ନନ୍ଦିଘୋଷ ବ୍ୟୁରୋ: ବରମୁଣ୍ଡା ପଡ଼ିଆରେ ଆୟୋଜିତ ତିନିଦିନିଆ ମତ୍ସ୍ୟ ଓ ପ୍ରାଣି ସମାବେଶର ଶୁଭାରମ୍ଭ ହୋଇଛି। ଚାଷୀଙ୍କ ଆୟ ଦୁଇଗୁଣା କରିବା ଉଦ୍ଦେଶ୍ୟରେ ଚାଷ କ୍ଷେତ୍ରକୁ ପ୍ରୋତ୍ସାହନ ଦେବାକୁ ଏହି ସମାବେଶ ଜରିଆରେ ଉଦ୍ୟମ ହୋଇଛି। ବିଶେଷ କରି ମାଛ ଚାଷ, କୁକୁଡ଼ା ଚାଷ, ଗୋପାଳନ ଚାଷ ଆଡ଼କୁ ଲୋକେ କିପରି ଆକର୍ଷିତ ହେବେ, ଚାଷୀ ସହ କୃଷି ଉଦ୍ୟୋଗୀ ହୋଇପାରିବେ, ଏଥିପାଇଁ ସରକାରଙ୍କ ଯୋଜନା, ବୈଷୟିକ ସହାୟତା, ନୂଆ ନୂଆ ଟେକ୍ନୋଲୋଜିର ସହାୟତା, ମହିଳା ଚାଷୀଙ୍କ ପାଇଁ ଅଧିକ ସବସିଡ଼ି ବ୍ୟବସ୍ଥା ବାବଦରେ ସମାବେଶରେ ବିସ୍ତୃତ ତଥ୍ୟ ଦିଆଯାଇଛି। ତିନିଦିନ ଧରି ଚାଲିବାକୁ ଥିବା ଏହି ସମାବେଶରେ ବିଭିନ୍ନ ଚାଷର ଜ୍ଞାନ କୌଶଳ ବାବଦରେ ଅଧିକ ଜାଣିବା ପାଇଁ ପ୍ରାୟ ୨୦୦ଟି ଷ୍ଟଳ ଖୋଲାଯାଇଛି। ବିଭାଗୀୟ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ. ଖାଦ୍ୟ ମନ୍ତ୍ରୀ କୃଷ୍ଣ ଚନ୍ଦ୍ର ପାତ୍ର, ବିଭାଗୀୟ ଅଧିକାରୀଙ୍କ ଉପସ୍ଥିତିରେ ସମାବେଶ ଆରମ୍ଭ ହୋଇଥିବା ବେଳେ ସଫଳ ଚାଷୀମାନଙ୍କୁ ମଧ୍ୟ ସମ୍ମାନିତ କରାଯାଇଛି।
ମାନ୍ଦାବସ୍ଥା ଆଡ଼କୁ ଗଲାଣି ଦେଶ, ୧୭୧ ଲକ୍ଷ ୭୮ ହଜାର କୋଟିରେ ପହଞ୍ଚିଲାଣି ଋଣବୋଝ
ନନ୍ଦିଘୋଷ ବ୍ୟୁରୋ: ଋଣରେ ବୁଡ଼ିଲାଣି ଦେଶ। ଏ କଥା ସଂସଦରେ ସ୍ବୀକାର କରିଛନ୍ତି କେନ୍ଦ୍ର ସରକାର । ୨୦୧୯-୨୦ରୁ ୨୦୨୩-୨୪ ଭିତରେ ଦେଶର ମୋଟ ଋଣ ପରିମାଣ ୧୭୧ ଲକ୍ଷ କୋଟି ବୋଲି କେନ୍ଦ୍ର ସରକାର ମାନିଛନ୍ତି । ବିଶେଷଜ୍ଞଙ୍କ କହିବା କଥା, ଋଣ କରିବାରେ ଅସୁବିଧା ନାହିଁ । କିନ୍ତୁ ଯଦି ଋଣ ପରିଶୋଧ ପରିମାଣ ବେଶୀ ହେବ, ତାହେଲେ ବିକାଶମୂଳକ କାମ ପାଇଁ ଅର୍ଥର ଅଭାବ ଦେଖାଦେବ। କେନ୍ଦ୍ର ସରକାରଙ୍କ ତଥ୍ୟ ଅନୁଯାୟୀ, ଏବେ ମାସିକ ଋଣ ବାବଦ ସୁଧ ଗଣିବାରେ ଯାଉଛି ୧୦ ଲକ୍ଷ କୋଟିରୁ ଅଧିକ । ସ୍ଥିତି ଏମିତି ହେଲାଣି ଯେ, ଉଭୟ କେନ୍ଦ୍ର ଓ ରାଜ୍ୟ ସରକାର ଧୀରେ ଧୀରେ ରାଜସ୍ବ ନିଅଣ୍ଟ ଆଡ଼କୁ ମୁହାଁଇଲେଣି ।
ଧୀରେ ଧୀରେ ମାନ୍ଦାବସ୍ଥା ଆଡ଼କୁ ଗଲାଣି ଦେଶ । ଋଣବୋଝ ବଢ଼ି ୧୭୧ ଲକ୍ଷ ୭୮ ହଜାର କୋଟିରେ ପହଞ୍ଚିଲାଣି । ସଂସଦରେ ଏଭଳି ତଥ୍ୟ ରଖିଛନ୍ତି ଖୋଦ କେନ୍ଦ୍ର ଅର୍ଥ ରାଷ୍ଟ୍ରମନ୍ତ୍ରୀ ପଙ୍କଜ ଚୌଧୁରୀ । ଏପଟେ କେନ୍ଦ୍ର ଋଣ ବାବଦରେ ମାସିକ ସୁଧ ଗଣୁଛି ୧୦ ଲକ୍ଷ ୬୪ ହଜାର କୋଟି । ଭିତ୍ତିଭୂମି ବିକାଶ ପାଇଁ ଋଣ କରିବା ଖରାପ ନୁହେଁ । କିନ୍ତୁ ପରିଶୋଧ ପରିମାଣ ଯଦି ଅଧିକ ହେବ, ତାହେଲେ ଏହା ଅର୍ଥନୀତି ପ୍ରତି ବିପଦ ଆଣିବ । ବିଶେଷଜ୍ଞଙ୍କ ଅଭିଯୋଗ, ସଂସଦରେ ତଥ୍ୟ ରଖିବା ବେଳେ ଅର୍ଥ ରାଷ୍ଟ୍ରମନ୍ତ୍ରୀ ୨୦୨୪-୨୫ର ତଥ୍ୟ ରଖିନାହାନ୍ତି । ଚଳିତ ଆର୍ଥିକ ବର୍ଷକୁ ମିଶାଇଲେ ଏହି ଋଣ ପରିମାଣ ୨୦୦ ଲକ୍ଷ କୋଟି ଟପିବ । ଯାହାକି ଏଫ୍ଆର୍ବିଏମ୍ ଆଇନର ଉଲ୍ଲଂଘନ । ୨୦୨୫-୨୬ ଆର୍ଥିକ ବର୍ଷ ବଜେଟର ଋଣ ଏକ ଚତୁର୍ଥାଂଶ ଋଣ ଦ୍ବାରା ପାଣ୍ଠି ସଂଗ୍ରହ କରାଯିବ । ବିତ୍ତୀୟ ପରିଚାଳନା ଆଇନ ମୁତାବକ, କେନ୍ଦ୍ର ସରକାର ଅଭିବୃଦ୍ଧିର ୬୦ ପ୍ରତିଶତ ଭିତରେ ଋଣକୁ ସୀମିତ ରଖିବା କଥା । ଏହି ସୀମା ଅତିକ୍ରମ କରିଥିଲେ ବି କେନ୍ଦ୍ର ସରକାର ଜାଣିଶୁଣି ତଥ୍ୟ ଲୁଚାଇଛନ୍ତି । ବଡ଼ କଥା ହେଉଛି, ଋଣ ସହିତ କେନ୍ଦ୍ର ସରକାରଙ୍କ ରାଜସ୍ବ ନିଅଣ୍ଟ ମଧ୍ୟ ହୋଇଛି । ଯାହାକି ଦେଶ ପାଇଁ ଆଦୌ ଶୁଭଙ୍କର ନୁହେଁ ।
୨୦୦୫-୦୬ରୁ ଓଡ଼ିଶା ରାଜସ୍ବ ବଳକା ରାଜ୍ୟ ହୋଇଆସିଛି । କିନ୍ତୁ ଡବଲ ଇଞ୍ଜିନ ସରକାରର ପ୍ରଥମ ବର୍ଷ ବଜେଟରେ ଋଣ ପରିମାଣ ଏତେ ହେଲାଣି ଯେ, ଧୀରେ ଧୀରେ ରାଜସ୍ବ ନିଅଣ୍ଟ ଆଡ଼କୁ ମୁହାଁଇଲାଣି ରାଜ୍ୟ ଅର୍ଥନୀତି । ୨୦୩୬ ସୁଦ୍ଧା ରାଜ୍ୟର ଅର୍ଥନୀତି ୫୦୦ ବିଲିୟନ୍ ଡଲାର ହେବ । ଏ ନେଇ ଗତକାଲି ବିଧାନସଭାରେ ରାଜ୍ୟପାଳଙ୍କ ଅଭିଭାଷଣ ଜରିଆରେ ରାଜ୍ୟ ସରକାର ଜଣାଇଛନ୍ତି । କିନ୍ତୁ ଏହା ବାସ୍ତବତାଠୁ ବହୁ ଦୂରରେ । କାରଣ ଏଥିପାଇଁ ବାର୍ଷିକ ରାଜ୍ୟର ଅଭିବୃଦ୍ଧି ୧୫ରୁ ୧୭ ପ୍ରତିଶତ ହେବା ଦରକାର । କିନ୍ତୁ ଏବେ ସରକାର ଟାର୍ଗେଟ୍ ରଖିଛନ୍ତି ୧୦ରୁ ୧୧ ପ୍ରତିଶତ ଅଭିବୃଦ୍ଧି । ଏପରି ହେଲେ ୨୦୩୬ ବେଳକୁ ରାଜ୍ୟ ମାତ୍ର ୩୦୦ ବିଲିୟନ୍ ଡଲାର ଓ ୨୦୪୭ ବେଳକୁ ୧.୫ ଟ୍ରିଲିୟନ ବଦଳରେ ମାତ୍ର ୯୦୦ ବିଲିୟନ୍ ଡଲାରରେ ପହଞ୍ଚିଥିବ । ଗୁରୁତ୍ବପୂର୍ଣ୍ଣ କଥା ହେଉଛି, ଓଡ଼ିଶା ବି ଧୀରେ ଧୀରେ ରାଜସ୍ବ ନିଅଣ୍ଟିଆ ସ୍ଥିତିକୁ ମୁହାଁଉଛି। କାରଣ ନିକଟରେ ଷଷ୍ଠ ଅର୍ଥ କମିଶନଙ୍କ ଗସ୍ତବେଳେ ମୁଖ୍ୟମନ୍ତ୍ରୀ କେନ୍ଦ୍ର ଟିକସରୁ ଓଡ଼ିଶା ପାଇଁ ରାଜଭାଗ ନ ବଢ଼ିଲେ ହସ୍ତାନ୍ତର ପୂର୍ବ ରାଜସ୍ବ ନିଅଣ୍ଟ ୯ ଲକ୍ଷ ୮୮ ହଜାର ୪୨୨ କୋଟି ହେବ ବୋଲି ଦର୍ଶାଇଛନ୍ତି। ଏହାର ଅର୍ଥ ରାଜ୍ୟ ଏବେଠୁ ରାଜସ୍ବ ନିଅଣ୍ଟିଆ ସ୍ଥିତି ଦେଖିଲାଣି ବୋଲି ଅଭିଯୋଗ ହୋଇଛି।
