ପୁରୀ : ସେବାୟତ ବେଶରେ ଅଣସେବାୟତ ରଥରେ ଚଢ଼ିବା ଘଟଣା । ୨ଜଣଙ୍କ ନାଁରେ ଦିଆଗଲା ଏତଲା । ସିଂହଦ୍ବାର ଥାନାରେ ଶ୍ରୀମନ୍ଦିର ପ୍ରଶାସନ ପକ୍ଷରୁ ଏତଲା ଦିଆଯାଇଛି । ଶ୍ରୀଗୁଣ୍ଡିଚା ଯାତ୍ରାଦିନ ଉଭୟ ତାଳଧ୍ୱଜ ଓ ନନ୍ଦିଘୋଷ ରଥରେ ଅଣସେବାୟତ ଚଢ଼ିବା ଅଭିଯୋଗ ହୋଇଥିଲା । ତାଳଧ୍ୱଜ ରଥରେ ଇଫକୋ ଅଧିକାରୀ ପ୍ରସନ୍ନ ବେଉରା ଚଢ଼ିଥିବା ଦେଖାଦେଇଥିଲା । ଏହାଛଡ଼ା ନନ୍ଦିଘୋଷ ରଥରେ ଦିଲ୍ଲୀ ସଂସ୍କୃତ ବିଶ୍ୱବିଦ୍ୟାଳୟ କୁଳପତି ଅନିଲ ବରଖେଡ଼ି ଚଢିଥିବା ଜଣାପଡ଼ିଥିଲେ । ଏନେଇ ତଥ୍ଯ ପ୍ରମାଣ ସହିତ ନନ୍ଦିଘୋଷ ଟିଭିରେ ପ୍ରଥମେ ଖବର ପ୍ରସାରଣ ହୋଇଥିଲା । ଶ୍ରୀମନ୍ଦିର ପ୍ରଶାସନ ଉଭୟ ପ୍ରସନ୍ନ ବେଉରା ଓ ଅନିଲ ବରଖେଡ଼ିଙ୍କ ନାଁରେ ସିଂହଦ୍ବାର ଥାନାରେ ଏତଲା ଦେଇଛି ।
ବାରିପଦାରେ ଘରୋଇ ହସପିଟାଲରେ ନିଆଁ, ଜଳିଲା ଆଇସିୟୁ ଡ୍ଯୁଟି ରୁମ
ବାରିପଦା : ବାରିପଦାରେ ଘରୋଇ ହସପିଟାଲରେ ନିଆଁ । ଟାଉନ୍ ଥାନା ଅନ୍ତର୍ଗତ ସାଇ ହସ୍ପିଟାଲରେ ଅଗ୍ନିକାଣ୍ଡ ହୋଇଛି । ଡାକ୍ତରଖାନାର ଦ୍ବିତୀୟ ମହଲାର ଆଇସିୟୁ ଡ୍ଯୁଟି ରୁମରେ ନିଆଁ ଲାଗିଥିଲା । ଭୋର ସମୟରେ ସର୍ଟସର୍କିଟରୁ ନିଆଁ ଲାଗିଥିବା ସନ୍ଦେହ କରାଯାଉଛି । ତୁରନ୍ତ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି ଅଗ୍ନିଶମ ବାହିନୀ । ସମସ୍ତ ରୋଗୀ ସୁରକ୍ଷିତ ଥିବା ସୂଚନା ମିଳିଛି । ତେବେ କେଉଁ ନିର୍ଦ୍ଦିଷ୍ଟ କାରଣରୁ ନିଆଁ ଲାଗିଲା ସେନେଇ ଅଗ୍ନିଶମ ବାହିନୀ ତଦନ୍ତ ଆରମ୍ଭ କରିଛି ।
ଋଣ ବୋଝ ନେଇଗଲା ତିନି ତିନିଟି ନିରୀହ ଜୀବନ
