spot_img
Home Blog Page 3005

ଆଣ୍ଡ୍ରଏଡ ୟୁଜରଙ୍କ ପାଇଁ ଗାଇଡଲାଇନ ଜାରି କଲା କେନ୍ଦ୍ର, ହାଇରିସ୍କରେ ଏହି ଡିଭାଇସ

0

ନୂଆଦିଲ୍ଲୀ: ଆଣ୍ଡ୍ରଏଡ ଫୋନ ବ୍ୟବହାରୀକାରୀ ସାବଧାନ । ହ୍ୟାକ୍‌ ହୋଇପାରେ ଆପଣଙ୍କ ସମ୍ପୂର୍ଣ୍ଣ ତଥ୍ୟ । ଏନେଇ କେନ୍ଦ୍ର ସରକାରଙ୍କ ସାଇବର ନିରାପତ୍ତା ସଂସ୍ଥା କମ୍ପ୍ୟୁଟର ଏମର୍ଜେନସି ରେସପନ୍ସ ଟିମ୍ ବା CERT-In ପକ୍ଷରୁ ଜାରି କରାଯାଇଛି ସତର୍କତା । ଆଣ୍ଡ୍ରଏଡ ଅପରେଟିଂ ସିଷ୍ଟମରେ ତଥ୍ଯ ହ୍ଯାକ ଲାଗି ବ୍ୟାପକ ଦୁର୍ବଳତା ରହିଛି ବୋଲି କହିଛି ଇଲେକ୍ଟ୍ରୋନିକ୍ସ ଓ ସୂଚନା ପ୍ରଯୁକ୍ତି ମନ୍ତ୍ରାଳୟ ଅଧୀନସ୍ଥ ସିଇଆରଟି ।

ମନ୍ତ୍ରାଳୟ ପକ୍ଷରୁ ଜାରି ବିଜ୍ଞପ୍ତିରେ କୁହାଯାଇଛି- ଆଣ୍ଡ୍ରଏଡ ଫୋନରେ ୟୁଜରଙ୍କ ଗୁରୁତ୍ବପୂର୍ଣ୍ଣ ସୂଚନା, ରିମୋଟ କୋଡ କିମ୍ବା ଅନ୍ଯାନ୍ୟ କ୍ଷେତ୍ରରେ ବହୁଳ ବିପଦ ରହିଛି । ଏସବୁକୁ ହାଇରିସ୍କ ବୋଲି ଦର୍ଶାଇଛି ସିଇଆରଟି । ଆଣ୍ଡ୍ରଏଡ 11, ଆଣ୍ଡ୍ରଏଡ 12 ଓ ଆଣ୍ଡ୍ରଏଡ 13ରେ ପରିଚାଳିତ ଆଣ୍ଡ୍ରଏଡ ଡିଭାଇସ ଉପରେ ବିଶେଷ ବିପଦ ରହିଛି । ଫ୍ରେମଓ୍ବର୍କ, ସିଷ୍ଟମ, ଗୁଗଲ ପ୍ଲେ ସିଷ୍ଟମ, କ୍ବାଲକମ୍ କମ୍ପୋନେଣ୍ଟ ଓ କ୍ବାଲକମ କ୍ଲୋଜଡ ସୋର୍ସ କମ୍ପୋନେଣ୍ଟ କ୍ଷେତ୍ରରେ ବି ବିଶେଷ ଦୁର୍ବଳ ଥିବାରୁ ତଥ୍ଯ ହ୍ଯାକ ସମ୍ଭାବନା ଅଧିକ ରହିଛି ବୋଲି କୁହାଯାଇଛି ।

