spot_img
Home Blog Page 3044

ବଡ଼ଚଣାରେ ବିକାଶ କାର୍ଯ୍ୟର ସମୀକ୍ଷା କଲେ 5T ସଚିବ, ସ୍ବଚ୍ଛତାର ସହ କାମ କରିବାକୁ ଦେଲେ ଆହ୍ବାନ

ଯାଜପୁର: ଯାଜପୁର ବଡ଼ଚଣା ମହାବିନାୟକ ବାଳିକା ଉଚ୍ଚ ବିଦ୍ୟାଳୟ ପଡିଆରେ ଲୋକଙ୍କଠାରୁ ଅଭିଯୋଗପତ୍ର ନେଇଛନ୍ତି 5T ସଚିବ ଭି.କେ. ପାଣ୍ଡିଆନ। ସବୁ କଲେଜକୁ ମୁଖ୍ୟମନ୍ତ୍ରୀ 5Tରେ ରୂପାନ୍ତର କରୁଛନ୍ତି। ସମସ୍ତେ ସହଯୋଗ କଲେ ୬ମାସ ମଧ୍ୟରେ ପିଲାମାନେ ସ୍ମାର୍ଟ କ୍ଳାସରୁମ୍, ଇ-ଲାଇବ୍ରେରୀ ଆଦି ସୁବିଧା ପାଇବେ ବୋଲି 5T ସଚିବ କହିଛନ୍ତି। ସବୁ ମନ୍ଦିର, ମସଜିଦ, ଚର୍ଚ୍ଚ, କମ୍ୟୁନିଟି ସେଣ୍ଟର ପାଇଁ ମିଳିଥିବା ଦରଖାସ୍ତ ନେଇ ୭ଦିନ ମଧ୍ୟରେ ମୁଖ୍ୟମନ୍ତ୍ରୀ ଖୁସି ଖବର ଦେବେ। ଉନ୍ନତି ପାଇଁ ଅର୍ଥ ମଞ୍ଜୁରୀ କରିବେ।

ପାନୀୟ ଜଳ ସମସ୍ୟା ନେଇ ଜିଲ୍ଲାପାଳ ଆଲୋଚନା କରିବେ। କାଲି ସନ୍ଧ୍ୟା ସୁଦ୍ଧା ଘରେ ଇଂଜିନିୟର ପହଞ୍ଚି ବ୍ୟବସ୍ଥା କରିବେ। ମୁଖ୍ୟମନ୍ତ୍ରୀ ଚାଷୀଙ୍କ ଗୁରୁତ୍ୱ ଦିଅନ୍ତି। ଫସଲବୀମାରେ ମୁଖ୍ୟମନ୍ତ୍ରୀ ଚଳିତ ବର୍ଷ ବଡ ନିଷ୍ପତ୍ତି ନେଇଛନ୍ତି। ପ୍ରିମିୟମ ଛାଡ କରିଛନ୍ତି। ବିନା ସୁଧରେ ଏକ ଲକ୍ଷ ଟଙ୍କା ଋଣ ଦେଉଛନ୍ତି। ଯାଜପୁର ଜିଲ୍ଲାରେ ୧୭ହଜାରରୁ ଅଧିକ ମିଶନ ଶକ୍ତି ଗ୍ରୁପ ଗୋଟିଏ ବର୍ଷରେ ୫୦୦କୋଟିରୁ ଅଧିକ ଲୋନ ନେଇଛନ୍ତି। ଖାଲି ପଡିଥିବା ସବୁ ସରକାରୀ ବିଲ୍ଡିଂକୁ ମରାମତି କରି ମାସେ ମଧ୍ୟରେ ମିଶନଶକ୍ତି ଗ୍ରୁପକୁ ବିନା ଭଡାରେ ହସ୍ତାନ୍ତର କରାଯିବ।

ବିଏସକେଓ୍ବାଇରେ ରାଜ୍ୟ ଓ ରାଜ୍ୟ ବାହାରେ ଚିକିତ୍ସା ପାଇଁ ସୁବିଧା ପାଉଛନ୍ତି ଲୋକେ। ବଡଚଣା ରେ ଥିବା ୧୮ଟି ପଞ୍ଚାୟତରେ ପିଇବା ପାଣି ପହଞ୍ଚିବ। ପିଇବା ପାଣି ଘରେ ଘରେ ପହଞ୍ଚିବା ପାଇଁ ୧୮୦ କୋଟି ଟଙ୍କା ମୁଖ୍ୟମନ୍ତ୍ରୀ ଖର୍ଚ୍ଚ କରୁଛନ୍ତି। ବାଲିକୁଦାରେ ମେଗାଲିଫ୍ଟ ପ୍ରକଳ୍ପ ପାଇଁ ମୁଖ୍ୟମନ୍ତ୍ରୀ ୪୫ କୋଟି ଅନୁଦାନ ଦେଇଛନ୍ତି। ମାଧେଇପୁର ଇରିଗେସନ ପାଇଁ ୫କୋଟି, ନାଲିଆପୁର ରାସ୍ତା ପାଇଁ ୬କୋଟି ଟଙ୍କା ମଞ୍ଜୁର କରାଯାଇଛି। ମହାବିନାୟକ ମନ୍ଦିର ଉନ୍ନତି ପାଇଁ ଡିପିଆର ପ୍ରସ୍ତୁତ କରିବାକୁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦିଆଯାଇଛି। ଡିପିଆର ମିଳିବାର ୧୫ଦିନ ମଧ୍ୟରେ ମୁଖ୍ୟମନ୍ତ୍ରୀ ଟଙ୍କା ମଞ୍ଜୁର କରିବେ। ମହାବିନାୟକ ଏବଂ ଚଣ୍ଡୀ ମନ୍ଦିର ଉନ୍ନତି କରଣ ହେବ। ପ୍ରତି ଦରଖାସ୍ତର ବିଚାର କରାଯାଇ ମାସେ ମଧ୍ୟରେ ସମାଧାନ କରାଯିବ ବୋଲି 5T ସଚିବ କହିଛନ୍ତି ।

