ଢେଙ୍କାନାଳ: ପରଜଙ୍ଗ ନିର୍ବାଚନମଣ୍ଡଳୀରେ ବିଜେଡିର ମିଶ୍ରଣ ପର୍ବ। ବିଜେପି ଛାଡ଼ି ବିଜେଡିରେ ସାମିଲ ହେଲେ ଶତାଧିକ ଆଦିବାସୀ ପୁରୁଷ ଓ ମହିଳା। ପରଜଙ୍ଗ ନିର୍ବାଚନମଣ୍ଡଳୀ କଙ୍କଡାହାଡ଼ ବ୍ଲକ ବାଲିକୁମା ପଞ୍ଚାୟତ ହାତୀବାରି ଠାରେ ବିଜେଡିର ନିର୍ବାଚନୀ ସଭା ଅନୁଷ୍ଠିତ ହୋଇଯାଇଛି l ମୁଖ୍ୟମନ୍ତ୍ରୀ ସ୍ୱତନ୍ତ୍ର ଉନ୍ନୟନ ପରିଷଦ ଗଠନ କରି ଆଦିବାସୀ ମାନଙ୍କ ଜୀବନଶୈଳୀ ରେ ପରିବର୍ତ୍ତନ ଆଣିବା ସହ ସେମାନଂକୁ ସମାଜ ର ମୁଖ୍ୟ ସ୍ରୋତ ରେ ସାମିଲ କରିଛନ୍ତି l ମୁଖ୍ୟମନ୍ତ୍ରୀଙ୍କ ଉନ୍ନତିମୂଳକ କାର୍ଯ୍ୟଶୈଳୀ ରେ ଅନୁପ୍ରାଣିତ ହୋଇ ଶହେ ରୁ ଉର୍ଦ୍ଧ ଆଦିବାସୀ ପୁରୁଷ ଓ ମହିଳା ବିଜେଡି ରେ ଯୋଗ ଦେଇଛନ୍ତି l ସ୍ଥାନୀୟ ବିଧାୟକ ଡ଼ ନୃସିଂହ ସାହୁଙ୍କ ଉପସ୍ଥିତିରେ ଦଳରେ ସାମିଲ ହୋଇଛନ୍ତି।
ତାତିରୁ ମିଳିବ ସାମାନ୍ୟ ଆଶ୍ବସ୍ତି
ଭୁବନେଶ୍ବର: ତାତିରୁ ମିଳିଲା ତ୍ରାହୀ। ପଶ୍ଚିମାଝଡ଼ ସହ ନିମ୍ନଚାପ ରେଖା ପ୍ରଭାବରେ ସାରା ରାଜ୍ୟରେ ବଦଳିଛି ପାଗ। ଉତ୍ତର ଓ ଆଭ୍ୟନ୍ତରୀଣ ଓଡ଼ିଶା ସମେତ ଉପକୂଳ ଓଡ଼ିଶାର ଅଧିକାଂଶ ଜିଲ୍ଲାରେ ଆକାଶ ମେଘାଚ୍ଛନ୍ନ ରହିବା ସହ ମୟୂରଭଞ୍ଜ, କେନ୍ଦୁଝର, ବାଲେଶ୍ବର ଜିଲ୍ଲାରେ ଘଡଘଡି ବିଜୁଳି ସହ ବର୍ଷା ହୋଇଛି। ପଶ୍ଚିମାଝଡ଼ ପ୍ରଭାବରେ ତାପମାତ୍ରା ୨ରୁ ୩ ଡିଗ୍ରୀ ପର୍ଯ୍ୟନ୍ତ ହ୍ରାସ ପାଇଛି। ଆଗାମୀ ୨ରୁ ୩ ଦିନ ପର୍ଯ୍ୟନ୍ତ କାଳବୈଶାଖୀ ଜନିତି ବର୍ଷା ଲାଗି ରହିବ ବୋଲି ପୂର୍ବାନୁମାନ କରିଛି ପାଣିପାଗ କେନ୍ଦ୍ର। ପ୍ରଚଣ୍ଡ ବଜ୍ରପାତ ସହିତ କୁଆପଥର ବୃଷ୍ଟି ନେଇ ୫ ଜିଲ୍ଲା କଟକ, ଯାଜପୁର, ଅନୁଗୁଳ, ଢେଙ୍କାନାଳ ଓ କେନ୍ଦୁଝରକୁ ଅରେଞ୍ଜ ଆଲର୍ଟ ଜାରି କରାଯାଇଛି। ସେହିପରି ମୟୂରଭଞ୍ଜ, ଦେବଗଡ଼, ବୌଦ୍ଧ, ନୟାଗଡ଼ ଓ ଖୋର୍ଦ୍ଧା ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି। ଆସନ୍ତାକାଲି ବର୍ଷାର ପରିମାଣ ଓ ବିସ୍ତୃତି ବଢ଼ିବ ବୋଲି ଆକଳନ କରାଯାଇଛି। ଆଜି ସକାଳ ସାଢ଼େ ୮ଟାରୁ ସୁଦ୍ଧ ରାଜଧାନୀ ଭୁବନେଶ୍ବରରେ ତାପମାତ୍ରା ୩୧.୪ ଡିଗ୍ରୀ ସହିତ ଆର୍ଦ୍ରତା ୮୧ ଦଶମିକ ରେକର୍ଡ କରାଯାଇଛି।
