ସୌମ୍ୟ ଜଣେ ଅଭ୍ୟାସଗତ ମିଛୁଆ’, ରାଜନୈତିକ ସ୍ୱାର୍ଥ ହାସଲ ପାଇଁ ନିଜ ଖବରକାଗଜକୁ ବ୍ୟବହାର କରନ୍ତି

ଭୁବନେଶ୍ୱର: ଖଣ୍ଡପଡ଼ା ବିଧାୟକ ସୌମ୍ୟରଞ୍ଜନ ପଟ୍ଟନାୟକଙ୍କୁ ଅନୁଭବ ପଟ୍ଟନାୟକଙ୍କ ଟାର୍ଗେଟ୍। ସୌମ୍ୟ ପଟ୍ଟନାୟକ ଜଣେ ଅଭ୍ୟାସଗତ ମିଛୁଆ । ଖବରକାଗଜରେ ଲେଖିଲେ, କିନ୍ତୁ ପ୍ରମାଣ କରିପାରିଲେନି। ରାଜନୈତିକ ସ୍ୱାର୍ଥ ହାସଲ ପାଇଁ ସୌମ୍ୟ ନିଜ ଖବରକାଗଜକୁ ବ୍ୟବହାର କରନ୍ତି । ମନ୍ତ୍ରୀ ହୋଇ ପାରିନାହାନ୍ତି ବୋଲି ଏଭଳି ରାଗ ଶୁଝାଉଥିବା ଅନୁଭବ କହିଛନ୍ତି । ନବୀନଙ୍କ ଆଶୀର୍ବାଦରେ ଖଣ୍ଡପଡ଼ା ବିଧାୟକ ହୋଇଛନ୍ତି ସୌମ୍ୟ । ହେଲେ ବିଧାୟକ ନିର୍ବାଚନ ପରଠୁ ଖଣ୍ଡପଡ଼ା ଆସୁନାହାନ୍ତି। କୋଭିଡ ସଙ୍କଟ କି ପଞ୍ଚାୟତ ନିର୍ବାଚନରେ ବି ତାଙ୍କର ଦେଖା ମିଳିଲାନି। ଠକ ପ୍ରଦୀପ ପାଣିଗ୍ରାହୀଙ୍କ ସହ ବନ୍ଧୁତା କରିଛନ୍ତି ସୌମ୍ୟ । ପ୍ରଦୀପ ପାଣିଗ୍ରାହୀଙ୍କ ଭଳି ଅପରାଧୀଙ୍କୁ ନିଜ ଖବରକାଗଜ ମାଧ୍ୟମରେ ପ୍ରମୋସନ୍ କରୁଛନ୍ତି। ଏହା ସୌମ୍ୟଙ୍କର କି ପ୍ରକାର ନୈତିକତା ବୋଲି ପ୍ରଶ୍ନ କରିଛନ୍ତି ଅନୁଭବ। ସତସାହସ ଥିଲେ ବିଧାୟକ ପଦରୁ ଇସ୍ତଫା ଦେବାକୁ ସୌମ୍ୟଙ୍କୁ ଆହ୍ବାନ ଦେଇଛନ୍ତି ଅନୁଭବ। ଅଭ୍ୟାସଗତ ମିଛୁଆଙ୍କ କଥାରେ ଓଡ଼ିଶାବାସୀ ଭ୍ରମିତ ହେବେନି ବୋଲି ସେ କହିଛନ୍ତି ।