ନୂଆଦିଲ୍ଲୀ: ଦିଲ୍ଲୀ-ଦରଭଙ୍ଗା ଏକ୍ସପ୍ରେସରେ ଲାଗିଲା ନିଆଁ । ୩ଟି ବଗିରେ ଲାଗିଛି ନିଆଁ । ଉତ୍ତରପ୍ରଦେଶର ଇଟାଓ୍ବାରେ ଅଘଟଣ ଘଟିଛି । ବଗିରେ ଥିବା ଲୋକଙ୍କୁ ଉଦ୍ଧାର କରାଯାଉଛି । ଦମକଳ ବାହିନୀ ପହଞ୍ଚି ନିଆଁ ଲିଭାଉଛନ୍ତି । ଟ୍ରେନରେ ନିଆଁ ଲାଗିବା କ୍ଷଣି ଲୋକେ ଟ୍ରେନରୁ ଡିଆଁ ମାରିଥିଲେ ।
୫୦ତମ ଶତକ ପରେ ଷ୍ଟାଡିୟମରେ ସଚିନଙ୍କୁ ସଲାମ ଏବଂ ଅନୁଷ୍କାଙ୍କୁ ଫ୍ଲାଇଙ୍ଗ୍ କିସ୍ କଲେ କୋହଲି
ମୁମ୍ବାଇ: ଦିନିକିଆରେ ଶତକ ହାସଲରେ ରେକର୍ଡ କଲେ ବିରାଟ କୋହଲି। ଦିନିକିଆରେ ୫୦ ଶତକ ହାସଲ କରିବା ସହ ସଚିନଙ୍କ ରେକର୍ଡକୁ ଭାଙ୍ଗିଛନ୍ତି । ସଚିନଙ୍କ ରେକର୍ଡର ସମକକ୍ଷ ହୋଇଥିବାବେଳେ ନ୍ୟୁଜିଲାଣ୍ଡ ବିପକ୍ଷ ମ୍ୟାଚରେ ସଚିନଙ୍କ ରେକର୍ଡକୁ ଭାଙ୍ଗିଛନ୍ତି ବିରାଟ । ତେବେ ୫୦ଶତକ ହାସଲ କରିବା ପରେ ଷ୍ଟାଡିୟମରେ ଖେଳ ଦେଖୁଥିବା ଦୁଇଜଣଙ୍କୁ ଇସାରା କରିଥିଲେ ବିରାଟ । ସଚିନ ବେଶ ଖୁସିର ସହ ଉତ୍ସାହିତ କରିଥିବାବେଳେ ତାଙ୍କୁ ସଲାମ କରିଥିଲେ କୋହଲି । ଏହାସହ ପତ୍ନୀ ଅନୁଷ୍କା ଶର୍ମାଙ୍କୁ ପୂର୍ବ ଭଳି ଫ୍ଳାଇଙ୍ଗ୍ କିସ କରିଥିଲେ ବିରାଟ । ଅନୁଷ୍କା ମଧ୍ୟ ବିରାଟଙ୍କୁ ଫ୍ଲାଇଙ୍ଗ କିସ୍ କରିଥିଲେ । ଯାହାକି ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ତେବେ ସଚିନ ମଧ୍ୟ କରତାଳି ମାଧ୍ୟମରେ ବିରାଟଙ୍କ ଶତକୀୟ ରେକର୍ଡକୁ ଅଭିନନ୍ଦନ ଜଣାଇଛନ୍ତି । ସେପଟେ ସୋସିଆଲ ମିଡିଆରେ ମଧ୍ୟ ନିଜର ସ୍ମୃତିକୁ ବଖାଣିବା ସହ ଅଭିନନ୍ଦନ ଜଣାଇଛନ୍ତି ।
ସୂଚନା ଥାଉକି, ବିରାଟ କୋହଲିଙ୍କ ବିଶ୍ବ ରେକର୍ଡ। ବିଶ୍ବକପର ସେମିଫାଇନାଲରେ କ୍ୟାରିଅରର ୫୦ ତମ ଦିନିକିଆ ଶତକ ହାସଲ କଲେ ବିରାଟ କୋହଲି। ମାଷ୍ଟରବ୍ଲାଷ୍ଟର ସଚିନ ତେନ୍ଦୁଲକରଙ୍କ ରେକର୍ଡ ଭାଙ୍ଗିଛନ୍ତି ବିରାଟ କୋହଲି । ଏହି ଶତକ ହାସଲ ସହ ବିଶ୍ବର ସର୍ବାଧିକ ଦିନିକିଆ ଶତକ ହାସଲ କରିଥିବା କ୍ରିକେଟର ହୋଇଛନ୍ତି ବିରାଟ କୋହଲି ।