ମୁମ୍ବାଇରେ ବିରୋଧୀଙ୍କ ମହାମେଳି, ୨୪ ପାଇଁ ପ୍ରସ୍ତୁତ ହେବ ମାଷ୍ଟରପ୍ଲାନ

ମୁମ୍ବାଇ: ୨୦୨୪ ପାଇଁ ରୋଡମ୍ୟାପ୍ । ୨୮ ଦଳ ୬୨ ନେତା । ମୁମ୍ବାଇରେ ପ୍ରସ୍ତୁତ ହେବ ମାଷ୍ଟରପ୍ଲାନ୍ । ବିରୋଧୀ ମହାମେଣ୍ଟର ଆଜି ତୃତୀୟ ବୈଠକ । ପାଟନା ବୈଠକରେ ଏକାଠି ଲଢ଼ିବାକୁ ସହମତ ହୋଇଥିବା ବେଳେ ବେଙ୍ଗାଲୁରୁ ବୈଠକରେ ମେଣ୍ଟର ନାମକରଣ ହୋଇଥିଲା । ଆଜି ତୃତୀୟ ବୈଠକ ବସୁଥିବା ବେଳେ ମେଣ୍ଟ ପକ୍ଷରୁ କିଏ ହେବେ ପ୍ରଧାନମନ୍ତ୍ରୀ ଚେହେରା, ମହାମେଣ୍ଟର ନୂଆ ଲୋଗୋ ଓ ପତାକାକୁ ନେଇ ଗୁରୁତ୍ବପୂର୍ଣ୍ଣ ନିଷ୍ପତ୍ତି ହୋଇପାରେ । ଏହାସହ ମେଣ୍ଟର ସଂଯୋଜକ ଟିମ୍ ଓ ସମନ୍ବୟ କମିଟିକୁ ନେଇ ଦୁଇ ଦିନିଆ ବୈଠକରେ ନିଷ୍ପତ୍ତି ନିଆଯାଇପାରେ ।

ମୁମ୍ବାଇ ବୈଠକ ପରେ ମେଣ୍ଟର ଆଗାମୀ ରଣନୀତିକୁ ନେଇ ଚିତ୍ର ସ୍ପଷ୍ଟ ହେବା ସମ୍ଭାବନା ରହିଛି । ବିରୋଧୀ ମେଣ୍ଟରେ ସାମିଲ ଦଳଗୁଡ଼ିକ ୪୫୦ ଲୋକସଭା ଆସନ ଚିହ୍ନଟ କରିଥିବା ବେଳେ ଏନଡିଏ ବିପକ୍ଷରେ ଗୋଟିଏ ପ୍ରାର୍ଥୀ ଦେବାକୁ ଯୋଜନା ରଖିଛନ୍ତି । ଆଜି ସନ୍ଧ୍ୟା ସାଢ଼େ ୬ଟାରୁ ୮ଟା ଯାଏଁ ବୈଠକ ବସିବ । ରାତି ୮ଟାରେ ଶିବସେନା ଉଦ୍ଧବ ଗୋଷ୍ଠୀ ମୁଖ୍ୟ ଉଦ୍ଧବ ଠାକରେ ଏକ ରାତ୍ରିଭୋଜର ଆୟୋଜନ କରିବେ । ଆସନ୍ତାକାଲି ଦିନ ୧୦ଟାରୁ ୨ଟା ଯାଏଁ ମେଣ୍ଟ ବୈଠକ ଚାଲିବ । ଅପରାହ୍ନ ସାଢ଼େ ତିନିଟାରେ ବିରୋଧୀ ମେଣ୍ଟ ପକ୍ଷରୁ ସାମ୍ବାଦିକ ସମ୍ମିଳନୀ କରାଯିବ । ସେପଟେ ମେଣ୍ଟ ଦଳର ନେତାମାନେ ମୁମ୍ବାଇରେ ପହଞ୍ଚୁଥିବା ବେଳେ ସହରସାରା ନେତାମାନଙ୍କ ପୋଷ୍ଟର ଲଗାଯାଇଛି ।