ଏହି ଅପରେଟିଂ ସିଷ୍ଟମରେ ବିଶେଷ ଦୁର୍ବଳ ରହିଥିବା କମ୍ପୋନେଣ୍ଟ ମଧ୍ଯରେ ରହିଛି CVE-2022-40534, CVE-2023-21646, CVE-2023-21653 ସମେତ ପ୍ରାୟ 32ଟି କମ୍ପୋନେଣ୍ଟ । ତେବେ ହ୍ୟାକର ମାନଙ୍କଠାରୁ କିପରି ସୁରକ୍ଷିତ ରହିବେ ସେଥିଲାଗି ଗାଇଡ ଲାଇନ ଜାରି କରିଛି ସିଇଆରଟି । ତାହା ହେଲା- ଡିଭାଇସକୁ ଅପଡେଟ କରିବେ । ଡିଭାଇସ ପ୍ରସ୍ତୁତକାରୀ ବା ଓଇଏମ ଦ୍ବାରା ଉପଲବ୍ଧ ସିକ୍ଯୁରିଟି ଅପଡେଟ ଓ ପ୍ଯାଚଗୁଡିକ ଲାଗି ଆବେଦନ କରିବେ । ଆଣ୍ଡ୍ରଏଡ ଫୋନରେ କଣ କଣ ଦୁର୍ବଳତା ରହିଛି ତାହା ଜାଣିବା ଲାଗି ଏହି ଅପଡେଟ ସହାୟକ ହେବ ।

ବଢୁଛି ନକଲି କାରବାର, ଔଷଧ ଲେଖିବା ସମୟରେ ସାବଧାନ ରହିବାକୁ ଡାକ୍ତରଙ୍କୁ ପରାମର୍ଶ

ନୂଆଦିଲ୍ଲୀ: ଦେଶରେ ଜାରି ରହିଛି ଫେକ୍ ମେଡିସିନର ରାଜ୍ । ଯକୃତ ଓ କର୍କଟ ରୋଗ ଚିକିତ୍ସାରେ ବ୍ୟବହୃତ ହେଉଛି ନକଲି ଔଷଧ । ଏନେଇ ସତର୍କ କରାଇଛନ୍ତି ଡ୍ରଗ୍ କଣ୍ଟ୍ରୋଲର ଜେନେରାଲ ଅଫ୍ ଇଣ୍ଡିଆ ବା ଡିସିଜିଆଇ । ଯକୃତ ରୋଗରେ ବ୍ୟବହୃତ ‘ଡିଫିଟେଲିୟୋ’ଏବଂ କର୍କଟ ଟିକା ଏଡସେଟ୍ରିସର ନକଲି ଔଷଧ ମିଳୁଛି। ଏହି ଔଷଧ ଉପରେ ନଜର ରଖିବା ପାଇଁ ଡିସିଜିଆଇ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳର ସରକାରଙ୍କୁ ନିର୍ଦ୍ଦେଶ ଦେଇଛନ୍ତି।

ଔଷଧ ଲେଖିବା ସମୟରେ ସାବଧାନ ରହିବା ପାଇଁ ଡାକ୍ତରମାନଙ୍କୁ ପରାମର୍ଶ ଦିଆଯାଇଛି। ପୂର୍ବରୁ ବିଶ୍ବା ସ୍ବାସ୍ଥ୍ୟ ସଂଗଠନ ଏହି ଔଷଧଗୁଡିକୁ ନେଇ ଚେତାବନୀ ଜାରି କରିଥିଲା। ଏହାପରେ ଗତ ୫ ତାରିଖରେ ଭାରତ ସହିତ ୪ଟି ଦେଶରେ ଏଡସେଟ୍ରିସ ଇଞ୍ଜେକ୍ସନର ୫୦ ମିଲିଗ୍ରାମର ଅନେକ ନକଲି ଔଷଧ ରହିଛି ବୋଲି ଡିସିଜିଆଇ କହିଥିଲା।

ଭାରତରେ ଟେକେଡା ଫାର୍ମାସ୍ୟୁଟିକାଲ୍ସ କମ୍ପାନୀ ଲିମିଟେଡ ଏଡସେଟ୍ରିସ ଇଞ୍ଜେକ୍ସନ ପ୍ରସ୍ତୁତ କରୁଛି। ଅନଲାଇନରେ ଏହାର ଯୋଗାଣ ହେଉଛି । ଏହି ଔଷଧର ଅତିକମରେ ୮ଟି ଅଲଗା ଅଲଗା ନକଲି ଭର୍ସନ ରହିଥିବା କୁହାଯାଇଛି। ଏହାକୁ ସିଧାସଳଖ ରୋଗୀଙ୍କ ନିକଟକୁ ପଠାଇ ଦିଆଯାଉଛି।