ସଚିନ ତେନ୍ଦୁଲକରଙ୍କ ୪୯ ଶତକ ରେକର୍ଡକୁ ଅତିକ୍ରମ କଲେ ବିରାଟ କୋହଲି । କ୍ୟାରିଅରର ୨୯୧ତମ ମ୍ୟାଚ୍ ତଥା ୨୭୯ତମ ଇନିଂସରେ କଲେ ମ୍ୟାଚରେ ଏହି ବିଶ୍ଵ ରେକର୍ଡ କରିଛନ୍ତି । ୨୦୦୯ରେ ଶ୍ରୀଲଙ୍କା ବିରୁଦ୍ଧରେ କରିଥିଲେ ପ୍ରଥମ ଶତକ । ଅନ୍ତର୍ଜାତୀୟ କ୍ରିକେଟରେ ବିରାଟଙ୍କ ମୋଟ ଶତକ ସଂଖ୍ୟା ୮୦ ଛୁଇଁଲା । ବିରାଟଙ୍କ ନାମରେ ଟେଷ୍ଟରେ ୨୯ ଓ ଟି – ୨୦ରେ ଗୋଟିଏ ଶତକ ରହିଛି । ଦିନିକିଆରେ ପାକିସ୍ତାନ ବିରୁଦ୍ଧରେ ୨୦୧୨ରେ କରିଥିବା ୧୮୩ ହେଉଛି ତାଙ୍କର ସର୍ବାଧିକ ଦିନିକିଆ ସ୍କୋର ।
ଚଳିତ ବିଶ୍ଵକପରେ ଏହା ବିରାଟଙ୍କ ତୃତୀୟ ଶତକ । ଏହି ବିଶ୍ବକପ ରେକର୍ଡ ସହ ଗୋଟିଏ ବିଶ୍ବକପରେ ସର୍ବାଧିକ ରନ ସ୍କୋର କରିବାର ରେକର୍ଡ ଭାଂଗିଛନ୍ତି ବିରାଟ କୋହଲି। ପୂର୍ବରୁ ସଚିନ ଗୋଟିଏ ବିଶ୍ବକପରେ ସର୍ବାଧିକ ୬୭୩ ରନ କରିଥିଲେ । ସଚିନଙ୍କ ଏହି ରେକର୍ଡ ମଧ୍ୟ ଭାଙ୍ଗିଛନ୍ତି ବିରାଟ କୋହଲି ।
IND vs NZ: ରଣବୀରଙ୍କ ଠୁ ବେକହମ୍ ଯାଏଁ… ଟିମ୍ ଇଣ୍ଡିଆକୁ କରୁଛନ୍ତି ସପୋର୍ଟ
ୱାଙ୍ଖଡେ ଷ୍ଟାଡିୟମରେ ଭାରତକୁ ମିଳୁଛି ଖୁବ୍ ସପୋର୍ଟ
ବଲିଉଡ ଷ୍ଟାରଙ୍କ ଠାରୁ କ୍ରିକେଟର ଟିମ୍ ଇଣ୍ଡିଆକୁ କରୁଛନ୍ତି ଚିୟରର୍ସ ଅପ୍ । ୱାଙ୍ଖଡେରେ ଚିୟରର୍ସ ଅପ୍ କରୁଛନ୍ତି ସଚିନଙ୍କ ତେନ୍ଦୁଲକରଙ୍କ ଝିଅ ସାରା
କିମ୍ବଦନ୍ତୀ ଫୁଟବଲର ଡେଭିଡ୍ ବେକହାମ୍ ମଧ୍ୟ ଭାରତ ବନାମ ନ୍ୟୁଜିଲାଣ୍ଡ ମ୍ୟାଚ୍ ଦେଖିବାକୁ ମୁମ୍ବାଇ ଆସିଛନ୍ତି ।
ହିଟମ୍ୟାନ୍ ରୋହିତ ଶର୍ମାଙ୍କ ପତ୍ନୀ ରିତିକା ସଜଦେହ ମଧ୍ୟ ୱାଙ୍ଖଡେରେ ନଜର ଆସିଛନ୍ତି
ବିରାଟ୍ କୋହଲିଙ୍କ ପତ୍ନୀ ତଥା ବଲିଉଡ ଆକ୍ଟ୍ରେସ୍ ଅନୁଷ୍କା ଶର୍ମା ମ୍ୟାଚ୍ ଦେଖୁଥିବା ନଜର ଆସିଛି
ବଲିଉଡ ଷ୍ଟାର ରଣବୀର କପୁର ମଧ୍ୟ ଟିମ୍ ଇଣ୍ଡିଆକୁ ଚିୟର ଅପ୍ କରିଛନ୍ତି
ବିଜନେସ୍ ମ୍ୟାନ ମୁକେଶ ଅମ୍ବାନୀଙ୍କ ପୁଅ ଆକାଶ ଅମ୍ବାନୀ ମଧ୍ୟ ୱାଙ୍ଖଡେରେ ମ୍ୟାଚ୍ ଦେଖୁଛନ୍ତି
ୱାଙ୍ଖଡେ ଷ୍ଟାଡିୟମରେ ନଜର ଆସିଛନ୍ତି ବଲିଉଡ୍ ସେଲିବ୍ରିଟି ଯୋଡି ସିଦ୍ଧାର୍ଥ-କିଆରା ଏବଂ ଜନ୍ ଆବ୍ରାହମ୍
ନ୍ୟୁଜିଲାଣ୍ଡ ଆଗରେ ୩୯୮ ରନର ବିଜୟ ଲକ୍ଷ୍ୟ
