପାକିସ୍ତାନ ସ୍ଥିତି । ବିଭିନ୍ନ ସ୍ଥାନରେ ସ୍ଥିତି ନିୟନ୍ତ୍ରଣରୁ ବାହାରେ । ବିଭିନ୍ନ ସ୍ଥାନରେ ଘଟିଥିବା ହିଂସାରେ ପ୍ରାଣ ହରାଇଲେଣି ୮ ଜଣ । ବର୍ତ୍ତମାନ ସୁଦ୍ଧା ଗିରଫ ହେଲେଣ ୧୯୦୦ । ପୂରା ଦେଶରେ ହିଂସା ଉଗ୍ର ରୂପ ଧାରଣ କରିଥିବା ବେଳେ ସରକାରୀ ସମ୍ପତ୍ତି ପୋଡ଼ାଜଳା କରିଛନ୍ତି ଇମ୍ରାନଙ୍କ ସମର୍ଥକ ।