ସୁପ୍ରିମକୋର୍ଟରେ ଜାମ୍ମୁ ଓ କାଶ୍ମୀର ମାମଲାର ଶୁଣାଣି, ଯେକୌଣସି ମୁହୂର୍ତ୍ତରେ ନିର୍ବାଚନ ପାଇଁ କେନ୍ଦ୍ର ପ୍ରସ୍ତୁତ

ନୂଆଦିଲ୍ଲୀ: ସୁପ୍ରିମକୋର୍ଟରେ ଜାମ୍ମୁ ଓ କାଶ୍ମୀର ପ୍ରସଙ୍ଗ । ଜାମ୍ମୁ ଓ କାଶ୍ମୀରରେ ଯେକୌଣସି ସମୟରେ ନିର୍ବାଚନ କରିବାକୁ ପ୍ରସ୍ତୁତ ବୋଲି କହିଛନ୍ତି କେନ୍ଦ୍ର ସରକାର । ତେବେ ନିର୍ବାଚନ ନେଇ ନିର୍ବାଚନ କମିଶନ ଓ ରାଜ୍ୟ ନିର୍ବାଚନ ଅଧିକାରୀଙ୍କ ନିଷ୍ପତ୍ତି ନିର୍ଭର କରୁଛି ବୋଲି କହିଛନ୍ତି ସରକାର । ଧାରା ୩୭୦ ଉଚ୍ଛେଦ ପ୍ରସଙ୍ଗରେ ଚାଲିଥିବା ଦୀର୍ଘ ଶୁଣାଣି କ୍ରମେ ଆଜି ଜାମ୍ମୁ ଓ କାଶ୍ମୀରରେ ନିର୍ବାଚନ କରିବା ସପକ୍ଷରେ ମତ ଦେଇଛନ୍ତି କେନ୍ଦ୍ର ସରକାର । ପୂର୍ବରୁ କେନ୍ଦ୍ର ସରକାର ଯୁକ୍ତି ଦର୍ଶାଇଥିଲେ- ଜାମ୍ମୁ ଓ କାଶ୍ମୀର ଥିଲା ସ୍ବତନ୍ତ୍ର ପ୍ରସଙ୍ଗ ଏବଂ ତାହାକୁ ଦୁଇଭାଗ କରିବାର ଆବଶ୍ୟକତା ଥିଲା ।

ଗତ ମଙ୍ଗଳବାର ହୋଇଥିବା ଶୁଣାଣି ବେଳ ଜାମ୍ମୁ ଓ କାଶ୍ମୀରରେ ଗଣତନ୍ତ୍ର ପ୍ରତିଷ୍ଠା ଜରୁରୀ ବୋଲି କହିଥିଲେ ସୁପ୍ରିମକୋର୍ଟ । ସେଠାରେ ଗତ ୨୦୧୮ ପରଠାରୁ କୌଣସି ନିର୍ବାଚିତ ସରକାର ନାହାନ୍ତି । ଆଜିର ଶୁଣାଣି ସମୟରେ ଜାମ୍ମୁ ଓ କାଶ୍ମୀରକୁ ରାଜ୍ୟପାହ୍ୟା ମାନ୍ୟତା ଦେବା ଲାଗି ଏକ ସମୟ ସୀମା ଧାର୍ଯ୍ୟ କରିବାକୁ ଅଗ୍ରାହ୍ୟ କରିଥିଲେ । ଗତ ୨୦୧୯ରେ ଜାମ୍ମୁ ଓ କାଶ୍ମୀରରୁ ଧାରା ୩୭୦ ଉଚ୍ଛେଦ କରି କେନ୍ଦ୍ର ସରକାର ଜାମ୍ମୁ -କାଶ୍ମୀର ଏବଂ ଲଦାଖ ନାମରେ ଦୁଇଟି କେନ୍ଦ୍ରଶାସିତ ଅଞ୍ଚଳ ଗଠନ କରିଥିଲେ । ଏହାକୁ ବିରୋଧ କରି ଅନେକ ପିଟିସନ ସୁପ୍ରିମକୋର୍ଟରେ ଦାଖଲ କରିଥିଲେ ।

