ନନ୍ଦିଘୋଷ ବ୍ୟୁରୋ: ଦୁଇ ଭାଇଙ୍କ ମହାନତା । ସ୍ବାର୍ଥପର ଦୁନିଆରେ ଅନ୍ୟମାନଙ୍କ ପାଇଁ ଉଦାହରଣ ପାଲଟିଲେ ଦୁଇଭାଇ । ଆଜିକାଲି ଦୁନିଆରେ କେହି କାହାକୁ ଟଙ୍କାଟେ ମଧ୍ୟ ଦେଉନାହାନ୍ତି । ଦେବା ପୂର୍ବରୁ ୧୦ଥର ଭାବିଥାନ୍ତି । କିନ୍ତୁ ଏମିତି ଦୁଇ ଭାଇ ଅଛନ୍ତି ଯିଏକି ସମାଜସେବା ମନୋବୃତି ନେଇ ୫ ହଜାର କୋଟି ଟଙ୍କା ଦାନ କରିଛନ୍ତି । ସୁଧୀର ମେହେଟା ଏବଂ ତାଙ୍କ ଭାଇ ସମୀର ଏଭଳି ମହତ କାର୍ଯ୍ୟ କରିବାକୁ ଯାଉଛନ୍ତି । ଟରେଣ୍ଟ ଗୃପର ସମ୍ପାଦକ ତଥା ତାଙ୍କ ପିତାଙ୍କ ଜନ୍ମ ଶତବାର୍ଷିକରେ ୫ ହଜାର ଟଙ୍କା ଦାନ କରିବେ । ସ୍ବାସ୍ଥ୍ୟ, ଶିକ୍ଷା, ପରିବେଶ ଏବଂ କଳା କ୍ଷେତ୍ରରେ ଏହି ଟଙ୍କା ଲାଗିବ । ୧ ଏପ୍ରିଲରୁ ୫ ବର୍ଷ ପର୍ଯ୍ୟନ୍ତ ୫ ହଜାର କୋଟି ଅଥବା ୬ ଶହ ମିଲିୟନ ଡଲାର ଦାନ କରିବା ଆରମ୍ଭ କରିଛନ୍ତି । ତାଙ୍କ ପିତା ଅତମଲାଲ ନାଥଭାଇ ମେହେଟ୍ଟା ଏହି କମ୍ପାନୀ ୧୯୫୯ରେ ପ୍ରତିଷ୍ଠା କରିଥିଲେ । ସେହି ବର୍ଷ ବଜାଜ ଅଟୋ ଭାରତରେ ତିନି ଚକିଆ ଯାନ ତିଆରି କରିବାର ଲାଇସେନ୍ସ ନେଇଥିଲା । ଅହମ୍ମଦାବାଦରେ ଏହି କମ୍ପାନୀ ରହିଥିବାବେଳେ ଏହା ଭାରତ ବର୍ଷରେ ଏକ ଜଣାଶୁଣା ଗୃପ୍ ଅଟେ । ଦୁଇ ଭାଇ ଏବେ ଏହି କମ୍ପାନୀ ଚଳାଉଛନ୍ତି ।
ଉତ୍କଳ ଦିବସର ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
ଭୁବନେଶ୍ବର: ଓଡ଼ିଆଙ୍କ ପାଇଁ ସ୍ବତନ୍ତ୍ର ଦିନ ଟିଏ । ସୋମବାର ହେଉଛି ଉତ୍କଳ ଦିବସ । ଏହି ଅବସରରେ ଶୁଭେଚ୍ଛା ଜଣାଇଛନ୍ତି ରାଷ୍ଟ୍ରପତି ଦୌପଦୀ ମୁର୍ମୁ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଏହି ଅବସରରେ ଓଡ଼ିଶାବାସୀଙ୍କୁ ଶୁଭେଚ୍ଛା ଜଣାଇଛନ୍ତି । ମୁଖ୍ୟମନ୍ତ୍ରୀଙ୍କ ସହ ସାଂସଦ ମାନସ ମଙ୍ଗରାଜ, ସାଂସଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ମଧ୍ୟ ଶୁଭେଚ୍ଛା ଜଣାଇଛନ୍ତି । ସେପଟେ ଓଡ଼ିଶାବାସୀଙ୍କୁ ଉତ୍କଳ ଦିବସର ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ।