କଣ୍ଠଶିଳ୍ପୀ ସୌରିନ ଭଟ୍ଟଙ୍କ ବଢ଼ିଲା ଅଡୁଆ, ଆଗୁଆ ଜାମିନ ନାମଞ୍ଜୁର ପରେ ହୋଇପାରନ୍ତି ଗିରଫ

କଟକ: କଣ୍ଠଶିଳ୍ପୀ ସୌରିନ ଭଟ୍ଟଙ୍କ ପାଇଁ ବଢ଼ିଲା ଅଡୁଆ । ଲୁକଆଉଟ ସର୍କୁଲାର ଜାରି କଲା କମିଶନରେଟ ପୋଲିସ । କଲିକତା ଯାଇଥିବା ପୋଲିସ ଟିମ୍ ସୌରିନଙ୍କୁ ନପାଇ ଖାଲି ହାତରେ ଫେରିଲା । କଲିକତାର ତିନୋଟି ସ୍ଥାନରେ ସୌରିନଙ୍କୁ ଖୋଜିବାକୁ ପ୍ରୟାସ କରିଥିଲା ପୋଲିସ ।

ସୌରିନଙ୍କ ବିରୋଧରେ ଯୌନ ନିର୍ଯାତନା ଅଭିଯୋଗ ରହିଛି । ହାଇକୋର୍ଟ ତାଙ୍କ ଆଗୁଆ ଜାମିନ ଆବେଦନକୁ ନାମଞ୍ଜୁର କରିଛନ୍ତି ।

କାଲିଠୁ ନିଖୋଜ ଥିଲେ, ଆଜି ଚିଲିକାରେ ମିଳିଲା ମୃତଦେହ

ଖୋର୍ଦ୍ଧା: ଚିଲିକାରେ ବୁଡି ଜଣଙ୍କର ମୃତ୍ୟୁ । ମୃତକ ଚିଲିକା ବ୍ଲକ ବଡକୂଳ ପଞ୍ଚାୟତ ଅଶ୍ଵରୀପାଟଣା ଗାଁର ୪୦ ବର୍ଷୀୟ ବାସୁଦେବ ନାୟକ । ଗତକାଲି ଦିନବେଳୁ କୁଆଡେ ଚାଲିଯାଇଥିବା କହିଥିଲେ ବାସୁଦେବଙ୍କ ପରିବାର ଲୋକେ।

ଆଜି ସକାଳୁ ସକାଳୁ ପାନ୍ଥନିବାସ ଜେଟି ବାହାର ପାର୍ଶ୍ଵରୁ ବାସୁଦେବଙ୍କ ମୃତଦେହ ଭାସୁଥିବା ଅବସ୍ଥାରେ ସ୍ଥାନୀୟ ଲୋକଙ୍କ ଦ୍ଵାରା ଉଦ୍ଧାର କରାଯାଇଥିବାବେଳେ ଜେଟି ନିକଟରୁ ପ୍ୟାଣ୍ଟ୍ ସାର୍ଟ ଚପଲ ଉଦ୍ଧାର କରାଯାଇଛି।

ମୁଖିଆଙ୍କ ମୃତ୍ୟୁ ପରେ ନିଶ୍ଚିହ୍ନ ହେଲା ପରିବାର, ଏକାଠି ଚାଲିଗଲେ ମା’ ପୁଅଝିଅ

ବରଗଡ଼: ସୋହେଲାରେ କୀଟନାଶକ ପିଇ ଗୋଟିଏ ପରିବାରର ୩ ଜଣ ସଦସ୍ୟ ଆତ୍ମହତ୍ୟା ଉଦ୍ୟମ ଘଟଣା । ଆଜି ବୁର୍ଲା ବଡ଼ ମେଡ଼ିକାଲରେ ଚିକିତ୍ସାଧୀନ ଅବସ୍ଥାରେ କୁମୁଦିନୀ ସାହୁଙ୍କ ମୃତ୍ୟୁ ହୋଇଛି ।

