ତେଲଙ୍ଗାନାରେ ନିର୍ମାଣାଧୀନ ଷ୍ଟାଡିୟମର କାନ୍ଥ ଭୁଶୁଡ଼ି ୩ ମୃତ, ୧୦ରୁ ଅଧିକ ଆହତ। ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି। ରଙ୍ଗା ରେଡ୍ଡୀ ଜିଲ୍ଲାର ମୋଇନାବାଦ ଗ୍ରାମରେ ଷ୍ଟାଡିୟମ ନିର୍ମାଣ ଚାଲିଥିବାବେଳେ ଘଟିଛି ଦୁର୍ଘଟଣା।
ମୃତାହତଙ୍କ ସଂଖ୍ୟା ଅଧିକ ହେବା ଆଶଙ୍କା ରହିଛି । ଭଗ୍ନାବଶେଷ ବାହାର କରିବା ଲାଗି ନିୟୋଜିତ ହୋଇଛି ଏସ୍କାଭେଟର।
ୟେମେନ: ଇରାନ ସମର୍ଥିତ ହୁତି ବିଦ୍ରୋହୀମାନେ ଲୋହିତ ସାଗରରେ ଏକ ମାଲବାହୀ ଜାହାଜକୁ ହାଇଜାକ୍ କରିବା ସହ କର୍ମଚାରୀଙ୍କୁ ବନ୍ଧକ ରଖିଛନ୍ତି। ଏହି ହାଇଜାକ୍ ପାଇଁ ସମୁଦ୍ର ମଝିରେ ହୁତି ବିଦ୍ରୋହୀମାନେ ହେଲିକପ୍ଟର ଯୋଗେ କାର୍ଗୋ ଜାହାଜ ‘ଗାଲାକ୍ସି ଲିଡର୍’ରେ ଲ୍ୟାଣ୍ଡି କରିଥିଲେ । ଆଉ ତା’ପରେ ୨୫ ଜଣ କ୍ରୁ ମେମ୍ବରଙ୍କୁ ବନ୍ଧକ ବନାଇବା ସହ କାର୍ଗୋ ଜାହାଜକୁ ନିଜ ଅକ୍ତିଆରକୁ ନେଇ ଯାଇଛନ୍ତି। ଜାହାଜକୁ ୟେମେନର ଏକ ବନ୍ଦରକୁ ନେଇଯାଇଛନ୍ତି । ଏହି ଘଟଣାରେ ନିଜକୁ ଦାୟୀ କରିଛି ହୁତି ବିଦ୍ରୋହୀ ।
ହୁତି ମୁଖପାତ୍ର ଏକ ବିବୃତ୍ତିରେ କହିଛନ୍ତି ଯେ ଆମର ଯୋଦ୍ଧାମାନେ ଲୋହିତ ସାଗରରେ ଏକ ସୈନ୍ୟ ଅଭିଯାନ ଚଳାଇଥିବା ବେଳେ ଇସ୍ରାଏଲ୍ ଜାହାଜକୁ ନିଜ କବଜାକୁ ନେଇଛନ୍ତି । ସେଠାରୁ ଜବତ ଜାହାଜକୁ ୟେମେନ ଉପକୂଳକୁ ନିଆଯାଇଛି । ଜାହାଜର କର୍ମଚାରୀମାନଙ୍କ ସହ ଇସଲାମିକ ନିୟମ ଏବଂ ମୂଲ୍ୟବୋଧ ଅନୁଯାୟୀ ବ୍ୟବହାର କରାଯାଉଛି। ତେବେ ପୂର୍ବରୁ ଗାଜା ପଟ୍ଟିରେ ହମାସ ବିରୋଧରେ ଇସ୍ରାଏଲର ଆକ୍ରମଣଙ୍କୁ ଦୃଢ ପ୍ରତିବାଦ କରିଥିଲା ହୁତି ବିଦ୍ରୋହୀ । ଯାହାପରେ ଲୋହିତ ସାଗରରେ ତେଲ ଅଭିବ ସହ ସମ୍ପର୍କ ରଖୁଥିବା ଜାହାଜକୁ ଟାର୍ଗେଟ କରାଯିବ ବୋଲି ଖୋଲାଖୋଲି ଚେତାବନୀ ମଧ୍ୟ ଦେଇଥିଲେ ।