ନୀଳଗିରି : ଋଣ ବୋଝ ନେଇଗଲା ତିନି ତିନିଟି ନିରୀହ ଜୀବନ । ଦୁଇ ଦିନରେ ଆଗପଛ ହୋଇ ଜୀବନ ହାରିଲେ ପୁଅ,ବୋହୂ ଓ ବୁଢାବାପା । ପୂରା ପରିବାରକୁ ହରାଇ ଅସହାୟ ହୋଇପଡ଼ିଛନ୍ତି ନାବାଳକ ଭାଇଭଉଣୀ । ଏମିତି ଏକ ଦୁଃଖଦ ଘଟଣା ଘଟିଛି ନୀଳଗିରି ଥାନା କେ. ପି. ଲାଖରାଜ ପଞ୍ଚାୟତ ଚଣ୍ଡୀପୁର ଗାଁରେ । ମୃତକମାନେ ହେଲେ ୪୫ ବର୍ଷୀୟ ପୁଅ ସ୍ୱରୂପାନନ୍ଦ ଦେବଗୋସ୍ୱାମୀ ଏବଂ ୪୦ ବର୍ଷୀୟା ବୋହୂ ସୁଶ୍ରୀ ସଂଗୀତା ଦେବଗୋସ୍ୱାମୀ ଓ ଜୟକୃଷ୍ଣ ନନ୍ଦ ଦେବଗୋସ୍ୱାମୀ ।
ଅଭିଯୋଗ ଅନୁସାରେ ସ୍ୱରୂପାନନ୍ଦ ଓ ସୁଶ୍ରୀ ସଂଗୀତା ବେସରକାରୀ ସଂସ୍ଥାରୁ ଋଣ ଆଣି ହଲର୍ ଓ ମୁଢ଼ି ଭଜା ମେସିନ ପକାଇ ଗୁଜୁରାଣ ମେଣ୍ଟାଉ ଥିଲେ । ମାତ୍ର ବ୍ଯବସାୟରେ ପ୍ରବଳ କ୍ଷତି ହୋଇଥିଲା । ଫଳରେ ସେମାନେ ଋଣ ସୁଝି ପାରିନଥିଲେ । ଋଣ ପ୍ରଦାନକାରୀ ସଂସ୍ଥା ଋଣ ପରିଶୋଧ ପାଇଁ ବାରମ୍ବାର ଜୁଲମ କରୁଥିଲା । ଶେଷରେ ଲୋକଲଜ୍ୟାକୁ ଡରି ଗତ ବୁଧବାର ରାତିରେ ଦମ୍ପତି ବିଷ ପିଇ ଆତ୍ମହତ୍ୟା କରିଥିଲେ । ଉଭୟଙ୍କୁ ଗୁରୁତର ଅବସ୍ଥାରେ ବାପା ଜୟକୃଷ୍ଣ ପ୍ରଥମେ ନୀଳଗିରି ଓ ପରେ ବାଲେଶ୍ବର ମେଡିକାଲ କଲେଜରେ ଭର୍ତ୍ତି କରିଥିଲେ । ସେଠାରୁ ତାଙ୍କୁ କଟକ ଏସସିବି ଓ ପରେ ଏକ ଘରୋଇ ହସପିଟାଲକୁ ସ୍ଥାନାନ୍ତର କରାଯାଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ଉଭୟଙ୍କର ମୃତ୍ଯୁ ହୋଇଥିଲା । ପୁଅ- ବୋହୂଙ୍କ ମୃତ୍ଯୁ ପରେ ଗତକାଲି ସକାଳେ ବାପା ଜୟକୃଷ୍ଣଙ୍କର ମଧ୍ଯ ମୃତ୍ଯୁ ହୋଇଛି ।
ଅଭାବନୀୟ ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକାକୂଳ ପରିବେଶ ସୃଷ୍ଟି ହୋଇଛି । ମୃତ ସ୍ବରୂପାନନ୍ଦଙ୍କର ଦୁଇଟି ସନ୍ତାନ ଅଛନ୍ତି । ପୁଅ ଯୁକ୍ତ ଦୁଇ ଉତ୍ତୀର୍ଣ୍ଣ ହୋଇଥିବାବେଳେ ଝିଅଟି ଷଷ୍ଠ ଶ୍ରେଣୀରେ ପାଠ ପଢୁଛି । ପୂରା ପରିବାରକୁ ହରାଇବା ପରେ ଏବେ ସେମାନେ ବେସାହାରା ପାଲଟିଯାଇଛନ୍ତି ।
