spot_img
Home Blog Page 1172

ସ୍ତ୍ରୀକୁ ମାରି ଥାନାରେ ଆତ୍ମସମର୍ପଣ କଲା ସ୍ବାମୀ

ନନ୍ଦିଘୋଷ ବ୍ୟୁରୋ: ପୁଣି ଆସିଲା ଅଭାବନୀୟ ଘଟଣା । ପୁରୀ ତାଳବଣିଆ ଥାନା ସିଦ୍ଧମହାବୀର ଚମାର ସାହିରେ ହତ୍ୟାକାଣ୍ଡ। ସ୍ତ୍ରୀକୁ ହତ୍ୟା କଲା ସ୍ୱାମୀ । ଗତକାଲି ବିଳମ୍ବିତ ରାତିରେ ହତ୍ୟା କରାଯାଇଥିବା ସନ୍ଦେହ କରାଯାଉଛି। ସ୍ତ୍ରୀକୁ ହତ୍ୟା ପରେ ତାଳବଣିଆ ଥାନାରେ ଆତ୍ମସମର୍ପଣ କରିଛି ସ୍ବାମୀ । ହତ୍ୟାର କାରଣ ଅସ୍ପଷ୍ଟ ରହିଛି । ଘଟଣାସ୍ଥଳରେ ତାଳବଣିଆ ଥାନା ପୋଲିସ ପହଞ୍ଚି ଛାନବିନ ଆରମ୍ଭ କରଛି।

ପୁରୁଷୋତ୍ତମପୁର ଥାନା ସିକୁଳା ଗାଁରେ ଯୁବକକୁ ସଂଘବଦ୍ଧ ହତ୍ୟା

ନନ୍ଦିଘୋଷ ବ୍ୟୁରୋ: ଗଞ୍ଜାମ ପୁରୁଷୋତ୍ତମପୁର ଥାନା ସିକୁଳା ଗାଁରେ ଯୁବକକୁ ସଂଘବଦ୍ଧ ହତ୍ୟା। ମୃତ ଯୁବକ ଜଣକ ହେଲେ ସିକୁଳା ଗାଁର ସୁମନ୍ତ ମହାପାତ୍ର । ଗତକାଲି ବିଳମ୍ବିତ ରାତିରେ ସୁମନ୍ତକୁ ଦୁବୃର୍ତ୍ତ ମାନେ ସଂଘବଦ୍ଧ ଭାବେ ସମା ଗାଁରେ ମାରଣାସ୍ତ୍ରରେ ଆକ୍ରମଣ କରିଥିଲେ । ଗୁରୁତର ଅବସ୍ଥାରେ ବ୍ରହ୍ମପୁର ଏମକେସିଜି ମେଡିକାଲରେ ଚିକିତ୍ସିତ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ପୂର୍ବ ଶତ୍ରୁତାକୁ କେନ୍ଦ୍ରକରି କରି ସୁମନ୍ତଙ୍କୁ ଆକ୍ରମଣ ହୋଇଛି। ପୁରୁଷୋତ୍ତମପୁର ଥାନା ପୋଲିସ ତନାଘନା ଜାରି ରଖିଛି।

ପ୍ରଳୟଙ୍କରୀ ଭୂକମ୍ପରେ ଛାରଖାର ମିଆଁମାର ଓ ଥାଇଲାଣ୍ଡ, ବଢୁଛି ମୃତ୍ୟୁ ସଂଖ୍ୟା

ନନ୍ଦିଘୋଷ ବ୍ୟୁରୋ: ବଢୁଛି ମିଆଁମାର ଭୂକମ୍ପ ମୃତ୍ୟୁସଂଖ୍ୟା। ପ୍ରକୃତିର ପ୍ରଳୟରେ ଗଲାଣି ୧୫୦ରୁ ଅଧିକ ଜଣଙ୍କ ଜୀବନ। ୮୦୦ରୁ ଅଧିକ ଆହତ ହୋଇଛନ୍ତି। ଏବେବି ଅନେକ ଲୋକ ନିଖୋଜ ରହିଛନ୍ତି । ଭୂକମ୍ପର ଝଟକାରେ ବ୍ୟାପକ କ୍ଷୟକ୍ଷତି ହୋଇଛି। ରାଜଧାନୀ ନାପିଡାରେ ବିପୁଳ କ୍ଷୟକ୍ଷତି ହୋଇଛି। ମିଆଁମାରରେ ମଣ୍ଡଳାୟ ବିଶ୍ଵବିଦ୍ୟାଳୟରେ ବି ନିଆଁ ଲାଗିଯାଇଥିଲା । ମିଆଁମାରର ଇରାବାଡି ନଦୀ ଉପରେ ଥିବା ଐତିହାସିକ ଆଭା ବ୍ରିଜ ଧସିଯାଇଥିବା ସୂଚନା ମିଳିଛି । ଏକ ମସଜିଦ ଆଂଶିକ ଭାବରେ ଭୁଶୁଡ଼ି ପଡ଼ିଛି। ଯେଉଁଥିରେ ଅତି କମରେ ୨୦ ଜଣଙ୍କର ମୃତ୍ୟୁ ହୋଇଛି । ଅନେକ ସ୍ଥାନରେ ଜଳ ପ୍ଲାବନ ମଧ୍ୟ ବୃଦ୍ଧି ପାଉଥିବା ସୂଚନା ମିଳିଛି। ଭୂକମ୍ପ ପରେ ବହୁତଳ ପ୍ରାସାଦଗୁଡିକ ଦୋହଲିଥିବା ଜଣାଯାଇଛି। ମିଆଁମାରର ସାଗାଇଙ୍ଗ ରହିଥିଲା ଭୂକମ୍ପର କେନ୍ଦ୍ରସ୍ଥଳ ରହିଥିଲା ।

ଭୂକମ୍ପର ଗଭୀରତା ୧୦ କିଲୋମିଟରରେ ଥିଲା ବୋଲି ପ୍ରକାଶ କରିଛି ନ୍ୟାସନାଲ ସେଣ୍ଟର ଫର ସିସମୋଲୋଜି। ସେପଟେ ଥାଇଲାଣ୍ଡ ରାଜଧାନୀ ବ୍ୟାଙ୍କକରେ ମଧ୍ୟ ଭୂକମ୍ପ ଝଟକା ଅନୁଭୂତ ହୋଇଥିଲା । ବ୍ୟାଙ୍କକରେ ଜାରି ହୋଇଛି ଜରୁରୀକାଳୀନ ପରିସ୍ଥିତି । ବ୍ୟାଙ୍କକରେ ଏକ ନିର୍ମାଣାଧୀନ ବିଶାଳ କୋଠା ଭୁଶୁଡ଼ି ପଡ଼ିଥିଲା । ଭୂକମ୍ପ ପରେ ଜରୁରୀ ବୈଠକ ଡାକିଥିଲେ ଥାଇଲାଣ୍ଡ ପ୍ରଧାନମନ୍ତ୍ରୀ ପେତୋଙ୍ଗତାର୍ଣ୍ଣ ସିନାବାତ୍ରା। ବିଭିନ୍ନ ସ୍ଥାନରେ ବିଭିନ୍ନ ବାହିନୀ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି। ବ୍ୟାଙ୍କକରେ ୯୦ ଶ୍ରମିକ ପୋତି ହୋଇଥିବା ସୂଚନା ମିଳିଥିବାବେଳେ ବ୍ୟାଙ୍କକରେ ମେଟ୍ରୋ ସେବା ବାତିଲ ହୋଇଛି। ୪୦ରୁ ଅଧିକ ଶ୍ରମିକ ନିଖୋଜ ଥିବାବେଳେ ବହୁ ନିର୍ମାଣାଧୀନ କୋଠାରେ ଫସିଛନ୍ତି ଶ୍ରମିକ। ଚୀନର ଦକ୍ଷିଣ ପଶ୍ଚିମ ଅନ୍ତର୍ଗତ ୟୁନାନ ପ୍ରଜାତନ୍ତ୍ର ବି କ୍ଷତିଗ୍ରସ୍ତ ହୋଇଛି। ଭୂକମ୍ପ ଯୋଗୁ ଏହି ସବୁ ଦେଶରେ ଅନେକ କୋଠା କ୍ଷତିଗ୍ରସ୍ତ ହୋଇଛି।