ଦେଶର ଅର୍ଥନୀତି ଏତେ ଟ୍ରିଲିୟନ୍ ସେତେ ଟ୍ରିଲିୟନ୍ ଛୁଇଁବ ବୋଲି କୁହାଯାଉଛି । ଗୋଟିଏ କଥା ସତ, ଋଣ ବୋଝ ବଢି ବଢିଚାଲିଛି । ରୋଜଗାର ସଙ୍କୁଚିତ ହେଉଥିବା ବେଳେ, ସବୁ ଜିନିଷର ଦରଦାମ ମଧ୍ୟ ଅହେତୁକ ଭାବେ ବଢିଚାଲିଛି ।
ଓଡ଼ିଆ ଅସ୍ମିତା ପ୍ରସଙ୍ଗରେ ସରକାରଙ୍କୁ ଅରୁଣଙ୍କ ସମାଲୋଚନା
ନନ୍ଦିଘୋଷ ବ୍ୟୁରୋ: ଓଡ଼ିଆ ଅସ୍ମିତା ପ୍ରସଙ୍ଗରେ ସଂସ୍କୃତି ମନ୍ତ୍ରୀ ସୂର୍ଯ୍ଯବଂଶୀ ସୂରଜଙ୍କୁ ବିଜେଡି ବରିଷ୍ଠ ବିଧାୟକ ଅରୁଣ ସାହୁଙ୍କ ସମାଲୋଚନା। କହିଲେ, ଓଡ଼ିଶାରେ ସାଧାରଣ ନିର୍ବାଚନ ସରିଛି। ବିଜେପି ଗୃହ ବାହାରେ ଓ ଭିତରେ କହୁଛନ୍ତି ଓଡ଼ିଆ ଅସ୍ମିତାର ବିଜୟ ହୋଇଛି। ଓଡ଼ିଆ ଅସ୍ମିତାର ଅର୍ଥ କଣ ପଚାରିବାରୁ କହିଲେ ମୁଁ । ତେବେ ଓଡ଼ିଆ ଅଭିଧାନରେ ଏହି ଶବ୍ଦର ଅର୍ଥ ହେଉଛି ଅଂହକାର। ବିଜେଡିକୁ ଯେଉଁ ୪୦% ଭୋଟ ମିଳିଲା ସେମାନେ କଣ ଅସ୍ମିତା ବୁଝି ପାରିଲେନି ବୋଲି କହିଛନ୍ତି ଅରୁଣ। ବିଜେପି ଓଡ଼ିଆ ଅସ୍ମିତାର ବ୍ୟାଖ୍ୟା କରିବାକୁ କହିଥିଲି। ହେଲେ ସେ କହିଲେ କାଗଜରେ ଲେଖି ହେବନି। ଟିଭି ପରଦାରେ ବ୍ୟାଖ୍ୟା କରିବା। ହେଲେ ଲେଖି କାହିଁକି ପାରିବନି ବୋଲି କହିଛନ୍ତି ଅରୁଣ। ଛତିଶଗଡ ବନ୍ଧ ବାନ୍ଧି ପାଣି ଅଟକାଇଛି. ପୋଲାଭରମ ନେଇ କେନ୍ଦ୍ର ଅର୍ଥ ଦେଇଛି।
ଏହି ପ୍ରକଳ୍ପ ହେଲେ ମାଲକାନଗିରି ବୁଡି ଯିବ। ସେ ସବୁ ସ୍ଥାନରେ ଓଡ଼ିଆ ଅସ୍ମିତା କୁଆଡେ ଗଲା ? କେନ୍ଦ୍ର ଅନୁଦାନ ହ୍ରାସ କରୁଛି। ଏଠାରେ ଓଡ଼ିଆ ଅସ୍ମିତା କୁଆଡେ ଗଲା।ଏ ସମସ୍ତ ପ୍ରଶ୍ନର ଉତ୍ତର ଦେବାକୁ ସରକାର ବାଧ୍ୟ ବୋଲି କହିଥିଲେ ଅରୁଣ ସାହୁ। ଓଡ଼ିଶାର ୧୪୭ ନିର୍ବାଚନ ମଣ୍ଡଳୀରେ ଯେଉଁଠି ସବୁ ମନ୍ଦିର ଅଛି, ନବୀନ ପଟ୍ଟନାୟକ ମୁଖ୍ୟମନ୍ତ୍ରୀ ଥିବା ସମୟରେ ପ୍ରଚୁର ଅନୁଦାନ ଦିଆଯାଇଥିଲା। ଓଡ଼ିଆ ବିଶ୍ଵବିଦ୍ୟାଳୟ କରାଗଲା। ତେଣୁ ଏହି ଅସ୍ମିତାର ବ୍ୟାଖ୍ୟା କଣ ସରକାର ଉତ୍ତର ରଖିବା କଥା ବୋଲି କହିଛନ୍ତି ଅରୁଣ ସାହୁ। ସେପଟେ ଅରୁଣ ପ୍ରଶ୍ନରେ ଜବାବ ରଖିଛନ୍ତି ମନ୍ତ୍ରୀ ସୂର୍ଯ୍ଯବଂଶୀ ସୂରଜ। କହିଛନ୍ତି, ବିଧାୟକ ଅରୁଣ ସାହୁଙ୍କ ମୋ ଠାରୁ ଅଧିକ ଜ୍ଞାନ ଓ ଅଭିଜ୍ଞତା ରହିଛି। ଓଡ଼ିଆ ଅସ୍ମିତାକୁ ଯଦି ବ୍ୟାଖ୍ୟା କରିବା, ଏହା କେବଳ କାଗଜରେ ଲେଖିବା ସମ୍ଭବ ନୁହେଁ। ଓଡ଼ିଆ ଭାଷା ଓ ସଂସ୍କୃତିରେ ରହିବା ହେଉଛି ଓଡ଼ିଆ ଅସ୍ମିତା। ଭବିଷ୍ୟତ ଖୋଜିବା ଏହି ଅସ୍ମିତା। ଅସ୍ମିତା ଆଧାରରେ ସରକାର ଗଠନ ହୋଇଛି। ଏହା ରାଜନୈତିକ ପ୍ରସଙ୍ଗ ନୁହଁ। ପ୍ରତି ଓଡ଼ିଆର ଭାବାବେଗ ସହ ଏହା ଜଡିତ। ଅସ୍ମିତା ସଂକୁଚିତ ବିଷୟ ବସ୍ତୁ ନୁହେଁ। ଅସ୍ତିତ୍ୱ ପ୍ରଦର୍ଶନ କରିବା ହିଁ ଅସ୍ମିତା ବୋଲି କହିଛନ୍ତି ମନ୍ତ୍ରୀ।
ଛେଳି ଚରାଉଛନ୍ତି ଜାତୀୟ ସ୍ତରରେ ୪୫ ପଦକ ବିଜେତା ଦେବୀ ସିଂ
ନନ୍ଦିଘୋଷ ବ୍ୟୁରୋ: କିଏ ଘରେ ରହି ଛେଳି ଚରାଉଛନ୍ତି ତ କିଏ ଶ୍ରମିକ କାର୍ଯ୍ୟ କରି ପେଟ ପୋଷୁଛନ୍ତି। ଜାତୀୟ ସ୍ତରରେ ୪୫ ପଦକ ବିଜେତା ହେଉଛନ୍ତି ଦେବୀ ସିଂ। ସେ ଛେଳି ଚରାଉଛନ୍ତି। ନିୟମ ଥିଲେ ବି ଆବେଦନ କରିଥିଲେ ବି ତାଙ୍କୁ ଚାକିରୀ ମିଳୁନାହିଁ। ଏଭଳି ବହୁ ଭରୋତ୍ତୋଲକ ସାମ୍ବାଦିକ ସମ୍ମିଳନୀ କରି ସରକାରଙ୍କ ନିକଟରେ ଚାକିରୀ ପାଇଁ ନିବେଦନ କରିଛନ୍ତି। ୨୦୧୭ ରୁ ୨୧ ମଧ୍ୟରେ ଭାରୋତ୍ତୋଲକ ମାନେ ଚାକିରୀ ପାଇଛନ୍ତି। କିନ୍ତୁ ୨୦୨୧ ପରଠୁ ୧୩ ଜଣ ମେଡାଲିଷ୍ଟ ଚାକିରୀ ପାଇନାହାନ୍ତି।ସେଥିମଧ୍ୟରୁ ୧୨ ଜଣ ଚାକିରୀ ପାଇଁ ଆବେଦନ କରିଛନ୍ତି।
୨୦୧୫ ରୁ ସରକାରଙ୍କ ଯୋଜନା ଅନୁଯାୟୀ ୨୬ ଟି ଖେଳରେ ଜାତୀୟ ପ୍ରତିଯୋଗିତାରେ ପଦକ ପ୍ରାପ୍ତ ଖେଳାଳିଙ୍କୁ ଓଡିଶା ପୋଲିସରେ ଗ୍ରୁପ ସି ଓ ଗ୍ରୁପ ଡି ରେ ନିଯୁକ୍ତି ବ୍ୟବସ୍ଥା ରହିଛି। ସେଥିରେ ପାୱାର ଲିଫଟିଂ ଅନ୍ୟତମ। ଏପରିକି ୯ ଜଣଙ୍କୁ ପୋଲିସ ଏଡିଜି ଚାକିରି ପାଇଁ ଡକାଇଥିଲେ। ଅଧିକାରୀଙ୍କ ସନ୍ଦେହ ହେବା ଯୋଗୁ ଭେରିଫିକେସନ ପାଇଁ ପଠାଇଥିଲେ। ଯାହାକି ଆଜି ଯାଏ ପେଣ୍ଡିଙ୍ଗ ଅଛି। ରାଜ୍ୟରେ ଅନେକ ଜାତୀୟ ଅନ୍ତର୍ଜାତୀୟ ଖେଳାଳି ସୃଷ୍ଟି ହୋଇଛନ୍ତି। ଖେଳର ପ୍ରମୋସନ ପାଇଁ ପୋଲିସର ଗ୍ରୁପ ସି ଓ ଡି ରେ ଚାକିରୀ ଦେବା ପାଇଁ ନିଷ୍ପତ୍ତି ହୋଇଥିଲା।
କିନ୍ତୁ ଏଭଳି ଜାତୀୟ ସ୍ତରର ଖେଳାଳିଙ୍କୁ ବିନା କାରଣରେ ତିନି ବର୍ଷ ଧରି ଝୁଲାଇ ରଖିବା ଗ୍ରହଣୀୟ ନୁହେଁ । ଖେଳାଳିଙ୍କ ମନୋବଳ ଭାଙ୍ଗି ଗଲାଣି। ପାୱାର ଲିଫଟିଂର କଣ ସମସ୍ୟା ହୋଇଛି ସରକାର ବୁଝନ୍ତୁ ଓ ସମାଧାନ କରନ୍ତୁ। ଏ ନେଇ ହାଇକୋର୍ଟ ଯାଇଛୁ। କେଶ ଏନଲିଷ୍ଟଡ଼ ହୋଇଛି। ଅନ୍ତର୍ଜାତୀୟ ପାୱାର ଲିଫଟିଂ ଫେଡରେସନ ଦ୍ୱାରା ପଞ୍ଜିକୃତ ପିଆଇ ବା ପାୱାରଲିଫଟିଂ ଇଣ୍ଡିଆ। ତେଣୁ ଏହି ଖେଳାଳି ମାନେ ଚାକିରୀ ପାଇବାକୁ ହକଦାର। ତୁରନ୍ତ ଚାକିରୀ ଦେବାକୁ ଦାବି କଲେ ଭରୋତ୍ତୋଳକ। ବାରମ୍ବାର କ୍ରୀଡା ବିଭାଗକୁ ଦୌଡ଼ି ଦୌଡ଼ି କିଛି ଫଳପ୍ରଦ ହୋଇନାହିଁ। ତେଣୁ ଦୁଃଖ ଶୁଣିବାକୁ ନିବେଦନ କରିଛନ୍ତି ମେଡାଲିଷ୍ଟ। ସରକାରଙ୍କ ନିଦ ଭାଙ୍ଗୁ ବୋଲି ଦାବି କରାଯାଇଛି।