ଗତକାଲି ମା’, ପୁଅ ଓ ଝିଅ କୀଟନାଶକ ଖାଇଥିଲେ । ଗତକାଲି ପୁଅ ବଂଶୀଧର ସାହୁ ଏବଂ ଝିଅ ସୁବର୍ଣ୍ଣ ମହାଜନଙ୍କ ମୃତ୍ୟୁ ହୋଇଥିଲା । ଆଜି ଚିକିତ୍ସାଧୀନ ଅବସ୍ଥାରେ ମାଆଙ୍କ ମୃତ୍ୟୁ ହୋଇଥିବା ବେଳେ ପୁରା ପରିବାର ନିଶ୍ଚିହ୍ନ ହୋଇଯାଇଛି । ଗତ ସେପ୍ଟେମ୍ବର ୬ ତାରିଖରେ ବାପାଙ୍କ ମୃତ୍ୟୁରେ ଭାଙ୍ଗି ପଡ଼ିଥିଲେ ପରିବାର ।

କଟକ ସମ୍ବଲପୁର ରାସ୍ତାରେ ଯାତାୟାତ ବାଧାପ୍ରାପ୍ତ, ଅଟକିଛି ଶହଶହ ସଂଖ୍ୟାରେ ଗାଡିମୋଟର

0

ଢେଙ୍କାନାଳ: ମରଣଯନ୍ତା ପାଲଟିଛି ୫୫ ନମ୍ବର ଜାତୀୟ ରାଜପଥ । ୫ ବର୍ଷ ହେଲାଣି ସରୁନି ରାସ୍ତା ମରାମତି କାମ । ଅନେକ ଜୀବନ ଗଲାଣି, ଅନେକ ଆହତ ହେଲେଣି । ଏହାର ପ୍ରତିବାଦରେ ଢେଙ୍କାନାଳ ଏନଏଚ ୫୫ କଟକ ସମ୍ବଲପୁର ରାସ୍ତା ଅବରୋଧ କରିଛନ୍ତି ସ୍ଥାନୀୟ ଲୋକେ। ରାସ୍ତାକାମ ସମୟରେ ନସରିବା ଓ ଦୁର୍ଘଟଣାରେ ସ୍ଥାନୀୟ ଲୋକ ଗୁରୁତର ହେବା ସହିତ ରାସ୍ତା ଖାଲଖମାରେ ଭର୍ତ୍ତି ରହିଥିବାରୁ ଚକା ଜାମ କରିଛନ୍ତି ସ୍ଥାନୀୟ ବାସିନ୍ଦା ।

ଫଳରେ ରାସ୍ତାର ଉଭୟ ପାର୍ଶ୍ଵରେ ଶହଶହ ସଂଖ୍ୟାରେ ଗାଡି ଠିଆ ହୋଇ ରହିବା ସହିତ କଟକ ସମ୍ବଲପୁର ଯାତାୟାତ ବାଧାପ୍ରାପ୍ତ ହୋଇଛି । ଘଟଣାସ୍ଥଳରେ ପୋଲିସ ପହଞ୍ଚି ଆନ୍ଦୋଳନକାରୀଙ୍କୁ ବୁଝା ଶୁଝା କରୁଛି । ୨୦୧୮ରୁ ୫ବର୍ଷ ହେଲାଣି ରାସ୍ତା କାମ ସରୁନଥିବାରୁ ଅସନ୍ତୋଷ ପ୍ରକାଶ ପାଇଛି । ଧୂଳି ଧୁଆଁରେ ଯାତାୟତ କଷ୍ଟକର ହୋଇପଡ଼ିଛି ।