ଭୂକମ୍ପର ପ୍ରଭାବ ମେଘାଳୟ ସମେତ ଉତ୍ତରପୂର୍ବାଞ୍ଚଳ ଭାରତରେ ପଡିଛି। ବାଂଲାଦେଶରେ ବି ପଡିଛି ଏହାର ପ୍ରଭାବ। ସହାୟତା ଲାଗି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଘୋଷଣା କରିଛନ୍ତି। ଭାରତୀୟଙ୍କ ଲାଗି ହେଲପଲାଇନ ଜାରି କରାଯାଇଛି। ଶୁକ୍ରବାର ମିଆଁମାରରେ ଲଗାତାର ଦୁଇଟି ଶକ୍ତିଶାଳୀ ଭୂମିକମ୍ପ ଅନୁଭୂତ ହୋଇଥିଲା।ପଡ଼ୋଶୀ ଦେଶଗୁଡ଼ିକରେ ମଧ୍ୟ ଭୂମିକମ୍ପର ଝଟକା ଅନୁଭୂତ ହୋଇଥିଲା। ଯୁକ୍ତରାଷ୍ଟ୍ର ଭୂତତ୍ତ୍ୱ ସର୍ବେକ୍ଷଣ (USGS) ଅନୁଯାୟୀ, ମିଆଁମାରରେ ଲଗାତାର ଦୁଇଟି ଭୂମିକମ୍ପ ଅନୁଭୂତ ହୋଇଥିଲା, ଯାହାର ତୀବ୍ରତା ରିକ୍ଟର ସ୍କେଲରେ ୭.୭ ଏବଂ ୬.୪ ଥିଲା। ଭୂମିକମ୍ପର କେନ୍ଦ୍ରସ୍ଥଳ ମନିୱା ସହରରୁ ପ୍ରାୟ ୫୦ କିଲୋମିଟର ପୂର୍ବରେ କେନ୍ଦ୍ରୀୟ ମିଆଁମାରରେ ଥିବା ରିପୋର୍ଟ କରାଯାଇଛି।

ଜାଣନ୍ତୁ ଆଡଭାନ୍ସ ଟିକେଟ୍ ବୁକିଂରେ କେତେ ଟଙ୍କା ରୋଜଗାର କଲାଣି ’ସିକନ୍ଦର’

ନନ୍ଦିଘୋଷ ବ୍ୟୁରୋ : ଇଦ୍ ଅବସରରେ ରିଲିଜ ହେବାକୁ ଯାଉଛି ବହୁ ପ୍ରତିକ୍ଷିତ ସଲମାନ ଖାନଙ୍କ ଅଭିନୀତ ଫିଲ୍ମ ’ସିକନ୍ଦର’ । ଯାହାକୁ ନେଇ ସିନେପ୍ରେମୀଙ୍କ ମଧ୍ୟରେ ବେଶ ଉତ୍ସାହ ଲାଗି ରହିଥିବାବେଳେ ଏହି ଫିଲ୍ମ ରେକର୍ଡ ତୋଡ ବ୍ୟବସାୟ କରିବ ବୋଲି ଆଶା ରଖିଛି ପ୍ରଯୋଜନା ସଂସ୍ଥା । ଟ୍ରେଲର ରିଲିଜ ହେବା ଦିନଠାରୁ ଏହି ଫିଲ୍ମ ଗୋଟିଏ ପରେ ଗୋଟିଏ ରେକର୍ଡ କରୁଥିବାବେଳେ ଏବେ ଆଡଭାନ୍ସ ଟିକେଟ୍ ବୁକିଂରେ ଆଉ ଏକ ରେକର୍ଡ ସ୍ଥାପନ କରିଛି । ତେବେ ଆଡଭାନ୍ସ ଟିକେଟ୍ ବୁକିଂରେ ଏହା ୧୦.୭୫ କୋଟି ଟଙ୍କା ଆୟ କରିଛି । ଯାହାକି ’କିସିକା ଭାଇ କିସିକା ଜାନ’ର ରେଗର୍ଡ ଭାଙ୍ଗିଛି । କୁହାଯାଉଛି କି, ଏହା ବ୍ଲକବ୍ଲାଷ୍ଟର ହେବା ସହ ଭଲ ବ୍ୟବସାୟ କରିବ । ୪୦୦ କୋଟି ଟଙ୍କାର ବଜେଟରେ ନିର୍ମିତ ହୋଇଛି ଏହି ଫିଲ୍ମ । ଏଣୁ ବଡ଼ ବ୍ୟବସାୟ ଆଶା ରଖାଯାଇଛି । ଆସନ୍ତାକାଲି ଏହି ଫିଲ୍ମ ରିଲିଜ ହେବାକୁ ଯାଉଛି ।

