ନନ୍ଦିଘୋଷ ବ୍ୟୁରୋ : ଗୋଟିଏ ପଟେ ସାମୁଦ୍ରିକ ଝଡ ରେମାଲ ବଙ୍ଗୋପସାଗରରେ ଧ୍ୱଂସାବଶେଷ ଜାରି ରଖିଛି, ଅନ୍ୟପଟେ ମହାରାଷ୍ଟ୍ରର କେତେକ ଜିଲ୍ଲାରେ ଘୂର୍ଣ୍ଣିବଳୟ ସୃଷ୍ଟି କରିଛି। ୟାଭାଟମାଲ ଜିଲ୍ଲାରେ ଘୂର୍ଣ୍ଣିବଳୟ ଯୋଗୁଁ ଅନେକ ଘର ଭୁଶୁଡ଼ିବାର ଖବର ସାମ୍ନାକୁ ଆସିଛି। ଘୂର୍ଣ୍ଣିବଳୟ ଯୋଗୁଁ ଅନେକ ଘର ଉପରୁ ଟିଣ ଓ ଆଜବେଷ୍ଟ ଉଡିଯାଇଥିଲା । ଛପର ଉଡିବା କାରଣରୁ ଜଣେ ବ୍ୟକ୍ତିଙ୍କ ହାତ ମଧ୍ୟ କଟି ଦିଆଯାଇଥିବା ବେଳେ ଦୁଇ ଜଣ ଗୁରୁତର ଆହତ ହୋଇଥିବା କୁହାଯାଉଛି। ତେବେ ଏହି ଘୂର୍ଣ୍ଣିବଳୟ ରେମାଲ ପଶ୍ଚିମବଙ୍ଗ ଆଡକୁ ଗତି କରୁଛି କି ନାହିଁ ତାହା କହିବା କଷ୍ଟକର। ହଠାତ୍ ଘୂର୍ଣ୍ଣିବଳୟ ୟାଭାଟମାଲର ଆର୍ନି ଏବଂ ମହାଗାଓଁ ତାଲୁକାରେ ବ୍ୟାପକ କ୍ଷୟକ୍ଷତି କରିଛି | ଏହି ଘୂର୍ଣ୍ଣିବଳୟ ଦ୍ୱାରା ଅର୍ନି, ମହାଗାଓଁ ତାଲୁକାର ଅନେକ ଗ୍ରାମ ପ୍ରଭାବିତ ହୋଇଛି। ପବାହଲରେ ୨୫ ଟି ଘର ଭୁଶୁଡି ପଡିଛି। ଏହି ଘୂର୍ଣ୍ଣିବଳୟ ଦ୍ୱାରା ହଜାର ହଜାର ଗଛ ଉପୁଡ଼ି ଯାଇଛି। ଗଛ ପଡ଼ିବା ହେତୁ ଅନେକ ରାସ୍ତା ବନ୍ଦ ରହିଛି। ପ୍ରବଳ ପବନ ସହିତ ପ୍ରବଳ ବର୍ଷା ହେଉଛି | ତେଣୁ ଏହି ଘୂର୍ଣ୍ଣିବଳୟ ଦ୍ୱାରା ଅର୍ଣ୍ଣିର ପବାହଲ ଗ୍ରାମ ଅଧିକ ପ୍ରଭାବିତ ହୋଇଛି। ଅନେକ ସ୍ଥାନରେ ବର୍ଷା ହେତୁ କଦଳୀ ଚାଷୀ ବ୍ୟାପକ କ୍ଷତିଗ୍ରସ୍ତ ହୋଇଛନ୍ତି । କାପୁସ୍ ୱାଡିରେ ଅତ୍ୟଧିକ ବର୍ଷା ହେତୁ ତିନୋଟି ବଡ କଦଳୀ ବଗିଚା ନଷ୍ଟ ହୋଇଯାଇଛି। ଅତ୍ୟଧିକ ବର୍ଷା ହେତୁ କୃଷକମାନେ ଲକ୍ଷ ଲକ୍ଷ ଟଙ୍କା ମୂଲ୍ୟର କ୍ଷତି ସହିଛନ୍ତି।
କୁକୁଡା ଚୋରି ଅଭିଯୋଗରେ ୪ ଜଣ ଯୁବକଙ୍କୁ ଗିରଫ କରି କୋର୍ଟ ଚାଲାଣ କଲା ପୋଲିସ
ଗଞ୍ଜାମ : ଗଞ୍ଜାମ ଜିଲ୍ଲା ପାଟପୁର ଥାନାଅନ୍ତର୍ଗତ ରାମଚନ୍ଦ୍ରପୁର ଗ୍ରାମରେ ଦେଶୀ କୁକୁଡା ଚୋରି ଅଭିଯୋଗ ରେ ୪ ଜଣ ଯୁବକ କୁ ପାଟପୁର ପୋଲିସ ଗିରଫ କରି କୋର୍ଟ ଚାଲାଣ କରିଛି l ଯୁବକ ମାନେ ରାମଚନ୍ଦ୍ରପୁର ଗ୍ରାମର ବିକି ବିଷୋୟୀ, ସନାତନ ବିଷୋୟୀ, ଦିବାକର ବିଷୋୟୀ ଓ ଶ୍ରୀରାମ ବିଷୋୟୀ l ସୂଚନା ମୁତାବକ ରାମଚନ୍ଦ୍ରପୁର ଗ୍ରାମର ସଞ୍ଜୟ ଜେନା ଗ୍ରାମ ନିକଟରେ ଏକ ଦେଶୀ କୁକୁଡା ଫାର୍ମ କରିଛନ୍ତି l ଗତ ୧୫ ତାରିଖରେ କେହି ଦୁର୍ବୃତ୍ତ କୁକୁଡା ଫାର୍ମ ରେ ପଶି ଘର ତାଲା ଭାଙ୍ଗି ଫାର୍ମ ରେ ପଶି ୩୦ ଗୋଟି ଦେଶୀ କୁକୁଡା ଚୋରୀ କରି ନେଇଯାଇଥିବା ବେଳେ ଦୁଇଟି ପାଣି ମୋଟର କୁ ମଧ୍ଯ ଚୋରି ହୋଇଯାଇଥିଲା l ଏନେଇ ଫାର୍ମ ମାଲିକ ଖୋଜାଖୋଜି କରି ଜାଣିବାକୁ ପାଇଥିଲେ ତାଙ୍କ ଗ୍ରାମର ୪ ଜଣ ଯୁବକ ତାଙ୍କ କୁକୁଡା ଫାର୍ମ ରୁ ତାଲା ଭାଙ୍ଗି କୁକୁଡା ଓ ପାଣି ମୋଟର ଚୋରୀ କରି ନେଇଥିବା ଜାଣିବାକୁ ପାଇ ରବିବାର ପାଟପୁର ଥାନାରେ ଅଭିଯୋଗ କରିଥିଲେ l ଅଭିଯୋଗ କୁ ଭିତ୍ତି କରି ପାଟପୁର ପୋଲିସ ୪ ଜଣ ଅଭିଯୁକ୍ତ କୁ ଗିରଫ କରି କୋର୍ଟ ଚାଲାଣ କରିଥିବା ଥାନା ଅଧିକାରୀ ଅଜୟ କୁମାର ସ୍ଵାଇଁ ସୂଚନା ଦେଇଛନ୍ତି l ଜାମିନ ନାମଞ୍ଜୁର ହେବାରୁ ଅଭିଯୁକ୍ତ ମାନଙ୍କୁ ଜେଲ୍ ହାଜତ କୁ ପଠାଇ ଦିଆଯାଇଥିବା ଜଣାପଡିଛି l
ଯୁକ୍ତ ଦୁଇ ଫଳରେ ବି ପୁଅ ତୁଳନାର ଝିଅ ଆଗରେ
ଭୁବନେଶ୍ୱର : ଯୁକ୍ତ ଦୁଇ ଫଳରେ ବି ପୁଅ ତୁଳନାର ଝିଅ ଆଗରେ। କଳାରେ ପାସ ହାର ୮୦. ୯୫ ପ୍ରତିଶତ ଥିବାବେଳେ ବିଜ୍ଞାନରେ ପାସ ହାର ରହିଛି ୮୬.୯୩ ପ୍ରତିଶତ। ବାଣିଜ୍ଯରେ ପାସହାର ୮୨.୨୭ ପ୍ରତିଶତ ଥିବାବେଳେ ଧନ୍ଦାମୂଳକ ପାସହାର ରହିଛି ୬୮.୦୨ ପ୍ରତିଶତ। ଗୋଟିଏ ଦିନରେ କଳା, ବାଣିଜ୍ଯ, ବିଜ୍ଞାନ ଓ ଧନ୍ଦାମୂଳକ ଫଳ ପ୍ରକାଶ ପାଇଛି। ସବୁ ଷ୍ଟ୍ରିମରେ ପୁଅ ତୁଳନାରେ ଝିଅ ଭଲ କରିଥିବାବେଳେ କୌଣସି ପ୍ରତିଷ୍ଠାନରେ ଜିରୋ ରେଜଲ୍ଟ ହୋଇନାହିଁ। ଡିଜି ଲକରରେ ମାର୍କସିଟ୍ ଉପଲବ୍ଧ ହେଉଥିବାବେଳେ ପୂର୍ବବର୍ଷ ପରି କଲେଜରୁ ବି ଫଳ ଉପଲବ୍ଧ ହୋଇପାରିବ। www.orissaresults.nic.inରେ ରେଜଲ୍ଟ ଉପଲବ୍ଧ ହୋଇଛି । କଳାରେ ମୋଟ ୨ ଲକ୍ଷ ୩୫ ହଜାର ୨୧୮ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିଲେ ଯେଉଁଥିରୁ ୧ ଲକ୍ଷ ୯୦ ହଜାର ୪୨୯ ପରୀକ୍ଷାର୍ଥୀ ଉତ୍ତୀର୍ଣ୍ଣ ହେଇଛନ୍ତି । ବିଜ୍ଞାନରେ ମୋଟ ୧ ଲକ୍ଷ ୧୫ ହଜାର ୮୯୫ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିଲେ ଯେଉଁଥିରୁ ୧ଲକ୍ଷ ୭୫୭ ପରୀକ୍ଷାର୍ଥୀ ଉତ୍ତୀର୍ଣ୍ଣ ହେଇଛନ୍ତି ।