ମଧ୍ୟାହ୍ନଧୂପ ପରେ ଆଜି ଶ୍ରୀମନ୍ଦିରରେ ମହାପ୍ରଭୁଙ୍କ ପ୍ରଳମ୍ବାସୁରବଧ ବେଶ

ପୁରୀ: ଆଜି ଶ୍ରୀମନ୍ଦିରରେ ମହାପ୍ରଭୁଙ୍କ ପ୍ରଳମ୍ବାସୁରବଧ ବେଶ ଅନୁଷ୍ଠିତ ହେବ । ଭାଦ୍ରବ କୃଷ୍ଣ ଦ୍ଵାଦଶୀ ତିଥିରେ ଶ୍ରୀମନ୍ଦିରରେ ମଧ୍ୟାହ୍ନ ଧୂପ ପରେ ଶ୍ରୀ ବଳଭଦ୍ରଙ୍କ ପ୍ରଳମ୍ବାସୁର ବଧ ବେଶ ଅନୁଷ୍ଠିତ ହେବ । ଏହି ବେଶରେ ପ୍ରଭୁ ବଳଭଦ୍ର ଦେବଙ୍କ ଏକ ହସ୍ତରେ ହଳ ଓ ଅନ୍ୟ ହାତରେ ମୂଷଳ ଶୋଭାପାଏ  । ପ୍ରାୟ ୪ ଫୁଟ ଉଚ୍ଚତାର ଏକ କାଷ୍ଠ ନିର୍ମିତ ପ୍ରଳମ୍ବାସୁର ମୂର୍ତ୍ତି ରତ୍ନସିଂହାସନସ୍ଥ ବଳଭଦ୍ର ଦେବଙ୍କ ନିମ୍ନ ଭାଗରେ ରଖାଯାଏ ।

ଅସୁରର ସ୍କନ୍ଧ ଏବଂ ଭୁଜରେ ବଳଭଦ୍ର ବସିଥିବା ଭଳି ଦୃଶ୍ଯ ବେଶରେ ସ୍ପଷ୍ଟ ହୁଏ । ଏହି ବେଶ ମଧ୍ୟାହ୍ନଧୂପ ପରେ ଅନୁଷ୍ଠିତ ହୋଇ ସନ୍ଧ୍ୟାଧୂପ ସରିବା ଯାଏଁ ରହିଥାଏ ।

୧୪ ଦିନିଆ ବିଚାର ବିଭାଗୀୟ ହାଜତକୁ ଗଲେ ଆନ୍ଧ୍ର ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ

ଅମରାବତୀ: ୩୭୧ କୋଟି ଟଙ୍କାର ଦକ୍ଷତା ବିକାଶ ନିଗମ ଦୁର୍ନୀତି ମାମଲାରେ ଆନ୍ଧ୍ର ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଏନ୍. ଚନ୍ଦ୍ରବାବୁ ନାଇଡୁଙ୍କୁ ୧୪ ଦିନିଆ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି। ତାଙ୍କୁ କଡ଼ା ସୁରକ୍ଷା ମଧ୍ୟରେ ବିଜୟୱାଡ଼ାର ଏକ ଦୁର୍ନୀତି ନିରୋଧୀ ଅଦାଲତରେ ହାଜର କରାଯାଇଥିଲା ଏବଂ ତାଙ୍କୁ ରାଜମୁନ୍ଦ୍ରୀ ଜେଲକୁ ନିଆଯାଇଛି।

ସୁପ୍ରିମକୋର୍ଟର ଆଇନଜୀବୀ ସିଦ୍ଧାର୍ଥ ଲୁଥ୍ରାଙ୍କ ସମେତ ଏକ ଆଇନଜୀବୀ ଦଳ ତାଙ୍କ ପ୍ରତିନିଧିତ୍ୱ କରିଥିଲେ । ଦୁର୍ନୀତି ନିବାରଣ ଆଇନ ପରିପ୍ରେକ୍ଷୀରେ ତାଙ୍କୁ ମିଥ୍ୟା ଭାବେ ଫସାଇ ଦିଆଯାଇଛି ଏବଂ ଆଇନଗତ ବୈଷୟିକ ତ୍ରୁଟି ଦର୍ଶାଇ ସେ ଅଦାଲତଙ୍କୁ କହିଛନ୍ତି ଯେ କୌଣସି ଦୃଢ଼ ଅଭିଯୋଗ ନାହିଁ ଏବଂ ପ୍ରସିକ୍ୟୁସନ ଏଜେନ୍ସିର ରିମାଣ୍ଡ ରିପୋର୍ଟକୁ ଖାରଜ କରିବାକୁ ଅଦାଲତଙ୍କୁ ଅନୁରୋଧ କରିଛନ୍ତି ।

