ଅଲମ୍ପିକ୍ସରେ କ୍ରିକେଟକୁ ଅନ୍ତର୍ଭୁକ୍ତ କରିବା ଏକ ସ୍ବାଗତଯୋଗ୍ୟ ପଦକ୍ଷେପ: ନୀତା ଅମ୍ବାନୀ

ମୁମ୍ବାଇ: ଅଲମ୍ପିକ୍ସରେ କ୍ରିକେଟକୁ ଅନ୍ତର୍ଭୁକ୍ତ କରାଯାଇଛି । ୧୨୮ ବର୍ଷ ପରେ କ୍ରିକେଟକୁ ଅଲମ୍ପିକ୍ସରେ ସ୍ଥାନ ମିଳିଛି । ତେବେ ଏହାକୁ ନେଇ ନିଜୟ ପ୍ରତିକ୍ରିୟା ରଖିଛନ୍ତି ଆଓସି ସଦସ୍ୟ ନୀତା ଅମ୍ବାନୀ । ସେ କହିଛନ୍ତି କି, ଅଲିମ୍ପିକ୍ସରେ କ୍ରିକେଟକୁ ଅନ୍ତର୍ଭୁକ୍ତ କରାଯିବା ଏକ ଖୁସି ଖବର । ଏବେ ବିଶ୍ବରେ କ୍ରିକେଟର କ୍ରେଜ ରହିଥିବାବେଳେ ନୂଆ ମେମ୍ବର ଯୋଡ଼ି ହେବେ । କ୍ରିକେଟକୁ ବିଶ୍ବର ଅଧିକାଂଶ ପ୍ରଂଶସକ ପସନ୍ଦ କରନ୍ତି । କ୍ରିକେଟ କେବଳ ଏକ ଖେଳ ନୁହେଁ ଏହା ଏକ ଧର୍ମ । ସର୍ବଭାରତୀୟସ୍ତରରେ ଏହାର ଢ଼େର ଚାହିଦା ରହିଛି । ଭାରତର ପ୍ରଥମ ମହିଳା ଭାବେ ଆଓସି ସଦସ୍ୟ ରହିଛନ୍ତି ନୀତା । ସେ କ୍ରିକେଟକୁ ଅଲିମ୍ପିକ୍ସରେ ଅନ୍ତର୍ଭୁକ୍ତ କରାଯିବା ନେଇ ଭୋଟ ମଧ୍ୟ ଦେଇଥିବା କହିଛନ୍ତି । ଇତିହାସରେ ଦ୍ବିତୀୟଥର ଲାଗି ଭାରତରେ ଆଇଓସି ଅଧିବେଶନ ଅନୁଷ୍ଠିତ ହୋଇ ୪୦ ବର୍ଷ ପରେ ଦେଶକୁ ଫେରୁଛି । ଅଲମ୍ପିକ୍ସରେ କ୍ରିକେଟକୁ ଅନ୍ତର୍ଭୁକ୍ତ କରାଯାଇଥିବାବେଳେ ଏଲଏ ଏବଂ ଆଓସିକୁ ଧନ୍ୟବାଦ ଜଣାଇଛନ୍ତି ନୀତା । ସେ ଏକ ଭିଡିଓ ପୋଷ୍ଟ କରି ଧନ୍ୟବାଦ ଜଣାଇଛନ୍ତି ।

ତେବେ କହି ରଖୁଛୁ କି, ପୂର୍ବରୁ ମଧ୍ୟ ଆପଣ ଦେଖିଥିବେ କି, ନୀତାଙ୍କର କ୍ରିକେଟ ପ୍ରତି ଥିବା ଦୁର୍ବଳତା । ବିଶ୍ବର ସବୁଠାରୁ ଧନୀ କ୍ରିକେଟ ଲିଗ ଆଇପିଏଲରେ ସେ ମୁମ୍ବାଇ ଇଣ୍ଡିଆନ୍ସର ମାଲିକାଣୀ ଅଟନ୍ତି । ମ୍ୟାଚ ସମୟରେ ପଡ଼ିଆରେ ରହି ଖେଳ ଦେଖିବା ସହ ଖେଳାଳିଙ୍କ ଉତ୍ସାହିତ କରିବା ପାଇଁ ପହଞ୍ଚଥାନ୍ତି ନୀତା ।