ମହାକୁମ୍ଭକୁ ବଦନାମ କରୁଥିବା ଲୋକଙ୍କ ବିରୁଦ୍ଧରେ ପୋଲିସର ବଡ଼ କାର୍ଯ୍ୟାନୁଷ୍ଠାନ
ନନ୍ଦିଘୋଷ ବ୍ୟୁରୋ : ମହାକୁମ୍ଭକୁ ବଦନାମ କରୁଥିବା ଲୋକଙ୍କ ବିରୁଦ୍ଧରେ ପୋଲିସ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଭ୍ରମ ଏବଂ ମିଛ ଭିଡିଓ ପୋଷ୍ଟ କରି ଗୁଜବ ପ୍ରସାର କରୁଥିବା ୫୪ଟି ସୋସିଆଲ ମିଡିଆ ଆକାଉଣ୍ଟ ବିରୋଧରେ ପୋଲିସ ଏଫଆଇଆର ରୁଜୁ କରିଛି। ପୋଲିସ ଲୋକମାନଙ୍କୁ ଫେକ୍ ଭିଡିଓ ଏବଂ ମିଛି ଖବର ପୋଷ୍ଟ ନକରିବାକୁ ନିବେଦନ କରିଛି।
ପୋଲିସ ତଦନ୍ତରୁ ଜଣାପଡିଛି ଯେ ମହାକୁମ୍ଭକୁ ବଦନାମ କରିବା ପାଇଁ, କିଛି ଫେକ୍ ଆକାଉଣ୍ଟରୁ କିଛି ଭିଡିଓ ପୋଷ୍ଟ କରାଯାଇଥିଲା । ଯାହାର କି ମହାକୁମ୍ଭ ସହିତ କୌଣସି ସମ୍ପର୍କ ନାହିଁ । ଯେମିତି କି, ମିଶରରେ ଘଟିଥିବା ଅଗ୍ନିକୁ ମହାକୁମ୍ଭର ଅଗ୍ନିକାଣ୍ଡ ଘଟିଥିବା କୁହାଯାଉଥିଲା । ଏହି ମାମଲାରେ, ୫ଟି ଇନଷ୍ଟାଗ୍ରାମ ଆକାଉଣ୍ଟ, ଗୋଟିଏ ଏକ୍ସ ଆକାଉଣ୍ଟ ଏବଂ ଗୋଟିଏ ୟୁଟ୍ୟୁବ୍ ଚ୍ୟାନେଲ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। କେବଳ ଏତିକି ନୁହେଁ, ପାଟନା ଭିଡିଓକୁ ମହାକୁମ୍ଭର ବୋଲି ଦାବି କରୁଥିବା ୭ଟି ଫେସବୁକ୍ ଏବଂ ୮ଟି X ଆକାଉଣ୍ଟ ବିରୁଦ୍ଧରେ FIR ରୁଜୁ କରାଯାଇଛି।
ଉତ୍ତର ପ୍ରଦେଶ ପୋଲିସ ପୂର୍ବରୁ ମଧ୍ୟ ଭମ୍ରକାରୀ ପୋଷ୍ଟ କରୁଥିବା ଲୋକଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା । ଏପର୍ଯ୍ୟନ୍ତ ୫୪ଟି ସୋସିଆଲ ମିଡିଆ ଆକାଉଣ୍ଟ ବିରୋଧରେ ଏଫଆଇଆର ରୁଜୁ ହୋଇଛି । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ନିର୍ଦ୍ଦେଶରେ, ୟୁପି ପୋଲିସ ସୋସିଆଲ ମିଡିଆ ଉପରେ କଡ଼ା ନଜର ରଖିଛି। ମହାକୁମ୍ଭକୁ ନେଇ ଫେକ୍ ପୋଷ୍ଟ କରନ୍ତୁ ନାହିଁ ବୋଲି ଡିଜିପି ଅନୁରୋଧ କରିଛନ୍ତି ।
ତାରକା ହୋଟେଲରୁ ଲୁଟ୍ ଘଟଣା: ଧରାପଡ଼ିଲା ଚତୁର ଲୁଟେରା ରିତେଶ ସିସୋଦିଆ