ହ୍ରିତିକ ରୋଶନଙ୍କ ଗାର୍ଲଫ୍ରେଣ୍ଡଙ୍କ ସହ ଫଟୋ ପୋଷ୍ଟ କରି ଏମିତି ଲେଖିଲେ ପୂର୍ବତନ ପତ୍ନୀ ସୁଜେନ
ନନ୍ଦିଘୋଷ ବ୍ୟୁରୋ: ବଲିଉଡ ଷ୍ଟାର ହ୍ରିତିକ ରୋଶନ ସବା ଆଜାଦଙ୍କୁ ଡେଟ୍ କରୁଛନ୍ତି । ଉଭୟଙ୍କ ଫଟୋ ମଧ୍ୟ ସେମାନେ ସୋସିଆଲ ମିଡିଆରେ ପୋଷ୍ଟ କରୁଛନ୍ତି । ଏପରିକି ଅନେକ ପାର୍ଟିରେ ମଧ୍ୟ ଉଭୟ ନଜର ଆସିଛନ୍ତି । ଯାହାକୁ ନେଇ ଉଭୟ ଚର୍ଚ୍ଚାରେ ମଧ୍ୟ ରହିଛନ୍ତି । ତେବେ ସବା ହ୍ରିତିକଙ୍କ ପୂର୍ବତନ ପତ୍ନୀ ସୁଜେନଙ୍କ ସହ ଏକ ଫଟୋକୁ ସୋସିଆଲ ମିଡିଆରେ ପୋଷ୍ଟ କରିଛନ୍ତି । ଯେଉଁଥିରେ ସେ ଲେଖିଛନ୍ତି କି, ଥ୍ୟାଙ୍କ୍ ୟୁ ଡାର୍ଲିଙ୍ଗ । ତେବେ ଏହା ହ୍ରିତିକଙ୍କ ପୁଅ ରୋଶନଙ୍କ ଜନ୍ମଦିନର ଫଟୋ । ରୋଶନଙ୍କ ଜନ୍ମଦିନରେ ଯୋଗଦେବା ଅବସରରେ ଉଭୟ ଏକାଠି ଫଟୋ ଉଠାଇଥିବାବେଳେ ସେ ଏହାକୁ ନିଜର ଇନଷ୍ଟାଗ୍ରାମ ପେଜରେ ପୋଷ୍ଟ କରିଥିଲେ । ଯାହାକୁ ୟୁଜର୍ସମାନେ ଲାଇକ୍ କରିବା ସହ ମଜାଳିଆ ମଜାଳିଆ କମେଣ୍ଟମାନ କରୁଛନ୍ତି ।
କମିଲା କମର୍ସିଆଲ ଗ୍ୟାସ୍ ଦର
ନନ୍ଦିଘୋଷ ବ୍ୟୁରୋ: ଆସିଲା ଖୁସି ଖବର । କମିଲା କମର୍ସିଆଲ ଗ୍ୟାସ୍ ଦର । ଦେଶର ୪ ମହାନଗରରେ ଏହି କମର୍ସିଆଲ ଗ୍ୟାସ୍ ଦର ହ୍ରାସ ପାଇଛି । ଆଇଓସିଏଲ ଓ୍ବେବସାଇଟ ହିସାବରେ କମର୍ସିଆଲ ଗ୍ୟାସ ଦର ସିଲିଣ୍ଡର ପିଛା ୩୦ ଟଙ୍କା ହ୍ରାସ ପାଇଛି । ତେବେ ଗୋଟିଏ ବର୍ଷରେ ୨୫୦ ଟଙ୍କା କମିଛି । ତେବେ ଆସନ୍ତୁ ଜାଣିବା କେଉଁଠି କେତେ ଟଙ୍କା ରହିଛି ଘରୋଇ ଗ୍ୟାସ୍ ଦର ।
୧- ରାଜଧାନୀ ଦିଲ୍ଲୀରେ ୮୦୩ ଟଙ୍କାରେ ଉପଲବ୍ଧ ହୋଇଥାଏ ଗ୍ୟାସ୍ ସିଲିଣ୍ଡର । ଗୋଟିଏ ବର୍ଷରେ ୩୦୦ ଟଙ୍କା ହ୍ରାସ ପାଇଛି ।
୨- କୋଲକାତାରେ ଘରୋଇ ଗ୍ୟାସ ସିଲିଣ୍ଡରର ମୂଲ୍ୟ ୮୨୯ ଟଙ୍କାରେ ମିଳୁଛି। ବର୍ଷେ ପୂର୍ବେ ଏହି ମୂଲ୍ୟ ୧୧୨୯ ଟଙ୍କା ଥିଲା |
୩- ମୁମ୍ବାଇରେ ଘରୋଇ ଗ୍ୟାସ ସିଲିଣ୍ଡରର ମୂଲ୍ୟ ୮୦୨ ଟଙ୍କା ୫୦ ପଇସାରେ ମିଳିଥାଏ । ଏଠାରେ ମଧ୍ୟ ବର୍ଷକ ମଧ୍ୟରେ ୩୦୦ ଟଙ୍କା ଗ୍ୟାସ ସିଲିଣ୍ଡର ଶସ୍ତା ହୋଇଛି।
୪- ଚେନ୍ନାଇରେ ଘରୋଇ ଗ୍ୟାସ ସିଲିଣ୍ଡରର ମୂଲ୍ୟ ୮୧୮ ଟଙ୍କା ୫୦ ପଇସାରେ ଉପଲବ୍ଧ । ବର୍ଷେ ପୂର୍ବେ ଏଠାରେ ମୂଲ୍ୟ ୧୧୧୮.୫୦ ଟଙ୍କା ଥିଲା