ପତ୍ନୀକୁ ହତ୍ୟା କରିବା ପରେ ୨୨୪ ଖଣ୍ଡ କଲା ପତି
ଲଣ୍ଡନ: ବ୍ରିଟେନରେ ଲୋମହର୍ଷକ ହତ୍ଯାକାଣ୍ଡ । ପତ୍ନୀଙ୍କୁ ଛୁରୀ ଭୁସି ହତ୍ଯା କରିବା ପରେ ଶରୀରକୁ ୨୨୪ ଖଣ୍ଡ କଲା ସ୍ବାମୀ । କେବଳ ଏତିକି ନୁହେଁ ଶରୀର ଖଣ୍ଡକୁ ପ୍ଲାଷ୍ଟିକ ବ୍ଯାଗରେ ଭର୍ତ୍ତି କରି ନଦୀରେ ଭସାଇ ଦେଇଛି । ଅଭିଯୁକ୍ତ ହତ୍ଯା କରିଥିବା ସ୍ବୀକାର କରିଥିଲେ ବି କାହିଁକି ଏମିତି କାଣ୍ଡ ଭିଆଇଲା ସୂଚନା ଦେଇନି । ମାମଲାର ବିଚାର ଆସନ୍ତାକାଲି ହେବ ।
ଗତ ମାର୍ଚ୍ଚ ୨୫ ତାରିଖରେ ୨୬ ବର୍ଷ ବୟସ୍କା ହୋଲି ବ୍ରାମଲେଙ୍କ ଶରୀରର କିଛି ଅଂଶ ବାସିନଘମସ୍ଥିତ ୱିଥାମ ନଦୀରୁ ଉଦ୍ଧାର କାରଯାଇଥିଲା । କିଛି ଦିନ ଧରି ସେ ନିଖୋଜ ଥିବା ଅଭିଯୋଗ ହୋଇଥିଲା । ଲିଙ୍କନସାୟାର ପୋଲିସ କହିଛି, ୨୮ ବର୍ଷ ବୟସ୍କ ନିକୋଲାସ ମେଟସନଙ୍କୁ ଏହି ମାମଲାରେ ଗିରଫ କରାଯାଇଛି । ଶବକୁ ନଦୀରେ ଫୋପାଡିବା ଘଟଣାରେ ଜୋସୁଆ ହାନକକ ନାମକ ଆଉ ଜଣେ ଅଭିଯୁକ୍ତକୁ ଗିରଫ କରାଯାଇଛି । ପୂର୍ବରୁ ବି ଅଭିଯୁକ୍ତ ମେଟସନ ୨୦୧୩, ୨୦୧୬ ଓ ୨୦୧୭ରେ ପୂର୍ବତନ ପାର୍ଟନରମାନଙ୍କୁ ନିର୍ଯାତନା ଦେବା ଅଭିଯୋଗରେ ଦୋଷୀ ସାବ୍ଯସ୍ତ ହୋଇଥିଲେ । ୨୦୨୧ରେ ହୋଲି ବ୍ରାମଲେଙ୍କୁ ମେଟସନ ବିବାହ କରିଥିଲେ । ତେବେ କିଛି ଦିନ ଧରି ଦୁହିଁଙ୍କ ମଧ୍ଯରେ ସମ୍ପର୍କ ଭଲ ନଥିଲା ।
ମାଇକ୍ରୋସଫ୍ଟର ଚେତାବନୀ: AI ଜରିଆରେ ନିର୍ବାଚନ ପ୍ରଭାବିତ କରିବାକୁ ଚୀନ କରୁଛି ଉଦ୍ୟମ
ନୂଆଦିଲ୍ଲୀ: ଭାରତ, ଆମେରିକା ଓ ସାଉଥ କୋରିଆ ସାଧାରଣ ନିର୍ବାଚନକୁ ନେଇ ମାଇକ୍ରୋସଫ୍ଟର ଚେତାବନୀ । ଆର୍ଟିଫିସିଆଲ ଇଣ୍ଟେଲିଜେନ୍ସ ଜରିଆରେ ନିର୍ବାଚନ ପ୍ରଭାବିତ କରିବା ଲାଗି ଚୀନ ଉଦ୍ୟମ କରୁଥିବା କହିଲା ମାଇକ୍ରୋସଫ୍ଟ । ତାଇୱାନ ରାଷ୍ଟ୍ରପତି ନିର୍ବାଚନରେ ବି ଚୀନ ନିର୍ବାଚନକୁ ପ୍ରଭାବିତ କରିବା ଲାଗି ଏଆଇର ବ୍ୟବହାର ପରୀକ୍ଷାମୂଳକ ଭାବେ ସମ୍ପନ୍ନ କରିଥିବା ସୂଚନା ମିଳିଥିଲା । ନିର୍ବାଚନକୁ ପ୍ରଭାବିତ କରିବା ଲାଗି ଏଥିରେ ଉଦ୍ଯମ କରାଯାଇଥିବା ଜଣାପଡିଥିଲା ।
ଗତମାସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ସାକ୍ଷାତକାର ବେଳେ ମାଇକ୍ରୋସଫ୍ଟର ସହ ପ୍ରତିଷ୍ଠାତା ବିଲ ଗେଟ୍ସ ଏଆଇ ସମ୍ପର୍କରେ ଆଲୋଚନା କରିବା ସହ ଏହାର ସାମାଜିକ ଉପଯୋଗ, ମହିଳା ସମ୍ପର୍କିତ ବିକାଶ, ଆଧୁନିକ ସ୍ବାସ୍ଥ୍ଯସେବା ଓ କୃଷିରେ ଏଆଇର ବ୍ଯବହାର ସମ୍ପର୍କରେ ଆଲୋଚନା କରିଥିଲେ । ଚଳିତବର୍ଷ ବିଶ୍ବର ପ୍ରାୟ ୬୪ଟି ରାଷ୍ଟ୍ରରେ ସାଧାରଣ ନିର୍ବାଚନ ହେବାକୁ ଯାଉଛି । ଅର୍ଥାତ ବିଶ୍ବ ଜନସଂଖ୍ଯାର ପ୍ରାୟ ୪୯ ପ୍ରତିଶତ ଲୋକ ଏହି ନିର୍ବାଚନରେ ସାମିଲ ହେବେ । ତେବେ ସବୁଠାରୁ ବଡ଼ କଥା ହେଲା ଚଳିତବର୍ଷ ନିର୍ବାଚନକୁ ବିଭିନ୍ନ ଦିଗରେ ପ୍ରଭାବିତ କରିବା ଲାଗି ଚୀନ ଓ ନର୍ଥ କୋରିଆର ସାଇବର ଗ୍ରୁପ ସାମିଲ ହେବା ଆଶଙ୍କା ରହିଛି । ଏଆଇ ଜରିଆରେ ମିଥ୍ଯା ସୂଚନା ପ୍ରସାରଣ, ଡିପଫେକ ଜରିଆରେ ମନଗଢ଼ା କାହାଣୀର ପ୍ରସାର ଉପରେ ଚୀନ ଗୁରୁତ୍ବ ଦେବା ଆଶଙ୍କା ରହିଛି । ତାଇୱାନ ନିର୍ବାଚନ ସମୟରେ ବେଜିଂର ଷ୍ଟର୍ମ ୧୩୭୬ ନାମକ ସଂସ୍ଥା ବା ସ୍ପାମୋଫ୍ଲେଜ ଜରିଆରେ ନିର୍ବାଚନକୁ ପ୍ରଭାବିତ କରିବା ଲାଗି ଯୋଜନା କରାଯାଇଥିଲା ।
ମୁଖ୍ୟମନ୍ତ୍ରୀଙ୍କ ସବୁ ଯୋଜନାର ମୁଖ୍ୟଧାର ଶ୍ରମିକ: 5T ଅଧ୍ୟକ୍ଷ
ଭୁବନେଶ୍ବର: ବିଜୁ ଶ୍ରମିକ ସାମୁଖ୍ୟର ରାଜ୍ୟସ୍ତରୀୟ କନଭେନସନ୍ ୨୦୨୪ରେ ଯୋଗ ଦେଲେ 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ । କନଭେନସନରେ ଶହ ଶହ ଶ୍ରମିକ ଯୋଗ ଦେଇଛନ୍ତି । ଏହି ଅବସରରେ ଶ୍ରମିକଙ୍କୁ ସମ୍ବୋଧିତ କରିଛନ୍ତି 5T ଅଧ୍ୟକ୍ଷ । ସେ କହିଛନ୍ତି, ମୁଖ୍ୟମନ୍ତ୍ରୀ ଶ୍ରମିକଙ୍କ ବିକାଶ ପାଇଁ ଅନେକ ଯୋଜନା କରିଛନ୍ତି । ସବୁ ଯୋଜନାର ମୁଖ୍ୟଧାର ହେଉଛନ୍ତି ଶ୍ରମିକ ।
ଆଗକୁ ସେ କହିଛନ୍ତି, ଚଳିତ ନିର୍ବାଚନରେ ବିଜେଡି ରେକର୍ଡ ବ୍ୟବଧାନରେ ବିଜୟ ହେବା ସହ ପୁଣି ଥରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କ୍ଷମତାକୁ ଆସିବେ । ବିପୁଳ ଜନସମର୍ଥନ ସହ ମୁଖ୍ୟମନ୍ତ୍ରୀ ପୁଣି ଶାସନ କରିବେ । ଏଥର ମୁଖ୍ଯମନ୍ତ୍ରୀ ତିନି ଚତୁର୍ଥାଂଶ ସଂଖ୍ଯା ଗରିଷ୍ଠତାରେ ଆସିବେ ।