କିନ୍ତୁ ହୁତି ବିଦ୍ରୋହୀଙ୍କର ଏଭଳି ଦାବିକୁ ସମ୍ପୂର୍ଣ୍ଣ ରୂପେ ପ୍ରତ୍ୟାଖ୍ୟାନ କରିଛି ଇସ୍ରାଏଲ୍। ସେପଟେ ଇହୁଦୀ ରାଷ୍ଟ୍ର ଏହି ଘଟଣା ପାଇଁ ଇରାନକୁ ଦାୟୀ କରି କହିଛି, ଅପହରଣ ହୋଇଥିବା ଜାହାଜ ଇସ୍ରାଏଲର ନୁହେଁ। ଅପରପକ୍ଷେ ଅନ୍ୟଏକ ବିବୃତ୍ତିରେ ଇସ୍ରାଏଲ୍ ପ୍ରତିରକ୍ଷା ବାହିନୀ ‘ଗାଲାକ୍ସି ଲିଡର’ର ଅପହରଣକୁ ନିନ୍ଦା କରିବା ସହ ବିଶ୍ୱ ସ୍ତରରେ ଏହା ଏକ ଗୁରୁତର ଘଟଣା ବୋଲି କହିଛି।
ଆଇଡିଏଫ୍ କହିଛି ଯେ ଏହି ଜାହାଜଟି ବ୍ରିଟିଶ କମ୍ପାନୀ ଅଧୀନରେ ପଞ୍ଜୀକୃତ । ଯାହାର ଆଂଶିକ ମାଲିକାନା ଇସ୍ରାଏଲର ଟାଇକନ ଆବ୍ରାହମ ଉଙ୍ଗରଙ୍କ ପାଖରେ ରହିଛି । ତେବେ ଏହି ଜାହାଜକୁ ଏକ ଜାପାନୀ ଫାର୍ମକୁ ଲିଜରେ ଦିଆଯାଇଥିବା ଜଣାପଡିଛି । ଇସ୍ରାଏଲ୍ ସେନା ଅନୁସାରେ ଜାହାଜଟି ତୁର୍କୀରୁ ଭାରତ ଅଭିମୁଖେ ଯାଉଥିଲା । ଯେଉଁଥିରେ ୨୫ କ୍ରୁ ମେମ୍ବରଙ୍କ ସହ ୟୁକ୍ରେନ୍, ବୁଲଗେରିଆ, ଫିଲିପାଇନ୍ସ ଓ ମେକ୍ସିକୋ ସହ ଅନ୍ୟ ଦେଶର ନାଗରିକ ସାମିଲ ରହିଛନ୍ତି । କିନ୍ତୁ ଏଥିରେ କୌଣସି ଇସ୍ରାଏଲର ନାଗରିକ ନଥିଲେ ।
ନୂଆଦିଲ୍ଲୀ: ବିଶ୍ବକପ ୨୦୨୩ ଶେଷ ହୋଇଛି । ଭାରତରେ ଅନୁଷ୍ଠିତ ବିଶ୍ବକପକୁ ଜିତି ନେଇଛି ଅଷ୍ଟ୍ରେଲିଆ । ଫାଇନାଲରେ ଘରୋଇ ଦଳର ନୈରାଶ୍ୟଜନକ ପ୍ରଦର୍ଶନକୁ ନେଇ ଏବେ ସବୁଠି ଆରମ୍ଭ ହୋଇଛି ସମାଲୋଚନା । ଭାରତର ପରାଜୟର ମୁଖ୍ୟ କାରଣ କ’ଣ? ଏହାକୁ ନେଇ ତର୍କ, ବିତର୍କ ମଧ୍ୟ ଆରମ୍ଭ ହୋଇଛି । ଏହାରି ଭିତରେ ଆଇସିସି ପକ୍ଷରୁ ବିଶ୍ବକପ ପ୍ଲେଇଙ୍ଗ ୧୧ ବଛାଯାଇଛି । ସବୁଠାରୁ ବିଡ଼ମ୍ବନା ବିଷୟ ଏହାକି କି, ଚାମ୍ପିୟନ ଅଷ୍ଟ୍ରେଲିଆର ଅଧିନାୟକ ପାଟ କମିନ୍ସଙ୍କୁ ଏହି ଦଳରେ ସ୍ଥାନ ମିଳିନାହିଁ । ମାତ୍ର ଭାରତୀୟ ଦଳର ୬ ଜଣ ଖେଳାଳି ଏହି ତାଲିକାରେ ସ୍ଥାନ ପାଇଛନ୍ତି । ପାକିସ୍ତାନ ଏବଂ ଇଂଲଣ୍ଡର ମଧ୍ୟ ଜଣେ ମଧ୍ୟ ଖେଳାଳିଙ୍କୁ ଏହି ଏକାଦଶ ଦଳରେ ସ୍ଥାନ ମିଳିନାହିଁ ।