ଆଜି ସରୁଛି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ୪ ଦିନିଆ ଇଡି ରିମାଣ୍ଡ ଅବଧି
ନୂଆଦିଲ୍ଲୀ: ଦିଲ୍ଲୀ ଅବକାରୀ ନୀତିରେ ଅର୍ଥ ହେରଫେର ମାମଲା। ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଆଜି ସରୁଛି ୪ ଦିନର ରିମାଣ୍ଡ ଅବଧି। ଆଜି କେଜରିୱାଲଙ୍କୁ ଦିଲ୍ଲୀର ରାଉଜ୍ ଏଭେନ୍ୟୁ କୋର୍ଟରେ ହାଜର କରିବ ଇଡି। ଦିଲ୍ଲୀ ମଦ ନୀତି ଦୁର୍ନୀତି ମାମଲାରେ କେଜରିୱାଲଙ୍କୁ ୪ ଦିନ ପାଇଁ ଦ୍ଵିତୀୟ ଥର ଲାଗି ରିମାଣ୍ଡରେ ନେଇଥିଲା ଇଡି। ତଦନ୍ତ ପ୍ରକ୍ରିୟା ସମ୍ପନ୍ନ ହୋଇନଥିବାରୁ ପୁଣିଥରେ ୭ ଦିନିଆ ରିମାଣ୍ଡ ଦାବି କରିଥିଲା ଇଡି। ଇଡିର ଦାବିକୁ ନେଇ ଗତ ଗୁରୁବାର ଦିନ ୪ ଦିନ ରିମାଣ୍ଡ ପ୍ରଦାନ କରିଥିଲେ ଦିଲ୍ଲୀର ରାଉଜ ଏଭେନ୍ଯୁ କୋର୍ଟ। ଜେରାବେଳେ କେଜରିୱାଲଙ୍କ ବୟାନ ରେକର୍ଡ କରାଯାଇଥିବା ନେଇ ଇଡି ପକ୍ଷରୁ ସୂଚନା ଦିଆଯାଥିଲା। ମାମଲାରେ ଗୋଆର କିଛି ନେତାଙ୍କ ସହ କେଜରିୱାଲଙ୍କୁ ସାମନା ସାମନି ଜେରା କରିବାକୁ ଚାହୁଁଥିବା କହିଥିଲା ପ୍ରବର୍ତ୍ତନ ନିର୍ଦ୍ଦେଶାଳୟ। ଗତ ୨୧ ତାରିଖରେ ଗିରଫ ହୋଇଥିଲେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ। ଆମ ଆଦମୀ ପାର୍ଟିକୁ ବଦନାମ କରିବା ସହ ଏହାକୁ ଧ୍ଵଂସ କରିବାକୁ ଚାହୁଁଛନ୍ତି ବୋଲି ଅଭିଯୋଗ କରିଥିଲେ କେଜରିୱାଲ। ଦିଲ୍ଲୀ ଅବକାରୀ ନୀତି ମାମଲାରେ କେଜରିୱାଲଙ୍କ ବିରୋଧରେ ୪ ଜଣ ସାକ୍ଷ ପ୍ରଦାନ କରିଛନ୍ତି। ଜଣେ ମୁଖ୍ୟମନ୍ତ୍ରୀଙ୍କୁ ଗିରଫ କରିବାକୁ କଣ ୪ ଜଣଙ୍କ ସାକ୍ଷ ପର୍ଯ୍ୟାପ୍ତ ବୋଲି ବିଚାରପତିଙ୍କୁ ପଚାରିଥିଲେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ। ମାମଲାରେ ଏବେଯାଏ ଆମ ଆଦମୀ ପାର୍ଟିର କେଜରିୱାଲଙ୍କ ସହ ୪ ମନ୍ତ୍ରୀଙ୍କୁ ଗିରଫ କରିଛି ଇଡି। ନିକଟରେ ଦିଲ୍ଲୀ ପରିବହନ ମନ୍ତ୍ରୀ କୈଳାଶ ଗେହଲଟଙ୍କୁ ମାରାଥନ ଜେରା କରିଥିଲା ଇଡି ।
୧୯ ବର୍ଷର ସ୍କୃତିକୁ ତାଜା କଲେ ଧୋନୀ