କିଛି ଦିନର ବିରତି ପରେ ପୁଣି ତାଉ କଲାଣି ଖରା

ନନ୍ଦିଘୋଷ ବ୍ୟୁରୋ: ପ୍ରବଳ ଗରମରେ ଆଉଟୁ ପାଉଟୁ ହେଲାଣି ଓଡ଼ିଶା। କିଛି ଦିନର ବିରତି ପରେ ପୁଣି ତାଉ ଦେଖାଇଲାଣି ଖରା। ଆଜି ଦୁଇଟି ଜିଲ୍ଲାରେ ହିଟ ୱେଭ ପାଇଁ ୟେଲୋ ୱାର୍ଣ୍ଣିଂ ଜାରି କରାଯାଇଛି। ୩୦ ତାରିଖ ପାଇଁ ବରଗଡ଼, ସୁନ୍ଦରଗଡ,  ଝାରସୁଗୁଡ଼ା,  ସମ୍ବଲପୁର,  ବୌଦ୍ଧ,  ସୁବର୍ଣ୍ଣପୁର,  ବଲାଙ୍ଗୀର ଓ କଳାହାଣ୍ଡି ଜିଲ୍ଲାକୁ ୟେଲୋ ୱାର୍ଣ୍ଣି ଜାରି କରିଛି ଆଞ୍ଚଳିକ ପାଣିପାଗ ବିଜ୍ଞାନ ବିଭାଗ । ଗତ ୨୪ ଘଣ୍ଟାରେ ୪୩ ଡିଗ୍ରୀ ତାପମାତ୍ରା ସହ ଝାରସୁଗୁଡା ରାଜ୍ୟର ସର୍ବୋଚ୍ଚ ଉତପ୍ତ ସହର ରହିଥିବା ବେଳେ ସମ୍ବଲପୁର ୪୧.୬ ଡ଼ିଗ୍ରୀ ତାପମାତ୍ରା ସହ ଦ୍ବିତୀୟ ସ୍ଥାନରେ ରହିଥିଲା।  ୪୦.୨ ଡିଗ୍ରୀ ସହ ଭୁବନେଶ୍ବର ମଧ୍ୟ ଜଳିଥିଲା। ଏନେଇ ଦିନ ୧୧ଟା ପରେ ଅତି ଜରୁରୀ କାର୍ଯ୍ୟ ନଥିଲେ ଘରୁ ନ ବାହାରିବାକୁ ପରାମର୍ଶ ଦେଇଛି ପାଣିପାଗ କେନ୍ଦ୍ର ।ସେପଟେ ପ୍ରତିଟି ଜିଲ୍ଲାର ଜିଲ୍ଲାପାଳ ମଧ୍ୟ ପରିସ୍ଥିତି ଉପରେ ନଜର ରଖିଥିବା ସୂଚନା ରହିଛି।