OCCRP କିଏ ? ଯିଏ ଆଦାନୀ ଗୃପର କରିଛି ନୂଆ ଖୁଲାସା

ନନ୍ଦିଘୋଷ ବ୍ୟୁରୋ : ଆଦାନୀ ଗୃପକୁ ଅନିୟମିତତା ବୋଲି ଆମେରିକୀୟ ଅନୁସନ୍ଧାନକାରୀ ସଂସ୍ଥା ହିଣ୍ଡେନବର୍ଗର ରିପୋର୍ଟ ପରେ OCCRP ବର୍ତ୍ତମାନ ଆଦାନୀ ଗ୍ରୁପରେ ଏକ ନୂଆ ଖୁଲାସା କରିଛି। ସଂଗଠିତ ଅପରାଧ ଏବଂ ଦୁର୍ନୀତି ରିପୋର୍ଟ ପ୍ରକଳ୍ପ (ଓସିସିଆରପି) ଆଦାନୀ ଗ୍ରୁପ ଉପରେ ଏକ ନୂଆ ମାମଲା ଆଣିଛି । ଏହି ରିପୋର୍ଟ ଦାବି କରିଛି ଯେ ଆଦାନୀ ଗ୍ରୁପ୍ ଗୁପ୍ତ ଭାବରେ ନିଜର ଅଂଶଧନ କ୍ରୟ କରି ଷ୍ଟକ୍ ଏକ୍ସଚେଞ୍ଜରେ ଲକ୍ଷ ଲକ୍ଷ ଟଙ୍କା ବିନିଯୋଗ କରିଛି। ଏଥିରେ ମରିସସରେ ଆଦାନୀ ଗ୍ରୁପ୍ ଦ୍ୱାରା କରାଯାଇଥିବା କାରବାରର ସବିଶେଷ ତଥ୍ୟ ପ୍ରକାଶ ପାଇଛି। ରିପୋର୍ଟରେ ଦର୍ଶାଯାଇଛି ଯେ ଗ୍ରୁପ୍ କମ୍ପାନୀଗୁଡିକ ୨୦୧୩ ରୁ ୨୦୧୮ ପର୍ଯ୍ୟନ୍ତ ଗୁପ୍ତ ଭାବରେ ସେମାନଙ୍କ ଅଂଶଧନ କିଣିଛନ୍ତି। ତେବେ ସଂଗଠିତ ଅପରାଧ ଏବଂ ଦୁର୍ନୀତି ରିପୋର୍ଟ ପ୍ରକଳ୍ପର ଅଭିଯୋଗକୁ ଅସ୍ୱୀକାର କରି ଆଦାନୀ ଗ୍ରୁପ୍ ଏକ ବିବୃତ୍ତି ଜାରି କରିଛି। କହିଛି ଯେ, ସଂଗଠିତ ଅପରାଧ ଏବଂ ଦୁର୍ନୀତି ରିପୋର୍ଟ ପ୍ରକଳ୍ପ (OCCRP) ହେଉଛି ଅନୁସନ୍ଧାନକାରୀ ସାମ୍ବାଦିକମାନଙ୍କର ଏକ ବିଶ୍ୱସ୍ତରୀୟ ନେଟୱାର୍କ | OCCRP ୨୦୦୬ ରେ ପ୍ରତିଷ୍ଠିତ ହୋଇଥିଲା | OCCRP ଏସିଆ, ୟୁରୋପ, ଆଫ୍ରିକା ଏବଂ ଲାଟିନ୍ ଆମେରିକାରେ ୨୪ ଟି ଅଣ-ଲାଭ ପରୀକ୍ଷା କେନ୍ଦ୍ର ଦ୍ୱାରା ଗଠିତ | OCCRP ବିଲିୟନେୟାର ନିବେଶକ ଜର୍ଜ ସୋରୋସ୍ ଏବଂ ରକଫେଲର୍ ବ୍ରଦର୍ସ ଫଣ୍ଡ ପରି ଲୋକଙ୍କଠାରୁ ଅର୍ଥ ଗ୍ରହଣ କରେ | Hindenburg 2.0: OCCRP Alleges Mauritius-Based Opaque Funds Invested in Adani  Stock | NewsClick