ନନ୍ଦିଘୋଷ ବ୍ୟୁରୋ: ମୈତ୍ରୀବିହାର ଥାନା ଅନ୍ତର୍ଗତ ତାରକା ହୋଟେଲରୁ ଲୁଟ୍ ଘଟଣା । ଧରାପଡ଼ିଲା ଚତୁର ଲୁଟେରା ରିତେଶ ସିସୋଦିଆ । ଗତ ଫେବୃଆରୀ ୨ ତାରିଖରେ ମୈତ୍ରୀବିହାର ଅଞ୍ଚଳରେ ଏକ ଡାକ୍ତର ଦମ୍ପତ୍ତିଙ୍କ ବିବାହ ଚାଲିଥିବା ବେଳେ ଚତୁରତାର ସହ ଲୁଟେରା ଜଣଙ୍କ ବରଯାତ୍ରୀରୁ ଆସିବା ଭଳି ଅଭିନୟ କରି ଷ୍ଟେଜ ଉପରେ ଚଢ଼ିବା ସହ ୧୦ ଲକ୍ଷ ଟଙ୍କାର ସୁନା ଅଳଙ୍କାର, ଦାମୀ ଗିଫ୍ଟ, ନଗଦ ଟଙ୍କା ଲୁଟି ନେଇଥିଲା । ଚୋରିର ଭିଡିଓ ସିସିଟିଭିରେ କଏଦ ହୋଇଥିଲା । ଉକ୍ତ ଚୋରି ଭିଡିଓ ଭାଇରାଲ ହେବା ସହ ଚୋରର ଫଟୋ ମଧ୍ୟ ସାମ୍ନାକୁ ଆସିଥିଲା । ଠିକ ସମାନ ଢଙ୍ଗରେ ପୁରୀରୁ ମଧ୍ୟ ଲୁଟ୍ ହୋଇଥିଲା । ବଡ଼କଥା ହେଉଛି କିଛିଦିନ ତଳେ ପୁରୀ ପୋଲିସ ଏହି ଅଭିଯୁକ୍ତ ଜଣଙ୍କୁ ଗିରଫ କରିଥିଲା । ଗତକାଲି ତାକୁ ଜାମିନ ମିଳିଯିବା ପରେ ମଧ୍ୟପ୍ରଦେଶ ଖସିଯିବା ବେଳେ ଷ୍ଟେସନ ନିକଟରୁ ଏହି କରିତକର୍ମା ଜଣଙ୍କୁ କାବୁ କରିନେଇଥିଲା କମିଶନରେଟ ପୋଲିସ । ମଧ୍ୟପ୍ରଦେଶ ଓ ଛତିଶଗଡ଼ ବର୍ଡରରେ ଥିବା ଏକ ଗାଁରେ କିଛିଲୋକ ସାରା ଦେଶରେ ଏଭଳି ବିବାହ ମଣ୍ଡପକୁ ଟାର୍ଗେଟ କରୁଥିବା ଜାଣିବା ପରେ ସ୍ପେଶାଲ ସ୍କ୍ଵାର୍ଡ ସେହି ସ୍ଥାନକୁ ଗସ୍ତ କରି ଅଭିଯୁକ୍ତ ସମ୍ପର୍କରେ ଜାଣିପାରିଥିଲା । ସେପଟେ ବିବାହ ବେଳେ ମଣ୍ଡପରେ ଲୋକେ ନିଜେ ସତର୍କ ରହିବାକୁ କମିଶନରେଟ୍ ପୋଲିସ ଅପିଲ କରିଥିବା ବେଳେ ସମ୍ପୃକ୍ତ ମଣ୍ଡପ ଓ ହୋଟେଲ ମାଲିକ ସୁରକ୍ଷା ବ୍ୟବସ୍ଥା ଉପରେ ଅଧିକ ନଜର ରଖିବାକୁ କହିଛନ୍ତି ଭୁବନେଶ୍ୱର ଡିସିପି ।
ସାତସୁରେ ବନ୍ଧା ଏ ଜୀବନ, ପ୍ରେମ ଦିବସରେ ପଢ଼ନ୍ତୁ ସଙ୍ଗୀତରୁ ଆରମ୍ଭ ହୋଇଥିବା ପ୍ରେମ
ନନ୍ଦିଘୋଷ ବ୍ୟୁରୋ: ଆଜି ପ୍ରେମ ପାଇଁ ଦିନଟିଏ । ପ୍ରେମ ଦେଖେନି ଜାତି, ଧର୍ମ, ଆଉ ବର୍ଣ୍ଣ ।ଯାହାର ନିଚ୍ଛକ ପ୍ରତିଛବି ଦେଖିବାକୁ ମିଳିଛି କେନ୍ଦ୍ରାପଡାର ଏହି ଦମ୍ପତିଙ୍କ କ୍ଷେତ୍ରରେ । କୁନି ଓ ଜଇରାମ ଦୁହେଁ ଭିନ୍ନକ୍ଷମ ଦୁହିଁଙ୍କ ଦୃଷ୍ଟିଶକ୍ତି ନାହିଁ । ଦୁହେଁ କଟକରେ ହେଉଥିବା ସଙ୍ଗୀତ କାର୍ଯ୍ଯକ୍ରମରେ ଗୀତ ଗାଉଥିବା ବେଳେ ସଙ୍ଗୀତର ସାତସୁରରେ ଦୁହେଁ ଦୁହିଁଙ୍କୁ ଭଲ ପାଇ ବସିଥିଲେ । ଏବଂ ନିଜ ଜୀବନକୁ ଗଢିଛନ୍ତି ।
ଆଜି ପ୍ରେମ ଦିବସ । ପ୍ରେମ ଦେଖେନି ଜାତି, ଧର୍ମ ଆଉ ବର୍ଣ୍ଣ । ଭଲପାଇବା ପାଇଁ ଗୋଟେ ସ୍ୱଚ୍ଛ ହୃଦୟ, ସ୍ୱଚ୍ଛ ମନ ହିଁ କାଫି । ଯେଉଁଠି କି ଏ ମନ କଥାକୁ କେବଳ ସେ ମନ ହିଁ ବୁଝିପାରୁଥିବ | ଚଳିବା ପାଇଁ ସିନା ଦୁଇ ମୁଠା ଦାନାର ଆବଶ୍ୟକ ଥାଏ, କିନ୍ତୁ ବଂଚିବା ପାଇଁ ଗୋଟେ ସ୍ୱଚ୍ଛ ହୃଦୟ ଥିବା ଜୀବନ ସାଥି ଟିଏ ଦରକାର । ଏଭଳି ୨ ପ୍ରେମ ପକ୍ଷୀ ହେଉଛନ୍ତି କୁନି ଏବଂ ଜଇରାମ । ହଁ ଆଜ୍ଞା, କୁନି ଏବଂ ଜଇରାମ ଦୁହେଁ ଭିନ୍ନକ୍ଷମ ଦୁହିଁଙ୍କ ଦୃଷ୍ଟିଶକ୍ତି ନାହିଁ । ଦୁହେଁ କଟକରେ ହେଉଥିବା ସଙ୍ଗୀତ କାର୍ଯ୍ଯକ୍ରମରେ ଗୀତ ଗାଉଥିବା ବେଳେ ସଙ୍ଗୀତର ସାତସୁରରେ ଦୁହେଁ ଦୁହିଁଙ୍କୁ ଭଲ ପାଇବସିଥିଲେ ।