ଆଜି ବିଧାନସଭାରେ ପାରିତ ହେବ ବ୍ୟୟ ମଞ୍ଜୁରୀ ବିଲ୍, ସରକାରଙ୍କୁ ଘେରିବାକୁ ବିଜେଡିର ପ୍ରସ୍ତୁତି

ନନ୍ଦିଘୋଷ ବ୍ୟୁରୋ: ବିଧାନସଭାରେ ବ୍ୟୟ ମଞ୍ଜୁରୀ ବିଲ ପାରିତ ପୂର୍ବରୁ ମୋହନ ସରକାରଙ୍କୁ ଗୃହରେ ଘେରିବା ପାଇଁ ରଣନୀତି ପ୍ରସ୍ତୁତ କରିଛି ମୁଖ୍ୟ ବିରୋଧୀ ବିଜେଡ଼ି। ବିପର୍ଯସ୍ତ ଆଇନ ଶୃଙ୍ଖଳା ପରିସ୍ଥିତି, ବିଧାନସଭାରେ ଶାସକ ଦଳର ଏକଛତ୍ରବାଦ ନୀତି, ବଜେଟ ଅର୍ଥ ଖର୍ଚ୍ଚ ନହେବା, SC,St,OBC ପାଇଁ ସଂରକ୍ଷଣ , ସୁଭ୍ରଦା ଯୋଜନାରେ ମୋହନ ସରକାର ଓଡ଼ିଶାର ମହିଳାମାନଙ୍କୁ ପ୍ରତାରଣା ଦେଇଥିବା କଥା ଉଠାଇବା ସହ ମହିଳାଙ୍କ ଅସୁରକ୍ଷିତ ପ୍ରସଙ୍ଗ ଉଠାଇବ ବିଜେଡି । ଏହାସହ ନିର୍ବାଚନରେ ଦିଆଯାଇଥିବା ପ୍ରତିଶୃତି ପାଳନ କରିବାକୁ ଦଳ ଦାବି କରିବ। ଅନ୍ୟପଟେ ଶାଗମାଛ ଦଳରେ ବକ୍ସସାଇଟ ବଡ଼ ବଡ଼ କମ୍ପାନୀକୁ ବିକ୍ରି କରିବାକୁ  ଷଡଯନ୍ତ୍ର, କୋଟିଆ, ପୋଲାଭରମ, ମହାନଦୀ ଜଳ ସମସ୍ୟା କଥା ଆଦି ପ୍ରସଙ୍ଗକୁ ବ୍ୟୟ ମଞ୍ଜୁର ବିଲ ଆଲୋଚନାରେ ଉଠାଇ ସରକାରଙ୍କୁ ଜବାବ ମାଗିବ ବିଜେଡି। ଆଜି ମହିଳା ଶିଶୁବିକାଶ, ନିର୍ମାଣ, ପର୍ଯ୍ଯଟନ, ଅବକାରୀ, ମିଶନଶକ୍ତି ଓ ଆଇନ ବିଭାଗର ପ୍ରଶ୍ନକାଳ ରହିଛି। ଶୂନ୍ଯକାଳରେ ଗୁରୁତ୍ବପୂର୍ଣ୍ଣ ପ୍ରସଙ୍ଗକୁ ବିରୋଧୀ ଉଠାଇପାରନ୍ତି।  ଆଜି ବିଧାନସଭାରେ ବ୍ୟୟ ମଞ୍ଜୁରୀ ବିଲ ପାରିତ ହେବ । ପୂର୍ବରୁ ବିଭିନ୍ନ ବିଭାଗର ଖର୍ଚ୍ଚ ଦାବି ଆଲୋଚନା ହୋଇସାରିଛି । ଯେଉଁସବୁ ବିଭାଗରେ ଖର୍ଚ୍ଚ ଦାବି ଆଲୋଚନା ହୋଇନାହିଁ ତାହା ଗିଲୋଟିନରେ ପାରିତ କରାଯାଇଛି  । ୨ ଲକ୍ଷ ୯୦ ହଜାର କୋଟି ଟଙ୍କାର ବଜେଟକୁ ବ୍ୟୟ ମଞ୍ଜୁରୀ ବିଲ ଜରିଆରେ ଗୃହରେ ପାରିତ କରାଯିବ । ଯାହାକୁ ନେଇ ଗୃହରେ ସରଗରମ ଆଲୋଚନା ହେବ ।

କୁନାଲ ପାଣ୍ଡ୍ୟାଙ୍କ ଉପରେ ରାଗିଗଲେ କି ଧୋନୀ ? ଜାଣନ୍ତୁ ପଡ଼ିଆରେ କାହିଁକି ହେଲା ଏମିତି..