ନନ୍ଦିଘୋଷ ବ୍ୟୁରୋ: ଧୋନୀ । ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ । ତାଙ୍କର ଗୋଟିଏ ଝଲକ ପାଇବା ପାଇଁ ପ୍ରଶଂସକମାନେ ଚାହିଁ ବସିଥାନ୍ତି । ଧୋନୀଙ୍କ ବଡ଼ ବଡ଼ ସଟକୁ ଆଜି ମଧ୍ୟ ଫ୍ୟାନ୍ସମାନେ ମନେ ପକାଇଥାନ୍ତି । ତେବେ ୨୦୨୩ ଆଇପିଏଲ ଫାଇନାଲରେ ଧୋନୀ ବିଫଳ ହୋଇଥିଲେ । ମାତ୍ର ଚଳିତ ଆଇପିଏଲ ସିଜିନରେ ନିଜର ତୃତୀୟ ମ୍ୟାଚରେ ବ୍ୟାଟିଂ ପାଇଁ ମଇଦାନକୁ ଆସିଥିବା ଧୋନୀ ବଡ଼ ବଡ଼ ସଟ୍ ଖେଳି ଫ୍ୟାନ୍ସଙ୍କୁ ଖୁସି କରାଇ ଦେଇଛନ୍ତି । ଯଦିଓ ରବିବାର ଚେନ୍ନାଇ ଦିଲ୍ଲୀଠାରୁ ୨୦ ରନରେ ପରାସ୍ତ ହୋଇଛି ତଥାପି ଧେନୀଙ୍କ ପାଳି ପ୍ରଶଂସକଙ୍କ ମନମୋହି ନେଇଥିଲା । ୧୬ ବଲରୁ ୩୭ ରନର ପାଳି ଖେଳିଥିଲେ ଧୋନୀ । ଦୀର୍ଘ ୧୯ ବର୍ଷର ସ୍ମୃତିକୁ ମନେ ପକାଇ ଦେଇଥିଲେ ମାହି । ସେହି ଲମ୍ବା କେଶ, ବଡ଼ ବଡ଼ ଛକା । ଗ୍ୟାଲେରୀରୁ ଧୋନୀ ଧୋନୀ ଡାକ । ଧୋନୀ ଆନ୍ତର୍ଜାତୀୟ କ୍ରିକେଟ ଆରମ୍ଭ ସମୟରେ ଯେଭଳି ଲାଗୁଥିଲେ ଏବେ ମଧ୍ୟ ସମାନ ଲାଗୁଛନ୍ତି । ତେବେ ରବିବାର ଦିଲ୍ଲୀ ବିପକ୍ଷ ମ୍ୟାଚରେ ଧୋନୀ ଯେଭଳି ଛକା ଚୌକା ମାରୁଥିଲେ କୌଣସି ଯୁବ ଖେଳାଳିଙ୍କଠାରୁ ମଧ୍ୟ କମ ନୁହଁନ୍ତି ।
The moment we've all been waiting for 🥹💛#Dhoni #ThalaDharisanam #IPLonJioCinema #TATAIPL #DCvCSK pic.twitter.com/HYlcWz7Tqc
— JioHotstar Reality (@HotstarReality) March 31, 2024
Vintage Dhoni 👌#TATAIPL fans were treated to some strong hitting by MS Dhoni
Watch the match LIVE on @JioCinema and @StarSportsIndia 💻📱#DCvCSK | @ChennaiIPL pic.twitter.com/eF4JsOwmsa
— IndianPremierLeague (@IPL) March 31, 2024
ୟୁଟ୍ୟୁବ ଦେଖାଇଲା ରୋଜଗାର ନୂଆ ପନ୍ଥା
ଧର୍ମଗଡ଼: ଅଖ୍ୟାତ ପଲ୍ଲୀରେ ବିଖ୍ୟାତ ଚାଷ । ୟୁଟ୍ୟୁବ ଦେଖାଇଲା ରୋଜଗାର ନୂଆ ପନ୍ଥା । କଳାହାଣ୍ଡି ଜିଲ୍ଲାରେ ଫଳିଛି ବିଦେଶୀ ଫଳ ଗ୍ରୀନ ସେଓ । ଗ୍ରୀନ ସେଓ ଚାଷ କରି ଚର୍ଚ୍ଚାରେ କଳାହାଣ୍ଡି ଜିଲ୍ଲା ଧର୍ମଗଡ ବ୍ଲକ କଦଳୀମୁଣ୍ଡା ଗାଁର ଯୁବ ଚାଷୀ କାଳେଶ୍ଵର କାଣ୍ଡ। ଚାଷ କରି ହୋଇପାରିଛନ୍ତି ରୋଜଗାରକ୍ଷମ । ଅନ୍ଯମାନଙ୍କ ପାଇଁ ପାଲଟିଛନ୍ତି ଉଦାହରଣ ।