ଜଇରମଙ୍କ ଘର ମୟୁରଭଞ୍ଜ ବାଙ୍ଗିରିପୋଷିରେ ହୋଇଥିବା ବେଳେ କୁନିଙ୍କ ଘର ଗୁଣୁପୁରରେ । ଦୁହେଁ କଟକରେ ଏକ ସଙ୍ଗୀତ କାର୍ଯ୍ଯକ୍ରମରେ ପ୍ରଥମ ଥରେ ଭେଟିଥିଲେ । ଦୁହେଁ ସିନା ଦୁହିଁଙ୍କୁ ଦେଖି ପାରୁନଥିଲେ କିନ୍ତୁ ମନ ମିଶିଯାଇଥିଲା ମନ ସହିତ | ତା ପରେ ଦୁହିଁଙ୍କର ବିବାହ ହୋଇଥିଲା । ବର୍ତ୍ତମାନ ତାଙ୍କର ବାହାଘରକୁ ୫ ବର୍ଷ ପୂରିଲାଣି । କୋଳରେ ୪ ବର୍ଷର କୁନି ଝିଅଟେ ବି ଅଛି । ଏବେ ବେଶ ଖୁସିରେ ଅଛନ୍ତି ଦୁହେଁ ।
ଚାଲିଲାନି ବ୍ୟାଟ୍ ତଥାପି ବଡ଼ ରେକର୍ଡ କଲେ ବାବର ଆଜମ
ନନ୍ଦିଘୋଷ ବ୍ୟୁରୋ: ପାକିସ୍ତାନର ପୂର୍ବତନ ଅଧିନାୟକ ତଥା ଷ୍ଟାର କ୍ରିକେଟର ବାବର ଆଜମ ଦିନିକିଆରେ ଏକ ବଡ଼ ରେକର୍ଡ କରିଛନ୍ତି । ଯଦିଓ ଯେଉଁ ମ୍ୟାଚରେ ସେ ଏହି ରେକର୍ଡ କରିଛନ୍ତି ତାଙ୍କ ବ୍ୟାଟ୍ ଶାନ୍ତ ରହିଥିଲା କିନ୍ତୁ ଏକ ବଡ଼ ରେକର୍ଡର ଅଧିକାରୀ ହୋଇଛନ୍ତି ବାବର । ନ୍ୟୁଜିଲାଣ୍ଡ ବିପକ୍ଷ ମ୍ୟାଚରେ ବାବର ମାତ୍ର ୨୯ ରନ କରିଥିଲେ । କିନ୍ତୁ ସେ ଦିନିକିଆରେ ଦୃତତମ ୬ହଜାର ରନ କରିବାର ରେକର୍ଡ ନିଜ ନାମରେ କରିଛନ୍ତି । ଏହି ତାଲିକାରେ ଶୀର୍ଷରେ ରହିଥିଲେ ହାସିମ ଆମଲା । ସେ ୧୨୩ ପାଳିରୁ ୬ ହଜାର ରନ ପୂରଣ କରିଥିବାବେଳେ ଏବେ ଏହି ରେକର୍ଡ ନିଜ ନାମରେ କରିଛନ୍ତି ବାବର ଆଜମ । ସେପଟେ ତୃତୀୟ ସ୍ଥାନରେ ରହିଛନ୍ତି ବିରାଟ, ସେ ୧୩୬ ପାଳିରେ ଏହି ରେକର୍ଡ କରିଥିବାବେଳେ ଚତୁର୍ଥ ସ୍ଥାନରେ କେନ ଓ୍ବିଲିୟମସନ ଏବଂ ପଞ୍ଚମରେ ରହିଛନ୍ତି ଡେଭିଡ୍ ଓ୍ବାର୍ଣ୍ଣର ।
ତେବେ ବାବରଙ୍କୁ ଏହି ରନ କରିବା ପାଇଁ ମାତ୍ର ୧୦ ରନ ଆବଶ୍ୟକ ରହିଥିଲା । ମାତ୍ର ସେ ୨୯ ରନ କରିଥିବାବେଳେ ଏହି ରେକର୍ଡର ଅଧିକାରୀ ହୋଇଛନ୍ତି । କିନ୍ତୁ ପାକିସ୍ତାନର ପ୍ରାରମ୍ଭିକ ବ୍ୟାଟ୍ସମ୍ୟାନମାନେ ବାରମ୍ବାର ନିରାଶ କରୁଛନ୍ତି । ଆଗକୁ ଚାମ୍ପିୟନ୍ସ ଟ୍ରଫି ଖେଳାଯିବାକୁ ଯାଉଛି । ଆଉ ଏଭଳି ବ୍ୟାଟିଂ ଦଳକୁ ବହୁ ବିପର୍ଯ୍ୟୟ ସାମନା କରିବ ବୋଲି କ୍ରିକେଟ ବିଶେଷଜ୍ଞମାନେ ମତ ଦେଇଛନ୍ତି ।
ବିଜେବି କଲେଜକୁ ମିଳିଲା ନାକ୍-ଏ ଗ୍ରେଡ ମାନ୍ୟତା