ନନ୍ଦିଘୋଷ ବ୍ୟୁରୋ: ଶୁକ୍ରବାର ଆଇପିଏଲ ୨୦୨୫ର ଏକ ଗୁରୁତ୍ବପୂର୍ଣ୍ଣ ମ୍ୟାଚରେ ଚେନ୍ନାଇ ସୁପର କିଙ୍ଗ୍ସ ଏବଂ ରୟାଲ ଚ୍ୟାଲେଞ୍ଜର ବାଙ୍ଗାଲୋର ମଧ୍ୟରେ ଖେଳାଯାଇଥିଲା । ଏହି ମ୍ୟାଚଟି ଆରସିବି ୫୦ ରନରେ ବିଜୟ ହାସଲ କରିଛି । ତେବେ ଉଭୟ ଦଳର ଫ୍ୟାନ ଅଧିକ ରହିଥିବାବେଳେ ମ୍ୟାଚ ଆରମ୍ଭରୁ ଶେଷ ପର୍ଯ୍ୟନ୍ତ ଖେଳରେ ମଧ୍ୟ ରୋମାଞ୍ଚକ ଦେଖିବାକୁ ମିଳିଥିଲା । ତେବେ ଏହି ମ୍ୟାଚରେ ଆଗ୍ରେସିଭ୍ ମୁଡରେ ନଜର ଆସିଥିଲେ ଧୋନୀ । ଧୋନୀ ଏହି ମ୍ୟାଚରେ ୧୬ ବଲରୁ ୩୦ ରନର ପାଳି ଖେଳିଥିଲେ । ଏଥିରେ ୨ଟି ଛକା ଏବଂ ୨ଟି ଚୌକା ରହିଛି । ତେବେ କେବଳ କୁନାଲ ପାଣ୍ଡ୍ୟାଙ୍କ ଓଭରରେ ହିଁ ୨ଟି ଯାକ ଛକା ମାରିଥିବା ଦେଖିବାକୁ ମିଳିଥିଲା ।

ତେବେ କୁନାଲଙ୍କ ବଲରେ ଧୋନୀ ୨ଟି ଛକା ମାରିଥିବାବେଳେ ସେ ଏହା ବଦଲା ନେଇଛନ୍ତି ବୋଲି ଫ୍ୟାନ୍ସମାନେ ସୋସିଆଲ ମିଡିଆରେ ଦାବି କରିବା ସହ ବିଭିନ୍ନ ପୋଷ୍ଟ କରୁଥିବା ଦେଖିବାକୁ ମିଳିଛି । ତେବେ ଧୋନୀ ଯେତେବେଳେ ମଇଦାନକୁ ଆସିଥିଲେ ସେତେବେଳକୁ ପ୍ରାୟ ଚେନ୍ନାଇ ହାତରୁ ମ୍ୟାଚ ଚାଲି ଯାଇଥିଲା । ଧୋନୀ ୯ ନମ୍ବରରେ ବ୍ୟାଟିଂ ଆସିଥିବାବେଳେ ଏକ ରୋମାଞ୍ଚକର ପାଳି ଖେଳିଥିଲେ । ତେବେ ଧୋନୀ ବ୍ୟାଟିଂ କରୁଥିବାବେଳେ କୁନାଲ ପାଣ୍ଡ୍ୟା ପ୍ରଥମ ବଲଟି ବିଟ୍ କରିଥିଲେ । ଏହାପରେ ଦ୍ବିତୀୟ ବଲରେ ଏକ ବାଉନ୍ସର ମାରିଥିଲେ । ସ୍ପିନର ମାନେ ପ୍ରାୟତଃ ବାଉନ୍ସର ମାରିନଥାନ୍ତି । ତେବେ କୁନାଲ ବାଉନ୍ସର ମାରିଥିବାବେଳେ ଧୋନୀଙ୍କ ବ୍ୟାଟିଂ ସମୟରେ ସମସ୍ତେ ଚାହିଁଥିଲେ । ଆଉ ଏହାପରେ ଧୋନୀ କୁନାଲଙ୍କୁ ଉଚିତ୍ ଜବାବ ଦେଇଥିବା ଦେଖିବାକୁ ମିଳିଥିଲା । ସେ କୁନାଲଙ୍କ ଓଭରରେ ୨ଟି ଛକା ଏବଂ ଗୋଟିଏ ଚୌକା ମାରିଥିଲେ ।