ଓଡିଶା ମାଟିରେ ବିଦେଶୀ ଫଳ । ୟୁଟ୍ଯୁବ ଦେଖାଇଲା ରୋଜଗାରର ନୂଆ ପନ୍ଥା । ଗ୍ରୀନ ସେଓ ଚାଷ କରି ଚର୍ଚ୍ଚାରେ କଳାହାଣ୍ଡି ଜିଲ୍ଲା ଧର୍ମଗଡ ବ୍ଲକ କଦଳୀମୁଣ୍ଡା ଗାଁର କାଳେଶ୍ଵର କାଣ୍ଡ । ପ୍ରଥମେ ହିମାଚଳ କୁଚିଣ୍ଡାର ଚାଷୀଙ୍କ ଠାରୁ ବୁଝିଥିଲେ ସେଓ ଚାଷ ବିଷୟରେ । ପରେ ହିମାଚଳରୁ ୧୫୦ଟି ଚାରା ୩୫୦ ଟଙ୍କାରେ ଆଣି ଆରମ୍ଭ କରିଥିଲେ ଚାଷ । । ବର୍ତ୍ତମାନ ବର୍ଷକୁ ୨୦ କୁଇଣ୍ଟାଲ ସେଓ କରୁଛନ୍ତି ଅମଳ । କାଳେଶ୍ଵରଙ୍କୁ ଚାଷ କାର୍ଯ୍ଯରେ ତାଙ୍କ ସ୍ତ୍ରୀ କରୁଛନ୍ତି ସହଯୋଗ ।
ଗାଁରେ ଗ୍ରୀନ ସେଓ ଚାଷ ହେଉଥିବାରୁ ଚାଷ ଦେଖିବାପାଇଁ ଦୂରଦୂରାନ୍ତରୁ ଲୋକଙ୍କ ସୁଅ ଛୁଟୁଛି । ତେବେ ସେଓ ଚାଷ ଭଲ ହେଇଥିବାରୁ ଆଗକୁ ୧୦୦ରୁ ଅଧିକ କ୍ଵିଣ୍ଟାଲ ସେଓ ଅମଳ କରିବାକୁ ଲକ୍ଷ୍ଯ ରଖିଛନ୍ତି ଯୁବଚାଷୀ । ଏଥି ସହିତ ଏବେ ଚାରା ଉତ୍ପାଦନ କରି ପଡୋଶୀ ରାଜ୍ଯ ଛତିଶଗଡ଼କୁ ଯୋଗାଉଛନ୍ତି ;ଚାରା । ଅଧିକ ଚାଷ ନିମନ୍ତେ କୃଷି ଓ ଉଦ୍ଯାନ କୃଷି ବିଭାଗର ସହାୟତା ଲୋଡିଛନ୍ତି କାଳେଶ୍ଵର ।
ଆଜିଠୁ ସାରା ରାଜ୍ଯରେ ବଢିବ ତାପମାତ୍ରା
ଭୁବନେଶ୍ବର: ଆଜିଠୁ ଅର୍ଥାତ ବୁଧବାରଠାରୁ ଆହୁରି ଜଳିବ ଓଡ଼ିଶା । ସାରା ରାଜ୍ଯରେ ବଢିବ ତାପମାତ୍ରା । ପଶ୍ଚିମ ଓ ଆଭ୍ଯନ୍ତରୀଣ ଓଡ଼ିଶାରେ ୪୦ ପାର୍ କରିପାରେ ତାତି । ବିଶେଷ କରି ସୋନପୁର, ବଲାଙ୍ଗିର, ବୌଦ୍ଧ, ସମ୍ବଲପୁର, ବରଗଡ, କଳାହାଣ୍ଡି, ନବରଙ୍ଗପୁର, ମାଲକାନଗିରି, ନୟାଗଡ, ଖୋର୍ଦ୍ଧା ଏବଂ ଗଜପତିରେ ଖରା ୪୦ ଡିଗ୍ରୀ ବା ତାଠୁ ଅଧିକ ରହିପାରେ। ଏଥିପାଇଁ ସତର୍କତା ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଅନ୍ଯପଟେ ଦିନ ସହ ଅସମ୍ଭାଳ କରିବ ରାତିର ତାତି। ୩ ଦିନ ପାଇଁ ଆଭ୍ଯନ୍ତରୀଣ ଓଡିଶାର ୯ ଜିଲ୍ଲାକୁ ୟେଲୋ ଆଲର୍ଟ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର। କାଲିଠୁ ୪ ତାରିଖ ପର୍ଯ୍ୟନ୍ତ ଆଭ୍ୟନ୍ତରୀଣ ଓଡ଼ିଶାରେ ଅଧିକ ଖରା ନେଇ ଆଲର୍ଟ ଜାରି କରାଯାଇଛି । ଦିନର ତାପମାତ୍ରା ୪୦ ଡିଗ୍ରୀ କିମ୍ବା ତାଠାରୁ ଅଧିକ ରେକର୍ଡ ହେବା ସହ ରାତ୍ରୀର ତାପମାତ୍ରା ବି ସ୍ବାଭାବିକ ଠାରୁ ୫ ରୁ ୬ ଡିଗ୍ରୀ ଉପରେ ରହିବ। ଫଳରେ ସୃଷ୍ଟି ହେବ ଅସମ୍ଭାଳ ସ୍ଥିତି। ଘୂର୍ଣ୍ଣିବଳୟ ଏବଂ ନିମ୍ନ ଚାପରେଖା ପ୍ରଭାବରେ ଗତକାଲି ଅଧିକାଂଶ ସହରରେ ହାଲୁକା ବର୍ଷା ହୋଇଥିଲା । ୬ ଏବଂ ୭ ତାରିଖ ବେଳକୁ ପୁଣି ପଶ୍ଚିମା ଝଡ ପ୍ରଭାବରେ ରାଜ୍ୟର ଉତ୍ତର ଆଭ୍ୟନ୍ତରୀଣ ଓଡ଼ିଶାରେ ହାଲୁକା ବର୍ଷା ସହ କିଛି ସ୍ଥାନରେ ଘଡଘଡି ବିଜୁଳି ସହ ବର୍ଷା ନେଇ ଆକଳନ କରାଯାଇଛି।
ଆଜିଠୁ ବଦଳିବାକୁ ଯାଉଛି ଏହିସବୁ ନିୟମ
ନନ୍ଦିଘୋଷ ବ୍ୟୁରୋ: ଆଜିଠୁ ଅର୍ଥାତ ଏପ୍ରିଲ ୧ରୁ ଆରମ୍ଭ ହେଉଛି ନୂଆ ଆର୍ଥିକ ବର୍ଷ । ୨୦୨୪-୨୫ ଆର୍ଥିକ ବର୍ଷରେ ବଦଳିଯାଉଛି ଅନେକ ନିୟମ । ପାନକୁ ଆଧାର କାର୍ଡ ସହିତ ସଂଯୋଗ କରିବାର ସମୟସୀମା ଶେଷ ହୋଇଛି । ଗତକାଲି ସୁଦ୍ଧା ପାନ-ଆଧାର ଲିଙ୍କ କରିନଥିବା ପାନ୍ ନମ୍ବର ବାତିଲ୍ ହେବ। ସମ୍ପୃକ୍ତ ବ୍ୟକ୍ତି ବ୍ୟାଙ୍କ ଆକାଉଣ୍ଟ ଖୋଲିବାକୁ କିମ୍ବା କୌଣସି ପ୍ରମୁଖ କାରବାର କରିପାରିବେ ନାହିଁ । ପାନ୍ କାର୍ଡ ସକ୍ରିୟ କରିବା ପାଇଁ ହଜାରେ ଟଙ୍କା ଜୋରିମାନା ମଧ୍ୟ ଦେବାକୁ ପଡିବ। ଏନପିଏସ୍ ଅର୍ଥାତ୍ ଜାତୀୟ ପେନସନ ସିଷ୍ଟମରେ ଏକ ପରିବର୍ତ୍ତନ ହେବାକୁ ଯାଉଛି । ନୂତନ ନିୟମ ଅନୁଯାୟୀ, ଏନପିଏସ୍ ଆକାଉଣ୍ଟରେ ଲଗଇନ୍ କରିବାକୁ ଗ୍ରାହକଙ୍କୁ ଆଧାର ଯାଞ୍ଚ ଏବଂ ମୋବାଇଲରେ ଗ୍ରହଣ କରାଯାଇଥିବା ଓଟିପି ମାଧ୍ୟମରେ ଲଗଇନ୍ କରିବାକୁ ପଡିବ । ଏସବିଆଇ କ୍ରେଡିଟ୍ କାର୍ଡ ବ୍ୟବହାର କରୁଥିବା ଗ୍ରାହକ ଯଦି ଏପ୍ରିଲ ୧ ପରେ ରେଣ୍ଟ୍ ପ୍ରଦାନ କଲେ ତାଙ୍କୁ ଆଉ ରିୱାର୍ଡ ପଏଣ୍ଟ ମିଳିବ ନାହିଁ ।