ମୁମ୍ବାଇ: ବିଶ୍ବକପ ସେମିରେ ଭାରତର ଦମଦାର ପ୍ରଦର୍ଶନ। ୫୦ ଓଭରରେ ୪ ଓ୍ବିକେଟ ବିନିମୟରେ ୩୯୭ ରନ କଲା ଟିମ ଇଣ୍ଡିଆ । ନ୍ୟୁଜିଲାଣ୍ଡ ଆଗରେ ୩୯୮ ରନର ବିଜୟ ଲକ୍ଷ୍ୟ । ଭାରତ ପକ୍ଷରୁ ବିରାଟ ଏବଂ ଶ୍ରେୟସ ଶତକୀୟ ପାଳି ଖେଳିଛନ୍ତି । ସେପଟେ ଗିଲଙ୍କ ଅପରାଜିତ ଅର୍ଦ୍ଧଶତକ ସାଙ୍ଗକୁ ରୋହିତ ପ୍ରାରମ୍ଭିକ ଆକ୍ରମଣାତ୍ମକ ଖେଳ ଦଳକୁ ଏକ ବିଶାଳ ସ୍କୋର କରିବାରେ ସକ୍ଷମ କରାଇଛି । ୱାଙ୍ଖଡେରେ ଚାଲିଲା ଭାରତୀୟ ଖେଳାଳିଙ୍କ ବଲ୍ଲା । ଧୂଆଁଧାର ବ୍ୟାଟିଂରେ ଧରାଶାୟୀ କିୱି ଖେଳାଳି। ଛକ୍କା ଚୌକାର ଲଗାତର ବର୍ଷା। ଆଜି ମୁମ୍ବାଇରେ ଚାଲିଥିବା ପ୍ରଥମ ସେମିଫାଇନାଲରେ ନ୍ୟୁଜିଲାଣ୍ଡ ଆଗରେ ବିଶାଳ ୩୯୮। ରନର ଟାର୍ଗେଟ ଦେଇଛି ଟିମ ଇଣ୍ଡିଆ। ବିରାଟ ଏବଂ ଶ୍ରେୟସ ଆୟରଙ୍କ ଜବରଦସ୍ତ ଶତକୀୟ ଇନିଂସ ବଳରେ ଭାରତ ନ୍ୟୁଜିଲାଣ୍ଡ ଆଗରେ ବିଶାଳ ସ୍କୋର ଛିଡା କରିଛି। ବିରାଟ କୋହଲି ସର୍ବାଧିକ ୧୧୭ ରନ କରିଥିଲେ । ୧୧୩ଟି ବଲରେ ୨ଟି ଛକ୍କା ଓ ୭ଟି ଚୌକା ବଳରେ ୧୧୭ ହାସଲ କରିଥିଲେ ବିରାଟ . ଶ୍ରେୟାସ ଆୟର ଦ୍ବିତୀୟ ସର୍ବାଧିକ ୭୦ଟି ବଲରୁ ବିସ୍ଫୋରକ ବ୍ୟାଟିଂ କରି ୧୦୫ ହାସଲ କରିଥିଲେ ।.
ଐଶର୍ଯ୍ୟାଙ୍କୁ ଭୁଲ୍ ମାଗିଲେ ପାକ୍ କ୍ରିକେଟର ଅବଦୁଲ୍ଲ ରଜାକ୍
ଇସଲାମବାଦ: ପାକିସ୍ତାନ କ୍ରିକେଟ ଦଳର ପୂର୍ବତନ ଅଲରାଉଣ୍ଡର ଅବଦୁଲ୍ଲ ରଜାକ ଦେଇଥିବା ଏକ ମନ୍ତବ୍ୟ ପାଇଁ ଭାରତରୁ ପାକିସ୍ତାନ ସବୁଠି ନିନ୍ଦାର ଶିକାର ହୋଇଥିଲେ । ସୋସିଆଲ ମିଡିଆରେ ତାଙ୍କର ଉକ୍ତିଟି ଭାଇରାଲ ହୋଇଥିବାବେଳେ ସେ ଟ୍ରୋଲ ହୋଇଥିଲେ । ଐଶର୍ଯ୍ୟା ରାୟଙ୍କୁ ନେଇ ଦେଇଥିବା ଏକ ମନ୍ତବ୍ୟ ପାଇଁ ପାକିସ୍ତାନୀ କ୍ରିକେଟରଙ୍କଠାରୁ ଆରମ୍ଭ କରି ସାଧାରଣ ୟୁଜର୍ସ ମଧ୍ୟ ସମାଲୋଚନା କରିଥିଲେ ଶେଷରେ ଏକ ଭିଡିଓ ମାଧ୍ୟମରେ ଭୁଲ୍ ମାଗିଛନ୍ତି ରଜାକ୍ । ୨୦୨୩ ବିଶ୍ବକପରେ ପାକିସ୍ତାନ କ୍ରିକେଟ ଦଳର ପ୍ରଦର୍ଶନକୁ ନେଇ ସବୁଠି ସମାଲୋଚନା କରାଯାଉଛି । ପରାଜୟ ପାଇଁ ପାକିସ୍ତାନରେ ମଧ୍ୟ ଚର୍ଚ୍ଚା