ଭାରତର ଅଧିନାୟକ ରୋହିତ ଶର୍ମାଙ୍କୁ ଅଧିନାୟକଭାବେ ଦଳରେ ସ୍ଥାନ ଦେଇଛି ଆଇସିସି । ରୋହିତଙ୍କ ବ୍ୟତିତ ବିରାଟ କୋହଲି, କେ.ଏଲ. ରାହୁଲ, ରବିନ୍ଦ୍ର ଜାଡେଜା, ମହମ୍ମଦ ସାମି, ଜଶପ୍ରିତ ବୁମରାଙ୍କୁ ଦଳରେ ସ୍ଥାନ ମିଳିଛି । ଘାତକ ବୋଲିଂ ପାଇଁ ଜଣାଶୁଣା ଥିବା ପାକିସ୍ତାନ ଟିମର ଜଣେ ମଧ୍ୟ ଖେଳାଳି ଏହି ଦଳରେ ସ୍ଥାନ ପାଇନାହାନ୍ତି । ସେପଟେ ପ୍ଲେଇଙ୍ଗ ୧୧ରେ ରହିଛନ୍ତି କ୍ବିଣ୍ଟନ ଡି କକ୍, ରୋହିତ ଶର୍ମା, ବିରାଟ କୋହଲି, ହାରେଲ ମିଚେଲ, କେ.ଏଲ. ରାହୁଲ, ଗ୍ଲେନ୍ ମ୍ୟାକ୍ସଓ୍ବେଲ, ରବିନ୍ଦ୍ର ଜାଡେଜା, ଜଶପ୍ରିତ ବୁମରା, ଦିଲଶାନ ମଧୁଶଙ୍କା, ଜାମ୍ପା ଏବଂ ମହମ୍ମଦ ସାମି । ସେପଟେ ୧୨ ନମ୍ବର ସ୍ଥାନରେ ରହିଛନ୍ତି ଦୃତ ବୋଲର କୋଏଜି ।
ତେବେ ସମ୍ପୂର୍ଣ୍ଣ ବିଶ୍ବକପରେ ବ୍ୟାଟିଂ ଏବଂ ବୋଲିଂ ଉପରେ ଯଦି ନଜର ପକାଇବା ତାହେଲେ ଭାରତୀୟ ଖେଳାଳିମାନେ ବେଶ ପ୍ରଭାବ ବିସ୍ତାର କରିଥିଲେ । ବିରାଟ କୋହଲି ସର୍ବାଧିକ ୭୬୫ ରନ ସଂଗ୍ରହ କରିଥିବାବେଳେ ସାମି ସର୍ବାଧିକ ୨୪ ଓ୍ବିକେଟ ଅକ୍ତିଆର କରିଛନ୍ତି । ଫାଇନାଲରେ ସାମି ସେମିତି ଆଖି ଦୃଷିଆ ପ୍ରଦର୍ଶନ କରିନଥିବାବେଳେ ଟୁର୍ଣ୍ଣାମେଣ୍ଟରେ ଲଢ଼ୁଆ ବୋଲିଂ କରିତ ଦଳକୁ ସଙ୍କଟରୁ ରକ୍ଷା କରିଛନ୍ତି । ମାତ୍ର ଅଷ୍ଟ୍ରେଲିଆ ଦଳର ବ୍ୟାଟିଂ, ବୋଲିଂ ସାଙ୍ଗକୁ ଫିଲ୍ଡିଂ ଦଳକୁ ବିଜୟର ସ୍ବାଦ ଚଖାଇଛି । ଫାଇନାଲରେ ଭାରତ ରନ ଆଉଟ୍ କ୍ୟାଚ ଏବଂ ଫିଲ୍ଡିଂ ମିସ କରି ମ୍ୟାଚକୁ ମଧ୍ୟ ହାତଛଡ଼ା କରିଥିବା ସମାଲୋଚନା କରାଯାଉଛି ।