ସରିଲା ଜନ୍ମବେଦୀରେ ଲୀଳାଖେଳା, ଆଜି ବାହୁଡ଼ିଯିବେ ମହାପ୍ରଭୁ
ପୁରୀ : ସରିଲା ମହାପ୍ରଭୁଙ୍କ ଆଡ଼ପ ମଣ୍ଡପ ଲୀଳାଖେଳା । ଭାଇ ଭଉଣୀଙ୍କ ସାଙ୍ଗରେ ନେଇ ନବଦିନାତ୍ମକ ରଥଯାତ୍ରାରେ ଆସିଥିଲେ କାଳିଆ ସାଆନ୍ତ । ନାକଚଣା ଦ୍ବାରରେ ଅପେକ୍ଷାରେ ୩ରଥ । ଆଜି ଶ୍ରୀମନ୍ଦିର ଅଭିମୁଖେ ଫେରିବେ ନୀଳାଦ୍ରିନାଥ । ଏଥିପାଇଁ ପ୍ରଶାସନ ପକ୍ଷରୁ ସମସ୍ତ ପ୍ରସ୍ତୁତି ଚୂଡ଼ାନ୍ତ ହୋଇଛି । ପ୍ରାତଃ ୪ଟାରେ ମଙ୍ଗଳଆଳତି, ମଇଲମ ପ୍ରାତଃ ୪ଟା ୧୫, ତଡପଲାଗି ପ୍ରାତଃ ୪ଟା ୩୦, ରୋଷହୋମ ପ୍ରାତଃ ୪ଟା ୩୦, ଅବକାଶ ପ୍ରାତଃ ୫ଟା, ସୂର୍ଯ୍ୟପୂଜା ପ୍ରାତଃ ୫ଟା ୧୫, ଦ୍ବାରପାଳ ପୂଜା ୫ଟା ୩୦, ବେଶଶେଷ ୫ଟା ୩୦, ଗୋପାଳ ବଲ୍ଲଭ ଓ ସକାଳ ଧୂପ ୫ଟା ୪୫ରୁ ୬ ଟା ୪୫ ଭିତରେ କରାଯାଇଛି । ୭ଟାରୁ ୧୧ଟା ୩୦ରେ ଲାଗି ହେବ ସେନାପଟା । ଏହାସହ ମଙ୍ଗଳାର୍ପଣ ୧୧ଟା ୪୫ ହୋଇ ଦିବା ୧୨ଟା ରୁ ୨ଟା ୩୦ରେ ହେବ ବାହୁଡା ପହଣ୍ଡି, ଦିବା ଗୋଟାଏ ରୁ ୨ଟା ୩୦ ମଧ୍ଯରେ ବେଶ ଶେଷ ହୋଇ ଦିବା ୨ଟା ୩୦ରୁ ୩ଟା ୩୦ରେ ଛେରାପହଁରା ହେବାର କାର୍ଯ୍ଯକ୍ରମ ହୋଇଛି । ୩ଟା ରୁ ୪ଟା ମଧ୍ଯରେ ଚାରମାଳ ଫିଟା ହୋଇ ଆରମ୍ଭ ହେବ ରଥଟଣା ।
ଜିମ୍ବାଓ୍ବେକୁ ୪୨ ରନରେ ପରାସ୍ତ କଲା ଭାରତ
ନୂଆଦିଲ୍ଲୀ : ହାରାରେ ସ୍ପୋର୍ଟସ କ୍ଲବଠାରେ ଖେଳାଯାଇଥିବା ପଞ୍ଚମ ଟି-୨୦ରେ ଜିମ୍ବାଓ୍ବେକୁ ୪୨ ରନରେ ପରାସ୍ତ କରିଛି ଭାରତ । ଏହାସହ ୫ ମ୍ୟାଚ ବିଶିଷ୍ଟ ସିରିଜକୁ ୪-୧ ରେ ଜିତି ନେଇଛି ଟିମ ଇଣ୍ଡିଆ । ଆଜି ଜିମ୍ବାୱେ ଟସ ଜିତ ଭାରତକୁ ବ୍ଯାଟିଂ ପାଇଁ ଆମନ୍ତ୍ରଣ କରିଥିଲା । ପ୍ରଥମ ବ୍ଯାଟିଂ କରି ୬ୱିକେଟ ହରାଇ ୧୬୭ ରନ ସଂଗ୍ରହ କରିଥିଲା ଭାରତ । ଦଳ ପକ୍ଷରୁ ସଞ୍ଜୁ ସାମସନ ସର୍ବାଧିକ ୫୮ ରନ କରିଥିଲେ ।