ସେହିପରି ବାଣିଜ୍ୟରେ ମୋଟ ୨୫ ହଜାର ୮୯୭ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିଲେ ଯେଉଁଥିରୁ ୨୧ ହଜାର ୩୦୮ ପରୀକ୍ଷାର୍ଥୀ ଉତ୍ତୀର୍ଣ୍ଣ ହେଇଛନ୍ତି । ଚଳିତବର୍ଷ ଫେବୃଆରୀ ୧୬ରୁ ମାର୍ଚ୍ଚ ୨୦ ତାରିଖ ଯାଏଁ ଯୁକ୍ତ ଦୁଇ ପରୀକ୍ଷା ହୋଇଥିଲା । ରାଜ୍ୟରେ ୩ ଲକ୍ଷ ୮୬ ହଜାର ୨୫୦ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିଲେ । ବିଜ୍ଞାନରେ ୧ଲକ୍ଷ ୧୬ ହଜାର ୪୪୭ , କଳାରେ ସର୍ବାଧିକ ୨ ଲକ୍ଷ ୩୬ ହଜାର ୪୨୫, ବାଣିଜ୍ୟରେ ୨୫,୯୬୦ ଓ ଧନ୍ଦାମୂଳକ ରେ ୫,୭୬୫ ଜଣ ଛାତ୍ର ଛାତ୍ରୀ ପରୀକ୍ଷା ଦେଇଥିଲେ । ସାରା ରାଜ୍ୟରେ ୧୧୫୦ ପରୀକ୍ଷା ସେଣ୍ଟର୍ ସହ ୨୦୨ଟି ହବ କରାଯାଇଥିଲା ।
ରାଜନୈତିକ ଆକ୍ରୋଶ ରଖି ବିଜେପି କର୍ମୀ ମହିଳାଙ୍କୁ ମାଡ଼ ମାରିବା ସହ ଘର ପୋଡିଥିବା ଅଭିଯୋଗ
ବ୍ରହ୍ମଗିରି : ସୀମା ଟପିଲେ ବିଜେପି କର୍ମୀ । ରାଜନୈତିକ ଆକ୍ରୋଶ ନେଇ ମହିଳାଙ୍କୁ ମାଡ଼ ମାରିବା ସହ ଘର ପୋଡିଥିବା ଅଭିଯୋଗ ହୋଇଛି । ଗତକାଲି ବିଳମ୍ବିତ ରାତିରେ କୃଷ୍ଣପ୍ରସାଦ ବ୍ଳକ୍ ବାଜ୍ରକୋଟ ପଞ୍ଚାୟତର ବିଜେଡି କର୍ମୀ ଲକ୍ଷ୍ମୀପ୍ରିୟା ପଣ୍ଡା ଘରେ ଏକାକୀ ଥିଲେ । ଏହାର ସୁଯୋଗ ନେଇ ପିତିସାଳ ଗାଁର ବିଜେପି କର୍ମୀ ଅଜୟ କୁମାର ଦଳେଇ, ରବି ପଲେଇ ଓ ମୁନା ପଲେଇ ଅଶ୍ଳୀଳ ଭାଷାରେ ଗାଳିଗୁଲଜ କରିବା ସହ ତାଙ୍କୁ ମାଡ଼ ମଧ୍ୟ ମାରିଥିବା ଅଭିଯୋଗ ହୋଇଛି। ଏହାସହ ଲକ୍ଷ୍ମୀପ୍ରିୟାଙ୍କ ସ୍ବାମୀ ଦୁର୍ଗାଚରଣ ପଣ୍ଡାଙ୍କୁ ଜୀବନରୁ ମାରିବାକୁ ଧମକ ମଧ୍ୟ ଦେଇଥିଲେ । ଏତିକିରେ ସରିନଥିଲା ବିଜେପି କର୍ମୀଙ୍କ ଉନ୍ମତ୍ତକାଣ୍ଡ। ଲକ୍ଷ୍ମୀପ୍ରିୟାଙ୍କ ସମ୍ପର୍କୀୟଙ୍କ ହୋଟେଲରେ ମଧ୍ଯ ଦୁର୍ବୃତ୍ତମାନେ ନିଆଁ ଲଗାଇ ଦେଇଥିବା ଅଭିଯୋଗ ହୋଇଛି ।
ବାପା ଫଳ ଦୋକାନୀ, ହେଲେ ଝିଅର ପ୍ରତିଭା ସମସ୍ତଙ୍କୁ କରିଛି ଚକିତ
