ନିମାପଡ଼ା : ଗୁହରିଆ ପଡ଼ିଲେ ପୂରଣ  ହୁଏ ମାନସିକ।କାହିଁ କେଉଁ କାଳରୁ ଏଭଳି ଏକ ପ୍ରଥା ଚାଲି ଆସୁଛି। ଯିଏ ବିଶ୍ଵାସରେ ଆସି ଏଠାରେ ଅଧିଆ ପଡନ୍ତି ତାଙ୍କର ପୂର୍ଣ୍ଣ ହୁଏ ସମସ୍ତ ମାନସିକ।ପୁରାଣ ବର୍ଣ୍ଣିତ ନୁହେଁ କିନ୍ତୁ ଇତିହାସକୁ ପ୍ରଜ୍ୟାଲୋଚନା କଲେ ଏଭଳି ଏକ ପ୍ରାଚୀନ ପରମ୍ପରା ପୁରୀ ଜିଲ୍ଲା ନିମାପଡ଼ା ଅଞ୍ଚଳରେ ପ୍ରଚଳିତ ହେଇ ଆସୁଛି। ଯାହା ମାଇପି ମେଳା ନାମରେ ସମଗ୍ର ଅଞ୍ଚଳରେ ବେଶ ପରିଚିତ। ନିମାପଡ଼ା ବ୍ଲକ୍ ଅଧିନ କାନପୁର ଓ ନୀଳଗିରି ସାହିର ମଧ୍ୟବର୍ତ୍ତି ସ୍ଥଳରେ ଥିବା ଏକ ଗହିର ମଧ୍ୟରେ ଅନୁଷ୍ଠିତ ହୋଇଥାଏ ଶ୍ରୀ ବଟ ଗୋସାଇଁ ମାଇପୀ ମେଳା।ଚୈତ୍ର ମାସ ଶୁକ୍ଳପକ୍ଷ ଚତୃଦଶୀ ତିଥିରେ ଏହି ମେଳା ଆୟୋଜନ ହୋଇଥାଏ। ଗହୀର ମଧ୍ୟବର୍ତ୍ତି ସ୍ଥଳରେ ଥିବା ଏକ ବଟବୃକ୍ଷ ମୂଳରେ  କେତେକ ବୃକ୍ଷକୁ ଏଠାରେ ପୂଜା ଅର୍ଚ୍ଚନା କରାଯାଉଥିବାରୁ ଏହାକୁ ବଟ ଗୋସାଇଁ ମାଇପି ମେଳା କୁହାଯାଉଛି।ଏଠାରେ ମାନସିକ ରଖି ଗୁହାରିଆ ପଡ଼ିଲେ ଭକ୍ତଙ୍କ ସମସ୍ତ ମନସ୍କାମନା ପୂରଣ ହୋଇଥାଏ ବୋଲି ଅନେକ ବିଶ୍ୱାସ ରହିଛି।ସେଥିପାଇଁ ଚୈତ୍ର ମାସ ଶୁକ୍ଳପକ୍ଷ ଚତୃଦଶି ତିଥିରେ ସୂର୍ଯ୍ୟ ଦେବଙ୍କ ଉଦୟ ପୂର୍ବରୁ ମାନସିକ ଧାରି ମହିଳା ଓ ପୁରୁଷ ଶୁଦ୍ଧପୂତ ଭାବେ ନୂତନ ବସ୍ତ୍ର ପରିଧାନ କରି ନିର୍ଜଳ ଉପବାସରେ ମାନସିକ ରଖି ଗୁହାରିଆ ପଡିଥାନ୍ତି।ପୁରୁଷଙ୍କ ଅପେକ୍ଷା ମହିଳା ମାନସିକ ଧାରୀଙ୍କ  ସଂଖ୍ୟା ଏଠାରେ ଅଧିକ ଦେଖିବାକୁ ମିଳିଥାଏ। ମଧ୍ୟାହ୍ନରେ ବାଟ ଗୋସାଇଁଙ୍କ ପାଦୁକ ଓ ପଣା ବଣ୍ଟା ଯାଇ ମାନସିକ ଧାରୀଙ୍କ ବ୍ରତ ଭଙ୍ଗ କରାଯାଇଥାଏ।ପିଲାଙ୍କ ଉର୍ଜଳ ଭବିଷ୍ୟତ କାମନା କରି ଏଠାରେ ପିଲାମାନଙ୍କ ମୁଣ୍ଡନ ମଧ୍ୟ କରାଯାଇଥାଏ।