ନୂଆଦିଲ୍ଲୀ: ବିଶ୍ୱକପ୍ ୨୦୨୩ରେ ଭାରତକୁ ହରାଇ ୱାଲ୍ଡକପ୍ ଟ୍ରଫି ହାତେଇଛି ଅଷ୍ଟ୍ରେଲିଆ । ଏହି ମ୍ୟାଚ୍ ଦେଖିବାକୁ ପ୍ରଧାନମନ୍ତ୍ରୀ ମୋଦି ଓ ଅଷ୍ଟ୍ରେଲିଆ ଉପ-ମୁଖ୍ୟମନ୍ତ୍ରୀ ରିଚର୍ଡ ମାଲର୍ସ ମଧ୍ୟ ଷ୍ଟାଡିୟମରେ ଉପସ୍ଥିତ ରହିଥିଲେ। ଆୱାର୍ଡ ସେରେମୋନୀରେ ମୋଦି ଓ ମାଲର୍ସ ବିଜୟ ଟିମର କ୍ୟାପଟେନ୍ ପ୍ୟାଟ୍ କମିନ୍ସଙ୍କୁ ଟ୍ରଫି ପ୍ରଦାନ କରିଥିଲେ। ଏହି ସମୟର ଏକ ଭିଡ଼ିଓ ଖୁବ୍ ଭାଇରାଲ୍ ହେବାରେ ଲାଗିଛି। ଯାହାକୁ ନେଇ ସୋସିଆଲ୍ ମିଡ଼ିଆରେ ଖୁବ୍ ଚର୍ଚ୍ଚା ହେଉଛି ।
ଭାଇରାଲ୍ ଭିଡ଼ିଓ ଅନୁଯାୟୀ, ପ୍ରଧାନମନ୍ତ୍ରୀ ମୋଦି ବିଶ୍ୱକପ୍ ଟ୍ରଫି କମିନ୍ସଙ୍କୁ ଦେବା ପରେ ଷ୍ଟେଜରୁ ଓହ୍ଲାଇଯାଇଥିଲେ। ତେବେ ସେ କମିନ୍ସଙ୍କୁ ଶୁଭେଚ୍ଛା ନ ଜଣାଇ ନିଜେ ଓହ୍ଲାଇବା ସହ ରିଚର୍ଡ ମାଲର୍ସଙ୍କୁ ମଧ୍ୟ ଷ୍ଟେଜରୁ ତଳକୁ ଯିବା ପାଇଁ ଇସାରା ଦେଇଥିଲେ। ଯାହାକୁ ନେଇ ଚର୍ଚ୍ଚା ଜୋର୍ ଧରିଥିଲା।
Wrong Projection of Modi. He congratulated Cummins, went and congratulated the entire team too. https://t.co/nIPVVPEDSQ pic.twitter.com/9CMfMpccs1
— Orey Aajamuuuuu (@lagettharoii) November 19, 2023
ତେବେ ସୋସିଆଲ୍ ମିଡ଼ିଆରେ ଭାଇରାଲ୍ ହେଉଥିବା ଭିଡ଼ିଓ ଏଡିଟେଡ୍ ବୋଲି ଜଣାପଡିଛି । ଭିଡ଼ିଓରେ ଦେଖିବାକୁ ମିଳିଛି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ରଫି ଦେବା ବେଳେ ପ୍ୟାଟ୍ କମିନ୍ସଙ୍କ କଥାବାର୍ତ୍ତା ମଧ୍ୟ କରିଛନ୍ତି । ତା’ ପରେ ଦୁଇ ଜଣ ହାତ ମଧ୍ୟ ମିଳାଇଛନ୍ତି। ସେହିପରି ଷ୍ଟେଜରୁ ଓହ୍ଲାଇବା ପରେ ତଳେ ଛିଡାହୋଇଥିବା ଅଷ୍ଟ୍ରେଲିଆର ଅନ୍ୟ ଖେଳାଳିଙ୍କ ସହ ହାତ ମିଳାଇ ଅଭିନନ୍ଦନ ଜଣାଇଥିଲେ।