ଟିଡିପି ନେତାଙ୍କ ଓକିଲମାନେ ଯୁକ୍ତି ବାଢ଼ିଥିଲେ ଯେ ଯେହେତୁ ଏହି ଅପରାଧ ସମୟରେ ସେ ମୁଖ୍ୟମନ୍ତ୍ରୀ ଥିଲେ । ତେଣୁ ତଦନ୍ତର ମଞ୍ଜୁରୀ କେବଳ ଆନ୍ଧ୍ରପ୍ରଦେଶର ରାଜ୍ୟପାଳ ହିଁ ଦେଇପାରିବେ । କିନ୍ତୁ ଏପରି ହୋଇନଥିଲା । ଏଣୁ ଏହା ଆଇନର ଉଲ୍ଲଙ୍ଘନ ଓ ଏହାକୁ ଦୃଷ୍ଟିରେ ରଖି ତାଙ୍କ ରିମାଣ୍ଡକୁ ଖାରଜ କରାଯାଉ ।

ଏହାର ଜବାବରେ ଆନ୍ଧ୍ର ପୁଲିସର ଓକିଲ କହିଥିଲେ ଯେ ନାଇଡୁ ତଦନ୍ତରେ ସହଯୋଗ କରୁନଥିଲେ ଓ ସ୍ପଷ୍ଟ ଉତ୍ତର ଦେଉନଥିଲେ । ଟିଡିପି କର୍ମୀମାନେ ପୋଲିସ କର୍ମଚାରୀମାନଙ୍କୁ ଡରାଉଥିଲେ । ଏସବୁ ଯୁକ୍ତି ଶୁଣିବା ପରେ କୋର୍ଟ ୧୪ ଦିନିଆ ବିଚାର ବିଭାଗୀୟ ହାଜତ ମଂଜୁର କରିଥିଲେ ।

ବଙ୍ଗୋପସାଗରରେ ସିରିଜ ଲଘୁଚାପ, ୧୧ ରୁ ୨୧ ସ୍ବାଭାବିକ ଠାରୁ ଦୁଇଗୁଣ ବର୍ଷା

ଭୁବନେଶ୍ବର: ରାଜ୍ୟରେ ସକ୍ରିୟ ରହିଛି ମୌସୁମୀ । ପ୍ରଭାବରେ ବିଭିନ୍ନ ଜିଲ୍ଲାରେ ବିଜୁଳି ଓ ଘଡ଼ଘଡ଼ି ସହ ବର୍ଷା ଲାଗି ରହିଛି । ଆଜି ବଜ୍ରପାତ ସହ ବର୍ଷା ନେଇ ୧୯ ଜିଲ୍ଲାକୁ ସତର୍କତା ଜାରି କରାଯାଇଛି ।

ବାଲେଶ୍ବର, ଭଦ୍ରକ, ମୟୂରଭଞ୍ଜ, କେନ୍ଦୁଝର, ସୁନ୍ଦରଗଡ଼, ଯାଜପୁର, କେନ୍ଦ୍ରାପଡା, କଟକ, ଜଗତସିଂହପୁର, ପୁରୀ, ଖୋର୍ଦ୍ଧା, ନୟାଗଡ଼, ଗଞ୍ଜାମ, ଗଜପତି, ଢେଙ୍କାନାଳ, ଅନୁଗୁଳ, ଦେବଗଡ଼, ସମ୍ବଲପୁର ଏବଂ ବୌଦ୍ଧ ଜିଲ୍ଲାକୁ ସତର୍କତା ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର ।

ସେପଟେ ଆସନ୍ତାକାଲି ପଶ୍ଚିମ- କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟି ହେବ ଘୂର୍ଣ୍ଣିବଳୟ । ପ୍ରଭାବରେ ବର୍ଷାର ପରିମାଣ ଏବଂ ବିସ୍ତୃତି ବଢ଼ିବ । ୧୩ ତାରିଖରେ ୭୦ରୁ ୧୧୦ ମିଲିମିଟର ବର୍ଷା ନେଇ ଉପକୂଳ ଏବଂ ଦକ୍ଷିଣ ଓଡ଼ିଶାର ୧୭ଟି ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି । ୧୪ ତାରିଖ ପାଇଁ ଉପକୂଳ ଏବଂ ଆଭ୍ୟନ୍ତରୀଣ ଓଡ଼ିଶାର ୧୨ଟି ଜିଲ୍ଲାକୁ କରାଯାଇଛି ଆଲର୍ଟ ।