ଯଶସ୍ବୀ ଜୟସ୍ବାଲ ୧୨ ରନ ଓ ଶୁଭମନ ଗିଲ ୧୩ ରନ କରି ଆଉଟ ହୋଇଥିଲେ । ରିୟାନ ପରାଗ୍ ୨୨ ରନ ଓ ଶିବମ ଦୁବେ ୨୬ ଓ ରିଙ୍କୁ ସିଂ ୧୧ ରନ କରିଥିଲେ । ତେବେ ୧୬୮ ରନର ଲକ୍ଷ୍ୟର ପିଛା କରିବାକୁ ଯାଇ ଜିମ୍ବାଓ୍ବେ ୧୮ ଓଭର ୩ଟି ବଲରେ ସମସ୍ତ ୱିକେଟ ହରାଇ ୧୨୫ ରନ କରିବାରେ ସକ୍ଷମ ହୋଇଥିଲା । ଦଳ ପକ୍ଷରୁ ଡାୟନ ମାୟର୍ସ ୩୪ ରନ କରିଥିବାବେଳେ ଟାଡିଓ୍ବାନସେ ମାରୁମାନି ଓ ଫରାଜ ଆକ୍ରାମ ୨୭ ରନ ଲେଖାଏଁ କରିଥିଲେ ।
ପେଟ୍ରୋଲ ପମ୍ପ ଲୁଟ ଘଟଣାରେ ୬ ଅଭିଯୁକ୍ତ ଗିରଫ
କେନ୍ଦୁଝର : ପେଟ୍ରୋଲ ପମ୍ପରୁ ଅଢେଇ ଲକ୍ଷ ଲୁଟ ଘଟଣାରେ ୬ଜଣ ଲୁଟେରାଙ୍କୁ ଗିରଫ କରିଛି ଚମ୍ପୁଆ ପୋଲିସ । ଗତ ୩ ତାରିଖ ରାତି ସାଢେ ୨ଟାରେ ଚମ୍ପୁଆସ୍ଥିତ ଲାଗୁରି ପେଟ୍ରୋଲ ପମ୍ପରେ ୩ଜଣ କର୍ମଚାରୀ କାମ କରୁଥିଲେ । ବିଳମ୍ବିତ ରାତିର ସୁଯୋଗ ନେଇ ଆଠ ଜଣ ଦୁର୍ବୃତ୍ତ କର୍ମଚାରୀମାନଙ୍କୁ ବନ୍ଧୁକ ଦେଖାଇ ଭୟଭୀତ କରିବା ସହ ଘର ଭିତରେ ସେମାନଙ୍କୁ ବନ୍ଦ କରିଦେଇଥିଲେ । ଏହାସହ ପେଟ୍ରୋଲ ପମ୍ପର କ୍ୟାସ କାଉଣ୍ଟରରୁ ଅଢେଇ ଲକ୍ଷ ଟଙ୍କା ସହ ସିସିଟିଭିର ହାର୍ଡ ଡିସ୍କ ଓ କର୍ମଚାରୀଙ୍କ ମୋବାଇଲ ନେଇ ଫେରାର ହୋଇ ଯାଇଥିଲେ । ଏନେଇ ଥାନାରେ ଏତଲା ହେବା ପରେ ମାମଲା ରୁଜୁ କରି ତଦନ୍ତ ଚଳାଇଥିଲା ପୋଲିସ । ଆଜି ୬ଜଣଙ୍କୁ ଧରିବାରେ ସଫଳ ହୋଇଛି ଚମ୍ପୁଆ ପୋଲି । ସେମାନଙ୍କ ଠାରୁ ନଗଦ ୫୦ହଜାର ଟଙ୍କା ୭ଟି ମୋବାଇଲ,୩ଟି ବାଇକ୍ ଓ ଗୋଟିଏ ବସ୍ ଜବତ କରିଥିବା ଚମ୍ପୁଆ ଏସଡିପିଓ କହିଛନ୍ତି ।