ହେଉଛି । ତେବେ ଏହାକୁ ନେଇ ପୂର୍ବ ପାକିସ୍ତାନୀ କ୍ରିକେଟର ବାବର ଆଜମଙ୍କ ଦଳର ପ୍ରଦର୍ଶନକୁ ନେଇ ସମାଲୋଚନା କରିବାକୁ ଯାଇ ବିବାଦୀୟ ମନ୍ତବ୍ୟ ଦେଇଥିଲେ । ଯାହାକି ନିଆଁ ଭଳି ସୋସିଆଲ ମିଡିଆରେ ବେଶ ଭାଇରାଲ ହୋଇଥିଲା । ସମାଲୋଚନା ପରେ ଭିଡିଓ କରି କ୍ଷମା ପ୍ରାର୍ଥନା କରିଛନ୍ତି ରଜାକ । ସେ କହିଛନ୍ତି କି, ମୋ ପାଟିରୁ ଖସିଯାଇଥିଲା । ମୁଁ କାହାର ଭାବନାକୁ ଆଘାତ କରିବା ମୋର ଉଦ୍ଦେଶ୍ୟ ନୁହେଁ । ମୁଁ ଭୁଲରେ ଉଦାହରଣ ଦେବାକୁ ଯାଇ ଐଶର୍ଯ୍ୟାଙ୍କ ନାମ ନେଇ ଯାଇଥିଲି ।
ସୂଚନା ଥାଉକି, ଏକ ସାମ୍ବାଦିକ ସମ୍ମିଳନୀରେ ସାହିଦ ଆଫ୍ରିଦ ଏବଂ ଉମର ଗୁଲଙ୍କ ସହ ରଜାକ ବସିଥିଲେ । ସେ ପାକିସ୍ତାନ ଟିମର ବିଶ୍ବକପରେ ପ୍ରଦର୍ଶନକୁ ନେଇ ସମାଲୋଚନା କରୁଥିଲେ । କହିଥିଲେ କି, ଆମେ ୟୁନିସ ଖାନଙ୍କ ଅଧିନାୟକତ୍ବରେ ଭଲ ପ୍ରଦର୍ଶନ କରୁଥିଲୁ । ଅଧିନାୟକଙ୍କ ଉତ୍ତମ ଉଦ୍ଦେଶ୍ୟ ଟିମକୁ ଶକ୍ତିଶାଳି କରିଥାଏ । ଯଦି ତୁମେ ଭାବୁଛ କି, ଐଶର୍ଯ୍ୟା ରାୟଙ୍କୁ ବିବାହ କରିବ ଏବଂ ଭଲ ସନ୍ତାନ ପାଇବି ତାହେଲେ ଏହା କେବେ ହୋଇପାରିବ ନାହିଁ, ତେଣୁ ତୁମର ଉଦ୍ଦେଶ୍ୟକୁ ପ୍ରଥମେ ସ୍ଥିର କରିବାକୁ ପଡ଼ିବ । ଐଶର୍ଯ୍ୟା ରାୟଙ୍କ ନାମକୁ ନେଇଥିବାବେଳେ ଟ୍ରୋଲର ଶିକାର ହୋଇଥିଲେ ରଜାକ୍ । ଐଶର୍ଯ୍ୟା ଏହାକୁ ନେଇ କୌଣସି ପ୍ରତିକ୍ରିୟା ରଖିନଥିବାବେଳେ ଟ୍ବିଟରରେ କଡ଼ା ସମାଲୋଚନା କରିଥିବା ଦେଖିବାକୁ ମିଳିଥିଲା ।
କୋଣାର୍କରେ ଲାଗିଛି ହବିଷ୍ୟାଳୀଙ୍କ ଭିଡ଼
କୋଣାର୍କ: ପବିତ୍ର କାର୍ତ୍ତିକ ମାସରେ ଚଳଚଞ୍ଚଳ ତୀର୍ଥସ୍ଥଳୀ । ପ୍ରମୁଖ ତୀର୍ଥ ସ୍ଥଳୀ କୋଣାର୍କ ଚନ୍ଦ୍ରଭାଗାରେ ଲାଗିଛି ହବିଷିଆଳୀ ମାନଙ୍କର ଭିଡ । ରାଜ୍ୟର ବିଭିନ୍ନ କୋଣ ଅନୁକୋଣରୁ ଘର ଛାଡି ଚନ୍ଦ୍ରଭାଗା ସ୍ଥିତ ହନୁମାନ ମନ୍ଦିର ଓ ସୂର୍ଯ୍ୟ ନାରାୟଣ ମନ୍ଦିର ପ୍ରାଙ୍ଗଣରେ ରହି ନିଷ୍ଠାର ସହିତ କାର୍ତ୍ତିକ ବ୍ରତ ପାଳନ କରୁଛନ୍ତି ।