ଇମ୍ଫାଲ: ଇମ୍ଫାଲ ଏୟାରପୋର୍ଟ ନିକଟ ଆକାଶରେ ୟୁଏଫୋ ଦେଖାଯିବା ଘଟଣା। ସୂଚନା ମିଳିବା ପରେ ୟୁଏଫଓ ଖୋଜିବାକୁ ଭାରତୀୟ ବାୟୁସେନା ଦୁଇଟି ରାଫେଲ୍ ଫାଇଟର ଏୟାରକ୍ରାଫ୍ଟ ନିୟୋଜିତ କରିଥିଲା।
Indian Air Force scrambled 2 Rafale fighter jets to search for 'UFO' sighted near Imphal
Read @ANI Story | https://t.co/ejDsAjqQGp#IndianAirForce #rafale #UFO pic.twitter.com/dm53tdHEQo
— ANI Digital (@ani_digital) November 20, 2023
ତେବେ ରାଫେଲ୍ ରାଡାରରେ କୌଣସି ଅଜଣା ବିମାନ ବା ଯାନ ଦେଖିବାକୁ ମିଳିନଥିବା ଜଣାପଡିଛି। ହାସିମାରା ଏୟାରଫୋର୍ସ ବେସରୁ ପ୍ରଥମ ରାଫେଲ୍ ଫାଇଟର ୟୁଏଫଓ ଦେଖା ଯାଇଥିବା ସ୍ଥାନକୁ ଜେଟ୍ ଉଡ଼ାଣ ଭରିଥିଲା। କୌଣସି ସୂଚନା ନମିଳିବାରୁ ଡବଲ୍ ଚେକ୍ କରିବା ପାଇଁ ଦ୍ବିତୀୟ ରାଫେଲ୍ ପଠାଯାଇଥିଲା। ହେଲେ ୟୁଏଫଓ ନେଇ କୌଣସି ସୂଚନା ମିଳିନି। ଗତକାଲି ଅପରାହ୍ନ ସାଢେ ୨ଟାରେ ୟୁଏଫଓ ଦେଖା ଦେଇଥିଲା । ଫଳରେ କିଛି କମର୍ସିଆଲ୍ ଫ୍ଲାଇଟର ଉଡ଼ାଣ ପ୍ରଭାବିତ ହୋଇଥିଲା।
ବିଞ୍ଝାରପୁର : ଗତକାଲି ଭାରତ ଅଷ୍ଟ୍ରେଲିଆ ମଧ୍ୟରେ ବିଶ୍ୱକପ୍ ଟକ୍କର ଚାଲିଥାଏ । ସବୁଠି କ୍ରିକେଟ ପ୍ରେମିମାନେ ଚାହିଁବସିଥିଲେ ଭାରତର ପ୍ରତିଟି ବଲକୁ କ୍ରମାଗତ ଭାବେ ଭାରତୀୟ କ୍ରିକେଟପ୍ରେମୀଙ୍କୁ ନିରାଶ ହେବାକୁ ପଡ଼ିଥିଲା । ପରିଶେଷରେ ଭାରତ ପରାଜୟ ବରଣ କରିଥିଲା କଙ୍ଗାରୁ ଟିମ ପାଖରେ । ଆଉ ଏହାକୁ ସହଜରେ ଗ୍ରହଣ କରିପାରିନଥିେଲେ କ୍ରିକେଟ୍ ପ୍ରେମୀ । ଭାରତ କ୍ରିକେଟ ଖେଳରେ ହାରିଲା ବୋଲି ଜୀବନ ହାରିଦେଲେ ୨୩ ବର୍ଷୀୟ ଯୁବକ । ଏଭଳି ଘଟଣା ଦେଖିବାକୁ ମିଳିଛି ଯାଜପୁର ଜିଲ୍ଲା ବିଞ୍ଝାରପୁର ଥାନା ଅନ୍ତର୍ଗତ ଜରୀ ପଞ୍ଚାୟତ କୁଳସାହି ଗ୍ରାମରେ । ନୀଳମଣି ଦାସଙ୍କର