ମୁଜ୍ଜାଫାରପୁରରେ ବନ୍ୟା ବିତ୍ପାତ; ଲକ୍ଷାଧିକ ଲୋକ ପ୍ରଭାବିତ
ପାଟଣା : ବିହାରର ମୁଜ୍ଜାଫାରପୁରରେ ବନ୍ୟା ବିତ୍ପାତ । ଗତ କିଛିଦିନ ତଳେ ଲଗାଣ ବର୍ଷା ହେବା ପରେ ନଦୀର ଜଳସ୍ତର ବୃଦ୍ଧି ଘଟି ଏକାଧିକ ପଞ୍ଚାୟତ ଜଳମଗ୍ନ ହୋଇଛି । ଫଳରେ ଲକ୍ଷାଧିକ ଲୋକ ପ୍ରଭାବିତ ହୋଇଛନ୍ତି । ଜଳ ପ୍ରଳୟରୁ ରକ୍ଷା ପାଇବା ପାଇଁ ଲୋକମାନେ ଉଚ୍ଚ ସ୍ଥାନରେ ଆଶ୍ରୟ ନେଇଛନ୍ତି । ଯେଉଁମାନେ ପାଣି ଘେରରେ ଫସି ରହିଛନ୍ତି ସେମାନଙ୍କ ନିକଟରେ ପ୍ରଶାସନ ପହଞ୍ଚି ଆଲୋଚନା କରିଛି ।
ଲୋକଙ୍କ ସମସ୍ୟାକୁ ଦୃଷ୍ଟିରେ ରଖି ରନ୍ଧା ଖାଦ୍ୟ ସହ ପାନୀୟ ଜଳ ଯୋଗାଇଦେବାକୁ ପ୍ରତିଶ୍ରୁତି ଦେଇଛନ୍ତି ପ୍ରଶାସନିକ ଅଧିକାରୀ । ଏହାସହ ଯେଉଁ ସ୍ଥାନ ମାନଙ୍କରେ ଯୋଗଯୋଗ ବିଛିନ୍ନ ହୋଇଛି ସେଠାରେ ଡଙ୍ଗା ଯୋଗାଇ ଦେବାର ମଧ୍ୟ ବ୍ୟବସ୍ଥା କରାଯାଉଛି । ବିହାରର ମୁଜ୍ଜାଫାରପୁର ପରି ଉତ୍ତର ପ୍ରଦେଶର ହାରଦୋଇରେ ବି ବନ୍ୟା ପ୍ରଳୟ । ବନ୍ୟା ପାଣି ମାଡ଼ି ଯିବାରୁ ହାରଦୋଇ ଅଞ୍ଚଳର ପ୍ରାୟ ୧୦୦ ଗାଁ ପ୍ରଭାବିତ ହୋଇଛି ।
ଲୋକମାନେ ସୁରକ୍ଷିତ ସ୍ଥାନକୁ ଯାତ୍ରା କରୁଥିବା ବେଳେ ନଦୀର ଜଳସ୍ତର ବୃଦ୍ଧିକୁ ଲକ୍ଷ୍ୟ କରି ସଜାଗ ରହିଛନ୍ତି ଏସଡିଆରଏଫ ଟିମ । ବିହାର , ଉତ୍ତର ପ୍ରଦେଶ ପରି ଆସାମରେ ବି ତାଣ୍ଡବ ରଚୁଛି ବନ୍ୟା । ବ୍ରହ୍ମପୁତ୍ର ନଦୀର ଜଳସ୍ତର ବୃଦ୍ଧି ଘଟିବା ପରେ ଆସାମର ମୋରି ଗାଁଓ ଅଞ୍ଚଳରେ ବନ୍ୟା ପରିସ୍ଥିତି । ଗାଁରେ ପାଣି ପଶି ରହିଥିବାରୁ ଜନ ଜୀବନ ଅସ୍ତବ୍ୟସ୍ତ ହୋଇଛି । ପ୍ରାୟ ୧୫ ଦିନ ହେବ ଲୋକମାନେ ଉଚ୍ଚ ସ୍ଥାନରେ ଆଶ୍ରୟ ନେଇଛନ୍ତି ।
ଶ୍ରୀମନ୍ଦିରକୁ ବାହୁଡ଼ିବେ ନୀଳାଦ୍ରିନାଥ, ଜନ୍ମବେଦୀରେ ସରିଲା ସରିଲା ମହାପ୍ରଭୁଙ୍କ ଲୀଳାଖେଳା