ଚାଲିଛି ପବିତ୍ର କାର୍ତ୍ତିକ ମାସ । କୋଣାର୍କରେ ଲାଗିଛି ହବିଷିଆଳୀଙ୍କ ଭିଡ଼ । ସକାଳ ହେବା କ୍ଷଣି ପୂଜା ପାଠ ସାଙ୍ଗକୁ ଭଜନ ଜଣାଣ ହୁହୁହୁଳିରେ କମ୍ପୁଛି ପରିବେଶ । ବିଶ୍ଵାସ ରହିଛି ଅର୍କକ୍ଷେତ୍ରରେ ପୂଜାର୍ଚ୍ଚନା କରିବା ଦ୍ବାରା ପରିବାରର ମଙ୍ଗଳ ହୋଇଥାଏ । ଏହି ବିଶ୍ବାସ ଶତାଧିକ ମହିଳାଙ୍କୁ କୋଣାର୍କ ଟାଣି ଆଣିଛି । ସମସ୍ତ ହବିଷିଆଳୀମାନେ ଚନ୍ଦ୍ରଭାଗା ସ୍ଥିତ ହନୁମାନ ମନ୍ଦିର ଓ ସୂର୍ଯ୍ୟ ନାରାୟଣ ମନ୍ଦିର ପ୍ରାଙ୍ଗଣରେ ରହି ଅତ୍ୟନ୍ତ ନିଷ୍ଠାର ସହିତ କାର୍ତ୍ତିକ ବ୍ରତ ପାଳନ କରୁଛନ୍ତି ।
ହିନ୍ଦୁ ଧର୍ମ ପରମ୍ପରାରେ ପବିତ୍ର କାର୍ତ୍ତିକ ମାସରେ ଚନ୍ଦ୍ରଭାଗାରେ ସ୍ନାନକଲେ କୋଟି ପୂଣ୍ୟ ପ୍ରାପ୍ତି ହୋଇଥାଏ । ହବିଷିଆଳୀ ମାନେ ସ୍ନାନ ପରେ ସୂର୍ଯ୍ୟପୂଜା, ଚଉରା ମୂଳରେ ଚିତା ପକାଇ ବୃନ୍ଦାବତୀଙ୍କ ଆରାଧନା, ରାଧା ଦାମୋଦର ପୂଜା ,ଲକ୍ଷ୍ମୀ ନାରାୟଣ ପୂଜା , ମହାପ୍ରଭୁ ଜଗନ୍ନାଥଙ୍କ ପୂଜାର୍ଚ୍ଚନା କରିବା ସହ ସକାଳ ସନ୍ଧ୍ୟାରେ କାର୍ତ୍ତିକ ପୁରାଣ ପାଠ କରିଥାନ୍ତି । ପିତୃ ପୁରୁଷ , ସମସ୍ତ ଦେବାଦେବୀଙ୍କ ଉଦେଶ୍ୟରେ ଆକାଶ ଦୀପ ଲଗାଇ ଚଉରା ମୂଳରେ ସନ୍ଧ୍ୟା ଆଳତି ଓ ଭଜନରେ ମସଗୁଲ ରହିଥାନ୍ତି ।
କୋହଲିଙ୍କ ବିରାଟ କିର୍ତ୍ତୀମାନ, ଭାଙ୍ଗିଲେ ସଚିନଙ୍କ ରେକର୍ଡ
ମୁମ୍ବାଇ: କୋହଲିଙ୍କ ବିରାଟ ରେକର୍ଡ । ଦିନିକିଆରେ ୫୦ ଶତକ ହାସଲ କଲେ କୋହଲି । କ୍ରିକେଟର ଭଗବାନ ସଚିନ ତେନ୍ଦୁଲରକର ୪୯ ଶତକ ହାସଲ କରିଥିବାବେଳେ ବିରାଟ ୫୦ ଶତକ ହାସଲ କରି ନୂଆ କିର୍ତ୍ତୀମାନ ହାସଲ କରିଛନ୍ତି । ବିରାଟ କୋହଲିଙ୍କ ବିଶ୍ବ ରେକର୍ଡ। ବିଶ୍ବକପର ପ୍ରଥମ ସେମିଫାଇନାଲରେ ନ୍ୟୁଜିଲାଣ୍ଡ ବିପକ୍ଷରେ ସର୍ବାଧିକ ସଂଖ୍ୟକ ଶତକ ହାସଲର ରେକର୍ଡ କରିଛନ୍ତି ଭାରତୀୟ ବ୍ୟାଟ୍ସମ୍ୟାନ କୋହଲି । ଭାରତୀୟ ବ୍ୟାଟ୍ସମ୍ୟାନ ସଚିନ ତେନ୍ଦୁଲକରଙ୍କ ରେକର୍ଡ ଭାଙ୍ଗିଛନ୍ତି ବିରାଟ କୋହଲି। ବିରାଟ କୋହଲି ଆଜି ତାଙ୍କର ୫୦ ତମ ଶତକ କରିଛନ୍ତି । ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ୪୯ ରେକର୍ଡ କରିଥିଲେ । ଗତ ୫ ତାରିଖରେ ଦକ୍ଷିଣ ଆଫ୍ରିକା ବିରୋଧରେ ୪୯ତମ ଶତକ ହାସଲ କରି ସଚିନଙ୍କ ସମକକ୍ଷ ହୋଇଥିଲେ ବିରାଟ । ଆଜି ବିରାଟ ୫୦ ଶତକ ହାସଲ କରିଛନ୍ତି ବିରାଟ । ଏହି ବିଶାଳ ସ୍କୋର ସହ ଭାରତ ଆଜିର ମ୍ୟାଚରେ ବିଶାଳ ସ୍କୋର ଅଭିମୁଖେ ଆଗେଇ ଚାଲିଛି ।