ସାନ ପୁଅ ଦେବରଞ୍ଜନ ଦାସ କ୍ରିକେଟକୁ ଅତ୍ୟଧିକ ଭଲପାଆନ୍ତି । ଦେବ ଅନେକ ସମୟ ପର୍ଯ୍ୟନ୍ତ ଟିଭି ପରଦାରେ ଅପେକ୍ଷା ଚାହିଁ ରହିଥିଲେ । ଧିରେ ଧିରେ ଜେତେବେଳେ ଭାରତ ହାତରୁ ମ୍ୟାଚ୍ ଖସିଯାଉଥାଏ ସେତେବେଳେ ସେ ନିଜକୁ ବୁଝାଇ ପାରୁନଥିଲେ । ଏହାପରେ ଦେବରଞ୍ଜନ ଦାସଙ୍କର ଦେଖା ମିଳିନଥିଲା ।
ଆଜି ସକାଳୁ ସକାଳୁ ପରିବାର ଲୋକ ଖୋଜା ଖୋଜି କରିଥିଲେ । ଅନେକ ସମୟ ଖୋଜା ଖୋଜି କରିବା ପରେ ପଡୋଶି ଛାତରେ ଥିବା ଏକ ରଡ଼ ରେ ଝୁଲନ୍ତା ଅବସ୍ଥାରେ ଦେଖିବାକୁ ପାଇଥିଲେ । ସ୍ଥାନୀୟ ପୋଲିସ ଫାଣ୍ଡିକୁ ଖବର କରିଥିଲେ ଖବର ପାଇ ଜରୀ ଫାଣ୍ଡି ଅଧିକାରୀ ପଂହଁଚି ମୃତଦେହକୁ ଉଦ୍ଧାର କରିବା ସହ ବ୍ୟବଚ୍ଛେଦ ପାଇଁ ଯାଜପୁର ମୁଖ୍ୟ ଚିକିତ୍ସାଳୟ କୁ ପଠାଇଛନ୍ତି । ଘଟଣାର ଅଧିକ ତଦନ୍ତ କରୁଛି ପୋଲିସ ।
ପାଟଣା: ବିହାର ଲଖିସରାଇରେ ଅଭାବନୀୟ ଘଟଣା। ପ୍ରେମ ବ୍ୟାପାରକୁ ନେଇ ଗୁଳିକାଣ୍ଡରେ ୨ ମୃତ ୪ ଗୁରୁତର। ଛଟ୍ ପୂଜା ସାରି ଫେରୁଥିବାବେଳେ ଘଟିଛି ଏ ଗୁଳିକାଣ୍ଡ। ଆହତଙ୍କ ମଧ୍ୟରେ ୨ ମହିଳା ଅଛନ୍ତି। ସେମାନଙ୍କୁ ସ୍ଥାନୀୟ ହସ୍ପିଟାଲରେ ଚିକିତ୍ସା ପରେ ପାଟଣା ମେଡିକାଲ କଲେଜ ଓ ହସ୍ପିଟାଲକୁ ସ୍ଥାନାନ୍ତର କରାଯାଇଛି।
ଆହତଙ୍କ ମଧ୍ୟରେ ୩ ଜଣଙ୍କ ଅବସ୍ଥା ସଂକଟାପନ୍ନ ରହିଛି। ଗୁଳିକାଣ୍ଡର ଅଭିଯୁକ୍ତ ଆଶିଷ ଚୌଧୁରୀ ନାମକ ଯୁବକକୁ ଚିହ୍ନଟ କରିଛି ପାଟଣା ପୋଲିସ। ତାକୁ ଧରିବାକୁ ବିଭିନ୍ନ ସ୍ଥାନରେ ପୋଲିସ ପକ୍ଷରୁ ରେଡ୍ କରାଯାଉଛି। ଗୁଳିକାଣ୍ଡରେ ବ୍ୟବହୃତ ହତିଆରକୁ ଜବତ କରିଛି ପୋଲିସ । ପଞ୍ଜାବୀ ମୋହଲ୍ଲାରେ ଘଟିଥିଲା ଏ ଗୁଳିକାଣ୍ଡ।