୧୯ ତାରିଖରେ କେନ୍ଦ୍ରୀୟ ବଙ୍ଗୋପସାଗର ରେ ସୃଷ୍ଟି ହେବ ଆଉ ଏକ ଘୂର୍ଣ୍ଣିବଳୟ  । ପରବର୍ତ୍ତୀ ୪୮ ଘଣ୍ଟା ମଧ୍ୟରେ ନେବ ଲଘୁଚାପର ରୂପ  । ଏହା ପ୍ରଭାବରେ ପୁଣି ସାରା ଓଡ଼ିଶାରେ ପ୍ରବଳ ବର୍ଷା ସମ୍ଭାବନା  । ଦୁଇଟି ଲଘୁଚାପ ପ୍ରଭାବରେ ୧୧ ରୁ ୨୧ ମଧ୍ୟରେ ସ୍ବାଭାବିକ ଠାରୁ ଦୁଇଗୁଣ ବର୍ଷା ନେଇ ଆକଳନ କରାଯାଇଛି  ।

ଏସିଆ କପ୍ ୨୦୨୩: ଆଜି ପୁଣି ଅଧାରୁ ଭାରତ-ପାକିସ୍ତାନ ହାଇଭୋଟଲେଜ ମ୍ୟାଚ୍

0

କଲମ୍ବୋ: ପୁଣି ବର୍ଷା ସାଜିଲା ବାଧକ । ବାଧାପ୍ରାପ୍ତ ହେଲା ଭାରତ-ପାକିସ୍ତାନ ଏସିଆ କପ୍ ମୁକାବିଲା । ଆଜି ପୁଣି ଅଧାରୁ ଅନୁଷ୍ଠିତ ହେବ ଏହି ହାଇଭୋଟଲେଜ ମ୍ୟାଚ୍ । ସଂରକ୍ଷିତ ଦିବସରେ ମ୍ୟାଚ୍ ଖେଳାଯିବ । ଦିନ ୩ଟାରେ ପଡ଼ିଆକୁ ଓହ୍ଲାଇବେ ଉଭୟ ଦଳ । ଗତକାଲି ପାକିସ୍ତାନ ଟସ୍ ଜିତିଥିବାବେଳେ ପ୍ରଥମେ ବ୍ୟାଟିଂ କରିଥିଲା ଭାରତ । ଆରମ୍ଭରୁ ଦମଦାର ପ୍ରଦର୍ଶନ କରିଥିଲେ କ୍ୟାପଟେନ ରୋହିତ ଶର୍ମା ଓ ଶୁଭମନ ଗିଲ୍ ।

ରୋହିତ ୫୬ ରନ କରି ଆଉଟ ହୋଇଥିବାବେଳେ ଗିଲ୍ ୫୮ ରନ କରିଥିଲେ । ପରେ ବିରାଟ ଓ କେଏଲ ରାହୁଲ ଦଳୀୟ ସ୍କୋରକୁ ଆଗେଇ ନେଇଥିଲେ । ୨୪.୧ ଓଭରରେ ୧୪୭ ରନ୍ କରିଥିଲା ଇଣ୍ଡିଆ । ଏହି ସମୟରେ ବର୍ଷା ଯୋଗୁ ମ୍ୟାଚ୍ ବାଧାପ୍ରାପ୍ତ ହୋଇଥିଲା । ଫଳରେ ପଡ଼ିଆକୁ ଓହ୍ଲାଇବାକୁ ସକ୍ଷମ ହୋଇନଥିଲେ ଖେଳାଳି । ଶେଷରେ ମ୍ୟାଚକୁ ସ୍ଥିଗିତ ରଖାଯାଇଥିଲା ।