ଶ୍ରମିକଙ୍କ ଭୂମିକା ସବୁଠାରୁ ଗୁରୁତ୍ବପୂର୍ଣ୍ଣ ବୋଲି କହିଛନ୍ତି 5T ଅଧ୍ୟକ୍ଷ । ଆଗକୁ ସେ କହିଛନ୍ତି, ‘ସମସ୍ତ କାର୍ଯ୍ୟ ପଛରେ ଶ୍ରମିକଙ୍କ ଅବଦାନ ରହିଛି । ଶ୍ରମିକ ସମାଜକୁ ମୁଖ୍ୟମନ୍ତ୍ରୀ ସବୁଠାରୁ ଅଧିକ ଗୁରୁତ୍ବ ଦିଅନ୍ତି । ଶ୍ରମିକଙ୍କ ପାଇଁ ବିଜୁ ବାବୁ ଐତିହାସିକ ପଦକ୍ଷେପ ନେଇଥିଲେ । ଶ୍ରମିକଙ୍କ ମଜୁରୀ ବୃଦ୍ଧି କରିଥିଲେ ବିଜୁ ବାବୁ । ନୂଆ ଓଡ଼ିଶା, ନୂଆ ନିବେଶ, ରୋଜଗାର ବଢାଇବା ଯୋଜନା କ୍ଷେତ୍ରରେ ଶ୍ରମିକଙ୍କ ରୋଜଗାର ବଢାଇବାର ଆବଶ୍ଯକତା ରହିଛି । ବ୍ୟୟ ବୃଦ୍ଧି ସତ୍ତ୍ବେ ଶ୍ରମିକଙ୍କ ସ୍ବାର୍ଥ ଲାଗି ସରକାର ଉଦ୍ୟମରତ । ସ୍ବପ୍ନ ସାକାର କରିବା କ୍ଷେତ୍ରରେ ଶ୍ରମିକଙ୍କ ବଡ଼ ଭୂମିକା ରହିଛି । ପୁରୀ ଶ୍ରୀମନ୍ଦିର, କଟକ ଏପରି ରୂପାନ୍ତରୀକରଣ ହେବ ବୋଲି କେହି କେବେ ଭାବି ନଥିଲେ । ବିଭିନ୍ନ ମେଡିକାଲ କଲେଜ ପ୍ରତିଷ୍ଠା ହୋଇଛି ।’
5T ଅଧ୍ୟକ୍ଷ କହିଛନ୍ତି, ସବୁ ପଞ୍ଚାୟତ ସ୍କୁଲରେ ଲାଗିଛି ଡିଜିଟାଲ ବ୍ଲାକ ବୋର୍ଡ । ପ୍ରତି ମନ୍ଦିରର ରୂପାନ୍ତରଣ ହୋଇଛି । ମହାନଦୀରେ ବ୍ରିଜ ସଂଖ୍ଯା ବଢ଼ିଛି । ୮୦ ପ୍ରତିଶତ ପଞ୍ଚାୟତରେ ଲକ୍ଷ୍ମୀ ବସ୍ ଗଡିଛି । ଆନ୍ତର୍ଜାତିକ ବିମାନ ବନ୍ଦର ସହ ଓଡ଼ିଶାର ସଂଯୋଗ ହୋଇଛି । ଓଡ଼ିଶାର ୯୦ ପ୍ରତିଶତ ଲୋକଙ୍କୁ ବିଏସକେୱାଇ କାର୍ଡ ଦିଆଯାଇଛି ।
ବିଜେଡିରେ ମିଶିଲେ ବରିଷ୍ଠ ନେତା ଗଣେଶ୍ବର ବେହେରା
ଭୁବନେଶ୍ବର: କଂଗ୍ରେସକୁ ଶକ୍ତ ଧକ୍କା । ହଜାର ହଜାର ସମର୍ଥକଙ୍କ ସହ ଆସି ଶଙ୍ଖ ଭବନରେ ବିଜେଡିରେ ମିଶିଲେ କଂଗ୍ରେସର ପୂର୍ବତନ ବରିଷ୍ଠ ନେତା ଗଣେଶ୍ବର ବେହେରା ।
ବିଜେଡିରେ ମିଶିବା ପୂର୍ବରୁ ଗଣେଶ୍ବର ରାଜଧାନୀରେ ନିଜ ଶକ୍ତି ପ୍ରଦର୍ଶନ କରିଛନ୍ତି । ହଜାର ହଜାର କର୍ମୀଙ୍କ ସହ ବିରାଟ ପାଟୁଆରରେ ପହଞ୍ଚି ଥିଲେ ଶଙ୍ଖ ଭବନରେ । କିଛି ସମୟ ପାପାଁ ରାଜଧାନୀ ରାଜରାସ୍ତା ଜନ ସମୁଦ୍ରରେ ପରିଣତ ହୋଇଯାଇଥିଲା । ଗଣେଶ୍ବରଙ୍କ ସହ ଏକାଧିକ ନେତା ଓ କର୍ମୀ କଂଗ୍ରେସ ଛାଡି ବିଜେଡିରେ ସାମିଲ ହୋଇଛନ୍ତି ।
ସାଂସଦ ସସ୍ମିତ ପାତ୍ର, ବିଧାୟକ ପ୍ରତାପ ଜେନା ଏବଂ ବରିଷ୍ଠ ବିଜେଡି ନେତା ଶଶୀଭୂଷଣ ବେହେରା ଗଣେଶ୍ବର ଏବଂ ତାଙ୍କ ସମର୍ଥକଙ୍କୁ ବିଜେଡିକୁ ସ୍ବାଗତ କରିଥିଲେ ।