ଏହି ପରିବର୍ତ୍ତନ ଆଜିଠୁ କିଛି କ୍ରେଡିଟ୍ କାର୍ଡରେ ଏବଂ ଅନ୍ୟମାନଙ୍କ ପାଇଁ ଏପ୍ରିଲ୍ ୧୫ ରୁ ଲାଗୁ ହେବ । ଅନ୍ଯପଟେ ଏପର୍ଯ୍ୟନ୍ତ ଟିକସ ଦାଖଲ ପଦ୍ଧତି ଚୟନ କରି ନ ଥିବା ଗ୍ରାହକଙ୍କୁ ସ୍ୱୟଂଚାଳିତ ଭାବରେ ନୂତନ ଟିକସ ବ୍ୟବସ୍ଥାରେ ଟିକସ ଦାଖଲ କରିବାକୁ ପଡିବ। ନୂତନ ଟିକସ ବ୍ୟବସ୍ଥା ଅନୁଯାୟୀ ୭ ଲକ୍ଷ ଟଙ୍କା ପର୍ଯ୍ୟନ୍ତ ଟିକସ ଯୋଗ୍ୟ ବେତନ ଥିବା ଲୋକଙ୍କୁ କୌଣସି ଆୟକର ଦେବାକୁ ପଡିବ ନାହିଁ। ଅନ୍ଯପଟେ ଯଦି ଜଣେ ନିଜର ଚାକିରି ବଦଳାଇବେ ତେବେ ତାଙ୍କର ପୁରୁଣା ଇପିଏଫଓ ଅଟୋ ମୋଡରେ ସ୍ଥାନାନ୍ତରିତ ହେବ । ଏହାର ଅର୍ଥ ହେଉଛି ବର୍ତ୍ତମାନ ଚାକିରି ପରିବର୍ତ୍ତନ ଉପରେ ଗ୍ରାହକଙ୍କୁ ଇପିଏଫଓ ରାଶି ସ୍ଥାନାନ୍ତର ପାଇଁ ଅନୁରୋଧ କରିବାକୁ ପଡିବ ନାହିଁ | ଏହାଛଡ଼ା ଯଦି ଗ୍ରାହକ ବ୍ୟାଙ୍କରୁ ତାଙ୍କର କାରର ଫାଷ୍ଟାଗର କେୱାଇସି ଅପଡେଟ୍ କରିନାହାନ୍ତି, ତେବେ ଆଜିଠୁ ସମସ୍ୟାର ସମ୍ମୁଖୀନ ହୋଇପାରନ୍ତି । କାରଣ ବିନା କେୱାଇସି ଫାଷ୍ଟାଗ୍ ବ୍ୟାଙ୍କ ଦ୍ୱାରା ନିଷ୍କ୍ରିୟ କିମ୍ବା କଳା ତାଲିକାଭୁକ୍ତ ହେବ ।
ସାକାର ହୋଇଛି ଆଧୁନିକ ଓଡ଼ିଶାର ବିନ୍ଧାଣିଙ୍କ ସ୍ବପ୍ନ
ନନ୍ଦିଘୋଷ ବ୍ୟୁରୋ: ବିକାଶର ନୂଆ ଶିଖରରେ ଓଡ଼ିଶା । ଆଧୁନିକ ଓଡ଼ିଶା ବିନ୍ଧାଣି ଯେଉଁମାନେ ଏଇ ରାଜ୍ୟକୁ ବିକଶିତ କରିବା ନେଇ ସ୍ବପ୍ନ ଦେଖିଥିଲେ ତାହା ଆଜି ପୂରଣ ହୋଇଛି । ଆଗାମୀ ୧୦ ବର୍ଷ ଯୁବକଙ୍କ ଲାଗି ନୂଆ ସମ୍ଭାବନାର ବର୍ଷ ହେବାକୁ ଯାଉଛି। ଭାଷାକୁ ନେଇ ପ୍ରଥମ ରାଜ୍ୟର ପରିଚୟ ପାଇଥିବା ଓଡ଼ିଶାରେ ଏବେ କିଛିଟା ପ୍ରଚଣ୍ଡ ଜାତୀୟବୋଧର ଅଭାବ ପରିଲକ୍ଷିତ ହେଉଛି ବୋଲି ଅଭିଯୋଗ ହେଉଛି।
୮୮ ବର୍ଷର ଯାତ୍ରା। ସାକାର ହୋଇଛି ଆଧୁନିକ ଓଡ଼ିଶାର ବିନ୍ଧାଣିଙ୍କ ସ୍ବପ୍ନ। ସବୁଠି ଆଜି ପ୍ରାଚୁର୍ଯ୍ୟର ସମ୍ଭାର। ଅନୁନ୍ନତରୁ ଉନ୍ନତ। ବିକାଶଶୀଳରୁ ବିକଶିତ। ଏ ହେଉଛି ମୋ’ ଓଡ଼ିଶା। ଭାଷା ଭିତ୍ତିରେ ପ୍ରଥମ ରାଜ୍ୟ ଭାବେ ଜନ୍ମ ନେଇଥିବା ଓଡ଼ିଶା ଆଜି ବିକାଶର ନୂଆ ଦିଗନ୍ତ ଛୁଇଁଛି।