ପୁରୀ : ଆସନ୍ତାକାଲି ବାହୁଡ଼ା । ସରିଲା ମହାପ୍ରଭୁଙ୍କ ଆଡ଼ପ ମଣ୍ଡପରେ ଲୀଳାଖେଳା । ଭାଇ ଭଉଣୀଙ୍କୁ ସାଙ୍ଗରେ ନେଇ ନବଦିନାତ୍ମକ ରଥଯାତ୍ରାରେ ଆସିଥିଲେ କାଳିଆ ସାଆନ୍ତ । ଆଡ଼ପ ମଣ୍ଡପରେ ରହି ଭକ୍ତଙ୍କ ଗୁହାରୀ ଶୁଣିଥିଲେ ଜଗତ ଠାକୁର । ଆସନ୍ତାକାଲି ନୀଳକନ୍ଦରକୁ ଫେରିବେ ନୀଳାଦ୍ରିନାଥ । ଏଥିପାଇଁ ପ୍ରଶାସନ ପକ୍ଷରୁ ସମସ୍ତ ପ୍ରସ୍ତୁତି ଚୂଡ଼ାନ୍ତ ହୋଇଛି । ବାହୁଡ଼ା ଯାତ୍ରା ପାଇଁ ସଂଧ୍ଯା ଦର୍ଶନ ନୀତିକାନ୍ତିକୁ ସଂକୁଚିତ କରାଯାଇଥିଲା । ସଂଧ୍ଯା ୫ ଟା ପରେ ମନ୍ଦିର ଶୋଧ କରି ଆରମ୍ଭ ହୋଇଛି ବାହୁଡ଼ା ପ୍ରସ୍ତୁତି ।
ବାହୁଡ଼ା ପାଇଁ ପ୍ରଶାସନ ପକ୍ଷରୁ ସମସ୍ତ ନୀତିକାନ୍ତି ନିର୍ଦ୍ଧାରଣ କରାଯାଇଛି । ପ୍ରାତଃ ୪ଟାରେ ମଙ୍ଗଳଆଳତି, ମଇଲମ ପ୍ରାତଃ ୪ଟା ୧୫, ତଡପଲାଗି ପ୍ରାତଃ ୪ଟା ୩୦, ରୋଷହୋମ ପ୍ରାତଃ ୪ଟା ୩୦, ଅବକାଶ ପ୍ରାତଃ ୫ଟା, ସୂର୍ଯ୍ୟପୂଜା ପ୍ରାତଃ ୫ଟା ୧୫, ଦ୍ବାରପାଳ ପୂଜା ୫ଟା ୩୦, ବେଶଶେଷ ୫ଟା ୩୦, ଗୋପାଳ ବଲ୍ଲଭ ଓ ସକାଳ ଧୂପ ୫ଟା ୪୫ରୁ ୬ ଟା ୪୫ ଭିତରେ କରାଯାଇଛି ସକାଳ ୭ଟାରୁ ୧୧ଟା ୩୦ ରେ ଲାଗି ହେବ ସେନାପଟା । ଏହାସହ ମଙ୍ଗଳାର୍ପଣ ୧୧ଟା ୪୫ ହୋଇ ଦିବା ୧୨ଟା ରୁ ୨ଟା ୩୦ରେ ହେବ ବାହୁଡା ପହଣ୍ଡି, ଦିବା ଗୋଟାଏ ରୁ ୨ଟା ୩୦ ମଧ୍ଯରେ ବେଶ ଶେଷ ହୋଇ ଦିବା ୨ଟା ୩୦ରୁ ୩ଟା ୩୦ରେ ଛେରାପହଁରା ହେବାର କାର୍ଯ୍ଯକ୍ରମ ହୋଇଛି । ୩ଟା ରୁ ୪ଟା ମଧ୍ଯରେ ଚାରମାଳ ଫିଟା ହୋଇ ଆରମ୍ଭ ହେବ ରଥଟଣା ।
‘ଭିତର ରତ୍ନ ଭଣ୍ଡାର ସିନ୍ଦୁକରେ ରହିଛି ଅଳଙ୍କାର’
