ଏସିଆ କପ୍ ୨୦୨୩: ଆଜି ପୁଣି ଅଧାରୁ ଭାରତ-ପାକିସ୍ତାନ ହାଇଭୋଟଲେଜ ମ୍ୟାଚ୍

କଲମ୍ବୋ: ପୁଣି ବର୍ଷା ସାଜିଲା ବାଧକ । ବାଧାପ୍ରାପ୍ତ ହେଲା ଭାରତ-ପାକିସ୍ତାନ ଏସିଆ କପ୍ ମୁକାବିଲା । ଆଜି ପୁଣି ଅଧାରୁ ଅନୁଷ୍ଠିତ ହେବ ଏହି ହାଇଭୋଟଲେଜ ମ୍ୟାଚ୍ । ସଂରକ୍ଷିତ ଦିବସରେ ମ୍ୟାଚ୍ ଖେଳାଯିବ । ଦିନ ୩ଟାରେ ପଡ଼ିଆକୁ ଓହ୍ଲାଇବେ ଉଭୟ ଦଳ । ଗତକାଲି ପାକିସ୍ତାନ ଟସ୍ ଜିତିଥିବାବେଳେ ପ୍ରଥମେ ବ୍ୟାଟିଂ କରିଥିଲା ଭାରତ । ଆରମ୍ଭରୁ ଦମଦାର ପ୍ରଦର୍ଶନ କରିଥିଲେ କ୍ୟାପଟେନ ରୋହିତ ଶର୍ମା ଓ ଶୁଭମନ ଗିଲ୍ ।

ରୋହିତ ୫୬ ରନ କରି ଆଉଟ ହୋଇଥିବାବେଳେ ଗିଲ୍ ୫୮ ରନ କରିଥିଲେ । ପରେ ବିରାଟ ଓ କେଏଲ ରାହୁଲ ଦଳୀୟ ସ୍କୋରକୁ ଆଗେଇ ନେଇଥିଲେ । ୨୪.୧ ଓଭରରେ ୧୪୭ ରନ୍ କରିଥିଲା ଇଣ୍ଡିଆ । ଏହି ସମୟରେ ବର୍ଷା ଯୋଗୁ ମ୍ୟାଚ୍ ବାଧାପ୍ରାପ୍ତ ହୋଇଥିଲା । ଫଳରେ ପଡ଼ିଆକୁ ଓହ୍ଲାଇବାକୁ ସକ୍ଷମ ହୋଇନଥିଲେ ଖେଳାଳି । ଶେଷରେ ମ୍ୟାଚକୁ ସ୍ଥିଗିତ ରଖାଯାଇଥିଲା ।