ଭୁବନେଶ୍ୱର ଆଚାର୍ଯ୍ୟ ବିହାର ଓଭର ବ୍ରିଜ ଉପରେ ଭୟଙ୍କର ଦୁର୍ଘଟଣା

ଭୁବନେଶ୍ବର: ଭୁବନେଶ୍ୱର ଆଚାର୍ଯ୍ୟ ବିହାର ଓଭର ବ୍ରିଜ ଉପରେ ଭୟଙ୍କର ଦୁର୍ଘଟଣା । ଦୁର୍ଘଟଣା ସମୟର ଏକ  ଭିଜୁଆଲ ସାମ୍ନାକୁ ଆସିଛି। ଟ୍ରକ ସହ ଦାମୀ ଅଡି କାର ମଧ୍ୟରେ ହୋଇଛି ଭୟଙ୍କର ଦୁର୍ଘଟଣା । ଦୁର୍ଘଟଣାରେ ଅଡି କାର ସାମ୍ନା ସମ୍ପୂର୍ଣ୍ଣ ଭାଙ୍ଗିଯାଇଛି। ସମସ୍ତ ଏୟାର ବେଲୁନ ବାହାରି ଯାଇଛି। ସୌଭାଗ୍ୟ ବଶତଃ ସୁରକ୍ଷା ବେଲୁନ ପାଇଁ ଚାଳକଙ୍କୁ ଅଧିକ କ୍ଷତି ପହଞ୍ଚିନାହିଁ। ଗାଡିଟି ଖଣ୍ଡଗିରି ଅଞ୍ଚଳର ବୋଲି ଜଣାପଡିଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ କରିବା ସହ ଆହତ ଚାଳକଙ୍କୁ ହସ୍ପିଟାଲ ପଠାଇଛି ।

ଚେନ୍ନାଇକୁ ୫୦ ରନରେ ପରାସ୍ତ କଲା ଆରସିବି

ଚେନ୍ନାଇ: ଆଜି ଆଇପିଏଲରେ ଚେନ୍ନାଇ ବିପକ୍ଷରେ ୫୦ ରନରେ ବିଜୟ ହାସଲ କରିଛି ଆରସିବି । ୧୯୭ ରନର ଟାର୍ଗେଟକୁ ପିଛା କରିବାକୁ ଯାଇ ଚେନ୍ନାଇ ୮ ଓ୍ବିକେଟ ହରାଇ ୧୪୬ ରନ୍ ସଂଗ୍ରହ କରିବାକୁ ସକ୍ଷମ ହୋଇଥିଲା । ମହେନ୍ଦ୍ର ସିଂହ ଧୋନୀ ୩୦ ରନ କରି ଶେଷ ପର୍ଯ୍ୟନ୍ତ ଅପରାଜିତ ଥିଲେ । ଦଳ ପକ୍ଷରୁ ରଚିନ୍ଦ୍ର ରବିନ୍ଦ୍ର ସର୍ବାଧିକ ୪୧ ରନ୍ ସଂଗ୍ରହ କରିଥିଲେ । ମଧ୍ୟମକ୍ରମ ବ୍ୟାଟ୍ସମ୍ୟାନଙ୍କ ଦୁର୍ବଳତା ଦଳର ବ୍ୟାଟିଂ ବିପର୍ଯ୍ୟର କାରଣ ସାଜିଥିଲା । ଓପନର ରାହୁଲ ତ୍ରିପାଠୀ ୫, ଅଧିନାୟକ ଋତୁରାଜ ଗାଏକ୍ବାଡ ୦ ଓ ଦୀପକ ହୁଡା ୪ ରନ୍ କରିବା ଦଳ ପାଇଁ ମହଙ୍ଗା ସାବ୍ୟସ୍ତ ହୋଇଥିଲା । ଆରସିବି ପକ୍ଷରୁ ଜୋସ ହାଜଲେଉଡ ସର୍ବାଧିକ ୩ଟି ଓ୍ବିକେଟ ଅକ୍ତିଆର କରିଥିବା ବେଳେ ୟଶ ଦୟାଲ ଓ ଲିଆମ ଲିଭିଂଷ୍ଟୋନ ୨ଟି ଲେଖାଏଁ ଓ୍ବିକେଟ ନେଇଥିଲେ ।