ଝାରସୁଗୁଡ଼ା : ବାପା ଫଳ ଦୋକାନୀ । ହେଲେ ଝିଅର ପ୍ରତିଭା ସମସ୍ତଙ୍କ ଚକିତ କରିଛି । ଆଜି ପ୍ରକାଶ ପାଇଛି ମାଟ୍ରିକ୍ ପରୀକ୍ଷା ଫଳ । ଯେଉଁଥିରେ ଏ-୧ ଗ୍ରେଡରେ ପାସ କରିଛନ୍ତି ଝାରସୁଗୁଡ଼ା ବେଲପାହାଡ଼ର ରୁପା ସା । ରୂପାଙ୍କ ବାପା ପୁରନ୍ଦା ସା ଜଣେ ଫଳ ଦୋକାନୀ । ମାଆ ସାଧାରଣ ଗୃହିଣୀ । ଅଭାବ ଅନାଟନ ଭିତରେ ଚାଲେ ପରିବାର । ହେଲେ ଚଳିତ ପରୀକ୍ଷା ପାଇଁ ଦୈନିକ ୧୦ରୁ ୧୨ ଘଣ୍ଟା ପରିଶ୍ରମ କରନ୍ତି ରୁପା । ତାଙ୍କର ପାଠ ପ୍ରତି ଆଗ୍ରହ ଦେଖି ବିଦ୍ୟାଳୟର ଶିକ୍ଷକ ମାନେ ମଧ୍ୟ ସହଯୋଗ କରିଛନ୍ତି । ରୂପାନ୍ତରଣ ପରେ ବିଦ୍ୟାଳୟରେ ଥିବା ଇ-ପାଠାଗାରରୁ ସେ ଅନେକ ତଥ୍ୟ ଗ୍ରହଣ କରିବା ସହିତ ବିଷୟକୁ ନେଇ ଥିବା ଦ୍ଵନ୍ଦ ମଧ୍ୟ ଦୂର କରିପାରନ୍ତି । ବିଜ୍ଞାନ ପ୍ରୟୋଗ ଶାଳା, ସ୍ମାର୍ଟ ଶ୍ରେଣୀଗୃହ ମଧ୍ୟ ତାଙ୍କୁ ଏନେକ ସହଯୋଗ କରିଛି । ଆଜି ଗିରିଧାରୀ ଉଚ୍ଚ ଉଚ୍ଚ ବିଦ୍ଯାଳଯ ତାଙ୍କ ପାଇଁ ଗର୍ବିତ ହୋଇଛି । ଆଗକୁ ଯୁକ୍ତ ୨ ବିଜ୍ଞାନ ପଢିବା ସହିତ ଭବିଷ୍ୟତରେ ଜଣେ ଡାକ୍ତର ହୋଇ ଲୋକମାନଙ୍କ ସେବା କରିବା ପାଇଁ ଆଶା ରଖିଛନ୍ତି। ତାଙ୍କର ଏହି ସଫଳତା ପରେ ସବୁଠୁ ତାଙ୍କୁ ଶୁଭେଛା ଛୁଟୁଛି ।
ନୀଳଗିରି ନିର୍ବାଚନମଣ୍ଡଳିରେ ସୁକାନ୍ତ ନାୟକଙ୍କ ମାରାଥନ ପ୍ରଚାର
ନୀଳଗିରି : ବାଲେଶ୍ଵର ଜିଲ୍ଲା ନୀଳଗିରି ନିର୍ବାଚନମଣ୍ଡଳିରେ ଜିତିବା ପାଇଁ ତିନି ପ୍ରମୁଖ ଦଳ ବିଜେଡି, କଂଗ୍ରେସ ଓ ବିଜେପି ନିଜ ନିଜ ଗୋଟି ଚାଳନା କରୁଛନ୍ତି । ୨ ଲକ୍ଷ ୧୫ ହଜାର ୬୨୦ ଜଣ ଭୋଟଙ୍କୁ ନିଜ ସପକ୍ଷରେ ଆକୃଷ୍ଟ କରିବା ଲାଗି କରୁଛନ୍ତି କ୍ଯାମ୍ପେନିଂ। ଚଳିତ ଥର ନୀଳଗିରିରେ ବିଜେଡିରୁ ସୁକାନ୍ତ ନାୟକ, ବିଜେପିରୁ ସନ୍ତୋଷ ଖଟୁଆ ଓ କଂଗ୍ରେସରୁ ଅକ୍ଷୟ ଆଚାର୍ଯ୍ୟ ପ୍ରାର୍ଥୀ ହୋଇଛନ୍ତି । ବିଜେଡି ସୁପ୍ରିମୋଙ୍କ ଭାବମୂର୍ତ୍ତି ଓ ଜନକଲ୍ୟାଣକାରୀ ଯୋଜନାକୁ ନେଇ ଲୋକଙ୍କ ପାଖକୁ ଯାଉଛି ବିଜେଡି। BSKY କାର୍ଡ, 5ଟି ସ୍କୁଲ ରୁପାନ୍ତରଣ, କୃଷକଙ୍କ ପାଇଁ କାଳିଆ ଯୋଜନା, ବିଜୁଳି ବିଲ୍ ଛାଡ଼ ଭଳି ଯୋଜନା ଓ ପ୍ରତିଶୃତିକୁ ନେଇ ଲୋକଙ୍କୁ ଭେଟୁଛନ୍ତି ବିଜେଡି ପ୍ରାର୍ଥୀ। ସେପଟେ କଂଗ୍ରେସ ବିଧାୟକ ପ୍ରାର୍ଥୀ ଅକ୍ଷୟ ଆଚାର୍ଯ୍ୟ ମଧ୍ୟ ପ୍ରଚାରରେ ପଛରେ ନାହାନ୍ତି। ଡୋର ଟୁ ଡୋର କ୍ଯାମ୍ପେନିଂ ସହ ସଭା ଓ ଶୋଭାଯାତ୍ରା କରି କେନ୍ଦ୍ରର ବିଫଳତା କଥା କହି ଭୋଟ ଭିକ୍ଷା କରୁଛି କଂଗ୍ରେସ। ନୀଳଗିରି ବିଧାନସଭା ଆସନରେ ବିଜେପି ବିଭିନ୍ନ ପ୍ରକାର ପ୍ରତିଶୃତି ଦେଇ ଭୋଟ ହାତେଇବାକୁ ଚେଷ୍ଟା କରୁଛି।