ଭୁବନେଶ୍ୱର: କଂଗ୍ରେସରୁ ବହିଷ୍କୃତ ହେଲେ ବରିଷ୍ଠ ନେତା ସୁର ରାଉତରାୟ। ୬ ବର୍ଷ ପାଇଁ କଂଗ୍ରେସରୁ ବହିଷ୍କୃତ କଲେ ଏଆଇସିସି। ବର୍ତ୍ତମାନ ଜଟଣୀରୁ ବିଧାୟକ ଅଛନ୍ତି ସୁର । ଦଳ ବିରୋଧୀ କାର୍ଯ୍ୟ ପାଇଁ ବହିଷ୍କୃତ କଲେ ଏଆଇସିସି।

ଏଥରକୁ ମିଶାଇ ଜଟଣୀରୁ ୬ ଥରର ବିଧାୟକ ସୁର। ତାଙ୍କୁ ଦଳରୁ ବହିଷ୍କାର କରାଯାଇଥିବା ଏଆଇସିସି ପକ୍ଷରୁ ପ୍ରେସ ରିଲିଜ ଜାରି କରଯାଇଛି। ବହୁଚର୍ଚ୍ଚିତ ବିଧାୟକ ସୁରେଶ ରାଉତରାୟ କଂଗ୍ରେସରେ ଥିବା ବେଳେ ତାଙ୍କ ପୁଅ ମନ୍ମଥ ରାଉତରାୟ ଭୁବନେଶ୍ବର ଲୋକସଭା ଆସନରୁ ବିଜେଡି ଟିକେଟରେ ଲଢୁଛନ୍ତି।

ସେ ଥରେ ଜନତା ଦଳ ଓ ୫ ଥର କଂଗ୍ରେସରୁ ବିଧାୟକ ଭାବେ ନିର୍ବାଚିତ ହୋଇଥିଲେ। ଜଟଣୀ ବ୍ଲକ ଅଧ୍ୟକ୍ଷ ଭାବେ ସେ ନିଜର ରାଜନୈତିକ କ୍ୟାରିଅର ଆରମ୍ଭ କରିଥିଲେ। ସେ ଜାନକୀ ପଟ୍ଟନାୟକଙ୍କ ସରକାରରେ କ୍ରୀଡା ଓ ଅବକାରୀ ମନ୍ତ୍ରୀ ଥିଲେ। ଦୀର୍ଘ ଦିନ ଧରେ ସେ କଂଗ୍ରେସ ଜିଲ୍ଲା ସଭାପତି ଦାୟିତ୍ବ ତୁଲାଇ ଆସୁଥିଲେ। ତାଙ୍କୁ ଦଳରୁ ବହିଷ୍କାର କରାଯାଇଥିବା ଏଆଇସିସି ପକ୍ଷରୁ ପ୍ରେସ ରିଲିଜ ଜାରି କରଯାଇଛି। ବହୁଚର୍ଚ୍ଚିତ ବିଧାୟକ ସୁରେଶ ରାଉତରାୟ କଂଗ୍ରେସରେ ଥିବା ବେଳେ ତାଙ୍କ ପୁଅ ମନ୍ମଥ ରାଉତରାୟ ଭୁବନେଶ୍ବର ଲୋକସଭା ଆସନରୁ ବିଜେଡି ଟିକେଟରେ ଲଢୁଛନ୍ତି। ସୁର ତାଙ୍କ ପାଇଁ ପ୍ରଚାର କରିବାକୁ ଅଡ଼ି ବସିଥିଲେ। ରାଜ୍ଯ ସାରା ସେ କଂଗ୍ରେସ ପାଇଁ ପ୍ରଚାର କରିବେ, କିନ୍ତୁ ଭୁବନେଶ୍ବରରେ ପୁଅ ପାଇଁ ପ୍ରଚାର କରିବାକୁ ଅଡ଼ି ବସିଥିଲେ ସୁର। ଦଳ ତାଙ୍କୁ ତଡ଼ିଦେଲେ ବି ସେ କଂଗ୍ରେସରେ ଅଛନ୍ତି ଓ ରହିବେ ବୋଲି ପୂର୍ବରୁ କହିଥିଲେ। ତାଙ୍କୁ ଦଳ ପକ୍ଷରୁ କାରଣଦର୍ଶାଅ ନୋଟିସ ଜାରି କରାଯାଇଥିଲା। ସୁର ତାହାର ଜବାବ ଦେଇଥିଲେ। ତାଙ୍କ ରକ୍ତ କଂଗ୍ରେସ ବୋଲି ସୁର କହିଥିଲେ।