ଗଣମାଧ୍ୟମର ରିପୋର୍ଟ ଅନୁଯାୟୀ, ଜର୍ଜ ସୋରୋସଙ୍କୁ ମୋଦୀ ସରକାରଙ୍କ କଠୋର ପ୍ରତିଦ୍ୱନ୍ଦ୍ୱୀ ଭାବେ ବିବେଚନା କରାଯାଏ। ସେମାନେ ସମୟ ସମୟରେ ମୋଦୀ ସରକାରଙ୍କୁ ସମାଲୋଚନା କରିଆସୁଛନ୍ତି। ଜର୍ଜ ତାଙ୍କ ସଂସ୍ଥା, ଓପନ୍ ସୋସାଇଟି ଫାଉଣ୍ଡେସନ ମାଧ୍ୟମରେ OCCRP କୁ ପାଣ୍ଠି ଦିଅନ୍ତି | ଏହା ବ୍ୟତୀତ ଏହି ଗୋଷ୍ଠୀ ଫୋର୍ଡ ଫାଉଣ୍ଡେସନ, ରକଫେଲର ବ୍ରଦର୍ସ ଫଣ୍ଡ ଏବଂ ଓକ ଫାଉଣ୍ଡେସନରୁ ମଧ୍ୟ ଅର୍ଥ ଗ୍ରହଣ କରିଥାଏ | ସଂଗଠିତ ଅପରାଧକୁ ଆଧାର କରି ରିପୋର୍ଟ ପ୍ରକାଶ କରିଥିବା ଦାବି କରିଛି OCCRP | ମିଡିଆ ହାଉସ୍ ସହିତ ସହଭାଗିତା ମାଧ୍ୟମରେ ଏହା ପ୍ରବନ୍ଧଗୁଡିକ ପ୍ରକାଶ କରେ | ଏହି ରିପୋର୍ଟ ପ୍ରକାଶ ପାଇବା ପୂର୍ବରୁ ମଧ୍ୟ ଘରୋଇ ଆର୍ଥିକ ବଜାରରେ ସମ୍ଭାବ୍ୟ ପ୍ରଭାବ ପକାଇବା ଉପରେ ଭାରତୀୟ ନିୟାମକ ଏଜେନ୍ସିଗୁଡ଼ିକ ତୀକ୍ଷ୍ଣ ନଜର ରଖିଛନ୍ତି। ବିବାଦ ସହିତ ଆମେରିକୀୟ ବିଲିୟନେୟାର ଜର୍ଜ ସୋରୋସଙ୍କର ଏକ ଦୀର୍ଘ ସମ୍ପର୍କ ରହିଛି | ସେ ମଧ୍ୟ ପ୍ରଧାନମନ୍ତ୍ରୀ ମୋଦୀଙ୍କ ସମ୍ପର୍କରେ ବିବାଦୀୟ ବିବୃତ୍ତି ଦେଇଛନ୍ତି। କେବଳ ପ୍ରଧାନମନ୍ତ୍ରୀ ମୋଦୀଙ୍କ ଉପରେ ନୁହେଁ ବରଂ ସେ ଋଷିଅାର ରାଷ୍ଟ୍ରପତି ଭ୍ଲାଦିମିର ପୁଟିନ ଏବଂ ଡୋନାଲ୍ଡ ଟ୍ରମ୍ପଙ୍କ ଉପରେ ବିବାଦୀୟ ବିବୃତ୍ତି ମଧ୍ୟ ଦେଇଛନ୍ତି। ବିଭିନ୍ନ ଦେଶର ରାଜନୀତି ଏବଂ ବ୍ୟବସାୟକୁ ପ୍ରଭାବିତ କରିବା ପାଇଁ ସୋରନ୍ ତାଙ୍କ ସମ୍ପତ୍ତି ବ୍ୟବହାର କରିଥିବା ଅଭିଯୋଗ ହୋଇଛି।

ସୌମ୍ୟ ଜଣେ ଅଭ୍ୟାସଗତ ମିଛୁଆ’, ରାଜନୈତିକ ସ୍ୱାର୍ଥ ହାସଲ ପାଇଁ ନିଜ ଖବରକାଗଜକୁ ବ୍ୟବହାର କରନ୍ତି

ଭୁବନେଶ୍ୱର: ଖଣ୍ଡପଡ଼ା ବିଧାୟକ ସୌମ୍ୟରଞ୍ଜନ ପଟ୍ଟନାୟକଙ୍କୁ ଅନୁଭବ ପଟ୍ଟନାୟକଙ୍କ ଟାର୍ଗେଟ୍। ସୌମ୍ୟ ପଟ୍ଟନାୟକ ଜଣେ ଅଭ୍ୟାସଗତ ମିଛୁଆ । ଖବରକାଗଜରେ ଲେଖିଲେ, କିନ୍ତୁ ପ୍ରମାଣ କରିପାରିଲେନି। ରାଜନୈତିକ ସ୍ୱାର୍ଥ ହାସଲ ପାଇଁ ସୌମ୍ୟ ନିଜ ଖବରକାଗଜକୁ ବ୍ୟବହାର କରନ୍ତି । ମନ୍ତ୍ରୀ ହୋଇ ପାରିନାହାନ୍ତି ବୋଲି ଏଭଳି ରାଗ ଶୁଝାଉଥିବା ଅନୁଭବ କହିଛନ୍ତି । ନବୀନଙ୍କ ଆଶୀର୍ବାଦରେ ଖଣ୍ଡପଡ଼ା ବିଧାୟକ ହୋଇଛନ୍ତି ସୌମ୍ୟ । ହେଲେ ବିଧାୟକ ନିର୍ବାଚନ ପରଠୁ ଖଣ୍ଡପଡ଼ା ଆସୁନାହାନ୍ତି। କୋଭିଡ ସଙ୍କଟ କି ପଞ୍ଚାୟତ ନିର୍ବାଚନରେ ବି ତାଙ୍କର ଦେଖା ମିଳିଲାନି। ଠକ ପ୍ରଦୀପ ପାଣିଗ୍ରାହୀଙ୍କ ସହ ବନ୍ଧୁତା କରିଛନ୍ତି ସୌମ୍ୟ । ପ୍ରଦୀପ ପାଣିଗ୍ରାହୀଙ୍କ ଭଳି ଅପରାଧୀଙ୍କୁ ନିଜ ଖବରକାଗଜ ମାଧ୍ୟମରେ ପ୍ରମୋସନ୍ କରୁଛନ୍ତି। ଏହା ସୌମ୍ୟଙ୍କର କି ପ୍ରକାର ନୈତିକତା ବୋଲି ପ୍ରଶ୍ନ କରିଛନ୍ତି ଅନୁଭବ। ସତସାହସ ଥିଲେ ବିଧାୟକ ପଦରୁ ଇସ୍ତଫା ଦେବାକୁ ସୌମ୍ୟଙ୍କୁ ଆହ୍ବାନ ଦେଇଛନ୍ତି ଅନୁଭବ। ଅଭ୍ୟାସଗତ ମିଛୁଆଙ୍କ କଥାରେ ଓଡ଼ିଶାବାସୀ ଭ୍ରମିତ ହେବେନି ବୋଲି ସେ କହିଛନ୍ତି ।