କିନ୍ତୁ ଭୋଟର କାହାକୁ ନିଜର ନେତା ବାଛିବେ ତାହା ଆସନ୍ତା ୪ତାରିଖରେ ଜଣା ପଡ଼ିବ ।
ମାହାଙ୍ଗାରେ ପ୍ରଚାରକୁ ଜୋରଦାର କରିଛନ୍ତି ବିଜେଡି ବିଧାୟକ ପ୍ରାର୍ଥୀ ଅଙ୍କିତ ପ୍ରତାପ ଜେନା
ମାହାଙ୍ଗା : ଜୁନ୍ ୧ରେ ଭୋଟ ଦେବ ମାହାଙ୍ଗା । ଏନେଇ ମାହାଙ୍ଗା ନିର୍ବାଚନମଣ୍ଡଳିରେ ପ୍ରଚାରକୁ ଅଗୋଇ ନେଉଛନ୍ତି ରାଜନୈତିକ ଦଳର ପ୍ରାର୍ଥୀଙ୍କ ସମେତ ସ୍ବାଧୀନ ପ୍ରାର୍ଥୀ । ସେପଟେ ପ୍ରଚାରକୁ ଜୋରଦାର କରିଛନ୍ତି ମାହାଙ୍ଗା ବିଜେଡି ବିଧାୟକ ପ୍ରାର୍ଥୀ ଅଙ୍କିତ ପ୍ରତାପ ଜେନା । ହଜାର ହଜାର ସମର୍ଥକଙ୍କ ସହ ସଭା ସମିତି ଓ ରୋଡ ଶୋ କରି ସମର୍ଥନ ଲୋଡୁଛନ୍ତି । ଗାଁକୁ ଗାଁ ବୁଲି ଲୋକଙ୍କ ଆଶୀର୍ବାଦ କାମନା କରିବା ସହ ଲୋକଙ୍କ ସୁଖ, ଦୁଃଖ ପଚାରି ବୁଝୁଛନ୍ତି । ମୁଖ୍ୟମନ୍ତ୍ରୀଙ୍କ ଲୋକାଭିମୁଖୀ ଯୋଜନା ଓ ମାହାଙ୍ଗା ବିଧାୟକ ପ୍ରତାପ ଜେନାଙ୍କ ଉନ୍ନୟନମୂଳକ କାର୍ଯ୍ୟକୁ ମୁଦ୍ଦା କରି ଭୋଟ ଭିକ୍ଷା କରିଛନ୍ତି ଅଙ୍କିତ। ଲୋକମାନେ ମଧ୍ୟ ଅଙ୍କିତଙ୍କୁ ବିପୁଳ ସମର୍ଥନ ଦେଉଥିବା ଦେଖିବାକୁ ମିଳିଛି । ତେବେ ମାହାଙ୍ଗା ନିର୍ବାଚନମଣ୍ଡଳିରେ କିଭଳି ରହିଛି ନିର୍ବାଚନୀ ପ୍ରଚାର ସେନେଇ ମୂଳବସନ୍ତ ଗାଁରୁ ଅଧିକ ଆଲୋଚନା କରିଛନ୍ତି ଆମ ରିପୋର୍ଟର ତାପସ ବିଶ୍ବାଳ ।
ସାମୁଦ୍ରିକ ଝଡ଼ ‘ରେମାଲ’ ପାଇଁ କୋଲକାତା ବିମାନବନ୍ଦର ୨୧ ଘଣ୍ଟା ବନ୍ଦ
ନନ୍ଦିଘୋଷ ବ୍ୟୁରୋ : ସାମୁଦ୍ରିକ ଝଡ଼ ‘ରେମାଲ’ର ସତର୍କତା ମଧ୍ୟରେ କୋଲକାତାରେ ବର୍ଷା ଆରମ୍ଭ ହୋଇଛି। ପାଣିପାଗ ବିଭାଗର ସୂଚନାନୁସାରେ, ଏହି ଘୂର୍ଣ୍ଣିବଳୟ ଆସନ୍ତା କିଛି ଘଣ୍ଟା ମଧ୍ୟରେ ପ୍ରବଳ ଘୂର୍ଣ୍ଣିବଳୟରେ ପରିଣତ ହେବ ଏବଂ ୨୬ମେ ମଧ୍ୟରାତ୍ରିରେ ବାଂଲାଦେଶ ଏବଂ ପଶ୍ଚିମବଙ୍ଗ ଉପକୂଳରେ ପହଞ୍ଚିବ। ‘ରେମାଲ୍’ ଯୋଗୁଁ କୋଲକାତା ବିମାନବନ୍ଦର ୨୧ ଘଣ୍ଟା ପାଇଁ ବନ୍ଦ ରହିଛି। କୋଲକାତା ବିମାନବନ୍ଦରରୁ ରବିବାର ମଧ୍ୟାହ୍ନ ୧୨ ଟାରୁ ସୋମବାର ସକାଳ ୯ଟା ପର୍ଯ୍ୟନ୍ତ କୌଣସି ବିମାନ ଉଡ଼ାଣ କରିବ ନାହିଁ। ଏହା ବ୍ୟତୀତ ୧୦ ଟ୍ରେନକୁ ବାତିଲ କରାଯାଇଛି। ‘ରେମାଲ୍’ର ସତର୍କତା ମଧ୍ୟରେ କୋଲକାତାରେ ବର୍ଷା ଆରମ୍ଭ ହୋଇଛି। ପାଣିପାଗ ବିଭାଗର ସୂଚନାନୁସାରେ, ଏହି ଘୂର୍ଣ୍ଣିବଳୟ ଆସନ୍ତା କିଛି ଘଣ୍ଟା ମଧ୍ୟରେ ପ୍ରବଳ ଘୂର୍ଣ୍ଣିବଳୟରେ ପରିଣତ ହେବ ଏବଂ ୨୬ମେ ମଧ୍ୟରାତ୍ରିରେ ବାଂଲାଦେଶ ଏବଂ ପଶ୍ଚିମବଙ୍ଗ ଉପକୂଳରେ ପହଞ୍ଚିବ। ‘ରେମାଲ୍’କୁ ନେଇ ପାଣିପାଗ ବିଭାଗର ବୈଜ୍ଞାନିକ ଡକ୍ଟର ସୋମନାଥ ଦତ୍ତା କହିଛନ୍ତି ଯେ ଏହା ଏକ ଭୟଙ୍କର ଘୂର୍ଣ୍ଣିବଳୟରେ ପରିଣତ ହୋଇ ବାଂଲାଦେଶ ଏବଂ ଏହାର ଆଖପାଖ ପଶ୍ଚିମବଙ୍ଗ ଉପକୂଳ ଦେଇ ମେ ୨୬ ମଧ୍ୟରାତ୍ରିରେ ଅତିକ୍ରମ କରିବ । ଏହି ସମୟ ମଧ୍ୟରେ ଘଣ୍ଟା ପ୍ରତି ୧୧୦ ରୁ ୧୨୦ କିଲୋମିଟର ବେଗରେ ପବନ ବହିବ ଏବଂ ବେଳେ ବେଳେ ପବନର ବେଗ ଘଣ୍ଟା ପ୍ରତି ୧୩୫ କିଲୋମିଟର ପର୍ଯ୍ୟନ୍ତ ରହିବ। ବାତ୍ୟା ‘ରେମାଲ୍’ର ମୁକାବିଲା ପାଇଁ ବିଭିନ୍ନ ସ୍ଥାନରେ NDRF ଟିମ୍ ନିୟୋଜିତ ହୋଇଛନ୍ତି |
କୋଲକାତା ଏବଂ ଓଡିଶାର ଅନେକ ଅଞ୍ଚଳରେ ପ୍ରବଳ ବର୍ଷା ହେବ
ଘୂର୍ଣ୍ଣିବଳୟ ‘ରେମାଲ’କୁ ଦୃଷ୍ଟିରେ ରଖି ରବିବାର ଦିନ ପଶ୍ଚିମବଙ୍ଗ ଏବଂ ଉତ୍ତର ଓଡିଶାର ଉପକୂଳବର୍ତ୍ତୀ ଜିଲ୍ଲାରେ ପ୍ରବଳ ବର୍ଷା ହେବାର ଚେତାବନୀ ଦିଆଯାଇଛି। କେତେକ ଅଞ୍ଚଳରେ ବର୍ଷା ମଧ୍ୟ ହେଉଛି। ଉତ୍ତର-ପୂର୍ବ ଭାରତର କେତେକ ଅଞ୍ଚଳରେ ୨୭-୨୮ ମେରେ ପ୍ରବଳ ବର୍ଷା ହୋଇପାରେ । ଯେତେବେଳେ ଏହି ଘୂର୍ଣ୍ଣିବଳୟ ପଶ୍ଚିମବଙ୍ଗ ଏବଂ ବାଂଲାଦେଶର ଉପକୂଳବର୍ତ୍ତୀ ଅଞ୍ଚଳରେ ପହଞ୍ଚିବ, ସେତେବେଳେ ୧.୫ ମିଟର ପର୍ଯ୍ୟନ୍ତ ସମୁଦ୍ରରେ ଉଚ୍ଚ ଜୁଆର ଆସିବ ହେତୁ ତଳିଆ ଅଞ୍ଚଳରେ ବନ୍ୟା ପରିସ୍ଥିତି ସୃଷ୍ଟି ହେବାର ସମ୍ଭାବନା ରହିଛି ।
ପାପୁଆ ନ୍ୟୁ ଗିନିରେ ଭୟଙ୍କର ଭୂସ୍ଖଳନ, ୬୭୦ରୁ ଅଧିକ ଲୋକଙ୍କର ମୃତ୍ୟୁ