ସଚିନ ତେନ୍ଦୁଲରକର ନିଜର ଶେଷ ଶତକ ହାସଲ କରିବା ପାଇଁ ୩୬୫ ଦିନ ଅଥବା ଗୋଟିଏ ବର୍ଷ ନେଇଥିବାବେଳେ ବିରାଟ ମାତ୍ର ୧୦ଦିନରେ ଏହି ରେକର୍ଡକୁ ହାସଲ କରିଛନ୍ତି । ଚଳିତ ବିଶ୍ବକପରେ ବିରାଟ ଦମଦାର ଫର୍ମରେ ନଜର ଆସିଥିବାବେଳେ ସଚିନଙ୍କ ସମକକ୍ଷ ହୋଇଥିଲେ । ଆଶା କରାଯାଉଥିଲା କି, ସେ ଏହି ବିଶ୍ବକପରେ ହିଁ ନୂଆ ରେକର୍ଡ ବନାଇବେ । ଆଜି ନ୍ୟୁଜିଲାଣ୍ଡ ବିପକ୍ଷ ମ୍ୟାଚରେ ଏହା ସତ ହୋଇଛି ।
ଯେତେବେଳେ ଆର୍ଥିକ ସଙ୍କଟରେ ପଡ଼ିଥିଲେ ଅମିତାଭ, ସେତେବେଳେ ସାହାରା ବନିଥିଲେ ସୁବ୍ରତ
ମୁମ୍ବାଇ: ବିଗ୍ ବି’ ଅମିତାଭ ବଚ୍ଚନଙ୍କ ପାଇଁ ସାହାରା ପାଲଟିଥିଲେ ସୁବ୍ରତ ରାୟ । ସାହାରା ଗ୍ରୃପର ଅଧ୍ୟକ୍ଷ ସୁବ୍ରତ ରାୟଙ୍କ ପରଲୋକ ଘଟିଛି । ମଙ୍ଗଳବାର ତାଙ୍କର ପରଲୋକ ଘଟିଥିବାବେଳେ ସାହାରା ଇଣ୍ଡିଆରେ ନିବେଶ କରିଥିବା ହିତାଧିକାରୀମାନେ ଚିନ୍ତାରେ ପଡ଼ିଛନ୍ତି । ତେବେ ସୁବ୍ରତ ଏବଂ ଅମିତାଭ ବଚ୍ଚନଙ୍କ ସମ୍ପର୍କ ଅତି ପୁରୁଣା । ଯେତେବେଳେ ଆର୍ଥିକ ସଙ୍କଟରେ ଅମିତାଭ ବଚ୍ଚନ ପଡ଼ିଥିଲେ ସେତେବେଳେ ସୁବ୍ରତ ତାଙ୍କୁ ସହଯୋଗ ହାତ ବଢ଼ାଇଥିଲେ । ସାହାରା ଶ୍ରୀ ଭାବେ ଜଣାଶୁଣା ସୁବ୍ରତଙ୍କ ଅମିତାଭ ବଚ୍ଚନଙ୍କ ସହ ସମ୍ପର୍କ ବେଶ ଗଭୀର । ୯୦ ଦଶକରେ ଅମିତାଭ ଏକ କମ୍ପାନୀ କରିଥିଲେ । ABCL ନାମରେ ଏହି କମ୍ପାନୀ ରହିଥିଲା । ଫିଲ୍ମ ପ୍ରଡକ୍ସନ ଏବଂ ମ୍ୟୁଜିକ ରାଇଟସ ସେଲ ଆଦି କାମ ରହିଥିଲା । ମାତ୍ର ଏହା ଦିନକୁ ଦିନ ଖରାପ ସ୍ଥିତିକୁ ଗତି କରିବା ସହ ବ୍ୟବସାୟରେ ଦେବାଳିଆ ହେବାକୁ ବସିଥିଲେ ଅମିତାଭ ବଚ୍ଚନ । ଋଣଭାର ବଢ଼ି ଯାଇଥିବାବେଳେ ସେ ଚିନ୍ତାରେ ପଡ଼ି ଯାଇଥିଲେ । ଏଭଳି ଏକ ଘଡ଼ିସନ୍ଧି ସମୟରେ ସାହାରା ପାଲଟିଥିଲେ ସୁବ୍ରତ । ବିଗ ବିଙ୍କୁ ଆର୍ଥିକ ସାହାର୍ଯ୍ୟ କରିଥିବା କୁହାଯାଏ ।
