କେନ୍ଦ୍ର ଗୃହ ରାଷ୍ଟ୍ରମନ୍ତ୍ରୀ ଅଜୟ ମିଶ୍ରାଙ୍କ ବଢ଼ୁଛି ଅଡୁଆ; ରାହୁଲ କହିଲେ କ୍ରିମିନାଲ ମନ୍ତ୍ରୀଙ୍କୁ ତୁରନ୍ତ ବାହାର କର

ନୂଆଦିଲ୍ଲୀ: ସଂସଦରୁ ସଡ଼କ ପର୍ଯ୍ୟନ୍ତ ସବୁଠି ସଂଗ୍ରାମ । ଲକ୍ଷ୍ନୌ ଲଢ଼େଇକୁ ନେଇ ଦିଲ୍ଲୀରେ ଦଙ୍ଗଲ ଜାରି । ହରଡ଼ଘଣାରେ କେନ୍ଦ୍ରମନ୍ତ୍ରୀ ଅଜୟ ମିଶ୍ରା ଟେନି । ଲଖିମପୁର ଚାଷୀ ହତ୍ୟା ମାମଲାର SIT ତଦନ୍ତ ରିପୋର୍ଟ ଆସିବା ପରେ ୟୁପିରୁ ଦିଲ୍ଲୀ ପର୍ଯ୍ୟନ୍ତ ଜାରି ରହିଛି ହଙ୍ଗାମା । ଅଜୟ ମିଶ୍ରାଙ୍କ ଇସ୍ତଫା ଦାବିରେ ସଂସଦରେ ବିରୋଧୀଙ୍କ ଜୋରଦାର ବିରୋଧ ପ୍ରଦର୍ଶନ କରିଛନ୍ତି । କ୍ରିମିନାଲ ମନ୍ତ୍ରୀଙ୍କୁ ତୁରନ୍ତ ବହିଷ୍କାର କରିବାକୁ ଗୃହରେ ଦାବି କରିଛନ୍ତି କଂଗ୍ରେସ ସାଂସଦ ରାହୁଲ ଗାନ୍ଧୀ । ଅଜୟ ମିଶ୍ରାଙ୍କୁ ନେଇ ସରକାର ବ୍ୟାକଫୁଟରେ ଥିବା ବେଳେ ୟୁପି ବିଧାନସଭାରେ ବି ଯୋଗୀ ସରକାରଙ୍କୁ ଘେରିଛନ୍ତି ବିରୋଧୀ।

We should be allowed to speak about the murder that was committed in Lakhimpur Kheri, where there was an involvement of the Minister & about which it has been said that it was a conspiracy. The Minister who killed farmers should resign and be punished: Rahul Gandhi in Lok Sabha pic.twitter.com/Q4nq5aEZRH

— ANI (@ANI) December 16, 2021

ଚାଷୀଙ୍କୁ ଯୋଜନାବଦ୍ଧ ହତ୍ୟା କରିଥିବା ଅଭିଯୁକ୍ତର ବାପାଙ୍କୁ ବହିଷ୍କାର କରିବା ଦାବିରେ ସମାଜବାଦୀ ପାର୍ଟି ଓ କଂଗ୍ରେସ ପକ୍ଷରୁ ହଙ୍ଗାମା କରାଯାଇଛି । ହେଲେ ପୁଅର କାରନାମା ପାଇଁ ବାପାଙ୍କୁ ମନ୍ତ୍ରୀ ପଦରୁ ବହିଷ୍କାର କରିବା ମୁଡରେ ନାହାନ୍ତି କେନ୍ଦ୍ର ସରକାର । ମାମଲା କୋର୍ଟରେ ବିଚାରାଧୀନ ରହିଛି ବୋଲି ପୂର୍ବରୁ ସଂସଦୀୟ ବ୍ୟାପାର ମନ୍ତ୍ରୀ ପ୍ରହଲ୍ଲାଦ ଜୋଶୀ କହିଥିଲେ। ଅନ୍ୟପଟେ ପୂରା ମାମଲାର ତଦନ୍ତ କରୁଥିବା ସ୍ୱତନ୍ତ୍ର ଟିମ୍ ଦାଖଲ କରିଥିବା ରିପୋର୍ଟରେ କେନ୍ଦ୍ରମନ୍ତ୍ରୀଙ୍କ ପୁଅଙ୍କୁ ଯୋଜନାବଦ୍ଧ ହତ୍ୟାକାରୀ ଦର୍ଶାଇଥିଲା। ଏହାପରେ ମନ୍ତ୍ରୀଙ୍କ ପୁଅକୁ ବଞ୍ଚାଇବାର ରାଜ୍ୟ ସରକାରଙ୍କ ସବୁ ଉଦ୍ୟମ ଫେଲ ମାରିଛି ।