ସୂଚନା ଅନୁସାରେ ଛଟ୍ ପୂଜା ସାରି ଗୋଟିଏ ପରିବାର ୬ ମହିଳା ଫେରୁଥିବାବେଳେ ଆଶିଷ ଗୁଳିମାଡ଼ କରିଥିଲା। ମୃତକଙ୍କ ମଧ୍ୟରେ ଅନ୍ୟ ଦୁଇ ଭାଇ ଅଛନ୍ତି। ଆହତଙ୍କ ମଧ୍ୟରେ ଦୁର୍ବୃତ୍ତ ପ୍ରେମ କରୁଥିବା ଯୁବତୀ ମଧ୍ୟ ଅଛନ୍ତି। ଗୁଳିମାଡ଼ ଘଟଣାରେ ଅନ୍ୟ ଦୁଇ ଅଭିଯୁକ୍ତକୁ ଧରି ପଚରାଉଚରା କରୁଛି ପୋଲିସ।
ନନ୍ଦିଘୋଷ ବ୍ୟୁରୋ : ବିଶ୍ବକପ ଟ୍ରଫି ଉପରେ ଗୋଡ ରଖିବା ଫଟୋ ଭାଇରାଲ। ଅଷ୍ଟ୍ରେଲିଆ କ୍ରିକେଟର ମିଚେଲ ମାର୍ଶ ଟ୍ରଫି ଉପରେ ଗୋଡ଼ ରଖିବା ଏକ ଫଟୋ ସୋସିଆଲ ମିଡିଆ ଏକ୍ସ ରେ ଭାଇରାଲ ହେଉଛି । ଅନ୍ୟ ଏକ ସୋଫାରେ ମିଚେଲ ମାର୍ଶ ବସିଥିବାବେଳେ ଆଗରେ ଏକ ଟେବୁଲ ଉପରେ ରଖାଯାଇଥିବା ବିଶ୍ବକପ ଟ୍ରଫି ଉପରେ ଗୋଡ଼ ରଖି ଆରାମ କରୁଛନ୍ତି। ଏହି ଫୋଟ ସୋସିଆଲ ମିଡିଆରେ ଆସିବା ପରେ ଏହାକୁ ନେଇ ଅନେକ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି। ଅଷ୍ଟ୍ରେଲିଆ କ୍ରିକେଟର ବୃହତ୍ତ ଟ୍ରଫି ଜିତିପାରନ୍ତି ହେଲେ ସେମାନେ ଏହାକୁ ସମ୍ମାନ ଦେବା ଜାଣନ୍ତିନି ବୋଲି ଅନେକ ଲୋକ ବାର୍ତ୍ତା ଦେଇଛନ୍ତି ।
ତେବେ ଏହି ଫଟୋକୁ ବିଧିବଦ୍ଧ ଭାବେ କୌଣସି ଅଫିସିଆଲ ସଂଗଠନ ପକ୍ଷରୁ ପୋଷ୍ଟ କରାଯାଇନାହିଁ।ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଫଟୋକୁ ନେଇ ଅଷ୍ଟ୍ରେଲିଆ କ୍ରିକେଟର ମିଚେଲ ମାର୍ଶଙ୍କ ପକ୍ଷରୁ କୌଣସି ପ୍ରତିକ୍ରିୟା ମିଳିନାହିଁ ।
ଭୁବନେଶ୍ୱର : ଓଡ଼ିଶା ପାଇଁ ଗର୍ବ। ଦୁଇଟି ଜଳସେଚନ ପ୍ରକଳ୍ପ ICID ବା ଇଣ୍ଟରନେସନାଲ୍ କମିସନ ଅନ ଇରିଗେସନ ଆଣ୍ଡ ଡ୍ରେନେଜ ଦ୍ୱାରା ପାଇଲେ ୱାର୍ଲଡ ହେରିଟେଜ୍ ଇରିଗେସନ ଷ୍ଟ୍ରକଚର ପୁରସ୍କାର 2023 । ମୟୁରଭଞ୍ଜ ଶାମାଖୁଣ୍ଟା ବ୍ଲକରେ ଥିବା ବାଲିଡିହ ଜଳସେଚନ ପ୍ରକଳ୍ପ ଓ ଦ୍ଵିତୀୟଟି ହେଉଛି ଗଞ୍ଜାମ ହିଞ୍ଜିଳି ବ୍ଲକର ଜୟମଙ୍ଗଳ ଆନିକଟ। ବାଲିଡିହ ୧୯୧୨ ମସିହାରୁ ୩ହଜାର ୮୩୨ ହେକ୍ଟର ଜମିକୁ ଖରିଫରେ ଜଳ ସେଚିତ କରୁଥିବା ବେଳେ, ଶାମଖୁଣ୍ଟା ବ୍ଲକର ୪୯ ଗାଁର ୨୦୦ ହେକ୍ଟର ଜମିକୁ ରବିରେ ଜଳସେଚିତ କରୁଛି । ଏହା ସୁବର୍ଣ୍ଣରେଖା-ବୁଢାବଳଙ୍ଗ ବେସିନ ଓ ପଲପାଲା ସବ ବେସିନରେ ନିର୍ମାଣ ହୋଇଛି ।