ହକି ପରେ ଫୁଟବଲରେ ଚମକିବ ଓଡ଼ିଶା
ଭୁବନେଶ୍ବର: ହକି ପରେ ଫୁଟବଲରେ ଚମକିବ ଓଡ଼ିଶା। ନଭେମ୍ବର ୨୧ରେ ଭୁବନେଶ୍ବରଲେ ପ୍ରତିଷ୍ଠା ହେବ ଅଲ୍ ଇଣ୍ଡିଆ ଫୁଟବଲ୍ ଫେଡେରସନ୍-AIFF- ଫିଫା ଏକାଡେମୀ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଫୁଟବଲର ବିକାଶ ପାଇଁ ସମସ୍ତ ସହାୟତା ଯୋଗାଇ ଦେବାକୁ ପ୍ରତିଶ୍ରୁତି ଦେଇଛନ୍ତି । ଭୁବନେଶ୍ବରରେ ଏହି ଏକାଡେମି ପାଇଁ ଓଡ଼ିଶା ଉତ୍ସାହିତ। ଓଡ଼ିଶା AIFF ସହବନ୍ଧିତ ହୋଇ ସର୍ବୋତ୍କୃଷ୍ଟ ବ୍ୟବସ୍ଥା ଯୋଗାଇ ଦେବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି। ଫିଫା ପ୍ରତିଭା ବିକାଶ ଯୋଜନାରେ ଏହା କାମ କରିବ । ଏହାକୁ ଉଦଘାଟନ କରିବେ ଫିଫାର ଗ୍ଲୋବାଲ ଫୁଟବଲ୍ ଡେଭଲପମେଣ୍ଟ ମୁଖ୍ୟ ଆର୍ସେନି ଓ୍ବେଙ୍ଗର।। ଅଲ୍ ଇଣ୍ଡିଆ ଫୁଟବଲ୍ ଫେଡେରସନ୍-AIFF- ଫିଫା ଏକାଡେମୀ ପ୍ରତିଷ୍ଠା ଦ୍ବାରା ଭାରତରେ ଫୁଟବଲ ପ୍ରତି ଆଗ୍ରହ ରଖୁଥିବା ଖେଳାଳି ମାନଙ୍କୁ ସୁଯୋଗ ମିଳିବ । ଭାରତରେ ଫୁଟବଲର ବିକାଶ ପାଇଁ ଏହା ଏକ ବଡ଼ ବୁଷ୍ଟ ହେବ । ଏଥିପାଇଁ ଭୁବନେଶ୍ବରକୁ ଭେନ୍ୟୁ ଭାବେ ବାଛି ଥିବାରୁ ଅଲ୍ ଇଣ୍ଡିଆ ଫୁଟବଲ୍ ଫେଡେରସନକୁ ଧନ୍ୟବାଦ ଜଣାଇଛନ୍ତି ଭିନିଲ କ୍ରୀଷ୍ଣା ।
ଚିନ୍ତାରେ ସାହାରା ଜମାକାରୀ; ଫେରିବ ନା ବୁଡିଯିବ ଟଙ୍କା ?
ନୂଆଦିଲ୍ଲୀ : ସାହାରା ଇଣ୍ଡିଆ ଗ୍ରୁପର ମୁଖ୍ୟ ସୁବ୍ରତ ରାୟଙ୍କ ମଙ୍ଗଳବାର ରାତିରେ ମୃତ୍ୟୁ ହୋଇଛି । ଅନେକ ଦିନ ଧରି ଅସୁସ୍ଥ ଥିବା ସୁବ୍ରତ ମୁମ୍ୱାଇର ଏକ ହସ୍ପିଟାଲରେ ନିଜ ଶେଷ ନିଶ୍ୱାସ ତ୍ୟାଗ କରିଛନ୍ତି । ସାମହାରା ଗ୍ରୁପର ମୁଖିଆଙ୍କ ନିଧନ ପରେ ଏବେ ଚିନ୍ତାରେ ଲକ୍ଷ ଲକ୍ଷ ନିବେଶକାରୀ । ସମସ୍ତଙ୍କ ମନରେ ଖାଲି ଗୋଟିଏ ପ୍ରଶ୍ନ କି, ଏବେ ସେମାନଙ୍କ ସଞ୍ଚୟ ରାଶିର କ’ଣ ହେବ ? ଦୀର୍ଘଦିନ ଧରି ସେମାନେ ନିବେଶ କରିଥିବା ଟଙ୍କା କ’ଣ ବୁଡିଯିବ ନା ଫେରି ପାରିବେ ?
ଏବେ ନିବେଶକାରୀଙ୍କ ସହିତ କ’ଣ ହେବ ?