ନନ୍ଦିଘୋଷ ବ୍ୟୁରୋ : ପାପୁଆ ନ୍ୟୁ ଗିନି ହେଉଛି ଦକ୍ଷିଣ ପ୍ରଶାନ୍ତ ଦ୍ୱୀପପୁଞ୍ଜ, ଯେଉଁଠାରେ ଘଟିଛି ଭୟଙ୍କର ଭୂସ୍ଖଳନ ବୋଲି ମିଳିତ ଜାତିସଂଘର ଜଣେ ଅଧିକାରୀ ସୂଚନା ଦେଇଛନ୍ତି । ପାପୁଆ ନ୍ୟୁ ଗିନି ଦେଶରେ ଏକ ବଡ଼ ଧରଣର ଭୂସ୍ଖଳନ ଘଟିଛି । ଭୂସ୍ଖଳନ ଯୋଗୁଁ ୬୭୦ରୁ ଅଧିକ ଲୋକ ପ୍ରାଣ ହରାଇଛନ୍ତି। ମିଳିତ ଜାତିସଂଘର ସ୍ଥାନାନ୍ତରଣ ଏଜେନ୍ସିର ଅଧିକାରୀ ସେରହାନ ଆପ୍ଟୋପ୍ରାକ୍ କହିଛନ୍ତି ଯେ ଭୂସ୍ଖଳନ ହେତୁ ଏପର୍ଯ୍ୟନ୍ତ ୧୫୦ ରୁ ଅଧିକ ଘର କାଦୁଅରେ ପୋତି ହୋଇ ରହିଛି। ରାଜଧାନୀ ପୋର୍ଟ ମୋରେସବିରେ ରହୁଥିବା ଆପ୍ଟୋପ୍ରାକ୍ କହିଛନ୍ତି ଯେ ଭୂସ୍ଖଳନ ହେତୁ ପରିସ୍ଥିତି ଅତ୍ୟନ୍ତ ଖରାପ କାରଣ ମାଟି ଧସିବାରୁ ଜଳ ପ୍ରବାହିତ ହେଉଛି ଏବଂ ଏହା ଲୋକଙ୍କ ପାଇଁ ବଡ ବିପଦ ସୃଷ୍ଟି କରୁଛି। ସାରା ଦେଶରେ ଆତଙ୍କିତ ଓ ଭୟଭୀତ ଅଛନ୍ତି। ଚାଷ ଜମି ଏବଂ ଜଳ ଯୋଗାଣ ପ୍ରାୟ ସଂପୂର୍ଣ୍ଣ ନଷ୍ଟ ହୋଇଯାଇଛି । ଲୋକମାନେ ମାଟି ତଳେ ପୋତି ହୋଇଯାଇଥିବା ମୃତଦେହକୁ ବାହାରକୁ ଆଣିବାକୁ ଚେଷ୍ଟା କରୁଛନ୍ତି ।
ଯେଉଁ ଗାଁରେ ଭୂସ୍ଖଳନ ଘଟିଥିଲା ସେହି ଗାଁରେ ପ୍ରାୟ ୪ହଜାର ଲୋକ ବାସ କରନ୍ତି। ଜାତିସଂଘର ଅଧିକାରୀ ସେରହାନ ଆପ୍ଟୋପ୍ରାକ୍ କହିଛନ୍ତି ଯେ ଭୂସ୍ଖଳନ ଦ୍ୱାରା ପ୍ରଭାବିତ ଅଞ୍ଚଳ ତିନିରୁ ଚାରି ଫୁଟ ବଲ୍ କ୍ଷେତ୍ରର ଆକାର ଥିଲା। ଗାଁର କିଛି ଘର ଭୂସ୍ଖଳନରୁ ଉଦ୍ଧାର କରାଯାଇଥିଲା। ଭୂସ୍ଖଳନ ପରେ ରିଲିଫ ଓ ଉଦ୍ଧାର କାର୍ଯ୍ୟ ଜୋରଦାର କରାଯାଇଛି । ସେ ଏହା ମଧ୍ୟ କହିଛନ୍ତି ଯେ ଏହି ଭୂସ୍ଖଳନ କେବଳ ଘର ନଷ୍ଟ କରିନାହିଁ ବରଂ ଗଛ ଭାଙ୍ଗିଛି, ଚାଷଜମି ନଷ୍ଟ କରିଦେଇଛି । ସେମାନଙ୍କୁ ହଟାଇବା ପାଇଁ କାର୍ଯ୍ୟ କରାଯାଉଛି | ରବିବାର ଦିନ ଘଟଣା ସ୍ଥଳରେ ପହଞ୍ଚିବା ପାଇଁ ପାପୁଆ ନ୍ୟୁ ଗିନିର ପ୍ରତିରକ୍ଷା ମନ୍ତ୍ରୀ ବିଲି ଜୋସେଫ ଏବଂ ସରକାରଙ୍କ ଜାତୀୟ ବିପର୍ଯ୍ୟୟ କେନ୍ଦ୍ରର ନିର୍ଦ୍ଦେଶକ ଲାସୋ ମାନା ହେଲିକପ୍ଟର ଯୋଗେ ପରିଦର୍ଶନ କରିଛନ୍ତି । ପାପୁଆ ନ୍ୟୁ ଗିନି ହେଉଛି ଏକ ବିବିଧ, ବିକାଶଶୀଳ ଦେଶ ଯେଉଁଥିରେ ୮୦୦ ଭାଷା ଏବଂ ୧୦ ନିୟୁତ ଲୋକ ଅଛନ୍ତି ଯେଉଁମାନେ ପ୍ରାୟତଃ କୃଷକ ଅଟନ୍ତି |
କେଉଁଠି ଲ୍ୟାଣ୍ଡଫଲ କରିବ ବାତ୍ୟା ରେମାଲ ଜାଣନ୍ତୁ ?