ଏହା ପୂର୍ବରୁ ଆରସିବି ଅଧିନାୟକ ରଜତ ପାଟୀଦାରଙ୍କ ଅର୍ଦ୍ଧଶତକୀୟ ଇନିଂସ ବଳରେ ୭ ଓ୍ବିକେଟ ହରାଇ ୧୯୬ ରନ୍ ସଂଗ୍ରହ କରିଥିଲା । ଅନ୍ୟମାନଙ୍କ ମଧ୍ୟରେ ଫିଲିପ ସଲ୍ଟ ୩୨, ବିରାଟ କୋହଲି ୩୧ ରନ୍ ସଂଗ୍ରହ କରିଥିଲେ । ଟିମ୍ ଡେଭିଡ ୮ଟି ବଲରୁ ୨୨ ରନ୍ ସଂଗ୍ରହ କରିଥିବା ବେଳେ ଦେବତତ୍ତ ପାଡିକଲ ୧୪ଟି ବଲରୁ ୨୭ ରନ୍ ସଂଗ୍ରହ କରିଥିଲେ । ଦଳର ପ୍ରାରମ୍ଭିକ ବ୍ୟାଟିଂ ଭଲ ରହିବା ଫଳରେ ଦଳ ଏକ ବଡ଼ ସ୍କୋର କରିବାକୁ ସକ୍ଷମ ହୋଇଥିଲା । ଚେନ୍ନାଇ ପକ୍ଷରୁ ନୁର ଅହମଦ ସର୍ବାଧିକ ୩ଟି ଓ୍ବିକେଟ ହାସଲ କରିଥିବା ବେଳେ ମାଥିଶା ପାଥିରଣା ୨ଟି, ଖଲିଲ ଅହମଦ ୨ଟି ଓ ରବିଚନ୍ଦ୍ରନ ଅଶ୍ବିନ ୧ଟି ଓ୍ବିକେଟ ଅକ୍ତିଆର କରିଥିଲେ ।

ଆଉଟସୋର୍ସିଂ କର୍ମଚାରୀଙ୍କ ସ୍ଥାୟୀ ନିଯୁକ୍ତି ନେଇ ପୁଣି ସମୟ ମାଗିଲେ ସରକାର

ଭୁବନେଶ୍ବର: ଆଉଟସୋର୍ସିଂ କର୍ମଚାରୀଙ୍କ ସ୍ଥାୟୀ ନିଯୁକ୍ତି ନେଇ ପୁଣି ସମୟ ମାଗିଲେ ସରକାର । ଆଜି ବିଧାନସଭା ପ୍ରକୋଷ୍ଠରେ ଓଡ଼ିଶା ସରକାରୀ ଆଉଟସୋର୍ସିଂ କର୍ମଚାରୀ ମହାସଂଘର ୧୦ ଜଣିଆ ପ୍ରତିନିଧିଙ୍କ ସହ ଆଇନମନ୍ତ୍ରୀ ପୃଥ୍ବୀରାଜ ହରିଚନ୍ଦନ ଆଲୋଚନା କରିଛନ୍ତି । ପ୍ରାୟ ଦେଢ଼ଘଣ୍ଟା ଧରି ଚାଲିଥିବା ଆଲୋଚନାରେ ଛଟେଇ ବନ୍ଦ କରିବାକୁ ସରକାର ମହାସଂଘକୁ ପ୍ରତିଶ୍ରୁତି ଦେଇଛନ୍ତି । ଏହାସହିତ ସ୍ଥାୟୀ ନିଯୁକ୍ତି ନେଇ ସରକାର ବିଭିନ୍ନ ଦିଗକୁ ଅନୁଧ୍ୟାନ କରୁଥୁବା ପ୍ରତିନିଧିମଣ୍ଡଳୀ ସଦସ୍ୟଙ୍କୁ ଜଣାଇଥିବା କହିଛନ୍ତି ମହାସଂଘ ଅଧ୍ୟକ୍ଷ । ଆଉଟସୋର୍ସିଂ କର୍ମଚାରୀଙ୍କ ଦାବି ପୂରଣ ନେଇ ଏକ ମନ୍ତ୍ରୀସ୍ତରୀୟ କମିଟି ଗଠନ କରାଯାଇଛି । ଏଣିକି ନିୟମିତ ଭାବେ କମିଟି ମହାସଂଘ ସହ କର୍ମଚାରୀଙ୍କ ବିଭିନ୍ନ ଦାବି ସମ୍ପର୍କରେ ଆଲୋଚନା କରିବ । ଆଲୋଚନା ପରେ ସ୍ଥାୟୀ ନିଯୁକ୍ତି ଦେବା ନେଇ ସରକାର ପ୍ରତିଶ୍ରୁତି ଦେଇଥିବା ମହାସଂଘ କହିଛି । ଗତ ୨୬ ତାରିଖରୁ ସାରା ରାଜ୍ୟରୁ ହଜାର ହଜାର କର୍ମଚାରୀ ଆନ୍ଦୋଳନରୁ ଓହ୍ଲାଇଥିଲେ ।..