ସୁବ୍ରତ ରାୟଙ୍କ ମୃତ୍ୟୁ ନିବେଶକାରୀଙ୍କୁ ଏକ ବଡ଼ ଝଟକା ଦେଇଛି । ସୂଚନା ଅନୁସାରେ, ସାହାରା ଗ୍ରୁପର ମୁଖ୍ୟଙ୍କ ପରଲୋକ ପରେ ରିଫଣ୍ଡର ପ୍ରକ୍ରିୟାରେ କୌଣସି ପରିବର୍ତ୍ତନ ହେବ ନାହିଁ । କିଛିଦିନ ପୂର୍ବରୁ କେନ୍ଦ୍ର ସରକାର ସାହାରା କମ୍ପାନୀକୁ ନିବେଶକଙ୍କ ବୁଡିଯାଇଥିବା ଟଙ୍କା ଫେରସ୍ତ କରିବା ପାଇଁ ଏକ ପୋର୍ଟାଲ ଲଞ୍ଚ କରିଥିଲେ , ଯାହା ସାହାଯ୍ୟରେ ନିବେଶକାରୀଙ୍କୁ ସେମାନଙ୍କ ବିନିଯୋଗ ଟଙ୍କା ଫେରସ୍ତ କରାଯାଉଛି ।
ପୋର୍ଟାଲ ମାଧ୍ୟମରେ ଫେରସ୍ତ କରାଯିବ ଜମା ଟଙ୍କା :
ସୁପ୍ରିମକୋର୍ଟ ୨୦୧୯ ମସିହାରେ ସାହାରା ନିବେଶକମାନଙ୍କ ସପକ୍ଷରେ ସାନ୍ତ୍ୱନାମୂଳକ ରାୟ ଘୋଷଣା କରିଥିଲେ ଏବଂ ସୁଧ ସହିତ ସେମାନଙ୍କ ଟଙ୍କା ଫେରସ୍ତ କରିବାକୁ ନିର୍ଦ୍ଦେଶ ଦେଇଥିଲେ। ସୁପ୍ରିମକୋର୍ଟଙ୍କ ନିଷ୍ପତ୍ତିରୁ ପ୍ରାୟ ତିନି କୋଟି ନିବେଶକ ଉପକୃତ ହେବେ। କୋର୍ଟଙ୍କ ନିର୍ଦ୍ଦେଶ ପରେ କେନ୍ଦ୍ର ସରକାର ସାହାରା ରିଫଣ୍ଡ ପୋର୍ଟାଲ https://mocrefund.crcs.gov.in/ ଆରମ୍ଭ କରିଛନ୍ତି। ଏହି ପୋର୍ଟାଲ ମାଧ୍ୟମରେ ସାହାରା ନିବେଶକମାନଙ୍କୁ ସେମାନଙ୍କ ଟଙ୍କା ଫେରସ୍ତ କରାଯାଉଛି।
କେମିତି ମିଳିବ ସହାରାରୁ ରିଫଣ୍ଡ ?
ସାହାରା ଗ୍ରୁପର ୪ଟି କେରେଟିଭ ସୋସାଇଟି ପାଖରେ ନିବେଶମାନଙ୍କ ଟଙ୍କା ଫସି ରହିଛି । ହେଲେ ନିବେଶକମାନେ ସାହାରା ରିଫଣ୍ଡ ପୋର୍ଟାଲ ମାଧ୍ୟମରେ ଆବେଦନ କରି ସେମାନଙ୍କର ଟଙ୍କା ଫେରସ୍ତ ପାଇପାରିବେ । ଫେରସ୍ତ ପାଇଁ, ନିବେଶକମାନଙ୍କୁ କେବଳ ଅନଲାଇନ୍ ମାଧ୍ୟମରେ ଆବେଦନ କରିପାରିବେ ଏବଂ ସେଥିରେ ଆବଶ୍ୟକ ଡକ୍ୟୁମେଣ୍ଟ୍ ଏବଂ ରସିଦ ଅପଲୋଡ୍ କରିବାକୁ ପଡିବ । ଯାଞ୍ଚ ପରେ, ନିବେଶକମାନେ ସେମାନଙ୍କର ଫେରସ୍ତ ପାଉଛନ୍ତି । ସରକାର ନିବେଶକମାନଙ୍କୁ କିସ୍ତିରେ ଟଙ୍କା ଫେରସ୍ତ କରୁଛନ୍ତି ଏବଂ ଏହି ଆବେଦନ ପ୍ରକ୍ରିୟା ସମ୍ପୂର୍ଣ୍ଣ ମାଗଣା ଅଟେ । ଯଦି ନିବେଶକ କୌଣସି ପ୍ରକାରର ସମସ୍ୟାର ସମ୍ମୁଖୀନ ହୁଅନ୍ତି ତେବେ ସେ ଟୋଲ୍ ଫ୍ରି ନମ୍ବର (1800 103 6891/1800 103 6893) ରେ ଯୋଗାଯୋଗ କରିପାରିବେ |