 

ଆସନ୍ତା ୨୧ରେ ଓଡ଼ିଶା ବିଧାନସଭାର ବାଚସ୍ପତି ନିର୍ବାଚନ

ଭୁବନେଶ୍ବର: ଆସନ୍ତା ୨୧ ତାରିଖରେ ଓଡ଼ିଶା ବିଧାନସଭାର ବାଚସ୍ପତି ନିର୍ବାଚନ ଅନୁଷ୍ଠିତ ହେବ । ବିକ୍ରମ କେଶରୀ ଆରୁଖଙ୍କ ଇସ୍ତଫା ପରେ ଖାଲିପଡ଼ିଛି ବାଚସ୍ପତି ପଦ । ବାଚସ୍ପତି ନିର୍ବାଚନ ପାଇଁ ୧୮ ତାରିଖରେ ପ୍ରାର୍ଥୀପତ୍ର ଦାଖଲ ହେବ। ତେବେ ପରବର୍ତ୍ତୀ ବାଚସ୍ପତି କିଏ ହେବ ସେନେଇ ଚର୍ଚ୍ଚା ଜାରି ରହିଛି । ଏହି ଚର୍ଚ୍ଚା ମଧ୍ୟରେ ନୃସିଂହ ସାହୁ, ପ୍ରଫୁଲ୍ଲ ସାମଲ, ଦେବୀ ମିଶ୍ର ଓ ସ୍ନେହାଙ୍ଗିନୀ ଛୁରିଆଙ୍କ ନାମ ଆଗରେ ରହିଛି । ଅନ୍ୟପକ୍ଷରେ ଆଗାମୀ ୨୨ ତାରଖରୁ ବିଧାସଭାର ମୌସୁମୀ ଅଧିବେଶନ ଆରମ୍ଭ ହେବ। ଏହା ଅକ୍ଟୋବର ୪ ଯାଏ ଚାଲିବ।

ଆସିବ କ୍ୟାନସର ମହୌଷଧି, ମାତ୍ର ୭ ମିନିଟରେ ହେବ ଚିକତ୍ସା

ନୂଆଦିଲ୍ଲୀ: ଆସିବ କ୍ୟାନସର ମହୌଷଧି । ମାତ୍ର ୭ ମିନିଟରେ ହେବ ଚିକତ୍ସା । କର୍କଟ ରୋଗୀଙ୍କ ଚିକିତ୍ସା ପାଇଁ ପ୍ରଥମ ଇଞ୍ଜେକସନ ଆଣିବ ବ୍ରିଟେନର ଜାତୀୟ ସ୍ବାସ୍ଥସେବା NHS । ଏହି ଇଞ୍ଜେକସନ କ୍ୟାନସର ଆକ୍ରାନ୍ତଙ୍କ ଚିକିତ୍ସା ସମୟ ଅନେକ ମାତ୍ରାରେ ହ୍ରାସ କରିବ । କର୍କଟ ରୋଗୀକୁ ଶୀଘ୍ର ସୁସ୍ଥ କରିବାରେ ଟେସେଣ୍ଟ୍ରିକ ଇଞ୍ଜେକସନ ସହାୟକ ହେବ । ଔଷଧ ଏବଂ ସ୍ବାସ୍ଥ୍ୟ ସେବା ଉତ୍ପାଦ ନିୟାମକ ଏଜେନ୍ସିର ଅନୁମୋଦନ ପରେ ଚିକିତ୍ସା ପ୍ରକ୍ରିୟା ଆରମ୍ଭ କରିବାକୁ ପ୍ରସ୍ତୁତି ଚାଲିଛି ବୋଲି ବ୍ରିଟେନ ନ୍ୟାସନାଲ ହେଲଥ ସର୍ଭିସ ପକ୍ଷରୁ କୁହାଯାଇଛି । ଇମ୍ୟୁନୋଥେରାପି, ଆଟେଜୋଲିଜୁମାବ ଚିକିତ୍ସିତ ହେଉଥିବା ଶହ ଶହ ଯୋଗ୍ୟ ରୋଗୀଙ୍କୁ ଚର୍ମ ତଳେ ଏହି ଇଞ୍ଜେକ୍ସନ ଦିଆଯିବ ବୋଲି NHS ପକ୍ଷରୁ କୁହାଯାଇଛି । ଏହି ଇଞ୍ଜେକସନକୁ ଅନୁମୋଦନ ମିଳିବା ଫଳରେ କର୍କଟ ଆକ୍ରାନ୍ତଙ୍କୁ ଶୀଘ୍ର ସୁସ୍ଥ କରିବା ସହ ଗୋଟିଏ ଦିନରେ ଅଧିକ ରୋଗୀଙ୍କ ଚିକିତ୍ସା କରିବାରେ ମେଡିକାଲ ଟିମ୍ ସକ୍ଷମ ହେବ ବୋଲି ଓ୍ବେଷ୍ଟ ସୁଫୋଲ୍କ NHS ଫାଉଣ୍ଡେସନ ଟ୍ରଷ୍ଟର ପରାମର୍ଶଦାତା ଅଙ୍କୋଲୋଜିଷ୍ଟ ଡାକ୍ତର ଆଲେକଜାଣ୍ଡାର ମାର୍ଟିନ କହିଛନ୍ତି ।