ନନ୍ଦିଘୋଷ ବ୍ୟୁରୋ: ପ୍ରତିଷ୍ଠିତ ଶିକ୍ଷାନୁଷ୍ଠାନ ବିଜେବି କଲେଜକୁ ମିଳିଲା ନାକ୍-ଏ ଗ୍ରେଡ ମାନ୍ୟତା। ନାକ୍ ମାନ୍ଯତା ପାଇବା ପରେ କଲେଜ ପରିସରରେ ଉତ୍ସବର ପରିବେଶ। ଲଗାତାର ତୃତୀୟ ଥର ପାଇଁ ଏ-ଗ୍ରେଡ ହାସଲ କରିବା ଅତ୍ୟନ୍ତ କଷ୍ଟସାଧ୍ୟ ଥିଲା। କିନ୍ତୁ ଏହା ହାସଲ କରିବା ପରେ ଏହାକୁ ଐତିହାସିକ ମୁହୂର୍ତ୍ତ ବୋଲି କଲେଜ ପକ୍ଷରୁ କୁହାଯାଇଛି। ବର୍ତ୍ତମାନ ନାକ ମାନ୍ୟତା ନିୟମ ପରିବର୍ତ୍ତନ ହୋଇଥିବା ବେଳେ ସରକାରୀ କଲେଜରେ ଏ ଗ୍ରେଡ ମାନ୍ୟତା ପାଇବା ବହୁତ କଷ୍ଟ। ଏବେ ବିଜେବି କଲେଜକୁ ବିଶ୍ୱବିଦ୍ୟାଳୟ ମାନ୍ୟତା ପାଇଁ ଉଦ୍ୟମ ଚାଲିଛି। ନାକ ଏ ଗ୍ରେଡ ପାଇଁ ବହୁ ଉଦ୍ୟମ ହୋଇଥିଲା। ସମସ୍ତଙ୍କ ଉଦ୍ୟମ ଫଳରେ ହୋଇପାରିଛି ବୋଲି କୁହାଯାଇଛି। ବର୍ଷେ ଧରି ମାନ୍ୟତା ପାଇଁ ବହୁ ଉଦ୍ୟମ ହୋଇଛି। ଠିକ ଭାବେ ଏସଏସଆର ସବମିଟ ପାଇଁ ଉଦ୍ୟମ ହୋଇଛି। ନାକ ଟିମ ଆସି ଅନୁଧ୍ୟାନ କରିବା ପରେ ଏହି ମାନ୍ୟତା ମିଳିଛି। ଏ ଗ୍ରେଡ ପାଇବା ପାଇଁ ଏବେ ମାର୍କ ପଦ୍ଧତିରେ ପରିବର୍ତ୍ତନ ହୋଇଛି। ତେଣୁ ଏ ଗ୍ରେଡ ପାଇ ବହୁତ ଖୁସି ବ୍ୟକ୍ତ କରିବା ସହ ଛାତ୍ରଛାତ୍ରୀ ମାନଙ୍କୁ ଗୁଣାତ୍ମକ ଶିକ୍ଷା ଓ କଲେଜର ଭିତ୍ତିଭୂମି ଆହୁରି ବଢାଇବାକୁ ଉଦ୍ୟମ କରାଯିବ ବୋଲି କୁହାଯାଇଛି। ସେପଟେ ଛାତ୍ରଛାତ୍ରୀ ମାନେ ବାଣ ଫୁଟାଇ ନାଚି ଗାଇ ଖୁସି ମନାଇଛନ୍ତି।
ଅଟକାଇପାରିଲେନି ବାପା, ଚାହୁଁ ଚୁାହୁଁ ଡେଇଁ ପଡ଼ିଲା ପୁଅ
ନନ୍ଦିଘୋଷ ବ୍ୟୁରୋ: ବାପା ଆଗରେ ଜଳଭଣ୍ଡାରକୁ ଡେଇଁପଡ଼ିଲା ପୁଅ । ପଛରେ ଆସି ମଧ୍ୟ ପୁଅକୁ ଅଟକାଇପାରିଲେନାହିଁ ବାପା । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି କୋରାପୁଟ ଜିଲ୍ଲା ସୁନାବେଡ଼ା ଜାତୀୟ ରାଜପଥ ଟିମ୍ଭର ବ୍ରିଜ ନିକଟରେ । ଜଳ ଭଣ୍ଡାରକୁ ଡେଇଁ ନିଖୋଜ ଯୁବକ କୋରାପୁଟ ଜାନିଗୁଡ଼ାର ମଦନ ଜାନି । ନିଖୋଜ ଯୁବକଙ୍କୁ ଖୋଜାଖୋଜି ଜାରି ରଖିଛି ସିମିଳିଗୁଡ଼ା ଅଗ୍ନିଶମ ବାହିନୀ । ଘଟଣାସ୍ଥଳରେ ସୁନାବେଡ଼ା ପୋଲିସ ଉପସ୍ଥିତ । ମଦନ ହାଲରେ ସିକ୍ୟୁରିଟି ଭାବେ କାର୍ଯ୍ୟ କରନ୍ତି । ସେ ସ୍କୁଟି ଯୋଗେ ଚିକାପାରରୁ ଫେରୁଥିଲେ । ପୁଅ ପଛେ ପଛେ ବାପା ଏକ ବାଇକ ଯୋଗ ପୁଅକୁ ବଞ୍ଚେଇବାକୁ ଯାଉଥିଲେ । ବାପା ପୁଅକୁ ଅଟକେଇବା ପୂର୍ବରୁ ପୁଅ ମଦନ ବ୍ରିଜ ତଳକୁ ଡେଇଁ ପଡ଼ିଥିଲେ । ଯୁବକ ଜଣକ ଜଳଭଣ୍ଡାରକୁ ଡେଇଁବାର୍ କାରଣ ଅସ୍ପଷ୍ଟ ।