ଗତ ଏପ୍ରିଲ ଦୁଇ ତାରିଖରେ କଂଗ୍ରେସରୁ ଇସ୍ତଫା ଦେଇଥିଲେ ଗଣେଶ୍ବର । ଆଜି ସମର୍ଥକଙ୍କ ସହ ବିରାଟ ପାଟୁଆରରେ ଶଙ୍ଖ ଭବନ ଆସି ବିଜେଡିରେ ଯୋଗ ଦେଇଛନ୍ତି । ସେ ଦୁଇ ଥର କଂଗ୍ରେସରୁ ବିଧାୟକ ହୋଇଥିଲେ । ସମସ୍ତଙ୍କୁ ମୁଖ୍ୟମନ୍ତ୍ରୀ, ସଂଗଠନ ସମ୍ପାଦକଙ୍କ ପକ୍ଷରୁ ସ୍ୱାଗତ କରିଥିଲେ ସାଂସଦ ସସ୍ମିତ ପାତ୍ର । ସସ୍ମିତ କହିଛନ୍ତି, ଗଣେଶ୍ୱର ଓଡ଼ିଶାର ବିଶିଷ୍ଟ ନେତା । ସେ ପିସିସି ଉପସଭାପତି ଥିଲେ । ସେ ବୌଦ୍ଧିକ ସ୍ତରରେ ସମୃଦ୍ଧ ।
ଗଣେଶ୍ବରଙ୍କ ସହ ୪୯ ଜଣ ପଞ୍ଚାୟତ ସଭାପତି ବି କଂଗ୍ରେସ ଛାଡି ବିଜେଡିରେ ମିଶିଛନ୍ତି । କେନ୍ଦ୍ରାପଡ଼ା ଜିଲ୍ଲା ବିଜେଡି ପର୍ଯ୍ୟବେକ୍ଷକ ପ୍ରତାପ ଜେନା କହିଲେ, ଗଣେଶ୍ୱେର ଜଣେ କ୍ରାନ୍ତିକାରୀ, ଲଢୁଆ ଓ ପୁରୁଖା ନେତା । ଆଜି ବିଜେଡି ତାଙ୍କୁ ପାଇ ବହୁତ ଖୁସି । ବିଶ୍ୱାସ ଅଛି, ମୁଖ୍ୟମନ୍ତ୍ରୀଙ୍କ ବିକାଶ କାମକୁ ସମସ୍ତେ ମିଳିମିଶି ଆହୁରି ତ୍ୱରାନ୍ୱିତ କରିବା । କେନ୍ଦ୍ରାପଡ଼ା ବିଧାୟକ ଶଶୀ ବେହେରା ସମସ୍ତଙ୍କୁ ଶୁଭେଚ୍ଛା ଜଣାଇବା ସହ କହିଛନ୍ତି, ଗଣେଶ୍ବରଙ୍କ ଯୋଗୁଁ ତୃଣମୂଳ ସ୍ତରର ସଂଗଠନ ଆହୁରି ସଂଗଠିତ ହେବ ।
ବିଜେଡିରେ ଯୋଗଦେବା ପରେ ଗଣେଶ୍ୱର କହିଛନ୍ତି, ‘ବିଜେଡି ସଭାପତି ନବୀନ ପଟ୍ଟନାୟକ ବିକାଶ ପୁରୁଷ । ସେ ବିଶ୍ୱାସ କରନ୍ତି ଓଡ଼ିଶାର ବିକାଶ, ସମ ବିକାଶ, ଜାତି ଧର୍ମ ବର୍ଣ୍ଣ ନିର୍ବିଶେଷରେ ସମସ୍ତଙ୍କ ବିକାଶ । ତାଙ୍କ ଆଦର୍ଶରେ ଅନୁପ୍ରାଣିତ ହୋଇ କେନ୍ଦ୍ରାପଡ଼ା ଓ ଓଡ଼ିଶା ବିକାଶକୁ ଆହୁରି ତ୍ୱରାନ୍ୱିତ କରିବା ପାଇଁ ବିଜେଡିରେ ମିଶିଛି । ଏହି ଅବସରରେ ସେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, 5T ଅଧ୍ଯକ୍ଷ କାର୍ତ୍ତିକ ପାଣ୍ଡିଆନ ଓ ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କୁ ଧନ୍ଯବାଦ ଜଣାଇଛନ୍ତି ।
ବିଜେଡିରେ ସାମିଲ ହେଲେ ବରିଷ୍ଠ ନେତ୍ରୀ ଲେଖାଶ୍ରୀ ସାମନ୍ତସିଂହାର