୨୦୨୮ ମସିହାରେ ଆମେରିକାର ଲସ ଆଞ୍ଜେଲସରେ ଅଲିମ୍ପିକ୍ସରେ ଅନୁଷ୍ଠିତ ହେବାକୁ ଯାଉଛି । କ୍ରିକେଟ ସହ ୫ଟି ନୂଆ ଖେଳକୁ ଅନ୍ତର୍ଭୁକ୍ତ କରାଯାଉଛି । ତେବେ କ୍ରିକେଟରେ ଟି-୨୦ ମ୍ୟାଚ ଅନୁଷ୍ଠିତ ହେବ । ଏଥିରେ ୬ଟି ଟିମ ଭାଗ ନେବେ । ଆମେରିକା ଆୟୋଜନ କରୁଥିବାବେଳେ ଭାଗ ନେବ । ଅନ୍ୟ ୫ଟି ଟିମ ଏଥିରେ ଭାଗ ନେବ ବୋଲି କୁହାଯାଉଛି ।

୧୨୮ ବର୍ଷ ପରେ ଅଲମ୍ପିକ୍ସରେ କ୍ରିକେଟ୍ ସାମିଲ ହେବାକୁ ଯାଉଛି । ପ୍ରଥମ ଓ ଶେଷଥର ପାଇଁ ୧୯୦୦ ପ୍ୟାରିସ ଅଲମ୍ପିକ୍ସରେ କ୍ରିକେଟ୍ ସ୍ଥାନ ପାଇଥିଲା । ଏଥିରେ ଦୁଇଟି ଟିମ୍ ଅଂଶଗ୍ରହଣ କରିଥିଲେ । ଇଂଲଣ୍ଡ ଓ ଫ୍ରାନ୍ସ ମଧ୍ଯରେ ଦୁଇଦିନିଆ ଟେଷ୍ଟ୍ ମ୍ୟାଚ ଅନୁଷ୍ଠିତ ହୋଇଥିଲା । ଯେଉଁଥିରେ ୧୨ ଜଣ ଖେଳାଳୀ ଫିଲ୍ଡିଂ କରିଥିଲେ । ଇଂଲଣ୍ଡ୍, ଫ୍ରାନ୍ସକୁ ପରାସ୍ତ କରି କ୍ରିକେଟରେ ଅଲମ୍ପିକ୍ସ ମେଡାଲ ହାତେଇଥିଲା । ତେବେ ଏହି ମ୍ୟାଚକୁ କେବେ ମଧ୍ଯ ଫାଷ୍ଟକ୍ଲାସ କ୍ରିକେଟର ମାନ୍ୟତା ମିଳିନଥିଲା ।

ତେବେ ପୁଣିଥରେ ଆନ୍ତର୍ଜାତୀୟ ଅଲିମ୍ପିକ୍ କମିଟି (ଆଇଓସି) ୨୦୨୮ ଲସ୍ ଆଞ୍ଜେଲସ୍ ଅଲିମ୍ପିକ୍ସ ପାଇଁ କ୍ରିକେଟ୍ ଅନୁମୋଦନ କରିଛି। ଆଇଓସି ସଭାପତି ଥୋମାସ ବାକ୍‌ ଏହା ଘୋଷଣା କରିଛନ୍ତି। ଏହି ଅଲମ୍ପିକ୍ସରେ ମୋଟ ୫ଟି ନୂଆ ଖେଳ ସାମିଲ କରିବାକୁ ଆୟୋଜକମାନେ ପ୍ରସ୍ତାବ ଦେଇଥିଲେ । ଏହି ୫ଟି ଖେଳ ହେଉଛି ବେସବଲ୍, ସଫଟବଲ, ଫ୍ଲାଗ୍ ଫୁଟବଲ୍, ସ୍କ୍ବାସ, ଲାକ୍ରୋଜ୍ ଓ କ୍ରିକେଟ୍ । ଏବଂ ଏହି ସମସ୍ତ ପ୍ରସ୍ତାବକୁ ଗ୍ରହଣ କରାଯାଇଛି । ଏସବୁ କ୍ରୀଡ଼ା ସାମିଲ ହେବା ପରେ ଅଲମ୍ପିକ ଆମେରିକା ଓ ବିଶ୍ବର ନୂଆ ଆଥଲେଟ୍ ଓ ପ୍ରସଂଶକଙ୍କ ନିକଟରେ ପହଞ୍ଚିବ ।