ଗଞ୍ଜାମ ଦିଗପହଣ୍ଡି ପଞ୍ଚାୟତ ସମିତି ଅଧ୍ୟକ୍ଷ ଉପନିର୍ବାଚନ ସ୍ଥଗିତ, ଆଇନଶୃଙ୍ଖଳା ପରିସ୍ଥିତି ଆଶଙ୍କାରେ ସ୍ଥଗିତ

ଗଞ୍ଜାମ: ଗଞ୍ଜାମ ଜିଲ୍ଲା ଦିଗପହଣ୍ଡି ପଞ୍ଚାୟତ ସମିତି ଅଧ୍ୟକ୍ଷ ଉପ-ନିର୍ବାଚନ ସ୍ଥଗିତ । ଆଇନ ଶୃଙ୍ଖଳା ପରିସ୍ଥିତି ସୃଷ୍ଟି ହେବା ଆଶଙ୍କା ଥିବାରୁ ଉପନିର୍ବାଚନ ସ୍ଥଗିତ ରଖାଯାଇଛି । ଉପନିର୍ବାଚନ ସ୍ଥଗିତ ରଖିବାକୁ ରାଜ୍ୟ ନିର୍ବାଚନ କମିଶନ ନିର୍ଦ୍ଦେଶ ଦେଇଛନ୍ତି । ଗଞ୍ଜାମ ଜିଲ୍ଲାପାଳଙ୍କ ରିପୋର୍ଟ ଆାଧାରରେ ସ୍ଥଗିତ ରହିଛି ଉପ ନିର୍ବାଚନ । କିଛି ସମିତି ସଭ୍ୟଙ୍କୁ ନିର୍ଦ୍ଦିଷ୍ଟ ଗୋଷ୍ଠୀ ଲୁଚାଇ ରଖିଥିବା ଅଭିଯୋଗ ହୋଇଛି । ଏନେଇ ଥାନାରେ ଅଭିଯୋଗ ହୋଇଛି ।

 

କଳାହାଣ୍ଡିକୁ ଉଡ଼ିଲା ବିମାନ, ଫ୍ଲାଗଅଫ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

କଳାହାଣ୍ଡି: ଭୁବନେଶ୍ବରରୁ କଳାହାଣ୍ଡିର ଉତ୍କେଲାକୁ ଆରମ୍ଭ ହେଲା ବିମାନ ସେବା । ଫ୍ଲାଗଅଫ୍ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପ୍ରଥମେ ସପ୍ତାହକୁ ଦୁଇ ଦିନ ମଙ୍ଗଳବାର ଓ ଗୁରବାର ଉଡ଼ିବ ବିମାନ । ପରେ ସପ୍ତାହକୁ ସବୁଦିନ ବିମାନ ଉଡିବ । ଏଥିସହ ଉଦଘାଟନ ହୋଇଛି ଉତ୍କେଲା ବିମାନ ବନ୍ଦର । କେନ୍ଦ୍ରମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ଉଦଘାଟନ କରିଛନ୍ତି । କଳାହାଣ୍ଡିର ବିକାଶରେ ଯୋଡ଼ିହେବ ନୂଆ ଫର୍ଦ୍ଦ । ସମୃଦ୍ଧିର ଆକାଶରେ ଉଡ଼ାଣ ଭରିବ କଳାହାଣ୍ଡି । ସପ୍ତାହର ଦୁଇ ଦିନ ସକାଳ ୭ଟା ୧୫ରେ ଭୁବନେଶ୍ବରରୁ ଉଡିବ ବିମାନ ସେବା । ଭୁବନେଶ୍ବର ଛାଡ଼ି ୮ଟା ୨୫ରେ ଉତ୍କେଲାରେ ପହଂଚିବ ବିମାନ । ସେହିପରି ଉତ୍କେଲାରୁ ସକାଳ ୮.୫୦ରେ ବାହାରି ୧୦ଟାରେ ଭୁବନେଶ୍ବରରେ ପହଂଚିବ ।