ଭୁବନେଶ୍ବର: ବିଜେଡିରେ ସାମିଲ ହେଲେ ବରିଷ୍ଠ ନେତ୍ରୀ ଲେଖାଶ୍ରୀ ସାମନ୍ତସିଂହାର । ଶଙ୍ଖ ଭବନରେ ଅନୁଷ୍ଠିତ ମିଶ୍ରଣ ପର୍ବରେ ବିଜେଡିରେ ହେଲେ ସାମିଲ । ମୁଖ୍ୟମନ୍ତ୍ରୀ ତଥା ବିଜେଡି ସଭାପତି ନବୀନ ପଟ୍ଟନାୟକ ଏବଂ ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ପକ୍ଷରୁ ସାଂସଦ ମାନସ ମଙ୍ଗରାଜ ଲେଖାଶ୍ରୀଙ୍କୁ ବିଜେଡିକୁ ସ୍ବାଗତ କରିଥିଲେ । ଏହି ଅବସରରେ ସାଂସଦ ସସ୍ମିତ ପାତ୍ର ଏବଂ ବାଲେଶ୍ୱରର ପୂର୍ବତନ ସାଂସଦ ରବୀନ୍ଦ୍ର ଜେନା ପ୍ରମୁଖ ଉପସ୍ଥିତ ଥିଲେ । ସୂଚନାଯୋଗ୍ୟ, ଆଜି ସକାଳୁ ଲେଖାଶ୍ରୀ ବିଜେପିର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଥିଲେ । ଏନେଇ ସେ ବିଜେପି ରାଜ୍ୟ ସଭାପତି ମନମୋହନ ସାମଲଙ୍କ ପାଖକୁ ଇସ୍ତଫା ପତ୍ର ପଠାଇଥିଲେ । ବିଜେପିରେ ଉପସଭାପତି ଥିଲେ ଲେଖାଶ୍ରୀ ।
ବିଜେଡିରେ ସାମିଲ ହେବା ପରେ ଲେଖାଶ୍ରୀ କହିଛନ୍ତି, ‘ବିଜେଡି ଖୋଲା ହୃଦୟରେ ଗ୍ରହଣ କରିଥିବାରୁ ଧନ୍ୟବାଦ । ମୁଁ ବିଜେପି ଛାଡିଛି । କୌଣସି ପରିବର୍ତ୍ତନ ସହଜ ନୁହେଁ । ହେଲେ ପରିବର୍ତ୍ତନ ନିରନ୍ତର, ଆଗକୁ ଯିବାକୁ ହେଲେ ପରିବର୍ତ୍ତନର ସମ୍ମୁଖୀନ ହେବାକୁ ପଡିବ । ୧୦ ବର୍ଷ ହେବ ବିଜେପିକୁ ଶତ ପ୍ରତିଶତ ବିଜେପିକୁ ଦେଇଥିଲି । ଲୋକସେବା ଇଚ୍ଛା ସେଠି ପୂରଣ ହୋଇପାରୁନି । ଏତେ ନିଷ୍ଠା ସହ କାମ କରିବା ସତ୍ତ୍ବେ ନେତୃତ୍ୱର ଭରଷା ପାଇଲା ନାହିଁ । ମୋ ସହ ବିଜେପିର କାମ ଏତିକି ଥିଲା ବୋଲି ଅନୁଭବ ହେଲା ।’
ଆଗକୁ ସେ କହିଛନ୍ତି, ‘ଓଡ଼ିଶାରେ ବିକାଶର ସ୍ରୋତ ବୁହାଉଥିବା ମୁଖ୍ୟମନ୍ତ୍ରୀଙ୍କ ବିକାଶ ଯାତ୍ରାରେ ସାମିଲ ହେବାକୁ ନିଷ୍ପତ୍ତି ନେଲି । ମୁଖ୍ୟମନ୍ତ୍ରୀଙ୍କୁ ପାଖରେ କୃତଜ୍ଞ । 5T କାମ ପାଇଁ କାର୍ତ୍ତିକ ପାଣ୍ଡିଆନ, ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କୁ ଧନ୍ୟବାଦ । ଓଡ଼ିଆ ଅସ୍ମିତା, ଓଡ଼ିଶାର ବିଶ୍ୱସ୍ତରୀୟ ପରିଚୟ ପାଇଁ ମୁଖ୍ୟମନ୍ତ୍ରୀଙ୍କ ଉଦ୍ୟମରେ ଅନୁପ୍ରାଣିତ ହୋଇ ଗୁଣ୍ଡୁଚି ମୂଷା ପରି କାମ କରିବି । ଓଡିଶାବାସୀଙ୍କ ସେବା ମୋ ଉଦ୍ଦେଶ୍ୟ ଥିଲା । ଯାହା ବିଜେପିରେ ସମ୍ଭବ ହେଲାନାହିଁ । ଏଡି ମୋତେ ଯାହା ଦାୟିତ୍ବ ମିଳିବ କରିବି ।
ମାନସ କହିଛନ୍ତି, ଲେଖାଶ୍ରୀଙ୍କ ଯୋଗଦାନ ଦଳକୁ ଆହୁରି ସୁସଂଗଠିତ କରିବ । ରାଜ୍ୟ ରାଜନୀତିରେ ସେ ଜଣେ ପରିଚିତ ନାଁ । ମୁଖ୍ୟମନ୍ତ୍ରୀଙ୍କ ସୁଶାସନ ଓ ବିକାଶରେ ଅନୁପ୍ରାଣିତ ହୋଇ ବିଜେଡିରେ ଯୋଗ ଦେଇଛନ୍ତି ।