ନନ୍ଦିଘୋଷ ବ୍ୟୁରୋ : ଘନୀଭୂତ ହୋଇଛି ବାତ୍ଯା ରେମାଲ। ଏହା କ୍ରମଶଃ ଏକ ସିଭିୟର ସାଇକ୍ଲୋନିକ ଷ୍ଟର୍ମରେ ପରିଣତ ହେଉଛି। ଆଜି ମଧ୍ଯରାତ୍ରୀରେ ପଶ୍ଚିମବଙ୍ଗ ଓ ବାଂଲାଦେଶ ଉପକୂଳ ମଧ୍ଯରେ କରିବ ଲ୍ଯାଣ୍ଡଫଲ। ଏନେଇ ସୂଚନା ଦେଇଛି ଆଇଏମଡି। ପଶ୍ଚିମବଙ୍ଗ ଓ ଉତ୍ତରଓଡିଶାରେ ଦୁଇ ଦିନ ଧରି ପ୍ରବଳ ବର୍ଷା ଆଶଙ୍କା କରିଛି ପାଣିପାଗ ବିଭାଗ। ସାଗର ଦ୍ବୀପ, ନମାକନା ଓ ବଖାଲିରେ ଆକାଶ ମେଘାଚ୍ଛନ୍ନ ରହିଛି। ଉତ୍ତର ଦିଗ ଅଭିମୁଖେ ରେମାନ ଘଣ୍ଟାପ୍ରତି ୭ କିଲୋମିଟର ବେଗରେ ଗତି କରୁଛନ୍ତି। ବାଂଲାଦେଶର ଦକ୍ଷିଣ ଓ ଦକ୍ଷିଣ ପଶ୍ଚିମ ଖେପୁପରାରେ ଏହା କେନ୍ଦ୍ରୀଭୂତ ହେଉଛି। ଲ୍ଯାଣ୍ଡଫଲ ବେଳେ ପବନର ଗତି ଘଣ୍ଟାକୁ ୧୧୦ରୁ ୧୨୦ କିଲୋମିଟର ରହିବ। କେତେକାଂଶରେ ଏହା ୧୩୫ କିଲୋମିଟର ହେବ ବୋଲି ସୂଚନା ମିଳିଛି। ସମୁଦ୍ରରେ ଦେଢ ମିଟର ଉଚ୍ଚର ଜୁଆର ଉଠିବା ଆଶଙ୍କା ରହିଛି। ପଶ୍ଚିମବଙ୍ଗର ବିଭିନ୍ନ ସ୍ଥାନରେ ଏନଡିଆରଏଫ ମୁତୟନ କରାଯାଇଛି। ଭାରତୀୟ ସେନା ଓ ନୌସେନାର ଟିମକୁ ବି ସତର୍କ ରଖାଯାଇଛି। ଚବିଶ ପରଗଣାର ଲୋକଙ୍କୁ ଅଧିକ ସତର୍କ ରହିବା ଲାଗି ପରାମର୍ଶ ଦିଆଯାଇଛି। ଆସାମ, ମେଘାଳୟ, ମଣିପୁର, ଅରୁଣାଚଳ ପ୍ରଦେଶ ଓ ନାଗାଲାଣ୍ଡରେ ପ୍ରବଳ ବର୍ଷା ଆଶଙ୍କା କରାଯାଇଛି।
ଦୀଘା ସମୁଦ୍ରକୂଳରେ ସତର୍କତାମୂଳକ ପଦକ୍ଷେପ ନିଆଯାଇଛି। ଦୋକାନ ବଜାର ବନ୍ଦ ଲାଗି ନିର୍ଦ୍ଦେଶ ଦିଆଯାଇଥିବାବେଳେ ସମୁଦ୍ରରେ ସ୍ନାନ ଲାଗି ପର୍ଯ୍ୟଟକଙ୍କୁ ବାରଣ କରାଯାଇଛି। ପଶ୍ଚିମବଙ୍ଗ ଓ ବାଂଲାଦେଶ ସୀମାନ୍ତ ସାଗରଦ୍ବୀପ, ସୁନ୍ଦରବନ ସହ ଖେପପୁରାରେ ବାତ୍ଯା ପ୍ରାକ ପ୍ରଭାବ ଦେଖିବାକୁ ମିଳିଛି। ଦୀଘା ନିଉ ଦୀଘା, ମନ୍ଦାରମଣି, ଶଙ୍କରପୁର, ତାଳଚେରି ସମୁଦ୍ରରେ ସ୍ନାନ କରୁଥିବା ପର୍ଯ୍ୟଟକକୁ ଦୀଘା ପ୍ରଶାସନ ପକ୍ଷରୁ ସତର୍କ କରାଯାଇଛି। ଦୀଘାରେ ସମୁଦ୍ର ଢେଉ ଉଚ୍ଚତା ବଢ଼ିବା ସହ ସମୁଦ୍ର ଭିତରକୁ ଯିବାକୁ ମତ୍ସ୍ଯଜୀବୀଙ୍କୁ ବାରଣ କରାଯାଇଛି। ବାତ୍ଯା ଆଶଙ୍କା ଥିବାରୁ ଏହାର ପ୍ରଭାବ ବିମାନ ବନ୍ଦର ଓ ଷ୍ଟେସନରେ ପଡିଛି। କେତେକ ବିମାନର ଉଡାଣ ବାତିଲ କରାଯାଇଥିବାବେଳେ କିଛି ଟ୍ରେନର ଯାତାୟତକୁ ବାତିଲ କରାଯାଇଛି।