୯ଟି ସିଟ୍‌ ବିଶିଷ୍ଟ ଇଣ୍ଡିଆ ୱାନ ବିମାନରେ ଯାତ୍ରୀ ଯାତାୟତ କରିବେ । ଏଥିପାଇଁ ଟିକେଟର ଦାମ ୯୯୯ ଟଙ୍କା । ବିମାନ ଚଳାଚଳ ଦ୍ବାରା ମାତ୍ର ଘଣ୍ଟେ ଦଶ ମିନିଟରେ ଭୁବନେଶ୍ବରରୁ କଳାହାଣ୍ଡି ପହଞ୍ଚି ହେବ । ଆଦିବାସୀ ଅଧ୍ୟୁଷିତ ଅଞ୍ଚଳ ପାଇଁ ସରକାରଙ୍କ ଏ ପଦକ୍ଷେପ ଯୋଗାଯୋଗ କ୍ଷେତ୍ରରେ ଏକ ମାଇଲ ଖୁଣ୍ଟ ସ୍ଥାପନ କରିଛି । ଏଥିସହ ଖୁବଶୀଘ୍ର କଳାହାଣ୍ଡିରୁ ରାୟପୁର ଉଡ଼ିବ ବିମାନ । ଏନେଇ ମୁଖ୍ୟ ଶାସନ ସଚିବ ପ୍ରଦୀପ ଜେନା ସୂଚନା ଦେଇଛନ୍ତି ।

କାଲିଠୁ ରାଜ୍ୟରେ ବଦଳିପାରେ ପାଗ, ୨ ତାରିଖରୁ ବର୍ଷା ସମ୍ଭାବନା

ଭୁବନେଶ୍ୱର: ଆସନ୍ତାକାଲିଠୁ ରାଜ୍ୟରେ ବଦଳିପାରେ ପାଗ । ପୂର୍ବ-କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟି ହୋଇଛି ଘୂର୍ଣ୍ଣିବଳୟ। ପ୍ରଭାବରେ ୨ ତାରିଖରୁ ରାଜ୍ୟରେ ବର୍ଷା ହେବ। ୪ରୁ ବର୍ଷାର ପରିମାଣ ଏବଂ ବିସ୍ତୃତି ବଢିବ । ଅଧିକାଂଶ ଜିଲ୍ଲାରେ ପ୍ରବଳରୁ ଅତିପ୍ରବଳ ବର୍ଷା ସମ୍ଭାବନା ରହିଛି । କେନ୍ଦୁଝର, ମୟୁରଭଞ୍ଜ, ଅନୁଗୁଳ, ଢେଙ୍କାନାଳ, କଟକ, ବାଲେଶ୍ବର, ନବରଙ୍ଗପୁର, କଳାହାଣ୍ଡି ଏବଂ ବଲାଙ୍ଗୀରରେ ପ୍ରବଳରୁ ଅତିପ୍ରବଳ ବର୍ଷା ନେଇ ୟେଲୋ ଆଲର୍ଟ ଜାରି କରାଯାଇଛି। ଏସବୁ ଜିଲ୍ଲାରେ ୭୦ରୁ ୧୧୦ମିଲିମିଟର ପର୍ଯ୍ୟନ୍ତ ବର୍ଷା ହୋଇପାରେ। ଉପକୂଳ, ଦକ୍ଷିଣ ଓ ଆଭ୍ୟନ୍ତରୀଣ ଓଡ଼ିଶାରେ ଘଡଘଡି ବିଜୁଳି ସହ ପ୍ରବଳ ବର୍ଷା ହୋଇପାରେ ।

ଦୁର୍ବଳ ମୌସୁମୀ ପ୍ରଭାବରେ ଉପକୂଳ ସମେତ ଦକ୍ଷିଣ ଓଡ଼ିଶା ପ୍ରଭାବିତ ହୋଇଛି । ଗତ ୫ ଦିନ ହେବ ସ୍ବାଭାବିକଠାରୁ ୪ରୁ ୫ ଡିଗ୍ରୀ ଉପରେ ରହିଛି ପାରଦ। ଦକ୍ଷିଣ ଓଡ଼ିଶାରେ ନିଅଣ୍ଟିଆ ବର୍ଷା ରେକର୍ଡ ହୋଇଛି । ଗଞ୍ଜାମ ସେମତ କୋରାପୁଟ, ରାୟଗଡା, କଳାହାଣ୍ଡିରେ ସ୍ଥିତି ଉତ୍କଟ ହୋଇଛି। ଏଥିପାଇଁ ଜିଲ୍ଲା ପ୍ରଶାସନକୁ କଣ୍ଟିଜେନ୍ସି ପ୍ଲାନ ଅନୁସାରେ କାମ କରିବାକୁ ନିର୍ଦ୍ଦେଶ ଦିଆଯାଇଛି ।