ସାଂସଦ ସସ୍ମିତ ପାତ୍ର କହିଛନ୍ତି, ଲେଖାଶ୍ରୀ ମିଡ଼ିଆ ଡିବେଟରେ ବନ୍ଧୁ ପରି କାମ କରିଛନ୍ତି । ମୁଖ୍ୟମନ୍ତ୍ରୀଙ୍କ ବିକଶିତ ଓଡ଼ିଶା ଗଠନର ସ୍ବପ୍ନରେ ଲେଖାଶ୍ରୀଙ୍କ ଅବଦାନ ରହିବ, ଦଳ ସୁସଂଗଠିତ ହେବ ।
ସେହିପରି ବାଲେଶ୍ୱରର ପୂର୍ବତନ ସାଂସଦ ରବୀନ୍ଦ୍ର ଜେନା କହିଛନ୍ତି, ମୁଖ୍ୟମନ୍ତ୍ରୀଙ୍କ ଆଦର୍ଶରେ ଅନୁପ୍ରାଣିତ ହୋଇ ଲେଖାଶ୍ରୀ ଦଳରେ ମିଶିଛନ୍ତି । ପୂର୍ବରୁ ତାଙ୍କ ପାଖରେ ଆମ ସହ ମିଶି କାମ କରିବାର ସୁଯୋଗ ଥିଲା । କିଛି କାରଣରୁ ପକେଇଥିଲେ । ଆଜି ସେ ଘରକୁ ଫେରିଛନ୍ତି । ମିଶିକି ମୁଖ୍ୟମନ୍ତ୍ରୀଙ୍କ କାର୍ଯ୍ୟଧାରା ଲୋକଙ୍କ ପାଖରେ ପହଞ୍ଚାଇବୁ ।
ସମ୍ପର୍କୀୟଙ୍କ ଝଗଡ଼ା ମେଣ୍ଟାଇବାକୁ ଯିବା ହେଲା କାଳ, ଛୁରାମାଡ଼ରେ ଯୁବକ ମୃତ
ଆସିକା: ଗଞ୍ଜାମ ଜିଲ୍ଲା ଆସିକା କୋଟିନଡା ଥାନା ପଢାଳ ହରିଜନ ସାହିରେ ଅଭାବନୀୟ ଘଟଣା l ଦୁଇ ପରିବାରର ଝଗଡ଼ା ମେଣ୍ଟାଇବାକୁ ଯାଇ ଜୀବନ ହାରିଲେ ଯୁବକ । ସମ୍ପର୍କୀୟଙ୍କ ଝଗଡ଼ାର ସମାଧାନ କରିବା ବେଳେ ଛୁରା ମାଡରେ ଋଷି ନାୟକ ନାମକ ଯୁବକଙ୍କ ମୃତ୍ୟୁ । ମୃତ ଋଷି ହେଲେ ଧରାକୋଟ ତାଳପାଟଣା ଅଞ୍ଚଳର ।
ମହାବାରୁଣୀ ବୁଡ଼ ପକାଇବା ନେଇ ତାଳପାଟଣା ଗାଁର ଋଷି ସମ୍ପର୍କୀୟଙ୍କ ଘରକୁ ଆସିଥିବା ବେଳେ କୌଣସି କାରଣକୁ ନେଇ ଦୁଇ ସମ୍ପର୍କୀୟଙ୍କ ମଧ୍ୟରେ ଝଗଡା ଲାଗିଥିଲା l ଝଗଡା ଛଡାଇବାକୁ ଯାଇଥିବା ଋଷିଙ୍କୁ ଛୁରୀ ଭୁସିଲେ ସମ୍ପର୍କୀୟ l ଗୁରୁତର ଅବସ୍ଥାରେ ଋଷିକୁ ସ୍ଥାନୀୟ ଲୋକେ ଆସିକା ମେଡିକାଲ ରେ ଭର୍ତ୍ତି କରିଥିବାବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଘଟଣାସ୍ଥଳରେ କୋଟିନଟା ଥାନା ପୋଲିସ ପହଞ୍ଚି ତଦନ୍ତ ଜାରି ରଖିଛି ।
ଆକ୍ରମଣ କରି କଳାକନା ବୁଲାଇଲେ ଦୁର୍ବୃତ୍ତ
ପିପିଲି: ପିପିଲି ସରସ୍ବତୀପୁର ଅଞ୍ଚଳରେ ବଡ଼ ଧରଣର ଲୁଟ । ବିଳମ୍ବିତ ରାତିରେ ଘରେ ପଶି ଲୁଟିଲେ ଦୁର୍ବୃତ୍ତ । ପ୍ରତିବାଦ କରିବାରୁ କଲେ ଆକ୍ରମଣ ।