ସେହିପରି ୧୯୦୧ ମସିହାରୁ ଋଷିକୂଲ୍ୟା ବେସିନରେ ନିର୍ମାଣ ହୋଇଥିବା ଜୟ ମଙ୍ଗଳ ଆନିକଟ ହିଞ୍ଜିଳିକାଟୁ, ହିଞ୍ଜିଳି ଅଧୀନରେ ଥିବା ପୁରୁଷୋତ୍ତମପୁର, ଛତ୍ରପୁର ବ୍ଲକ, ଖଲିକୋଟ ଓ ଛତ୍ରପୁର ବିଧାନସଭା କ୍ଷେତ୍ରରେ ଥିବା ୪୮ ଗାଁର ୭ ହଜାର ୩୫୦ ହେକ୍ଟର ଜମିରେ ଜଳସେଚନ କରୁଛି । ୧୦୦ବର୍ଷରୁ ଅଧିକ ସମୟ ଧରି ଏହି ଦୁଇ ପ୍ରକଳ୍ପ ସଫଳତା ସହ ସେବା ଯୋଗାଇ ଆସୁଛି ।
ଦିଲ୍ଲୀ : ଦିଲ୍ଲୀରେ ଆଜିଠାରୁ ଖୋଲିଲା ବିଦ୍ୟାଳୟ। ପ୍ରାଥମିକ ଠାରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ସମସ୍ତ ସରକାରୀ ଓ ଘରୋଇ ବିଦ୍ୟାଳୟଗୁଡିକ ଖୋଲାଯାଇଛି। ଏନେଇ ଦିଲ୍ଲୀ ଶିକ୍ଷା ନିର୍ଦେଶାଳୟ ପକ୍ଷରୁ ନିଷ୍ପତ୍ତି ପରେ ସ୍କୁଲ ଖୋଲିଛି । ସ୍କୁଲ ଖୋଲାହେଲେ ମଧ୍ୟ ପାଠ ପଢା ବ୍ୟତୀତ ବାହାରେ ଖେଳକୁଦ ଉପରେ ଆଗାମୀ ସପ୍ତାହ ପର୍ଯ୍ୟନ୍ତ କଟକଣା ଜାରି କରାଯାଇଛି । ଗମ୍ଭୀର ବାୟୁ ପ୍ରଦୂଷଣକୁ ଦୃଷ୍ଟିରେ ରଖି ଦିଲ୍ଲୀରେ ଶୀତକାଳୀନ ଅବକାଶ ଚଳିତ ନଭେମ୍ବର ୯ରୁ ୧୮ ତାରିଖ ପର୍ଯ୍ୟନ୍ତ ବନ୍ଦ ଥିଲା।
ପ୍ରଦୂଷଣ କମିଥିବାରୁ ଦିଲ୍ଲୀରେ ଶନିବାର ଠାରୁ ଜିଆରଏପି-୪ ନିୟମକୁ ହଟାଇ ଦିଆଯାଇଛି। କିନ୍ତୁ ସମସ୍ତ ନିର୍ମାଣାଧୀନ କାର୍ଯ୍ୟ ସାଙ୍ଗକୁ ଟ୍ରକ ଚଳାଚଳ ଉପରେ ଏବେବି କଟକଣା ରହିଛି। ଦିଲ୍ଲୀରେ ଆଜି ସକାଳୁ ବାୟୁର ଗୁଣବତ୍ତା ୩୧୦ ରହିଛି । ଯାହାକି ଖରାପ ଶ୍ରେଣୀରେ ଅଛି। ଏନେଇ ପରିବେଶ ମନ୍ତ୍ରୀ ଗୋପାଳ ରାୟ ଜିଆରଏପି-୩ର ସମସ୍ତ ନିୟମ ପାଳିବା ପାଇଁ କହିଛନ୍ତି ।