ପୁରୀ : ସରିଲା ରତ୍ନଭଣ୍ଡାର ଗଣତିର ପ୍ରଥମ ଦିନ କାର୍ଯ୍ଯ । ଆଜି ହୋଇନି ରତ୍ନଭଣ୍ଡାର ଗଣତି କାର୍ଯ୍ଯ । ଆଜି କେବଳ ରତ୍ନଭଣ୍ଡାରର ଯାଞ୍ଚ କରାଯାଇଛି । ରାଜ୍ଯ ସରକାରଙ୍କ ଏସଓପି ଅନୁସାରେ ବାହାର ରତ୍ନଭଣ୍ଡାର ଅଳଙ୍କାର ସ୍ଥାନାନ୍ତରିତ କରାଯାଇଛି । ସମସ୍ତ ଅଳଙ୍କାର ଅସ୍ଥାୟୀ ଷ୍ଟ୍ରଙ୍ଗ ରୁମକୁ ସ୍ଥାନାନ୍ତରିତ କରାଯାଇଛି । ଭିତର ରତ୍ନ ଭଣ୍ଡାରରେ ପଡିଥିଲା ୩ଟି ତାଲା ।
ଜିଲ୍ଲାପାଳ ଦେଇଥିବା ଚାବିରେ ଭିତର ରତ୍ନଭଣ୍ଡାର ଖୋଲିନଥିବାରୁ କଟର ସହାୟତାରେ ତାଲାକୁ କଟାଯାଇଛି । ପରେ ୩ଟି ନୂଆ ତାଲା ଭିତର ଭଣ୍ଡାରରେ ପଡ଼ିଛି । ନୂଆ ଚାବି ଟ୍ରେଜେରୀକୁ ହସ୍ତାନ୍ତର କରାଯାଇଛି । ରତ୍ନଭଣ୍ଡାର ଭିତରକୁ ୨ ଜଣ ଯାଇଥିଲେ । ତେବେ ଭିତର ରତ୍ନଭଣ୍ଡାରରେ ଆଲମିରା, ସିନ୍ଦୁକ ରହିଥିବା ନେଇ କୁହାଯାଉଛି । ତେବେ ସମସ୍ତ ଅଳଙ୍କାର ସ୍ଥାନାନ୍ତରଣ ପାଇଁ ସମୟ ଦରକାର ବୋଲି କହିଛନ୍ତି ଅରବିନ୍ଦ ପାଢୀ ।
ସାନ ଭାଇର ଟାଙ୍ଗିଆ ଚୋଟରେ ବଡ ଭାଇ ଗୁରୁତର
ରେଢାଖୋଲ : ପାରିବାରିକ କଳହରୁ କରୁଣ ପରିଣତି । ସାନ ଭାଇର ଟାଙ୍ଗିଆ ଚୋଟରେ ବଡ ଭାଇ ଗୁରୁତର । ରେଢାଖୋଲ ଥାନା ବଡକୁଡା ଗାଁର ଘଟଣା । କାଳିଆ ଯୋଜନାରେ ମିଳୁଥିବା ଟଙ୍କାକୁ କେନ୍ଦ୍ର କରି ଦୁଇ ଭାଇଙ୍କ ମଧ୍ଯରେ ବଚସା ହୋଇଥିଲା । ମିଳୁଥିବା ଟଙ୍କା ବଡ ଭାଇ ଯୁଧିଷ୍ଠିର ନଦେଇ ସମସ୍ତ ଟଙ୍କା ସାନ ଭାଇ ଯୁଗଳ କିଶୋର ସାହୁ ରଖୁଥିଲେ । ଫଳରେ ଦୁଇ ଭାଇଙ୍କ ମଧ୍ଯରେ କନ୍ଦଳ ସୃଷ୍ଟି ହୋଇଥିଲା । ଶେଷରେ ସାନ ଭାଇ ଯୁଗଳ କିଶୋର ଘରୁ ଟାଙ୍ଗିଆ ଆଣି ବଡ ଭାଇ ମୁଣ୍ଡ ଏବଂ ପିଠିରେ ଦୁଇଥର ଆକ୍ରମଣ କରିଥିଲା । ପରେ ଗୁରୁତର ଅବସ୍ଥାରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ଘଟଣା ଘଟାଇ ସାନ ଭାଇ ଘଟଣା ସ୍ଥଳରୁ ଫେରାର୍ ଥିବାବେଳେ, ଘଟଣାର ତଦନ୍ତ କରୁଛି ପୋଲିସ ।