ଏହି ମେଳାରେ ପାଖାପାଖି ଅଞ୍ଚଳ ସହିତ ଅଞ୍ଚଳ ବାହାରୁ ଶହଶହ ସଂଖ୍ୟାର ଶ୍ରଦ୍ଧାଳୁଙ୍କ ସୁଅ ଛୁଟି ଥାଏ।ଶ୍ରଦ୍ଧାଳୁଙ୍କ ଦାନ ଓ ଦକ୍ଷିଣାରେ ବର୍ଷ ବର୍ଷ ଧରି ଏହି ମେଳା ଅନୁଷ୍ଠିତ ହୋଇଆସୁଛି ବୋଲି ଶ୍ରୀ ବଟ ଗୋସାଇଁ ମାଇପି ମେଳା ଟ୍ରଷ୍ଟ ପକ୍ଷରୁ ସୂଚନା ଦିଆଯାଇଛି।ମାଇପି ମେଳାର ମାହାତ୍ମ୍ୟ ବହୁ ପ୍ରାଚୀନ।ଅନେକ ବର୍ଷ ପୂର୍ବରୁ ଏହି ସ୍ଥାନକୁ ରାସ୍ତାଘାଟର ସୁବିଧା ନଥିବାରୁ ଶ୍ରଦ୍ଧାଳୁ ମାନଙ୍କୁ ଅନେକ ଅସୁବିଧାର ସମ୍ମୁଖୀନ ହେବାକୁ ପଡୁଥିଲା।ହେଲେ ସମୟ କ୍ରମେ ଏବେ ପରସ୍ଥିତିରେ ସୁଧାର ଆସିଛି।ମେଳା ସ୍ଥଳକୁ ରାସ୍ତାର ସଂଯୋଗୀକରଣ ଦ୍ୱାରା ଶ୍ରଦ୍ଧାଳୁଙ୍କ ସଂଖ୍ୟା ବୃଦ୍ଧି ପାଇଛି।ମାନସିକ ପୂରଣ ହେଉଥିବାରୁ ଏଠାରେ ପ୍ରତେକ ବର୍ଷ ଅନେକ ସଂଖ୍ୟାର ଶ୍ରଦ୍ଧାଳୁ ଓ ମାନସିକ ଧାରୀଙ୍କ ଭିଡ ଦେଖିବାକୁ ମିଳିଛି।ଗୁହାରିଆ ପଡିବା ସହିତ ପୀଠରେ ବାନା ବାନ୍ଧିଲେ ଭୟାବହ ରୋଗରୁ ଆରୋଗ୍ୟତା ମିଳିଥାଏ ବୋଲି କୁହାଯାଏ। ଏତିହା ପୁରାତନ ଯୁଗରୁ ମାନବ ମାନେ ମୃତ୍ତି ପୂଜା ସହିତ ବୃକ୍ଷକୁ ମଧ୍ୟ ପୂଜା କରିଆସୁଛନ୍ତି।ଏହା ଦ୍ୱାରା ପରିବାରର ମଙ୍ଗଳ ହେବା ସହିତ ବହୁ ରିଷ୍ଟ ଖଣ୍ଡନ ହୁଏ ଵୋଲି ସେ ସମୟରୁ ବିଶ୍ୱାସ ରହିଆସିଛି।ଆଜିର ବିଜ୍ଞାନ ଯେତେ ଅଗ୍ରଗତି କଲେ ମଧ୍ୟ ମଣିଷକୁ କେହି ପୁରାତନ ପରମ୍ପରା ଠାରୁ ଦୂରେଇ ପାରିନାହିଁ।ଆଜି ବି ସେଇ ମଣିଷ ସେହି ପରମ୍ପରାକୁ ଉର୍ଜିବିତ ରଖିବା ପାଇଁ ଚଳାଇଛି ଉଦ୍ୟମ।ସେଥିପାଇଁ ମୃତ୍ତି ପୂଜା ସହିତ ବୃକ୍ଷ ପୂଜାକୁ ଭକ୍ତିର ଏକ ବଡ ମାଧ୍ୟମ କରିଛି ଆଜିର ସମାଜ।