ଏବେ ଲକ୍ଷ୍ୟ ୨୦୩୬। ଆଗାମୀ ୧୦ ବର୍ଷ ହେବ ଯୁବ ବର୍ଗର। ସଂକଳ୍ପ ନେଇଛି ଏ ଜାତି। ଆଧୁନିକ, ସଶକ୍ତ ଓଡ଼ିଶାର ବିନ୍ଧାଣୀ ହେବେ ଯୁବବର୍ଗ। ରାଜ୍ୟର ସମସ୍ତ ମହିଳାଙ୍କୁ ଆତ୍ମନିର୍ଭର କରିବା ପାଇଁ ବିକଶିତ ହୋଇଛି ବଳିଷ୍ଠ ଭିତ୍ତିଭୂମି। ଦିନେ ଏଇ ମାଟିର ସନ୍ତାନ କୁଳବୃଦ୍ଧ ମଧୁବାବୁଙ୍କ ଆହ୍ବାନ ଥିଲା.. ଜାତି ପ୍ରେମ ବହ୍ନି, ପ୍ରଜ୍ବଳିତ କର, ସ୍ବାର୍ଥକୁ ଦିଅ ଆହୁତି, ସ୍ବାର୍ଥ ମେଧ ଯଜ୍ଞ, ଚାରିଆଡ଼େ ନାଚ, ଛାତିକି ମିଶାଇ ଛାତି । ସେ ଆହ୍ବାନ ଆଜି ସଫଳତାର ରୂପ ନେଇଛି। କୋରାପୁଟରୁ କେନ୍ଦ୍ରାପଡ଼ା, ମୟୂରଭଞ୍ଜରୁ ମାଲକାନଗିରି ସବୁଠି ପ୍ରଗତିର ପଦଚିହ୍ନ । ପଲ୍କୀରେ ଥିବା ଗାଁ ଲୋକଟିଏ ବି ଓଡ଼ିଶାକୁ ନେଇ ଗର୍ବ ଅନୁଭବ କରୁଛି । ଭାଷା ଯାହାର ପରିଚୟ । ସେଠି ଆଜି ଗଢିଉଠିଛି ସ୍ବତନ୍ତ୍ର ବିଶ୍ବବିଦ୍ୟାଳୟ। ଓଡ଼ିଆ ଭାଷାକୁ ମିଳିଛି ଶାସ୍ତ୍ରୀୟ ମାନ୍ୟତା। ବିଶ୍ବ ଓଡ଼ିଆ ଭାଷା ସମ୍ମିଳନୀ ଓଡ଼ିଆ ଭାଷାକୁ ଅନ୍ତରାଷ୍ଟ୍ରୀୟ ସ୍ତରରେ ଦେଇଛି ପରିଚୟ। ଓଡ଼ିଆ ଭାଷାକୁ ସରକାରୀ ଭାଷା ଭାବେ ବ୍ୟବହାର କରିବାକୁ ରାଜ୍ୟ ସରକାର ନେଇଛନ୍ତି ଅନେକ ପଦକ୍ଷେପ । ଓଡ଼ିଆରେ ନାମଫଳକ ନ ଲଗାଇଲେ ୨୫ ହଜାର ଟଙ୍କା ଜରିମାନା ବ୍ୟବସ୍ଥା ହୋଇଛି। ବିଗତ ବର୍ଷରେ ସରକାରୀ ସ୍ତରରେ ଏସବୁ ପଦକ୍ଷେପ ଓଡ଼ିଆ ଭାଷା, ସାହିତ୍ୟ, ସଂସ୍କୃତିକୁ ପ୍ରଚାର ପ୍ରସାର କରିବାରେ ସହାୟକ ହୋଇଛି।
ଦୁର୍ବିପାକକୁ ସୁଯୋଗରେ ପରିଣତ କରିପାରିଛି ଓଡ଼ିଶା। ଖଣିଜ ସମ୍ପଦର ସୁବିନିଯୋଗ ଯୋଗୁ ରାଜ୍ୟରେ ଶିଳ୍ପାୟନ ପାଇଁ ଛୁଟିଛି ପୁଞ୍ଜିର ସୁଅ। କ୍ରୀଡ଼ା କ୍ଷେତ୍ରରେ ଓଡ଼ିଶା ପାଇଛି ସଫଳତାର ଶୀର୍ଷ। ଗାଁରେ ପହଞ୍ଚିଛି ସହରୀ ସୁବିଧା । ନାରୀ ସଶକ୍ତିକରଣରେ ଓଡ଼ିଶା ଦେଶରେ ଅଗ୍ରଣୀ । ଓଡ଼ିଶାର ନାରୀ ଆଜି ଦେଶର ସର୍ବୋଚ୍ଚ ଆସନରେ। ଆରବିଆଇର ଗଭର୍ଣ୍ଣରଙ୍କଠୁ ଆରମ୍ଭ କରି ବିଭିନ୍ନ କ୍ଷେତ୍ରରେ ଓଡ଼ିଆ ଆଜି ଜାତୀୟ ଓ ଅନ୍ତର୍ଜାତୀୟ ସ୍ତରରେ ସୁନାମ ଅର୍ଜନ କରିପାରିଛନ୍ତି। ଭାଇଚାରା, ସାମ୍ପ୍ରଦାୟିକ ସଦଭାବନାର ପ୍ରୟୋଗଶାଳା ପାଲଟିଛି ଓଡ଼ିଶା। ବିଗତ ଦଶନ୍ଧିରେ ଶିକ୍ଷା, ସ୍ବାସ୍ଥ୍ୟ, ଗମନାଗମନ କ୍ଷେତ୍ରରେ ଓଡ଼ିଶାର ଅଗ୍ରଗତି ଅନ୍ୟ ରାଜ୍ୟ ପାଲଟିଛି ଉଦାହରଣ। ସରକାରୀ ଚାକିରି ପଛରେ ନ ଗୋଡ଼ାଇ କିପରି ନିଜେ ଉଦ୍ୟୋଗୀ ହେବେ ସେ ନେଇ ସ୍ବପ୍ନ ଦେଖୁଛନ୍ତି ଓଡ଼ିଆ ଛାତ୍ରଛାତ୍ରୀ।