ମିଳିଥିବା ସୂଚନା ଅନୁସାରେ ସରସ୍ୱତୀପୁର ପଞ୍ଚାୟତ ଦକ୍ଷିଣସାହି ଚକ ଖରିଜା ସାହିରେ ହୋଇଛି ଲୁଟ । ଦୁର୍ବୃତ୍ତମାନେ ଘରେ ପଶି ସୁନା, ରୂପା ଅଳଙ୍କାର ସହ ନଗଦ ଟଙ୍କା ଲୁଟିଛନ୍ତି । ପରିବାର ଲୋକେ ପ୍ରତିବାଦ କରିବାରୁ ଦୁର୍ବୃତ୍ତମାନେ ଆକ୍ରମଣ କରିଥିଲେ । ଫଳରେ ରବୀନ୍ଦ୍ର ନାଥ ମହାପାତ୍ର, ତାଙ୍କ ପତ୍ନୀ, ପୁଅ ଓ ବୋହୂ ଆହତ ହୋଇଛନ୍ତି । ସମସ୍ତ ଆହତ କ୍ୟାପିଟାଲ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି । ଘଟଣାସ୍ଥଳରେ ପିପିଲି ଏସଡିପିଓ ଏବଂ ବଳଙ୍ଗା ପୋଲିସ ପହଞ୍ଚି ତଦନ୍ତ ଚଳାଇଛନ୍ତି ।
ପାର୍କ ଓ ଚା’ ଖଟିରେ ମନ୍ମଥ, ନେଉଛନ୍ତି ଲୋକଙ୍କ ଆଶୀର୍ବାଦ
ଭୁବନେଶ୍ବର: ଭୁବନେଶ୍ବର ସଂସଦୀୟ କ୍ଷେତ୍ରରେ ଜମୁଛି ପ୍ରଚାର । ବିଜେଡି ଲୋକସଭା ପ୍ରାର୍ଥୀ କ୍ୟାପଟେନ ମନ୍ମଥ ରାଉତରାୟ ପ୍ରଚାରକୁ ଜୋରଦାର କରିଛି । ଆଜି ଏକାମ୍ର ବିଧାୟକ ପ୍ରାର୍ଥୀ ଅଶୋକ ପଣ୍ଡାଙ୍କ ସହ ରାଜଧାନୀର ବିଭିନ୍ନ ପାର୍କ ଓ ଚା’ ଖଟିକୁ ଯାଇ ଲୋକଙ୍କ ସହ ମିଶିଛନ୍ତି ।
ଅଶୋକଙ୍କ ସହ କଳିଙ୍ଗ ନଗର ଅଞ୍ଚଳର ବିଭିନ୍ନ ପାର୍କ ଓ ଚା’ ଖଟିକୁ ଯାଇ ଲୋକଙ୍କ ସହ ସମ୍ପର୍କ ଯୋଡିଛନ୍ତି ମନ୍ମଥ । ସକାଳୁ ସକାଳୁ ଏପିଜେ ଅବଦୁଲ କଲାମ ପାର୍କ, ଆନନ୍ଦ ବନ, ଜୟଦେବ ବାଟିକା ପରିସରରେ ବୁଲି ଲୋକଙ୍କ ସହ କଥା ହୋଇ ସୁଖ ଦୁଃଖ ବୁଝୁଛନ୍ତି ମନ୍ମଥ । ମାଆ, ମାଉସୀ ଓ ବରିଷ୍ଠ ନାଗରିକ ମନ୍ମଥଙ୍କୁ କୋଳେଇ ନେଇ ଆର୍ଶୀବାଦ ଦେଉଛନ୍ତି । ଏହି ଆର୍ଶୀବାଦ ଓ ସ୍ନେହକୁ ନେଇ ନିର୍ବାଚନରେ ବିଜୟ ଲାଭ କରିବେ ବୋଲି ଆଶା ରଖିଛନ୍ତି ମନ୍ମଥ ।
ଗୋଟିଏ ପଟେ ବିଜେପି ସାଂସଦ ପ୍ରାର୍ଥୀ ଅପରାଜିତା ଷଡଙ୍ଗୀ ଚାରିଆଡୁ ନିଜ ଦଳ ଭିତରେ ବିରୋଧର ସମ୍ମୁଖୀନ ହେଉଛନ୍ତି । ହେଲେ, ବିଜେଡି ପ୍ରାର୍ଥୀ ମନ୍ମଥଙ୍କୁ ଲୋକେ ହୃଦୟରୁ ଆଶୀର୍ବାଦ ଦେଉଛନ୍ତି । ଆଉ ଲୋକଙ୍କ ଭଲ ମନ୍ଦ ବୁଝି, ସମସ୍ୟାର ସମାଧାନ ପାଇଁ ପ୍ରତିଶ୍ରୁତି ଦେଉଛନ୍ତି ମନ୍ମଥ ।
ସୂଚନାଯୋଗ୍ୟ, ଲୋକଙ୍କ ପାଖରୁ ଭଲ ପାଇବା ପାଇ ଭାବବିହ୍ବଳ ହୋଇ ଯାଇଛନ୍ତି ମନ୍ମଥ । ଲୋକଙ୍କୁ ଭେଟିବା ପରେ କହିଛନ୍ତି, ‘ମୋ ଉପରେ ଲୋକଙ୍କ ଆଶୀର୍ବାଦ ଅଛି ଜାଣିଥିଲି । ହେଲେ ଏତେ ଭଲ ପାଇବା ଓ ଆଶୀର୍ବାଦ ମିଳିବ କେବେ ଭାବି ନଥିଲି ।’